Opinion: Dorëheqja e Sejdiut shembull i mirë për qeveritë shqiptare

[Kavir]

Doreheqja e Sejdiut mund te ishte e detyruar, por terheqja nga koalicioni cfare ishte?

Historikisht sa here qe ne Kosove ka patur riaktivizim kombetar anti-serb, serbet kane nxjerre koken ne Shqiperi.
Dhe sa here qe ka patur zhvillim pozitiv ne Shqiperi, serbet kane nxjerr koken ne Kosove.

Historia perseritet. Serbia detyrohet nga SHBA te leshoje pe, dhe leshon te tijet ne Kosove.

Ky koalicion ka qene vertet artificial. LDK dhe PDK kane histori armiqesie te hapur politike dhe ushtarake prej dekadash, por mesa duket presioni i marreveshjeve te shteteve te fuqishme solli ne kete "marreveshje" koalicioni.

Dhe kur Shqiperia ndodhet ne prag te diskutimit te statusit kandidat, dhe sapo ka marre lib. e vizave.
Kur Kosova ndodhet ne prag te bisedimeve dypaleshe me Serbine.....permbyset qeveria dhe fillon zallamahia (zgjedhjet e parakoheshme).

Cfare perfundimi duhet te nxjerrim?

[Drenica 97]

Terheqja nga koalicioni nje dite pas shpalljes se zgjedhjeve te parakoheshme eshte sabotim.
Te gjitha koalicionet jane artificiale ,ne Gjermani CDU-CSU me liberalet,ne Britani konservatoret me liberalet ne Shqiperi PD-LSI, konflikti LDK-PDK eshte i rrejshem,ky nuk eshte konflikt ideologjike,keto parti nuk kan ideologji,te ne konfliktet,inatet personale behen konflikte politike,institucionale.

[Kavir]

Nuk me duket edhe aq "personale". Nuk jep doreheqje gjysma e shtetit per arsye "personale".

Togfjaleshi "arsye personale" eshte shpikje mediatike. Ashtu sikurse koalicioni u ndertua me urdhra nga lart, ashtu edhe u prish me urdhra nga lart.
Pyetja eshte:

KUSH DHA URDHER PER DALJE NGA KOALICIONI?

[Drenica 97]

Dihet kushe jep urdhera ne Kosove,sekretaria e shtetit zonja Klinton dhe ambasadori i SHBA Dell i kerkuan ldk ta votoi strategjin e privatizimit te ptk, ldk nuk votoi u be rremuja,ata jo vetem qe nuk votuan por braktisen kuvendin,Kisingjeri e ka thene njehere se eshte e veshtire te jesh armik i SHBAve por eshte edhe me e veshtir te jeshe mik i SHBAve,Sejdiu me mosvotimin e privatizimit te ptk ju dha shpull shba-ve ,tash pritni grushtat e shba-se ,a do jene keta grushta per sejdiun,ldk a tere Kosoven do ta shohim shume shpejte.

[Kavir]

Ne Kosove ka dhene urdhra Amerika, po ka dhene urdhra edhe Beogradi.

Ky urdher vjen nga Shtepia e Bardhe (qe perkrah me kembengulje Thacin) apo nga Qyteti i Bardhe qe Rugoven e quante "shqiptar te arsyeshem"?

[Brari]

drennic 97- ta..

mir po kuvendon..

sejdiu ne fakt duhet me shume te sqaroje popullin..
poplli nuk duhet lene ne padije..sepse ka pasoja..

[PLAKU]

Brari;2899762]drennic 97- ta..

mir po kuvendon..

sejdiu ne fakt duhet me shume te sqaroje popullin..
poplli nuk duhet lene ne padije..sepse ka pasoja..[/QUOTE]






Idriz Zeqiraj: Shkëlqimi dhe rënia e Presidentit
E Premte, 29-10-2010, 09:59pm (GMT+1)


SHKELQIMI DHE RENIA E PRESIDENTIT

SHKRUAN: IDRIZ ZEQIRAJ


Dr. Fatmir Sejdiu pasoi Presidentin Historik dr. Ibrahim Rugovën. Shumëçka në sjelljen e tij të kujtonte paraardhësin. I matur, i përkorë, elekuent, i gazshëm dhe komunikues i shpengueshëm. Thënë troç, për katër vjet e tetë muaj dr. Fatmir Sejdiu shkëlqeu në postin e Presidentit të Republikës të Kosovës.


