Ish kreu i PS Nano: Konkurroj per postin e presidentit

[mirela margarit]

http://panorama.com.al/panorama/imag...fatosnano1.jpg INTERVISTA/ Ish-kryeministri socialist, Fatos Nano, ka rikonfirmuar dje ambicien e tij për postin e Presidentit të Republikës. Nano tha se ishte i gatshëm të konkurronte me epërsi platformash dhe jo me pazare pushtetesh për këtë pozicion. Ish-kreu i PS akuzoi Edi Ramën se e ka kthyer partinë në kazermë, madje sipas tij e ka G99-izuar PS-në: “Nuk mund të votoj një parti kazermë, një parti që mashtron zgjedhësit me iluzionin se mund të fitojë e vetme përballë të djathtës së bashkuar. Përçarja e së majtës mban në pushtet Berishën”. Kryesia e PS thërret Asamblenë më 12 nëntor, për të vendosur për protestat pas heqjes së vizave

Si do kontribuoni ju në politikën shqiptare duke ndenjur në 12 muaj, 8-9 muaj jashtë? Si do kontribuoni kur në pjesën më të madhe të daljeve publike keni qenë shumë i ashpër me partinë që keni drejtuar për 15 vjet?
Më lejoni të theksoj që do të ishte humbje e madhe kohe për njerëzit, për njeriun e thjeshtë, për numrin e madh të njerëzve që nuk po gjejnë hapësirë për të marrë pjesë në politikë përveçse si zgjedhës në zgjedhje, që kontestohen apo si mbushës radhësh mitingjesh kur protestohet, nëpërmjet trilleve apo telenovelave të tilla, që edhe ju e dini pse qarkullojnë. Unë vazhdoj të jem i vëmendshëm ndaj të gjitha zhvillimeve në vend. Këtë nuk e bëj duke qëndruar vetëm 3 muaj në vend. Këtu ka moskuptime edhe për statistikat zyrtare, pale për këto që përcillen nga disa korridore partish, nga disa njerëz që po specializohen për të hedhur në treg të pavërteta, të cilat e errësojnë vëmendjen e politikës dhe njerëzve, pamundësojnë komunikimin mes tyre për të vërtetat e mëdha dhe shqetësuese.
Ju po e quani strategji këtë?
Është paaftësi politike dhe një dominim interesash të tjera nga ato që politika u kërkon përfaqësuesve të zgjedhur nga populli. Unë e kam kritikuar partinë time më shumë se cilido udhëheqës tjetër partie në Shqipëri. Unë e kam kritikuar qeverinë time më hapur se cilido kryeministër tjetër në Shqipëri dhe kjo është pjesë e filozofisë së misionarit të pajtimit, të kontributeve, të interesave, të ambicieve pozitive, të përfaqësuesve të shtresave të ndryshme, të moshave të ndryshme, në një proces me shumë të panjohura dhe të mospajtimit me të këqijat që në një proces tranzicioni e rrethojnë politikën, hutojnë politikanët, veçanërisht kur janë të rinj pa eksperiencë dhe që ka ndodhur.
Kur? Si?
Në periudha të ndryshme të qeverisjeve të majta dhe të djathta në 20 vjet, që kanë sjellë në fazën e parë një krizë të rëndë, e cila rrezikoi të shembet shteti përveç krizës së rëndë ekonomike dhe financiare apo përplasje me dhunë të klasifikuara, tashmë si grushte shteti të dështuara të 1998 apo vonesa të mëdha në kryerjen në kohë të reformave të mëdha, të cilat njerëzit, partnerët dhe koha i kërkonin nga politika.
A jeni penduar? A keni thënë ndonjëherë me vete ç’mu desh për dorëheqjen në 2005?
Kjo përbën një nga standardet e moralit të politikës në demokracitë e zhvilluara. Unë po them që nuk jam bërë pishman që jam larguar, sepse është pjesë e filozofisë sime politike, e jetës sime politike.
Keni një plan konkret, apo thjesht ide të mira për të zgjidhur krizën?
Patjetër që kjo vazhdon të jetë platforma ime politike.
Me një plan konkret të shoqëruar?
Padyshim.
Me një angazhim konkret?
Me të gjitha energjitë, me të gjithë vëmendjen dhe me të gjithë eksperiencën që do të kërkonte nëpërmjet dialogut dhe jo luftës, nëpërmjet negociatave dhe jo likuidimit të palëve, një zgjidhje që unë mendoj dhe në veprimtarinë time të deritanishme kam arritur të kuptoj se vlerësohet si vizion, si platformë, i shërben i vendit.
Po më thoni që po luani interlokutorin mes Berishës dhe Ramës?
Pse jo, dhe pse vetëm kaq? Sepse më nxisni të sjell në vëmendje...
Qarkullojnë zëra se ju po ngrini një listë “Nano” për t’u paraqitur në zgjedhjet lokale apo të përgjithshme. A është pjesë e planeve tuaja një angazhim i tillë?
Jo, sapo thashë se unë s’mund të ndërmarr iniciativa kaq të vogla, që do dëmtonin jo vetëm partinë ku jam rritur si politikan dhe do ta rëndonin akoma më tej klimën e sotme të përjashtimit të palëve nga njëra-tjetra, apo të vetëpërjashtimit të PS nga vendimmarrjet politike dhe historike në këtë vend.
Do ktheheni të jeni aktiv në PS?
Në rast se pjesa më e madhe e aktorëve të politikës së sotme do ta refuzojnë këtë kontribut, do të arsyetoj ndryshe nga ç’po flas. S’më rezulton që pjesa dërrmuese e aktorëve dhe faktorëve politikë të Shqipërisë së sotme, të krijuar në 20 vjet apo në muajt e fundit, të jetë e painteresuar për këto që po flas.
