Pergenjeshtrim nga Mitropoliti Ignati.

[ilia spiro]

Përgënjeshtrim
Lexova, i habitur, shkrimin e z. Kristo Frashëri, botuar në “Gazeta Shqiptare” të dt. 15.10.2010. Lidhur me gjithçka që shkruani për vizitën time në Pejë të Kosovës, jam i detyruar të shprehem si më poshtë:
Nuk kam dhënë asnjë intervistë për ndonjë gazetë të shtypit serb dhe nuk kam mbajtur asnjë fjalim gjatë qëndrimit tim në Kosovë.
Pa zbritur nga autobusi dhe pa filluar ceremonia e Fronëzimit të Patrikut Irine, një klerik i lartë serb më pyeti: “Si e ndieni veten tuaj në këto momente?” Iu përgjigja me çiltërsi: “Jam i gëzuar që ndodhem këtu në një situatë paqeje pas gjithë atyre dhimbjeve që iu shkaktuan njerëzve të pafajshëm në vitin 1999. Jam i kënaqur që sapo mbërrita në këtë vend të shenjtë të Patriarkanës suaj të Hirshme”.
Çuditem sesi togfjalëshi “Vend i Shenjtë”, që është sinonim i Tokës së Shenjtë, ku ndodhet Jerusalemi,është keqinterpretuar nga shtypi sikur unë të kem thënë se “Peja është Jerusalemi i Serbisë”, gjë që unë nuk e kam thënë dhe e hedh poshtë kategorikisht.
Gjej rastin të deklaroj se me bujari dhe dhimbsuri, si njeri i Perëndisë, u kam qëndruar afër refugjatëve kosovarë në kampet e rrethit të Beratit, në Moravë dhe në Kuçovë, duke u ofruar ndihma në ushqime, në veshmbathje dhe duke i vizituar në spitalin tonë rajonal.
Para se të vija në Shqipëri, në vitet 90të, e në vazhdim refugjatët Shqiptarë në Greqi i kam konsideruar si bijtë e mi dhe i kam ndihmuar, duke i strehuar e punësuar dhe prandaj ata më kanë quajtur dhe më quajnë “baba”.
Gjithmonë kam punuar me përkushtim për të mbjellë midis njerëzve dashuri, respekt, mirëkuptim, bashkëpunim dhe harmoni vëllazërore.
Misioni im është të mbizotërojë dashuria dhe paqja në Shqipëri dhe kudo.


Me urimet dhe konsideratat më të larta
Mitropoliti i Beratit, Vlorës, Kaninës dhe gjithë Myzeqesë.

[Seminarist]

Me behet qejfi qe Hiresia e tij, Ignati, e beri e kete deklarate te nevojshme.

Tashti, copili ne dere i mbetet matufit dhe te papjekurit 80 e kusur vjecar Frasheri, qe PRAPE se PRAPE, si me deklaraten e pavaresise, e beri corbe turmen e paditur eimgrante te te rinjve diasporiste....

[ilia spiro]

Besimtarë të Beratit i përgjigjen
akuzave të z. Kristo Frashëri drejtuar Mitropolitit e tyre H. Ignatin

Ne besimtarët e dioqezës së Beratit jemi të indinjuar dhe ofenduar për akuzat që z. Kristo Frashëri drejton kundër Mitropolitit të Beratit, Vlorës, Kaninës dhe gjithë Myzeqesë. Ato nuk kanë asnjë bazë të vërtetë, por shprehin mllefin personal që ka autori ndaj Kishës dhe Mitropolitit. Sipas përgënjeshtrimit, në “Gazeta Shqiptare” të datës 18.10.2010, del qartë se Hirësia e tij nuk ka dhënë asnjë intervistë për shtyp dhe prononcim publik por, ka bërë bisedë të zakonshme me një klerik, të cilin gazeta “Blic” e ka keqinterpretuar. Hirësia është shprehur se: “Jam i kënaqur që sapo mbërrita në këtë vend të shenjtë të Patriarkanës suaj të Hirshme”. Ashtu si edhe vetë autori pohon se: “Peja është seli mesjetare e Patriarkanës Ortodokse të Serbisë”, në artikullin e datës 15.10,2010, në “Gazeta Shqiptare”.


Me tej artikullshkruesi pohon të vërtetën se “në këtë ceremoni morën pjesë 30 përfaqësues të lartë të Kishave Ortodokse të huaja”. Ligjërisht na lind e drejta të pyesim: Përse u mblodhën këta prelatë të Kishave të Shenjta? Kjo pohon katërcipërisht se biseda është bërë në një vend të shenjtë. Hirësia, në të vërtetë, ka thënë: “Jam i gëzuar që ndodhem këtu në një situatë paqeje pas gjithë atyre dhimbjeve që iu shkaktuan njerëzve të pafajshëm në vitin 1999”.


