Ish kreu i PS Nano: Konkurroj per postin e presidentit

[[HD]]

“Nano për president”: Kryetarët, lojë për pushtet

TIRANË- Lëvizja pro Nanos duke akuzuar kreun e PS-per per loje plot marifete thekson se Edi Rama do të marrë konkurimin e Fatos Nanos për President dhe nëse kjo serish pengohet, do te pasohet me konkurim mes kryetarësh partish për zgjedhjet e 2013.
Me kete deklarate ka dale levizja “Nano për president”, vetëm pak orë para takimit të lajmëruar Berisha-Nano dhe nje dite para raundit te dyte te votimit per presidentin e ri te vendit.
Permes nje letre, levizja jo ka akuzuar krerët e dy partive të mëdha, e në mënyrë të vecantë Edi Ramën për lojë për pushtet, që nxit krizën në vend.

Panorama

[ionian]

Ik o Tosi per koken tende se nuk je as serioz ,as inteligjente . Je nje njeri me vese , rrugac dhe pa asnje veti qe mund te kete nje politikan. Po me sa shikoj nuk te ka mbetur as nje pike burrerie mbi vete. Po si ore vete-propozohej ?! Me siguri e ben vetem per nje qellim. Kerkon per 4 vjet qe do jesh (qe nuk do jesh) te kesh te pish e te hiqesh sikur kush je . Me pas .... duke pare e duke bere. Gjen njeri me te korruptuar se ti ???!!!!

[Bel ami]

Nese Nano ka kontribut ne politiken Shqiptare,atehere ai kontribut eshte "shkerdhatokracia" ,pjaneclleku,matrapazi i armeve,i "miellit te bardhe" me Joy Travel,i kabareve greke,i jahteve Turke. Eshte turp nese ky njeri mer qofte edhe nje post ne Shtetin Shqiptar.

[[HD]]

