Ish kreu i PS Nano: Konkurroj per postin e presidentit

[goldian]

nje pytje per ju qe ja thoni politikes
kot me lindi tani
a kane drejte pjestaret e familjes hoxha te kandidojne per president psh apo e kane te ndaluar me kushtetute
ju flm

[INFINITY©]

Nuk e kuptoj sesi mund te quhet politikan strateg nje njeri pijanec?!!
Sesi mund te quhet politikan nje njeri fund e krye i koruptuar,nje njeri ordiner.Nese Nano votohet si President i Shqiperise,atehere Kombi Shqiptar ka per te shkuar ne kufinjte e ekzistences.

Ketu e ke fjalen per te gjithe "politikanet" shqiptare, apo jo?!

[{A_N_G_E_L_69}]

Takim Berisha-Nano, Kryeministri në Grupin e PD: S’mbështesim liderin historik


U shfaq në kinema “Millenium” dokumentari për Enver Hoxhën.
“Diktatori” i Fevziut takon Berishën e Nanon.
Pas premierës, politikanët zhvilluan një takim prej 20 minutash në ambientet e kinemasë.


Kur nuk kanë kaluar shumë ditë nga datëvdekja zyrtare e ish-diktatorit Enver Hoxha, gazetari Blendi Fevziu prezantoi dje në kinema “Millenium” dokumentarin e tij “Diktatori”.
Personalitete të politikës, të kulturës etj., morën pjesë në këtë premierë. Nuk mungoi Kryeministri Sali Berisha, kryetarja e Parlamentit, Jozefina Topalli, por edhe shumë politikanë të tjerë të pozitës e opozitës. I ftuar ishte edhe i vetëshpalluri kandidat për Presidentin e Republikës, Fatos Nano. Qëlloi që Nano e Berisha të ishin pozicionuar në të njëjtën radhë në kinema, çka nuk mund ta shmangte një shtrëngim duarsh dhe një përshëndetje përpara shfaqjes së dokumentarit. Por duket se politikanët nuk donin ta shmangnin takimin mes tyre, përderisa, pas shfaqjes së dokumentarit prej 90 minutash, zhvilluan një tjetër takim në ambientet e kinema “Millenium” ku u zhvillua një kokteil për të ftuarit në premierë. Dy politikanët ishin të parët që dolën nga salla e Milleniumit, të ndjekur nga të pranishmit e tjerë. Takimi ka zgjatur rreth 20 minuta, por nuk dihet se ç’kanë biseduar dy politikanët. I pari që u largua nga “Millenium” ishte Berisha, ndërsa të tjerët qëndruan edhe pak në shoqërinë njëri-tjetrit, duke komentuar dokumentarin e Fevziut. “Diktatori” i Fevziut vjen pas suksesit që pati biografia kushtuar Enver

Dje, gjatë promovimit të filmit të Fevziut
Hoxhës me të njëjtin titull. Baza e informacionit të dokumentarit ishte pikërisht biografia, por u shoqërua edhe me pamje filmike të pashfaqura ndonjëherë për publikun. Historia diabolike e Enver Hoxhës, që nga fëmijëria deri në vdekje, u shoqërua me pamje të jetës së diktatorit. Momente intime me familjen gjatë pushimeve në plazh. Diktatori duke bërë not, duke shëtitur, duke luajtur futboll, duke qeshur me nipërit e mbesat. Dhe kjo ishte jeta e shkëlqyer e Bllokut, e cila shoqërohej me eliminime zinxhir, që nga miqtë e shkollës që e kishin strehuar e mbajtur me bukë, tek bashkëpunëtorët më të afërt. Dhe gjithçka shoqërohej me batare duartrokitjesh që kumbonin si plumba mbi njerëz të pafajshëm. Përpara publikut erdhën dokumente, kabllograme, pjesë ditari, autokritika dhe urdhra të firmosur nga vetë Enver Hoxha, i cili urdhëronte “dekorimin” e sa e sa figurave të shquara të Luftës Antifashiste, të politikës antikomuniste dhe rivalët e tij politikë. Dokumentari u hap e u mbyll me një material filmik në ditën e fundit të jetës së diktatorit, ku pamja e tij nuk i shëmbëllente as hijes së figurës së dikurshme. E shoqja e shtyn në kopshtin e vilës, ndërsa ai ka të stampuar në fytyrë një buzëqeshje-ngërdheshje, ndërsa vështrimin e ka të një tjetër bote. Ky ishte imazhi i tij i fundit lënë mbi tokë.


