Presidenti Fatmir Sejdiu jep doreheqjen nga posti i presidentit

[Nice_Boy]

Prishtinë, 25 shtator - Presidenti Fatmir Sejdiu ka gjasa që të japë dorëheqjen nga pozita e njeriut të parë të shtetit, pa e pritur fare shpalljen e vendimit të Gjykatës Kushtetuese. Burime të Kohës Ditore të afërta me të, nuk e kanë përjashtuar mundësinë që këtë akt presidenti ta bëjë publik vetëm pak kohë pasi të kthehet nga Shtetet e Bashkuara të Amerikës, ku është duke qëndruar aktualisht.
Në fakt, presidenti pritet të kthehet të shtunën në mesditë, sipas informacioneve të këshilltarit të tij për media, Xhavit Beqiri.
Dorëheqja, sipas burimeve të gazetës do të konsiderohej si “akt burrëror”, pasi presidenti gjithmonë është thirrur si institucionalist.
Shmangia e Sejdiut nga posti i presidentit, sipas tyre, nuk pritet të përcillet me krizë institucionale, pasi, një gjë të tillë nuk dëshirojnë ta shohin as përfaqësuesit e shteteve mike që e kanë ndihmuar në kontinuitet ndërtimin e shtetit të Kosovës. Për kapërcimin e situatës janë duke u bërë përgatitje që pasuesi i Sejdiut, i cili do të propozohej nga LDK-ja të siguronte edhe votat e deputetëve të PDK-së.
Deri në zgjedhjen e presidentit të ri, përgjegjësitë e njeriut të parë të shtetit do të delegoheshin te kryeparlamentari Jakup Krasniqi, pasi kështu është e rregulluar edhe me Kushtetutën e Kosovës.
Por, brenda LDK-së ka edhe zyrtarë të tjerë të lartë që konsiderojnë se vendimi i Gjykatës Kushtetuese që ia pamundëson presidentit Fatmir Sejdiu ushtrimin e dy posteve të larta drejtuese, të kreut të shtetit dhe të kryetarit të partisë, do të përcillet me pasoja politike në nivel vendi. Se a do të japë Sejdiu dorëheqje, do të shkarkohet nga Kuvendi i Kosovës e solucione të tjera, lexoni gjerësisht në numrin sotëm të Kohës Ditore.

[mesuesi_1]

po normal qe ne dhe te huaj do vdesesh me keto artikuj dhe tituj qe na sjell ketu

[shalja1]

Haraqija therret Sejdiun ta lë postin e presidentit

28.10.2008 per vesh te shurdher
Zijadin Gashi
Anëtari i Kryesisë së LDK-së, Astrit Haraqija, e fton presidentin e Kosovës, Fatmir Sejdiu, që ta shqyrtojë opsionin e dorëheqjes. "Nëse presidenti Sejdiu e do aq shumë LDK-në, mund të japë dorëheqje nga posti i presidentit dhe t'i udhëheqë reformat e partisë”, ka thënë ai.

a ka ndonje shqiptare qe dha dorheqje me deshire!

[Mbinjeriu]

-Ky njeri është karrierist i sëmurë,ka ambicie që duhet thënë janë jashtë çdo logjike,pasi pretendon gjëra që nuk kanë kuptim.
-Nuk thonë kot se dikush edhe në fatkeqësi përfiton,dhe kështu edhe Sejdiu u tregua oportunistë pas vdekjes së figures kryesore të Ldk-së dhe duke u servilosur erdhi deri tek pozita që është tani.
-Eshtë dashur kaherë të ndodhte kjo,por ky nuk kishte ndergjegje.

[Guri i Kuq]

Deklaratë e Presidentit të Republikës së Kosovës, dr. Fatmir Sejdiu

Të dashur qytetarë të Republikës së Kosovës: Sot unë kam dhënë dorëheqje nga pozita e Presidentit të Republikës së Kosovës. Që nga 10 shkurti i vitit 2006, si President i Republikës së Kosovës dhe i të gjithë qytetarëve të saj, kam ushtruar këtë funksion me përgjegjësi, me përkushtim të plotë dhe ndërgjegje të pastër, gjithnjë duke pasur si udhërrëfyes themelor interesin e qytetarëve dhe të vendit tonë të dashur.