Nano, këshilla Berishës e Ramës për raundin III


TIRANE- I veteofruari per president te vendit, Fatos Nano ka vleresuar takimin e djeshem mes Berishes dhe Rames, ndonese ka nenvizuar se ai nuk prodhoi rezultat konkret duke shenuar edhe djegien e raundit te dyte.
Ne nje deklarate per mediat, levizja “Nano per president” shprehet se nese nano behet president do te beje takime te perjavshme me dy lideret e partive.
“Nëse do të jetë Presidenti i Republikës, ai do të angazhohet me të gjitha kapacitet politike, institucionale e kushtetuese që mbart detyra e Kreut të Shtetit që të instalojë në njërën prej ditëve të javës, një traditë të përjavshme e të përhershme Mëngjesi pune, reflektimi dhe Lutjesh, mes Presidentit të Republikës, Kryeministrit dhe Liderit të Opozitës. Ky angazhim vjen si domosdoshmëri për përmirësimin e klimës politike si edhe për të ndërtuar së bashku një traditë të qenësishme dialogu, komunikimi, bashkërendimi, ndërshkëmbimi parimor idesh dhe opinionesh për zhvillimet në vend e më gjerë, por edhe për të nxitur perparimin e axhendës së integrimit europian te Shqiperisë”- thuhet ne deklarate.
Duke kujtuar se vendi mbetet ne pritje te nje presidenti, Nano u bën thirrje Kryetarëve Berisha e Rama, që për të mos humbur shansin e tretë në Raundin e tretë të votimit për President, e kësisoj për të mos rrezikuar edhe shansin e tretë të Shqipërisë për të marrë Statusin Kandidat në BE vjeshtën që vjen duke renditur 7 pika qe sipas tij, duhen marre parasysh.
1. Të jenë këmbëngulës dhe mirëbesues për takime e negociata të vazhdueshme parimore, transparente e qëllimlarta me njëri-tjetrin e të tjerët për të mbërritur në produktin më të mirë, duke zgjedhur Presidentin më të mirë për shqiptarët.
2. Të mos funksionojne axhendat politike partiake, te mos lejojne lojërat meskine për pushtet, planet e projektet për ekulibra të politikës së ditës qeverisëse apo opozitare, apo në funksion të zgjedhjeve të vitit 2013, te erresojne rëndësinë parësore që ka zgjedhja e Presidentit të Republikës, si hap i parë për të vazhduar me përmbushjen e të gjitha reformave të cilat do të bëjnë të mundur që Shqipëria ta meritojë Statusin Kandidat në BE. Fatos Nano siguron se nëse do të jetë Presidenti i Republikës, ai do të bëhet garant i kushtetutës, garant i përmbushjes së të gjitha reformave, si edhe garant e i përkushtuar që, të gjithë së bashku. Presidenti dhe Liderat Politikë të angazhohen plotësisht që në vitin 2013 në Shqipëri të organizohen zgjedhjet e para themeluese të lira, të ndershme e te pakontestuara, si shprehje e vullnetit, kulturës politike dhe standarteve më të mira Europiane.
3. Të mos fetishizohet konsensusi, sikurse u fetishizua derimësot proçesi. President Republike nuk do të zgjidhet as Konsensusi, e as Proçesi. President Republike do të zgjidhet emri dhe personi konkret. Konsensusi nuk duhet të jetë një fjalë e pakuptueshme për shqiptarët, të cilën e dine vetëm Kryetarët. Konsensusi nuk duhet të bëhet lojë e Kryetarëve për të fshehur apo ushqyer axhendat meskine e lojërave për pushtet. Konsensusi kërkohet të bëhet një fjalë e thjeshtë, e lexuar dhe kuptuar lehtë e parimisht nga të gjithë shqiptarët. Konsensusi për shqiptarët duhet të jetë: një proçes mirëbesimi dhe mirëkuptimi për bashkërendim e bashkëvendosje nga të gjitha palët politike të përfaqësuara në Kuvend. Konsensusi nuk duhet të arrihet për hir të konsensusit e në dëm të produktit, pra të cilësisë së zgjedhjes së Presidentit. Të mos përdoret fjala konsensus si alibi për të përmbushur profecinë e shqiptarit të mençur e të madh Arbën Xhaferri kur ka paralajmëruar disa ditë më parë se: “… Ata që kanë ndikim, kërkojnë të kundërtën: një president-pulë, që nuk e turbullon ujin…” Konsensusi duhet të sjellë një President si Simbol të Unitetit Kombëtar të shqiptarëve, e jo si Simbol të unitetit të Kryetarëve. Konsensusi, kërkohet të sjellë një President mbi palët, të pandikueshëm, të patrysnueshëm, e të pajoshshëm nga palët apo pushtetet e palëve. Kërkohet një President që të perbashkojë interesat dhe te perfaqsoje unitetin e të gjithë shqiptarëve kudo që janë, ashtu sikurse edhe interesat, nevojat e strategjitë e partnerëve euroatlantikë. Kërkohet një President që t’iu dale për zot institucioneve të pavarura, si edhe me një shpirt prej sipërmarrësi politik, negociator i sprovuar dhe komunikator i drejtë, i aftë për ta përfaqësuar denjësisht Shqipërinë në të gjitha tryezat dhe partneritetet euroatlantike.
