Diskutime nga te krishterët!

[toni77_toni]

Kisha është mister i bashkimit të njerëzve me Zotin: Kisha është bashkuar me Krishtin si e fejuara me të fejuarin e vet... Ky bashkim realizohet me anë të dashurisë, e cila nuk mbaron kurrë (1 Kor 13, 8). Gjithçka në Kishë është drejtuar kah shenjtërimi i gjymtyrëve të Krishtit.

Kisha është ara e Zotit, vreshti i tij. Hardhia është Krishti. Besimtarët janë shermendet. Krishti ua jep jetën dhe frytshmërinë.
Pa të nuk mund të bëjmë kurrgjë.

Kisha është Qyteti i shenjtë, Jerusalemi i ri, i cili zbret “nga qielli, prej Hyjit, i stolisur porsi nusja e përgatitur për fatin e vet” (Zb 21, 2).

Kisha është Jerusalemi qiellor, Nëna jonë (Gal 4, 26),

Kisha është e fejuara e papërlyer e Qengjit të papërlyer (Zb 19, 7; 21, 2. 9; 22, 17), të cilën Krishti e ka dashur dhe e ka flijuar vetveten për të që ta shenjtërojë (Ef 5, 25-26).

[toni77_toni]

Nuk ka Shpirt të Zotit aty ku nuk ka Kishë.

Ku është Kisha është edhe Shpirti i Shenjt, ku është Shpirti Shenjt, atje është edhe Kisha.

Kisha është vend-banimi i Shpirtit të Zotit. Në trupin njerëzor banon shpirti i njeriut. Ai e mban së bashku dhe e ringjall. Po ashtu edhe në Korpin mistik të Krishtit, në Kishë, banon Shpirti i Krishtit, Shpirti Shenjt. Kështu Shpirti e bën Kishën “Tempull të Hyjit të gjallë” (2 Kor 6, 16). Ky Shpirt gjymtyrët e Korpit të Krishtit i mban bashkë ndër vete dhe me Kryet, me Krishtin. I njëjti Shpirt Kishës ia jep jetë.

Shën Ireneu shkruan:
“Ku është Kisha, atje është edhe Shpirti i Krishtit. Atje ku është Shpirti Shenjt, atje është edhe Kisha dhe çdo hir.”

[toni77_toni]

Kisha është një e vetme – pasi ka vetëm një burim: Trininë Shenjte, në të cilën një Zot i vetëm është bashkim i tre personave hyjnore: bashkim i Atit dhe i Birit në Shpirtin Shenjt.

Kisha është vetëm një – sepse ka vetëm një Themelues, Jezu Krishtin, i cili me kryqin e vet krejt njerëzimin pajtoi me Zotin dhe krijoi bashkimin e të gjithëve në një Popull dhe në një Trup (GS 78).

Kisha është një e vetme edhe sepse ka vetëm një “shpirt”: Shpirti Shenjt, i cili banon në të dhe e drejton, krijon bashkimin e besimtarëve në Krishtin. Ai është themel i bashkimit, i unitetit, të Kishës.

[toni77_toni]

Kisha është tejet ngusht lidhur me Krishtin, në mënyrë të trifishtë:


1) Është vetëm një trup i Krishtit. Të gjithë besimtarët me pagëzim bëhen gjymtyrë të atij trupi. Edhe të gjithë sakramente të tjerë, e sidomos Kungimi, e forcojnë këtë bashkim. Janë gjymtyrët e ndryshme me rolin e ndryshëm, mirëpo kjo nuk krijon ndarje, por dashurinë, e cila tejkalon të gjitha dallimet.

2) Krishti është Kryet e këtij Korpi, e Kishës (Kol 1, 18). Të gjithë besimtarët duhet të mundohen t’i përngjajnë Krishtit, derisa ai të formohet në ta (Gal 4, 19). Krishti kujdesohet për rritjen e Kishës dhe e secilit besimtar. Të gjithë rriten kah Ai. Krishti dhe Kisha (= Kryet dhe Korpi) së bashku janë “Christut totus” – “I tërë Krishti”: aq ngusht janë lidhur Krishti dhe Kisha. Janë bërë një!