Me gjithë pengesat serioze nga partneri në koalicion, dr. Sejdiu ishte vullnetmirë për të qenë i drejtë dhe i paanshëm, sidomos në disa nisma të ndjeshme, në veçanti në vlerësimet për vrasjet politike, të cilat e majta ekstreme e Kosovës, duke u identifikuar si autore e tyre, synon varrosjen e përjetshme të këtyre krimeve makabre seriale.


Eshtë folur dhe po flitet pse u dorëheq, më sakt, pse u shkarkua presidenti Fatmir Sejdiu?!


Shkas dha vet Sejdiu, sepse sikur provoi të matet me hijen e vet të mengjezit, duke bluar në kokën e tij, por pa e shprehur asnjëherë, se edhe dr. Rugova mbajti postin e presidentit dhe atë të kryetarit të LDK-së dhe nuk u bë nami!


Gazetarë dhe analistë, madje edhe politikanët kanë preferuar të mos përgojohet Presidenti Rugova, duke bërë analogji. Një arsye më shumë është se për kohën e Tij sikur ishte gjysmë-fakultative çështja e mbajtjes të dy posteve paralele, ndërsa me aprovimin e kushtetutës të re të Kosovës, kjo ndalesë u sanksionua, u ligjësua qartazi dhe pa hemendësime. Dhe, kjo përjashton krahasimin dhe, rrjedhimisht, rëndon Sejdiun.


Janë dy kundërshtarët e rreptë të dr. Rugovës, të cilët nuk po e kursejnë fare Atë edhe tani pas shkuarjes të Tij në amëshim si dr. Agim Vinca dhe mr. Eqrem Kryeziu. Ne, bashkëkohësit e Ibrahim Rugovës, sjellim ndërmend një polemikë të bërë 40 vjet më parë, në mes të Rugovës dhe Vincës. Atëherë, Rugova student dhe redaktor përgjegjës i gazetës "Bota e re", "Plejada" dhe "Dituria", butësisht, por fort argumentues e përtoku Vincën, pa mundur të ngrihet kurrë më në nivelin që pretendonte. Dhe, tani, me sulmet e pas shuarjes fizike të dr. Rugovës, e thonjëzon emërtesën "historik", edhepse kjo është përligjur nga shqiptarët e kudondodhur dhe ndërkombëtarët. Një hakrmarrje kjo sa primitive e provinciale, aq edhe jo njerëzore.


"Bedeli" i kryetar Sejdiut në LDK-së, Eqrem Kryeziu, me sulmet e përsëritura kundër Rugovës, herë hapur dhe herë koluareve, e ka dëtuar shumë edhe Fatmir Sejdiun, sepse heshtja është konsideruar si aprovim. Edhe përçapjet e fundit të Kryeziut, për të mbajtur dy postet nga Sejdiu, duke bërë krahasime, janë të dështuara dhe moralisht të dënueshme.


Sekretari i heshtur dhe simpatik i LDK-së, përgjatë disa viteve, dr. Fatmir Sejdiu, sikur ndryshoi brenda ditës. Ende pa mbaruar zija e madhe për shuarjen e Presidentit Rugova, në prapaskenë u projektua puçi kundër kryetarit të Parlamentit. Disa të anashkaluar nga kryetari Rugova, për arsye që ata i dinë, u aktivizuan papritur, duke iu ngjitur si pullë Sejdiut. Anëtarësia vuri dyshimin edhe ke vet Sejdiu. Kuvendi i VI-të bëri të lexueshme shumëçka.


Pse Fatmir Sejdiu identifikohet me rrënimin e LDK-së?


Analistë të dëshmuar, intelektualë të njohur, madje edhe shokë e miq të Fatmir Sejdiut reaguan ashpër dhe me forcën e argumenteve, duke e renditur atë në njëshin e fajsisë.


Intelektualë të zëshëm në Shqipëri, para luftës hodhën akuza pa kursim ndaj Presidentit Rugova. Por, paslufta i këndelli. U provua edhe lufta, e cila nuk arriti në nivelin e një lufte të mirëfilltë dhe rezultoi në masakër. Kjo ndodhi atëherë kur shqiptarët ishin përgaditur për luftë dhe mendonin se do ta bënin namin! Po sikur të fillohej kjo luftë atëherë kur disa aventurierë diskotekash akuzonin, shanin e mallkonin Presidentin Rugova, pamëdyshje Bosnja do të mbetej në hije.


