Prof. Dr. Isa Mustafa zgjidhet kryetar i LDK-së

[Drenica 97]

Urime zotri Mustafes, nenkryetar dhe antar te kryesis kush u zgjedh ?

[DARDANI.ZH]

Me nje lule te vyshkur nuk qel pranvera struktura e LDK.se prap mbete ajo qe ishte e njejta e mbyllur hermetikisht per reforma brenda LDK.se trregusi me i mir ikesaj esht aje se si u zgjodhe sot Isa Mustafa po kjo struktur neo-komuniste anti-Rugoviane paraprakisht i blindoj te gjitha dyert dhe zgjodhi pinguinin e saj te ardhshem Isa Mustafa .

Me sa duket shqiptaret e kan memorjen e shkurter dhe harrojn shum shpejt se ky Isa Mustafa ishte minister i Ekonomis per 10 vite ne qeverin e Bujar Bukoshit keshtu qe se pari njeher ky Isa Mustafa duhet te dali para shqiptarve dhe te jape llogari per 3% te cilin e menagjoje po ky Isa Mustafa .

Po ashtu ky Isa Mustafa ka refuzuar postin e ofruar nga Ibrahim Rugove qe te jet minister i ekonomis ne kohen kur u krijua qeveria nga LDK dhe AAK kta jan disa tregus se ky Isa Mustafa ka qen nje anti-RUGOVISTE i hershem dhe aleate i alenaces puqiste anti-RUGOVISTE te struktures se larte te LDK:se.

[>_Ilirian_>]

Hiç s'po ju keshet, ky njeri ka qere depresive !

[DARDANI.ZH]

Me nje lule te vyshkur nuk qel pranvera struktura e LDK.se prap mbete ajo qe ishte e njejta e mbyllur hermetikisht per reforma brenda LDK.se trregusi me i mir ikesaj esht aje se si u zgjodhe sot Isa Mustafa po kjo struktur neo-komuniste anti-Rugoviane paraprakisht i blindoj te gjitha dyert dhe zgjodhi pinguinin e saj te ardhshem Isa Mustafa .

Me sa duket shqiptaret e kan memorjen e shkurter dhe harrojn shum shpejt se ky Isa Mustafa ishte minister i Ekonomis per 10 vite ne qeverin e Bujar Bukoshit keshtu qe se pari njeher ky Isa Mustafa duhet te dali para shqiptarve dhe te jape llogari per 3% te cilin e menagjoje po ky Isa Mustafa .

Po ashtu ky Isa Mustafa ka refuzuar postin e ofruar nga Ibrahim Rugove qe te jet minister i ekonomis ne kohen kur u krijua qeveria nga LDK dhe AAK kta jan disa tregus se ky Isa Mustafa ka qen nje anti-RUGOVISTE i hershem dhe aleate i alenaces puqiste anti-RUGOVISTE te struktures se larte te LDK:se.

[_MALSORI_]

a ka kush mundesi te na sjelle ketu biografine e plote te prof.dr Isa Mustafes..besoj se duhet ta dime te gjithe kush eshte udheheqesi me i ri i LDK...ju lutem jo me shpifje e trillime por biografine e tij ...nese di dikush ...

[fattlumi]

Malsor,e ke ne fillim te temes biografine e Isa Mustafes.
-----------------------------------

Nje analize nga Enver Robelli.

Partia e dikurshme e Ibrahim Rugovës gjendet para shpëtimit ose shkapërderdhjes: Fatin e LDK-së e kanë në duar delegatët e Kuvendit zgjedhor. Para se të vendosin mbi rrugën e mëtejme ata do të duhej ta lexonin përrallën „Hansi fatlum“ të vëllezërve Grimm – dhe pastaj të zgjedhin një kryesi tjetër më premtuese!

