Qeveria Mashtron Serishmi

[Duaje Siveten]

SHEKULLI ONLINE, 11/11/2010

Vendimi, pensionet e ushtarakëve ulen me 24.5%

Emirjon Senja TIRANË

Qeveria ka miratuar dje një akt normativ për uljen e pensioneve suplementare të ushtarakëve dhe forcave të tjera si dhe për rritjen e kontributeve që do të paguajnë ata. Pas vendimit pozitiv të marrë nga Gjykata Kushtetuese disa muaj më parë, ushtarakët kanë njohuar sërish dje uljen e pensionit të tyre.

Ulja llogaritet në masën 24.5 për qind dhe hyn në fuqi që nga dita e djeshme, ndërsa rritja e kontributeve nga tre në pesë për qind hyn në fuqi nga një janari 2011. Sipas këtij vendimi, të gjitha pensionet e ushtarakëve ulen në masën 24.7% ndërsa të gjithë ushtarakët që janë ende në shërbim do të paguajnë 27.5% taksa.

Ndryshimet e propozuara kanë të bëjnë me përllogaritjen e pagës referuese, e cila është një ndër përbërësit kryesorë të përllogaritjes së masës së përfitimit për ushtarakët. Propozimi vjen në një kohë kur Instituti i Sigurimeve Shoqërore është duke kryer përllogaritjet.

Ekzekutivi propozon përllogaritjen e masës së përfitimit për ushtarakët, policët, punonjësit e gardës, etj., duke marrë për bazë një pagë referuese neto, nga e cila janë zbritur të gjitha detyrimet që kanë të bëjnë me pagesën e kontributeve të sigurimeve shoqërore dhe shëndetësore, tatimin mbi të ardhurat personale. Madje para se të merret për përllogaritjen e pensionit të ushtarakëve, nga paga referuese do të zbriten edhe kontributet suplementare. "Paga referuese neto është paga që rezulton pas zbritjes, nga paga referuese, të kontributit të detyrueshëm të sigurimit shoqëror dhe shëndetësor plus tatimin mbi të ardhurat personale plus kontributin suplementar, sipas këtij ligji, të cilat mbahen nga paga", - citohet në propozimin e qeverisë për ndryshimin e ligjit për pensionet suplementare të ushtarakëve, policëve, punonjësve të gardës, etj.

Vendimi i djeshëm është pritur me shqetësim nga ushtarakët, të cilët e konsiderojnë atë një lëvizje të qeverisë, i cili ul masën e përfitimit për secilin prej tyre si dhe bllokon deri në miratimin e këtyre ndryshimeve procesin e përllogaritjes së pensioneve nga Instituti i Sigurimeve Shoqërore.

E njëjta logjikë do të ndiqet edhe në përcaktimin e pagës referuese mesatare. Ajo do të merret si e tillë pasi prej saj të jenë zbritur detyrimet ndaj fondit të Sigurimeve Shoqërore dhe Shëndetësore.

Një tjetër ndryshim thelbësor ka të bëjë me uljen masës së përfitimit për pensionet e parakohshme për vjetërsi shërbimi. Sipas ligjit, pensioni i parakohshëm është sa gjysma e pagës referuese mujore plus 2 për qind për çdo vit vjetërsie në shërbim. Tashme përfitimi për çdo vit shërbimi nuk do të jetë 2 për qind, por 1.5 për qind.

Gjithashtu, pas hyrjes në fuqi të këtyre ndryshimeve, paga referuese për ushtarakët, do të llogaritet si mesatare e pagave të përfituara sipas periudhave të qëndrimit në atë gradë apo funksion.

