Ish kreu i PS Nano: Konkurroj per postin e presidentit

[user010]

Presidenti po zgjidhet sipas kushtetutes.Me sill nje argument ku Saliu thot presidenti do jet nga Demokratikja se ashtu dua une.

Kte po e thua ti.Sali Berisha thote qe presidenti do zgjidhet ne baze te kushtetutes.

Un e kisha prap kete bisede ketu http://www.forumishqiptar.com/showpost.php?p=3406176&postcount=52 ne forum.

Per fat te keq link-u nuk punon si dhe shum link-e te tjera te albobserver qe kerkova ne google.Nejse, nuk kam eksperience dhe dituri me gazetat shqiptare, bazohem ne google, nuk e di ca politike kan ne albobserver qe nxjerrin faqet pas pak si "404 error", 404 my @ss!

Po le mos te ngjitemi aty.. thelbi eshte se kur bisedova ketu ne forum per kete, ne ato dite deklaratat e kryetareve te partive ishin se ata donin rruge te tjera jasht kushtetutes.

Sa per deklaraten time, per deri sa nuk kam linkun ke c'do te drejte dhe do besh mire ta hedhesh poshte, edhe fundja fundit ne qofte se ti di dicka me teper po te hap rrugen. Me mir te jem un gabim.. dhe te zbatohet kushtetuta (me voten e fshehte), sepse un e kam lexuar ate edhe me duket rruge me e mire se sa te gatuajn muhabetin kryetaret vete.

Nejse un kam nje tjeter link me gernet shtruar (gerneta del nga fundi): http://www.youtube.com/watch?v=lXKDu6cdXLI&feature=related

[{A_N_G_E_L_69}]

Nisin nesër në orën 11:00, negociatat PD-PS për Presidentin

TIRANE- Nisin nesër negociatat mes Partisë Demokratike dhe asaj Socialiste për presidentin, por sikurse është njoftuar nuk do jetë një takim në nivel kryetarësh. Burime nga kryesia e kuvendit bëjnë të ditur se nesër në orën 11:00 në tryezë do të ulen krerët e grupeve parlamentare të dy partive të mëdha, PD dhe PS përkatësisht Astrit Patozi dhe Gramoz Ruci.

Në këtë takim Patozi i PD-së do të shoqërohet nga anëtari i kryesisë së Partisë Demokratike Edmond Spaho, ndërsa përfaqësuesi tjetër i Partisë Socialiste do të jetë Sajmir Tahiri.

Dy kryetarët e partive, Patozi e Ruci kanë konfirmuar takimin e nesërm mes palëve. Ka qënë kreu i grupit PD, Astrit Patozi, i cili një ditë më parë ftoi Rucin të nisin negociatat për këtë cështje.

“Partia Demokratike më ka mandatuar mua së bashku me zotin Edmond Spaho si negociatorë për t'u konsultuar me përfaqësuesit e Grupit Parlamentar të Partisë Socialiste për të eksploruar të gjitha mundësitë e zgjedhjes së kreut të ri të shtetit me një konsensus sa më të gjerë” thuhej në letrën e tij Astrit Patozi.

Ndërkaq duhet theksuar se të gjitha takimet e Berishës dhe Ramës me partitë e tjera parlamentare për çështjen e presidentit janë zhvilluar në nivel kryetarësh, ndërkohë që është shmangur vetëm takimi kryesor mes dy politikanëve më të rëndësishëm të vendit.
(ma.ar/BalkanWeb)

[Ziti]

iliri do ishte kantidati me i mire per president
ai s`eshte as i majte as i djathte, as grek as sllav.
ai mund te ndihmoje camet, mund te ndihmoje integrimin ne evrope,

[Bel ami]

iliri do ishte kantidati me i mire per president
ai s`eshte as i majte as i djathte, as grek as sllav.
ai mund te ndihmoje camet, mund te ndihmoje integrimin ne evrope,

Per ke Ilir e ke fjalen? Vetem per Ilir Meten uroj te mos e kesh.Si mund te vesh President nje njeri qe u kap mat duke i kerkuar ministrit ryshfet? Ky do te ishte katastrofe fare!!!! Nese duan nje President Konsensual, le te zgjedhin Pellumb Xhufin dhe ti vene kapak!

[Llapi]

BERISHA KA PLOT ZGJEDHJE, POR NJËRA ËSHTË MË E KEQE SE TJETRA

27 Maj 2012 12:00, Nga Mustafa Nano
Atij i duhet kreu i shtetit; i duhet po aq sa pushteti që ka. Një president jashtë kontrollit të tij do të ishte një minë që do t’i vinte vërdallë, e do ta mbante në gjendje makthi.

