Tirana dje...sot dhe ...nesër!

[Agim Doçi]

Tirana Dje....

Rrugët, bulevardet në mes të qytetit
shtruar pllaka - pllaka në kohë të Italisë
Ngriheshin madhështore zyrat e pushtetit
Ballë përballë sterronin zyrat e Partisë!

Nuk kaloje dot nëpër trotuaret
se ta bënin "psst!"...ishte e ndaluar(!)
Sharrë e Shtish Tufinë parcelat me varret...
Gjysmën e qytetit kishin spiunuar.

Oficerë të ngrysur, plot operativë
njerëz që vraponin rrugëve pa gdhirë
gjyhë zyrtare "labçia", mishi me tallon
spiunë vullnetarë, buka me racion!...

Autobuzë të shqyer, goja qelbej gjizë,
vajza bukuroshe që s'kishin haber
çfarë është deodoranti, endrrave vënë vizë
Anë e kënd parulla: "Rroftë shoku Enver!"

Nëpër mure skuqnin shkrime aq tragjike
"Jini vigjilentë!"...; "...armiku punon!"
"Nafta gjaku i zi!"..., "Rroftë Kina mike!"
Burgjet mbushur plot, jeta me tallon(!)

Menxat e puntorëve pihej ujë me brrokë!
Margarina luks, vaji me racion!
Ligja 55 si skifter mbi kokë
Shkruar nëpër mure: “Kllasa edukon!”

Populli festonte me aq shumë “gëzim”
Festat e Partisë, festat e nëntorit
Dilnim që pa gdhirë në parakalim
Me surrat-zgërdhirë – para Diktatorit!

Iknin vitet shkonin, nè brenda kafazit.
skllevër të Partisë, robër të Enverit!
Armiqt rreth e rrotull plasnin prej marazit
Shqipëria shkëmb nën Dritë të Fenerit…

Ishim zemër pula, ishim lepurusha
Askujt nuk ia mbante, që të çelte gojën
Komb pa dinjitet, shefa veshllapusha
Që të nxinin jetën, e të merrnin bojën!!!

Shkruanin gazetat, vu Radio Tirana:
“Novatorët e shquar, e shpikën traktorin!”
Dikush vriste vehten me 4 – 5 plumba
Nè s’na zinte gjumi kurrë për Diktatorin!

“S’kishte gjumë Partia! S’kishte gjumë Enveri!” …*
“Frynte erë e malit si grykë maliheri!…”……………*
Popull frikacak që nuk flinte gjumë
Jeta një batak – gjithandej piunë!!!

Kjo ishte Tirana, kryeqyteti ynë
“Moj Parti e Punës, ty ta hangsha synë!”
Populli në këmbë, Partia në ballë
Ndaj e morra pendën, që tok të qajmë hallë!…


Shënim: TIRANA SOT tash po e shkruaj nesër!
Agimi

[Orion_DYRRAHU]

Une po pres vazhdimin e "Tirana Sot". Do vonoje dhe shume, apo do blere me autorizim?

[Shahu1]

bukur
sidomos e shkruar nga nje njohes i thelle
i asaj jete

[tironce4ever]

hey e drejte ato qe shkruan shpresoj qe se shpejti te lexojme tjetren

[Agim Doçi]

TIRANA SOT…

Rrugët, bulevardet anë e mbanë Tiranës
Shtrohen, regullohen veç prej Edi Ramës
Kioskat, dhe barakat që ishin buzë Lanës
Rruspat i rrafshuan, vanë në gropë të samës.

Pasi u mendova, se nga t’ja filloj
Thirra ca kujtime nga viti 90-të
Po shkruaj pa hile, askush mos dyshoj!
Të mbrosh të vërtetën – jo nuk është e lehtë!

U “përmbys dynjaja”, ikën dhe bllokmenët
Prona me sa mundi shkoj gjer tek pronari
Ikën sigurimsat erdhën qen bir qenët
U sulën mashtruesit me zhargon fshatari…

Luftë midis krahinash, luftë Jug e Veri
Çdo faqe gazete e kishte një klan
Pastaj u lejuan dyqint qoftexhi
Bënin konkurencë brenda në Tiran’...

Erdh dhjetor 90-ta, u ngritën studentat
Dridhej e përdridhej Ramiz Gënjeshtari.
“Duam pluralizëm!” - shkruanin gazetat
“Voice of America” dhe Azem Hajdari!

U mbushën tribunat me idealistë…
plot u mbushën sheshet mijra demokratë.
Burgjet mbushur plot me Nacionalistë
OKB-ja priste Ramizin shkër-dhatë…

Shkoj edhe çfarë tha, ai Ramiz Alija?
Në atë mexhlis foli pa kuptim:
« As mbyllur – as hapur, s’do jetë Shqipërija
Bile s’do jetë Lindje – s’do jetë Perëndim(!)”