Ndryshimet në pagën referuese prekin drejtpërdrejt masën e përfitimit për ushtarakët

Zbritja nga paga referuese e të gjitha detyrimeve duke nxjerrë një pagë neto, bën që pensioni të përllogaritet mbi një shumë më të vogël

Ulet masa e përfitimit për pensionet e parakohshme për vjetërsi shërbimi. Tashmë ai do të jetë sa gjysma e pagës referuese plus 1.5 për qind të saj për çdo vit shërbimi

Ndryshimet krijojnë amulli në procesin e përllogaritjes së përfitimeve për ushtarakët, në një kohë që ISSH ka filluar lidhjen e pensionit për disa prej tyre

ISSH e pa përgatitur për vendimin

Ndryshimet e propozuara nga qeveria në ligjin për pensionet suplementare të ushtarakëve, kanë kapur pa përgatitur edhe Institutin e Sigurimeve Shoqërore. ISSH mohon të ketë pasur dijeni mbi këto ndryshime por duket se ky vendim do ta ndërpresë punën në gjysmë për të rifilluar me përllogaritjen sipas përcaktimeve të reja, të cilat kanë hyrë menjëherë në fuqi.

Madje burime nga ky institucion shprehen se krahas përllogaritjes, tashmë ka filluar edhe shpërndarja e parave për disa aplikues, të cilëve iu ka ardhur konfirmimi nga ministritë përgjegjëse. Mësohet se janë rreth 15 punonjës të Shërbimit Informativ Shtetërore dhe disa punonjës të Ministrisë së Brendshme, të cilëve iu është lidhur tashmë pensioni.

Rritet masa e kontributit suplementar

Ulja e masës së përfitimit nuk është i vetmi ndryshim që shqetëson ushtarakët. Të gjithë ata, do të duhet që duke filluar nga data një janar e vitit të ardhshëm të paguajnë më shumë para për skemën e sigurimeve suplementare.

Ligji deri më tani parashikonte pagesën deri në 2 për qind të pagës në funksion të skemës së pensioneve suplementare, ndërsa nga janari i vitit të ardhshëm kjo shumë do të rritet në pesë për qind. Pas këtij vendimi, çdo ushtarak do të fusë më pak para në xhep duke dërguar një pjesë të mirë të pagës për skemën e sigurimeve suplementare.

Kjo nismë e qeverisë i vjen në ndihmë kësaj skeme, e cila konsiderohet një barrë e rndë për buxhetin e shtetit por edhe buxhetin e Sigurimeve Shoqërore. Sipas të dhënave më të fundit, e gjithë skema e sigurimeve suplementare ka një buxhet prej 5.4 miliardë lekë, nga të cilat vëtem 2 për qind janë të ardhura nga kontributet, kurse pjesa tjetër transferohet direkt nga buxheti i shtetit.

Ushtarakët: Qeveria po bllokon pensionet

Vendimi i qeverisë ka shqetësuar ushtarakët, të cilët deri më tani e kishin menduar të zgjidhur deri dikur problemin me pensionet suplementare. I kontaktuar nga gazeta, kreu i Shoqatës së Ushtarakëve në Rezervë paralajmëron një bllokim të procesit të përllogaritjes së pensioneve për shkak se qeveria ka ndërhyrë në ligjin themeltar.

Për pasojë, sipas tij do të duhet që ISSH të fillojë përllogaritjen sipas ndryshimeve të propozuara nga qeveria, veprim i cili do të shkaktonte amulli në këtë proces.

Pogaçi shprehet i zhgënjyer nga propozimi i qeverisë, duke e cilësuar atë si një tallje me ushtarakët. "Qeveria po tallet me ne. Nuk duan të japin paratë dhe nxjerrin gjëra të tilla", - shprehet ai.

[Station]

Po qe se gjen ndonjë shqiptar që habitet më me këtë qeveri do ndjehesha shumë i befasuar.
Përjashto Brarin dhe një tufë brarësh dritëshkurtër.

[Duaje Siveten]

Ja si neperkemb qeverria vendimet e Gjykates Kushtetuese, dhe se vijon te "tallet" e te mashtroje nje shtrese te madhe pensionistesh ...