Koha mbaroi. Berisha nuk mund të luajë më kungulleshkash me çështjen presidenciale. Tani i duhet të japë një zgjidhje. E prandaj është në hall. Është në hall, pasi secila nga zgjidhjet që ka në mendje i është bërë gjyle te këmbët. E ka çuar vetë punën deri në këtë pikë. Është duke jetuar një situatë, të cilën e ka krijuar vetë. Nuk kish asnjë nevojë ta krijonte, pasi çështja presidenciale nuk ka pse të jetë një problem, a një rrezik; përkundrazi, është një mundësi, është një mundësi negociatash me palën tjetër, është një mundësi për të gjetur një emër të denjë për postin e sublimuar prej Kushtetutës, të cilin mund ta çonin në Parlament, ta votonin dhe… kaq.

Por ai e injoroi këtë opsion. Preferoi opsion tjetër, dhe ja, tani është në situatën kur, qoftë ky opsion i ëndërruar e i dëshiruar, qoftë opsioni kotmëkot i refuzuar (ai normali pra), qoftë opsionet e tjera që i mbeten, i sillen si njëri më i keq se tjetri. Të kthehet në “udhën e Zotit”, d.m.th. të ulet e të negociojë një zgjidhje me opozitën, apo me të tjerët, me synimin për të zgjedhur një president mbi apo jashtë palëve, është fare e kollajtë, por puna është se e nxjerr atë në një dritë të dobët, e nxjerr si njeriun që ka humbur komandën e gjërave, e nxjerr si njeriun që po tërhiqet, dhe këtë gjë ai s’mund ta kapërdijë lehtë; as të vetët. Përveç kësaj, refuzimi i deritanishëm i këtij opsioni të thjeshtë, të pabujë, e të padëmshëm, nuk është se ka qenë një trill. Jo, ka pasur edhe logjikën e vet. Atij i duhet kreu i shtetit; i duhet po aq sa pushteti që ka. Një president jashtë kontrollit të tij do të ishte një minë që do t’i vinte vërdallë, e do ta mbante në gjendje makthi.

Mbrëmë, pas takimit të dështuar me Metën, ai dha përshtypjen se është duke iu rikthyer këtij opsioni, si me krahëmarrje, duke tentuar t’i punojë një rreng Metës ‘bukëshkalë’ (Meta i ka mbyllur çdo shteg dje versionit presidencial të Berishës), d.m.th. duke iu jargavitur krejt papritur Ramës. Por po e bën sa për të rindezur pakëz fitilin e sherrit mes Ramës e Metës, e jo se ka ndërmend të ecë asaj udhe. E ka të vështirë ta bëjë këtë.

Marrim në shqyrtim opsionet e tjera që janë në tryezë (dhe në mendjen e Berishës, sigurisht). Një sosh, ai më i dashuri për të pra, do të ishte t’i mbahej linjës së deritanishme, d.m.th. të bënte publik një kandidaturë të vetën, sidozot Topallin apo topallë të tjerë aty rrotull, e të hapte procedurat parlamentare të zgjedhjes së kreut të shtetit. Në raundin e katërt e të pestë i mjaftojnë 71 vota për ta mbyllur, dhe nuk është çudi t’i ketë kaq vota. Në mos i ka, është në gjendje t’i gjejë 71 vota. Por ka dy probleme. Së pari, ai mund t’i gjejë kaq vota, nëse votimi është i hapur; nëse është i fshehtë, ai i pari nuk ka siguri; nuk ka siguri te votat e PD-së. Përveç kësaj, kjo është ajo zgjidhja që ia vështirëson lojën në vijim. I leverdis kjo gjë?

Opsioni i tretë do të ishte tërheqja nga ideja për të çuar në presidencë një Lal Kros të vetin, ulja në tryezë me opozitën, dhe imponimi i një emri jashtë partive, për të cilin ai vetë ka sigurinë se mund ta mbajë të frikësuar e të shantazhuar, rrjedhimisht nën kontroll të plotë. Me fjalë të tjera, Berisha mund të shkojë në tryezë bisedimesh (qoftë dhe vetëm me Metën, s’ka gjë se duket e vështirë, pasi fërkimet mes të dyve kanë shkuar shumë larg), dhe aty të ofrojë si kandidaturë një “horr jashtë partive me ndoca kredenciale intelektuale e me pak vokacion civik”. Por një ofertë e tillë me siguri do t’i refuzohet nga opozita; ndërsa Meta nuk ka asnjë interes që ta ndjekë në këtë lojë.

