Hahahhahahahahhaha. Po mire po ia qellon me pseodonime dhe me nofka ketyre te LPK-istave. Te lumte o Brari, se je i papare.Postuar më parë nga Brari
Populli thot mos e q'blo ***** se i vie era ma shume. E ketyre Lpk-istave po duket se iu ka hjek mbulesa, e tashti i ka me ardh era krejt ***.
E kemi ditur dhe e kemi then qdo here kete, sepse i kemi njohur prej fillimi keto mbeturina te Stalinit dhe Enverit. Keto mbeturina jan ; Klos, Lame, Butko, Kelmendovitet e keshtu me radh.
Nuk me interon partia hiq, por me intereson se pse jan vra shqiptaret mas lufte.
E sa i mequm u kan rugova,rahmet shpirti i past
hahahahahahaha loooooooooooooooooooooooool normal nje rep te takon ,lool
Kim MEHMETI
Individi nuk di thuajse asgjë nga ajo që i ka ndodhur gjatë periudhës së hershme të fëmijërisë së tij, andaj kjo pjesë e biografisë personale shkruhet nga të dhënat që i japin dadot, të cilat kurrë nuk tregojnë për keqtrajtimin e tyre ndaj foshnjës, por manipulojnë me ngjarjet dhe tregojnë vetëm atë që fëmijën e dikurshëm do e portretojnë o si të pagdhendur e torollak, o ashtu që ai t'i përshtatet të rriturit të sotëm. Diçka e ngjashme ndodh edhe me popujt që kanë qenë të sunduar nga të tjerët, që nuk kanë pasur kurrë mundësinë vetë ta shkruajnë "biografinë" e tyre, që nuk kanë mundur të shohin manipulimet që ua bëjnë "dadot" politike e policore të sunduesit, për t'i mbajtur sa më gjatë nën kthetrat e veta dhe për t'i larguar nga shtegu që i çon drejt lirisë. Mbase kjo vlen edhe për shqiptarët e ish-Jugosllavisë, e kaluara e të cilëve do mbetet ndoshta edhe përgjithmonë në dosjet që ruhen nëpër qendrat policore të Beogradit. Me çka, Beogradi do mund gjithmonë të manipulojë me biografitë e individëve dhe sa herë që të ketë nevojë, do mund të shpalosë të dhëna të sakta apo të trilluara, për të shkaktuar hutesë e për të diskualifikuar njerëz. Këtë të vërtetë mbase më së miri, dhe të parët, do e kuptojnë shqiptarët e Maqedonisë, të cilët vazhdojnë vëmendshëm ta ndjekin "tv-novelën" politike me titull "PDSH-ja i zbulon spiunët e BDI-së", "tv-novelë" e cila bëhet gjithnjë e më interesante dhe sjell dëshmi të bollshme se Beogradi është qendra që ruan të kaluarën kolektive dhe individuale të shqiptarëve të këtushëm. Në "episodet" e fundit të saj është shtuar numri i aktorëve dhe janë përfshirë edhe lajmës të padukshëm, që bredhin natën nëpër Tetovë, duke hedhur nëpër oborret e qytetarëve të këtushëm dosje të tëra të ish-bashkëpunëtorëve të policisë sekrete jugosllave, e tani funksionarë të lartë të BDI-së. Dhe posa zbardh dita, ato dosje shumëzohen dhe u shpërndahen të gjithë të interesuarve, përfshi gazetarë e kryesues partish. Kështu që, sa më i madh bëhet numri i funksionarëve të BDI-së të dyshuar si bashkëpunëtorë të shërbimeve sekrete policore, aq më shumë rriten hamendësimet e shqiptarëve të këtushëm se kujt i duhet besuar: tmerrit që shkruan nëpër dosje, apo të dyshuarve si ish-spiunë, e që pohojnë se ato dosje i ka fabrikuar PDSH-ja, e cila sipas tyre bën punën për çka edhe është themeluar – i përçanë shqiptarët e këtushëm dhe atyre ua njollos njerëzit e vlefshëm që kanë. Dhe duke u marrë me atë se kush ka të drejtë, shqiptarët e këtushëm nuk ia dalin të shohin se këtë të keqe që u mbiu në arën e tyre politike, duhet ta përdorin që njëherë e përgjithmonë të shpalosin të vërtetën se vallë janë në duart e partisë së spiunëve, apo në ato të spiunëve të partisë. Pra, duke u marrë me atë se kujt i duhet besuar, shqiptarët e këtushëm mbase ende nuk e shohin se këtë betejë, që tani e kanë fituar qarqet antishqiptarë që kanë vetëm një qëllim: ta çojnë këtë popull të jetë mosbesues ndaj çdo personi publik, ta nxisin dyshimin te të gjithë ndaj të gjithëve, të mos i lënë mundësi këtij populli të dalë nga kthetrat e bindjes se, qenke apo jo spiun, fatin tënd e kanë në duar spiunët policorë shqiptarë. E me çka, më në fund, do bëhet më e besueshme thënia poshtëruese se nuk ka shqiptar që nuk do kishte pranuar të spiunonte, por ka shërbime policore që nuk paguajnë aq sa kërkojnë spiunët shqiptarë.
