Parlamenti i ri tek Piramida - Gjykata Kushtetuese rrëzon kërkesën e PS

[Scion]

Nuk dua ti futem debatit per fondet, por vetem desha te sqaroj disa miq ketu qe thone qe piramida eshte objekt i bukur!

Qe ta merni vesh juve:

Piramida eshte projektuar si "Varr Monumental", qe ndryshe quhet nje Mauzoleum, qe mbante nje kopje te varrit te nje despoti Politik. Me sakte, Mauzoleumet e shekullit XX jane shpikje Orientale-Komuniste, kryesisht dukuri neper shoqerite despotike orientale ku udheheqesi shihej si "baba" politik por edhe shpirteror.

Piramida, eshte nje shembull tipik i arkitektures despotike orientale, dhe ndoshta eshte nje nga godinat me groteske sot ne Evrope. Eshte aq e huaj ne ate vend (analogji) sa nje Vile Sheiku Arab ne lagjen Soho te Londres. Vila e Sheikut mund te jete objekti me i bukur ne bote por askush nuk mund te mohoje faktin qe ndodhet ne nje vend te huaj.

E gjith kjo me larte, permblidhet me mire me fjalet:

Piramida, eshte nje "VARR shume i bukur" ne Vendin me te bukur te Tiranes.

Me respekt,

G

[illyrian rex]

Nje pyetje per ata qe kane kohe te pergjigjen.

Cfar funksioni ka sot piramida ne Tirane, apo cfare veprimtarie zhvillohet aty?....kam kaluar shpesh andej por asnjehere nuk kam hy ne mbrendi, apo nuk kam pyetur per te.

[djaliepirotas]

Te shembet pa dyshim dhe bashke me te zhduken dhe grahmat e fundit te pinjolleve te bllokut qe e shofin kete "varr monumental" te Enverit si shpresen e tyre te fundit.
Ah Neritan, cbere qe dole dhe ktheve turmen e Tiranes ate diten e xhuma?....

[Smth_Poetic]

Epo cdo gjeje i vjen dita te prishet e ndertohet dicka tjeter.
Mgjth do ishte me e mira te ndertonin dicka tjeter ne vend te parlamentit sepse shqiperia ka nevoje per spitale e shkolla e jo per pallate qe rrine bosh shumicen e kohes.

[Albo]

Kjo eshte nje nga inisiativat me te mira qe ka ndermare Shqiperia demokratike ne keto 20 vjet. Piramida e diktatorit Hoxha duhej te ishte shkaterruar 2 dekada me pare e nuk duhej te ishte pritur 100 vjetori i themelimit te shtetit shqiptar.

Perse duhet shkaterruar piramida?

Piramida duhet shkaterruar pasi u ndertua per te perjetesuar diktatorin Enver Hoxha ne mendjet e shqiptareve. Forma e piramides nuk ishte rastesi, ishte analogji me piramidat e Egjiptit, ku faraonet i ndertonin per te perjetesuar veten e tyre me mendimin se do te jetonin ne to edhe pas vdekjes. Te njejten gje u mundua te bente edhe Enver Hoxha e rregjimi i tij qe la pas, kthimin e Hoxhes ne nje faraon shqiptar te cilit shqiptaret duhet t'ia kishin friken edhe per se vdekuri. Objektivi tjeter i piramides ne mes te metropolit me te madh shqiptar, kish per qellim qe te mbante gjalle ne mendjet e shqiptareve kultin e diktatorit. Ky ishte djalli qe u mbylli shqiptareve kishat e xhamite, u ndaloi me ligj te praktikonin besimin e tyre, dhe nga ana tjeter na ngriti ne mes te Tiranes e cdo cep te Shqiperise kultin e tij. Ai nuk donte qe te nderohej nga shqiptaret, ai deshironte te adhurohej si zot prej tyre.

