Kosove: Fillon sindromi shqiptar per kontestimin e zgjedhjeve

[Kosovelli]

LDD: Elektorati na bojkotoi, i pranojmë rezultatet

14-12-2010 13:34 CET

Naser Rugova, nënkryetar i Lidhjes Demokratike të Dardanisë (LDD), gjatë një konference për medie, ka deklaruar se partia e tij e pranon rezultatin e këtyre zgjedhjeve, pavarësisht se zgjedhjet e 12 Dhjetorit nuk janë zhvilluar në formën më të dëshiruar dhe kjo, sipas tij, shihet nga numri i madh i ankesave por edhe i vërejtjeve nga vëzhguesit dhe autoritetet ndërkombëtare.

“Periudha para fushatës dhe ajo gjatë fushatës u karakterizua me një presion të madh të shprehur me anë të proceseve të montuara politike, presioneve nga subjektet tjera dhe segmente të shoqërisë civile të cilat u treguan se janë në shërbim të politikës. Sido që të jetë, këto zhvillime nuk janë justifikime për faktin se LDD në këto zgjedhje nuk i ka arritur rezultatet që ne i kemi pritur”, ka deklaruar Rugova.

Pavarësisht kësaj, nënkryetari Rugova ka falënderuar të gjithë votuesit e LDD-së që kësaj here votuan për ta, “por edhe ata votues tanë që kësaj here abstenuan dhe na ndëshkuan me bojkotin e tyre”.

“Ne vlerësojmë se abstenimi i mbi 30.000 votuesve, për vetëm brenda një viti nga zgjedhjet lokale 2009, është fenomen paradoksal që do analizë të thellë. Konsiderojmë se ky bojkot nga kjo pjesë e madhe e elektoratit tonë e ka dërguar një sinjal të fuqishëm për nevojën e rishikimit të sinqertë dhe thelbësorë të gjithë strukturës dhe punës së LDD-së”, ka potencuar Rugova.

Rugova shprehet i bindur se elektorati i LDD-së është më së paku dy herë më i madh se sa rezultati i dalë nga këto zgjedhje, ndërkaq arsyet e kësaj gjendjeje të krijuar, ai tha se do të jenë temë e analizave dhe debateve të brendshme në forumet partiake.

“Përgjegjësia kryesore është brenda nesh dhe ne duhet të jemi të sinqertë për këtë”, theksoi nënkryetari i LDD-së, Naser Rugova.

Sipas Rugovës, Kosova gjendet përballë sfidave të mëdha ku priten vendime të mëdha dhe zhvillime në dëm të Kosovës. Ai tha se eliminimi i LDD-së si forca parlamentare, e forcon pozitën e atyre të cilët janë të gatshëm për kompromise të dëmshme për Kosovën.

“LDD konsideron se situata e krijuar pas zgjedhjeve të 12 dhjetorit është situatë jostabile si për shkak të parregullsive, ashtu edhe për shkak të raportit të ri të forcave. Institucionet e dala nga këto zgjedhje do të kenë legjitimet të cunguar dhe kjo situatë domosdo do të imponojë zgjedhje të reja brenda një periudhe të shkurtër”, ka theksuar Rugova.

Në fund, në emër të partisë së tij, ai shprehu ngushëllimet më të sinqerta qeverisë dhe popullit amerikan për vdekjen e Ambasadorit Richard Hollbrooke. “Ndarja nga jeta e këtij personaliteti të shquar është humbje e madhe edhe për Kosovën dhe popullin shqiptar në tërësi”, theksoi Rugova.

