Prishet koalicioni qeveritar, terhiqet LDK nga qeveria.

[e panjohura]

Mjeranët ikën dje,ikën sot,do ikin dhe nesër

''Nuk ka asgjë më njerzore,se kur mundohesh t'a tërhjekësh dikend nga baltaku i marrëzisë dhe turpit dhe t'a kthesh në ë''-pata shkruar dikund në këtë forum vërtetë kombëtar,kur çlirimtarët zgjodhën për koalicion qeverisjeje P.K.J.[L.D.K.],por ja që shpirti i kuislingut mbetet i njejtë,pamvarësisht se i ipet shansi për t'a braktisur rrugën e djallit dhe për t'iu kthyer jetës normale.
Në pamundësi që t'i përmbushin zotimet e tyre dhënë para gazdallarëve serbo-çetnik,renegatët e djeshëm,të sotëm,të nesermë,u tërhoqën nga koalicioni,duke shpresuar se në këtë mënyrë do shkaktojnë turbullira,por u gabuan,ashtu sikur edhe n'të kaluarën kur cakrronin gotat me pobratimët e tyre sa herë që trojet e arbërit përgjakeshin nga masakrat e çetnikëve në Çirez.Likoshan,Prekaz......
Ata që dje dijtën t'a menagjojnë luftën gjithandej Kosovës,kundër hordhive barbare sllavo-karpatiane dhe kuislingëve shqipfolës,pa dyshim se do gjejnë forcë,guxim,vendosmëri,ashtu si n'të kaluarën jo të largët të menagjojnë edhe këtë situatë,të krijuar nga kush tjetër,pos nga demonë e hijena të bashkuar rreth një lidhjeje të mallkuar,por që fatmirësisht është në prag të shthuarjes definitive.
Po,do gjendet forcë,guxim,vendosmëri,menquri nga çlirimtarët,se ata u betuen se do i dalin në ndihmë këtij populli dhe kësaj toke,dhe i njejti betim nuk do mbaroj kurrë,përderisa gjaku arbëror të lëvrijë në damarët e trupit të tyre,digë e pa kaluar për armiqët e të gjitha ngjyrave dhe kohërave.

,,Cka humbt mos u gjetet''Kush ik mos u ktheft!

[Kosovelli]

Cubat e LDK-se ikin si hienat nga zyrat e tyre qeveritare!

Lamtumirë pushtet!

Përfaqësuesit e LDK’së dorëzuan të hënën dorëheqjet e tyre me shkrim te Kryeministri Thaçi. Nuk u takuan me Shefin e tyre, por lamtumirën e përcollën me postë qeveritare. Disa Ministri kanë mbetur pa asnjë përfaqësues politik. Ministrat e LDK’së thanë se nuk kanë qenë të diskriminuar gjatë punës.
Kryeministri Hashim Thaçi ka marrë të hënën pasdite të gjitha dorëheqjet e parevokueshme të ministrave të LDK’së.

Zëvendëskryeministri Ramë Manaj, gjashtë ministrat dhe zëvendësministrat e LDK’së dorëheqjet e tyre i kanë dorëzuar tek i pari i Qeverisë me shkrim, në formë zyrtare nëpërmjet postës qeveritare.

Edhe pse punuan gati tri vjet bashkë, ministrat nuk i dolën të hënën në sy Kryeministrit Thaçi, por dorëheqjet e tyre i dorëzuan te vartësit e tyre.

I vetmi ka qenë Ramë Manaj, ai i cili është takuar me Thaçin për ta përshëndetur dhe njoftuar për largimin e tij pas vendimit të Partisë.

“Po, sot pasdite i kemi pranuar dorëheqjet e ministrave në formë zyrtare. Dorëheqjet janë bërë me shkrim, ndërsa në Kryeministri kanë ardhur nëpërmjet ministrive të linjës”, tha të hënën për Express, zëdhënësi i Qeverisë, Memli Krasniqi.

Në dorëheqjet e ministrave shkruan se vendimi i marrë bëhet duke u bazuar në vendimin e Kryesisë së LDK’së për dalje nga koalicioni qeverisës.

Edhe pse nuk e kanë takuar Kryeministrin, disa nga ministrat e larguar të LDK’së, në konferencat e tyre përmbyllëse, e kanë mohuar se kanë qenë të diskriminuar në këtë qeveri.

Ministri i Drejtësisë, Haki Demolli, i cili për 6 muaj e 18 ditë ka qëndruar si ministër në Qeverinë aktuale, ka mohuar të hënën se ministrat e LDK’së kanë qenë të diskriminuar në Qeverinë Thaçi.