1. Kujtesa dhe kotrupi.

Kur delegatët e Kuvendit të shtatë zgjedhor të Lidhjes Demokratike të Kosovës të mblidhen të dielën për të vendosur me votat e tyre se kush do të jetë në krye të partisë dhe cila do të jetë përbërja e kryesisë së saj, atëherë ndonjërit prej tyre do t’i kujtohen dy deceniet e fundit. Dhjetëvjetëshi i parë (1989-99) do të kujtohet si periudhë e sakrificave, e organizimit të zgjedhjeve të fshehta, e ndërtimit të shoqërisë paralele të mbijetesës dhe rezistencës. Dhjetëvjetëshi i dytë (1999-2010) nga delegatët mbase do të mbahet në mend vetëm si fazë e zhgënjimeve, kur partia e tyre, ndonëse kishte më së shumti vota deri në vdekjen e Ibrahim Rugovës, megjithatë, nuk arriti as të qeverisë tamam vendin, as të realizojë gjë nga programi, as të ndikojë në ndryshimin pozitiv të Kosovës. Tre vjetët e fundit, ndërkaq, delegatëve do t’u kujtohen si etapë e humbjeve drastike zgjedhore, si etapë kur partia e tyre si pjesë e qeverisë nuk la asnjë gjurmë në përmirësimin e jetës së qytetarëve. Simptomatike ishte së fundi mënyra se si shakaxhiu i kortezhit, Eqrem Kryeziu, u përgjigj kur një gazetar e pyeti me këmbëngulje nëse mund të numëronte së paku një sukses të LDK-së në qeveri. “Paj, dishka u ba...”, tha ai me mospërfillje dhe tek pasi u mendua gjatë, por prapë nuk diti të tregonte “shka u ba...”! “Dishka” vërtet është bërë - ashtu si shumë ministra e funksionarë të PDK-së edhe disa të LDK-së i kanë hequr me gajret disa gajle financiare. Për degradimin e LDK-së është fajtor, në radhë të parë, kotrupi prijatar, pra kryesia, që parasysh i kishte vetëm interesat personale dhe klanore. Me një fjalë: Në vitet e fundit LDK-së si parti ia kanë parë hairin disa funksionarë të saj të fosilizuar, por jo anëtarësia e saj, aq më pak shoqëria e Kosovës. Kjo udhëheqje e LDK-së e ka keqpërdorur besimin dhe votën e qytetarëve, duke vrapuar pas interesave të ngushta – tamam ashtu sikur Hansi fatlum në përrallën më të njëjtin titull të vëllezërve Grimm.

2. Tyxhari me florinj.


Delegatët e LDK-së, të cilët do ta lexojnë këtë përrallë, me siguri do ta kenë më lehtë që në Kuvend të marrin vendime të rëndësishme për shpëtimin e LDK-së ose së paku ndërprerjen e trendit të shkatërrimit, të cilit i ka prirë me vite drejtoria e tanishme. Hansi fatlum i vëllezërve Grimm në fillim kishte një grumbull me florinj, të cilët i kishte marrë si shpërblim për punën e dobishme që kishte bërë. Pastaj ai i ndërroi florinjtë me një kalë, kalin me një lopë, lopën me një derr, derrin me një patë dhe patën me një gur. Sa herë që bënte këso ndërrimesh Hansi mendonte se po vepronte si duhet. Të tjerët e bindnin Hansin lehtë dhe i thoshin se me pazarllëqe të tilla do të dilte fitimtar. Një ditë Hansi fatlum u ndal te një bunar për të pirë ujë – dhe këtu i ra guri në fund të pusit! Pak a shumë kështu, sikur Hansi fatlum, ka vepruar edhe LDK-ja. Ka fituar florinjtë në formë të votave, por udhëheqja pastaj i ka shitur ato me çmim të ulët për shkak të interesave personale, familjare, klanore. Tash LDK-së i ka rënë guri në bunar, sepse ka asgjësuar shumë vlera të saj, e ka harxhuar rezervën programatike dhe e ka përzënë personelin që sillte vota. Tani e tutje kësaj partie i mbetet të dëshmojë nëse ka ndonjë dobi praktike për këtë shoqëri.

