Ish kreu i PS Nano: Konkurroj per postin e presidentit

[Qyfyre]

Ne vend qe te ikin edhe keta hajdutet e tjere, kthehen edhe ata qe ishin ne pension. Se kutpoj se si mund te quhet i afte Nano. Thjshte se cante koken per asgje dhe vidhte e bente qef per vete. Nese aftesia matet me sa vjedh, atehere po, eshte me i afti qe ka Shqiperia.

Presidenti eshte figure pa shume vlere te ne. S'ka nevoje te vihet patjeter nje politikan. Thjesht ndonje intelektual qe nuk merret fare me politike, qe mos na rri shume as neper tv me intervista.

[Kermilli]

Ne vend qe te ikin edhe keta hajdutet e tjere, kthehen edhe ata qe ishin ne pension. .

hahahhahahahhahhahahah shume e goditur kjo

[Gordon Freeman]

une bej tifo per Nanon

[Bel ami]

Nano President do te jete per Shqiperine si Apokalipsi

[{A_N_G_E_L_69}]

Ruçi: Nano e ka derën të hapur, nuk bëhet President vetëm me firmat e PS


Kreu i Grupit të PS: Mocioni ndaj Topallit, i kotë.
“Nuk mendoj se Nano do na kërkojë firmat, ai e di se me votat e PS s’bëhet President”





Kreu i Grupit Parlamentar të PS-së, Gramoz Ruçi, tha dje se kjo forcë politike nuk përjashton asnjë emër për postin e Presidentit. Në një intervistë për emisionin “5 pyetje nga Babaramo” të gazetarit Ilir Babaramo në News 24, ai tha se më i rëndësishëm është procesi, i cili duhet të kalojë përmes negociatave.
Ka pasur disa deklarata të deputetëve të PS-së, që Grupi Parlamentar do të kërkojë një mocion mosbesimi ndaj kryetares së Kuvendit. E konfirmoni?
Është një gjë që sigurisht është lançuar edhe në shtyp, ashtu sikurse ne kemi paraqitur periodikisht vërejtjet tona në seancën e Parlamentit lidhur me ecurinë e parlamentarizmit shqiptar. Sigurisht që nëse do të flasim për shkak për të bërë një mocion mosbesimi, unë do të thosha që është e tejkaluar, sepse jo një herë, por janë mbi 22 raste që në Parlamentin shqiptar janë shkelur të gjitha procedurat parlamentare dhe në të gjitha seancat e Parlamentit, funksionet e parlamentarizmit, e një Parlamenti demokratik janë inekzistente, mungon liria e fjalës, liria e mendimit, ku mungon procesi transparent i ligjbërjes, ku mungon procesi i kontrollit të Kuvendit mbi Ekzekutivin dhe ku mungon vota e fshehtë për organet kushtetuese që dalin nga Parlamenti. Megjithatë, ne gjykojmë se gjithë fryma e maxhorancës kontrollohet nga një dorë, që është Kryeministri i vendit, Sali Berisha. Kështu që në kushtet dhe në rrethanat që në Shqipëri mungon kjo votë e fshehtë, pse të bëhet? Në kushtet dhe në rrethanat që në Parlamentin shqiptar nuk votohet në mënyrë të fshehtë, ç’rëndësi do të kishte një rikonfirmim “i dytë” gjasme i kryetares së Parlamentit?
Pra, ju tërhiqeni nga mocioni?
Jo, nuk thashë këtë. Nëse keni ndjekur më vëmendje edhe dy seancat e fundit, si një seancë më parë, ku u miratua anëtari i KLD-së, ashtu edhe në seancën që kaloi, ne bëmë një testim se çfarë i ka ngelur këtij Parlamenti në kuadrin e votës së fshehtë.
Ju thatë që dyert e PS kanë qenë të hapura që më 1992-shin. Po a janë të hapura sërish për Ilir Metën?