Gjithë këtë analizë që bëni, pse nuk shkoni ta thoni në forumet e PS, pse nuk shkoni t’ia thoni kryetarit të Partisë Socialiste?
Këto që ju përmendët kanë qenë, janë dhe do të mbeten pjesë e veprimtarisë sime politike, pavarësisht se nuk shfaqen në javën që ju bëni emisionin e radhës. Si një profesionist i politikës së dialogut, unë kam respektuar jo vetëm zgjedhësit që më kanë mbështetur për të drejtuar PS-në 15 vjet dhe për ta bërë forcën qeverisëse të gjysmës së tranzicionit, por edhe të respektoj forume që në ditën e parë dhe në javën e parë apo vitet e para të transformimit të PP, në PS mungonin. Të gjitha këto që përmendët janë krijuar nga socialistët në vitet e drejtimit të partisë prej meje.
Por ata që janë sot, ndoshta nuk ju njohin...
Asambletë, statutet, pjesëmarrja e gjerë e militantëve dhe e të zgjedhurve në gjithë territorin, në vendimmarrjen politike të partisë, janë krijuar në vite, por për fat të keq janë zhbërë në pak vitet e fundit. PS ka qenë deri para pak kohësh partia më e madhe demokratike në Shqipëri dhe kjo u arrit me shumë vështirësi, me konflikte të brendshme gjithashtu, që larguan nga standardet e PP. Partia e sotme socialiste nuk është më demokratike dhe unë s’mund të flas me institucione që janë likuiduar. Unë s’jam njeri formal. S’mund të flas me autoritete false, s’mund të flas pa i kapërcyer, me zgjedhësit dhe masën e madhe të anëtarëve të PS-së nëpërmjet dhe vetëm zyrave apo mënyrave të komunikimit të një partie që është kthyer në kazermë, është getoizuar, apo është G 99- izuar. Në qoftë se unë mungoj në mbledhjen e grupit të sotëm parlamentar, më lejoni t’ju kujtoj që unë s’jam deputet dhe s’mund të shkoj të dhunoj më shumë se ç’janë të dhunuar anëtarët e grupit të sotëm parlamentar të PS-së.
Nuk u dhunuan tani, e gjitha karriera politike e tillë ka qenë...
Hera e parë pranohet. Fillojnë dhe ankohen kur përdhunohen për herë të tretë dhe të katërt. Të jemi të qetë dhe të mos krahasojmë humbjen e çdo rregulli të funksionimit demokratik të PS sot, prishjen e të gjithë mekanizmave të kontrollit mbi drejtuesit në pak vite, në raport me mbretërinë e lirisë që ka pas ekzistuar deri në vitin 2005.
Sot kryetari zgjidhet me parimin “një anëtar një votë”...
Jeni i sigurt?
Po, u zgjodh shtatorin e kaluar...
Ka pasur edhe kontestime për këtë gjë, për të cilat askush nuk lejon PS-në të bëhen greva urie për saktësinë e kryetarit me një anëtar një votë. Ju lutem, të jemi të vërtetë. Në mbretërinë e lirisë që përfaqësonte partia më demokratike dhe më e madhe në Shqipëri deri në 2005, PS-ja, janë afishuar jo vetëm në nivele politike, por edhe qeverisëse me dhjetëra individualitete dhe personalitete që përbëjnë pasurinë e së majtës demokratike në Shqipëri. Unë po pyes, ku janë sot Pandeli Majko apo Arben Malaj?
Shumë i gëzuar për martesën e fundit të kryetarit zoti Majko, meqë pyetët...
Besoj se ky që po flasim nuk është orar ahengu apo dasme. Flasim dhe për atë, po mbarojmë këtë punën serioze. Pse nuk është sot Ilir Meta në PS?
Sepse u largua prej jush...
Po këtë s’e thotë as Ilir Meta.
Ai ju nxorri në opozitë...
Ju pasqyrat e respektuara mediatike, që jeni rritur bashkë me politikanët në Shqipëri, i keni hutuar edhe ata kaq shumë me lojën e pasqyrave, sa nuk dinë derën nga kanë hyrë, pale se ku do dalin, në qoftë se ju vazhdoni këtë lojë. Unë po pyes pse nuk është sot Ilir Meta në PS dhe nuk është kaq e thjeshtë përgjigjja sa thoni ju. Ku është sot Rexhep Mejdani, ku është sot Kastriot Islami, ku është sot ministrja e suksesshme socialiste e Integrimit dhe e fazës së parë MSA, Ermelinda Meksi?
Është deputete në Parlament...
Nuk është kjo përgjigjja që presin njerëzit, nuk është kjo përgjigjja që unë po pyes. Ishin një numër i madh personalitetesh që sot heshtin, që sot kanë humbur zërin, që sot mungojnë me kontributet ndaj duelit të madh të bajlozëve, sa nuk guxojnë të flasin për shkak se kryetari i tyre u ka kërkuar ndjesë shqiptarëve për qeverisjen e mbrapshtë të partisë së tyre për 8 vjet në Shqipëri.
Po, ndjesë publike në Shkodër...
Shpresoj ta ketë bërë edhe për pjesën e tij të qeverisjes bashkë me ne, si një nga administratorët më të mbështetur dhe më të suksesshëm madje të socialistëve në ato 8 vjet, tashmë 12 për të. Më duhet të ritheksoj se mua më dhemb dhe vazhdoj ta ndaj këtë shqetësim edhe me socialistët, edhe me personalitetet e krijuara në vite, që PS e sotme është si një pemë, që pasi i kanë rënë lulet, po i bien dhe gjethet.
Thatë që nëse nuk e marrin në konsideratë platformën time do e rishoh vendimin. Ç’duhet të bëjë PS që ju të mos bëni një organizim tjetër politik, t’u ofrojë postin e Presidentit?
