Bashkimi Kombëtar

[drenicaku]

Lere drenicakun se ai vetem arme ne dor din te kap, kane mbetur te gjithe injoranta.

Mutlim-ks
Po prej ketyre armeve o legen ti ke mundesin sot per te perdor internetin sepse po mos te ishin keto arm sot ku me dit ku ishe diku ne avganistan se ne evrop ti si mutliman nuk kishe pas vend

[>_Ilirian_>]

Lere drenicakun se ai vetem arme ne dor din te kap, kane mbetur te gjithe injoranta.

Jo, jo gabim je vellau im.

Drenicaku vetem *** me goj din te han.

[ARIANI_TB]

Paniku nga lista për Shqipërinë Natyrale

Nga Express më 02 nëntor 2010 në ora 21:32
Organizata e sapoformuar ‘Lista për Shqipërinë Natyrale’, e cila angazhohet për formimin e një shteti të përbashkët shqiptar në Ballkan, ka paralajmëruar se do të marrë pjesë në zgjedhjet që do të organizohen në të gjitha shtetet ballkanike ku jetojnë shqiptarët, njoftoi gazeta malazeze ‘Vijesti’.

“Për fillim, do të marrim pjesë në zgjedhjet e ardhshme në Shqipëri dhe në Kosovë, e më vonë edhe në zgjedhjet në shtetet tjera të rajonit”, u porosit gjatë ceremonisë në Tiranë me rastin e themelimit të listës, slogani i së cilës është “Paqe me botën, miqësi me Evropën, dhe dashuri mes shqiptarëve”, pohoi gazeta.

Nga ana tjetër, zëdhënësi i Prokurorisë Publike të Serbisë, Tomo Zoric, deklaroi se prokuroria, në përputhje me kompetencat që i ka, do të reagojë lidhur me deklaratat e udhëheqësve të komunave të Preshevës dhe Bujanocit, të cilët gjatë tubimit në Tiranë e mbështetën bashkimin e tyre “brenda Shqipërisë Natyrale”, duke nënvizuar se zona në të cilën jetojnë ata “është territori më i okupuar shqiptar”.

"Do të verifikojmë se çka dhe në çfarë konteksti kanë thënë gjatë promovimit të Listës për Shqipërinë Natyrale. Nëse, pas marrjes së informacioneve të nevojshme konfirmohet se në sjelljet e tyre ka elemente të veprës penale, atëherë prokuroria kompetente do të iniciojë fillimin e procedurës”, i tha Zoric gazetës serbe ‘Politika’.

Sipas Zoric, prokuroria nuk do të tërhiqet para asnjë lloji të kriminalitetit, e në veçanti jo atëherë kur të verifikohet se bëhet fjalë për cenimin e sigurisë së Serbisë, derisa përkujtoi se të gjithë janë të barabartë para ligjit, pavarësisht nga ajo se në çfarë postesh gjenden aktualisht.

Kryetari i Komunës së Preshevës, Ragmi Mustafa, nënkryetari i kësaj komune, Orhan Rexhepi, dhe kryetari i Komunës së Bujanocit, Jonuz Musliu, të dielën e mbështetën në Tiranë idenë e Listës për Shqipërinë Natyrale “për bashkimin e territoreve të Maqedonisë, Greqisë, Kosovës, Malit të Zi, Serbisë dhe të shteteve përreth ku shqiptarët e përbëjnë shumicën e popullatës”. Në tubimin në Tiranë si përfundim u tha se nga Gjykata Ndërkombëtare e Drejtësisë duhet të kërkohet revidimi i Konferencës së Londrës, e mbajtur në vitin 1913, dhe i Kongresit të Berlinit, “me qëllim të përmirësimit të gabimeve ndaj shqiptarëve, që u bënë pas tërheqjes së Perandorisë Osmane nga këto hapësira”.

Gazeta ‘Politika’ ndërkaq përkujton se në po atë tubim Orhan Rexhepi theksoi edhe atë se “Lugina e Preshevës, në kuptimin e plotë të fjalës, është territori më i okupuar nga të gjitha viset tjera shqiptare në Ballkan”.

