Sondazhi tregon: Shqiptarët e duan “Shqipërinë e Madhe”

[fegi]

Sipas “Gallup International”, shumica e shqiptarëve në Ballkan e mbështesin bashkimin e trojeve të tyre në një “Shqipëri të Madhe”. Sondazhi i realizuar si pjesë e projektit “Balkan Monitor” tregoi se mbi 62 për qind e të anketuarve në Shqipëri, 81 për qind në Kosovë dhe 51.9 për qind e të anketuarve në Maqedoni mbështesin formimin e “Shqipërisë së Madhe” që nga shqiptarët preferohet të quhet “Shqipëria Etnike” apo “Shqipëria Natyrale”.

Në pyetjen e parashtruar në këtë anketë se “A do ta mbështetni personalisht idenë e Shqipërisë së Madhe”, shumica dërrmuese e të intervistuarve, rreth 95 për qind nga numri i përgjithshëm i të intervistuarve në të tri vendet, thanë se nëse krijohet një “Shqipëri e Madhe”, ajo duhet të përfshijë Shqipërinë, Kosovën dhe një pjesë të Maqedonisë.

Për “Shqipërinë e Madhe”, në bazë të këtyre rezultateve, në Shqipëri, 62.8 për qind janë pro, 29.7 për qind janë kundër, 4.4 janë përgjigjur “nuk e di” dhe 3.1 për qind kanë refuzuar të përgjigjen. Në Kosovë, situata duket më pro bashkimit, pasi 81 për qind e kanë përkrahur këtë ide, 12.6 për qind janë shprehur kundër dhe 2.9 për qind kanë “abstenuar”, ndërkaq 2.6 për qind nuk janë përgjigjur.

Surpriza e këtij sondazhi është Maqedonia, ku janë pyetur nëpërmjet sondazhit rreth 1.000 persona, prej të cilëve 66 për qind ishin maqedonas dhe 25.7 për qind ishin shqiptarë. Por idenë e bashkimit të trojeve shqiptare me Shqipërinë e kanë përkrahur 51.9 për qind e të intervistuarve, çka do të thotë se një pjesë e mirë e maqedonasve janë shprehur pro kësaj ideje. Ndërkaq 35.1 për qind e kanë kundërshtuar, 9.1 për qind janë përgjigjur se nuk e dinë dhe 3.7 për qind kanë refuzuar të japin mendimin e tyre.

Sipas sondazhit, mbështetja është shumë më e ulët për bashkimin e vetëm të Shqipërisë dhe Kosovës. Vetëm 33.7 për qind e të anketuarve në Shqipëri e kanë aprovuar këtë zgjidhje, ashtu si edhe 29.2 për qind në Kosovë dhe vetëm 7.2 për qind në Maqedoni.

Shumica e të anketuarve thanë se dyshojnë se unifikimi i të gjithë shqiptarëve etnikë në rajon do të ndodhë në një kohë të afërt. Ideja për bërjen e Shqipërisë brenda një vije kufitare ka një shekull që vazhdon të mbetet popullore në Kosovë, Serbi, Mal të Zi, Maqedoni dhe Greqi.

Edhe pse ideja e bashkimit të shqiptarëve në një shtet të vetëm vazhdon të jetë e njohur, liderët politikë shqiptarë në rajon janë të kujdesshëm për të ngritur çështjen e ndryshimeve të kufijve. Ata përpiqen ta ruajnë këtë ide, por vetëm si rajon i integruar në Bashkimin Evropian, atëherë kur shqiptarët do të jenë të bashkuar në një hapësirë evropiane pa kufij ose pa pengesa kombëtare. /Telegrafi/

[gimche]

Kjo është më së e qartë dhe mbaje mend nëse gjenerata jonë del e paaftë ta bëjë Shqipërinë e Madhe, atëherë Zoti do të bjerë njerëz tjerë që do të na zëvëndesojnë neve dhe ata do ta bëjnë. Është turp për neve nëse nuk e arrijmë këtë gjë, është turp përballë të parëve tanë, e poashtu edhe përballë gjeneratave të reja.

[Jamarber]

Asgja Nuk Vjen Prej Qielli,as Prej Te Huajve.shqiperrine Etnike Duhet Ta Bejme Ne Shqiptaret ,miqte E Kombit Tone Mundet Te Na Mbeshtesin Gradualishte.