[prishtina2010]

Po komunistat nuk deshirojen ti njohin rezultatin siku ne vitin 2009 kur tri here u organizuan zgjedhje ne tri komunat e kosoves dhe qe te tri herat LDK ishte humbes dhe kesaj radhe eshte humbes dhe i madhe po ky komu nisti eshte ka ja ben sikur rama ne shqiperi para se te dilet rezulatati i zgjedhjev rama pat then nese nuk i fitoj votat do te jap doreheqje dhe nuk dha ,po tha na i kan vjedhur evotat edhe is ate njetin qendrim e ka pasur para zgjedhjev nese nuk i fitoj zgjedhjet do te jep doreheqje dhe tani sindromi sikur ne shqiperi ,,komunisti eshte mesuar gjithe jeten e ti...eshte turp te thohet nuk i njofe rezultatin e zgjedhjev kur ka gjykata dhe do ta vertetojen pa regullsin kudo qe kan qene ato,,
Po si more nuk kane fije turpi edhe isa dhe arben gashi kur e dimi te gjithe se qka ka ndodhure ne prishtin me votat ,ne obiliq dhe llap...po une do te ndalem vetem ne prishtin se qafre manipu;limesh ka pasur isa ne prishtin ...a e dini s ekurr keto vota nuk i ka fitu as ne prishtin po hajnat e ises ja siguruan keto vota qe sot i ka marr ne keto zgjedhje,....e mos te flasim pe rzgjedhjet e 2009 se qfare ka ndodhur atje dhe qfare diskriminimi eshte atje dhe ne te gjitha zonat ne prishtin e dimi te gjithe .....

[deqani2009]

Eshte turpi i ketyre qe mundoihen ti qesin hijen e keq koosves sikur eshte isa komunisti dhe vv pse i kan humbur zgjedhjet ata pritojen ti pranojen ato....shikoni se qka jan keta po me i poa fitu zgjedhjet keta ishin tranu prej gezimi po ja qe edhe humbja eshte pjes e lojes

[Boy]

Sindromi shqiptar eshte manipulimi dhe vjedhja e votave, kontestimi eshte pasoja.

[Kosovelli]

Isa Mustafa po provon ta fusë Kosovën në luftë qytetare
Shkruan: Teki Dervishi
Isa Mustafa deklaroi se nuk e njeh validitetin juridik të KQZ-së dhe se ai do ta mandatojë qeverinë e ardhshme, meqë ia lejuaka Kushtetuta. Por Kushtetuta këtë “iniciativë” private ia lejon vetëm nëpërmjet zbatimit të procedurave ligjore që parashihen ligjërisht, përkatësisht vetëm nëse mandatori zyrtar PDK-ja, nuk do të mund të krijonte kuotën e koalicionit që e kërkon ligji për mandatimin e qeverisë. Si u dashka ta mandatojë një qeveri ky Isa Mustafa, para se t’i pranojë (t’i njohë ”zgjedhjet e 12 dhjetorit”)? Mbase do të shpallë zgjedhje private, në stilin siç e ka vetëzgjedhur veten si kryetar të LDK-së? Ai nuk i njeh zgjedhjet, por ja që jashtë “sistemit” legjitim, ai do ta mandatojë qeverinë “e tij” thuajse jeton në një vend feudal, e jo në një shtet të ligjit. Çka zbulon kjo? Kjo zbulon “koalicionin e madh” të të gjitha partive majtiste kundër PDK-së, koalicion konspirativ që është hetuar të ekzistonte që nga fillimi i vitit 2010, por që është zbuluar me prishjen e koalicionit PDK-LDK dhe me vetëzgjedhjen e Mustafës si kryetar i LDK-së, nëpërmjet puçit që ky e ka organizuar prapa shpinës së Sejdiut.

Luksi i shqipërizimit të modelit elektoral të Kosovës, në këtë situatë shumë të brishtë të kualifikuar (nga ndërkombëtarët) si “konflikt i ngrirë” dhe në këtë momentum kur Kosova është vënë përsëri në agjendë të BE-së dhe SHBA-së, është më e keqja që mund t’i ndodhë këtij shteti të ri, dhe është prolog i qartë i një lufte qytetare që po e nxisin disa forca që vota e popullit i nxori jashtë “skenës politike”. Pse? Sepse a do të lejojë verdikti i elektoratit që dikush me modelin organizativ të banana-revolucioneve, t’ua mohojë votën e shumicës dhe të drejtën e tyre për të zgjedhur?