Shkaterrimi i piramides nuk eshte thjeshte nje simbolike: ajo ka per te ndihmuar ne shembjen e piramides se Enver Hoxhes e komunizmit nga ato dy brezat e shqiptareve qe u linden e rriten nen ate rregjim, qe jane gjalle edhe sot e kesaj dite. Enver Hoxha vdiq. Rregjimi i tij u shkaterrua. Simbolet e tij te frikshme ne cdo cep te Shqiperise u shkaterruan. Edhe keta dy breza mund te fillojne te bejne divorcin me te shkuaren e tyre te dhimbshme.

Ajo qe me gezon mua me shume se sa shkaterrimi i piramides eshte nisma per ndertimin e institucionit me te shenjte demokratik mbi germadhat e shtepise se diktatorit: ndertimin e Kuvendit te Shqiperise. Kuvendi i Shqiperise eshte Tempulli i Lirise. Per aq kohe sa do te kete nje Kuvend, per aq kohe sa shqiptaret do te zgjedhin me voten e tyre te lire perfaqesuesit e tyre ne ate kuvend, demokracia shqiptare do te jete e sigurt edhe per brezat qe do te vine.

Kurre me ne jete te jeteve nuk do te kete me vend ne ate vend te vogel si Shqiperia per diktatore qe terrorizojne e shtypin nje popull te tere. Rrenjet e demokracise e lirise do te jene te thella e te shendosha e do te shtrihen ne dekada e shekuj.

Nese arrijne qe te ndertojne kete veper brenda nentorit 2012, do te jete dicka madheshtore. Do te jete jo vetem nje kuvend, do te jete nje pike turistike, ku shqiptaret e djegur nga komunizmi, do te shpien femijet e niperit e mbesat e tyre, tu tregojne se si ky tempull i demokracise eshte ndertuar mbi rrenojat e piramides se faraonit komunist, qe i vodhi ketij populli 5 dekada jete ne liri.

Albo

[murik]

[QUOTE=Albo;2903877]Kjo eshte nje nga inisiativat me te mira qe ka ndermare Shqiperia demokratike ne keto 20 vjet. Piramida e diktatorit Hoxha duhej te ishte shkaterruar 2 dekada me pare e nuk duhej te ishte pritur 100 vjetori i themelimit te shtetit shqiptar.

Perse duhet shkaterruar piramida?

Piramida duhet shkaterruar pasi u ndertua per te perjetesuar diktatorin Enver Hoxha ne mendjet e shqiptareve. Forma e piramides nuk ishte rastesi, ishte analogji me piramidat e Egjiptit, ku faraonet i ndertonin per te perjetesuar veten e tyre me mendimin se do te jetonin ne to edhe pas vdekjes. Te njejten gje u mundua te bente edhe Enver Hoxha e rregjimi i tij qe la pas, kthimin e Hoxhes ne nje faraon shqiptar te cilit shqiptaret duhet t'ia kishin friken edhe per se vdekuri. Objektivi tjeter i piramides ne mes te metropolit me te madh shqiptar, kish per qellim qe te mbante gjalle ne mendjet e shqiptareve kultin e diktatorit. Ky ishte djalli qe u mbylli shqiptareve kishat e xhamite, u ndaloi me ligj te praktikonin besimin e tyre, dhe nga ana tjeter na ngriti ne mes te Tiranes e cdo cep te Shqiperise kultin e tij. Ai nuk donte qe te nderohej nga shqiptaret, ai deshironte te adhurohej si zot prej tyre.

Shkaterrimi i piramides nuk eshte thjeshte nje simbolike: ajo ka per te ndihmuar ne shembjen e piramides se Enver Hoxhes e komunizmit nga ato dy brezat e shqiptareve qe u linden e rriten nen ate rregjim, qe jane gjalle edhe sot e kesaj dite. Enver Hoxha vdiq. Rregjimi i tij u shkaterrua. Simbolet e tij te frikshme ne cdo cep te Shqiperise u shkaterruan. Edhe keta dy breza mund te fillojne te bejne divorcin me te shkuaren e tyre te dhimbshme.