Na indinjon shprehja e z. Frashëri: “Cili është ai perlat kishtar, i cili nuk e ngre zërin të mbrojë, ashtu siç mëson Krishti në katër Ungjijtë e vet, jetën e njerëzve të çfarëdo race, kombi dhe gjuhe kur këta përdhunohen, torturohen dhe masakrohen nga kushdoqoftë”. I përgjigjemi me kompetencë dhe përgjegjësi të plotë, si dëshmitarë okularë, se, që me ardhjen e refugjatëve të parë kosovarë në Berat, ishte vetë ky prelat i lartë i Mitropolisë së Hirshme ndër të parët që u ofroi ndihma të shumta e të pakursyera në ushqime, veshmbathje e medikamente dhe u bëri vizita në spitalin rajonal të Beratit. Këto ndihma u dhanë në kampet e refugjatëve kosovarë në Kuçovë e Moravë, duke marrë urimet e përzemërta e të sinqerta të vëllezërve tanë dhe duke zbatuar, një për një, të gjitha mësimet e katër Ungjijve të shenjtë: “Pata uri dhe më dhatë për të ngrënë, pata etje dhe më dhatë për të pirë; isha i huaj dhe më pritët, isha i zhveshur dhe më veshët, isha i sëmurë dhe ju më vizitonit, isha në burg dhe erdhët tek unë” (Mateu 25:35-36).


Mitropoliti ynë i nderuar, Imzot Ignati, qysh në ditët e para që shkeli në qytetin tonë të Beratit, më 18 korrik 1998, me përkushtim dhe bujari u dhuroi nxënësve të shkollave të Beratit çanta dhe mjete të tjera shkollore; ndihmoi me bujari familje që u përmbytën nga lumi Osum, pa dallim feje dhe race; u qëndroi afër familjeve të policëve të vrarë, duke i ndihmuar shpirtërisht dhe materialisht; ngushëlloi dhe ndihmoi familjarët e viktimave të mbytura në kanalin e Otrantos; ka bërë dhe vazhdon të bëjë vizita të panumërta tek të sëmurët në spital dhe në familje të ndryshme, duke u ofruar me modesti zarfe me sasi të konsiderueshme të hollash, nën jastëkun e të sëmurit, me udhërrëfyes fjalën e Zotit: “Të mos dijë e majta çfarë bën e djathta”; ka bërë vizita të herëpashershme tek të burgosurit në Kosovë të Lushnjës.
U ka ofruar vazhdimisht ndihma në ushqime dhe veshmbathje të sëmurëve në “Spitalin Psikiatrik” Vlorë, fëmijëve jetimë në “Jetimoren” e Vlorës; “Qendrës Rezidenciale të Zhvillimit të Fëmijëve” në Berat e Vlorë; “Qendrës së të Moshuarve” në Fier; “Qendrës së Fëmijëve të Ngujuar nga Gjakmarrja” në Poliçan të Skraparit; “Shoqatës së të Verbërve” në Berat dhe Lushnjë; “Shoqatës së Dhuruesve të Gjakut” Berat; “Shoqatës së Kryqit të Kuq” Berat; ndihma në veshmbathje në kampin e ngritur për familjet e dëmtuara në Gërdec si dhe për familjet e përmbytura para një viti në Lezhë.


Ka ndihmuar disa familje të varfëra, duke marrë përsipër riparimin e shtëpive të tyre.
Nuk mund të lëmë pa përmendur ndihmën e vazhdueshme që jep Hirësia e tij për njerëzit e sëmurë, duke i ndihmuar në të holla që të kurohen si në spitalet shqiptare, ashtu edhe jashtë vendit si në Rusi, Turqi, Itali, Greqi. Një kujdes të veçantë dhe dhimbsuri të madhe Hirësia u ka kushtuar njerëzve që lëngojnë nga sëmundje të rënda, duke marrë përsipër shpenzimet e kimioterapisë së tyre.
I pakursyer është kontributi i dhënies së ndihmave për shkollimin e studentëve jashtë shtetit. Prindërit beratas nuk dinë si ta falënderojnë Hirësinë për ngritjen e kopshtit të fëmijëve, ku edukohen, që prej katër vitesh, dhjetëra fëmijë, pa dallim feje dhe race.


Duke qenë vazhdimisht i shqetësuar për të ndihmuar njerëzit në nevojë, ia arriti qëllimit të tij humanitar për hapjen e një mense, ku të ofronte ushqim për njerëzit në nevojë. Dhe kjo u bë e mundur në janar të vitit 2010. Kjo mensë, e quajtur “Shen Joan Përdëllimtari”, ofron ushqim të gatuar, fillimisht dy herë në javë, për 80-100 persona.