“Do t’ju them se kurrfarë diskriminimi nuk ka ndodhur dhe si ministër kam qenë plotësisht i pavarur në ushtrimin e detyrës së punës sime, qoftë nga ndikimet e partisë së LDK’së, qoftë nga ndikimet e PDK’së”, ka thënë Demolli.

Shumica e ministrive të cilat janë udhëhequr nga ministrat dhe zëvendësministrat e LDK’së, tani kanë mbetur pa përfaqësues politikë.

Disa prej këtyre ministrive përveçqë s’kanë përfaqësues politikë, kanë mbetur edhe me u.d, sekretarë permanentë.

Burime të gazetës brenda Qeverisë kanë bërë të ditur se Kryeministri Hashim Thaçi të martën do të vendosë se çfarë do të bëjë pas kësaj gjendjeje të krijuar në ekzekutivin e vendit.

Dalja e LDK’së nga koalicioni qeverisës me PDK’në është bërë pa asnjë kontakt apo takim mes dy krerëve të koalicionit, Hashim Thaçi e Fatmir Sejdiu.

Ky i fundit e ka marrë vendimin në konsultim me Kryesinë, ndërsa partnerin e deritashëm të koalicionit e ka njoftuar vetëm nëpërmjet mediave.

Gazeta Express
--------------------------------------------------------------------------------

Kur mbreme ne RTK i shikonja keta fare cubat e LDK-se se si iknin njeri pas tjetrit nga zyrat e tyre ministrore, bile disa ishin "trullavë" krejte sa nuk dinin as te pershendeteshin me zevendesministrat e tyre (te cilet perkohesishte do te marrin detyren e ministrave), vertete me bene te qeshi, edhe pse isha koshient per krizen institucionale qe Fat(ziu)mir Sejdiu e injektoj ne kete kohe pa kohe ne Kosove.

Kesaj komedie ja shtonte me teper "hieshinë" edhe konglomerati i qendrimeve politike te LDK-asheve te te gjitha instancave e niveleve, te cilet jo vetem qe nuk kishin te njejtin mendim per veprimin e Kryetarit te tyre, por kishte nga ata qe e shanin e mallkonin Fat(ziun)mirin, duke e quajtur edhe qen, siq e quajten p.sh. pejanet me ne krye Ali Lajqin.

Por une mendoj se ky eshte vetem fillimi i "gurgulese" ne radhet e LDK-se.
Populli thotë se "te gjitha gjerat këputen prej se holli, vetem zullumi këputet kur trashet shume"!
E pra keta mizevirat e LDK-se e kane trashur si shume "zullumin" ndaj popullit shqiptar ("zullum" qe e filloj i pari i tyre ("kryecari historik"), dhe shpresojme ta perfundoj ky Fat(ziu)miri Sejdiu), ndaj dhe nuk ka se si ndodh ndryshe pos te perfundojne atje ku e kane vendin, ne faqen me te errte te historise se popullit shqiptar.

[Kosovelli]

Sulmohet vetura e Astrit Haraqisë

Publikuar: Sot, më 18 tetor 2010

*

Prishtin, 18 tetor - Vetëm pak orë pas prishjes së koalicionit LDK-PDK, vetura e anëtarit të Kryesisë së LDK-së, Astrit Haraqija, ka qenë cak i sulmit nga persona të panjohur. Lajmin e ka konfirmuar për KTV-në vet Haraqija. Të shtunën në mbrëmje vonë, veturës së Haraqisë para banesës së tij në Prishtinë, i janë thyer komplet xhamat, dhe ka pasur edhe të tjera dëmtime. Akti ndodhi vetëm pak orë pasi që në mbulimin special të ngjarjes në KTV, Haraqija tha se “Fatmir Sejdiu po e shkatërron LDK-në dhe se prishja e koalicionit në këtë kohë, është ngjarja më tragjike që prej vdekjes së Ibrahim Rugovës”. Qëndrimi i tij i fortë në kundërshtim të aktit të së shtunës, është hedhur poshtë nga dega që e udhëheq në Gjakovë, një pjesë e së cilës i kanë dhënë përkrahje Kryesisë në Prishtinë. Haraqija përkrahë kandidaturën e Bujar Bukoshit për kryetar të LDK-së.