[Jack Watson]

Nga Gazeta Standard

Sondazhi i Gallup: 62.8 për qind në Shqipëri dhe 81 për qind në Kosovë e mbështesin personalisht idenë e Shqipërisë Etnike. Surpriza, 51.9 për qind e banorëve të Maqedonisë, qofshin shqiptarë apo maqedonas e përkrahin këtë ide

Dëshira e shprehur së pari nga Naum Veqilharxhi duket se nuk ka reshtur kurrë së ekzistuari në mendjen e bashkëkombësve tanë. Realizimi i një shteti shqiptar, ku do të përfshiheshin të gjitha trojet shqiptare, gjen përkrahjen e pjesës më të madhe të shqiptarëve në Shqipëri, Kosovë dhe Maqedoni dhe, për surprizë, gjen përkrahje edhe nga maqedonasit. Të rinjtë janë më patriotë, në ndryshim nga grup-mosha mbi 55 vjeç, ndërsa Shqipëria e Mesme duket se “çalon” në krahasim me zonat e tjera të vendit. Këto janë rezultatet e sondazhit të kryer nga Gallup International dhe të publikuara pak ditë më parë, si pjesë e projektit ‘Balkan Monitor’.

Pro

Sondazhi që është kryer në të gjitha vendet e Ballkanit, në Shqipëri, Maqedoni dhe Kosovë ka pyetur të intervistuarit edhe mbi idenë e Shqipërisë Etnike, me pyetjen e formuluar: “A do ta mbështesnit personalisht idenë e Shqipërisë së Madhe”? Në bazë të këtyre rezultateve në Shqipëri, 62.8 për qind janë pro, 29.7 për qind janë kundër, 4.4 janë përgjigjur “nuk e di” dhe 3.1 për qind kanë refuzuar të përgjigjen.

Në Kosovë, situata duket më pro bashkimit, pasi 81 për qind e kanë përkrahur këtë ide, 12.6 për qind janë shprehur kundër dhe 2.9 për qind kanë “abstenuar”, ndërkaq 2.6 për qind nuk janë përgjigjur.

Surpriza e këtij sondazhi është Maqedonia, ku janë pyetur nëpërmjet sondazhit rreth 1000 persona, prej të cilëve 66 për qind ishin maqedonas dhe 25.7 për qind ishin shqiptarë. Por idenë e bashkimit të trojeve shqiptare me Shqipërinë e kanë përkrahur 51.9 për qind e të intervistuarve, çka do të thotë se një pjesë e mirë e maqedonasve janë shprehur pro kësaj ideje. Ndërkaq 35.1 për qind e kanë kundërshtuar, 9.1 për qind janë përgjigjur se nuk e dinë dhe 3.7 për qind kanë refuzuar të japin mendimin e tyre.

Nëse nesër do të kishte referendum

Nëse nesër do të kishte një referendum për bashkimin e Shqipërisë, Kosovës dhe trojeve shqiptare në Maqedoni, duket se përgjigjja do të ishte “PO”. Ndër ata që kanë mendim pozitiv dhe negativ, në Shqipëri referendumi do të triumfonte me raport 7:3, ose më saktë 67.9 për qind pro dhe vetëm 32.1 për qind do të votonin kundër bashkimit të trojeve shqiptare në një shtet.

Në Kosovë fitorja e bllokut pro do të ishte edhe më e thellë, pasi më shumë se 8 në 10 banorë të Kosovës do të votonin pro bashkimit. Në këtë mënyrë, sipas sondazhit të Gallup International, 86.3 për qind do të ishin pro bashkimit dhe vetëm 13.7 për qind do të votonin kundër. “Lufta” do të bëhej në Maqedoni, por çuditërisht edhe këtu, sipas sondazhit, do të fitonte “Po”-ja, pasi 59.7 për qind do të votonin pro dhe vetëm 40.3 për qind do të ishin kundër.

“Çalon” Shqipëria e Mesme

Sondazhi ka dhënë edhe rezultate mbi rajone të veçuara, duke treguar se cilat janë zonat që janë më shumë pro dhe cilat janë ato që e kundërshtojnë Shqipërinë Etnike. Në ndryshim nga sa mund të pritej, Shqipëria nuk ka ndonjë ndryshim Veri-Jug në këtë aspekt, por është Shqipëria e Mesme ajo që, ndonëse është pro, ka një numër të konsiderueshëm personash që e kundërshtojnë bashkimin.

Kështu, në Shqipërinë e Veriut, 68.5 për qind janë pro, përkundrejt vetëm 23.1 për qind kundër (74.8 dhe 25.2 ndër ata që kanë dhënë mendim), përafërsisht e njëjtë me Shqipërinë e Jugut, ku 65.6 për qind janë pro dhe 26.2 kundër (71.5:28.5). Ky hendek ndryshon kur vjen puna në Shqipërinë e Mesme ku vetëm 53.8 për qind janë shprehur pro Shqipërisë Etnike dhe 37.7 për qind janë shprehur kundër.