Duke u nisur nga e vërteta se kjo luftë ndërpartiake ka vetëm dy domethënie o PDSH-ja është parti që fabrikon apo ka qasje në dosjet policore, e që do të thotë se ka qëllime destruktive dhe është themeluar për shkaqe që i thonë të akuzuarit e BDI-së, o partia e Ali Ahmetit është kapur në kthetrat e spiunëve policorë - që tani mund të thuhet se kjo betejë ka shpalosur të vërtetën që disa e përsërisin vite me radhë: edhe sot, njësoj si deri dje, qarqet policore vendase, apo të Beogradit, janë ato që këtij populli ia caktojnë heronjtë dhe spiunët. Pra, cilido që të jetë rezultati i kësaj beteje, fundi i saj do tregojë pse partitë e shqiptarëve të këtushëm janë aq inferiore ndaj partnerëve të tyre maqedonas, si dhe pse shqiptarët e Maqedonisë nuk ia dolën të shpëtojnë nga kthetrat e kontrollit policor, e që të munden të sundojnë me shtetin dhe vetveten. Gjë që duhet shqiptarët e këtushëm t'i çojë të kërkojnë nga udhëheqësit e këtyre dy partive të shkojnë deri në fund në zbardhjen e së vërtetës se kush gënjen. Dhe pasi t'u thonë kryesuesve të këtyre dy partive se ata nuk do kenë arsye t'i besojnë as PDSH-së e as BDI-së, nëse ato nuk ia dalin të dëshmojnë pastërtinë e tyre, shqiptarët e këtushëm do duhet ta bëjnë hapin e mëtejmë drejt pastrimit të tyre nga plehu policor: të ngrenë zërin e të tregojnë se nuk ndjehen të sigurt në shtetin ku jetojnë, të thonë përpara gjithë botës se ky shtet, duke u kurdisur atyre parti spiunësh apo spiunë nëpër parti, dëshmon se ata i konsideron si qytetarë të huaj, që duhet mbajtur nën vëzhgim të përhershëm policor, se ky shtet atyre nuk u lejon të shijojnë të drejtën më elementare të qytetarëve të lirë, që pa ndërhyrjen policore t'i zgjedhin përfaqësuesit e vet. Si dhe të pohojnë hapur se nuk janë të gatshëm të investojnë për të mirën e një shteti të tillë, që me metoda policore shkel mbi dinjitetin e tyre.