Ajo qe me gezon mua me shume se sa shkaterrimi i piramides eshte nisma per ndertimin e institucionit me te shenjte demokratik mbi germadhat e shtepise se diktatorit: ndertimin e Kuvendit te Shqiperise. Kuvendi i Shqiperise eshte Tempulli i Lirise. Per aq kohe sa do te kete nje Kuvend, per aq kohe sa shqiptaret do te zgjedhin me voten e tyre te lire perfaqesuesit e tyre ne ate kuvend, demokracia shqiptare do te jete e sigurt edhe per brezat qe do te vine.

Kurre me ne jete te jeteve nuk do te kete me vend ne ate vend te vogel si Shqiperia per diktatore qe terrorizojne e shtypin nje popull te tere. Rrenjet e demokracise e lirise do te jene te thella e te shendosha e do te shtrihen ne dekada e shekuj.

Nese arrijne qe te ndertojne kete veper brenda nentorit 2012, do te jete dicka madheshtore. Do te jete jo vetem nje kuvend, do te jete nje pike turistike, ku shqiptaret e djegur nga komunizmi, do te shpien femijet e niperit e mbesat e tyre, tu tregojne se si ky tempull i demokracise eshte ndertuar mbi rrenojat e piramides se faraonit komunist, qe i vodhi ketij populli 5 dekada jete ne liri.

Albo[/QUOTE
Here pas here e thua ndonje gje te mencur ti mik.Nuk kam c'i shtoj fare shkrimit te mesiperm.Le te kuptojne ata qe kane mend..

[Duaje Siveten]

Gazeta Shqiptare, 24/10/201

Piramida - viktima e radhës e korrupsionit

Nga Fatmir Toçi

Para dy ditësh Kuvendi i Shqipërisë, me kërkesën e vetëm tre deputetëve të maxhorancës, votoi në rrëmujë e sipër, pa diskutime dhe pa e kaluar më parë në komisionet përkatëse parlamentare, siç bëhet për çdo ligj që vjen nga qeveria, vendimin për kthimin e Qendrës Ndërkombëtare të Kulturës (Piramidës) në godinë për një Kuvend të ri të Shqipërisë. Këtij vendimi i paraprinë dy dalje publike të kryeministrit të vendit, z. Sali Berisha dhe të kryetares së Kuvendit, zj. Jozefina Topalli, mesa duket për të tatuar pulsin se si do të reagonte opozita dhe opinioni publik shqiptar.

Në pak radhë u shprehën disa shkelje ligjore dhe procedurale të kësaj nisme nga ana e ligjvënësit, një nxitim me shumë truke për të vënë në jetë dëshirën e lidershipit të maxhorancës, që gjithsesi, siç do ta shohim në vijim të këtij shkrimi, bëhen thjeshtë për interesa të pastra të klanit qeverisës, duke fshehur e mbuluar një vrimë të zezë korrupsioni dhe për hapur rrugën mundësive të tjera korruptive, duke gjetur si rast Piramidën, e cila edhe simbolikisht nga emri që mbart po shfaqet si e tillë. Akoma më të dyshimtë, në mos të papërgjegjshme, deri në kufijtë e paradoksit, e bën veprimtarinë e kësaj qeverie vendimi i djeshëm i saj në lidhje me QNK (Piramidën), kur menjëherë pas miratimit në Kuvend të ligjit për hapjen e tenderit për projektin e Kuvendit të ri në vendin ku sot ndodhet QNK, miratohet një fond prej 4 milionë lekësh të reja për vazhdimin e rikonstruksionit të kësaj qendre me destinacionin e parë si teatër dhe bibliotekë. Dhe për këtë kurban u bënë fondet e akorduara më parë për trashëgiminë kulturore, konkretisht për rikonstruksionin e Muzeut Arkeologjik të Durrësit.