Menjëherë pas shpalljes preliminare të zgjedhjeve të 2010-s, natën e 13 dhjetorit, në reagimet e “të të humburve” nëpër debate televizive dhe prononcime të ndryshme, e zbuluan reprezentacioni i “koalicionit të madh” konspirativ, i përbërë nga gati të gjitha partitë që ishin koordinuar një vjet më parë për të bërë puç mbi pushtetin e Kosovës, duke konstruktuar “zgjedhje të parakohshme” që do t’i impononte largimi arbitrar nga pushteti i një pjese të koalicionit.

A ka Kosova situatë që të futet në komplote të organizuara me precizitet kundër pushtetit të saj? Ata e kanë llogaritur që, kinse duke e nxjerrë LDK-në nga letargjia që ishte pasojë e fraksionimit të saj pas vdekjes së Rugovës, të organizohen brenda saj të gjitha fundërrinat majtiste që nuk mund të çlirohen nga hipotekat e së kaluarës. Dallimi ndërmjet pavarësive të Shqipërisë e të Kosovës është esencial. Shqipëria nuk është “e mbikëqyrur” dhe mund t’i lejojë vetes luksin e luftës për pushtet në dëm të stabilitetit shtetëror. Nëse përfillim prononcimet e shumë figurave influence në instancat e BE-së, tashmë është konstatuar se stagnimi i Shqipërisë në inkuadrimet e pritshme me Unionin Evropian, ka stagnuar pikërisht për shkak të një përpjekje revolucionare të opozitës që provon ta shndërrojë Shqipërinë në një shtet anarkie, në një banana republikë. I njëjti model provon të inskenohet edhe në skenën politike të Kosovës, dhe kjo tashmë është shumë punë e qartë. Demokracia e nivelit të shprehur me vokabular shfrimesh emocionale të njerëzve të verbuar nga etja për pushtet, nga njerëzit e njohur si strukturë e kleptomanisë së Kosovës, shpien drejtë anarkisë dhe prodhimit artificial të krizave që vështirë do të riparohen në dimensione kohore. Dekonverzacioni i opozitës dhe pozitës, sipas vokabularit publik, nuk ka asnjë fakturë të “dialogut politik” por ka një fakturë tipike të “anatemave morale” në kundërshtitë që nuk kanë të bëjnë me koncepte politike, por me tendenca që ta personalizojnë rolin e individëve në udhëheqje të shtetit. Janë këta individë që nuk mund të jetojnë pa pushtet dhe që pushtetin e konceptojnë si një fabrikë që prodhon të mirat vetëm materiale për ata që e udhëheqin. Komplotistët që tash dolën në skenë, njihen si individë më të pasur të këtij vendi të varfër.

Jo vetëm pas 12 dhjetorit, por gati gjatë gjithë vitit 2010, ka ekzistuar “lidhja konspirative” e një grupi të vogël në LDK të prirë nga Kryetari i Komunës (ku nuk ishte Fatmir Sejdiu), lidhje kjo konspirative nëntokësore ndërmjet disa partive. (Këta u zbuluan pas reagimeve mbi validitetin shembullor të zgjedhjeve të 12 dhjetorit). Këta kishin planifikuar që posa ta rrëzojnë qeverinë dhe t’i detyrojnë zgjedhjet e parakohshme, të fitonte në zgjedhje LDK-ja dhe fitorja e saj ta zbulonte “koalicionin e madh” të partive kundër vetëm një partie (PDK-së). Gjatë gjithë vitit 2010 propaganda në mediat e tyre kishte arritur përmasën kontinentale të denoncimit të shtetit të Kosovës si shteti “më i korruptuar në botë”. Ishin blerë edhe disa misionarë me biografi të dyshimtë. Kombinatorikat perfide të komplotistëve u diellandritën me prishjen e koalicionit pushtetar, atë çast u shporrën maskat e individëve që po përpiqeshin për ta futur Kosovën në situatë anarkie, duke i bllokuar institucionet e shtetit, duke penguar aprovimin e buxhetit, privatizimin e ndërmarrjeve të mëdha, etj. etj. Në vend se partia e koalicionit (LDK) të ishte përkrah pushtetit brenda pushtetit që e qeveris tre vjet LDK-ja (Grupi i Mustafës, jo krejt LDK-ja) lidhi “koalicione të fshehta” për të organizuar një shumicë parlamentare me disa parti së bashku, që të mos themi gati-gati me të gjitha partitë në opozitë. Prandaj sot Isa Mustafa thotë se ai do ta mandatojë qeverinë, edhe pse nuk e ka marrë votën e popullit për këtë gjë.