Një opsion i katërt do të ishte ndonjë kandidaturë ‘e djathtë’ (fjala vjen Aleksandër Meksi, Besnik Mustafaj, Alfred Serreqi etj.), refuzimin e të cilëve opozita do të hiqte shumë për ta justifikuar. Por puna është se kandidatura të tilla, edhe pse janë të djathta, madje pikërisht ngaqë janë të djathta, janë për Berishën më të urryera se sa kandidatura presidenciale e Tom Doshit. E prandaj, është një opsion që ai e çon në mendje më pak se çdo opsion tjetër. Po ta bënte një veprim të tillë, do “t’ia fuste keq” opozitës, por për të arritur deri këtu do të duhej së pari një Berishë racional, së dyti një Berishë që s’ka se ç’pret nga presidenti i ardhshëm; këtë Berishë të çinteresuar/racional nuk e kemi.

Ka opsione të tjera? Ka dhe një, që i duhet më pak se çdo gjë tjetër vendit, por që i vlen më shumë se opsionet e tjera vetë Berishës. Është moszgjedhja e një presidenti ‘at all’, e për pasojë, hapja e fushatës për zgjedhje të parakohshme. Ai ka shumë interes ta çojë vendin në zgjedhje qysh këtë vit, madje sa më shpejt të jetë e mundur, pasi në këtë mënyrë së pari ka rast të futet pa plotësuar, apo kryer, reformën elektorale, d.m.th. me Ristanin në pultin e komandimit të zgjedhjeve e me Kodin Elektoral kështu si është, së dyti mban nën kontroll efektin e partive të reja (që syrin e kanë te thesi i votave të Berishës), e së treti nuk lejon optimalizimin e aleancës së re Rama-Meta (sa më shumë kohë kalon, aq më shumë lihet mënjanë nausea kolektive prej një koalicioni të tillë).

Mirëpo, nëse do ta çonte vendin në zgjedhje, nuk do të kish se si ta shpjegonte këtë vendim pikërisht në këto rrethana, kur po thuhet se “në vjeshtë mund të marrim statusin e kandidatit për në BE, nëse mbahet një klimë e mirë bashkëpunimi mazhorancë-opozitë”.

Keq e ka ngado që të vërtitet. Sheh – e shihte mirë A. Vasjari në shkrimin e vet te “Mapoja” e pardjeshme – vetëm humbje, mirëpo është një humbje që e meriton, pasi s’ka lënë dy gurë bashkë për të arritur këtu ku ndodhet sot.

[Shkelqesia_E_Tij]

Nano, nje batakçi qe i genjen mendja nga mengjezi deri ne darke sikur eshte politikan i zoti me klishe idiote qe ja var shoku Sali ne qafe si lider historik i se majtes...

Me kete levizje te fundit e tregoi veten sa njeri deshtak qe eshte...

Nje miku im dikur me pati thene: Nano ti thote flm Sales qe e futi ne burg si burokrat dhe e nxori kryetar partie...

Mesa duket paska patur te drejte

[Kanina]

varu leshte jane te gjithe o njerez akoma me keto ju. keta bejne pazare me njeri tjetrin kane 20 vite dhe ju u mbani iso akoma. lufta ketu eshte thjeshte se kush do kete presidentin dhe pushtetin e tij me vete jo se kush eshte president me i mire per popullin se per kete as qe sbehet fjale fare. e pare kshtu emri nuk ka asnje pike rendesie per ne pasi ai president kushdo qe te jete do jete dorfa e tyre dhe do bej politik njelloj si ata si gjithmone. ndryshimi eshte vetem nese do anoj djathtas apo majtas. ndryshim qe per ne(popull hesapi) ska rendesi sepse gjerat per ne do vazhdojne njelloj. perfundimisht keto gjera per ne do kene rendesi deri kur shqiptaret ta kuptojne se kjo klase politike eshte e mbaruar eshte per tu ndryshuar e tera nga koka te kembet. me pas nese do te arrijme te vendosim nje elit tjeter politike me serioze dhe me te paster vetem ateher emri i presidentit do te kete nje redensi te madhe dhe ne populli mund te vijme ketu dhe te diskutojme tere pasion per njerin apo tjetrin.

[Ziti]

Nano, nje batakçi qe i genjen mendja nga mengjezi deri ne darke sikur eshte politikan i zoti me klishe idiote qe ja var shoku Sali ne qafe si lider historik i se majtes...