Panorama

[{A_N_G_E_L_69}]

Berisha: S’do mbështesim Nanon
Kryeministri konfirmon qëndrimin e PD-së në mbledhjen me dyer të mbyllura të Grupit
“Do kemi kandidatin tonë, procesi do të jetë kushtetues”


Kryeministri Sali Berisha ka konfirmuar sërish dje qëndrimin e PD-së për zgje-dhjen e Presidentit të ri të vendit.
Në mbledhjen e Grupit Parlamentar, pasi u larguan mediat, kreu i qeverisë diskutoi për pak minuta me deputetët mbi debatin më të fundit në vend. Duke marrë shkas edhe nga fushata që ka nisur ish- kryeministri i PS-së, Fatos Nano, Berisha u shpreh se PD-ja në këtë garë do të ketë kandidatin e saj. Ai tha se shumica nuk mund ta mbështesë liderin historik të së majtës, ndërkohë që u kërkoi deputetëve që në daljet e tyre në media të ndjekin pikërisht këtë linjë. “Kjo është një çështje shumë sensitive. Ky do të jetë një proces fund e krye kushtetues. Ne do të kemi kandidatin tonë në këtë garë dhe në këtë kontekst do të kërkoja që të bëni kujdes me deklaratat në media për të mbajtur pikërisht këtë qëndrim. Ne nuk mund të mbështesim liderin historik të së majtës”, mësohet të ketë thënë Kryeministri Berisha në mbledhjen e djeshme të Grupit Parlamentar. Komunikimi i kreut të maxhorancës me deputetët ka zgjatur vetëm pak minuta, pasi asnjëri prej anëtarëve të Grupit Parlamentar nuk e ka vazhduar bisedën. Dy ditë më parë, Kryeministri tha se PD-ja do të mbështesë një nga personalitetet e saj për postin e Presidentit. “Për sa u përket emrave të tjerë, ju garantoj prapë se në mendjen time nuk ekziston as edhe një emër, as i konfirmuar, por as edhe i përjashtuar nga emrat që qarkullojnë. Kam theksuar se do të jetë një personalitet i Partisë Demokratike, dhe Partia Demokratike ka një grup personalitetesh me kontribute thelbësore në procesin e zhvillimit të vendit. Cili do të jetë prej tyre? Kjo do të jetë një çështje jo vetëm e imja, e forumeve të Partisë Demokratike, e konsultimeve më të gjëra me të gjithë faktorët, me aleatët, por nuk përjashtoj nga konsultimet absolutisht edhe opozitën”, u shpreh Berisha. Ai ka përjashtuar vazhdimisht mundë-sinë për të kandiduar vetë për postin e kreut të shtetit, ndërkohë që e la të hapur mundësinë e një takimi me Fatos Nanon. “Ish-kryeministri Nano nuk ka kërkuar ndonjë takim me mua, të paktën në dijeninë time. Natyrisht, qëndrimet e mia për çështjen tashmë janë të njohura, por ish-kryeministri Nano e ka derën e hapur në çdo rast që ai kërkon të takohet me Kryeministrin aktual”, u shpreh Berisha. Partia Demokratike ende nuk ka nisur mbledhjen e forumeve të saj, Kryesinë dhe Këshillin Kombëtar, por deputetë të ndryshëm kanë propozuar edhe emra konkretë nga radhët e selisë blu. Në jo pak raste është propozuar emri i kryetares së Parlamentit, Jozefina Topalli, ndërkohë që është lakuar edhe emri i kryetarit të Komisionit të Jashtëm, Fatos Beja.

Panorama

[{A_N_G_E_L_69}]

Arvizu i jep mbështetje: Kemi nevojë për një lidership pozitiv, Nano është i tillë


Ish-kryeministri me ambasadorin e SHBA. Arvizu: S’po zgjidhet një ministër, por Presidenti.
“Kemi nevojë për një lidership pozitiv, Nano është i tillë”





