Grekët, ceremoni mbi varret shqiptare

[{A_N_G_E_L_69}]

Në një ceremoni ku mungonte pjesa më e madhe e banorëve të fshatit, shtetasit grekë i kanë quajtur varret 200-vjeçare të Boboshticës si "varre të ushtarëve grekë". Një pjesë e banorëve kanë reaguar, duke deklaruar se në këtë tokë ndodheshin eshtrat e të parëve të tyre, por ata që kanë folur, janë larguar me forcë nga zona ku zhvillohej ceremonia. Në kujtim të ditës kombëtare të Greqisë u kryen homazhe në këtë fshat të Korçës, ku gjatë Luftës së Dytë Botërore ishte vrarë një prej ushtarëve të komandës greke.
Pas himnit grek dhe fjalimeve po në gjuhën greke, të pranishmit pretenduan se varrezat janë të ushtarëve grekë dhe jo të banorëve të hershëm të Boboshticës. Edhe më parë, në këtë memorial janë kryer homazhe në nderim të ushtarit të rënë grek, por këtë vit u vu re një numër i madh vizitorësh të ardhur nga Greqia. Ata zbritën nga mjetet për të ecur më pas në këmbë për disa metra, deri në memorialin e përfunduar bashkë me shkallaren prej betoni disa ditë më parë. Me vete ata mbanin simbole të shtetit grek dhe flamurit të tij. Të pranishëm ishin edhe përfaqësues të OMONIA-s në Korçë, të Konsullatës së Përgjithshme Greke dhe banorë të fshatit, por që të shumtët ishin anëtarë të OMONIA-s. Ceremonia nisi me një meshë të mbajtur në manastirin e Shën Mërisë, që ndodhet pranë varrezave. Më pas, ritet fetare u kryen edhe në memorialin e ushtarit grek. Shtetas të ardhur nga Greqia, nga ana e konsullatës, shkollës greke "OMIROS" dhe dega e OMONIA-s së Korçës vendosën kurora me lule në kryqin e madh. Një prej vizitorëve grekë, rreth 60 vjeç, duke u shprehur se ishte i afërmi i ushtarit të vrarë grek, mbajti një fjalim pranë memorialit. Ndërkohë, të pranishmit e shumtë në ceremoni kënduan himnin grek dhe një këngë kushtuar ushtarëve grekë të vrarë në luftë. Pjesëmarrësit ishin thuajse të gjithë të ardhur nga Greqia, por edhe nga OMONIA e Korçës. Një banor, një ndër të paktët e pranishëm nga ky fshat, kundërshtoi mes pjesëmarrësve pretendimin se këto varre janë të ushtarëve të rënë grekë. Nga ana tjetër, ata që erdhën për homazhe shprehën pakënaqësinë për mohimin që sipas tyre u bëhet të rënëve grekë në luftë. Një banor i fshatit Boboshticë, njëherazi anëtar i degës së OMONIA-s, reagoi edhe në lidhje me skandalin e daljes së eshtrave në sipërfaqe të varreve si dhe zhdukjen e tyre para se të kryhej ceremonia. "Ato ishin eshtra kafshe që kisha sjellë në një qese dhe më pas i largova", iu drejtua ai me ironi gazetarëve të interesuar për eshtrat. Por ceremonia krijoi tensione të tjera kur të pranishmit ngritën pretendimin gjatë homazheve se varrezat janë të ushtarëve grekë dhe nuk mund të thuhet se janë të banorëve më të hershëm të Boboshticës. Situata jo e qetë që përshkoi homazhet erdhi edhe sepse çështja e varrezave të vjetra të Boboshticës, ngritja e memorialit në formë kryqi atje dhe sidomos punimet e kryera muajin e fundit për betonimin e një pjese të varrezave, janë bërë objekt i mediave, debateve dhe reagimeve të shumta. Edhe më parë ka pasur pelegrinazh të shtetasve grekë në këtë zonë, por asnjëherë më parë nuk ka pasur reagime të tilla publike, duke cilësuar dhe varret e banorëve të vjetër grekë, si ato të ushtarëve të rënë gjatë luftës me Italinë gjatë Luftës së Dytë Botërore.