Me kete levizje te fundit e tregoi veten sa njeri deshtak qe eshte...

Nje miku im dikur me pati thene: Nano ti thote flm Sales qe e futi ne burg si burokrat dhe e nxori kryetar partie...

Mesa duket paska patur te drejte

kryetar partie nuk e nxori sala por e nxori pasoku nga greqia bashke me ish-oficeret shqiptare
nano ia dha greqise te gjitha bizneset nen kontroll; edhe shqiperine deshi ta shpallte protektorat
te gjithe ata qe kane ngele ne shqiperi jane khoqe kandari
shqiperise i duhet nje president i huaj gjerman ose anglez apo amerikan

[Bel ami]

kryetar partie nuk e nxori sala por e nxori pasoku nga greqia bashke me ish-oficeret shqiptare
nano ia dha greqise te gjitha bizneset nen kontroll; edhe shqiperine deshi ta shpallte protektorat
te gjithe ata qe kane ngele ne shqiperi jane khoqe kandari
shqiperise i duhet nje president i huaj gjerman ose anglez apo amerikan

Qe te propozosh dhe te pranosh nje President Anglez,Kinez,apo Amerikan, do te thote qe te pranosh se populli yt nuk ka kapacitetet e nevojshme intelektuale dhe politike per tu vetqeverisur.Nese nje popull nuk vetqeveriset dot, atehere ai eshte i destinuar te skllaverohet .
Shqiperise nuk i duhet as nje anglez,kinez apo nemcelli ( gjerman) por i duhet nje elite njerezish te shkolluar ne Perendim ( Angli,Gjermani,Amerike) qe te marin ne dore popullin dhe ta udheheqin,ta edukojne me kulturen demokratike dhe ta bejne me te vertete pjese te Perendimit.
-Shqiptaret e provuan me Princ Vidin.Bile shkuan edhe aq thelle sa te mjerin donin ta benin synet (imagjino berberin me brisk ne dore duke pasur ne duart e tij hallatet e Princit).Nuk na eci me Princin e gjore,sepse Evropi nuk na cilesoi si Princ Vider te gjithe Shqiptaret,por si nje koloni qe qeveriset nga Vidi.Keshtu qe edhe nese zgjedhim X President te huaj, nuk do te shikohemi si njerez te Presidentit,por si nje tufe njerezish qe "qeveriset" nga X.



PS : Ziti, nuk e kisha personale me ty, ndonese te citova

[Brari]

Ruci ben planin e Rames, deshton tryezen me PD

Eva Gjura

Ka deshtuar takimi mes negociatoreve te Partise Demokratike dhe te mandatuarve te Partise Socialiste per diskutimin e zgjedhjes se presidenti te ri. Takimi eshte zhvilluar ne ambientet e kryesise se Kuvendit dhe ka zgjatur per gati 45 minuta, por ne fund te saj nuk eshte arritur ne asnje emerues te perbashket, dhe kjo, sipas mazhorances, sepse perfaqesuesit e opozites kane vajtuar ne takim me nje platforme bllokuese duke i vene kushte. Ne kete takim, opozita i ka vene kushte mazhorances per finalizimin e 4 ceshtjeve, nderkohe qe PD-ja edhe pse ka deklaruar qe eshte e hapur per dialog eshte shprehur se presidenti konsensual nuk mund te arrihet permes ultimatumeve. Pas takimit, kryetari i grupit parlamentar te PD-se, Astrit Patozi, ne cilesine e negociatorit e ka quajtur takimin e sotem te deshtuar, pasi, sipas tij, pala tjeter kishte ardhur ne takim me platformen editoriale bllokuese te Edi Rames, e cila eshte nje platforme bllokuese per ta futur ne rruge pa krye procesin dhe per te lidhur te palidhshmen. "U perpoqem ti shpjegojme perfaqesuesve te Partise Socialiste qe Partia Demokratike si forca kryesore e mazhorances eshte futur ne kete proces jo per te ndjekur rrugen e shkurter, pasi rrugen e shkurter ne e kemi, kete na e lejon marreveshja e arritur me aleatet tane qe ne vitin 2009, po ashtu dhe ndryshimet kushtetuese qe bashkerisht i kemi vendosur ne vitin 2008 me perfaqesuesit e Partise Socialiste. Por ne kemi hyre ne kete proces per t'i dhene vendit nje President sa me gjitheperfshires dhe sa me konsensual duke pasur parasysh edhe vleren e shtuar qe ai mund te kete ne nje rast te tille", - eshte shprehur negociatori i PD-se, Patozi. Gjithashtu, ai ka deklaruar se mazhoranca i ka bere te qarte perfaqesuesve te Partise Socialiste qe ne rast se edhe ata do te kene te njejtin interes si ne eshte plotesisht e mundur qe ne te arrijme ne nje produkt dinjitoz, nje President sa me konsensual. "Ne rast se ata kane intensione te tjera per te rrezuar qeverine dhe gjera te kesaj natyre, sic i ka paralajmeruar edhe z.Rama ne editorialin e tij, sigurisht ky eshte nje mision teresisht i deshtuar", - tha Patozi. Duke komentuar takimin me te mandatuarit e opozites, negociatori i PD-se eshte shprehur se, "kam nje shije te keqe nga ky takim, por, gjithsesi, rezervohem te them fjalen e fundit, sepse kjo mazhorance, PD-ja, ka prirjen qe edhe pas kesaj te papriture qe ndodhi te mbajme porten e dialogut hapur me shpresen qe ne ende kemi mundesi per t'i dhene vendit nje president sa me konsensual. Por, sigurisht, kjo nuk mund te behet as permes ultimatumeve e as permes kurtheve ballkanike tipike per editorialin e Edi Rames".



