Mark Krasniqi

[fegi]

Mark Krasniqi

Emri i plotë: Mark Krasniqi
Ditëlindja: 19 Tetor 1920
Vendlindja: Gllaviçicë, Pejës
Aktiviteti: Profesor, Akademik ,
Politikan, Shkrimtar
Nënshtetësia: Shqiptar

Mark Krasniqi është profesor, shkrimtar e akademik, lindi më 19 tetor 1920 në fshatin Gllaviçicë (Shëngjon) afër Pejës.
Tabela e përmbajtjeve
[fshih]

Shkollën fillore e kreu në fshatin e lindjes, kurse më 1941 gjimnazin në Prizren. Prej vitit 1941-1943 ka studiuar letërsinë në Universitetin e Padovës (Itali), e prej 1946- l950 ka studiuar gjeografinë e etnografinë në Universitetin e Beogradit. Më 1945-1946 ka qenë gazetar-redaktor i gazetës Rilindja në Prizren, bashkë me Esad Mekulin e Omer Çerkezin, kurse prej vitit 1947-l949 ka punuar në Radio-Beograd (Redaksia e emisioneve në gjuhën shqipe) gazetar-redaktor. Prej 1950-1961 ka punuar në Akademinë Serbe të Shkencave në Beograd asistent, pastaj bashkëpunëtor shkencor. Ka diplomuar më 1950 në Beograd, kurse më 1960 ka doktoruar në Universitetin e Lubjanës. Prej 1961-1981 ka qenë profesor në Universitetin e Prishtinës, kur pushteti antishqiptar serbo-komunist e përjashtoi nga procesi mësimor. Ka qenë disa herë prodekan e dekan i Fakultetit Juridik-Ekonomik. Ka qenë nënkryetar e kryetar i Akademisë së Shkencave dhe të Arteve të Kosovës, kryetar i parë i Shoqatës së Shkrimtarëve të Kosovës (1970) dhe kryetar i Partisë Shqiptare Demokristiane të Kosovës (1993). Është anëtar i Akademisë së Shkencave dhe të Arteve të Kosovës dhe i Akademisë së Shkencave të Shqipërisë. Ka botuar më se 20 libra shkencorë, letrarë, publicistikë e tekste shkollore dhe ka përkthyer disa romane e përmbledhje poezish nga serbishtja e sllovenishtja në gjuhën shqipe.

Mark Krasniqi ndër të tjera është edhe autor i pėrmbledhjes së poezive pėr fėmijė "Posta e porositur". autori shkruan poezi për fëmijë dhe të rritur, po ashtu merret me studime shkencore në lëmitë e gjeografisë dhe etnografisë.
[redakto] Tituj të veprave
[redakto] Letërsi

* Posta e porositur - Pėrmbledhja e poezive pėr fėmijė

[redakto] Botime të veçanta

* Mikpritja në traditën shqiptare, 2005 - Prishtinë

[redakto] Mirënjohjet

* Medalja e Artë e Lidhjes së Prizrenit

[fegi]

Festohet 90 vjetori i lindjes së Mark Krasniqit
Ardianë Pajaziti | 20-10-2010 13:40 CET
Për 90 vjetorin e lindjes së akademik Mark Krasniqit, të martën ishin mbledhë pothuajse të gjithë akademikët e Akademisë së Shkencave dhe të Arteve të Kosovës në ambientin e këtij institucioni më të lartë shkencor, për të kujtuar virtytet, krijimtarinë dhe biografinë e këtij akademiku.

“Është një ditë e gëzuar, e hareshme për ne, një ditë feste për Akademinë tonë, sepse profesor Mark Krasniqi pas profesor Idriz Ajetit qëndron me ne i shëndetshëm e energjik edhe pas nëntëdhjetë vjet jete”, ka thënë akademik Besim Bokshi, kryetar i Akademisë së Shkencave dhe të Arteve të Kosovës.

“Ky jubile i Mark Krasniqit është edhe jubile i përpjekjeve frytdhënëse kundër së keqes në kushtet e rënda në Kosovë”, ka thënë Bokshi, i cili për jetën e Mark Krasniqit para të pranishmëve ka prezantuar copëza nga fëmijëria e tij, rinia, shkollimi dhe veprimtaria e tij në pjesën krijuese dhe në fushën akademike.