Piramida, e projektuar si muze për udhëheqësin komunist të kohës me vendim të qeverisë së atëhershme në vitin 1985, u inaugurua në vitin 1988 dhe i kushtoi vendit 4 milionë dollarë, që për kohën që flasim ishte një shifër marramendëse, absurde për gjendjen ekonomike të shqiptarëve. Pas rënies së komunizmit dhe ndryshimeve që ndodhën në fillimin e viteve ’90, ajo u kthye në qendër ndërkombëtare kulture, duke u kthyer realisht në një qendër të rëndësishme kulturore për kryeqytetasit, në një vend ku nuk reshtën së organizuari veprimtari nga më të rëndësishmet, që nga promocioni i artit dhe librit, deri te spektaklet e panairet kombëtare. Në një qytet si Tirana, ku nuk ka një tjetër qendër kulturore me vendndodhje dhe përmasa të tilla Piramida u kthye në qendër simbol të jetës kulturore duke bërë që të harrohet edhe qëllimi përse ishte ndërtuar një objekt i tillë.

Për shkak të amortizimit në vitin 2004, një vendim i Këshillit të Ministrave i akordoi kësaj qendre 36 milionë lekë për një projekt (që nuk u realizua kurrë) për ta kthyer në teatër. Ndërrimi i pushtetit një vit më pas u kthye në akuza për qeverinë e mëparshme duke i konsideruar 36 milionët e akorduar për projektin e rikonstruksionit të godinës si një vjedhje dhe abuzim me fondet e taksapaguesve. Por vetëm një vit pas zgjedhjeve, më 2006 qeveria e Berishës akordoi 130.000 euro për projektin e kthimit të QNK-së në teatër dhe Bibliotekë Kombëtare (!), si dhe 5 milionë e 600 mijë euro për zbatimin e këtij projekti.

Akuzat për qeverinë e mëparshme u harruan dhe në vitin 2007 iu hap rruga një firme franceze (që rezulton si fituese e tenderit) për të filluar punimet. Në fakt, që prej tre vjetësh aty nuk është parë këmbë francezi dhe Piramida i është nënshtruar një operacioni të pashembullt shkatërrimesh nga një brigadë prej jo më shumë se 10 punëtorësh, që e kanë degraduar këtë pasuri të çmuar kombëtare në një gërmadhë mu në mes të Tiranës.

Veç fatura e prishjeve në këtë objekt prej gati 5000 m2 ka vajtur deri tani në rreth 6 milionë euro, të paguara nga taksat e shqiptarëve vetëm për të shkatërruar. Sindromë e njohur e kësaj qeverie, por mesa duket edhe një kompleks nga i cili nuk po shpëton kryetari i maxhorancës së sotme dhe që ka lidhje me të kaluarën e tij komuniste. Për shkak të këtij kompleksi duhet zhdukur edhe fizikisht çdo objekt që i kujton z. Berisha diktaturën, edhe pse bota ruan sot si memorie nga e kaluara edhe kampet e përqendrimit, edhe burgjet dhe vendet ku janë ushtruar torturat më çnjerëzore. A ka simbolikë më të qëlluar që një objekt i projektuar dhe ngritur si kult i një diktatori të kthehet në qendër kulturore, ku në çdo moment të gëlojë jeta dhe gjallëria nga rinia, krijuesit, intelektualët dhe njerëzit e çdo lloj moshe e shtrese shoqërore? Por kryetarit të maxhorancës do t’i duhet të prishë edhe shumë objekte të tjera për të trembur djajtë që i ka brenda vetes, pasi pjesa qendrore e Tiranës lidhet me kujtesën historike të kryeqytetit. Duhet të prishë kompleksin ministror në qendër të Tiranës, godinën e universitetit, godinën e Kuvendit (ish-godina e KQ të PPSH-së), Kryeministrinë që e ka zënë Sali Berisha etj, etj.

Përpos kompleksit të mësipërm është mirë që t’u thuhet hapur shqiptarëve se përse po bëhet kjo lëvizje e re qeverisë shqiptare në emër të ndërtimit të një godine të re për Kuvendin e Shqipërisë; aq më tepër kur vetëm para pak muajve u harxhuan nga paratë e shqiptarëve për rikonstruksionin dhe arredimin e sallës ekzistuese të Kuvendit jo pak, por 750 milionë lekë. Të gjithë e kujtojmë shfaqjen pompozë deri në kufijtë e groteskut të kryetares së Kuvendit në ditën e parë të sesionit të dytë të kësaj legjislature, a thua se rikonstruksioni nuk u bë me shpenzimet e buxhetit, por me paratë e kryetares. Gjithashtu, u kujtojmë shqiptarëve se që prej një viti është në fuqi një vendim qeverie dhe ekziston një projekt, për të cilin janë paguar një milion euro, për ndërtimin e Kuvendit të ri të Shqipërisë duke adaptuar godinën ekzistuese, atje ku më parë ngrihej godina e KQ të PPSH-së.