Gramoz Ruçi
Kur shtrohet kjo pyetje, sigurisht më shumë se për ne duhet të jetë për zotin Meta dhe për LSI-në, sepse jemi në role diametralisht të kundërta. Ne jemi në opozitë, zoti Meta është në pushtet.
Ka filluar të mendojë ndryshe nga zoti Berisha?
Është e drejtë e tij, nuk e paragjykojmë. Është normale. Këto duhet t’i sqarojë ai. Tani ne po diskutojmë a ka hapësira që Meta dhe LSI-ja të vijnë te PS-ja? Atëherë unë ju përgjigjem që ne jemi në opozitë. Aktualisht zoti Meta është në pushtet. Ne jemi në opozitë me zotin Meta dhe zoti Meta është në pushtet në raport me ne. Është detyrë e zotit Meta që të kryejë lëvizjen nëse ai e gjykon të arsyeshme që të ikë nga pushteti dhe të radhitet qoftë edhe për këto arsye që thatë ju, që të bëjë lëvizjen e radhës. Nëse ai del në opozitë, sigurisht që ai ka një forcë politike që është e majtë, që ka dalë nga PS-ja dhe që ne asnjëherë, PS, unë dhe asnjë përfaqësues i PS-së nuk thotë në politikë që me çdo forcë politike që ka përafërsi programore dhe ka aksione të përbashkëta në luftën opozitare ndaj pushtetit, në politikë asnjëherë nuk thuhet kurrë.
Zoti Servet Pëllumbi, një nga pjesëtarët e Këshillit të të Urtëve, tha “jap dorëheqjen nga ky forum” dhe tha se ky forum i ngjante Byrosë Politike…
Këtë s’e kam lexuar në ligjëratë të drejtë. Unë kam konsideratën më të lartë për zotin Pëllumbi, sepse kam punuar shumë gjatë, për urtësinë e tij, për thellësinë e mendimit të tij, ashtu sikurse kam qenë pjesëtar i kësaj tryeze kur zoti Pëllumbi ka qenë në këtë tryezë dhe, nga ana tjetër, do të respektoja edhe këtë vendimmarrje që ka marrë me iniciativën e kryetarit Rama, që ka krijuar këtë institucion dhe do të shprehja konsideratën time më të lartë për të gjithë pjesëtarët e kësaj tryeze, edhe për zotin Pëllumbi, i cili ka qenë prezent në dy raste kur është mbledhur kjo tryezë. Ajo është një tryezë këshillimore për të gjitha aspektet politike që kalon opozita dhe vendi. Të gjithë kolegët që marrin pjesë në këtë tryezë kanë dhënë mendime shumë të thella për ecurinë e këtyre proceseve dhe për aksionin politik të opozitës.
Çfarë ju kanë sugjeruar për emrin e Presidentit?
As Këshilli i të Urtëve dhe as Kryesia nuk kanë ardhur në atë moment që të diskutojnë çështje emri, sepse edhe Kryesia, edhe Këshilli, edhe Grupi, para se sa të shkohet te emri, kanë diskutuar që si të arrihet në një proces. Nëse procesi do të sjellë emrin për President, sigurisht do të zgjedhim një President siç i takon dhe siç e meriton institucioni i Presidentit, stadi në të cilin jemi. Ne duam që Presidenti të mos jetë as noter i PD dhe as noter i PS-së, por noter i unitetit kombëtar.
Duhet të jetë jashtë politikës atëherë?
Patjetër. Pse jo, edhe jashtë politikës. Askujt s’i mohohet e drejta. Unë s’i mohoj të drejtën asnjë politikani shqiptar, as të majtë, as të djathtë dhe asnjë qyteti shqiptar, që nga akademikë të nderuar dhe deri te qytetarët që plotësojnë kushtet sipas Kushtetutës. Por, hajde të ulemi dhe të ndërtojmë një proces besueshmërie.
Ju keni një emër për t’ia lënë zotit Berisha në tavolinë?
Absolutisht po, por hajde të ulemi në tavolinë.
Zoti Nano do të jetë?
Ne nuk kemi asnjë emër dhe nuk përjashtojmë asnjë. Mos mendoni tani se unë do nxjerr emra. S’kam emër sepse ne jemi për një proces.