3) Kisha është e Fejuara e Krishtit. Krishti vetveten e krahasonte me të Fejuarin, me Dhëndrin (krh. Mk 2, 19). Shën Pali e paraqet Kishën dhe secilin besimtar, dmth. çdo gjymtyrë të Korpit, si të Fejuarën, të “fejuar” me Krishtin Zot, që të bëhet me të një Shpirt i vetëm (krh. 1 Kor 6, 15-17; 2 Kor 11, 2).

Shën Augustini thotë: Pasi Krishti dhe Kisha janë vetëm një Korp komplet, atëherë çkado që bën Kryet ose gjymtyrët, mund të themi se bën Krishti: Krishti si Kryet dhe Krishti si Korp (Trup). Ata më nuk janë dy, por një trup i vetëm (krh. Ef 5, 31-32; Mt 19, 6). Kështu Krishti si Kryet quhet “i Fejuari”, kurse Krishti si Korp quhet “e Fejuara”...

[toni77_toni]

Kisha është Korpi mistik i Krishtit!

Të krishterët janë bashkuar me Krishtin në detyrën e tij, në vuajtjet e tija dhe në gëzimin e tij. Ai është hardhia, besimtarët janë shermendet (Gjn 15, 5).

Krishti bëhet një me Kishen edhe me anë të Korpit e Gjakut të vet: “Kush ha Korpin tim dhe pi Gjakun tim, qëndron në mua e unë në të” (Gjn 6, 56). “Merrni, hani: ky është trupi im!.... Pini prej tij të gjithë, sepse ky është gjaku im gjaku i Besëlidhjes..." (Mt 26; 26-28)

Më në fund, pasi u ngrit në qiell, ai nxënësve të vet ua dërgoi Shpirtin Shenjt, që të gjithë vëllezërit në mënyrë misterioze t’i bashkojë në një trup të vetëm, në Korpin mistik të vetin, që quhet Kishë.

[toni77_toni]

Kisha nuk është një objekt/ndërtesë. Kisha është një organizëm i gjallë, një trup i gjallë i përbërë nga shumë gjymtyrë. Kisha janë besimtarët që besojnë në krisht. Kështu pra, termi "shkoj në kishë" është i gabuar sepse kisha nuk është një vend. Termi i saktë duhet të jetë "kisha mblidhet në filan apo fistek vend". Ky vend mund të jetë shtëpi, në një ndërtesë të veçantë apo edhe në natyrë. Edhe një herë, vendi ku kisha mblidhet nuk ka as edhe rëndësinë më të vogël frymore. Funksioni i objektit/ndërtesës është/duhet të jetë vetëm praktik dhe asgjë më shumë.

Fjala “Kishë” rrjedh nga fjala greke: (ekklesía) që do të thotë: tubim, bashkësi... ‘ (ekklesía kyriaké) = bashkësia e Zotit.

Kisha është:
1) bashkësia e besimtarëve që besojnë në Krishtin;
2) ndërtesa, në të cilën takohet dhe lutet bashkësia e besimtarëve të krishterë.

Kisha Katolike është bashkësi e besimtarëve
a) që besojnë në Krishtin,
b) që janë pagëzuar
c) që janë në bashkim me papën e Romës, si zëvendës të dukshëm të Krishtit në tokë, si pasardhës të shën Pjetrit dhe si epror suprem të të gjithë të krishterëve të botës.

Prandaj: Ekleziologjia është mësim për Kishën Katolike si bashkësi të besimtarëve.

Me fjalën Kishë mund të shënojmë:
1) bashkësinë liturgjike të besimtarëve (pjesëmarrës në meshë, sakramente, shërbesën e fjalës, lutje zyrtare të Kishës...);
2) bashkësinë e besimtarëve të një vendi ose krahine (famulli, ipeshkvi...);
3) bashkësinë e përgjithshme të besimtarëve të krejt botës.

