Udhezimi i OSBE, Imami: Ne ushtrine tone do te pranojme edhe homoseksualet

[Xhuxhumaku]

Udhezimi i OSBE, Imami: Ne ushtrine tone do te pranojme edhe homoseksualet

E martë, 16 Nentor 2010 11:09


Por që sot e tutje, Forcat e Armatosura shqiptare do të zbatojnë një udhëzim, i cili nuk lejon dënimin apo diskriminimin e personave me orientim të kundër seksual në radhët e ushtrisë. Një projekt i OSBE-së, i mbështetur edhe nga qeveria shqiptare, do të bëjë të mundur që ushtria shqiptare të ketë në gjirin e saj çfarëdo lloj individi dhe të "pranohet" pa u diskriminuar. Dje u zhvillua në Tiranë Konferenca Kombëtare mbi "Të Drejtat e Njeriut dhe Liritë Themelore të Personelit të Forcave të Armatosura Shqiptare". Ministri i Mbrojtjes, Arben Imami, garantoi se ky udhëzues, i hartuar nga OSBE-ja dhe me praktikën më të mirë perëndimore, do të zbatohet tërësisht. "Botimi i këtij udhëzuesi, besoj se krijon hapësirë të plotë për të diskutuar mbi aspekte konkrete për shumë problematika në lidhje me respektimin e të drejtave të njeriut dhe konsolidimin më të ndërgjegjësuar të çështjeve të ndryshme si: të drejtat civile e politike, barazia dhe mosdiskriminimi, por gjithashtu edhe shumë çështje të rëndësishme të rekrutimit, kushteve të punës dhe karrierës. Ne angazhohemi plotësisht që ky udhëzues, i cili përcakton më së miri respektimin e të drejtave dhe lirive të njeriut në uniformë si pjesë e një shoqërie të lirë e të emancipuar, të mos mbetet vetëm një projekt në letër, por të marrë jetë për të përmbushur misionin për të cilin ai është hartuar", tha Imami. Ministri tha se ky udhëzues do të fillojë zbatimin në një kohë që vendi është anëtar i NATO-s. "Ky përafrim kapacitetesh medoemos që kërkon edhe një respektim gjithmonë e më të merituar të lirive dhe të drejtave të njeriut në këtë rast në "uniformë". Në këtë kuadër, ne jemi angazhuar për të ripunuar të gjitha ligjet dhe aktet nënligjore mbi të cilat mbështetet jeta dhe veprimtaria e Forcave të Armatosura", tha Imami. "Sigurimi i të drejtave të njeriut në Forcat e Armatosura, - nënvizoi ministri Imami, - është i një rëndësie të veçantë. Ky fakt kontribuon në formimin e një ushtrie të integruar fuqishëm në shoqëri. Dhe në këtë mënyrë, personeli i Forcave të Armatosura do të jetë i përgatitur më mirë nëse ai vetë do të vepronte në një mjedis që i respekton dhe i mbron të drejtat e tij, e që njëkohësisht kërkon prej tij t'i përvetësojë vlerat që paraqesin bazat e operacioneve bashkëkohore paqeruajtëse ku personeli bën pjesë".

OSBE

Në këtë konferencë kombëtare merrte pjesë edhe zv.ambasadori i Prezencës së OSBE-së në Tiranë, Dan Redford. Ai theksoi se "ka shumë modele të ndryshme për të siguruar të drejtat e njeriut në mbrojtjen në Forcat e Armatosura, megjithatë ne kemi përzgjedhur këtë manual, si versionin më të mirë për ju". Ai tha më tej se duhet të trajnohet stafi ushtarak për zbatimin e këtij udhëzuesi. "Ky manual ka për qëllim që t'u japë politikëbërësve shqiptarë sugjerime dhe ide mbi konceptin e vazhdueshëm të të drejtave dhe lirive themelore të njeriut, të cilat janë elementi bazë për një mbarëvajtje të punës. Po kështu, mbi bazën e këtij manuali jepen versione se si bëhet trajtimi i personelit të Forcave të Armatosura nga shteti dhe se si të drejtat dhe liritë e tyre mund të jenë më të mbrojtura", tha numri dy i OSBE-së në Tiranë, Redford.

Udhëzimi

• Udhëzuesi "Mbi të Drejtat dhe Liritë Themelore të Njeriut të Personelit të FA Shqiptare" është përkthyer dhe botuar tashmë edhe në gjuhën shqipe dhe është një botim, i cili përmbledh orientimet kryesore të OSBE-së, Këshillit të Europës, OKB-së apo Bashkimit Europian, por njëkohësisht paraqet edhe modele të praktikave më të mira të vendeve të ndryshme mbi zbatimin dhe kontrollin e të drejtave të njeriut në personelin e Forcave të Armatosura.
• Udhëzuesi tregon se ka sot tri përqasje kryesore që ushtritë anëtare të OSBE-së kanë ndaj çështjes në fjalë.
• Një pjesë e pranon ligjërisht aktivizimin në ushtri të homoseksualëve, madje ka organizuar edhe fushata të mirëfillta sensibilizuese për këtë çështje.
• Një pjesë tjetër e vendeve aplikojnë doktrinën e famshme të prezantuar fillimisht nga ish-Presidenti i SHBA, Bill Clinton, "Mos pyet, mos thuaj". Kjo praktikë u la në fuqi në SHBA nga Gjykata e Lartë e vendit.
• Vende si Serbia, Greqia apo dhe Turqia, e kanë të ndaluar me ligj aktivizimin e homoseksualëve në ushtri, ndonëse BE-ja ka disa direktiva që kërkojnë heqjen e ndalimit të rekrutimit në ushtri të homoseksualëve.

Pinderi: Ushtria, në kushtet e homofobisë

I pranishëm në këtë konferencë ishte dhe Kristi Pinderi, përfaqësues i PINK Embassy, i cili deklaroi se ushtria shqiptare ndodhet në kushtet e homofobisë ekstreme. "Përpara se të jetë tregues se në ushtrinë tonë nuk ka homoseksualë, mund të jetë tregues i pakundërshtueshëm i homofobisë ekstreme që ekziston në ushtri, ashtu si dhe në shumicën e fushave të tjera të shoqërisë shqiptare", tha Pinderi.

Hysi: Temat tabu të diskutohen

Deputetja e PS-së, Vasilika Hysi, e pranishme në konferencë, është shprehur pro diskutimit të temave tabu në shoqërinë shqiptare. Sipas njoftimit të dërguar nga shoqata Pink Embassy, Hysi mësohet të ketë thënë se "tashmë ka ardhur koha që të flasim edhe për çështje deri më sot tabu në shoqërinë shqiptare, si për shembull, të drejtat e personave me orientim të ndryshëm seksual brenda Forcave të Armatosura, etj".



Erald Kapri
panorama.

[Edvin83]

Pse te mos pranohen ne ushtri? Nuk ka ndonje argumentim logjik e shkencor se orientimi seksual luan ndonje rol ne terheqjen e kembezes se armes.

[Gogi]

Kur te vije kjo dite ne Kosove ( qe te pranohen ose jo homot, me siguri qe po ) atehere krejt antarsia e LDK-se paskan me kqyr me u antarsu ne FSK ( forca mbrojtese e kosves):d

[toni karlosi]

Udhezimi i OSBE, Imami: Ne ushtrine tone do te pranojme edhe homoseksualet

Haahahha keta te rregullit ,heterot e banen namin veq edhe homot kane mungu.tash paska me pushtu shqiperine edhe Livoqi.