Tiranë, rikthehet panairi i librit 2010

[shigjeta]

Tiranë, rikthehet panairi i librit

TIRANË- 80 subjekte botuese shqiptare, por edhe nga Kosova e Maqedonia, do të prezantohen në Panairin e Librit "Tirana 2010", që do të hapet në 11 nëntor në Pallatin e Kongreseve.
Në këtë edicion të 13-të panairi vjen me moton "Të ndriçojmë mëndjet e reja" dhe për 5 ditë do të sjellë për publikun tituj të librave të rinj, por edhe botime të viteve të kaluara.
Drejtuesit e panairit kanë menduar për këtë vit të organizojnë disa forume, në të cilat do të diskutohet mes njerëzve të librit për një sërë problemesh të librit shqip. Një ndër të ftuarit e këtij Panairi është edhe Presidenti i Panairit Ndërkombëtar të Lajpcigut, Oliver Zille. Pas kërkesës që i është bërë këtij të fundit, që Shqipëria të jetë e ftuar në panairin e Lajpcigut të vitit 2012, Zille vjen për të marrë një vendim në lidhje me këtë kërkesë.

Të ftuar do të jenë botues nga Gjermania, Bullgaria, Sllovenia, Serbia, Turqia, etj, si pjesë të rrjetit të botuesve dhe përkthyesve "Traducci". Ashtu si dhe në edicionet e tjera edhe në këtë edicion të 13-të do të ndahen çmime si: çmimi "Libri më i mirë", "Përkthimi më i mirë", "Libri më i mirë për fëmijë", "Libri më i mirë studimor", çmimi special i panairit.

(e.n/ata/BalkanWeb)

[shigjeta]

Ndahen cmimet e edicionit te 13-te te Panairit te Librit

Pese vleresimet shkuan per Irakli Kocollarin, Jorgji Qirjakon, Bardhyl Xhaman dhe Anastas Angjelin Sikurse ishte paralajmeruar, mbremjen e djeshme, permes nje ceremonie te zhvilluar ne ambientet e Pallatit te Kongreseve, ku eshte vendosur prej te enjtes Panairi i Librit "Tirana 2010" jane ndare pese cmime per letersine. Irakli Kocollari, me librin e tij "Policia sekrete e Ali Pashes", u shpall "Autori i vitit", ndersa cmimi "Perkthyesi i vitit" shkoi per Jorgji Qirjakon me "Vallja e tim eti" e Nikolas Papandreu. Nderkaq, Bardhyl Xhama me librin "3 vellezerit", "rrembeu" cmimin "Shkrimtari me i mire per femije", ndersa "Libri me i mire studimor", cmim i shtuar kete vit, shkoi per "Martin Camaj-shkrimtaria e tij", nga Behar Gjoka. Cmimin special te panairit e mori ish-ministri Anastas Angjeli per librin e tij "Tranzicioni dhe liria ekonomike ne Shqiperi". Ne kete edicion te 13-te te ketij aktiviteti te pervitshem, u vu re mungesa e cmimit "Stenda me e mire". Deri mbremjen e djeshme, panairi ka pasur nje pjesemarrje te larte kryeqytetasish, qe vec te tjerave, nuk ngurojne te evidentojne faktin se cmimet e librave, pavaresisht skontove te ofruara nga botuesit, mbeten serish te larta. Mendohet qe keto dite, eventi me i madh i letrave shqipe, te vizitohet nga rreth 60 mije persona. Nje aspekt i rendesishem qe vlen te theksohet ne kete panair, eshte pjesemarrja e "Traducci", nje rrjet i gjere botuesish dhe perkthyesish nga shume vende evropiane, si Gjermania, Bullgaria, Sllovenia, Serbia, Kroacia, Mali i Zi, Maqedonia, Turqia etj, qe ofrojne ne stendat e tyre materiale falas per personat e interesuar. "Traducci" eshte nje projekt i mbeshtetur nga qeveria e Gjermanise, Austrise dhe Zvicres, qellimi i te cilit eshte te bejne te mundur intensifikimin e kontaktit te letersise dhe kultures te ketyre vendeve. Panairi sponsorizohet nga MTKRS, Soros, Agjencia Kombetare e Lajmeve NOA, TVSH. Promovime te shumta librash, diskutime mbi problematika te ndryshme lidhur me librin dhe natyrisht takime me autoret jane duke u zhvilluar deri te henen, kur panairi do te mbyllet. Oliver Zille ne Tirane: Keni botime te mira, por librat jane te shtrenjte Drejtori i Panairit te Librit te Lajpcigut, Oliver Zille, i pranishem ne Panairin e Librit "Tirana 2010", u shpreh i surprizuar nga botimet shqiptare qe perfaqesohen ne kete event. "Jam shume i befasuar nga kjo qe po shoh, ka shume botime dhe jane te gjitha me nje nivel shume te mire, libra shume te bukur, por mendoj se jane pak te shtrenjte per lexuesit. Une jam ketu per te njohur me nga afer botimet shqiptare dhe qe nga viti 2011 dhe t'i pasqyrojme ato sa me shume ne dy vitet e ardhshme ne Panairin e Lajpcigut, per t'i krijuar mundesine botuesve dhe autoreve te perballen me tregun europian", deklaroi ai. I ftuar nga Shoqata e Botuesve Shqiptar, vizita e Zille, vec njohjes dhe prezantimit me letersine dhe botuesit shqiptare, ka per qellim edhe marrjen e nje vendimi nga ana e stafit te tij, mbi kerkesen e Shqiperise per te marre pjese ne panairin e Lajpcigut 2012. Kjo pasi ky panair funksionon ne saje te tematikave te vecanta dhe SHBSH ka kerkuar qe tema e vitit 2012 te jete Shqiperia, botimet, autoret dhe shqiperimet tona.