____________________

PANORAMA ONLINE, E shtunë, 20 Nentor 2010 11:01

Ushtarakët, pse u shkurtuan fondet

Erald Kapri

Në një relacion prej 4 faqesh, qeveria shpjegon arsyet e vendimit anormal të Gjykatës Kushtetuese, siç e cilëson relacioni, për përfitimet e shtesës së ish-ushtarakëve. Në relacionin përkatëse, qeveria shpjegon se vendimi i Kushtetueses është i pazbatueshëm për shkak se përfitimi mujor, për personat që kanë dalë në reformë nga viti 2004 e në vazhdim, përllogaritet nga 41 000 lekë e lart, ndërkohë, mbi këto të ardhura nuk aplikohet tatimi mbi të ardhurat personale dhe ndërkohë që pensioni maksimal i pleqërisë për 35 vitë shërbim është i kufizuar me dyfishin e pensionit bazë ose 21 380 lekë në muaj. Në këtë relacion thuhet se në zbatim të këtij vendimi, "duke filluar nga data 27.6.2009 e në vazhdim, të gjitha pensionet e parakohshme për vjetërsi shërbimi të ushtarakëve, punonjësve të policisë, Gardës etj. do të rillogariten dhe nuk do të kufizohen me dyfishin e pensionit bazë, pra me pensionin maksimal të pleqërisë, por çdo përfitues, për 15 vjet shërbimi, do të përfitojë një pension sa 50 % e pagës referuese mesatare, si dhe një shtesë 2 % në vit të pagës referuese, për çdo vit shërbimi mbi 15 vjet për meshkujt dhe mbi 12 vjet për femrat". Më tej, shpjegohet se "në këto kushte, pas heqjes së tavaneve sociale të përfitimeve suplementare, gjendemi përpara efekteve financiare mjaft të konsiderueshme, si dhe përpara atakimit të parimeve e balancave të përfitimeve, shpërblimeve, pagave, tatimeve, kontributeve etj., ndërmjet përfituesve dhe të punësuarve. Kështu siç është dispozita, pas reflektimit të ndryshimeve të vendosura nga gjykata, përllogaritja e këtyre përfitimeve të pakufizuara bëhet mbi pagën referuese bruto, duke mos aplikuar tatimin, si në rastin e pagës, ashtu edhe në rastin e përfitimit dhe duke evidentuar mundësitë, që një person, me 30 vjet shërbim, të marrë të ardhura nga pensioni më shumë se paga neto nga puna".
Reagimi
Presidenti i Shoqatës së Ushtarakëve në Rezervë, Mehdi Pogaci, reagoi dje për këtë akt normativ, duke e cilësuar si të papranueshëm. "Aktin final kjo qeveri e bëri me miratimin e Aktit Normativ, me anën e të cilit i ul ndjeshëm të gjitha pensionet e ushtarakëve, kur një muaj më parë, jo vetëm pa u vënë në zbatim, por ende pa iu tharë boja, kishte miratuar një VKM, e cila bënte një lloj rritje të pensioneve të disa kategorive ushtarakësh, edhe pse nuk ishin pasqyruar efektet e vendimit të Gjykatës Kushtetuese. Ky akt antikushtetues, antiligjor dhe antihuman, nuk duhet të miratohet nga Parlamenti shqiptar dhe as të firmoset nga Presidenti i Republikës", thuhet në këtë reagim.


--------------------------------------------------------------------------------
Relacioni i Aktit Normativ

• Në këtë projektligj parashikohet që llogaritja e pensionit të parakohshëm për vjetërsi shërbimi, të bëhet mbi pagën mesatare referuese neto të rastit, kur një përfitues përfiton pension. Në këtë mënyrë, përfitimi nga pensioni përllogaritet si pjesë e përfitimit faktik mujor nga puna dhe teorikisht nuk mund të jetë më i madh se paga neto, që një ushtarak apo punonjës policie merrte gjatë kohës që ishte në punë. Ashtu si edhe për gjithë të punësuarit e tjerë publikë, me pagë neto do të kuptohet paga reale që i paguhet një të punësuari, e cila është e barabartë me pagën bruto, tatimin mbi të ardhurat, kontributin e sigurimeve shoqërore e shëndetësore dhe kontributin suplementar, që mbulohet nga paga e personit të punësuar.

