Kërkohet prifti hajn

[gimche]

Kërkohet prifti hajn

Ministria e Brendshme e Maqedonisë ka lëshuar një fletarrest për Jovan Vraniskovski, i cili duhet të mbajë dy vjet burg për shkak se ka keqpërdorur 250,000 euro në kohën sa ishte mitropolit i Kishës Ortodokse Maqedone.

Gjykata në manastir ka lëshuar javën e kaluar një fletarrest për Vraniskovski’n, pasi që kaluan të gjitha afatet ligjore për dorëzimin e tij vullnetar për mbajtjen dënimit.

Po qe se Vraniskovski nuk arrestohet në përputhje me fletarresti interno, atëherë për të do të lëshohet edhe fletarrest ndërkombëtar.

Mediat maqedone spekulojnë se Vraniskovski ka kohë që ndodhet jashtë vendit, dhe se shpesh udhëton në relacioni Greqi-Serbi.

Sipas informatave jozyrtare të mediave maqedone, ai e ka braktisur vendin që në kohën kur Gjykata e Apelit në Shkup ia konfirmoi dënimin me burg për shkak të keqpërdorimit të 250,000 eurove.

Besimtarët Vraniskovski’n dhe Arkiepiskopia Ortodokse e Ohri, regjistrimin e të cilës e refuzoi gjykata maqedone, pohojnë se ai nuk ka ndërmend të shkojë në burg, dhe se avokati i tij po mundohet të përfitojë pezullimin e aktgjykimit.

Supozimi se Vraniskovski posedon pasaportë të Serbisë, e ndoshta edhe të Greqisë, vetëm sa e komplikon arrestimin e tij në bazë të fletarrestit ndërkombëtar, sepse, duke marrë parasysh postin që ai e mban në udhëheqësinë e Kishës Ortodokse Serbe, dhe thirrjen e tij ‘egzarh serb’ në Maqedoni, duket goxha gjë e vështirë që organet serbe t’ia dorëzojnë atë Maqedonisë, pohojnë mediat në Shkup. /express/