I moshuari: Turp që mbështesni grekët
Ceremonia e organizuar dje në varrezat e vjetra të fshatit Boboshticë, ku ndodhet kryqi i ngritur në përkujtim të një ushtari grek të vrarë në Luftën e Dytë Botërore, nuk kaloi pa incidente. Fillimisht, një banor i vjetër i fshatit u konfrontua ashpër me një anëtar të OMONIA-s, po nga Boboshtica. Ngjarja ndodhi në hyrje të varrezave, ndërsa vargu i vizitorëve të ardhur nga Greqia po hynte në brendësi të pronës së kishës ku ndodhet manastiri. I moshuari Nesti Thomai ngriti zërin për një përkrahje të shtirur, siç u shpreh ai ndaj grekëve. "Nuk keni turp që mbështesni grekët kështu? Ku janë eshtrat e varreve të të parëve tanë?", u shpreh i moshuari. Por ndaj tij reagoi ashpër një mesoburrë nga Boboshtica, anëtar i OMONIA-s. "Ç'do ti këtu? Ik që këtej", ishte reagimi thuajse forcërisht i anëtarit të OMONIA-s ndaj të moshuarit. "Unë ç'dua këtu? Unë jam në vendin tim", iu përgjigj ashpër i moshuari, duke sjellë më pas një situatë të acaruar në varrezat e Boboshticës. Por pas debatit verbal, i moshuari u largua forcërisht nga vendi i varrezave të vjetra të Boboshticës.

PDU: Ngjarja ,fyese për shqiptarët
Partia Drejtësi me Unitet e cilëson prishjen e varreve në fshatin Boboshticë si një fyerje për qytetarët shqiptarë. Në një konferencë për shtyp, koordinatori i Klubit të Patriotëve të Rinj pranë PDU-së, Jetmir Salaj, u shpreh se institucionet shqiptare kanë shitur varret e shqiptarëve për të respektuar ushtritë pushtuese. "Ngjarja e fundit e ndodhur në fshatin Boboshticë është një ngjarje makabër e përsëritur. Çdo shqiptar ndihet i fyer kur sheh që institucione që veprojnë në Shqipëri e kanë të thjeshtë që të shesin varret e shqiptarëve për të respektuar ushtritë pushtuese të vendit tonë. Shteti shqiptar duhet të çojë përpara drejtësisë autorët e këtij akti dhe të dekurajojë që akte të tilla të përsëriten në të ardhmen. Ju kujtoj që vetëm pak kohë më parë, një vandalizëm i tillë ndodhi edhe në fshatin Kosinë", tha Salaj. Më tej, ai paralajmëroi veprime mes organizatave të të rinjve për të ndaluar fyerjen e dinjitetit të shqiptarëve.

[s0ni]

Uauuuuu kam ngelur pa fjale!!!!!
Qe te na marrin Greket perkembe edhe varret e te parve tane, nuk ka gje me te ulet, as nuk krahasohet me flamurin qe u dogj ne Itali....Me poshte se kaq s'ka ku te vete me.
Reagimi i shtetit Shqiptare cili eshte? Apo do i hedhin nje sy qorr.....akoma s'po me besohet cfare lexova.

[{A_N_G_E_L_69}]

Si gjithmone e njejta gje dhe taktike,nje sy qorr e nje vesh shurdh.Cne shteti shqiptar me aman.

[Robbery]

Si gjithmone e njejta gje dhe taktike,nje sy qorr e nje vesh shurdh.Cne shteti shqiptar me aman.

Keq fare..po me vjen per te qare ...

[{A_N_G_E_L_69}]

Keq fare..po me vjen per te qare ...

A don te ta fshij une lotin kur te rrjedhi mbi faqe?!

[Robbery]

A don te ta fshij une lotin kur te rrjedhi mbi faqe?!

hahahaha....he re ti se isha serioze ne kete rast...

[{A_N_G_E_L_69}]

hahahaha....he re ti se isha serioze ne kete rast...