“Motivi” i rremë i pakënaqësisë së Isa Mustafës ishte decidiv: quhet koalicioni PDK-LDK. Derisa të gjithë ministrat e LDK-së deklaronin në media se po bashkëpunonin në mënyrë të shkëlqyeshme me Kryeministrin dhe ministrat që i takonin PDK-së, Mustafa nuk linte rast pa hedhur gurë në koalicionin PDK-LDK, edhe pse ishte këshilltar i presidentit Sejdiu. Lajmi agjil që ministrat e LDK-së (etj.) ta lëshonin pushtetin për një ditë, më së shumti i befasoi vetë ministrat e LDK-së. Ata, si edhe anëtarësia e kësaj partie, ende nuk e kishin të qartë se në LDK ishte bërë puçi i Isa Mustafës nëpërmjet lojtarit Bukoshi, për ta fajësuar Sejdiun se ai kinse e paska shkatërruar partinë duke lidhur koalicion qeveritar më PDK-në, edhe pse thoshin se këtë e kanë bërë për “interes të Kosovës” dhe me insistimin e të huajave.

Isa Mustafa e ka pasur lehtë ta mashtrojë anëtarësinë dhe pjesën më të madhe të Kryesisë së LDK-së, dhe t’i realizojë qëllimet e veta për t’u bërë i pari i LDK-së, një partie e cila nuk ekziston më de facto. Por që të bëhet i pari i Kosovës, duhet ta marrë miratimin e pjesës më të madhe të popullit, e kjo merret vetëm me votën e popullit. Por, edhe mund të ndodhë që të bëhet i pari i Kosovës, pas një lufte civile (qytetare), por në atë rast ai duhet ta dijë se kush e derdh gjakun e popullit për pushtet të vetin, në kohën bashkëkohore nuk mund ta gëzojë pushtetin as një ditë të vetme.

Megjithëkëtë, Kosova është e “mbikëqyrur”, dhe nëse mbikëqyrësit e kanë planifikuar edhe një luftë qytetare në Kosovë, ajo mund të ndodhë dhe nuk do të mund të evitohet. Mustafa mund të jetë vetëm një instrument. Por nëse kjo është vetëm ide e Isa Mustafës dhe e kamarilës së partive të ndryshme të “koalicionit konspirativ”, atëherë ai po bën llogari të gabuara.

Bota Sot

[Kosovelli]

Nuk e di cka u bo me tane ata vezhgues vendor dhe te huaj qe eshte dashte te jene aty. Pse i kane vendos nenshkrimet ne procesverbale?