Ish-kryetari socialist Fatos Nano mori dje mbështetje nga ambasadori amerikan në Tiranë, Aleksandër Arvizu, për garën e tij presidenciale.
Në turin e tij për këtë garë, Nano dhe Arvizu biseduan për rreth 90 minuta në restorant “Piazza” në qendër të Tiranës, ndërsa në përfundim të tij, dy personalitetet iu përgjigjën interesit të mediave. Ambasadori amerikan tha se gara për President bëhet interesante kur dhe në media janë shfaqur dhjetëra kandidatë, duke sjellë në vëmendje dhe emisionin televiziv “Zonë e lirë” të Arjan Çanit në Klan. “Ashtu si shumë shqiptarë, një nga programet e mia të preferuara është ‘Zonë e lirë’, zoti Çani jam duke ju ndjekur edhe ju gjithashtu. Çdo javë është interesante të shikoj listën e kandidatëve që ai ka, të 12 apo 15 personave kryesorë. Por qartazi disa kandidatë janë më seriozë se të tjerët dhe zoti Nano është në këtë kategori dhe për këtë është e rëndësishme që të vazhdojmë diskutimet tona”, u shpreh Arvizu. Sipas tij, procesi i përzgjedhjes së Presidentit nuk është i njëjtë me atë të emërimit të një ministri, ndërsa theksoi se ai duhet të jetë krejtësisht kushtetues dhe plotësisht shqiptar. “Dua të nënvizoj se ky është një proces plotësisht shqiptar. Por është një proces që ka shumë implikime, që kanë lidhje me të ardhmen e këtij vendi, sikurse edhe me marrëdhëniet e Shqipërisë me faktorin ndërkombëtar, integrimin në BE dhe marrëdhëniet me SHBA. Ne nuk po flasim për emërimin e një ministri të kabinetit qeveritar, por bëhet fjalë për Presidentin e Republikës së Shqipërisë, kështu që parakushtet janë të vendosura qartësisht në Kushtetutë dhe ky duhet të jetë një proces kushtetues. Jam besimplotë që Kryeministri dhe çdo shqiptar e kupton fare mirë këtë gjë”, u shpreh Arvizu. Por ambasadori amerikan në Tiranë në deklaratën e djeshme vlerësoi dhe qëndrimin e Fatos Nanos ndaj ngjarjeve të 21 janarit. Sikurse shumë shqiptarë të enjten kanë ndjekur zotin Nano në intervistën e Sokol Ballës, ai nënvizoi disa pika siç ishte ajo e 21 janarit. Mendoj se komentet që ai bëri lidhur me 21 janarin, duken si më objektivet, më të baraspeshuarat dhe më të mirëmenduarat që kam parë deri tani nga ndonjë. Ka pasur një parlamentar që nuk ka qenë dakord me qëndrimin e zotit Nano, dhe ai parlamentar ka të drejtë të mbajë pikëpamjet e tij. Por unë nuk jam absolutisht dakord me të. Kur e them këtë gjë, po mendoj familjet e atyre viktimave, për kujtimin e atyre personave që janë vrarë, për të mirën e këtij vendi; Ne kemi nevojë për një proces shërimi, kemi nevojë për njerëz që japim mendime të vyera dhe kujdesen për të ardhmen e këtij vendi. Ato që nuk na nevojiten, janë komentet e lira që janë bërë vetëm për një përfitim të shkurtër politik. Ne kemi nevojë për një lidership pozitiv dhe mendoj se shumë nga këto gjëra pozitive janë të tipizuara tek një person si Fatos Nano”, u shpreh Arvizu.
Nano
Pas takimit, edhe Nano iu përgjigj interesimit të medias duke thënë se “takimi me ambasadorin Arvizu ishte pjesë e konsultimeve që kam nisur. Ndajmë arsyetime të njëjta me ambasadorin Arvizu”. I pyetur nëse gëzon mbështetje të plotë në PS, Nano tha se “kur të takojë zotin Rama, do të riaktivizoj të gjithë solidaritetin e shpallur edhe të fjetur të së majtës në mbështetje të ofertës që vjen nga lideri historik i saj”. I pyetur nëse garimi i tij mund të shkaktojë bllokime dhe përplasje të reja politike, Nano tha se “kam avancuar dhe do avancoj me oferta që zgjidhin problemet dhe ju e dini që unë jam njeriu më i arsyetuar i tërheqjeve që i shërbejnë vendit”.


Panorama

[{A_N_G_E_L_69}]

Meta: Nano, njeri me kontribute


Kreu i LSI-së, Ilir Meta, deklaroi pak ditë më parë se “pavarësisht nga diagrami i raporteve të mia me zotin Nano në të kaluarën, duhet të vlerësojmë që është një politikan me eksperiencë, i cili ka dhënë kontribute për t’i shërbyer shtensionimeve politike në momente serioze. Një politikan që i ka shërbyer rrotacionit demokratik të pushtetit. Në këtë drejtim, për mua mbetet shumë i rëndësishëm angazhimi i tij dhe preokupimi i tij për t’i shërbyer procesit të integrimit europian”.


