Prof. Dr. Isa Mustafa zgjidhet kryetar i LDK-së

[Disa]

Kam pasë dashtë me votu ja për Albinin ja për FER po ra ti me këto postimet e fundit e ndoshta ja qes kokrrat Isës...Po më bind gjithnjë e më shumë se Albini është nji produkt sa për të krijuar hemorragji votash në kampin e djathtë...

Aiiiiiii edhe une pse fola ndoshta Albini e kishte fituar edhe nj vote prej teje,shnoshe

[Disa]

Prishtinë, 20 tetor

Kryetari i Prishtinës, Isa Mustafa, do të kandidojë për kryetar të Lidhjes Demokratike të Kosovës. Burime të “Kohës Ditore” brenda LDK-së kanë thënë se vendimin për të kandiduar Mustafa pritet ta bëjë publik pas përfundimit të zgjedhjeve në degët dhe në nëndegët e LDK-së, që parashihen të përfundojnë nga fundi i nëntorit.
Sipas këtyre burimeve, Mustafa ka vendosur përfundimisht që të jetë kandidat për kryetar të LDK-së, mirëpo këtë vendim nuk do ta bëjë publik deri në fund për t’iu shmangur debateve.
“Isa ka vendosur që të kandidojë, kjo është punë e kryer. Është strategji e tij, që para përfundimit të procesit zgjedhor nëpër degë dhe nëndegë të mos kandidojë. Njerëzit po e kërkojnë kandidaturën e tij dhe ia kanë thënë në shumë takime. Këtë ai e di mirë”, ka thënë burimi.
Kryetari i Prishtinës, i cili në zgjedhjet lokale të nëntorit të vitit të kaluar pati fituar qysh në raundin e parë të zgjedhjeve me 57 për qind të votave, është pozicionuar të hënën kundër vendimit të LDK-së për prishje të koalicionit në këtë kohë dhe në këtë mënyrë.
“Unë kam qenë për një mënyrë tjetër të daljes së LDK-së nga koalicioni me PDK-në. Unë kam qenë edhe për një kohë tjetër”, ka thënë njeriu që kishte kërkuar për shumë kohë prishjen e koalicionit. Ai nuk ka sqaruar të hënën pas mbledhjes së Kryesisë së LDK-së, se cila do të ishte mënyra për dalje nga koalicioni (më gjerësisht sot në “Kohën Ditore”).

Prishtina nuk Funksionon

[Brari]

e panjohur .. bahesh shum e njohur kur hin ne politike..
shum me qejf i ke vrasesit e pritave te pabesa..sot miljardere ne kosoven e lire..

perderisa gani geci eshte armiku nr 1 i polpotistave pojataxhive e ningjo-bandave e i taborrit frymezueso-regjisoro-nxites te vrasjeve do me then se Ai Gani Geci eshte atdhetar i madh..

nuk te pash oj e njohur te shkruash dy fjal ne perkujtim te Dajakut e shokve tije te vrare ne pabesi para 9 vitesh..

as per ahmet krasniqin kurre nuk i the dy fjale.. as per sabaheten.. as per Uk Bytycin..as per Drin Ekremin..

un aty i shoh atdhetaret..

je femer..

po kuptoji ato nanat e motra e grate e atyre luftarve e atdhetsarve te vrare nga ningjat e paguara .. nga mafia polpotiste qe sot jan "biznesmena" e zoter te Kosoves..

boll shal e prapanica e kpuc grash elegante i qet ketu ajo "prishtinsja".. por kur ja lexoj shkrimet e mendimet.. nuk shoh nji femer..por nji kanibaleshe.. khmer rruzhe..

me cka thoni.. veten vizatoni..

ta dini mir kte..
kushdo qofte..

..

[e panjohura]

e panjohur .. bahesh shum e njohur kur hin ne politike..
shum me qejf i ke vrasesit e pritave te pabesa..sot miljardere ne kosoven e lire..

perderisa gani geci eshte armiku nr 1 i polpotistave pojataxhive e ningjo-bandave e i taborrit frymezueso-regjisoro-nxites te vrasjeve do me then se Ai Gani Geci eshte atdhetar i madh..

nuk te pash oj e njohur te shkruash dy fjal ne perkujtim te Dajakut e shokve tije te vrare ne pabesi para 9 vitesh..

as per ahmet krasniqin kurre nuk i the dy fjale.. as per sabaheten.. as per Uk Bytycin..as per Drin Ekremin..

un aty i shoh atdhetaret..

je femer..

po kuptoji ato nanat e motra e grate e atyre luftarve e atdhetsarve te vrare nga ningjat e paguara .. nga mafia polpotiste qe sot jan "biznesmena" e zoter te Kosoves..

boll shal e prapanica e kpuc grash elegante i qet ketu ajo "prishtinsja".. por kur ja lexoj shkrimet e mendimet.. nuk shoh nji femer..por nji kanibaleshe.. khmer rruzhe..

me cka thoni.. veten vizatoni..

ta dini mir kte..
kushdo qofte..