[Kosovelli]

Isa Mustafa kërkon rivotim në gjithë Kosovën

Prishtinë, 16 dhjetor - Kryetari i LDK-së, Isa Mustafa ka kërkuar përsëritjen e zgjedhjeve në të gjithë vendin.
Ai në emisionin Rubikon të KTV-së, ka deklaruar se së paku në 7 komuna ka nevojë për rivotim e jo vetëm në Skenderaj e Drenas. Kreu i LDK-së ka akuzuar edhe përfaqësuesit ndërkombëtarë se vetë ata e kanë thirrur në telefon për të denoncuar shkeljet dhe vjedhjet që po i bëhen LDK-së, por, sipas tij, pastaj ata kanë dalë vetëm me vlerësime të përgjithshme. Mustafa ka propozuar formimin e një qeverie teknike deri në një vendim konkret për situatën, lidhur me zgjedhjet. Për këtë ai ka deklaruar se do të flasë me ushtruesin e detyrës së Presidentit, Jakup Krasniqi. Por ka theksuar se e gjithë kjo që ka ndodhur ka qenë e përgatitur nga një skenar ku ka kontribuar edhe një televizion pa e përmendur emrin e tij. Ai ka përsëritur se në asnjë rrethanë nuk do të hyjë në koalicion me PDK-në, madje as në nivel lokal siç është rasti për zgjedhjet e së dielës në Rahovec, ku kandidati i LDK-së është në balotazh me atë të AAK-së.

[Kosovelli]

LDD pendohet, s’pranon rezultatet

Prishtinë, 16 dhjetor - Kryetari i Lidhjes Demokratike të Dardanisë (LDD) Nexhat Daci, vetëm dy ditë pas nënkryetarit Naser Rugova, i cili pranoi disfatën e partisë së tij, doli dhe tha se nuk i pranojnë rezultatet e zgjedhjeve të 12 dhjetorit.
Ai tha se pas mbajtjes se mbledhjes se Kryesisë, LDD vlerëson se zgjedhjet parlamentare të 12 dhjetorit 2010 dhe i tërë procesi zgjedhor ishte një porosi brengosëse, jo vetëm për qytetarët, por edhe për botën demokratike.

Sipas tij, lirisht mund të konkludohet se kemi të bëjmë me një proces të konstruktuar zgjedhor dhe të skenuar, fatkeqësisht në dëm të proceseve shtetndërtuese dhe të perspektivës së vendit, raporton indeksonline.

LDD po ashtu vlerësoi se kohëzgjatja dhe më pas përfundimi i procesit të montuar gjyqësor ndaj Nexhat Dacit, vetëm pak ditë para fillimit zyrtarë të fushatës ka qenë dhe mbetet goditja më e madhe që i është dhënë LDD-së në këtë fazë zgjedhore.

Nuk u harruan as sondazhet, për të cilat u vlerësua se ishin të porositura për gjoja rënien drastike të besimit në LDD.

Duke u bazuar në gjithë këto, Kryesia e Lidhjes Demokratike të Dardanisë për shkak të ambientit politik agresiv dhe jo demokratik të krijuar, para dhe gatë procesit, si dhe procesit zgjedhor të deformuar që nga elementet teknike si dhe ato organizative në vendvotime, unanimisht ka vendosur të mos e pranoi rezultatin e zgjedhjeve të jashtëzakonshme të mbajtura me 12 dhjetor 2010.

[Rina_87]

Askush nuk mund të justifikohet sot se situata ditën e votimit doli jashtë kontrollit në disa zona apo se elementë të caktuar janë aq të fuqishëm sa nuk përfillin as qendrën e partisë dhe as kryetarin e saj. Nëse kryetari nuk ka autoritet për të patur lista me kandidatë të pastër, nëse nuk ka autoritet të kontrollojë procesin zgjedhor, nuk mund të ketë autoritet as nesër të qeverisë e lirë dhe me duar të pastra, e për rrjedhojë nuk mund të jetë një partner serioz i besueshëm