Pyesim z. Kristo Frashëri: “A nuk tregojnë të gjitha këto vepra bamirësie të Imzot Ignatit, si dhe shumë të tjera që nuk po i përmendim, se Hirësia shfaq, pa bujë, zbatimin me devotshmëri të të katër Ungjijve të Shenjtë?!”


Nuk e kuptojmë se nga i ka marrë të dhënat z. Frashëri, duke u shprehur: “Ai është me origjinë nga Çamëria”, kur vetë Hirësi Ignati ka theksuar se “jam me origjinë shqiptare –arvanitase”.
Indinjohemi pa masë nga shprehjet dashakeqe, të veshura me një urrejtje patologjike, ndaj figurës së ndritur të Mitropolitit tonë, duke e cilësuar: “Ignati, shovinist i droguar grek”, “agjent grek”, “peshkop i çoroditur”, “Shqipëria nuk ka përse të mbajë në gjirin e vetë një nëpërkë me mantelin e Mitropolitit”.
Nuk kemi dëgjuar gjatë këtyre 20 vjetëve epitete të tilla fyese për klerikët tanë. Edhe një kriminel ordiner nuk guxon të përdorë fjalë të tilla poshtëruese ndaj çdo armiku të tij.


Si ka mundësi që një person, i cili pretendon të shkruajë histori të vërtetë, të thotë gjithë këto gjëra të paqena për një klerik të nderuar që meshon çdo të diel e çdo të kremte në të gjitha kishat e dioqezës sonë, kur historiani në fjalë nuk ka shkelur asnjëherë në ndonjë kishë të Mitropolisë sonë dhe nuk ka marrë mundimin më të vogël të takohet me këtë klerik të lartë e të nderuar për ta njohur nga afër, për të kuptuar misionin e tij, për të vlerësuar realisht çdo hollësi të veprimtarisë së tij baritore.
z. Kristo Frashëri nuk mjaftohet vetëm me kaq, por vazhdon të kalojë deri në marrëzi kur kërkon largimin e Mitropolitit nga Shqipëria, duke e quajtur person “non grata”.


Ne besimtarët Ortodoksë të Dioqezës së Beratit e kemi ndjekur dhe e ndjekim ditëpërditë gjatë këtyre 12 vjetëve të misionit të tij apostolik dhe, jo vetëm që nuk kemi konstatuar as dyshimin më të vogël lidhur me qëndrimin e tij në krye të Mitropolisë, por jemi dëshmitarë të urtësisë së Tij, të dashamirësisë së Tij, të fisnikërisë së Tij, të bujarisë së Tij, të zemërgjerësisë së Tij, të diturisë së Tij, të mirëkuptimit së Tij, të mirësisë së Tij, të thjeshtësisë së Tij, jo vetëm me besimtarët Ortodoksë, por me të gjithë qytetarët e Mitropolisë sonë, si edhe më gjerë.


Për të gjitha këto virtyte Imzot Ignati është shpallur “Qytetar Nderi i Beratit” nga këshilli bashkiak dhe “Qytetar Nderi i Selenicës” nga bashkia e këtij qyteti.
Për këto fakte ne jemi krenarë që e kemi Imzot Ignatin në krye të Mitropolisë sonë të Shenjtë dhe urojmë, me gjithë shpirt, ta kemi sa më gjatë si udhëheqësin dhe bariun tonë shpirtëror.


Qytetarët Ortodoksë të Beratit:

[Korcar-L1]

Me behet qejfi qe Hiresia e tij, Ignati, e beri e kete deklarate te nevojshme.

Tashti, copili ne dere i mbetet matufit dhe te papjekurit 80 e kusur vjecar Frasheri, qe PRAPE se PRAPE, si me deklaraten e pavaresise, e beri corbe turmen e paditur eimgrante te te rinjve diasporiste....

Qe dikush te kuptoje diasporen patriote shqiptare, duhet te lexoj "Mergata e Qyqeve", asgje nuk ka ndryshuar. Sa per temen ne fjale, cfare i mbeti K.Frasherit dhe gjith anti-orthodhokseve te tjere qe me zell dhe me nje ligesi ne shpirt, arijne deri atje sa gazetat serbe i quanin mese te besueshme kur vjen fjala per te degjeneruar udheheqesit shpirterore te orthodhokseve shqiptare.
Te pakten, e mesuam nje gje: Gazetat serbe mund te sillen si pike reference.