Panorama

[Duaje Siveten]

SHEKULLI ONLINE

Farsa qesharake e zgjedhjes së Nanos president

Klodian Leka

Tejmbushja e të përditshmeve gazetareske me shkronja kapitale mbi zhvillimin e negociatave ndërmjet ish kryeministrit Nano dhe ambasadorit amerikan në Tiranë,si proces për zgjedhjen e një Presidenti Republike autonom dhe për qytetarin po dëshmojnë se kuotat e kushtëzuara prej organizmave ndërkombëtarë për një proçes demokratik, nuk po përmbushen.

Fillimisht, ambasadori amerikan Arvizu nuk po manifeston kurrfarë serioziteti dhe po shndërrohet në simetri e klasës politike me darkat e tij në restorante të ndryshme të kryeqytetit, ku tradicionalisht zgjidhen dhunuesit e institucioneve më të çmuara shtetformuese, e së dyti, po shkel dhunshëm sovranitetin shtetëror me përzierjen në punët e brendshme të Republikës.

Po ashtu, nëse zgjedhjen e një Presidenti për qytetarin dhe mbi palët e sheh si tejet të rëndësishëm, do të ishte më e drejtë të hidhte sytë mbi shoqërinë civile dhe individin që mund ti përgjigjej më shëndetshëm kërkesës së qytetarit,që ka të drejtën e tij politike për zgjedhjen e simbolikës kolektive, e jo përzgjedhjen e një individi që simbolizon shkatërrim. Nuk duhet ta përjashtojmë faktin se për gjendjen e mjerueshme mban një përgjegjësi të konsiderueshme për faljen e pushtetit Berishës në kohën kur politika e tij e mbrapshtë po merrte fund. Po të mos ishte Nano nuk do ngjante Gërdeci, ekonomia e shkatërruar dhe një regres total për atdheun, se nuk do të ishte Berisha. S’do ngjante as njëzetenjë janari.

Qartazi më sillet ndërmend mendimi filozofik i Hegelit: Personazhet historike përsëriten dy herë. Herën e parë si tragjedi, të dytën si farsë, ju kundërpërgjigj Karl Marks. Dhe Nano u shemb në peshën e pushtetit të tij të kalbëzuar, si një tragjedi me pasoja shkatërruese për shoqërinë dhe shtetin, ndërkohë, tashmë na shitet si farsë, si i ndërmjetëm,me përgjegjësi dhe tejet demokratik.

Por farsa mbetet farsë, dhe më shkatërruese se tragjedia. Riaktivizimi i celulave mbështetëse të ish kryeministrit tek socialistët na dëshmon qartazi ripërsëritjen e gjendjes: zgjedhja e Nanos President do formësonte një luftë midis Ramës kryeministër dhe Nanos President. Si Topi me Berishën,simetrikisht, në të njëjtën trajtë.

Ndërkohë, humbësit si gjithmonë do jemi ne, populli.

Në një riciklim figurash, gjendjesh, shkatërrimesh. Ripërsëritje e vendnumërimit njëzetenjëvjeçar. Po zgjidhja? Zgjidhja është zgjedhja e Presidentit drejtëpërsëdrejti nga elektorati.

[Duaje Siveten]

nje pytje per ju qe ja thoni politikes
kot me lindi tani
a kane drejte pjestaret e familjes hoxha te kandidojne per president psh apo e kane te ndaluar me kushtetute
ju flm

une nuk ia thom politikes, por kjo pyetje me intrigoi ti jap pergjigjen si me poshte:

Se pari, nuk ka asnje vendim shteteror qe denon diktatorin, ti heqe tituj apo dekorata etj.

familja e diktatorit ka te drejte te kandidoje si te gjithe te tjeret qytetare: kushtet jane mosha dhe qendrimi ne Republiken e Shqiperise ne nje kohe te caktuar.

mua me duket se personi me i pershtatshem nga familja e diktatorit eshte sokoli ... i shoqi i liljanes apo illirianes ... kaq mjafton.

[dielli1]

Eshte plotesisht e drejta e tij,e ne anen tjter kjo natyrisht varet nga votuesit Shqipetar...

[Kermilli]

Ka erdhur koha qe NANO-BERISHA dhe gjithe kjo klike e politikes se vjeter te ikin dhe ti lirojne vendin TE RINJVE dhe IDEVE TE REJA, qe te ece me ne fund ky vend perpara se ka 22 vjet qe po ecen vetem mbrapsht