Jo, nuk është një nga premisat që unë ngre platforma apo angazhime politike, të cilat më karakterizojnë dhe vazhdoj t’i ritheksoj. S’dua të përgjigjem në të njëjtën mënyrë foshnjore dhe flas për sëmundjen foshnjore të politikës, kur përmbajtja e saj zëvendësohet me deklamime si ai i djeshmi, kur një shkëndije të munguar, të papritur për shkak të konflikteve të acaruara në skenën politike, siç ishte propozimi i maxhorancës për t’i dhënë një nga institucionet kushtetuese të drejtën opozitës për ta propozuar dhe votuar, iu përgjigjën në mënyrë foshnjarake që nuk bëjnë pazare me pushtetin. Nuk dua të rikujtoj logjika të tilla, që ju po mi sillni në ballafaqim me atë që po u shtroj si kontribut. Nuk po flas për pazare me pushtetin dhe me asnjë nga postet për të cilat kam qenë dhe mbetem i gatshëm të konkurroj me epërsi platformash dhe jo pazaresh apo kapitalesh të vjetruara.
Që do të thotë se do paraqiteni sërish në zgjedhjet presidenciale të vitit 2012?
Nuk e kam përjashtuar asnjëherë këtë gjë dhe më lejoni ta rikonfirmoj.
Po në këtë studio keni thënë se nuk votoj PS në 2009, me ç’kredo morale do trokisni në PS, apo si djali plëngprishës që gjithsesi i hapin derën?
Ju nuk mund të quani babën djalë plangprishës. Unë kam thënë se karriera politike nuk kalon vetëm nga zyrat e PS; kam thënë se unë i ndjek me shumë vëmendje e dashuri dhe me shumë dhimbje shqetësimet e masës së madhe të socialistëve në mbarë vendin nëpërmjet kontakteve, të cilat nuk i nxë asnjë komunikim elektronik. Unë nuk mund të votoj një parti kazermë, i dashur Blendi, nuk mund të votoj një parti që mashtron zgjedhësit dhe opinionin publik me iluzionin se mund të fitojë e vetme përballë të djathtës së bashkuar, nëse PS, në kohë jemi ende, nuk investohet me të gjithë potencialin e saj për të rikrijuar të majtën e madhe, përçarja e së cilës që është vepër e kryetarit të radhës dhe unë nuk e votoj këtë politikë, mban në pushtet Sali Berishën, këtë mjeshtër që arriti të bashkojë më të pabashkueshmit në koalicionin e së djathtës në 2005, që arrin edhe me vështirësitë e dynjasë t’i mbajë së bashku, që të riiintegrojë ata që dhe kazani i Berishës i dejonizoi për vite me radhë, përballë së cilës e majta është e copëzuar dhe është fiktivisht solidare.
Niseni ju zoti Nano, ftojeni zotin Rama për një kafe që të flisni..
Unë nuk thashë se nuk po e bëj këtë gjë dhe nuk thashë kaq pak sa theksoni ju se mund të bëhet kjo gjë. Nuk bëhet në kushte kazerme. Bashkimi i të majtës nuk bëhet në kushte kazerme, nuk bëhet dot pa rikthyer komunikimin e drejtuesve me masën e socialistëve. Unë ndjej me shumë shqetësim dyzimin, dyshimin dhe mosbesimin e anëtarësisë socialiste tek udhëheqja e sotme, tek kursi politik i saj, tek piruetat e pakuptueshme të saj, që herë- herë për fat të mirë shpërthejnë dhe në grupin parlamentar.
Si ajo e djeshmja?
Nuk është vetëm ajo e djeshmja. E di çfarë ka ndodhur dje? Po u rikthehet kurajoja të komunikojnë me median.
A jeni penduar që e ftuat zotin Rama në PS dhe jua mori atë parti?
Ma mori?! Kjo është njëlloj si ajo historia që unë kisha shitur Kosovën, kur unë në Kosovë nuk kisha asnjë pasuri të luajtshme apo të paluajtshme! Partia nuk është e imja, por është e të gjithë socialistëve, të cilën e rritëm dhe e pasuruam me demokraci dhe diversitet. Nuk jam penduar që e kam futur në politikë, e kam lançuar madje dhe e kam bërë këtë gjë me dashuri politike dhe jo me urrejtje.
Do ta bënit po të ishit në këto kushte?
Do ta bëja siç po e bëj, shoqëruar me qëndrime politike, sepse zoti Rama s’ka ardhur në PS për ndonjë gjë tjetër, përveç marrjes me politikë. Karrierat e mëparshme apo të hershme zoti Rama i la dhe këtu ka ardhur për politikë. Unë po them që të mbështesësh talente të reja nga shoqëria civile, nga sipërmarrja dhe të përpiqesh të integrosh edhe duke i kritikuar apo duke mos u pajtuar me shfaqje të kohëpaskohshme që sjellin dëmtim për forcën politike, nuk do të thotë të jesh bërë pishman. Nuk jam bërë pishman, sepse nuk është produkti im i gjithë Edi Rama me tërë kompleksitetin e vet. Unë kam mbështetur dhe lançuar me dhjetëra produkte të tjera në PS, në mos të vlefshme, më pak të stigmatizuara negativisht dhe aq më pak të dështuara.
Meqë ju e hapët serinë e martesave të kryetarëve të partive, pse nuk ishit i pranishëm në dasmën e zotit Rama?
Nuk më kishte ftuar.
E uruat?
E urova publikisht. Tjetrin ftoje në dasmë, vëre në listë dhe kandidoje për deputet dhe lërja tjetrit që të mos vijë në dasmë apo të refuzojë kandidaturën. Por zoti Rama nuk di t’i bëjë këto.
Marre nga gazeta `PANORAMA`

