Përkrenarja dhe shpata e Skënderbeut, në Shqipëri për 100-vjetorin e pavarësisë

[EDLIN]

Përkrenarja dhe shpata e Skënderbeut, në Shqipëri për 100-vjetorin e pavarësisë




DUBROVNIK - Përkrenarja dhe shpata e Skënderbeut do të sillen në Shqipëri për t’u ekspozuar për kremtimin e 100-vjetorit të pavarësisë. Konfirmimi vjen nga zëvendës/kancelari dhe ministri i Jashtëm i Austrisë, Michael Spindelegger gjatë takimit me kryeministrin Sali Berisha.

Takimi u zhvillua në Dubrovnik ku aktualisht vijon samiti i krerëve të shteteve të rajonit. Në takim u diskua gjatë për situatën aktuale politike në vend, teksa kreu i qeverisë i shprehu mirënjohjen zotit Spindelegger për mbështetjen e Austrisë ndaj Shqipërisë në rrugën e integrimit, në bashkëpunimin në projekte të mëdha e sektorë të ndryshëm si energjia hidrike apo edhe regjistri elektronik i pronave.

Nisur nga fakti që jemi para kremtimit të 100-vjetorit të pavarësisë, kryeministri ftoi politikanin austriak të jetë i pranishëm në festime. Spindelegger garantoi gjithashtu se Austria do ta mbështesë fuqishëm Shqipërinë në hapat e mëtjeshme drejt integrimit europian dhe marrjen e statusit të vendit kandidat.

(er.nu/BalkanWeb)

[Duaje Siveten]

Ja nje nga palaçolleqet e lajmeve qeveritare: kjo eshte pune ndermjet muzesh, dhe jo pune politikanesh - kushedi se si eshte gjendur homologu austriak kur i eshte bere kerkesa ... mentalitet e veprim tipik punist ...

Do ti sjellin perkohesisht sa per 100-vjetorin e Pavarsise, apo do te qendrojne perhere ne Shqiperi, ne Muzeun Historik?

Veprim i duhur dhe i mençur "politik" do te ishte sjellja e perkrenares dhe e shpates pergjithmone ne Shqiperi, aty ku u takojne te qendrojne e te ekspozohen.