Qëllimi se pse duhet bërë kurban i arkitekturës ekzistuese shqiptare pikërisht Piramida duket që është i qartë:

Së pari, kjo është një lëvizje e dëshpëruar për të mbuluar vjedhjen spektakolare të gati 6 milion eurove të hedhura në vrimën e zezë të korrupsionit. Dhe këtu nuk bëhet fjalë për taksë korrupsioni 20 apo 30 për qind që u vihet bizneseve, por për ndarje të parave të shqiptarëve midis hajdutëve të veshur me pushtet në masën 100 për qind.

Së dyti, është gjetur një sektor tjetër për të justifikuar nxjerrjen e parave nga “thesi i të gjithëve”, për një vepër që nuk është në kohën e duhur për t’u ndërtuar, në një kohë kur kjo qeveri është zhytur në borxhe dhe niveli jetik i pjesës më të madhe të shqiptarëve ka arritur në kufijtë e mbijetesës.

Së treti, duket qartë që qeveria është e pazonja që të zbrazë mjediset e QNK-së të dhëna me qira me kontrata afatgjate, në mënyrë të veçantë të një kanali televiziv të pavarur, politikat editoriale të të cilit duket që nuk i kanë shkuar pas fillit dhe për shtat maxhorancës së sotme dhe kryetarit të saj. Presioni ndaj kësaj medie me të gjitha format dhe mjetet ka qenë angazhimi i të gjitha strukturave shtetërore dhe tani, me sa duket, është gjetur një “raison d’etat” i pakontestueshëm për të prishur kontratën ligjore me këtë subjekt.

Por për të realizuar qëllimet e saj qeverisë së sotme do ti duhet më parë t’i japë përgjigje shqiptarëve se ku shkuan më shumë se 6 milionë euro të hedhura për rikonstruksionin e Qendrës Ndërkombëtare të Kulturës dhe për ta kthyer atë në teatër dhe bibliotekë kombëtare? A ishte thjesht një trill femre, një aferë e zakonshme përfitimi apo domosdoshmëri rikonstruksioni i sallës ekzistuese të Kuvendit ku u hodhën 75 milionë lekë të reja në një sallë që nuk funksionon si duhet dhe i kanë filluar problemet teknike dhe akustike që ditën e parë të vënies në shfrytëzim?

Përse u harxhuan një milion euro për një projekt godine kuvendi mbi atë ekzistuese, kur ai nuk ka për t’u zbatuar kurrë? A ka seriozitet dhe akordancë midis institucioneve të qeverisë shqiptare në një kohë kur aktualisht janë në fuqi dy vendime qeveri për ndërtimin e dy godinave të Kuvendit në dy vende të ndryshme dhe me projekte të ndryshme?

Dhe së fundi, çfarë do t’u thuhet shqiptarëve për mungesën dhe gjendjen skandaloze të institucioneve të kulturës, në Tiranë dhe gjithë vendin, kur në një kryeqytet si Tirana nuk ka Teatër Kombëtar të përshtatshëm, Bibliotekë Kombëtare me hapësirat e nevojshme të mjaftueshme; madje, nuk ka asnjë qendër tjetër të mirëfilltë kulturore, siç ishte dhe siç mund të jetë Piramida në qendër të kryeqytetit, me funksionet dhe me imazhin e duhur.