ZOTI NANO, JU UROJ SUKSESE TE PLOTA NE MISIONIN TUAJ ; E UROJ QE EDHE SHQIPERIA TE FILLOJE TE NDRYSHOJE ME TERE KUPTIMIN E FJALES E NUK FLAS PER ZHVILLIMIN KONFUZIONAL E PA KRITER QE VURA RE KETO VITE E FUNDIT; JEMI NJE POPULL QE MERITOJME SHUME E QE NGA VETJA DUHET TE KERKOJME ME TEPER CILESI, JO TE VAZHDOJME TE QYRRAVITEMI QE FAJIN NA E KANE GJITHMONE ATA QE S'NA DUAN ( PO S'DESHE E RESPEKTOVE VETVETEN TE PAREN MOS PRIT NGA TE TJERET...!)

[ganimet]

ZOTI NANO, JU UROJ SUKSESE TE PLOTA NE MISIONIN TUAJ ; E UROJ QE EDHE SHQIPERIA TE FILLOJE TE NDRYSHOJE ME TERE KUPTIMIN E FJALES E NUK FLAS PER ZHVILLIMIN KONFUZIONAL E PA KRITER QE VURA RE KETO VITE E FUNDIT; JEMI NJE POPULL QE MERITOJME SHUME E QE NGA VETJA DUHET TE KERKOJME ME TEPER CILESI, JO TE VAZHDOJME TE QYRRAVITEMI QE FAJIN NA E KANE GJITHMONE ATA QE S'NA DUAN ( PO S'DESHE E RESPEKTOVE VETVETEN TE PAREN MOS PRIT NGA TE TJERET...!)