Zoti Nano është shprehur se do të takojë zotin Rama…
Absolutisht është e drejtë e tij.
Ju jeni pro këtij takimi?
Absolutisht po, s’diskutohet jo me zotin Nano po e po, por me këdo. Dyert e PS-së janë të hapura për të ardhur dhe për të shpalosur gjithë ambiciet që ka çdo qytetar i Republikës të Shqipërisë, i majtë dhe i djathtë, jo zoti Nano.
Ju keni pasur kontakte direkte?
Jo, s’bëhet fjalë. T’i ndajmë kontaktet njerëzore. Unë bëj kontakte me të majtë e të djathtë, me zotin Nano që ka qenë kryetar i PS-së, kjo do të thotë që kur flasim për çështje konkrete, nuk ka pasur asnjë kontakt të kësaj natyre.
Çfarë do t’i kërkoni ju zotit Nano në këtë takim?
Absolutisht ne s’kemi ç’t’i kërkojmë. Zoti Nano ka kërkuar takim me ne dhe kërkon ai që kërkon takimin.
Ai kërkon votat, ju ç’do të kërkoni prej tij?
Nuk mendoj se zoti Nano do të kërkojë votat. Ai e di që votat PS-ja nuk i ka që ta bëjë President. Kam shumë respekt për inteligjencën e zotit Nano, i cili do të kërkojë më shumë se ajo që thatë ju, çështje votash. Nëse do të ishte çështje votash, mund t’ju them që me votat e PS-së, as Nano dhe askush tjetër nuk mund të bëhet President. Këtë e di PS-ja, këtë e di zoti Nano, këtë e di kushdo tjetër.
Pra, ka nisur një betejë të humbur?
Jo, nuk e thashë këtë. Unë fola për zgjedhjen e Presidentit, thashë që Presidenti do të dalë si rezultat i një procesi të pjekur, të matur, të thellë, të përgjegjshëm nga e gjithë klasa politike shqiptare dhe në radhë të parë nga maxhoranca. Nëse ulen në tavolinë, sigurisht nuk i mungojnë Shqipërisë personalitete dhe kapacitete intelektuale të fushave, të sferave të caktuara për të kryer me dinjitet postin e Presidenti. Ajo që i mungon është vullneti politik i klasës politike parlamentare.
Nëse ju kërkon 20 firma deputetësh zoti Nano…?
Kjo është e fundit për të vajtur në përplasje PS-PD. Këtu s’është puna për të siguruar ca firma. PS është një organizëm që do të ketë një qëndrim politik për këtë dhe një strategji e një taktikë për çështjen e zgjedhjes së Presidentit. S’flasim për firmëtarë të PS-së. Grupi i PS-së do të ketë një qëndrim politik. Ulemi në një proces dhe hap pas hapi shpalosim qëndrimet.
A prisni sulme të tij nëse s’i jepni votat?
Unë nuk thashë këtë që s’do t’i japim apo do t’i japim. Nuk bëhet fjalë për të dhënë apo mos dhënë këtu unë sot. Unë do të kem mendimet e mia, forca ime do të ketë qëndrimin e vet. Zoti Nano ka shprehur mendimet, që unë i respektoj. Ai ka marrë një nismë që unë do të thosha është shumë serioze, që nuk janë si këto kandidaturat e tjera që lançohen me një inflacion të paparë poshtë e përpjetë.
A ia jep votën zoti Berisha?
Sigurisht që këtë pyetje ai duhet t’ia bëjë në takimin që do të ketë Nano me Berishën. Më erdhi mirë që Berisha do ta mirëpresë zotin Nano, ashtu sikurse më erdhi keq që me këmbënguljen e tij, zoti Berisha kandidatin e tij e ka në udhëheqjen e PD-së, pra ai do të nxjerrë noterin e PD-së. Pra, janë dy filozofi krejt të ndryshme.
Ju i përjashtoni të gjithë en block?
Përsëri unë do të thosha që nëse do të shikohet Presidenti i Republikës si përfaqësues i maxhorancës aktuale parlamentare, sigurisht ne jemi kundër.