4. Konsensusi, pra proçesi i mirëbesimit, mirëkuptimit për bashkërendim dhe bashkëvendosje, ndërsa synon daljen me një kandidat të bashkëvotuar dhe gjithëpranuar nga të gjitha palët, nuk ka pse të përjashtojë mundësinë e një dakordësimi që në pamundësi të marrëveshjes për një kandidat të përbashkët, të lejohet me njemendësim dhe vullnet mirëbesues një garë e lirë dhe e ndershme në Kuvend, gjë që do të sjellë që nga konkurimi i Kandidatëve më të mirë të fitojë ai që merr besimin e shumicës së vullneteve të lira të deputetëve. Një kandidat i përbashkët dhe i bashkëvotuar do të dëshmonte pjekurinë e klasës politike shqiptare, por edhe dakordësimi e mirëbesimi për një garë të lirë e të ndershme do të dëshmonte pjekurinë e demokracisë shqiptare. Fatos Nano është i gatshëm për të dyja mundësitë. Fatos Nano e sheh veten si inkurajues dhe ndërtues i një Aleance të Madhe të Mirëbesimit.
5. Fatos Nano ndonëse i lënduar dhe mosaprovues nga ngurrimi i Edi Ramës për ta mbështetur politikisht dhe me firma deri tani emrin e tij në mundësinë për të Kandiduar për President, shprehet mirëbesues deri në përfundim të proçesit, dhe e inkurajon Edi Ramën që të jetë vijë e hapur komunikimi, këshillimi dhe ndërshkëmbimi idesh dhe opinionesh me të gjithë aktorët dhe faktorët e përfshirë në proçesin e zgjedhjes së Presidentit, qoftë me ata që janë të thirrur për të marrë vendime, qoftë me ata që kanë shpallur ambicjen dhe përgjegjshmërinë për të konkuruar për detyrën e Kreut të Shtetit. Fatos Nano e fton Edi Ramen që të mos i shmanget garës dhe konkurimit me maxhorancën, me emra dhe vlera më të mira e më përfaqësuese, si edhe e këshillon që të mos e përjetojë të qenurit në pakicë si gjendje mentale dhe psikologjike pamundësie, por si gjendje politike shansesh dhe mundësie për kontrubite dhe rritje. Pakicat nuk duhet tu shmangen kurrë garave e konkurimeve. Pakicat rriten vetëm nëpërmjet konkurimit dhe garave.
6. Njëkohësisht Fatos Nano shpreh mirëbesimin dhe fton Kryeministrin Berisha që të mos shohë e as interpretojë tek Fatos Nano një Instrument politik aktiv, por një politikan parësor e të sprovuar, një shtetar që ka shërbyer për shumë herë e vite në Krye të Qeverisë, një protagonist për shkak të rolit dhe modelit politik që ka përfaqësuar, duke iu dedikuar të përbashkëtës. Fatos Nano prej vitesh nuk konkuron e as bën pjesë më në jetën aktive dhe të politikës së ditës nën ndonjë sigël partie. Fatos Nano është i vetëofruar për të shërbyer bazuar në të gjitha dijenitë, përvojën, dijet, kapacitetet e tij si politikan paresor, por mbi të gjitha si shërbëtor publik e shtetar. Fatos Nano është gjithashtu i ndërgjegjësuar dhe ndjen përgjegjshmërinë se një klasë politike që nuk jep dot produkte apo jep produkte të këqija për popullin e saj, meriton të konkurohet.
7. Fatos Nano shfrytëzon rastin për të falenderuar dhe shprehë vlerësimin dhe mirënjohjen e thellë për të gjithë partnerët ndërkombëtarë, për misionin e tyre mjaft të çmuar dhe qëllimmirë ndaj Shqipërisë, tejkalimit te krizës e ngërçit politik, inkurajimin e zhvillimeve pozitive në Shqipëri, si edhe për përparimin e axhendës së integrimit në BE. Fatos Nano shpreson e uron që klasa politike shqiptare do të dëshmojë maturi të mjaftueshme që në respekt të kujdesit dhe ndihmës së vyer të partnerëve ndërkombëtarë, veçanërisht të Ambasadorit të SHBA Aleksandër Arvizu, Ambasadorit të BE Etore Sekui dhe Ambasadorit të OSBE Eugen Volfarth, të arrijë marrëveshjen e shumëpritur për ta mikpritur me meritë dhe pjekuri të dërguarin e Komisionerit Stefan Fule, Stefano Sanino i cili vjen në Shqipëri në dt 7 qershor.