DHE VETEN ,MENDO SE VLERSOJM KURE RESPEKTOJM NJI TJETER QE SI PERKET AS ME MENDJE E AS ME GJAK KTI TROLLI.
DOR E ZGJATUR E SLLOBODAN MILLOSHEVIQIT ISHTE NANOSI DHE TI AS QE E KE KUPTUAR >DHE 97 ISHTE PJELL E KTI FAQEZIU QE PO U DESHKA SHUM SHQIPERIS >>>>>EH MJERIM SHQIPTARESH HE BIR
POOOOO A NUK PASKA SHQIPTAR TE ULEN NE KRY VENDIT VEQ TI BEJM NDER KTI GJAKPIRSI >>>
TURP TE KENI... NESE SJE NE NGJRJE HESHT.

[mondishall]

Ik o Nano, pash Zotin, ik e boll me brockulla te tilla, se nuk durohesh me, as ti, as krijesa produkt klonimi e PPSH-se! Gjynah per nje popull qe mbahet peng ne politikra te tilla bajate dhe qe e kthejne ne shumicen e tij ne nje turme alla pilatiane. Boll me, aman, se po beheni e po na beni gaz te vetes e te botes!

[{A_N_G_E_L_69}]

Ik o Nano, pash Zotin, ik e boll me brockulla te tilla, se nuk durohesh me, as ti, as krijesa produkt klonimi e PPSH-se! Gjynah per nje popull qe mbahet peng ne politikra te tilla bajate dhe qe e kthejne ne shumicen e tij ne nje turme alla pilatiane. Boll me, aman, se po beheni e po na beni gaz te vetes e te botes!

Me gjej nje politikan qe mund te zevendesoj Nanon e te jet me i afte se Nano.Te garantoj se esht i pazavendesueshem.

[{A_N_G_E_L_69}]

http://panorama.com.al/panorama/imag...%20opinion.jpg FLET BERISHA:"Nano", jo kandidat i PD per President


INTERVISTA/ Kryeministri Sali Berisha ka deklaruar dje për herë të parë se maxhoranca nuk do të propozojë ish-kreun e PS, Fatos Nano, për President. Berisha deklaroi dje se PD dhe LSI do të kenë kandidatin e vet për postin e kreut të shtetit: “PD dhe LSI nuk e kanë zotin Nano kandidat të tyre. Zoti Nano është shefi historik i PS dhe kjo parti ndoshta ndërpret persekutimin e tij dhe mund ta propozojë”. Berisha jep garanci se nuk do të ketë zgjedhje të parakohshme edhe pas heqjes së vizave. Sipas tij, arsyeja kryesore e shembjes së Piramidës është ekonomike, pasi vendit i duhet një godinë për Parlamentin e riAi përjashton në të njëjtën kohë mundësinë e zgjedhjeve të parakohshme, ndërsa për Topin thotë se është në dëshirën e Presidentit të kthehet apo jo në PD, pasi të përfundojë mandatin.
Ka zëra se ju po negocioni me zotin Rama që t'i lini Tiranën. Është e vërtetë?
E vërteta është që 8 maji mesa shoh unë, do të jetë edhe bërja e Tiranës me kryetar bashkie. Ky kryetar bashkie, nga 2007 deri më sot, nuk ka bërë as 70 orë punë.

Ju ka mundur 3 herë...

Është histori pak e ndryshme, jo kaq e zhdërvjellët sa ç'e paraqet ti.