Reagimi i shumë specialistëve, analistëve dhe mediave të ndryshme, që sapo ka filluar, është shprehja e kundërshtisë ndaj këtij vendimi që kërkon të shkatërrojë një prej veprave moderne më të realizuara të arkitekturës shqiptare që, bashkë më Sheshin “Skënderbej” dhe kompleksin ministror i kanë dhënë vetë imazhin kryeqytetit tonë, Tiranës. Kërkojmë rishikim të këtij vendimi absurd të kësaj maxhorance, rishikim të procedurale të nxituara dhe kontradiktore të kryera deri tani, si dhe transparencë të plotë në lidhje me qëllimin e vërtetë të këtij vendimi.

Dhe në emër të kësaj transparence kërkojmë një vendimmarrje sa më të gjerë, deri te mendimi i jo vetëm komunitetit të njerëzve të kulturës, arkitektëve, specialistëve etj, por dhe gjykimi i gjithë banorëve të Tiranës.

Tirana nuk është pronë e një njeriu, e një grushti njerëzish, qofshin edhe pushtetarë, dhe as e një force politike, e cila duket që nuk ka as votat e mjaftueshme të shqiptarëve për të qeverisur. Tirana i takon të gjithë banorëve të saj dhe drejtimet e zhvillimit të saj janë problem i të gjithëve.

[Jackie]

Normal mer daj ,ky muhabet eshte i lexushem. Josefina i harxhoj nja gjys milioni euro per rikonstruktimin e parlamentit me taksat e popullit? tashi thone do prishim piramiden qe mesa kom lexu une do nja 5 milion euro per t'u prish ,edhe nja 30M per ta rindertu shko 35M. Ah se harrova po me at fondin per teater kombetar ca u bo? ishte nja 6M EURO ne mos gaboj?

Bir nona vet cna ka gjet me kto politikan , populli ska buke me honger ,ska pune ,ska lek ,kto mendojne per karriket e veta ,sepse e gjithe kjo bohet qe ne zgjedhjet e 2013 t'kene me ca ta mashtrojne popullin sic ishte rruga kombit qe akoma pa u ndertu ka fillu me u prish.

[qorrbiba]

Vendim i mire, te shpresojme qe te ndertohet nje parlament per nje komb qe per pak vjet do jete 8 milionesh.

[Brari]

gazeta sot

-

Olldashi: Ura e re e Bunës, brenda vitit 2010 për qarkullim

Ministri i Transporteve, Sokol Olldashi inspektoi punimet në urën e lumit Buna dhe siguroi se brenda dhjetorit ajo do të përfundojë. Aktualisht në të është duke u punuar në pjesën metalike. Ai ka folur edhe për projekte të tjera që qeveria ka për Shkodrën duke përmendur si më të rëndësishmin thellimin e lumit Buna për ta bërë atë të lundrueshëm. “Tashmë na ka mbetur vetëm të bëjmë projektin për thellimin e lumit Buna duke e bërë atë të lundrueshëm. Kjo do ta bëjë Shkodrën edhe më shumë atraktive duke i dhënë asaj dhe një rrugë tjetër, por këtë herë ujore”, u shpreh Olldashi. Ura e re mbi lumin Buna është e gjatë 275 metra me një gjerësi prej 13.5 metrash. Fondi i akorduar për ndërtimin e saj kap shifrën e 7 milionë dollarëve, një investim ky i Bankës Islamike për Zhvillim dhe Qeverisë Shqiptare. Ministri është ndalur edhe në ndërtimin e infrastrukturës rrugore me Malin e Zi, ku projekti më kryesor është ndërtimi i rrugës Shëngjin-Velipojë-Ulqin.


...


te tilla lajme me gezojne.
fare nuk ja shoh koston sepse mendja e zemra ta ndjen se.. eshte pun e mire.
sikurse rruga e kombit. sikurse rruga e mrekullushme lushnje-fier e neser ajo qe pritet te perfundoje fier-vlore.

bravo olldash.

kurse loja e budallakia me piramiden eshte lajm i keq.
llogjika nuk i pertyp interpretimet butaforike qe bejne kto dite permenc rd e pd e ca ketu.
e kini gabim.
nuk prishet nje ndertes e bere ne 1988-ten.
thirrini kaplloqes o sali joz e kompani..


..