Panorama

[MaDaBeR]

Dështon raundi i dytë/ Kandidimi i Nanos, Ruçi zbardh replikat Berisha-Rama

Pavarësisht insistimit të liderit historik të së majtës shqiptare, Fatos Nano, për t’iu imponuar familjes së vet politike për ta kandiduar për postin e lartë të kreut të shtetit, kjo e fundit nuk është e prirur ta bëjë një gjë të tillë. Me gjithë këmbënguljen e vazhdueshme të kryeministrit Sali Berisha në takimin që ai pati me kryetarin e opozitës Edi Rama dy net më parë, për të marrë një përgjigje pse Partia Socialiste nuk propozon emra dhe konkretisht Fatos Nanon për president, kreu i socialistëve i është shmangur një debati të tillë, ndërsa ka kërkuar në vazhdimësi proces. Këtë fakt e ka bërë të ditur dje në mbledhjen e Grupit kryetari i deputetëve socialistë, Gramoz Ruçi, i cili i ka informuar ata lidhur me rezultatet e takimit të dielës me dy përfaqësuesit e mazhorancës.

Grupi

Ndërsa komisioni i Ligjeve kishte thirrur mbledhjen formale për të diskutuar rreth kandidaturave për President të Republikës në funksion të raundit të dytë të votimit, deputetët socialistë nuk kanë marrë pjesë. Kjo pasi në të njëjtën kohë, në selinë e Partisë Socialiste mbahej një mbledhje jashtë radhe e Grupit parlamentar për të diskutuar pikërisht për çështjen e zgjedhjes së kreut të ri të shtetit. Megjithatë, mbledhja që ka nisur në 09:00 të paradites ka zgjatur vetëm 20 minuta dhe ajo i është kushtuar plotësisht takimit të së dielës, ku Edi Rama dhe Gramoz Ruçi u takuan në ambientet e Kryesisë me kryeministrin Sali Berisha dhe kryetarin e Grupit parlamentar demokrat, Astrit Patozi. Pavarësisht se në mbledhjen e Grupit ishte i pranishëm dhe Rama, ka qenë Ruçi ai që ka informuar deputetët lidhur me produktin e këtij takimi. Kështu, burime nga mbledhja kanë bërë të ditur se Ruçi në fjalën e tij ka zbardhur pjesë nga takimi, duke theksuar se kryeministri Sali Berisha në mënyrë të vazhdueshme ka kërkuar që opozita të paraqesë emra në tryezë, për t’i përballur ato me emrin e mazhorancës. Gjithashtu, Ruçi bëri të ditur se Berisha duke i kërkuar opozitës të paraqesë emra, ka pyetur Ramën pse nuk propozonte Fatos Nanon dhe pse nuk i jepte atij firmat për të qenë kandidat zyrtar. Pyetje kjo, që sipas Ruçit, iu bë përfaqësuesve të opozitës në këtë tryezë disa herë. Por po aq herë ka bërë të ditur Ruçi, kreu socialist Rama i është shmangur një debati të tillë dhe ka këmbëngulur te procesi dhe miratimi i një kornize me konsensus për kriteret e presidentit.

Zaganjori

Gjithashtu, Ruçi ka bërë të ditur se në tryezë dy përfaqësuesve të mazhorancës iu komunikua se konsensusi nuk mund të ngrihet mbi kandidaturën e Xhezair Zaganjorit, dhe kjo sipas tij, për shkak të procesit nëpërmjet të cilit ai është përzgjedhur. Më tej Ruçi ka theksuar se Rama i bëri të ditur kryeministrit se PS është e gatshme që të marrë pjesë në një proces përzgjedhës konsensual të një kandidature për president nëse mazhoranca heq dorë nga Zaganjori dhe rihap edhe një herë procesin, duke përcaktuar fillimisht kriteret dhe më pas për të gjetur emrin. Ruçi ka informuar deputetët se në takim Kryeministrit iu premtua se në rast se zgjidhet një president konsensual dhe më pas realizohen dhe tri pikat e tjera: reforma parlamentare, ajo zgjedhore dhe heqja e imunitetit, atëherë opozita do ndihmojë qeverinë që t’i drejtohet Brukselit për të marrë këtë vit statusin e vendit kandidat. Deputetë të pranishëm kanë bërë të ditur se Ruçi ka qenë optimist në arritjen e një konsensusi para raundit të tretë dhe kjo pasi sipas tij, tashmë është hapur rruga për të arritur në këtë pikë.

Mapo

[Duaje Siveten]

po thojka levizja dum-bab-enverin:

... Fatos Nano është dalëzots dhe nëse do të jetë President, ai do të jetë një President dalëzots”,- përfundon njoftimi i 'Lëvizja Nano President'...

ka dhene prova se si i ka dale per zot edhe para- edhe pas-kryeministerllekut ... duke i dhene makines ... duke thare gota alkooli ... duke u bere telef buzuqeve ... duke u mbath si katunar e vrap ne makedoni ... duke fol me millosheviç e caktuar kryeqytetin e Kosoves ne beligrad ...

mjafton te kujtojme se si njizet vjet me pare u deftonte kosovarve ne Zvicer se baba ishte enveri ...