Këto tri domethënie janë të pandashme. Krejt Kisha është populli i Zotit në botën mbarë, i cili mblidhet në vende të ndryshme në bashkësi liturgjike, ku ushqehet me Fjalën dhe Korpin e Krishtit dhe kështu edhe vetë bëhet Korpi mistik i Krishtit.

[Seminarist]

Bravo, Ton!
Sipas parafytyrimit heretik dualist e kundravenes, te ndarjes trup-fryme, materie-shpirt, qe rrine ne prapavije te mesimit evangjelik protestant, kisha do mund te jete ose bashkesia e besimtareve, ose ndertesa. Sipas ketij mentaliteti, kisha nuk mund te jene qe te dyja, bashkesia dhe ndertesa.
Sipas kesaj logjike naive, ku njera mundesi perjashton tjetren, i bie qe Trup i Krishtit te jete vetem Trupi fizik i Krishtit, ndersa bashkesia e besimtareve, nqs do zbatojme kete logjike naive perjashtuese, nuk ka se si te jete nje Trup 'tjeter' krahas vete Trupit te Krishtit!!!!!

Shkrimi i Shenjte mjafton per te pare se ne te, nga zanafilla 'tokesore' e deri tek zbulesa 'qiellore', vazhdimisht flitet per tempull si nje vend i vecuar ne te cilin adhurohet.

Ne doktrinen kristiane i gjithe krijimi shihet si kishe. Krijimi eshte vendi i shenjte, ne te cilin njeriu ploteson qellimin e krijimit te tij. Krijimi s'eshte kot, as i cfaredoshem, as i rastesishem.

[Seminarist]

Keto doktrina me dualitet kundravenes e kane burimin pikerisht tek mos-besimi i drejte (ortodoks) i Misherimit te Krishtit.
Kur mohon berjen njeri te Birit te Perendise dhe perkrah me ose pa dashje mesimin se Perendia Bir banoi, pati kontakt me njerezoren por nuk u bashkua me te ne NJE person, sikurse Pauli i Samosates, atehere rrjedhimisht do mohosh anen e 'jashteme' te besimit si te kundravene anes 'frymore' te tij, ose si ne kontakt te tyre, ku ana e 'jashteme' eshte formale, ose edhe e panevojshme, dhe ku rendesi thelbesore ka ana 'frymore'.

Me pak fjale ky eshte mesimi heretik i gjithe evangjelikeve ne forum e jo, perfshi mesimin e Marcus1!

Por me ironikja eshte se nderkohe qe besimi i ketyre ka burim te paster te doktrines heretike, formalisht, per hir te inercise se mesimit qe kane mare, ata do te thone se jo ne besojme ne berjen njeri te Birit te Perendise!

Pikerisht ketu qendron naiviteti dhe marrezia e njeriut te sotem modern 'kristian' (protestant). Ai nuk di as se cfare beson ne te vertete.

[Matrix]

Ne lidhje me Kishen, do shtoja qe Ajo eshte dhe pasqyrim i jetes se Trinise se Shenjte.
Ashtu sikurse cdo Person (Vete) i Trinise eshte Hyj, por ama nuk jane 3 hyj por 1 Hyj i vetem,
ashtu dhe secili nga ne eshte nje Kishe(Tempull), por ama te gjithe nuk jemi shume Kisha, por 1 Kishe e Vetme, E Shenjte, Katholike dhe Apostolike.

Interesante eshte dhe lidhja Mari - Kishe. Ashtu sikurse Maria eshte tani, ashtu do jete Kisha ne lavdine e Saj.
Maria eshte: Bija e Atit, Nena e Birit, Tempulli dhe Bashkepunetore e Shpirtit te Shenjte.
Kisha eshte: Bija e Atit, Nusja e Birit (dhe si e tille: Bija e Marise), Tempulli dhe Bashkepunetore e Shpirtit te Shenjte