Kur të gjitha parashikimet e dr. Rugovës rezultuan të sakta e reale, ndërruan mendje edhe Dritero Agolli e Koço Danaj si dhe Ismail Kadare dhe vet dr. Sali Berisha, i cili e vlerësoi Presidentin Rugova si "njëri prej burrave më të shquar të kombit shqiptar të të gjitha kohërave, arkitekt i pavarësisë të Kosovës..." Ndërkohë, inatçorët e Kosovës nuk lëvizën nga "istikami"! Vërtet, kurrizon vetëm varri e ndreq.


Politikani dhe analisti Koço Danaj, ish-kuadër i PPSH-së, dikur kritik i rreptë i dr. Rugovës, më vonë realist dhe njohës i meritave të Tij, njëherësh bëri hapin cilësor, duke u konvertuar nga komunist në nacionalist, i tërhoqi vërejtjen Fatmir Sejdiut se diferenca e 29 votave nuk është asgjë dhe të mos trimërohet deri në mospërfillje karshi rivalit, përndryshe, mban përgjegjësi për dëmtimin e rendë të LDK-së.


Çuditërisht, zoti Sejdiu, i cytur edhe nga grupi i riaktivizuar në LDK-e, doli tërësisht nga natyra e tij e butë dhe gjentile, me përjashtimet dhe përzgjedhjet selektive, e bëri rrezginë partinë.


Pse zoti Sejdiu i mbante dy postet paralele?!


Të paktën, Fatmir Sejdiu është tamam doktor në jurisprudencë. E themi këtë, sepse paslufta sikur ia uli "pazarin" doktoraturës. Dyshimet janë të bazuara. Dhe, Kushtetuta e përcakton qartë këtë çështje. Karrierë e shkëlqyer, tej tri dekadave pedagog i kësaj lamie.


Sikur po harrohet ajo më e rënda: mashtrimi, të cilin e bëri Presidenti përgjatë ushtrimit të dy funksioneve. Mendoj se mohimi është më i keq se ushtrimi faktik paralel. Presidenti çek Vaclav Havel, ashtu si dhe Presidenti Rugova kanë mbetur përjetësisht të nderuar, sepse kurrë nuk e kanë gënjyer popullin e vet.


A u dorëhoq apo u shkarkua Presidenti?


Unë mendoj se ai u shkarkua. Përgjatë viteve në Presidencë ai mund të shkarkohej disa herë, pikërisht për këtë shkelje. Por, partneri në koalicion e kishte për zemër ta kishte Sejdiun në krye të shtetit. Ajo që ka thënë një kuadër i lartë i PDK-së se investimi i bërë ke Fatmir Sejdiu, ka qenë më i suksesshëm për ne, se sa ai në asfaltimet e rrugëve, është shumë domëthënëse.


Por, rrethanat ndryshuan. Njëmendësia e intelektualëve atdhetarë se LDK-ja duhet reformuar dhe ringritur në kuotën që i takon, shqetësoi partinë në pushtet, që pretendon ta mbajë gjatë pushtetin e marrë me plumb dhe mitosje.Prandaj, vendosi shkarkimin e presidentit. "Sigurojmë popullin e Kosovës se nuk do të këtë boshllëk institucional" - deklaroi kryeministri me t`u kthyer në Kosovë.


Mendja e komunistëve punon dhe projekton kriza. Mbetja e Sejdiut president, duke lënë drejtimin e LDK-së, lehtësonte dhe demokratizonte zgjedhjet partiake. Lënia e Presidencës dhe mbetja në krye të LDK-së, i komplikon shumë gjërat, kur dihet se grupi që e rrethon në kryesinë vicioze, don, madje me çdo kusht, t`i mbajë privilegjet hiç meritore. Prandaj, komunistët në koalicion luten, natën dhe ditën, "bëje Zot llugë LDK-në" dhe ata do të livadhisin në politikë dhe në pushtet shpengueshëm.