• Me qenë se një ushtarak mund të dalë në pension të parakohshëm në moshën 47-vjeçare, mund të arrijë një vjetërsi shërbimi prej 27-28 vjetësh, pasi sipas statuseve, edhe periudha e kryerjes së shkollës së lartë njihet si vjetërsi shërbimi. Mbi bazën e kësaj vjetërsie në shërbim dhe duke marrë parasysh pensionet aktuale mesatare të personave që kanë një periudhë kontributive mbi 35 vjet, në këtë projektligj parashikohet që për çdo vit vjetërsie në shërbim, një ushtarak të marrë 1.5 % të pagës mesatare neto. Kështu, një ushtarak që ka një pagë në nivelin mesatar, mund të marrë një pension të parakohshëm, që është në nivelet mesatare.

• Për ata persona, që për shkak të pagës së ulët apo për shkak të plotësimit të vjetërsisë në shërbim deri në nivelin minimal të përcaktuar nga statuset, nuk arrihet pensioni bazë, i përcaktuar në sigurimin e detyrueshëm, në këtë projektligj është parashikuar që të mos ketë pension të parakohshëm më të ulët se pensioni bazë, pavarësisht nga llogaritjet.

• Me qëllim rritjen e përqindjes së pjesës që përballohet nga kontributi dhe zbutjen në buxhet të efekteve financiare që rrjedhin nga zbatimi i gjithë skemës, në projektligj është parashikuar që kontributi suplementar, nga 2 % që është aktualisht, të bëhet 5 %, me një efekt shtesë në të ardhurat e skemës prej 20 milionë lekësh në muaj ose 240 milionë lekë në vit, që parashikohet të fillojnë nga muaji janar i vitit 2011.

• Veç këtyre, në projektligj parashikohet që të gjitha efektet financiare shtesë, që rezultojnë nga rillogaritet dhe që kalojnë limitin e pensionit maksimal, për shkak se nuk janë të mbuluara me fonde nga buxheti i vitit, do të duhet të likuidohen me këste për çdo përfitues. Efektet financiare të llogaritura, pritet të jenë jo më shumë se 200-250 milionë lekë.

[Brari]

ne fakt.. ky popull po i paguan shum shtrenjte kte falange qylaxhijsh e enveristesh te quajtur me nickun.. shoqata ushtarakve te liruar..

kjo falange qe nuk e tregoj kurre veten si mbrojtese e atdheut.. u cfaq agresive e atdhe-djegse ne 97 ten.. kur totalisht u angazhua ne batalionet zabito dokleiste caushiste..

ne kohen kur u erdhi rasti te tregojn veten.. kur slloba genocidoj kosoven.. kjo falange.. u sul te vjedhe ne fondet e dispores bashk me enveristet kosovaro-lpk-ista.. e u dallua ne dy gjera.. ne bashk vjedhje te tregetise me armet.. per hesap te xhepave tyre..dhe ne futjen e helmit te luftes kllasore enverore qose m.utore tek klientela e tyre e vet quajtur Qlirimtara rognero kukso.tropojane.. qe kurr sguzoj me kalue matan asaj ane..

tash duan ta nxjerrin shtetin ton te varfer.. ne deficit se nuk ngopen keta qelbaniker se xhavaturi kte popull tash 70 vjet.. qyleri..
me xerret e celularit ed rucist kjo falange eshte hedhur ne revolucion per ta percelluar perseri atdheun tone..

sepse kjo falange nuk u be kurre ushtri e atdheut.. por ishte dhe mbeti rezerve e sigurimit enverist ne shtypjen e popullit.. ne se do te kish ngritur krye ndj here kunder regjimit pol potist ramizo envero hysni nexhmijeist..


keta meritojne Grushtin e hekurt te shtetit shqiptar..por ku eshte ai grusht se..

ki eshte problemi..

..

[juanito02]

Qeveria shqiptare vetem si perjashtim thote ndonjehere ndonje te vertete.
Shteti shqiptar si bande kriminelesh hajdute dhe vrases vetem me propogande e mashtrime mbahet ne kembe per aq sa mbahet.
Dhe i vete pas ushtria e kokpalareve qe per 1000 aresye qofte te injorances, qofte te perfitimit, qofte per te kaluaren e erret dhe e mban gjalle.
Shqiperia realisht ben lufte midis mes vedi midis injorances dhe qytetarise po kjo e fundit eshte shume e dobet akoma ngaqe ka 70 vjet qe lihet jashte cdo gjeje.