Koha Jone

[shigjeta]

Mbyllet panairi i librit, rreth 200 mijë kopje të shitura

TIRANË- Rreth 200 mijë libra llogaritet të jenë shitur gjatë ditëve të Panairit të Librit "Tirana 2010", i cili shënon sonte ditën e fundit, me një numër vizitorësh prej 50-60 mijë qytetarë të moshave të ndryshme.

Kryetari i Shoqatës së Botuesve Shqiptarë, Petrit Ymeri, u shpreh, se "gjinia më e shitur ka qënë letërsia artistike dhe fiction, ndërsa nga autorët më të shitur kanë qënë ata të huaj si Buxati, Safoni, Kamileri, etj". Ai shtoi gjithashtu se ky panair ka patur një vërshim të brezit të ri dhe të fëmijëve.

Sipas shtëpisë botuese "Toena", autorët më të shitur kanë qënë Paulo Coelho, Balzaku, Fatos Kongoli, etj. Ndërsa në shtëpinë botuese "OMBRA-GVG" autorët më të shitur kanë qënë Dino Buxati, Edmond Tupja, etj. Një nga librat më të shitur ka qënë edhe libri i fundit i Ismail Kadaresë "Mosmarrëveshja", sjellë nga shtëpia botuese “Onufri".

Panairi i librit "Tirana 2010" u hap në datën 11 nëntor dhe shënoi këtë vit edicionin e tij të 13-të. Gjatë ditëve të tij u promovuan libra të rinj nga shtëpi të ndryshme botuese si dhe pati disa takime mes shkrimtarëve, botuesve, përkthyesve e dashamirësve të librit.

(m.a/BalkanWeb)

[ajzberg]

200 mije libra me duket pak e ekzagjeruar,e reja e ketij panairi ishte konceptimi i ri i vendosjes se stendave duke krijuar me teper hapsire.E vjetra e panairit ishin cmimet teper te larta te librave .Ulja ishte minimale dhe nuk ja vlente.E mira e panairit, takohesh me shoke dhe diskuton per ndonje liber te ri ne kafene.Dhe e fundit kishte disa libra te mire,por duhesh nje thes me leke,naten e mire........................