Nga Armand Shkullaku më 16 dhjetor 2010 në ora 12:16

Prej datës 12 dhjetor të këtij viti, Kosova nuk mund të jetë më shembulli pozitiv në rajon për mbajtjen e zgjedhjeve të rregullta. Ajo që ndodhi të dielën e kaluar i vuri vulën gjykimit se shqiptarët në dy anët e kufirit kanë probleme me këtë koncept. Ndonëse në Shqipëri kanë kaluar 20 vjet të pluralizmit politik dhe në Kosovë ka një prani të rëndësishme ndërkombëtare, zgjedhjet e lira dhe demokratike mbeten një pengesë e pakapërcyeshme për shkak të mungesës së vullnetit të liderëve për të zbatuar standartet normale të konkurrencës politike. Duke qenë se zgjedhjet e lira janë një prej shtyllave themelore të funksionimit të një shteti demokratik, pasojat e mungesës së tyre janë të shumta dhe rëndojnë mbi të gjithë. Shqipëria përjetoi një luftë të vërtetë gjatë vitit 1997, që pati si shkak rënien e firmave piramidale, por rrënjët e krizës ishin në masakrën elektorale të një viti më parë. Problemet me votën e lirë i detyruan ndërkombëtarët të ndërhynin edhe në vitin 2001, ndërsa sot Shqipëria dhe shqiptarët u penalizuan përsëri për shkak të zgjedhjeve duke iu refuzuar nga BE statusi i vendit kandidat.

Në Kosovë kjo është hera e parë që manipulimet me votën u shfaqën kaq hapur, në mënyrë arrogante dhe ku pothuajse të gjitha partitë kanë kontestime për procesin. Akuzat janë drejtuar nga Partia Demokratike e Kosovës, militantët e së cilës e kanë shtyrë gati në buzë të greminës krejt procesin zgjedhor. Parlamenti i ri, kurdo që të konstituohet do të trashëgojë tensionet dhe konfliktet e një votimi të dyshimtë. Numrat që kanë filluar të mblidhen tani për formimin e qeverisë së ardhshme, edhe nëse gjenden me shumicë, nuk kanë rëndësi.

Qeveria e ardhshme rrezikon jetëgjatësinë jo për shkak të numrave, por të moralit dhe themelit mbi të cilin do të ngrihet. Çdo mazhorancë që mbart mbi vete dyshimin për manipulimin e votës është e destinuar të prodhojë destabilitet, kaos politik dhe zhvillime të papritura. Refreni i vazhdueshëm i ndërkombëtarëve për rëndësinë e një “procesi zgjedhor të lirë dhe demokratik” tingëllon bajat e duket si një parrullë e kotë, por në fakt ai është shndërruar në refren pikërisht për shkak të rëndësisë jetësore që ka. Deformimi i vullnetit të zgjedhësve ka pasoja të paparashikueshme. Ai mund të prodhojë destabilitet: forcat politike nuk hyjnë në Kuvend, njerëzit dalin në rrugë, tensionet rriten, reformat bllokohen, ekonomia paralizohet dhe drejtimi i vendit bëhet kaotik.
Por këto zhvillime negative kanë ndikim edhe më gjerë.

Planet dhe strategjia e ndërkombëtarëve për rajonin komplikohen, humbet besueshmëria dhe autoriteti i liderëve lokalë, bisedimet dhe zgjidhjet në raport me Serbinë vështirësohen. Nga ana tjetër imazhi i vendit nis e dëmtohet dhe mbështetja ndërkombëtare zbehet. Deklaratat paralajmëruese të Andy Sparks përpara zgjedhjeve, shkrimet e fundit në disa gazeta të njohura, nxitimi i Jeremiçit për të treguar me gisht shqiptarët, raporti i Dick Martyt, etj, nuk thonë ndonjë gjë të re e përmabjnë akuza të paprovuara, por shfaqja e tyre në të njëjtën kohë është goditje si për imazhin e një krahu politik ashtu edhe për vetë Kosovën. E kur në vend shpërthejnë pakënaqësitë dhe revoltat, ndërkombëtarët nisin e ndihen të lodhur e të zhgënjyer nga “këta shqiptarë që nuk merren dot vesh me njëri- tjetrin”. Shqipëria i ka provuar e po i provon ende pasojat e proceseve problematike zgjedhore.