Panorama

[{A_N_G_E_L_69}]

Presidenti, Nano, 2 orë në selinë e PS me Ramën




TIRANE- Ish kryeministri dhe kryetari i Partisë Socialiste, Fatos Nano ka takur për rreth dy orë me kreun aktual të socialistëve, Edi Rama. Në përfundim të takimit Nano u shpreh për gezetarët; “U takuam për të folur nga afër jo vetëm mbi platformën dhe ofertën që unë kam paraqitur publikisht, për një zgjidhje të sfidës presidenciale në përputhje me prioritete dhe kërkesat e vendit, të atdheut, në 100- vjetorin e Pavarësisë, dhe veçanërisht në funksion të një dinamike më prodhuese të punës që bën klasa politike dhe institucionet për integrimin. Një konsultim i dobishëm, unë vlerësoj jo vetëm mirëkuptimin në zhvillim edhe në Partisë Socialiste, siç konstatova edhe me zotin Meta, si drejtues i LSI-së, dhe vlerësoj faktin se, në një proces që do të vazhdojë është e dobishme të vlerësohet roli i pazëvendësueshëm i PS si forca kryesore e opozitës, në përballimin pozitiv të detyrave të integrimit.”
Nano u shpreh se procesi i zgjedhjes së Presidentit të ri nuk mund të jetë ende në xhepin e askujt, në rast se nuk ju shërben të gjithëve.
Fatos Nano ka ndërmarrë një seri takimesh me krerët e partive parlamentare, për të kërkuar mbështetje për platformën e tij për tu zgjedhur në krye të shtetit, si President i Republikës së Shqipërisë.
Nano ka mbajtur takime me kreun e LSI-se, Ilir Meta me kryeministrin Berisha, si dhe me ambasadorin e Shteteve të Bashkuara të Amerikës, Aleksandër Arvizu.


Panorama

[goldian]

une nuk ia thom politikes, por kjo pyetje me intrigoi ti jap pergjigjen si me poshte:

Se pari, nuk ka asnje vendim shteteror qe denon diktatorin, ti heqe tituj apo dekorata etj.

familja e diktatorit ka te drejte te kandidoje si te gjithe te tjeret qytetare: kushtet jane mosha dhe qendrimi ne Republiken e Shqiperise ne nje kohe te caktuar.

mua me duket se personi me i pershtatshem nga familja e diktatorit eshte sokoli ... i shoqi i liljanes apo illirianes ... kaq mjafton.

Te falenderoj per pergjigjen isha shume kurioz

[{A_N_G_E_L_69}]

Nano, dy orë takim me Ramën dhe Ruçin për Presidentin, josh kreun e PS për afrimin me LSI


Ish-kreu i PS takon pasardhësin e tij dhe bashkëpunëtorin e vjetër.
Ish-lideri socialist josh Edi Ramën me rolin e garantit në afrimin e PS-së me LSI-në e Metës.





Fatos Nano takoi dje në zyrën e tij kreun e Partisë Socialiste, Edi Rama, për garën e tij presidenciale. Në orën 11:00 të së enjtes, kur e gjithë vëmendja mediatike ishte fokusuar në Parlament, ish-lideri historik i kësaj partie kapërceu pragun e selisë rozë dhe u drejtua për në zyrën e pasardhësit të tij, Edi Rama. Në derën kryesore të selisë e pritën shefja e protokollit të PS dhe shefja e kabinetit të kryetarit, të cilat e shoqëruan Nano deri te zyra e Ramës. Fatos Nano shoqërohej nga këshilltari dhe bashkëpunëtori i tij, Ilir Kulla. Takimi mes Ramës dhe Nanos, i fundit mes tyre në 2007-n, po për zgjedhjet presidenciale, natyrshëm kishte risjellë gjallërinë mediatike në selinë e PS-së, e cila ka kohë që ndjehet e vakët, qëkur Rama nisi komunikimin virtual në Twitter. Te dera e zyrës Nano është pritur fillimisht nga Rama e më pas është takuar dhe me kryetarin e Grupit Parlamentar dhe bashkëpunëtorin e tij të vjetër në PS, Gramoz Ruçi. Më pas dyert u mbyllën dhe për dy orë tri personalitetet nuk kanë lëvizur nga zyra. Në orën 13:00, Rama, Ruçi dhe Nano kanë dalë nga zyra, por ndryshe nga takimi i fundit mes tyre, të “zotët e shtëpisë” e shoqëruan “mikun” deri te dera e godinës së PS. Rama dhe Ruçi u përshëndetën me Nano para kamerave duke dhënë dhe mesazhin se biseda me dyer të mbyllura ishte ndryshe nga herët e tjera. Kjo sjellje e Ramës, e përcjelljes së “mikut” deri te dera, ka ndodhur vetëm me nivele të larta ndërkombëtare që e kanë takuar atë në zyrën e tij. Madje dhe ambasadorët e rëndësishëm në Tiranë, Rama, nuk i përcjell më te dera, por ndahet me ta nga zyra e tij.