..

Brar!Vertet nuk shkruaj,pasi ketu ka lloj-lloj frymash,dhe nuk dua qe dikush t'i shaj pas shkrimit tim,ani qe nuk e pesova hiq me mire se ata qe iu shkruan emrat!Hiq me pak se 18anetare te familjes sime te ngusht i humba ne luft,e disa nuk u gjenden akoma,por kjo nuk do te thote qe nuk shkruaj, nuk ndij dhembje!Me e dhimbshme do te ishte nje te shkruaj per dike,e pas te me shajn te vrarin!Me mire le te prehen ne paqe,zemra i kujton,kjo eshte kryesorja!Une po shkruaj per te ,,gjallet qe vdiqen per se gjalli''!

[Dar_di]

Zyrtarizon kandidaturën në Kuvendin zgjedhor

Ditën kur do të mbahet Kuvendi zgjedhor i Lidhjes Demokratike të Kosovës, Isa Mustafa do të jetë kandidat për kryetar të kësaj partie. Ai nuk do ta paraqesë vetë kandidaturën, por do ta propozojë një nga degët e Prishtinës për kryetar.

Burime të afërta me kryetarin e Prishtinës i kanë të thënë “Kohës Ditore” se Mustafa nuk do ta bëjë publike kandidaturën deri në ditën e mbajtjes së kuvendit zgjedhor. Ky burim ka thënë se Mustafa është duke hartuar planin qeverisës së vendit të cilin do të paraqesë në kuvendin zgjedhor.

“Në kuvend profesor Isa do të lexojë planin për qeverisjen e vendit me hartimin e të cilit është ngarkuar ai. Pasi të paraqesë këtë plan do të propozohet nga njëra prej degëve të LDK-së. Pasi që kandidatura e tij të pranohet nga delegatët, ai do të lexojë edhe projektin e tij për udhëheqjen e LDK-së për një mandat katërvjeçar”, ka thënë burimi i afërt me kryetarin e Prishtinës, Isa Mustafa.

Ky burim që ka kërkuar të mbetet anonim ka thënë se vendimin e tij për të kandiduar ia ka thënë kryetarit aktual të partisë, Fatmir Sejdiu, të cilit i ka propozuar po ashtu të tërhiqet nga gara. /Telegrafi/

[fattlumi]

Prishtinë, 25 tetor (e plotësuar) – “Plisat” e Prishtinës në këto momente po manifestojnë para selisë së Lidhjes Demokratike të Kosovës, me thirrjet Isa kryetar, Sejdiu të largohet. Me gjithë thirrjen një orë më parë të kryetarit aktual të Prishtinës që të mos shkruhen grafite dhe që “Plisat” të heqin dorë nga manifestimi në favor të tij, ata tashmë po manifestojnë me brohoritje ”Isa, Isa...!” dhe “Fatmir largohu!...”
Shumica e pjesëmarrësve në këtë manifestim përkrahjeje për Isa Mustafën kryetar të LDK-së vijnë nga Kodra e Trimave.

Kandidati më i përfolur për kryetar të Lidhjes Demokratike të Kosovës, Isa Mustafa, ka dalë sot papritmas në një konferencë shtypi, me lutje drejtuar përkrahësve që të mos shkruajnë grafite nëpër mure në favor të tij. Në orën 10 e 15 minuta, para selisë së kësaj partie, ai është shfaqur para gazetarëve edhe me kërkesën, drejtuar “Plisave” të Prishtinës, që të heqin dorë nga manifestimi i paralajmëruar i tyre në përkrahje të kandidimit të tij për kryetar të LDK. Me gjithë thirrjen “Plisat” në orën 11 e 30 minuta do të mblidhen para selisë së LDK-së për të manifestuar përkrahjen për kandidimin e Mustafës kryetar të saj.
Por i pyetur nga gazetarët nëse do të thotë kjo se ai nuk do të kandidohet, ai as e ka mohuar, as e ka pohur një gjë të tillë. Ka thënë se do të respektojë Statutin, sipas të cilit kandidaturat shpalosen në Kuvendin e partisë.
Ndërkohë, para selisë së Lidhjes Demokratike është prezantuar tashme ish-anëtarja e AKR-së, Rita Hajzeraj, e cila u tha gazetarëve se kishte aderuar në partinë të cilës i takonte tash njëzet vjet (ajo tash ka njëzet e tetë vjet), pra në Lidhjen Demokratike të Kosovës.