E me mire se dhe une serjoz e mbajta veten kur te shkruajta.

[Robbery]

E me mire se dhe une serjoz e mbajta veten kur te shkruajta.

serIoz..me I jo me j...

[{A_N_G_E_L_69}]

serIoz..me I jo me j...

Ikaaaaaaaaaa naten se vdiqa per gjum.Doja te ta thoja edhe me mesazh ne privat naten por nuk mundesha te ta derg.As adrese e-mail tenden nuk te kam..

[{A_N_G_E_L_69}]

http://panorama.com.al/panorama/imag...vihetflaka.jpg Varret, kreu i OMONIA në Prokurori


Burime nga organi i akuzës bënë të ditur se dje është pyetur kreu i degës së OMONIA-s, Naum Disho. Mësohet se ai ka mohuar të jenë betonuar eshtra, ashtu sikurse pretendojnë banorët e Boboshticës. Burime nga prokuroria bënë të ditur se Disho është shprehur se betonizimi është bërë në rrugën ekzistuese, pa prekur pjesën e varreve. “Punimet janë kryer në rrugën ekzistuese dhe jo në pjesë tjetër të varrezave. Edhe më parë aty ishte rrugë ku kalonin banorët për të shkuar në varreza. Ne e kemi mbuluar me beton vetëm për të mirëmbajtur rrugën, por nuk është e vërtetë që poshtë saj ndodhen eshtra”. Kështu mësohet të ketë deklaruar kreu i degës së OMONIA-s në Korçë, Naum Disho. Burime nga prokuroria bënë të ditur se hetimet për rastin e dhunimit të varrezave të vjetra të fshatit Boboshticë kanë nxjerrë materiale, që pritet ta çojnë këtë çështje në gjykatë, ndonëse ende nuk ka persona të tjerë të akuzuar si përgjegjës të këtij skandali, veç punëtorit. Të njëjtat burime bënë të ditur se nga hetimet e kryera ka rezultuar se betonimi i varrezave është kryer me interesimin e drejtëpërdrejtë të degës së OMONIA-s në Korçë. Edhe banori i fshatit Polenë, 44-vjeçari Alqi Koroveshi, i cili është në procedim penal në gjendje të lirë për dhunimin e varrezave, ka pranuar për grupin hetimor se ka qenë OMONIA, ajo që i ka kërkuar të punojë në këto varreza. Madje, ai është paguar prej saj. Pasi janë marrë në pyetje punëtori që hodhi betonin, si dhe përfaqësuesit e OMONIA-s që e punësuan atë, pritet të merren në pyetje edhe banorë të tjerë të fshatit Boboshticë. Një pjesë e banorëve që janë pyetur mësohet se kanë dëshmuar për dhunim të varreve, duke pretenduar nxjerrjen e eshtrave në sipërfaqe të tokës. Hetimet e prokurorisë janë shtrirë edhe ndaj firmës private të ndërtimit, e cila ka furnizuar me material për betonimin e varreve të vjetra të Boboshticës. Por burimet e prokurorisë nuk bënë të ditur se cila është kjo firmë ndërtuese dhe përgjegjësia e saj. Një tjetër person që është marrë në pyetje është edhe roja i varrezës. Ai i ka kërkuar banorit të ardhur nga Polena ta sqaronte, se çdo të bënte këtu pa dijeninë dhe aprovimin e kishës. Ka të dhëna se fillimisht është tentuar largimi me forcë i punëtorit, por më pas kanë ardhur tre përfaqësues të degës së OMONIA-s, të cilët kanë dalë në mbrojtje të punës që kryente 44-vjeçari Koroveshi. Edhe drejtuesi klerik i manastirit të Shën Mërisë më parë nuk ka qenë dakord për kryerjen e këtyre punimeve, por ndërkaq kanë ndikuar drejtues të OMONIA-s dhe të konsullatës greke, nga ku më pas është lejuar hedhja e betonit në varreza. Sipas të dhënave, një marrëveshje e heshtur është arritur edhe me klerikun që ka në administrim manastirin e Shën Mërisë, brenda të cilit ndodhet edhe territori i varrezave.