Priste gjith atdheu, dridhej si në ethe
Tirana gumëzhinte u ndrru “qeverija”
Iku “Tao Tao”…Ramiz TOSIN gjete
Hajde “rinovim” po bante Partija!

Shkoj një qeveri dhe pastaj një tjetër
Iku një Fatos që na erdhi prapë(!)
Se Ramiz Alija ishte skile e vjetër
Nëntoka e Valiasit bënte Demonstratë!!!

Dridhej e përdridhej veç nga taksirati
Hoqi Nano 2 dhe ndrroj qeverinë
Vuri Ylli Bufin djalin e Sokratit
Dhe në mes të Tiranës, vu Hajdin Sejdinë.

Nisi “ko-qe-vari” të na bëj biznese
Me familjen Hoxha dhe Arben Alinë(!)
Ramiz Gënjeshtari bëri dy Kongrese
E ndërroj veç mbiemrin , mbajti Vazhdimsinë…

Foli i shqetsuar Dritero Poeti
Sesi Enver Hoxha na la veç gomarin.
Delegatët e Kuksit dhe ca nga bregdeti
e përzunë me shqelma Dritero shkrimtarin…

erdhi Marsi i dytë se “prilli i vrarë…”
U vra Arben Broci nga mjeshtrat e krimit!
U bë Xheli Gjoni Sekretarë i parë
Dhe Ramiz Alija – president i vlimit…

Nënat seç u thinjën, djemt po merrnin detin
Jo, Ramiz Alija se lshonte pushtetin!
Po e zgjidhi vota, shkuan komunistat!
Erdhi Leka Meksi tok me PD-istat.

U mblodh Parlamenti foli mazhoranca
Parti e Ramizit shkoj për me rrujt planca!
President votuan – herë e parë në botë
Namik Dokle morri në votim: - 1 Votë(!)

U gëzua kombi, në Xhami e Kisha
Bënë të gjithë bekimin: - rroftë Sali Berisha.
Rrap e zhgrap “motori” me emrin Shqypni
Ne kishim “pushtetin” – ata pasuri!



U çelën dhjetë tyrbe dhe dyqind xhami
Erdh’ korrik i parë, shkuam në votime
E humbi PD-ja – popull axhami
Pushtetin Lokal ia dhamë Partisë Krime...

Shkuan katër vite u çelën 8 firma
Mafia komuniste çdo gja kish në dorë!
U banë sigurimsat krye piramida
Bënte plane greku me „trimat“ në Vlorë !

I forcuan radhët veteran – prostatat
Nisi Gramoz Ruçi grevat, demonstratat(?)
Erdh 97-ta në të hyrë të marsit
U bë grusht i shtetit nga djal i Thanasit!

Dhe u p-ordh PD-ja, na u p-ordh dhe shteti
Mbeti vetëm Sala si kaposh gjel – deti.
Na morri jevgjitin e vu në qoshé(?)
Nisi Shqipërija një “epokë të Re”

Tek Shesh i Flamurit dilte Albert Shyti
Ligjin bënin bandat, ne shtërgonim rrypin.
Erdhi edhe Prodi, takoj Myrtezanë
Sali Ram Maloku – ta hëngsha hallvanë!…

Rodhën netë dhe ditë, u vra dhe pranvera(!)
Mullixhiu e dh-jeu, se e dh-jeu vjerra(!?)…
Kish sjellë Amerika si ambasadore
Miss Mariza Linon një femër leshtore!!…

Që na bëri vendin taman “lesh me qime”
Mbeti Shqipërija si k-urvat jetime!
Kush më parë t’ia fuste, kush më parë ta vidhte
Evropa pu-tanë, Salën nuk e pi-rdhte!

Ja pra sot Tirana çfarë porteti ka
Të vjedh Anastasi bashkë me gjithë vëlla!
Të vjedh qeverija që është në pushtet
Se nënë Shqipërija ka veç pis milet!



Po të ishte popull, siç e do zamani
Do ngrihej në këmbë, të tundej vatani!
Po kanë vdekur trimat, mbeti veç zagari…
Ku ta gjej një Burrë si Azem Hajdari !

[tironce4ever]

te lumte ...
agim ishte e perkryer skam cte te dhe ose te bej noi koment nuk ka nevoj fare per asgje

[Zani]

shume racizem kishte brenda,ko-qe-vari,labcja,maloku.po uniteti ku mbeti?

[Agim Doçi]

O ZANI!
Uniteti?!!!!!
E Kujt ia kërkon këtë ti? Mua?????????
Gimi

[Zani]

Jo mo Gimi c'ne ty
Puna eshte se nuk po marr vesh c'teme eshte kjo,humor,politike,letersi..apo patriotizem.Agim mos u tremb se po te akuzoj si komunist .Edhe sikur te ishe,une do te te doja njesoj hehehehe (larg qofte eee? )

[Shahu1]

gimo
pranoje qe je i cik komunist