Negociatoret

Kryesia e Partise Demokratike ka mandatuar kryeministrin Berisha, kryetarin e Grupit Astrit Patozi dhe deputetin Edmond Spaho si negociatore per zgjedhjen e presidentit. Ndersa vete kryeministri ka mandatuar kryetarin e grupit te PD-se, Patozi, dhe deputetin Spaho qe te negociojne me opoziten per ceshtjen e presidentit te ri.

3 pikat e PS, pa lidhje me presidentin

Kryetari i grupit te PD-se, Patozi, duke komentuar kresat e bera nga PS dje ne takim, eshte shprehur se "jane te palidhura tre pikat e tjera me ceshtjen e zgjedhjes se Presidentit te Republikes. Ne kemi prirjen absolute per t'i zgjidhur te gjitha ato pika. Madje, mund t'i kishim zgjidhur edhe me pare ne rast se nuk do te ekzistonte politika bllokuese e Edi Rames, e cila qellimisht kerkon te lidhi reformat e integrimit, ceshtjen e imunitetit, per te cilen Partia Demokratike ia ka bere thirrje qe kur ishte ne opozite, por ka qene mungese e vullnetit te tij qe e ka mbajtur peng me zgjedhjen e Presidentit te Republikes".

Zgjedhja e presidenti, nisin takimet mes krereve te politikes

Nga dita e premte mazhoranca ka ndermarre nje sere takimesh konsultative per zgjedhjen e presidenti te ri. Ashtu sic kishte paralajmeruar kryeministri Berisha ne respekt te Kushtetutes ne afatet qe percaktohen saktesisht ne ligj ka mbledhur kryesine e PD-se, e cila ka mandatuar edhe grupin negociator per te zhvilluar takime me aleatet, por edhe me partite e tjera parlamentare per zgjedhjen e presidentit. Kryesia ka negociuar kryeministrin Berisha, kryetarin e grupit te PD-se, Patozin, si dhe deputetin Spaho si grup negociator. Takimin e pare, kryeministri Berisha e ka zhvilluar me kryetarin LSI-se, Ilir Meta, dhe me pas me kryetarin e PR-se, Mediu, dhe kryetarin e PDIU-se, Idrizi. Gjithashtu, dje eshte zhvilluar nje takim mes Patozit dhe kryetarit te grupit parlamentar te PS-se, Ruci, per ceshtjen e presidentit, por nga ky takim nuk eshte arritur ne ndonje emerues te perbashket. Tashme pritet zhvillimet e fillimit te javes sepse seanca e pare per zgjedhjen e presidenti, sipas Kushtetutes, eshte lene diten e merkure me 30 qershor. Sipas zhvillimeve, ka gjasa qe kjo seance te digjet pa kandidatet duke kaluar ne seancen e dyte gati nje jave me pas. Sipas Kushtetutes, nese ne tre raundet e para nuk zgjidhet presidenti me 84 vota, ne raundin e katert zgjedhja e tij behet me 71 vota. Sesi do te shkoje procesi i votimit dhe me sa vota do te zgjidhet presidenti, kjo mbetet per t'u pare ne ditet ne vazhdim.



KJ

.