Komuniteti Shqiptar ne Kroaci

[dodoni]

Ambasada shqiptare në Zagreb i dhuron disa abetare të gjuhës shqipe Misionit Katolik shqiptar në Kroaci


TIRANE, 3 Mars/ATSH/.- Ambasadori i Shqipërisë në Zagreb, Arben Cici, i dhuroi Misionit katolik shqiptar në Kroaci një numër të konsiderueshëm tekstesh të abetares në gjuhën shqipe. Zyra e shtypit pranë Ministrisë së Punëve të Jashtme bëri të ditur se kjo dhuratë iu dorëzuar këtij misioni, gjatë një ceremonie në Kishën e Shën Pjetrit, pas përfundimit të Meshës të së Dielës për shqiptarët katolikë të Kroacisë. Në këtë ceremoni, ambasadori Cici theksoi angazhimin e shtetit shqiptar, veçanërisht të Ministrisë së Punëve të Jashtme për forcimin e lidhjeve të diasporës shqiptare me shtetin mëmë dhe me të gjithë elementët përbërës së kombit, një nga të cilat është edhe gjuha shqipe. "Kjo dhuratë kontribuon në ruajtjen e traditave dhe gjuhës shqipe tek shqiptarët e Kracisë", u shpreh ambasadori Cici. Në këtë drejtim, ambasadori shqiptar hodhi idenë edhe për një udhëtim turistik të një grupi të shqiptarëve të Kroacisë në Shqipëri. Sipas tij, kjo do të ndihmonte në rritjen e kontakteve mes shqiptarëve të Shqipërisë dhe të Kroacisë dhe në shkëmbimin e njohurive dhe traditave shqiptare. /inxhi/
2003-03-03



--------------------------------------------------------------------------------
Copyright © 2001 Albanian Telegraphic Agency! Inc. All rights reserved
Pershendesim hapin e ambasades shqiptare ne kete drejtim dhe urojme qe ne te ardhmen te behet sa me shume ne kete drejtim, jo vetem ne Kroaci por kudo ne bote ku ka shqiptare.
Pershendetje
Rrofshin Shqiptaret e Bashkuar dhe Shqiperia e Bashkuar