Lideri i lëvizjes kosovare Vetëvendosje!, Albin Kurti, dhe kryetari i Komunës së Preshevës, Ragmi Mustafa, deri më tani janë dy politikanët e vetëm rajonalë shqiptarë që e përkrahën listën në fjalë, pohon tutje ‘Politika’. Sipas gazetës, ishte Mustafa ai që porositi se përfaqësuesit politikë shqiptarë nga shtetet e Ballkanit Perëndimor do të kërkojnë formimin e “Shqipërisë Natyrale” dhe revidimin e Konferencës së Londrës dhe të Kongresit të Berlinit, për të përmirësuar, siç tha, gabimet ndaj shqiptarëve pas tërheqjes së perandorisë turke.

Edhe pse në ceremoninë e themelimit u paralajmërua se pjesë e Listës do të jenë përfaqësues politikë nga Shqipëria, Kosova, Maqedonia, Mali i Zi, Presheva dhe diaspora, gazeta ‘Vijesti’ publikoi se në tubimin në Tiranë nuk mori pjesë asnjë përfaqësues politikë shqiptar nga Mali i Zi. Burime të gazetës podgoricase nga radhët e partive politike shqiptare në Mal të Zi pohuan se atyre nuk iu ishte dërguar asnjëlloj ftese për pjesëmarrje në tubimin e mbajtur në Tiranë.

Pjesëmarrësit e tubimit në Tiranë mbështetën platformën e analistit politik shqiptar, Koço Danaj, sipas së cilës shteti i bashkuar i të gjithë shqiptarëve në Ballkan do të formohet deri në vitin 2013, dhe se pjesë e tij, përveç Shqipërisë dhe Kosovës, do të jenë edhe territore të caktuara të Malit të Zi, Serbisë, Maqedonisë dhe Greqisë. (Nga agjencitë)

[ARIANI_TB]

[ARIANI_TB]

http://www.youtube.com/results?searc...+10+2010+&aq=f

[ARIANI_TB]

[Dar_di]

Topi: Bashkohemi në Bruksel!

Gjatë dekadave të fundit shqiptarët në rajon kanë përfituar nga hapja për të komunikuar më shumë me njeri-tjetrin, dhe forcimin e elementeve të përbashkëta, si gjuha, kultura, historia, ka deklaruar presidenti i Shqipërisë, Bamir Topi. Ai ka hedhur poshtë spekulimet se i është dërguar ftesë presidentit serb, Boris Tadiq, për ta vizituar Shqipërinë.

Ideve për një bashkim të mundshëm kombëtar, presidenti Topi në një intervistë për BBC-në iu përgjigj: “E ardhmja e vendeve tona, si vende sovrane të lira, patjetër që është në familjen euroatlantike, që do të thotë që ne të gjithë do të bashkohemi në Bruksel”.

Presidenti shqiptar inkurajon një bashkëpunim rajonal dhe përmirësimin e marrëdhënieve midis Kosovës e Serbisë, tani pas shpalljes së vendimit të Gjykatës Ndërkombëtare të Drejtësisë, e cila e bëri të qartë se pavarësia e Kosovës nuk bie ndesh me të drejtën ndërkombëtare. Presidenti Topi tha se kur të piqeshin kushtet do të mirëpriste uljen në të njëjtën tryezë të udhëheqësve të Kosovës e Serbisë.

Sa u përket raporteve Tiranë-Beograd, Topi tha se megjithëse me Serbinë nuk mund të bihet dakord për çështjen e Kosovës, ka një numër fushash të tjera bashkëpunimi, përfshirë ekonominë, komunikimin, kulturën, ku të gjitha palët në rajon mund të gjejnë një gjuhë të përbashkët.

Presidenti shqiptar tha po ashtu se nuk ka ende një ftesë zyrtare për një vizitë të presidentit serb, Boris Tadiq, në Shqipëri. "Nuk ka një ftesë për presidentin Tadiq për të vizituar Shqipërinë”, tha Topi i pyetur nëse po vonohej ardhja e presidentit serb në Tiranë, siç ishte paralajmëruar më parë. “Duke marrë në konsideratë që kjo ftesë do të bëhet nga presidenti i Shqipërisë në një rast eventual, përderisa unë e konfirmoj që nuk ka ftesë, çdo gjë tjetër që hamendësohet mbetet në një terren joreal”, tha presidenti Topi. (Kosova sot)