3. Kalërim antidemokratik.

Nëse i kanë parasysh dy dekadat e fundit dhe përrallën me shije të uthullt të vëllezërve Grimm, atëherë delegatët e Kuvendit të LDK-së mund të marrin vendime të rëndësishme për të ardhmen e partisë së tyre, madje mund edhe të përcaktojnë deri diku kahun e ecjes së këtij vendi. Ndonëse një pjesë e konsiderueshme e tyre janë zgjedhur delegatë në saje të inxhinierisë manipulative të kryesisë aktuale, çdonjëri do ta ketë në duar fatin e LDK-së, kur do të mbahet Kuvendi këtë fundjavë. Tashmë po shihet se anëtarësia e LDK-së e ka zgjedhur kryetarin e partisë. Për ata që s’e kanë marrë vesh ende, mund ta përsërisim këtu edhe njëherë emrin e tij: Isa Mustafa. Nuk ka asnjë dyshim se sikur anëtarësia të kishte mundësi të vendoste me votën e saj, atëherë profesor Mustafa ngaherë do ishte në krye të partisë. Këtë disponim të anëtarësisë u përpoqën ta injorojnë me të gjitha mjetet ish-kryetari kushtetutshkelës i Republikës dhe ata që po ia tërheqin plugun. Dolën nga qeveria jo pse e ndienin veten të keqtrajtuar nga Hashim Thaçi, por me synimin për të përshpejtuar, zhvlerësuar dhe manipuluar zgjedhjet brendapartiake në LDK. Kështu ia vendosën topin Thaçit në njëmbëdhjetëmetërsh, e futën shtetin në qorrsokak dhe në zgjedhje të jashtëzakonshme, bash në interes të atyre që kanë kapacitet për të vjedhur vota. Zgjedhjet do të organizohen shpejt dhe votat do të vidhen shpejt, kudo ku ekziston një mundësi e tillë. Kryesia e LDK-së (ose ajo pjesë e saj që po i nënshkruan deklaratat publike) u ngut të bllokonte çdo garë për kreun e partisë, duke provokuar dhe rrezikuar përçarje të reja. Para disa ditësh kjo kryesi e quajti Ukë Rugovën “primitiv”, ndërsa tash - përmes deputetit Fatmir Rexhepi - e përgjëron publikisht të birin e Ibrahim Rugovës që të vijë në Kuvendin zgjedhor. Para disa ditësh militantë të kryetarit kushtetutshkelës shkruanin grafitë kundër “vjedhësve të trepërqindëshit” – një fyerje kjo e drejtuar jo vetëm kundër Bujar Bukoshit, por veçanërisht kundër Isa Mustafës, i cili ka qenë ministër i Financave në qeverinë në ekzil. Tash mes rreshtave sejmenë të Fatmir Sejdiut sinjalizojnë se do të radhiten pas Mustafës, vetëm se paraprakisht po kërkojnë t’u garantohen privilegjet. Mustafa nuk do duhej të hynte në lojëra të tilla.
Bllokimi i garës për kryetar të LDK-së u bë me shpresën groteske se kjo kryesi do të kontrabandohet edhe për një mandat dhe pastaj, në katër vjetët e ardhshëm, eksponentët e saj sërish, si deri tani, do të pushojnë në gjirin e ngrohtë të Hashim Thaçit. Epilogu i këtij kalërimi antidemokratik në LDK është tepër i dëmshëm: Të dielën delegatët do të kenë përballë kandidatin (apo kandidatët) për kryetar, por nuk do të kenë asnjë informatë se cilat janë synimet e tij, cili është programi, cili është vizioni – sepse një mundësi të tillë e ka bllokuar kryesia aktuale, pasi që mendonte se do të qëndrojë në majë të partisë përjetësisht, prandaj s’paskësh nevojë as për debat, as për garë. Anëtarësia, ndërkaq, aty ku ka pasur pak mundësi ka treguar se çfarë mendon: Për shembull i ka brohoritur Isa Mustafës dhe i ka ndëshkuar disa tahmin-demokratë sikur Ramë Manaj, i cili në zgjedhjet brendapartiake s’arriti të fitonte as në Klinë, në zonën e origjinës së tij. Nëna parti, megjithatë, u kujdes që biri i saj i devotshëm të kontrabandohet disi në strukturat drejtuese. „Marrëzia është e shkurtër, pendimi i gjatë“ – shkruan Friedrich Schiller në poezinë e tij „Kënga e kambanës“. Do të kalojnë ndoshta edhe disa vjet derisa anëtarësia e penduar dhe e zhgënjyer do të shohë të gjitha përmasat e dëmit që ia ka shkaktuar LDK-së kryesia aktuale.

