Fatmire Bajramaj e nominuar nga FIFA

[drague]

Futbollistja nga Istogu që mbron ngjyrat e Turbine Potsdam dhe kombëtares së Gjermanisë është në mesin e 10 futbollistëve më të mira të botës që janë nominuar nga FIFA për shpërblimin e madh vjetor “Futbolliste e vitit 2010”

Nëse shumë shtete të futbollit mund të krenohen me futbollistët e tyre që janë zgjedhur në listën e ngushtë të lojtarëve për çmimin e madh vjetor të FIFA-së, Futbollist i vitit, Kosova dhe shqiptarët mund të kërkojnë “hisen” e vete nëpërmjet kandidimit që i ka bërë shtëpia botërore e futbollit, Fatmire Bajramajt. Futbollistja e lindur në Istog (familja e saj është nga Gjurakoci) kishte emigruar drejt Gjermanisë më 1993 me familjen e saj, kurse aktualisht është anëtare e skuadrës Turbine Potsdam dhe reprezentuese e Gjermanisë, është nominuar në mesin e 10 futbollisteve nga mbarë bota për shpërblimin e madh “Futbolliste e vitit 2010”.

22 vjeçarja qe disa vite është duke treguar forme brilante ne futbollin për femra. Ndërsa në vitin 2010 e ka kurorëzuar me skuadrën e saj Turbine Potsdam duke u bërë kampione e Gjermanisë, e po ashtu me ketë skuadër arriti që ta fitoj edhe Ligën e Kampionëve të Evropës në konkurrencën e femrave.

Bajramaj ishte me e merituara për këtë duke shënuar shume gola dhe duke qenë kreatorja kryesore e lojës se skuadrës se saj. Po ashtu “Lira” është edhe reprezentuese e Gjermanie qe barte barrën kryesore ne lojën e këtij reprezentacioni.

Më 2007, në moshën 19 vjeçare ajo ka qenë pjesë e kombëtares së Gjermanisë e cila fitoi Kupën e botës, ndërsa Bajramaj luajti edhe në finale. Gjithashtu ka fituar edhe titullin e kampiones së Evropës më 2009.

E njohur për teknikën e saj në fushë, Lira shpesh herë ka marrë vlerësime maksimale për performansat që i kishte treguar në ndeshje ndërkombëtare.

Ajo është në lidhje me aktorin dhe modelin shqiptar nga Kosova, Eshref Durmishi i cili punon në Itali.

Bajramaj po ashtu është njëra ndër fytyrat e pakta që ka zgjedhur prodhuesi i njohur botëror i veshmbathjeve sportive, Nike të incizojë reklama dhe të jetë pjesë e fushatave promovuese. Ajo së fundi është angazhuar në aktivitetin humanitare të Nike të quajtur Red (kuq) që ka për qëllim luftimin e sëmundjes së AIDS-it.

Më 6 dhjetor FIFA dhe France Football në një media organizim në Paris do të shpall tre nga më të votuarit nëpër listat e nominuarve.

Për te arritur këtë Fatmire Bajramaj do te përballet me një konkurrencë të fortë sepse të nominuara janë:

1. Fatmire Bajramaj (Gjermani/Kosovë)

2. Birgit Prinz (Gjermani)

3. Hope Solo (SHBA)

4. Abby Wambach (SHBA)

5. Marta (Brazil)

6. So Yun Ji (Koreja e Jugut)

7. Caroline Seger (Suedi)

8. Kelly Smith (Angli)

9. Camille Abily (Francë)

10. Christine Sinclair (Kanada)

Libri i Lirës

Në nëntor të vitit të kaluar, Lira ka botuar edhe librin e saj autobiografik të titulluar: “Goli i jetës sime – nga refugjate deri te kampione e botës”. Libri kishte zgjuar shumë interesim në opinioni gjerman dhe atë botëror të autobiografive të personaliteteve të sportit.

“Bajramaj kombinon klasin në sport me një pamje shumë femërore, e cila si fëmijë emigrantësh ka një tregim shumë interesant për ta thënë. Me pesë vjet ajo emigron nga Kosova me familjen e saj duke iu shmangur represalieve të qeverisë serbe. Me asgjë përveq rrobave, pa ushqim, pa viza, familja e saj filloi odisenë që përfundoi në qytetin, Remscheid në Gjermani. Librin tregon për mënyrën e adaptimit në atdheun e re dhe për të gjetur miq. Në fillim ajo ka luajtur futboll fshehurazi, kundër dëshirës së babait të saj, por më vunë e kishte përkrahjen e tij të plotë...”, shkruan në shpjegimin e shkurtër për librin e saj.

[Jackie]

Une e kom pa tu lujt dhe pa ekzagjerimin me t'vogel ne krahun e majte qe lu ajo nese thirret ne kombetaren tone mund ta zeji nji vend pa problem

[chino]

Hahaa te njejtin mendim e pata dhe une, B. Jack. Luan me gjithe zemer, te inspiron.

[Linda5]

Shyqyr qe nuk e paska mar kjo Birgit Prinz,jo se nuk e meritonte se eshte me te vertet nje futbolliste shum e mire,por mu be qefi per Fatmiren me teper,e kam pa kur luan dhe eshte shum e shkathet,sa keq qe nuk kemi ne nje kombtare te femrave
Suksese dhe ne vazhdim Fatmires

Zemra ab wan bist du frei

[Jackie]

Kemi kombetare femrash por akoma nuk eshte pranu nga fifa ...

Kampionati femrave ne shqiperi ka 3-4 vjet qe zhvillohet rregullisht.

[extreme]

oo skemi kushte ne se ne kosove ka shumm talent shum te cilve vullnetiu iu mbytet nga kushtet e keqija .

[strange]

Ajo Prinz dy lidhje s'ka dhe qenka kualifikua.

Kam disa loje që shoh vetëm se luan kjo dhe më të vërtet luan mirë. Lojën e fundit kishin dje kundër Australisë. E fituan 2 me 1 dhe kjo beri një asistim.

http://www.lirab.com/html/img/pool/d...33_p880722.JPG

Shpresoje që ta fitoj kjo se më të vërtet luan shumë mirë.



I uroje fat për vitin e ardhshëm pasi qe është edhe Kampionati Botëror për femra.