Kryetari Shqiptar Moisiu ne Londer

[dodoni]

Moisiu: Ftesa e Elizabeth II, vlerësim për Shqipërinë


TIRANË- Presidenti i Republikës, Alfred Moisiu e ka konsideruar si një vlerësim për Shqipërinë ftesën e bërë në adresë të tij nga mbretëresha e Britanisë së Madhe, Elizabeth II. Në një njoftim për shtyp, këshilltari i presidentit, Arjan Konomi, theksoi se kreu i shtetit gjatë takimit me ambasadorin e Britanisë së Madhe, David Landsman, shprehu vlerësimet e tij për ftesën e mbretëreshës Elizabeth II. “Ftesa e Madhërisë së Saj, Mbretëreshës Elisabeth II, është një respekt i veçantë që i bëhet Shqipërisë, një vlerësim për shqiptarët dhe historinë e tyre, - u shpreh presidenti Moisiu. Presidenti Moisiu në fillim të takimit shprehu vlerësimin që Mbretëria e Bashkuar i bën vendit tonë. Presidenti Moisiu theksoi rëndësinë për shtetin shqiptar të marrëdhënive midis dy vendeve tona, marrëdhënie këto që kjo vizitë do t’i forcojë akoma edhe më shumë. Presidenti Moisiu përmendi rolin e çmuar që luajti Britania e Madhe në ndihmë të popullsisë shqiptare të Kosovës, gjatë luftës së Kosovës si dhe ndërtimin e institucioneve demokratike atje. Më tej presidenti Moisiu tha se shqiptarët nuk harrojnë lidhjet me britanikët, nuk harrojnë Lord Bajronin dhe Edit Durhamin, Eduart Lir, që e deshën Shqipërinë dhe e promovuan atë në Europë. Gjithashtu ai përmendi rolin e rëndësishëm që luajtën në Shqipëri gjatë Luftës së Dytë Botërore. “Ftesa për të vizituar vendin tuaj, - u shpreh presidenti Moisiu, - në një moment ndërkombëtar si ky i tanishmi merr një rëndësi të veçantë dhe është shprehje e qartë e mbështetjes që Britania e Madhe i jep Shqipërisë dhe politikës së saj. Ne kemi mbështetur dhe do të vazhdojmë të mbështesim luftën kundër terrorizmit ndërkombëtar, e cila do të bëjë të mundur eliminimin e vatrave terroriste, nga e cila mund të shkaktohen humbje jetë njerëzish të pafajshëm”. Presidenti Moisiu do të zhvillojë në Londër një vizitë nga data 9 deri në 12 mars.
B.Hoti


Përshëndetje
Rrofshin Shqiptarët e Bashkuar dhe Shqipëria e Bashkuar

[dodoni]

Përshëndesim poashtu mesazhin e kryetarit shqiptar Moisiu drejtuar familjes Jasharaj, me rastin e pesë vjetorit të rënies heroike të tyre.
Përshëndetje
Rrofshin Shqiptarët e Bashkuar dhe Shqipëria e Bashkuar

[dodoni]

Presidenti Moisiu niset për vizitë në Britaninë e Madhe, me ftesë të Mbretëreshës Elisabet II