27.09.2010

Unë tërë jetën time i kam respektuar institucionet që dalin nga vota e lirë e qytetarëve. Unë kam punuar për të realizuar vullnetin politik të popullit të Kosovës për liri dhe pavarësi dhe kam udhëhequr me përgjegjësi të plotë procesin e pavarësimit të vendit tonë.

Për t’u dhënë me besim dhe devotshmëri pas këtij përcaktimi jetësor e profesional, gjithherë kam pasur udhërrëfyes dhe mbështetje të fuqishme traditën time familjare dhe të popullit tim, si dhe të miqve të Kosovës.

Edhe ky akt imi i sotëm rikonfirmon përkushtimin tim për të treguar këtë respekt ndaj institucioneve dhe vendimeve që marrin ato.

Qytetarë të dashur të Republikës së Kosovës,

Vitet e gjata të punës sime si profesor universitar, si dhe përvoja ime shkencore dhe profesionale, më kanë motivuar të jem në procese thelbësore politike, nëpër të cilat ka kaluar vendi dhe populli ynë. Kur kthehem të shoh të kaluarën, ndjehem krenar se i kam dhënë edhe unë një vlerë modeste procesit të lirisë dhe pavarësisë së Kosovës.

Gjatë këtyre viteve si President i vendit, kam pasur rastin të punoj për së afërmi në procesin e hartimit të aktit më të lartë juridik të vendit, Kushtetutës së Republikës së Kosovës. Pikërisht për shkak të kësaj përvoje, debateve dhe vendimeve që janë marrë gjatë atij procesi, përkrahjes e konsultimeve të vazhdueshme, si dhe marrëveshjes me forcat politike në vend dhe me faktorin ndërkombëtar, unë kam besuar se mbajtja e postit të Kryetarit të LDK-së, duke mos e ushtruar atë funksion, siç e përcakton Kushtetuta, nuk përbën shkelje të kësaj Kushtetute. Megjithatë, Gjykata Kushtetuese ka menduar ndryshe, dhe unë e respektoj këtë vendim, pavarësisht faktit se ende nuk më është dorëzuar aktgjykimi i Gjykatës me arsyetim.

Gjatë këtyre viteve si President i Republikës, kam punuar me gjithë dijen dhe energjinë time që Republika e Kosovës të ndërtojë institucione të lira dhe demokratike. Kam punuar që zëri juaj, të dashur qytetarë, të dëgjohet kudo në botë. Kam folur dhe jam angazhuar për vizionin dhe ëndrrat tuaja, për përpjekjet shekullore të popullit tonë për të jetuar i lirë dhe për të pasur një të ardhme më prosperuese në gjirin e familjes së madhe të kombeve të lira.

Natyrisht, në këtë rrugë, jam ballafaquar me sfida të shumta, të cilat i kam kapërcyer me kurajo qytetare dhe me përgjegjësi institucionale.

Në politikë kam qenë gjithmonë ithtar i vendimeve të urta. Nuk kam përkrahur asnjëherë aktet e dhunës dhe të presionit, gjuhën e urrejtjes dhe të mostolerancës. Edhe në karrierën politike, jam udhëhequr nga parimet etike, nga të cilat nuk do të heq dorë asnjëherë as në të ardhmen.

Proceset politike në të kaluarën tonë nuk ishin të lehta. Ende në shoqërinë tonë ka nevojë për të rritur forcën dhe potencialin e demokracisë. Në lëvizjen tonë politike kemi shembull të jashtëzakonshëm se çfarë mrekullie mund të bëhet kur bashkohen shpirti demokratik, vizioni qytetar dhe funksionalizimi i të gjitha vlerave të një kombi dhe vendi.