Dalja e ambasadorit amerikan Christofer Dell në Drenicë për të denoncuar personalisht manipulimin e votës, është ndoshta akti më i hapur dhe distancues që një diplomat i huaj ka bërë ndonjëherë. Por mbi të gjitha ai ishte një mesazh i qartë se SHBA mund të kenë preferenca të caktuara politike, por kurrë nuk mund të mbyllin sytë kur cënohet vota e qytetarëve, sepse kjo mund të çojë në situata të pakontrollueshme dhe në rajone problematike si ky i yni, situata duhet të jetë e kontrollueshme. Vota e lirë është një garanci për këtë. Po kështu, akti i Dell i dha fund spekulimeve sipas të cilave ndërkombëtarëve u duhet një partner i fortë e me autoritet për bisedimet me Beogradin e për këtë mund të tolerojnë edhe ndonjë keqpërdorim të votës. Ambasadori Dell tregoi se kjo nuk mund të ndodhë.

Askush nuk mund të justifikohet sot se situata ditën e votimit doli jashtë kontrollit në disa zona apo se elementë të caktuar janë aq të fuqishëm sa nuk përfillin as qendrën e partisë dhe as kryetarin e saj. Nëse kryetari nuk ka autoritet për të patur lista me kandidatë të pastër, nëse nuk ka autoritet të kontrollojë procesin zgjedhor, nuk mund të ketë autoritet as nesër të qeverisë e lirë dhe me duar të pastra, e për rrjedhojë nuk mund të jetë një partner serioz i besueshëm. Problemi qëndron pikërisht në faktin se të dielën në Kosovë nuk pati raste sporadike të shpërdorimit të votës, por akte të qarta të deformimit të vullnetit të zgjedhësve.

Prekja e votës, që për momentin mund të duket si diçka e kapërcyeshme e që do kalojë bashkë me zhurmën e këtyre ditëve, nuk është aq e lehtë. Qeveria e re mund të krijohet, por ajo do të jetë e destinuar të prodhojë kriza e mungesë stabiliteti. Në Shqipëri, asnjë qeveri apo lider që ka abuzuar në përmasa të rënda me votën nuk ka mundur të qëndrojë më shumë se një vit në pushtet dhe ka shkaktuar jo pak kosto për vendin. Në Kosovë, të dielën, pamë se procesi zgjedhor u kompromentua, se çfarë do të ndodhë më pas mbetet për t’u provuar.

http://www.gazetaexpress.com/?cid=1,877,43620

[Kosovelli]

Si në Shqiperi po pergaditet sindromi kontestimi i zgjedhjeve nacionale?
Çfarë jan lidhjete në mes kryebashkiakut e Titanës Edi Rames me kryebashkiakun e Prishtinës Isa Mustafa?
Çfarë është lidhja ndermjet Veton Surroi dhe Edi Rames, dhe sa ishte i involvuar Veton Surroi në protestat dhe grevat e organizura në Tirane?
Çfarë është lidhja e Veton Surroit me Isa MUstafes, dhe sa ndikoj për zgjedhjen e tij ne postin e kryetarit të LDK-së?
Cilet janë njerzit e Veton Surroit që tash do ta drejtojn LDK-ën?
Pse kryeministri shqiptar Sali Berisha vazhdimisht e injoron Veton Surroin?
Pse kryeministri kosovar Hashim Thaqi e injoron Veton Surroi?
Çfarë është lidhja e Blerim Shalës me Veton Surroin?
Ledhjet me klanin Eurokoha?
Lidhjet me klanin Koha?
A po mundohen te ringjallet e majta ekstreme me thirrjet duke hedh hi syve dhe duke mashtruar se jan te te qendre se jan te djatht?
Kush e shpiku bojkotin ne Shqiperi e kush ne Kosove?
Pse nuk dallon bojkoti i Edi Rames me bojkotin e Isa Mustafes dhe satelitve te tij?
Sa do ti kushtoj ky bojkot Kosoves?
pse sindormi prej maloku : Mbase nuk fitova , bone zot llug?
etj..