Çfarë garancie keni se do e mundni herën e katërt?
Nuk e mund unë, e mundin qytetarët e Tiranës. Qytetarët e Tiranës kanë ngelur jetimë, se kur e kishte Shalsin e nxirrte mëkëmbësin. Tani nuk merret vesh aty, s'ka as mëkëmbës më. Se çka ndodhur aty, nuk e marr vesh.
Ju, nuk keni kandidat?
Kush tha?
Jo, s'keni?
Pesë po të duash ti.
Ku i keni? M'i numëroni dot?
Absolutisht, jo një po pesë.
Jeni gjashtë muaj para zgjedhjeve, nuk keni ofruar një model akoma?
Model? Po ne vetëm për model nuk vuajmë. Ne që po e bëjmë Shqipërinë me infrastrukturë...
Është zoti Basha kandidat?
Do ta lësh pa gjumë zotin Rama? Ku e ke hallin tani? Ka që në 2007 që s'ka bërë as 70 orë punë. Ndaj dhe qytetarët e Tiranës mezi po presin datën 8 maj për t'i firmosur atë që meriton.
Çfarë i ofroni ju opozitës për t'u kthyer në Parlament? Keni pasur një amendament të propozuar nga Doris Pack, a keni ju një ofertë?
Para se të vinte delegacioni i PE është negociuar germë për germë, fjali për fjali deklarata e miratuar nga të gjitha palët. Unë delegacionin e kisha në zyrë dhe pasi bëra të gjithë ekspozenë, i kam njoftuar ata që jam i kënaqur se do ketë një deklaratë, në të cilën ne bëmë lëshime dhe ata ishin të kënaqur me lëshimet tona. Në një moment të caktuar, kur socialistët u tërhoqën, Doris, për ta shpëtuar, nxorri një propozim që ne e pranuam me një kusht të vetëm, që të shtohej fjala "Kushtetutë dhe Kod Zgjedhor". Nuk ka njeri të lirë në Europë që mund të tërhiqet ose të pranojë moscitimin e Kushtetutës dhe Kodit, e të ketë frikë nga shqyrtimi i tyre. Socialistët qenë kategorikë kundër dhe kjo bëri që ai amendament të mos miratohej. Edhe sot ne e miratojmë, duke shtuar fjalën e Kushtetutës dhe Kodit Zgjedhor.
Raporti i BE thotë që politizimi i votimit mbi emërimet e Presidentit për Gjykatën Kushtetuese janë shqetësuese...
Nuk ka në këtë dërgim asgjë politike, por unë të garantoj që nuk ka forcë politike në botë që nuk shqyrton dhe nuk analizon mbi bazën e tij politike. Është platformë e jona dhe ia kemi bërë të ditur zotit President, që ne nuk do pranojmë të votojmë për në krye të gjykatave kryesore të vendit, Gjykatës Kushtetuese dhe Gjykatës së Lartë, persona që kanë marrë pjesë në gjyqe politike. Është në tagrin e Presidentit që të sjellë apo jo kandidatura të tilla, por unë ju them ju, se sa herë të vijnë, ato do rrëzohen.
Zoti Nano ka deklaruar kandidaturën e tij për President. A do ta mbështesin votat e kësaj maxhorance për President?
Maxhoranca do të ketë kandidatin e vet.
Maxhoranca së bashku me zotin Meta?
Maxhoranca së bashku me zotin Meta do të ketë kandidatin e vet.
Që mund të quhet dhe Fatos Nano?
Kur them që është kandidat, unë mendoj se si Partia Demokratike ashtu edhe Lëvizja Socialiste për Integrim, nuk e kanë zotin Nano kandidat të tyre. Zoti Nano është shefi historik i Partisë Socialiste dhe kjo parti ndoshta ndërpret persekutimin e tij dhe mund ta propozojë, por ne do kemi kandidatin tonë, kjo është e sigurt.
Persekutimi është pak i vështirë historikisht të ndërpritet?
E kanë në natyrë ata.
Ka një tezë sipas së cilës, në momentin që merrni vizat, kaloni në zgjedhje të parakohshme?
Absolutisht jo. Nuk do ketë. E di unë këtë tezë. Janë përdorur të gjitha variantet që t'i bllokojnë vizat. Këtë tezë e kam dëgjuar edhe në kancelaritë e vendeve të tjera, edhe në zyra të tjera, sepse u bënë përpjekjet më djallëzore për të lënë shqiptarët pa viza. Por unë, ato garanci që kam dhënë, do shkoj gjer në qershor 2013.
Fondet me të cilat po organizoni festimet për heqjen e vizave janë publike dhe a keni të drejtë ta bëni këtë?
Pa diskutim që kemi. Kemi të drejtë dhe po e bëjmë, sepse kjo është festë e të gjitha festave. Ne kemi dy festa të mëdha, kemi një përpara që është 100 vjetori, por kjo është një festë e historisë. Nesër është njëri moment. Momenti tjetër do të jetë ditën e lëvizjes, kur do të bëjmë çmos që një nga këngëtarët më të pëlqyer të rinisë shqiptare të jetë.
Kush janë më të pëlqyerit e rinisë?
Tani, se kush janë më të pëlqyerit e rinisë, unë s'mund të të them. Por dëshira ime është që është që të jenë më të mirët.
Për shembull?
Për shembull të jetë Rihana, të jetë "One Republic", të jetë një nga këto që dëgjohet më shumë. Ose të jetë Lady Gaga. Atyre u pëlqen.