Më lejoni të kujtoj, të dashur qytetarë, se gjatë viteve ‘90, derisa Presidenti ynë historik, dr. Ibrahim Rugova, fliste për pavarësinë e vendit, për vendosjen e trupave të NATO-s, për protektoratin ndërkombëtar, për ndërtimin e autostradës Durrës-Prishtinë, shumë njerëz, madje me përbuzje, këto ide i quanin utopike. Por ju, populli i Kosovës, gjithnjë u besuat fjalëve dhe vizionit të tij largpamës. Dhe, për fat, koha e tregoi se ai kishte të drejtë.

Fuqia e vizionit të Presidentit Rugova ishte pikërisht moskthimi mbrapa për t’i parë ata që e shanin, që e fyenin dhe e përbuznin për përfitime personale apo klanore. Ai shihte më larg dhe më kthjellët dhe prore kishte besimin tek liria dhe demokracia.

Të dashur qytetarë:

Para pak kohësh, para Parlamentit të Republikës së Kosovës kam thënë se:
“Në sistemet demokratike, konjukturat politike vijnë e shkojnë. Ajo që mbetet është vlerësimi i qytetarit për to. Konjukturat politike vlejnë aq sa arrijnë të fitojnë besimin e qytetarit, i cili është sovrani i një vendi, është përcaktuesi i peshës politike të secilit. Ne jemi kalimtarë, i përhershëm është vetëm interesi i qytetarit, është atdheu ynë. Përjetësia e tij është mbëltuar nga baballarët tanë, nga njerëzit e mirë të Kosovës që punuan dhe u flijuan shekuj me radhë për të. Meqenëse ne, si brez, të rinj e të moshuar, patëm fatin e madh të jetojmë shekullin e lirisë e të pavarësisë së Kosovës, njëkohësisht jemi të dënuar të bartim, edhe peshën e madhe të suksesit apo të mossuksesit. Pra, ne mbase kemi qenë më fatlumët e gjithë brezave, por duhet të punojmë shumë që të kujtohemi për vepra të mira. Vetëm ju ftoj që ta kemi parasysh së bashku se kujtimin që ua lëmë gjeneratave të ardhshme, qoftë për mirë, qoftë për keq, e shkruajmë vetë.”

Unë do të vazhdoj t’i mbetem besnik kësaj motoje. Besoj fuqishëm se ky akt imi i sotëm është në interesin e qytetarëve dhe të vendit tonë të dashur, Republikës së Kosovës.

Edhe nga këtu, ritheksoj përkushtimin tim të plotë se nuk do t’i kursej energjitë dhe dijen time për ndërtimin dhe zhvillimin demokratik të vendit dhe për integrimin sa më të shpejtë në Bashkimin Evropian dhe në NATO, në miqësi të përhershme me Shtetet e Bashkuara të Amerikës dhe në fqinjësi të mirë me vendet e rajonit, si partner i përkushtuar për paqe dhe stabilitet.

Nuk do të kursehem asnjëherë për të punuar për sovranitetin dhe integritetin e Republikës së Kosovës, si shtet me institucione ku respektohet ligji dhe ku secili qytetar do të jetë i barabartë para tij.

Me këtë rast, ju falënderoj, Juve qytetarë të respektuar, për përkrahjen Tuaj. Po kështu, falënderoj edhe deputetët e Kuvendit të Republikës së Kosovës për besimin që kanë pasur dhe që kanë në mua.

Qytetarë të dashur të Republikës së Kosovës,

Ne bashkërisht kemi edhe shumë punë për të bërë për të ardhmen e Republikës së Kosovës. Puna jonë nuk ndalet. Para nesh mbeten shumë sprova, por ne do t’i kalojmë ato, ashtu si gjithmonë - me kurajo, urtësi dhe punë. Ne të gjithë bashkë e kemi detyrim dhe do të japim edhe më tej kontributin tonë thelbësor që vendi ynë të jetë pjesë e shoqërive dhe vendeve të qytetëruara, të lira e demokratike.