[SERAFIM DILO]

Ushtaraket;si te gjithe te tjeret jane punonjes shteti.
Ka shume njerez,qe kane punuar gjithe jeten per ate shtet e marrin pensjone qesharake.

[ajzberg]

Ushtaraket;si te gjithe te tjeret jane punonjes shteti.
Ka shume njerez,qe kane punuar gjithe jeten per ate shtet e marrin pensjone qesharake.

Po,eshte e vertete ne krahasim me ish ushtaraket, por dhe kur nuk ishin ''ish''mernin pagat me te larta dhe shtepiat me te mira pa e shkrepur nje here,tani qe jane ish duan perseri pensione me te larta.

[Duaje Siveten]

Po,eshte e vertete ne krahasim me ish ushtaraket, por dhe kur nuk ishin ''ish''mernin pagat me te larta dhe shtepiat me te mira pa e shkrepur nje here,tani qe jane ish duan perseri pensione me te larta.

me duket se po e ngaterroni (ndoshta pa dashje) kete problem ...

Thelbi i kesaj teme nuk jane ushtaraket, pagat, e te tjera si keto. Problemi eshte se nuk zbatohet nje ligj si duhet ne Shqiperi.

Ne rastin e mesiperm, ka patur nje status qe u miratua ne ligj ne kohen e tranzicionit, me votat blu e roze ...

ky status sot eshte nje cope leter e zhubravitur, nuk vlen as per nevojtore ... qeverria roze, ne 2005 - ne fund te mandates se saj, miratoi pagat e ushtarakeve ne lirim, pension a rezerve, si i thone, dhe ia la ne dere faturen qeverise bluja, e cila ka qysh ne fillim e deri mbase ne mbarim te mandates se saj, sajon, nxjerr miraton projekt-ligje e "fonde" ne ere, dhe te nesermen i anullon, duke i bere vendimet e saj te pavlefshme me nje te rene te lapsit, duke e lene me gisht ne dore palen e interesuar ...

kjo eshte loje e ndyre mashtrimesh, ndyresire qeveritare, shkelje e neperkembje skandaloze e ligjeve, autoritarizem anadollak i maliqit ...

pra, ashtu si nuk zbatohet kthimi i prones se ligjshme -r vuloset grabitja e saj; ashtu si kaparohet prona publike - kleptokratizohet administrata; ashtu siç perçudnohet sherbimi civil - korrupsion ne palce, ashtu behet e veprohet ne rastin ne fjale ... dhe e gjitha kjo kerkohet qe te zgjidhet nepermjet drejtimit te peticioneve e te syve drejt "qeverria ime", "une e mbaj fjalen", "kam thene" e genjeshtra safi turli-lloj, sepse kryetari i qeverise eshte sojsez e faqezi, i pacipe, i pabese, kujton se ka gurin dhe arren ...

ashtu si edhe problemet e tjera, edhe kjo nuk eshte ne udhen e zgjidhjes ... por te mashtrimit ...

ashtu siç thoni, se fatura financiare eshte e larte, e meritojne apo s'e meritojne, kane marre dikur, e te tjera si keto, çojne uje ne mullirin sali-satanik te neperkembjes te ligjit, te popullit, te vendit ...

[goldian]

po brari a merr pension lol se mos ja shkurtojne aman

[Besoja]

Ka probleme sa te duash,sa te lodhesh,por...nuk di pse keta ushtaraket na kerkojne status kur ka te tjere para tyre.
Po ata minatore qe punuan gjithe jeten nen toke?
Po gjithe ata fshatare qe hengren buke misri me leng turshish dhe punonin gjithe diten per 30 leke?
Ushtaraket une mendoj qe jo.Nuk vuajten fare ne krahasim me keta te tjeret.