[laguna blu]

I dashur korçar,
i takoj asaj plejade që dikur "Mërgatën e qyqeve" e shpërndante ilegalisht.
Më 1991 bëra vizitën e parë në Shqipëri dhe që nga ai moment, për mua, komunizmi i Nasho Jorgaqit dhe Enver Hoxhës i ka takuar një planete tjetër, një planete të zezë që kurrë më mos i vizitoftë shqiptarët.
Është e vërtetë se përbrenda mërgatës së sotme shqiptare ka reminishenca nga tabllotë e Jorgaqit por mos harroni se ka edhe virtyte, tepër shumë virtyte për dashurinë ndaj familjes e Atdheut. Reminishencat e tilla negative janë fryt edhe i punës së Partisë Komuniste Shqiptare e të Nasho Jorgaqit si zëdhënësi i saj tepër efektiv me atë libër.
Edhe Enver Hoxha e edhe Nasho Jorgaqi do të kishin bërë më mirë sikur diasporën shqiptare ta kishin brumosur me ndjenjën e atdhedashurisë, në vend se ti shisnin asaj dokrrat për komunizmin dhe t'a flijonin ate edhe fizikisht, edhe ekonomikisht edhe politikisht por edhe historikisht.
Shpresoj se kisha ortodokse shqiptare nuk do ta përsërisë të njëjtin gabim duke i indoktrinuar emigrantët dhe besimtarët ortodoksë me të njëjtin mekanizëm. Sepse tashmë shumica e shqiptarëve e kanë të qartë: para ideologjisë politike dhe dogmës fetare gjithnjë vie Atdheu.
Unë për vehte i falem Padre Pio-s dhe në kishë shkoj vetëm për Pashkë dhe Kërshëndella. Më mjaftojnë hyjnitë dhe shenjtërit për të biseduar me Perëndinë
dhe prania e ndërmjetësve tokësor shpeshherë edhe të politizuar, më iriton në relacion me besimin tim...

[SERAFIM DILO]

Qe shkoi mire beri,eshte e drejta e tij!Po te perfaqesohej personalisht,jo ne emer te Mitropolit te Beratit e Vlores...etj etj...
Mjafton vizita,nuk ka rendesi se çfar tha....

[ilia spiro]

Po te perfaqesohej personalisht,jo ne emer te Mitropolit te Beratit e Vlores...etj etj...

Hajde gallate, hajde... do t`i marre leje x ose y ne c`emer do te paraqitet, kur eshte Mitropoliti i gjithe kesaj zone dhe i perfaqeson te gjithe orthodhokset e kesaj zone

[BLACK_SOUL]

ore djema, ca po thoni keshtu, do marr leje, nuk do marr leje, kisha ka disa protokolle qe ndiqen ne raste te rralla si ky i fronezimit te patrikut, te gjitha kishat autoqefale marrin pjese ne evenimente te tilla te perfaqesuar nga klerike te larte te atij rangu, te gjitha kishat motra duhet te jene prezente ne nje gezim te tille. pastaj qendrimi i secilit eshte gje tjeter. por nga sa lexova me larte dhe nga sa kam lexuar dhe degjuar per imzot Ignatin, kurr nuk do ta besoja qe nje person i atille eshte ne gjendje te bej nje deklarim te tille, dhe z. Frasheri duhet te informohet besoj para se te hedh balte mbi personalitete te tilla qe perfaqesojn kishen tone kaq denjesisht ne evenimente te ndryshme te kishave orthodoxe ne mbare boten. njeriu i udhehequr nga urrejtja shume here nuk shikon qarte. pastaj c'interes ka kisha jone te shtoje urrejtjen dhe midis shqiptareve kur keta klerik te nderuar kane mohuar rehatine dhe shume gjera te tjera dhe vijne ne shqiperi, te ofrojne, gjithcka mundin....nuk eshte shume e veshtire ta kuptojm, "kush ka sy le te shikoj"

[SERAFIM DILO]

[A=ilia spiro;2900638]Hajde gallate, hajde... do t`i marre leje x ose y ne c`emer do A paraqitet, kur eshte Mitropoliti i gjithe kesaj zone dhe i perfaqeson te gjithe orthodhokset e kesaj zone[/QUOTE]

Gallata nuk eshte;se duhet o nuk duhet te mari leje.Gallata qendron se beri mire o nuk beri mire qe shkoi?.(duke ditur se çfar perfaqeson)

[ilia spiro]

beri mire o nuk beri mire qe shkoi?.(duke ditur se çfar perfaqeson)

Perfaqeson orthodhokset e Beratit, Kanines dhe gjithe Myzeqese dhe shkoi i ftuar nga nje Kishe moter ne fronezimin e Patrikut te kesaj Kishe. Veprim normal per nje Kishe Orthodhokse.