Zoti e bekoftë Republikën e Kosovës dhe qytetarët e saj!
Zoti i bekoftë miqtë e Republikës së Kosovës!

[Nice_Boy]

Rrustemi kërkon dorëheqjen e Sejdiut

Pas vendimit të mbrëmshëm të Gjykatës Kushtetuese të Kosovës, iniciuesi i këtë procesi, Naim Rrrustemi ka deklaruar se presidenti Sejdiu duhet të japë dorëheqje nga të gjitha postet.
Sipas Rrustemit, nëse këtë nuk e bën Sejdiu atëherë institucionet do të duhej ta shkarkonin atë nga posti i presidentit.

“Presidenti Sejdiu duhet t’u japë sqarim qytetarëve për shkeljen e Kushtetutës për dy vjet me radhë”, ka thënë deputeti Rrustemi për KTV-në. Sipas tij, shkeljet kushtetuese nga ana e presidentit janë mbështetur edhe nga institucionet e Kosovës, veçanërisht nga kryeministri Thaçi.

Ndërkaq, deputeti Driton Tali ka deklaruar se në mungesë të etikës parlamentare, vështirë që Kuvendi me dy të tretat e votave do të mund të mblidhet për ta shkarkuar presidentin.
Gjykata Kushtetuese ka deklaruar mbrëmë se presidenti Sejdiu ka shkelur Kushtetutën.

Edhe Lidhja Demokratike e Dardanisë mendon se presidenti Sejdiu duhet të japë dorëheqje, ngase ka shkelur Kushtetutën, duke mbajtur dy poste. Zyrtarë të kësaj partie janë shprehur se është akt moral i presidentit që të japë dorëheqje, duke theksuar se më këtë presidenti i ka dhënë një imazh negativ vendit para ndërkombëtarëve. /Koha

[mesuesi_1]

A PASKA LIGJ NE KOSOVE A ???.
QUDI!.
DERI TASH KA QENE LIGJI I XHUNGLLES, ME I FORTI MBIJETON .

eeee ..... vende - vende punon ligji dhe vende - vende nuk punon ..... dmth ligji punon atehere kur i intereson dikujt qe shtepine nuku e ka ne Kosove ....

[Dar_di]

Do të marrë qëndrim pasi ta studiojë vendimin

Presidenti i Republikës së Kosovës, Fatmir Sejdiu pas kthimit nga vizita në New York tha të shtunën se është informuar lidhur me vendimin e Gjykatës Kushtetuese, por nuk e ka marrë ende zyrtarisht, ndërkaq qëndrimin e tij lidhur me këtë çështje tha se do ta paraqesë pasi ta studiojë vendimin.

Gjykata Kushtetuese e Kosovës mbrëmë ka njoftuar se shkelja ka të bëjë me mbajtjen e njëkohshme të postit të presidentit të Republikës dhe të kryetarit të Lidhjes Demokratike të Kosovës.

Kreu i shtetit të Kosovës me të arritur në Aeroportin e Prishtinës, gjatë një konference për media vlerësoi se Gjykata Kushtetuese është ngutur, ndërsa sipas tij për hapat e mëtejmë Gjykata nuk sugjeron se çfarë duhet të bëhet.

Ndryshe, neni 91 i Kushtetutës rregullon çështjen e shkarkimit të Presidentit.

“Presidenti i Republikës së Kosovës mund të shkarkohet nga Kuvendi nëse ai/ajo është dënuar për kryerjen e krimit të rëndë, ose nëse ai/ajo nuk është i/e aftë për të ushtruar përgjegjësitë e këtij posti për shkak të sëmundjes së rëndë, ose nëse Gjykata Kushtetuese ka përcaktuar se ai/ajo ka bërë shkelje të rëndë të Kushtetutës”, thuhet në Kushtetutë. /Telegrafi/

[Disa]

Duhet menjher te jap dorheqje.

[shalja1]

[SIZE A ka ndonje shqiptare qe dha dorheqje me deshire! [/[/SIZE]