Ja, keshtu mund te filloj "gurguleja" mbrenda LDK-se!
Ne fillim Fatmirovit ja sulmojne makinien Astritoviteve, ...e pastaj Astritovit qe kane kumari me Rogovte kundersulmojne, dhe si perfundim hyne ne loje karrikat, grushtat e shqelmat masovike, diçka ashtu si ne Kuvendin e Turpit, kur Gecte e shtire te Llaushes filluan "gurgulene", e cila perfundoj me disa gervishtje te vogla, por me nje ndarje bukur si te madhe te LDK-se ne dy copa b..., bukuroshe de!

[Adna]

Le te mbahen zgjedhjet ma shpejt, kisha uru Behxheti mu ba president, Ferid Agani kryeminister dhe Albin Kurti minister i punve te jashtme....

[flliqt]

Shqiptaret ku jan shqiptaret sot? Ne Shqiperi jan duke luftuar komunizmin pasi qe ende vie era komunizem, ne Kosov jan duke luftuar Serbin pasi qe ende vie era Serbi, te kuptojm se koha e komunizmit ka kaluar njiashtu edhe koha e Serbis, problemi qendron se ende nuk jemi pastruar teresisht prandaj dhe vie era, pra te gjith gjindemi ne nje faz kalimtare gjithqka eshte kaluese. PD, PS, LDK, PDK etj. etj. po qe se kishin orientuar te gjith kapacitetet e tyre ne zhvillimin e shtetit do te perparonim shum shpejt, kapacitetet e tyre jan te orientuara kryesisht kah korrupsioni dhe kunder njeri tjetrit, prandaj edhe jemi ne ket gjendje krize politike dhe ekonomike.

[Llapi]

Walker: Nuk ishte momenti për “shkurorëzimin” PDK-LDK


Ambasadori William Walker është shumë i shqetësuar me zhvillimet e fundit në Kosovë, por ajo që më së shumti e brengos është fakti se Qeveria e tanishme po e dërgon vendin në zgjedhje të parakohshme ose të jashtëzakonshme, që sipas ambasadorit Walker mbajtja e këtyre zgjedhjeve do t’ua pamundësojë partive të reja që të organizohen, konsolidohen dhe të bëjnë fushatë zgjedhore, ashtu siç në fakt do duhej.

Për te “martesa PDK-LDK” gjithmonë ka qenë një “martesë e palumtur”, por jo deri në atë masë sa “shkurorëzimi” të ndodhte m’u në këtë moment.

Sidoqoftë, ai i bën thirrje Qeverisë së udhëhequr nga PDK, që të organizojë zgjedhje të lira, të drejta dhe transparente.

Në një intervistë për Kosovapress në shtëpinë e tij, në një qytet afër Uashingtonit, ambasadori Walker flet edhe për bisedimet Prishtinë - Beograd, modelet për veriun, si dhe për procesin e njohjeve për Kosovën.

Kosovapress: Zotëri ambasador, siç mund të jeni informuar, Kosova do të shkojë në zgjedhje të jashtëzakonshme ose të parakohshme këtë vit apo në fillim të vitit tjetër, si rezultat i daljes së LDK-së nga koalicioni dhe dorëheqjes së presidentit Sejdi. Si do të reflektojnë këto zhvillime në pozicionin e Kosovës në arenën ndërkombëtare?

Walker: Jo shumë njerëz i dinë detajet rreth koalicionit dhe raporteve mes dy partive, por ka njerëz që e dinë se BE është e interesuar të dijë se çfarë po ndodh në Kosovë, po ashtu edhe njerëzit këtu në Uashington e dinë se çfarë po ndodh. Besoj se partnerët e dinë se kjo kohë nuk ishte momenti i duhur, por në të njëjtën kohë mendoj se të gjithë e kanë kuptuar se koalicioni ndërmjet PDK-së dhe LDK-së nuk ishte një “martesë e lumtur”. Të gjithë prisnin një “shkurorëzim”, kur të vinte puna në ndonjë pikë, por mënyra se si erdhi ky “shkurorëzim”, pra për shkak të privatizimit të PTK-së, ku PDK u përpoq ta shtyjë Parlamentin që ta votojë strategjinë për privatizim, ndoshta nuk ishte mënyra më e mençur, për të prishur koalicionin, sidomos pasi presidenti Sejdiu dha dorëheqje. Sidoqoftë, tash pasi jemi këtu, do të ishte mirë që institucionet t’i mbanin zgjedhjet e parakohshme në mënyrë të drejtë dhe transparente, që të mos nguten dhe që të mos organizojnë aso zgjedhje që të favorizojnë Qeverinë aktuale. Kjo është ajo për të cilën brengosem, që të mbahen zgjedhjet sa më shpejtë, duke u mos dhënë shumë kohë partive tjera të organizohen dhe të konsolidohen. Ne e shohim se Qeveria ka ardhur deri te kjo situatë për shkak të një “martese” të palumtur, nëse zgjedhjet do të mbaheshin në një afat më të gjatë, do të ishte në rregull, por në këtë kohë, do të ishte një pështjellim i madh.