4. Një shans i ri.


Nëse Isa Mustafa e fiton garën për kryetar të LDK-së, e gjasat janë të mëdha për këtë, gjithsesi me kusht që të mos futet në përdorim kombajna për manipulim të votave, atëherë pritjet nga kryetari i Prishtinës do të jenë edhe më të mëdha. Deri tani anëtarësia e LDK-së, por edhe disa eksponentë të shoqërisë civile e kanë mitizuar Mustafën si njeri që mund të bëjë mrekulli. Por, Mustafa mjafton të bëjë politikë. Për shkak të prestigjit publik që gëzon ai do duhej të takonte të gjitha grupet dhe fraksionet në LDK me qëllim që të arrihet një pajtim mbi përfaqësimin e palëve në Këshillin e Përgjithshëm dhe në kryesi, por edhe në listën për deputetë në Kuvendin e ardhshëm të Kosovës. Me maturi mund të arrihet njësimi i partisë. Parakusht për këtë është që eksponentë të Kryesisë së deritanishme të LDK-së të ndërpresin lojën e tyre destruktive. Parakusht është, po ashtu, që Ukë Rugova të heqë dorë nga aventurat politike dhe të tregohet i gatshëm për kompromis me Isa Mustafën. Përvojat e deritanishme të copëtimit të partisë kanë treguar se çmimin e dëmit duhet ta paguajnë të gjithë. Këtë çmim e ka paguar Fatmir Sejdiu me sjelljen arrogante ndaj Nexhat Dacit. Tani këto dy figura do duhej të kuptonin se nuk kanë qenë në gjendje të menaxhonin një krizë brendapartiake dhe i kanë bërë dëm në radhë të parë partisë së tyre deri dje të përbashkët, pastaj edhe të ardhmes së tyre politike. Tani ata do duhej të sistemoheshin në ndonjë pozitë sipas punës që e kanë bërë, ku do të kishin mjaft kohë t’i shëronin edhe plagët nga përleshjet politike të pamenduara mirë. Lidhja Demokratike e Dardanisë është krijuar si pasojë e përzënies së grupit të Dacit nga LDK-ja. Me largimin e Sejdiut nga kreu i partisë nuk ekziston asnjë arsye që LDD-ja të mos bashkohet me LDK-në. Dallime programore mes këtyre dy partive nuk ka. Pengesë mund të jenë vetëm egot, por përvoja e së kaluarës ka dëshmuar se ata politikanë që nuk dinë ta frenojnë egon shpejt zënë në thua. Është në interes të Kosovës që vendi të ketë së paku dy parti të mëdha, të cilat do të kenë mundësi të bëjnë koalicione duke e përjashtuar njëra-tjetrën. Koalicionet e mëdha krijojnë qeveri të përrallave të mëdha. Ato nuk janë efikase dhe shpesh ngurtësohen në politika klienteliste dhe korruptuese, siç është parë në tre vjetët e fundit. Por, kjo është muzikë për të ardhmen. Tani në rendin politik të ditës është Kuvendi i shtatë zgjedhor i LDK-së. Pa marrë parasysh se në çfarë rrethanash janë zgjedhur për të qenë përçues të zërit të anëtarëve të LDK-së, delegatët e Kuvendit – secili veç e veç – janë përgjegjës për votën e tyre. Nëse nuk duan që t’i brejë ndërgjegjja më vonë, ata duhet të votojnë për një udhëheqës tjetër, për një kryesi tjetër, për një vizion tjetër dhe për një Kosovë tjetër, me fytyrë simpatike. Një Kosovë, e cila i bën qytetarët e saj krenarë dhe nuk i turpëron para botës.

Shkruan: Enver Robelli

[Gogi]

Urime per Isen dhe LDK-ne ishalla ja shofin hajrin ises edhe bizneseve te tija ..

[fattlumi]

Mustafa: Do ta pësojnë ata që kurdisën zgjedhjet e parakohshme

Prishtinë, 7 nëntor - Në komunikimin e parë zyrtar me gazetarët pas zgjedhjes kryetar i LDK-së, Isa Mustafa, i cili mban njëkohësisht edhe postin e kreut të Komunës së Prishtinës, tha se do të prijë listës zgjedhore të LDK-së në zgjedhjet e jashtëzakonshme të 12 dhjetorit.

Mustafa shtoi se nuk do të aplikohet politika e përjashtimit ndaj askujt dhe se të gjithë ata persona që duan t’i bashkohen Lidhjes Demokratike të Kosovës do të mirëpriten për të dhënë kontributin, sipas tij, drejt fitores, transmeton REL.

Mustafa paralajmëroi gjithashtu se të gjithë personat që kurdisën zgjedhjet e jashtëzakonshme do t’i bartin vetë pasojat e tyre.

“Do të bëjmë gjithçka që të fitojmë. Të gjithë ata që i kurdisën këto zgjedhje para kohe, pasojat do t’i bartin vetë”, u shpreh Mustafa.

[_MALSORI_]

priteni furtunen e llapit e koq.evellit kunder isa mustafes..duket ky ka me jua ngrene arrat mafies se pd...

[Disa]

Posht LDK-Isa Mustafa,poshte kolobracionistet.titistet,udbashat.komunistet.trad hetaret,posht gjithe ata qe e votojne Lidhjen Komuniste te Kosoves ne krye me Kryekomunistin Isa Mustafa.