[{A_N_G_E_L_69}]

Negociatat





Mësohet se biseda mes tri prej figurave më të rëndësishme të së majtës i është përmbajtur çështjeve parimore. Nano ka shprehur gatishmërinë për të kandiduar me platformën e tij për President të vendit në një proces që nis zyrtarisht më 20 maj. Rama, nga ana e tij, nuk mësohet të ketë dhënë garanci të shumta, por është përqendruar te ndërtimi i një procesi gjithëpërfshirës me të gjitha partitë parlamentare e kryesisht me PD, duke e cilësuar procesin e zgjedhjes së Presidentin si prioritetin e 13-të të pashkruar të Komisionit Europian për Shqipërinë në procesin e integrimit. Mësohet se mes fjalorit parimor të Ramës dhe objektivit konkret të Nanos ka pasur për disa minuta një lloj tensioni. Nano i ka siguruar Ramës që nëse ai do të jetë President i ardhshëm, do të jetë një lloj garanti për bashkimin e së majtës. Duke qenë në një pozicion mbi palët, por dhe mes palëve, Nano e ka siguruar Ramën se do ta ketë më të lehtë që të luajë rolin e katalizatorit të së majtës, mes tij dhe Metës, ajo që i ka munguar së majtës që prej 2007-s. Këtë Nano e la të kuptohet dhe mes rreshtave të deklaratës së tij të bërë para gazetarëve pas takimit, ku theksonte rolin e tij mes Ramës dhe Metës për të ecur drejt integrimit të vendit. “Unë vlerësoj dhe mirëkuptimin në zhvillim dhe me PS, siç konstatova dhe me z. Meta, dhe vlerësoj faktin që nga një proces që do të vazhdojë është e dobishme që të vlerësohet roli i PS si forca kryesore e opozitës në përballimin me pozitivitet në detyrat e integrimit”, u shpreh Nano pas takimit. Pritet që të ketë dhe takime të tjera mes Nanos dhe Ramës ditët në vijim, ndërsa nagociatori i të gjithë këtij procesi mësohet se është kryetari i Grupit Parlamentar, Ruçi, i cili ka vendosur paqen mes Nanos dhe lidershipit të selisë rozë.


Takimi, kthehen militantët në seli
Dje në selinë rozë ra në sy prania e një grupi modest militantësh që prisnin me padurim përfundimin e takimit të Nanos me Ramën dhe Ruçin. Edhe pse në moshë të thyer dhe në një mesditë ku dielli “digjte”, disa të moshuar pritën po aq sa dhe gazetarët përfundimin e takimit, të parin zyrtar që prej vitit 2007 dhe me shpresë ndoshta se lufta e brendshme që ka shoqëruar PS gjatë viteve të opozitës do të shkojë drejt fundit. Disa prej tyre shtyheshin edhe te gazetarët gjatë kohës që Nano bënte deklaratën e tij pas takimit, për të mos pritur ta dëgjojnë në edicionet e lajmeve.