TIRANE, 8 mars - Presidenti i Republikës, Alfred Moisiu, niset nesër për në Britaninë e Madhe, ku do të zhvillojë një vizitë zyrtare. Zyra e Shtypit e Presidentit të Republikës, bën të ditur se vizita e Presidentit Moisiu bëhet me ftesë të qeverisë së Madhërisë së Saj, Mbretëreshës Elisabet II. Kjo vizitë do të zhvillohet nga datat 9-12 mars. Presidenti Moisiu do të jetë i shoqëruar gjatë kësaj vizite zyrtare nga Ministri i Drejtësisë, Spiro Peçi, nënkryetari i grupit Parlamentar për Politikën e Jashtme, Besnik Mustafaj, nga stafi i ngushtë i tij, nga një grup biznesmenësh shqiptarë dhe një grup gazetarësh. Ditën e hënë Moisiu do të takohet me Sekretarin e Jashtëm Britanik, Jack Straw, me sekretarin britanik të Mbrojtjes, Geoffrey Hoon, me themeluesin e Fondacionit "Butrinti" Lordin Rothschild, si dhe do të ketë një takimin me drejtues të Forumit britanik të "Tre Besimeve". Ditën e martë Moisiu do të zhvillojë një takim në Institutin e Shërbimeve Mbretërore të Studimeve në fushën e Mbrojtjes, ku do të mbajë edhe një fjalë të shkurtër. Po te marten, Baronesha Scotland e Asthl-it, (Ministrie e Drejtësisë e Mbretërisë se Bashkuar) në emër të Mbretëreshës Elisabeth II, do të japë një pritje për tërë delegacionin shqiptar, ku Presidenti Moisiu do të mbajë edhe një fjalë të shkurtër përshëndetëse. Po ditën e martë, në mbrëmje Presidenti Moisiu dhe delegacioni që e shoqëron do të marrë pjesë në pritjen e dhënë nga Ambasada shqiptare në Londër, ku është organizuar edhe një takim më komunitetin shqiptar që jeton në Britaninë e Madhe. Në ditën e fundit të qëndrimit në Londër, 12 mars, Presidenti Moisiu do të takohet dhe do të zhvillojë bisedime me Zv/Sekretarin Parlamentar të Shtetit, Bon Ainsvorth. Më pas Presidenti Moisiu do të drejtohet për në "Buckingham Palace", rezidenca zyrtare e Mbretëreshës Elizabeth II, ku do të pritet nga Admirali I Mbretëreshës, Blackburn. Pritja do të shoqërohet nga një Përshëdetje Mbretërore prej Trupave të Rojeve të Nderit të Mbretëreshës. Pas ceremonisë mbretërore, në orën 12.20, Presidenti Moisiu do të ketë një takim me Madhërinë e saj, Mbretëreshën e Mbretërisë së Bashkuar, Elisabeth II. Gjatë qëndrimit në Londër janë oraganizuar edhe takime të grupit të biznesmenëve shqiptarë me personalitete të biznesit britanik.

Përshëndetje
Rrofshin Shqiptarët e Bashkuar dhe Shqipëria e Bashkuar

[Albo]

Ky eshte nje nder qe i behet Shqiperise dhe presidentit Moisiu. Kete fat nuk e ka patur asnje prej parardhesve te tij.

Mbeshtetja ndaj presidentit Moisiu, eshte mbeshtetje ndaj vazhdimesise se reformave demokratike ne vend. Presidenti, eshte i vetmi person i institucioneve shqiptare qe garanton vazhdimesine e reformave. Prandaj edhe Perendimi shohin tek ai nje pikembeshtetje ku mund te kanalizojne ndihmen e tyre per Shqiperine.

Takimi do te rregulloje ndjeshem marredheniet midis dy vendeve, ashtu sic do te ndikoje pozitivisht ne imazhin shqiptar qe egziston ne Britanine e Madhe.

[Brari]

Presidenti Moisiu ngushëllon familjen Malile


TIRANË- Presidenti i Republikës, Alfred Moisiu i ka dërguar një telegram ngushëllimi familjes Malile, me rastin e ndarjes nga jeta të diplomatit Reis Malile. Në tekstin e telegramit thuhet: “Më lejoni t’ju shpreh ngushëllimet e mia më të sinqerta për humbjen e njeriut tuaj më të dashur e më të afërt. Reis Malile do të mbetet dhe do të kujtohet me nderim si një figurë e respektuar dhe një nga përfaqësuesit më të shquar të diplomacisë shqiptare”. Ish-ministri i Jashtëm, Malile u nda nga jeta përpara disa ditësh.

[kundraRRYMES]

Cere po thoni mre , cere nderi po ju boka,, Z Moisi...papapapapapapap. sa te mira do te kete shqiperia edhe shqiptaret nga kjo vizite. Sidomos biznesmenet shqiptare qe do te mund te hapin ndonje llogari bankare edhe ne angli.
I gjo se kom more vesh vallai a merr DJETA PRESIDENTI apo i pagun nga rroga e vet keto vizita. Sepse te them te drejten me duken vizita bosh merre me long se mishi u maru. A po vetem nese i bojne noj VAKSINE ANTIKORRUPSION ,, qe kur te shkoje ne shqiperi te luftoje korrupsionin- Ishalla nuk ja HYJNE NE DRU ne LONDER,, ashtu sikurse ndodhi ne BRUKSEL ...
NDER i modh qe i bohet presidentit. Anglezt nuk dine se ku kane koken tani me ceshtjen e IRAKUT ,, presidenti shqiptar do te takoje ca BARONE , e BARONESHA qe ne angli jane thjeshte NJEREZ TE ZAKONSHEM ME TITUJ MBRETERORE,,, edhe ne i bim trumpetes, uuuuuuuuuuuuuuuuyyyyyyyyy si gjithmone...
Shnet boll me tilla idiotlliqe ju lutemi.