Pra, sido që të zhvillohet më tej kjo betejë ndërpartiake, ngjarjet e deritanishme duhen shikuar nga këndi se PDSH-së i kanë mbetur dy zgjidhje: o të dëshmojë vërtetësinë e dosjeve, o i tërë populli përfundimisht ta kuptojë se ajo i fabrikon ato, apo se është vetëm një dikaster policor që ka për detyrë sa më shumë t'i dëmtojë interesat e shqiptarëve të Maqedonisë dhe jashtë saj. Dhe mbase nuk do mjaftojë vetëm kaq: nëse dëshmohet se dosjet janë të vërteta, PDSH-ja do duhet të shkojë më tej e të tregojë si është e mundur që fantazmat e natës ato t'i hedhin vetëm nëpër oborret e të besueshmëve të kësaj partie, apo në atë të kryetarit aktual të PDSH-së, siç ndodhi para ca viteve, kur dosjen e tij policore dikush e la në oborrin e shtëpisë së tij, me çka u pa se ai nuk ishte vetëm "vojvodë" i certifikuar nga vetë VMRO-DPMNE-ja, por edhe viktimë e shërbimeve sekrete policore. Gjithashtu, sa i përket kësaj lufte ndërpartiake, BDI-ja nuk mund të tërhiqet ashtu siç paralajmërojnë përfaqësuesit e saj, duke thënë se nuk kanë kohë të merren me trillimet e PDSH-së, por do duhet të dëshmojnë atë që pohojnë funksionarët e lartë të kësaj partie të akuzuar si spiunë të policisë sekret – se janë viktimë e insinuatave policore. Nëse ndodh që partia e Ali Ahmetit - e zënë me punë shtetërore dhe e angazhuar rreth anëtarësimit të Maqedonisë në NATO dhe BE – të mos ketë kohë të mjaftueshme për të dëshmuar pavërtetësinë e akuzave të PDSH-së, atëherë shqiptarët e këtushëm do duhet të ndajnë pak kohë e të pyesin veten: Mos vallë BDI-ja është e kapur keq nga organet policore, andaj përfaqësuesit e saj në qeveri ngjajnë si me qenë të tredhur. Pra, pa u dhënë përgjigje këtyre pyetjeve, PDSH-ja dhe BDI-ja nuk do mund të shpresojnë se ky popull edhe më tej do u besojë dhe mbase kjo betejë e ndërsjellë do shënojë edhe shuarjen e ngadaltë të tyre. Kuptohet, përpos nëse Beogradi nuk u ka premtuar se së shpejti do fillojë shpërndarjen e dosjeve për vuajtjet e "atdhetarëve" tanë të devotshëm. Me çka do ndodhë ajo që ka ndodhur dekada me radhë në të kaluarën e shqiptarëve të këtushëm: që qarqet policore sekret t'ua kompletojnë listat e "patriotëve" dhe "tradhtarëve".
Marrë nga "Lajm"
Jo sa për ta arësyetuar logjikën time e as për t'a rritur antipatinë vetanake ndaj Ali Ahmetit...Mendoni pak: vetëm në BDI paska patur spiunë?
Ndryshuar për herë të fundit nga laguna blu : 26-10-2010 më 17:00
"Nuk mund të mbash gjarpinj në kopshtin tënd, me shpresën se ata do t'i kafshojnë vetëm fqinjët..."
Keto fakte mund ti shikoje cdo i interesuar ne facebook.
Exploreri nuk i shpiku keto.
Nuk thashe qe jane ose nuk jane te besueshme, por kam dhene mendimin tim ne kete teme.
Se a do jene ose jo te besueshme, kete do e vendose komisioni i lustracionit.
Prandaj ne ketu so forumiste jemi vetemse jemi duke diskutuar dhe debatuar.
ja se po e perkthej une postimin 82(te tjerat cenkan te ngjajshme ,por me shifra te ndryshme parash qe paska marr varsisht nga spiunllyku:
Lenda : Fazli Veliu-informator
Ne kuader te bashkpunimit dhe marraveshtjes tone eshte mbajtur takimi i planifikuar ne mes te konsulatit tone ne Austri me Fazli Veliun.
Takimi eshte mbajtur ne nje restorant ne Grac ,pa ndonje problem te theksuar.
Fazli veliu mori zarfin me 4500 frakna zvicrrane.
Nga ai u morr informacioni qe menjehere u percoll ne Beograd.
Gjithashtu u mor dokumentacioni qe mbate me vete Fazli Veliu pas vdekjes se Kadri zekes
Nga dokumentacioni kuptohet se 15 persona nga kosova dhe tetova po pergadisin kryengritje popullore.
Informatori na dorzoi edhe 30 foto nga demostratat e mbajtura ne Gjeneve dhe aty dallohen ftyra me interes investigimi.
Fotografite po i perciellim gjithashtu.
Ju lutem te keni parsysh mbrojtjen e informatorit
Teta, a mos ka qene ky far Fzlia ne LPK ?!
Nuk me interon partia hiq, por me intereson se pse jan vra shqiptaret mas lufte.
nuk ja kam iden,me politike nuk ja vrej shum,veq gjate leximit mu duk se do duhet dikush ta perkthej kete flliqesire ,qe te njihet ky qen...
I mjeri ty zotni qe i ndan njerzit ne te varfer dhe ne te pasur kur bahet fjal per ideal,sipas teje luften duhet ta bejn te varferit dhe te pasurit si puna jote te shpifin kur te duan apo.
Regullat e Postimit
Përgjigju Duke Cituar
Krijoni Kontakt