[fattlumi]

LDK-ja e Suharekës do të kandidojë Mustafën për kryetar të LDK-së

Suharekë, 1 nëntor - Isa Mustafa pritet të kandidohet për kryetar të LDK-së në Kuvendin zgjedhor të partisë. Dhe këtë do ta artikulojë me mundësinë më të madhe kryetari i degës së LDK-së në Suharekë, Sali Asllanaj. Ai i ka thënë KohaVisionit se nëndegët dhe degët e kësaj partie në Suharekë unanimisht e përkrahin Isa Mustafën. Por, Asllanaj ka bërë me dije së pari do të konsultohet me Mustafën për ta kandiduar. Deri tash Mustafa i ka quajtur spekulimet raportimet në media për kandidimin e tij, mirëpo kandidimi i tij tashmë është konfirmuar nga vetë Sali Asllanaj, që është edhe anëtar i Kryesisë qendrore të LDK-së.

[Gogi]

Ooo. Shlir rrini, pse a po tuti qe po e mund Fatmir Sejdiun aa!? Jo as mendjen se ka me e mund. Kjo parti osht e destinume kadal kadale me u shkatrru.

[drenicaku]

O gjall hajnat apet i ke ne qeveri,keta e din qysh ja bajn,veq e nalin rrymen edhe i ndrrojn sanakat hajt bre bac se zgjedhje te lira ne kosove edhe nja 20 vjet nuk ka me pas, harrojeni ate pune

[fattlumi]