Kosovapress: Mendova si do të ndikojë kjo situatë në procesin e njohjes së Kosovës, sepse ne prisnim tashmë njohje pas mendimit pozitiv të GJND-së dhe pas rezolutës së OKB-së që e njeh këtë mendim. Por, siç e shihni, procesi i njohjeve është stopuar momentalisht?

Walker: Procesi i njohjeve nuk ka shkuar siç duhej që nga fillimi dhe kjo situatë nuk do t’i ndihmojë atij (procesit) në asnjë mënyrë. Pas vendimit të GJND-së dhe rezolutës së OKB-së, ne të gjithë menduam se do të ketë rezultate pozitive në këtë drejtim, por nuk pati. Por, nëse ata organizojnë zgjedhje të mira dhe opozita ka shans të konkurrojë, ndoshta njerëzit nga kryeqytetet botërore do ta shohin se Kosova është një demokraci, që po përpiqet t’i bëjë gjërat në drejtimin e duhur. Por, nëse Qeveria aktuale e përdorë pozicionin që të mbajë zgjedhje të shpejta, me qëllim që të mbetet edhe një mandat në pushtet, atëherë mendoj se kjo nuk do të jetë e mirë për procesin e njohjeve.

Kosovapress: A mendoni se PDK e solli këtë situatë, me qëllim që të shkohet në zgjedhje të parakohshme dhe t’i fitojë ato, sepse ndoshta frikohet nga disa lëvizje të reja, si Vetëvendosje, apo partitë e reja, si Fryma e Re e Shpend Ahmetit e Ilir Dedës?

Walker: PDK mund të mendoj se është në pozicion të fortë që të kërkojë edhe më shumë hapësirë brenda Qeverisë, si rezultat i daljes së LDK-së nga koalicioni, por siç e thashë do të ishte gabim nga ana e tyre, nëse do të përpiqeshin të fitonin avantazh përmes mbajtjes së zgjedhjeve të shpejta. Kjo, sepse nuk do të ketë kohë që të organizohen zgjedhjet, nuk do të ketë mjaft kohë që partitë tjera të bëjnë fushatë ose që Albin Kurti dhe lëvizja e tij të organizohen në një parti politike. Kjo kërkon kohë dhe shpresoj se PDK nuk do ta shfrytëzojë këtë rast që të përfitojë avantazh. Unë po flasë me shumë njerëz dhe ata janë të brengosur rreth asaj se në bazë të çfarë rregullave do të mbahen këto zgjedhje, a do të mbahen brenda 45 ditëve apo më 13 shkurt. Shumëçka varet nga PDK dhe shpresoj se ajo po mundohet të veprojë në mënyrë të drejtë, të ndershme dhe transparente.

Kosovapress: Kosova gjendet në këtë situatë, por në të njëjtën kohë Sekretarja e Shtetit, Hillary Klinton dhe zyrtarë të BE-së bëjnë thirrje për fillimin e dialogut ndërmjet Prishtinës e Beogradit, pa përfillur situatën në Prishtinë. A mundet Kosova të hyjë në këtë dialog me këtë situatë të brendshme politike, pra para zgjedhjeve?

Walker: Jo assesi. Do të ishte një gabim shumë i madh, nëse do të bëhej kjo. Nën një, kosovarët kanë përvojë të gjatë, kur komuniteti ndërkombëtar bënte përpjekje që t’i ulë palët në një tavolinë. Ishin bisedimet për statusin dhe siç e kishte thënë edhe Ahtisari, palët sado që mund të bisedojnë, nuk mund të merren vesh, veçmas serbët të cilët nuk janë bashkëpunues në negociatat serioze. Kështu që me këtë histori, nuk shoh se është koha që palët të ulen bashkë dhe të diskutojnë për dallimet, veçmas kur Qeveria e Kosovës gjendet në këtë situatë pështjellimi. Le të presim zgjedhjet, të shohim rezultatet, të shohim nëse do të kemi një qeveri të fuqishme, më kohezive dhe pa ndarje, sepse kjo qeveri, jo që përbëhej nga dy parti të ndara, por edhe nga një LDK që është e ndarë në dy-tre pjesë. Prandaj, mendoj se do të ishte gabim tejet i madh, nëse do të thoshin “po do të ulemi në tavolinë para zgjedhjeve”, pavarësisht se çfarë u thotë komuniteti ndërkombëtar se duhet të bëjnë.