Zoti Sejdiu u tregua i sinqertë dhe pranoi shkarkimin kur tha se "nuk kishte alternativë tjetër". Por grupi vicioz brenda Kryesisë Qendrore, i cili, tashmë, është identifikuar për intriga politike dhe katrahurë partiake, përlavdëron falsifikueshëm "për aktin moral të dorëheqjes dhe respektimin e vendimit të Gjykatës Kushtetuese". Kjo na kujton të akuzuarit nga Gjykata e Hagës, për krime lufte se kinse u vetëdorëzuan, duke u mburrur me "besën shqiptare", ndërkohë që ata ishin zyrtarë të lartë dhe ishin të përcjellur rreptësisht nga policia ndërkombëtare. Falsifikimi i historisë nuk ka brirë. Kështu fillon e kështu mbaron. Të paktën, është provuar për gjysmë shekulli edhe në Shqipërinë tonë, të sunduar kriminalisht e turpërisht nga filosllavistët komunistë shqiptarë.


Me bujë e pompë dy partitë e të majtës ekstreme PDK-ja dhe AAK-ja u vetëshpallën brënda natës të djathta. E themi të natës dhe jo të ditës, sepse e gjithë veprimtaria e tyre identifikohet me errësirën. Por, struktura, brumi partiak është tejet i thartuar, për t`u konvertuar djathtas.


Janë ca parime bazë që pamundësojnë kalime, hope cilësore, siç do të ishte njëmendësia e këtij veprimi. A mund të besohet kjo përrallë vetëqejfbërje e pragmatike, kur sekretari i përgjithshëm i një partie të ekstremit të majtë, e cila pretendon se është e djathtë, në qilerin e qiftit mban fotografitë e Stalinit dhe të Enverit. Falsifikimi dhe mashtrimi është i stërdukshëm.


Pikërisht këtu zë fill anashkalimi hileqar i projektit të Presidentit Rugova, i cili pas shpalljes të pavarësisë, pas bërjes të shtetit, do të fillonte profilizimin e mirëfilltë të LDK-së, aleancat me partitë dhe partizat e spektrit të djathtë, duke garuar për pushtet.


Klani aktual është i vetëdijshëm se nisma për konsolidimin e të djathtës të Kosovës, i polarizon raportet me partinë në koalicion, pasi nuk mund të jenë të djathta edhe LDK-ja edhe PDK-ja, kur dihet bërthama e kuqe e kësaj të fundit. E djathta e çmon lirinë dhe demokracinë dhe është e prerë në mbrojtjen e kësaj kauze, madje me çdo çmim. Ndërsa e majta i relativizon këto parime për hir të pragmatizmit i shkel pa e vrarë ndërgjegja.


Për çudë, ky fenomen ndodhë edhe në vendet me demokraci të zhvilluar, e të mos flasim për Ballkanin, ku liria përdhoset krejt natyrshëm. Ish zëvendës-kancelari dhe ministër i jashtëm gjerman - Steinmeier, i SPD-së, pra, i të majtës gjermane, i bëri thirrje Evropës se për krimet e bëra në Kosovë, "të mos i merret fytyra Serbisë"!!! Një deklaratë kaq mizore nuk duhej bërë po të ishte vrarë qoftë edhe njënjeri i pafajshëm dhe jo më 12 mijë viktima të një masakre të egër!


Kryetari Fatmir Sejdiu me shokë nuk ka ndërmarrë asgjë për unufikimin e të djathtës. Në të kundërtën, ai me klanin e tij kanë refuzuar çdo ofertë të partive të mirëllta të djathta. Dhe, kjo, pa hamendje, përbën fajësi të rëndë dhe nuklënë asnjë shpresë se ky klan mund të bëjë reforma në LDK-e.


Qysh në vitin 1994, në cilësinë e anëtarit të Kryesisë të Degës të LDK-së për Gjermani, i pata kërkuar, madje me shkrim, dr. Rugovës që të krijohet - Instituti i Përgjegjësisë - brenda LDK-së, pra, kuadrotë që gabojnë ose edhe fajësohen me fakte, të japin llogari para strukturave të partisë dhe t`i bartin rrjedhojat, duke i ulur në përgjegjësi.


Edhepse dr. Rugova e vlerësoi këtë propozim, mjerisht, Instituti i Përgjegjësisë nuk u jetësua kurrë! Përndryshe, anëtarësia besnike dhe fisnike e LDK-së nuk do t`i prisnin në ethe zgjedhjet partiake, nga frika se "brinjohen buajtë dhe e pësojnë bretkocat"!