I paskeni mësuar emrat përmendësh..
Jo, e ke gabim. Unë gjithë jetën time kam dëgjuar shumë muzikë dhe s'kam pse ta privoj veten nga një pasion i hershëm i imi.
Po deri te Lady Gaga?
Po, sepse ajo është e sotme. Të them për Celine Dion? Është edhe ajo. Por nuk e ka më kulmin, se unë atë dua më shumë. Por kjo është sot në kulm, bashkë me Bionce.
Mbi ç'bazë e morët vendimin për prishjen e Piramidës?
Së pari, dua të garantoi çdo qytetar shqiptar se ky vendim shkakun më themelor e ka ekonomik.
Si ekonomik? Ju keni thënë për zhdukjen e simbolit të Enver Hoxhës?
Unë kam fakte të pakundërshtueshme për këtë. Janë disa probleme që kërkojnë zgjidhje në qytetin e Tiranës dhe në Shqipëri. Këto probleme janë Parlamenti. Jo ne, por paraardhësit tanë, jo zonja Topalli, por zoti Servet Pëllumbi kishte krijuar komitetin shtetëror për ndërtimin e Parlamentit të ri. E vërteta është që ne kemi sallën në një vend Parlamenti, në një vend tjetër, jo në kushte të favorshme. Së dyti, gjatë një viti kryetarja e Gjykatës së Lartë më ka faktuar në mënyrë të pakundërshtueshme se situata logjistike dhe hapësinore në Gjykatën e Lartë është e papranueshme. Është në detyrën e qeverisë të garantojë të gjithë buxhetin dhe fondet për funksionimin normal të sistemit gjyqësorit, por në veçanti të kreut të sistemit gjyqësor, siç është Gjykata e Lartë. Në këtë kontekst kemi filluar punën për të bërë vendin për Gjykatën e Lartë dhe është përcaktuar zona ku mund të ndërtohej Gjykata e Lartë, midis Katedrales dhe hotel "Dajtit".
Në qoftë se zoti Topi në 2012 nuk merr një mandat të dytë, a do të jetë i mirëpritur në PD?
Zoti Topi është larguar nga Partia Demokratike me një detyrë të lartësuar, ka marrë funksionin kryesor dhe nuk mund të ketë asnjë koment që është në dëshirën e tij të plotë të zgjedhë të kthehet në parti.
Greqia ka kërkuar miratimin e paktit detar. Cili do të jetë qëndrimi i qeverisë shqiptare?
Me Greqinë ka pasur një dialog dhe bashkëpunim për përcaktim. Gjykata Kushtetuese ka marrë një vendim, i cili do të respektohet. Do të shihen të gjitha modalitetet që procesi të vazhdojë, duke konkluzuar në interesin e dy vendeve në një marrëveshje për kufirin detar.
Cili është reagimi juaj për ngjarjen në Boboshticë?
Ka një hetim për Boboshticën. Ka edhe deklarata kundërthënëse. Analiza po bëhen dhe po ashtu edhe ekspertiza. Në mënyrë absolute, nëse janë cenuar varre dhe kocka është profani e papranueshme, sikundër është e papranueshme djegia e kurorave. Ajo ka qenë një luftë në të cilën Greqia u sulmua. Për hir të së vërtetës, është një nga luftërat më të vendosura të kombit grek, me një çmim të shtrenjtë. Në rregullin e përgjithshëm, i vdekuri nderohet. Ky është rregulli. Nderohet ai që ka rënë për çlirim, por edhe ata që kanë rënë për një kauzë të gabuar, për rastin konkret grekët nuk kanë luftuar për kauzë të gabuar, por kudo që janë varrezat e ushtarëve të rënë, duhen të nderohen. Djegia e kurorave është absolutisht e papranueshme dhe nuk është ajo që përfaqëson mendimin apo etikën e këtij populli.
A mendoni se 1 vit pas qeverisjes ka nevojë për një rinovim, për futjen e emrave të rinj?
Ky vit, pas vitit 2009, pas anëtarësimit në NATO, është viti i arritjes më madhore të karrierës shtetërore politike të Sali Berishës. Kam vetëm vlerësim dhe mirënjohje për ekipin, i cili përmbushi procesin e komplikuar të liberalizimit të vizave, jo vetëm 6 muaj, 1 javë, por edhe ditën para se të merrej vendimi. Ky ekip ka përmbushur me përkushtim të madh me qindra kërkesa për 120 çështjet e udhërrëfyesit të vizave. Ai është një dokument me kërkesa shumë konkrete dhe unë i jam shumë mirënjohës ekipit për përkushtimin dhe përgjegjësitë që e trajtoi një çështje, e cila u realizuar. Përsa i përket moshës, për dijeninë time, është ekipi më i ri në moshë në Europë.
Çfarë zgjidhe do t'i jepni Dukatit dhe Karaburunit. Atje ka pasur edhe një incident të fortë mes banorëve dhe policisë.
Praktika e kësaj qeverie është njoha dhe respektimi i pronës. Por më duhet të them që me dru dhe gurë, askush nuk do të mund të marrë pronë ndonjëherë, sa të jetë kjo qeveri në pushtet. Prona merret mbi bazë dokumentesh dha askujt mbi bazën e dokumenteve nuk mund t'i mohohet prona.