[[HD]]

Nano: Liderët e partive të bashkohen në një “Aleancë Mirëbesimi” për integrimin e vendit

Në një deklaratë për mediat lëvizja “Pro Nanos”, i bën thirrje kryetarëve të partive politike të mos humbasin asnjë çast, asnjë rast, asnjë ditë më tepër duke u përkushtuar plot mirëbesim për t’iu dhënë zgjidhje shqiptarëve dhe për të përmbushur të gjitha kriteret dhe detyrimet që ka vendi ynë përpara BE-së.

Në deklaratë thuhet se, Fatos Nano po përmbush angazhimet e veta në të mirë të vendit duke vazhduar takimet intensive me aktorë e faktorë kuvendorë, politikë nga i gjithë spektri, partnerë euroatlantikë, përfaqësues të shoqërisë civile, intelektualë, akademikë etj.

“Dialogu, komunikimi, mirëbesimi, bashkërendimi dhe bashkëpunimi janë domosdoshmëri demokratike dhe përgjegjësi e detyrim i lartë përpara qytetarëve. Fatos Nano inkurajon kryetarët e partive që të bëjnë të gjitha përpjekjet që të mbërrijnë me pjekuri në marrëveshje parimore, transparente dhe në favor të përparimit të axhendës së Integrimit Europian të vendit tonë”, shkruan lëvizja “Pro Nanos”.

Nano kërkon që para ardhjes në Shqipëri të Stefano Saninos, i dërguari i Komisionerit Stefan Fule, të gjendet një zgjidhje për presidentin e ardhshëm.

“Ne shqiptarët, ne klasa politike shqiptare kërkohet të dëshmohemi të aftë për të prodhuar zgjidhje e të bëjmë zgjedhje të mira dhe se e meritojmë të bëhemi një vend i denjë anëtar i Bashkimit Europian”.

Në deklaratë citohet se, Fatos Nano inkurajon të gjithë liderët politikë në vend që të bëhen së bashku në një Aleancë të Madhe Mirëbesimi, për të ndërtuar procese të mirëbesuara e mirëkuptuara në mënyrë që të sigurohen produkte demokratike, të lira, properëndimore, proeuroatlantike.

Nono shprehet se, kategorizimi i kandidaturave është shprehja më e qartë e kulturës së gabuar jodemokratike, joperëndimore që nuk prodhon dot kurrsesi fryte pozitive për shqiptarët dhe Shqipërinë. Sipas Nanos, kategorizimi i kandidaturave është vetëjustifikimi i kryetarëve për të mbajtur nën kontroll situatën, për të vazhduar lojërat e pushtetit, për të fshehur dështimin e tyre në kapacitetin për të mirëbesuar dhe bashkërenduar me njëri-tjetrin, asgjësimin e garës dhe konkurrimit të lirë, përjashtimin e publikut nga pjesëmarrja dhe konsultimi, si edhe për të fshehur deformimin e madh dhe zhvendosjen nga aksi dhe kultura demokratike e perëndimore. Kategorizimi i kandidaturave u mohon shqiptarëve mundësinë për të patur në krye të shtetit të tyre, presidentin më të mirë për ta.

Nano ndër të tjera shkruan se e gjykon se, nuk ka tirani e dhunë më të rëndë për jetën dhe shpresën e qytetarëve sesa dhuna dhe tirania e institucioneve, sidomos ajo e institucioneve të drejtësisë. “Kjo dhunë demonstrohet si shpërfillje, mosveprim, dekadencë, korrupsion, vonesë, zvarritje apo arrogancë. Kjo lloj dhune prek drejtpërdrejt qytetarët, të varfrit, të dobëtit, të pamundurit për shkak të kufizimeve financiare, fizike apo sociale. Drejtësia i jep kuptim lirisë, demokracisë dhe zhvillimit”, shkruhet në deklaratë.


Shekulli

[Duaje Siveten]

po qe se salijevi (vellai siamez i fatosit) eshte antar i Levizjes pro-nano, ahere ai mund te zgjidhet president ...

kot nuk i ka vene emrin ai, li-derri histerik i socialistave ...