“Mark Krasniqi është ndër personalitet që i nevojitet kohës sonë për të hapur shtigje drejt një jete të dinjitetshme njerëzore. Ai si intelektual i orëve të para ndër ne, me ndjenjë të fortë individualizmi , qëndroi brenda synimit kolektiv për emancipim dhe prosperitet të popullit shqiptar. Ai eci nëpër jetë me ndjenjën e theksuar të përgjegjësisë shoqërore kombëtare, me guximin e këmbënguljen për të ndihmuar realizimin e aspiratave për liri”, ka thënë më tej Bokshi, i cili figurën e akademik Krasniqit e ka quajtur si figurën më të shquar të gjysmës së dytë të shekullit të kaluar.

“Ai arriti ta lërë të qëndrueshëm emrin e tij në rrjedhat e shkencës sonë kombëtare e të kulturës që hyn në kujtesën e kombit. Mark Krasniqi la një të përmendur të vijueshëm, një përmendore për vete e për kohën e tij. Mark Krasniqin dëshirojmë ta kemi edhe më tutje të shëndetshëm dhe

energjik, të pandalshëm në aktivitetet shoqërore e në shfrytëzim të energjisë së tij krijuese”, ka thënë akademik Bokshi, i cili referimin e tij për këtë datëlindje e ka përfunduar me urimin “Urime edhe një herë, rrofsh edhe shumë vite”.
Në anën tjetër, akademiku Pajazit Nushi me rastin e datëlindjes së Mark Krasniqit ka fole për veprimtarinë shkencore të tij.

“Me shënimin e përvjetorit të 90-të të lindjes së Mark Krasniqit, ASHAK nderon dhe respekton personalitetin, i cili me krijimtarinë e tij në fushën e etnografisë, të gjeografisë, të letërsisë dhe me veprimtarinë shoqërore dhe politike është ndër të parët që ka vë gurë themelin e zhvillimit të mendimit kulturor e shkencor ndër shqiptarët e Kosovës dhe më gjerë”, ka spikatë në fillim akademik Nushi.

Duke numëruar veprat e tij: 11 vepra shkencore gjeografike-etnologjike, tri tekste shkollore të gjeografisë, 10 vepra letrare, 9 përkthime nga letërsia dhe gjashtë shpalosje publicistike, akademik Nushi ka thënë se akademik Mark Krasniqi ishte ndër prijatarët e veprimtarisë intelektuale, kulturore dhe shkencore dhe prijatar i zhvillimit të mendimit shkencor. Duke përmend krijimtarinë, aktivitetet dhe virtytet e Krasniqit, akademik Nushi ka thënë se në këtë front të gjerë të betejave ja ka arrite që të dalë ngadhënjimtarë.

Kurse Xhevat Syla në këtë përvjetor urimi është ndalë në veprën letrare të Mark Krasniqit, duke filluar nga krijimtaria e tij për më të vegjlit duke vazhduar më pas edhe për të rriturit.

Në fund, vet akademik Mark Krasniqi që ishte i emocionuar për shënimin e 90 vjetorit të lindjes së tij, i vetëdijshëm që po përkëdhelej nga kolegët e tij akademik ka kujtuar se nuk është e lehtë ta kalosh një rrugë të gjatë e me gropa në një shpejtësi prej 90 kilometrave në orë, ashtu sikurse nuk ka qenë e lehtë rruga jetësore e tij nëpër rrethanat që kanë ekzistuar.

[Guri i Kuq]

Impresionuese..!
90 -vjeçarë e duket si 50-të !
---
Baca Mark Krasniqi gëzoftë edhe shumë datëlindje !
----------
Ndoshta është deputeti më i vjetër në gjithë botën...

Nuk i pash në këtë ceremoni shumë domethënëse disa akademik....baballarë të vetshpallur të kombit !

[Brari]

Nga Prof Mark Krasniqi kam lexuar dikur me shum deshir e kenaqsi librin Gjurme e Gjurmime..
Ishte nje mrekulli..

Urime e jet te gjate Akademikut te Shquar e atdhetarit te madh..!