Në Maqedoninë Veriperëndimore që ka shumicë shqiptare, 66.5 për qind janë pro dhe 22.2 janë kundër, ndërsa në pjesën tjetër 34.3 për qind janë pro dhe 50.7 për qind janë kundër. Për sa u përket kryeqyteteve, ato nuk variojnë shumë nga njëra-tjetra. Në Tiranë 62.4 për qind janë shprehur pro dhe 30.6 për qind janë shprehur kundër, jo shumë larg perceptimit në Prishtinë ku 69.7 janë pro dhe 25 për qind janë kundër. Në Shkup 41.2 për qind janë shprehur pro, 8.8 për qind kundër, ndërsa 41.2 për qind kanë zgjedhur “Nuk e di”.

E ardhmja është bashkimi

Nëse do të shohim drejt së ardhmes, atëherë me siguri mund të themi që trendi është në rritje. Ndërkohë që 62.8 për qind janë pro Shqipërisë Etnike, më shumë se 70 për qind katapultohet kur vjen fjala tek individët nën 55 vjeç. Sipas sondazhit, të moshuarit nuk janë dhe aq të dhënë pas kësaj ideje, pasi në grup-moshat mbi 55 vjeç, vetëm 54.2 për qind janë pro bashkimit dhe 40.7 për qind janë kundër.

Në të kundërt, nëse nesër do të ishte një referendum, grup-mosha 15 me 24 vjeç do të votonte 72.2 për qind pro, ajo 25 me 39 vjeç, 71.3 për qind pro dhe personat ndërmjet 40 dhe 55 vjeç do të votonin 71.2 për qind pro.

Ky fenomen vërehet edhe në Maqedoni dhe në Kosovë, ku sa më e re është mosha e të intervistuarve, aq më pozitiv ndaj bashkimit kombëtar janë ata. Në të kundërt, moshat e mëdha duket se nuk janë dhe aq të dhëna pas kësaj ideje, ndoshta edhe për shkak të izolimit komunist që kanë pasur me pjesët e tjera të kombit tonë.

Trende të ndryshme

Por trendet se si ndryshon ky fenomen janë të ndryshme. Në krahasim me një vit më parë, duket se ka një rënie të lehtë të shqiptarëve të Shqipërisë që mbështesin bashkimin, pasi vjet përqindja ishte 70. Krejt e kundërta ndodh në Kosovë, ku vetëm dy vjet më parë, personat që ishin pro bashkimit ishin vetëm 54.7 për qind dhe vjet ishin 74 për qind, një trend rritjeje që u ruajt edhe këtë vit.

Surpriza me emrin Maqedoni, dy vitet e kaluara ishte në nivelin 13.9 dhe 13.6 pro idesë së bashkimit, shumë herë pra më poshtë se niveli prej 51 për qind që është sivjet në sondazhin e përvitshëm të Gallup International.

[Jack Watson]

Tabela më qartë ktu:

[PrisHtiNa-Lee]

62.8 për qind në Shqipëri dhe 81 për qind në Kosovë e mbështesin personalisht

19% e shqiptareve kosovar ç'ka jane ata qe nuk kane pranuar be dreqi i marr ho, serb jane apo ç'fare ??

Edhe kjo me çudit ne Shqiperi vetem 62.8% e mbeshtesin.

Mos valle keta ç'ka nuk kane pranuar do qohen ne protesta per te mos u bashkuar Shqiperia ??

[loneeagle]

sigurisht qe shqiptaret e vertet e deshirojne nje gje te tille por fatkeqsia e shqiperis jane vendet fqinje qe jane kombet me te poshtra qe ekzistojne edhe per kete arsya se besoj se nje dite do te shofim shqiperin e madhe.

[loneeagle]

19% e shqiptareve kosovar ç'ka jane ata qe nuk kane pranuar be dreqi i marr ho, serb jane apo ç'fare ??

Edhe kjo me çudit ne Shqiperi vetem 62.8% e mbeshtesin.

Mos valle keta ç'ka nuk kane pranuar do qohen ne protesta per te mos u bashkuar Shqiperia ??

mos u habit kam degjuar une qe thone qe kosovaret nuk jane shqiptare ka shume lloje kafshe qe e quajn veten shqiptare.

[Disa]

[QUOTE=fegi;2926273]Sipas “Gallup International”, shumica e shqiptarëve në Ballkan e mbështesin bashkimin e trojeve të tyre në një “Shqipëri të Madhe”.


Shqiperi Etnike.

[USA NR1]

sa me shpejt aq me mire