[mesuesi_1]

po qe se salijevi (vellai siamez i fatosit) eshte antar i Levizjes pro-nano, ahere ai mund te zgjidhet president ...

kot nuk i ka vene emrin ai, li-derri histerik i socialistave ...

mister qo pune ore .... po si ka mundesi qe socialistat nuk duan Fatosin president ore ...?! po qysh kjo pune ?! po cu ka bere te keqe ky ore aman ...?! buzinesemene i beri nga breke-grisur qe ishin .... manaxhera i beri me shkollen e partise .... specializime u garantoji kelysheve te komunistave .... shkolla ne oksidente i dha me bursa te majme .... qysh kjo pune ore ...?! nuk thote kot populli "ti i gjuan me buke dhe ata te gjuajne me gur" ....

.

[[HD]]

“Presidenti”, Nano: Duhet Kryetar Shteti dalëzots, unë i duhuri



TIRANË- Në prag të ardhjes së në Shqipëri të Stefano Saninos, i dërguari i Komisionerit Stefan Fyle, e ndërsa ende nuk është përcaktuar se kur do të mbahet raundi i tretë për presidentin, ish-kryeministri Fatos Nano inkurajon Kryetarët e Partive që të bëjnë të gjitha përpjekjet që të mbërrijnë me pjekuri marrëveshje parimore, në favor të përparimit të axhendës së Integrimit Europian të vendit tonë.

Sic bën me dije 'Lëvizja Nano President', Shqipëria është vend Anëtar i NATO-s dhe kërkohet nga klasa politike që të sillet si një klasë politike e një vendi Anëtar i NATO-s edhe për përzgjedhjen e kreut të ri të shtetit.

“Fatos Nano inkurajon Kryetarët e Partive politike të përfaqësuara në Kuvend, që të dalin nga ngërçi dinjitetrrënues dhe mundësizhbërës i kategorizimit të kandidaturave në politike, jopolitike, shoqëri civile, etj dhe të përqendrohen me përkushtim dhe mirëkuptim që të kërkojnë kandidatët më të mirë për të zgjedhur Presidentin më të mirë",- thuhet në deklaratën për media të 'Lëvizja Nano President'.

Ne deklarate kandidati i vetëshpallur për president, shprehet kundër kategorizimit të kandidaturave për presidentin e vendit, që sipas tij bëhet nga palët për të fshehur dështimin, ndërsa thekson se përtej ngërçeve të sotme, Kryetarët e Partive do të dinë ta gjejnë kurajon dhe përgjegjshmërinë demokratike për të zgjedhur Presidentin më të mirë që meritojnë shqiptarët dhe që përputhet edhe me kërkesat e partnerëve euroatlantikë

"Proçeset e deformuara japin fryte të këqija. Kategorizimi i kandidaturave dhe hulumtimi nëpër secilën kategori nga Kryetarët, duke përjashtuar arbitrarisht kategori të caktuara, apo emra të ndryshëm, është vetëm shprehi e paaftësisë dhe mendësisë së gabuar të kësaj klase politike që po rrezikon ta shndërrojë çdo ditë e më tepër Shqipërinë në një vend Kryetarokratik”,- thuhet në njoftim.

Ndërkohë, Nano angazhohet se nëse do bëhet Presidenti i ri i vendit ai përkushtohet që të bëhet garant i plotësimit dhe përmbushjes së reformës zgjedhore, reformës parlamentare si edhe i të gjitha reformave të nevojshme bazuar në kriteret per anetaresim ne BE.

“Nëse Fatos Nano do të jetë Presidenti i ri ai do të garantojë të organizojnë në vitin 2013 zgjedhjet e para të lira, të ndershme e të pakontestuara sipas vullnetit, kulturës dhe standarteve më të mira europiane. Presidenti i ardhshëm e ka për detyrë kushtetuese që të jetë negociator, paqebërës, institucional, sipërmarrës politik, unifikues, zgjidhës konfliktesh si edhe garant i një zgjedhjeje të drejtë dhe me maturi demokratike në respekt të instrumentave demokratike brenda vendit dhe kërkesave të partnerëve ndërkombëtarë euroatlantikë, për Kryetarin e SHISH, Prokurorin e Pergjithshëm dhe Përfaqësuesit e Gjyqësorit. Sqipërisë i duhet një President dalëzots. Fatos Nano është dalëzots dhe nëse do të jetë President, ai do të jetë një President dalëzots”,- përfundon njoftimi i 'Lëvizja Nano President'.
(e.m/BalkanWeb)