[Duaje Siveten]

kujtojani shokit sali se kur u fut Shqiperia ne OKB, ne OSBE, apo ne Konference Islamike, nuk jane bere festa fare, as fishekzjarre ...

i takon salis, qe si udheheqes i fundit komunist i vendit, te beje festime edhe per ato ngjarje madhore, per te cilat ai dhen kontribut jo te vogel, ne sherbim te analizave urinore te birose politike ...

[Sovrani]

I mire eshte Topi po ka pak autoritet, me i mire do jete Nano, le ta mbylle karieren e tij politike me President.
E meriton, ka eksperience.

[{A_N_G_E_L_69}]

Esht ideali mendoj dhe une.Esht ne vendin e duhur e ne kohen e duhur.

[Sovrani]

Asnjehere s'i lexoj intervistat e ketij tipit - shume te gjata i ka zakonisht.
Edhe ne TV kur e shoh mezi e degjoj sepse po perdor do fjale qe - o Zot - duket sikur s'flet shqip...

Edhe eune dikur njejt mendoja, por duke u perqendruar me mirete del se vertete ka nje kapaitet te madh mendor,vetem nga menyra si i percepton gjerat tregon se ka nje kendveshtrim shume te sakte, si dhe finesa tjera qe e dallojne nga tjeret.
Kujto doreheqjen e tij nga kreu i PS-se gje qe formalisht e beri Rama, dhe pataj i lodhi zgjrdhrsit rrugve me protesta dhe me greven, per cfare arsye, qe te mos kerkohet llogari per humjen, qe te qendroje kryetar, pak ose aspak Shqiptare e bejne nje gje te tille.

[Duaje Siveten]

Edhe eune dikur njejt mendoja, por duke u perqendruar me mirete del se vertete ka nje kapaitet te madh mendor,vetem nga menyra si i percepton gjerat tregon se ka nje kendveshtrim shume te sakte, si dhe finesa tjera qe e dallojne nga tjeret.
Kujto doreheqjen e tij nga kreu i PS-se gje qe formalisht e beri Rama, dhe pataj i lodhi zgjrdhrsit rrugve me protesta dhe me greven, per cfare arsye, qe te mos kerkohet llogari per humjen, qe te qendroje kryetar, pak ose aspak Shqiptare e bejne nje gje te tille.

tirade fjalesh, keto ka fatos nano, kumarxhi, pijetar, injektuesi delirant i korrupsionit zyrtaro-neopunist per te ndjekur kursin e tij dekadent - edhe kosovareve ne Zvicer iu kerkoi ta kene enverin babe ... apo nuk te kujtohet ...

"Per dyzet vjet ju keni degjuar ne kete dite prej paraardhesve te mi variacione te se njejtes teme: sesi vendi yne po lulezon, se sa milion ton çelik prodhohet, se sa te lumtur ne te gjithe jemi, sa te madh e kemi besimin ndaj qeverise sone, dhe çfare perspektivash te shndritshme po shpalosen para nesh.

Besoj se ju nuk me keni propozuar mua ne kete post, qe edhe une t'iu genjej."

Keto jane fjalet e Vaclav Havelit ne fjalimin e tij inaugural te viti 1990 - ato jane me se aktuale ne vitin 2010 per Shqiperine.

Apo do te thoni se Fatos Nano nuk do te mashtroje si paraardhesit e tij, ramizi e saliu, ashtu siç ka bere edhe vete kur ishte kryeminister e kryetar partie.