[fadil lushi]

Me shume keqardhje, por krahasimin qe paska bere zoteria Lushi, eshte sikur te krahasosh majen e malit te sharrit me majen e Himalajave.

Nderkohe ne te njejtin shkrim me poshte e vazhdon: se Mit’hati në qeverinë e Ismail Qemal bej Vlorës kishte ushtruar detyrën e ministrit. Duke qenë i zhgënjyer dhe i pakënaqur me punën dhe rezultatet e asaj qeverie, ai e kishte braktisur vullnetshëm atë post të ministrit, që më vonë të shkonte në Elbasan, ku kishte parapëlqyer të merret me mësimin fillestar të fëmijëve elbasanas. Njohësit e mirë të kësaj historie do ta konceptojnë faktin se Mit’hati ishte një ndër politikanët e parë shqiptarë që ndërtoi dhe respektoi, ashtu thjeshtë dhe skajshëm, institucionin e dorëheqjes.

nderkohe qe ky i dyti, Sejdiu pra u kap ne flagrance duke shkelur kushtetuten...e jo se ishte i pakenaqur me arritjet apo mosarritjet e qeverise se shtetit te tij, me nje fjale u kap me "pele per dore" siç thone ne popull dhe nuk i mbeti surratit mistrec me, pos qe te ofronte doreheqjen e tij si "akte moral".

Paradoksi te jete edhe me i madh, qe po i njejti surrat, pasi ka bere m... andej si "president" eshte ne gjendje te vendose edhe me tutje, te sjelle nje vend ne krize institucionale.

Ne te ardhmen do duhej, kur eshte fjala per doreheqjet, hiç aty ato kur behen per shkaqe te ndryshme subjektive, por keto kur dikush eshte i detyruar te largohet pas nje shkelje qe i ben kushtetutes, ligjeve do duhej automatikisht shkakrkuar edhe nga te gjitha funksionet vendimarrese. Çfare kane per te thene e treguar me shume ata surrata, pos qe do bejne edhe nje m.. tjeter te radhes... te tilleve do u kisha thene: mbylle, ama qepe u pa pune e jote! tani ec zhduku !

I nderuar "PIRATE", fillimisht të përgezoj që ma kishe lexuar shkrimin. Është e drejtë e çdokujt të komentoj mendimet dhe në këtë rast është edhe e drejta yte ta bësh këtë. Komenti yt, ka më shumë ngjyrë emocionale dhe ofenduese se sa racionale. Kjo vjen në shprehje sidomos në paragrafin ku pos tjerash do të thuash: "Paradoksi të jetë edhe më i madh, që po i njejti surrat, pasi ka bërë m...andaj si "president" është në gjendje të vendosë edhe më tutje, të sjellë një vend në krizë institucionale". Z. "Pirat", dua të të parashtroj një pyetje: më thuaj, vallë partneri i koalicionit të LDK-së, nuk kishte njohuri se Fatmir Sejdiu kishte bërë shkelje të një neni të Kushtetutës, një nen i cili thotë se një person politik , në të njëjtën kohë nuk mund të ushtrojë dy poste kushtetuese? Dhe, të thuash se "Sejdiu, e solli vendin në krizë institucinale" është njësoj sikur të zbulosh Amerikën! A mos vallë din se cilat vende, futen në krizë institucionale? Ja, unë po ta them. Të gjithë ato shtete të cilët karakterizohen me ndërgjegje të lartë politike dhe demokratike, dhe jo ato vende që karakterizohen me diktaturë. Për këtë arsye, z. Sejdiu, është një shembull eklatant se si ndërtohet demokracia dhe filozofia e një politikëbërjeje krejt tjetërfare. Me respekt Fadili.

[Disa]

ahahha,ta shpallim Sejdiun "hero" se ka jep dorheqje,cmncncncnc,po kjo nuk quhet dorheqje morale more o njerez,ky thjeshte ka qen dashte te jep kaher dorheqje sepse ka shkel kushtetuten,po mos te kish jap dorheqje atehere ka qen dashte ta shkarkojne,ose ta qesin jashte si qenin....

[fadil lushi]

Zoti "DISA", nuk ka nevojë ta shpallim z. Sejdiu hero, ty duhet shpallur qaraman. Tekefundit, zotërote, nuk i thuhet një profesori të nderuar "qen". Si nuk të vjen turp. Një këshillë prej meje, shko pastro fjalorin, veshët dhe hundën.