Takimet: Nano do të takojë krerët e partive parlamentare
Ish-kryeministri Fatos Nano pritet të takojë ditët në vijim krerët e partive parlamentare. Nano u takua pak ditë më parë me ambasadorin e SHBA-ve në Tiranë, Aleksandër Arvizu, pas shpalljes së kandidaturës së tij për President. Ambasadori amerikan në Tiranë vlerësoi figurën e Nanos duke u shprehur se është kandidati më serioz për President, ndërsa i kujtoi Kryeministrit Berisha se “nuk po zgjidhet një ministër i qeverisë, por Presidenti i Republikës”. Javën e shkuar Fatos Nano zhvilloi dhe një takim me kreun e LSI-së, Ilir Meta, me të cilin tha se e lidh “integrimi i vendit”.
Rama informon deputetët e PS
Kreu socialist, Edi Rama, dje pasdite zhvilloi takimin tashmë tradicional me deputetët socialistë që nuk janë anëtarë të Kryesisë së PS. Që në fillim të takimit, Rama i ka informuar deputetët për bisedën që zhvilloi me Fatos Nanon. Rama është shprehur se “për Partinë Socialiste procesi është më i rëndësishëm”. Rama është shprehur se “Nano ka të drejtën e tij për të shpallur kandidaturën për President dhe të kandidojë, por për PS procesi është më i rëndësishëm se emrat e përveçëm”. Gjithashtu, Rama u ka kërkuar deputetëve të zhvillojnë aktivitetin e tyre në zonat zgjedhore me angazhimet partiake.


Deklarata pas takimit në zyrën e Ramës
Nano: Konsultime të dobishme për zgjidhjen e sfidës presidenciale
Ish-lideri historik i së majtës, pas takimit me Edi Ramën dhe Gramoz Ruçin, theksoi se do të vijojë konsultimet për zgjidhjen e asaj që ai e quajti “sfida presidenciale”. “Gjendja e konsultimeve me aktorët kryesorë politikë në vend për të folur nga afër jo vetëm për platformën dhe ofertën që kam paraqitur publikisht për një zgjidhje të sfidës presidenciale në përputhje me kërkesat e vendit, atdheut, 10- vjetorit të Pavarësisë, veçanërisht në funksion të një dinamike më prodhuese të punës që bën klasa politike dhe institucionet për detyrën e Shqipërisë. Unë vlerësoj dhe mirëkuptimin në zhvillim dhe me PS, siç konstatova dhe më z. Meta, dhe vlerësoj faktin që nga një proces që do të vazhdojë është e dobishme që të vlerësohet roli i PS si forca kryesore e opozitës në përballimin me pozitivitet në detyrat e integrimit”.
I pyetur se çfarë rezultati apo përgjigjeje mori nga ky takim me Ramën, Nano tha: “Unë ju ftoj të bëni durimin e nevojshëm për të kuptuar se ky produkt nuk mund të jetë ende në xhepin e askujt në rast se nuk i shërben askujt dhe një klime politike të vendit”.
Më tej Nano theksoi se ai dhe krerët politikë do të impenjohen deri në zgjidhjen e sfidës presidenciale. “Unë, kreu i PS, kreu i LSI, Kryeministri Berisha si dhe krerë të tjerë të politikës, do të vazhdojmë të mbështesim me impenjim zgjidhjen e sfidës presidenciale në përputhje me kërkesat për integrim”. Nano e vetëshpalli ambicien e tij së bashku me platformën për garën presidenciale gjatë një emisioni televiziv në Top Channel, ku dhe shprehu ambicien për të takuar të gjithë faktorët politikë për një President konsensual të gjithëpranuar.


Panorama

[OPARI]

shqiperin e kane kapur per qafe nje grup njerzish nen moton e demokracise dhe nuk po e lene te ngrer koke


me 97 thame se iku SALA -jo e beme kryeminister

thame se e hoqem qafe dhe NANON me futjen ne burg -gabmin e beme kryeminister
epo kujtuam se me 2005 vertet e hoqem qafe -jo do e kemi president

mos flasim pastaj per META,BASHA,IMAMI ,RUCI ,GJINUSHAT ,RAMA