Vjersha Per Parashkollare

[Jorgo Telo]

LIBRI – MIKU IM

Fjalët që dëgjojmë shqiptohen me gojë.
i mban letra, libri, i mban më se miri.

Edhe pse s’lexoj ende
Edhe pse nuk shkruaj dot
Porsi mikun në qoshe
e mbaj librin fort e fort.

Prindërit lexojnë fjalët.
Unë shoh figurinat
Sot mësoj ngadalë
S’do heq dorë nga librat.

[Jorgo Telo]

LULET

E ku ka më bukur, t’i duash të bukurat lule!
T’i mbjellësh me kujdes ato e t’i rritësh me pekule?

Do zëvendësojaçdo dëshirë
me dëshirën për lulëzim.
Të kem boll lule.
Lule të ujis,
E t’i sodis nga mëngjesi
në perëndim…

[Jorgo Telo]

BISEDOJ ME DIELLIN

Ulet dielli ngadalë
Si një zjarr përmbi çati.
Sytë tek ai i ndal.
O, ç’e rrallë bukuri!

- Kur do vish, sërish, o diell?
- Kthehem nesër në mëngjes.

Dil, hidh sytë lart në qiell.
Me rrezet të përshëndes.

[Jorgo Telo]

STINËT

Ndërrojnë veshjen stinët…
Dhe unë s’mbetem prapa.
Sipas hapit të tyre
I hedh bukur hapat.

Një ditë vere në gusht
bëra një shaka:

Mora e vesha një xhup;
Pika sa s’më ra…!

“Ngatërrove stinët? –
më ushtoi një zë.

[Jorgo Telo]

RREZET

Sa u lodha ta kapja
një rreze dielli të artë.
Mendoja ta mbaja
në një shishe me tapë.

Sakaq i thashë babit,
që qeshte me mua:
- O ba, brenda gardhit
gjithë rrezet i dua…!


“Blerta, a s’më thua,
Ç’ta dha këtë mendje?
Rrezet fort i duam.
Janë për gjithë vendet.

[Jorgo Telo]

ËNDRRA E VËLLAÇKOS

E kam një vëllaçko
në klasë të parë.
Është faqebuçko.
Një ëndërr kish parë…

Sikur kapërceu malin përmatanë.
Neve na rrëfeu,
në gjumë ç’kish parë…

E s’duroi vëllaçkua
Mori sharrë, sqepar.
Tha: “Do shkoj te dajkua.”
U nis për në mal.

Ne si kureshtarë mbushur me merak.

Sytë nuk ia ndamë,
sa u kthye me vrap

[Jorgo Telo]

KTHIM NË FSHAT

Na nxiti malli,
U nisëm në fshat.
Në një rrëzë mali.
Sa larg e sa lart!

O ç’na dehu ajri
i pastër llagar.
Uji del nga zalli.
Freskët në behar.

[Jorgo Telo]

MAMATË E KOPSHTIT

Ju na mbani si mama,
U flasim ne:“edukatore”.

Çdo kopshtar në zemër u mba
Jeni të duruara,
jeni shembullore.

Na argëtoni, na mësoni pareshtur.
me lodra plot,
me vjersha e këngë.

Mes jush kalojnë orët zemërqeshur.
Jeni për ne
gjyshe dhe nënë.

[Jorgo Telo]

MASKAT

U ka rastisur ndopak,
të përdorni maskë?
Unë – me maskën cjap,
dhe Vjollca laraskë.

Maskat bukur vumë
Thamë…e ç’nuk thamë.
Kuvenduam shumë…
Çlodhëm prindërit tanë.

[Jorgo Telo]

ZOGU BUKUROSH

Kemi mbi tryezë
lapsat ngjyra – ngjyra.

Mbi skicën e zezë
nisim nga detyra.

Ngjyrosim siç duhet
figurinat bosh.
O, sa mirë duket
Zogu bukurosh!