[kundraRRYMES]

Se kuptova shkakun pse e kishin ftu GJENERALIN ne angli ?
Cfare meritash ka ai a mund te ma beje njeri te qarte. Apo se nxorri nga BURGU djemte e Spartak DROGAXHI BRAHOS ?
Se kuptoj pse nuk i kane permendur BBSAXHINJTE KAMPET e planifikuar per tu ndertuar ne shqiperi ?
Rrofte mretnesha edhe gjerneral Moisiu...

[Brari]

KJ
---

DADE SULMON ANGLEZET

Delegacioni shqiptar qe vizitoi ditet e fundit Londren, pervec sadisfaksionit qe ka ndjere gjate takimeve te ndryshme, eshte ndeshur, ne fakt, edhe me nje surprize jo te kendshme. Gjate nje takimi me njerez te afert me Lordin Rothschild, nje nga personat e famshem te Londres dhe me ndikim ne qarqet me te larta britanike, delegacioni shqiptar qe kryesohej nga Presidenti Moisiu ka mbetur i befasuar.

Teksa ne Londer shkembeheshin mesazhe dashamirese dhe mirekuptimi per interesat e te dy vendeve, ketu ne Tirane, Arta Dade kishte marre kazmen ne dore per te shkulur edhe ate prani modeste te investimit anglez ne Shqiperi. Behet fjale per punen admiruese qe po ben Fondacioni Butrinti ne Qytetin Antik, qytet i klasifikuar ne fondin e trashegimise se kultures boterore. Fondacioni Butrinti kryesohet pikerisht nga Lordi Rothschild. Sipas nje marreveshjeje mes ketij fondacioni dhe qeverise shqiptare, brenda parkut te Qytetit Antik te Butrintit nuk duhet te kete ndertime ose investime te ndryshme. Brenda ketij parku, Fondacioni Butrinti po punon perdite, duke germuar per te nxjerre ne pah mrekulline arkeologjike, cka e pasuron me shume qytetin antik dhe, si rrjedhim, e ben ate me atraktiv per te huajt dhe turistet. Arta Dade ka menduar se ky proces duhet te marre fund dhe, sipas saj, aty do te ishte me mire te ngrihej ndonje motel, kazino, restorant, etj. Keshtu, ajo i ka derguar nje leter drejtuesve te Fondacionit Butrinti, ne te cilen u thote atyre se Ministria e Kultures ka vendosur qe te pezulloje germimet atje, me pretekstin se ato kane deshtuar. Ne fakt, ideja eshte gjetke. Ideja eshte prodhim origjinal i ansamblit babezia dhe konsiston ne dhenien e lejeve per ndertim. Miqte dhe klanet, dhe njerezit e tarafit, mezi po presin te shtine ne dore perlen e Butrintit, nje nga gjerat e pakta te pasurise sone kombetare qe ka mbetur pa u prekur.

Para nje jave, gjate nje takimi qe pati me ambasadorin anglez ne Tirane, Kryeministri Nano shprehu vullnetin per intensifikimin e marredhenieve Londer-Tirane, si dhe kerkoi shtimin e prezences se biznesit britanik ne Shqiperi. Nderkohe qe, ministrja e Nanos kerkon te deboje pranine prestigjioze angleze ne Butrint. C'hipokrizi! Nese Nano nuk e di levizjen e fundit te Dades, gje qe ka 0 per qind mundesi te jete e vertete, atehere duhet te reagoje menjehere, per te vendosur gjerat ne vend. Ne menyre qe skandali qe po pergatit ministrja e Kultures te mos marre permasa te atilla qe te demtoje imazhin e vendit tone ne Londer, nje nga kryeqendrat e botes qe, pervec te tjerash, vendos edhe per integrimin e vendit tone ne BE.
-----