Mustafa gati për kandidim, Sejdiu hamendet

Prishtinë, 4 nëntor – Isa Mustafa duket se përfundimisht është gati për t’u kandiduar për kryetar të Lidhjes Demokratike të Kosovës. Burimet e “Kohës Ditore” thonë se gjasat janë që të enjten të bëhet zyrtare kandidatura e Isa Mustafës për kryetar të Lidhjes Demokratike të Kosovës.
Sipas burimeve nga LDK-ja, të mërkurën, gjatë ditës janë zhvilluar takime intensive në lidhje me çështjen, në të cilat personalitete nga partia kanë bartur mesazhin te kreu aktual, Fatmir Sejdiu, se vullneti dominues në
radhët e partisë, nëpër degë dhe anëtarësi është që kryesimi të kalojë te kryetari aktual i Prishtinës, Mustafa. Ende mbetet e paqartë nëse kandidimi i Mustafës nënkupton edhe moskandidimin e Fatmir Sejdiut.
Në të kaluarën, vetë Mustafa ka lënë të nënkuptohet se ai është i gatshëm të kandidohet vetëm nëse Sejdiu nuk është në garë, ndërsa burime të afërta me Mustafën i kanë thënë gazetës se kreu i Prishtinës vazhdimisht ka dëshiruar që Sejdiu të largohet nga posti me vullnet, dhe jo nën presion.
Megjithatë, Sejdiu vazhdon të mbetet kandidat i mundshëm, aq më tepër se burime të afërta me të pohojnë se nuk ka një marrëveshje që ai të mos jetë në garë për kryetar të LDK-së, të dielën.
Të njëjtat burime thonë se disa struktura brendapartiake, që kanë qenë në pushtet gjatë këtij mandati, insistojnë që Sejdiu të mos heq dorë nga kandidimi.
Vetë Fatmir Sejdiu nuk e ka përjashtuar kandidaturën edhe për një mandat, por këtë ka thënë se do ta qartësojë të dielën.
“E diela do të jetë ditë e rëndësishme e vendimeve për Lidhjen Demokratike të Kosovës dhe për të ardhmen e saj dhe aty do të jetë përzgjedhja e njerëzve që ata mendojnë se do të udhëheqin më së miri Lidhjen Demokratike të Kosovës pa e nënkuptuar asnjëherë se cili është më i miri mes të mirëve”, ka thënë Sejdiu, të mërkurën, pas mbledhjes së Kryesisë së LDK-së, kur u mor vendimi që Kuvendi VII zgjedhor i kësaj partie të mbahet të dielën, më 7 nëntor.
Ky i miri në mesin e më të mirëve për Ali Lajçin nuk është në asnjë mënyrë Fatmir Sejdiu, me të cilin në krye, LDK-ja nuk ka të ardhme.
“Largimi i Sejdiut do të bëhet ose s’do të bëhet, është çështje e Kuvendit. Por sipas mendimit tim i vetmi shpëtim do të ishte ky, sepse pastaj do të fuzionoheshin të gjitha vlerat e tjera përreth, sepse me këtë do të bëhej denigrimi edhe më tej”, ka thënë Lajçi, i cili mbledhjen e Kryesisë së LDK-së e ka vlerësuar të mirë. Të mirë dhe të suksesshme këtë mbledhje e ka vlerësuar edhe Fatmir Sejdiu. Në Kuvendin e ardhshëm zgjedhor, sipas tij, do të ketë mundësi për secilin që dëshiron të kandidojë.
“Ai që ishte vendim i sotëm ishte që Kuvendi i përgjithshëm i Lidhjes Demokratike të Kosovës do të mbahet ditën e diel në Prishtinë... Unë mendoj se do të përmbyllet një cikël i mirë i punëve dhe i rigjenerimit e ristrukturimit të fuqishëm të Lidhjes Demokratike të Kosovës”, ka thënë Sejdiu pas mbledhjes së Kryesisë së LDK-së.
Zyrtarë të kësaj partie janë dukur të relaksuar të mërkurën, pas mbledhjes së Kryesisë së LDK-së, duke lënë të nënkuptohet se Kuvendi VII nuk do të jetë i dhunshëm sa ai i para katër vjetëve, kur mbi kokat e delegatëve fluturonin karriget.
Anëtari tjetër i Kryesisë nga Dega e Suharekës, Sali Asllanaj, i cili ka dalë hapur pro Isa Mustafës dhe kundër Fatmir Sejdiut, ka ripërsëritur shkurt se do ta propozojë kryetarin e Prishtinës për kryetar të LDK-së.
“E kam thënë qartë se vetëm ai do ta çojë LDK-në përpara. Ne do ta propozojmë”, ka thënë shkurt Asllanaj, i cili në zgjedhjet e fundit lokale qe mundur nga ish-bashkëpartiaku i tij, Blerim Kuçi.
Një anëtar tjetër i Kryesisë së LDK-së në kushte anonimiteti ka thënë se në Kuvendin zgjedhor të partisë të dielën Sejdiu e Mustafa do të garojnë përballë njëri-tjetrit, por mbështetje më të madhe, sipas tij, ka Mustafa.
“Unë nuk i rrej njerëzit. I kam thënë në sy kryetarit (Fatmir Sejdiu v.j.) se nuk e ke mbështetjen e elektoratit. Këtë ia kam bërë të qartë, pasi që njerëzit rreth tij po duket se po ia bëjnë qejfin. Njerëzit po e kërkojnë Mustafën dhe për këtë arsye do ta kandidojmë dhe besojmë se do të fitojë”, ka thënë ky zyrtar i lartë i LDK-së.
Kryetari aktual i LDK-së, Fatmir Sejdiu, ka thënë se çmon lart figurën dhe kontributin e Isa Mustafës, por edhe të çdo anëtari tjetër të strukturave të LDK-së, që, sipas tij, kanë dhënë kontribut qoftë në strukturat e pushtetit lokal apo forma tjera.
Anëtari i Kryesisë së LDK-së, Ali Lajçi, ka thënë se do të ishte mirë që Isa Mustafa të kandidonte dhe ta shfrytëzonte mundësinë ligjore dhe përkrahjen e njerëzve.
“Synimet e mia janë që të kemi reforma dhe ndryshime. Kjo është bazike për LDK-në. Ose duhet të jetë, ose do të jetë mjaftë tragjike për LDK-në”, ka thënë Lajçi. Duke menduar për proceset paszgjedhore kur LDK-ja mund të futet në qeveri, Lajçi ka thënë se me kuadro që kanë thyer Kushtetutën do të ishte gjëja më banale futja në qeveri.
Mbetet të shihet se në cilën masë kandidimi i Mustafës mund të ndryshojë perspektivën e LDK-së për zgjedhjet e parakohshme të 12 dhjetorit, dhe si do të reagojë grupi i tubuar rreth Bujar Bukoshit dhe Ukë Rugovës, të cilët arsyetim për daljen me listë alternative e kanë gjetur te mbajtja e kreut të partisë nga Sejdiu.
Vetë Bujar Bukoshi është raportuar se përfundimisht ka hequr dorë nga kandidimi për kryetar të LDK-së, ndërsa një kandidat tjetër që ka paraqitur intencën për garë është Abraham Gashi, i njohur më parë si Ibrahim Gashi.