LESI DHE MUSTAFAJ, INTERPELANCE ME DADEN

Nenkryetari i Komisionit te Jashtem parlamentar, Besnik Mustafaj dhe Kryetari i PDK-se, Nikolle Lesi, duke qene ne delegacionin qe shoqeroi Presidentin ne Angl, sapo moren vesh se c'po gatuhej ne zyrat e qeverise, ne lidhje me Fondacionin Butrinti, kane bere nje kerkese urgjente per interpelance me ministren e Kultures, Arta Dade. Mustafaj dhe Lesi iu luten Kryetarit te Kuvendit, Pellumbi, qe ta marre ne konsiderate kerkesen e tyre dhe ta fuse me shpejtesi ne axhende, sepse koha nuk pret. Kjo sepse, me 19 mars, ekzaktesisht pas 5 ditesh, Fondacioni Butrinti, me qender ne Londer, ka vendosur te beje nje mbledhje ne lidhje me kerkesen e ministres Dade per pezullimin e punimeve ne parkun e Butrintit. Vendimi qe do te merret, mesa duket, eshte i qarte. Anglezet duhet te ndjehen te fyer nga fakti qe ministrja e Kultures, Dade, ka konkluduar qe germimet atje kane deshtuar, nderkohe qe te kunderten pohojne eksperte vendas dhe te huaj, qe e njohin arkeologjine dhe turizmin. Keshtu qe, lypset qe Pellumbi te marre ne konsiderate kerkesen per interpelance te dy deputeteve, ne menyre qe te jape edhe ai kontributin e tij per te parandaluar aktin pothuajse antikombetar qe po pergatit "anglofilja" Dade. Ne te kundert, nuk eshte e tepert te mendosh se edhe Pellumbi e ka te veshtire te ngrihet mbi interesat mafioze te disa klaneve ne qeveri.

----
JA KE SULMON ARTA DADE

Kush eshte Lordi Rothschild

Lordi Rothschild renditet me dinjitet ne krah te 20 familjeve me te pasura te Anglise. Ai eshte mik personal i figurave me eminente te Botes, si me Drejtorin e Pergjithshem te Bankes Boterore, me Sekretarin e Pergjithshem te OKB-se, Kofi Anan, etj. Te mos flasim per njohjet dhe ndikimet qe ai ka ne politiken angleze. Loja e Dades me Lordin, eshte njesoj si i nje grereze me nje gjigant. Dhente Zoti qe diabolizimi i shqiptares ministre te frenohet, sepse kjo vecse vendit tone dhe ne shqiptareve qe kerkojme integrim, na ben dem. Germimet e fondacionit ne Butrint jane parashikuar te rifillojne ne muajin prill. Per kete arsye, eshte shume e rendesishme, qe te ndalohen menjehere dadaizmat e Dades dhe shefave te saj.


-----
CFARE ESHTE DHE CFARE KA BERE FONDACIONI BUTRINTI

Ky fondacion u themelua 10 vjet me pare, nen kujdestarine personale te Lordit Rothschild. Puna qe ka bere ky fondacion ne keto 10 vite ka sjelle disa avantazhe si; financim per ruajtjen e arkeologjise se Butrintit, bashkim te organizatave private financuese, UNESCO dhe institucione nderkombetare donatore, per te punuar me autoritetet shqiptare per te ardhmen e Butrintit, permiresim te imazhit te Shqiperise ne arenen nderkombetare, nxitjen e disa organizatave partnere per t'u angazhuar ne pjese te tjera te Shqiperise, si p.sh Packard Humanities Institute, si dhe ka nxitur se tepermi turizmin dhe per kete flasin edhe shifrat.

Per 10 vjet ky fondacion ka pasur marredhenie shume te mira me autoritetet shqiptare. Mirepo, ne vitin 2002, filluan te shfaqen disa veshtiresi qe kulmuan para nje muaji, kur nje shkrese nga Ministria e Kultures mberriti ne zyrat e fondacionit, ku kerkohej nderprerja e punimeve. Kulmi i te gjithave eshte se, sipas Ministrise se Kultures, germimet nuk kane ofruar standardet e kerkuara. Keto gjera, perfaqesuesit e fondacionit i hedhin poshte me force dhe argumente. Nderkohe qe, kerkesa per ndalimin e germimeve ne parkun e Butrintit, pa bisedime paraprake me fondacionin, e thellon akoma me shume skandalin e ri Dade.

---Koha jone ----