Kosovapress: Pra bisedimet nuk mund të fillojnë para zgjedhjeve, dhe kjo po i bie të nisin diku në mars – prill të vitit tjetër?


Walker: Çfarëdo bisedimesh që do të fillonin para vitit 2011, do të ishin joserioze.

Kosovapress: Por, disa analistë ndërkombëtarë thonë se Kosova duhet që tani ta themelojë një ekip të unitetit, i cili do të bënte përgatitjet për fillimin e dialogut me Beogradin?

Walker: Nuk shoh ndonjë arsye që të krijohet një ekip i unitetit, kur vendi është në proces të zgjedhjeve të reja, kur të gjitha partitë politike po përgatiten për zgjedhje. Nuk e di se për çfarë ekipi të unitetit bëhet fjalë, për ndonjë ekip të bashkuar teknik, apo për çfarë, por mendoj se kjo nuk do të duhej të ndodhte para formimit të qeverisë së re, e cila shpresoj se do të jetë një qeveri e unitetit, por jo tani.

Kosovapress: Kur flasim për dialogun, për çfarë çështjesh mendoni se duhet bisedojnë Prishtina dhe Beogradi?

Walker: Mendoj se në këto bisedime, kosovarët duhet ta bindin Serbinë se nëse dëshiron të jetë një fqinj i mirë, duhet t’i ndalë përpjekjet për të nxitur probleme të brendshme në Kosovë, t’i ndalë përpjekjet për ta shndërruar veriun në një problem. Duhet të kërkohet që të bisedohet për çështje të vogla, por që janë të rëndësishme për komunitetin serb në veri të Kosovës, pastaj çështja e dokumenteve, e pensioneve, por çështja kryesore është që të bindet Serbia se Kosova është shtet dhe se duhet të sillet me të, si me një shtet tjetër. Sidoqoftë, nga bisedat me zyrtarët serbë, nuk shoh ndonjë fleksibilitet në këtë qasje, prandaj mendoj se dialogu nuk do të prodhojë asgjë dhe është gabim të fillonte tani.

Kosovapress: Megjithatë, disa zyrtarë evropianë thonë se veriu i Kosovës do të jetë tema kryesore në këto bisedime, ndërkohë që janë përmendur disa “statuse speciale” si zgjidhje për këtë pjesë. A është e mundshme një zgjidhje për veriun, jashtë Pakos së Ahtisarit?

Walker: Jo nuk mendoj se do të ishte zgjidhje. Është plotësisht e gabuar, tendenca për një “entitet të veçantë” në veri. Ideja vetëm zgjat konfliktin, zgjat përpjekjet e Serbisë që të përzihet në punët e Kosovës. Ajo që mua më shqetëson është se “statusi special” për veriun e Kosovës nuk do t’i kontribuonte zgjidhjeve paqësore në Ballkan.

Kosovapress: Por, tashmë janë përmendur disa modele nga burimet e BE-së, si ai i Tirolit Jugor, që do të mund të adaptoheshin në rastin e Kosovës?

Walker: Secili evropian mund të ketë dëgjuar për ndonjë model diku në ndonjë vend, por për mua, Kosova është një entitet shtetëror, që ka popullatën pakicë, si për shembull serbët, të cilët duhet të trajtohen si të gjitha pakicat tjera në Francë, Gjermani dhe vende tjera, por jo duke iu dhënë ndonjë “status special” që ata të jenë qytetarë të mirë. Ky komunitet duhet ta kuptojë se është në Kosovë dhe duhet të jetojë si pjesë e saj.

Kosovapress: Ndërkohë, dialogu ndërmjet Prishtinës dhe Beogradit do të ndërmjetësohet nga BE, çfarë roli, sipas juve duhet ta ketë SHBA në këtë dialog?


Walker: Më sa e kuptoj, SHBA dëshiron që t’i japë BE-së rolin kryesor. SHBA ka luajtur një rol kritik, duke e sjellë Kosovën këtu ku është tani dhe mendoj se duhet ta vazhdojë këtë rol, në përcaktimin e disa çështjeve si çfarë po ndodh në veri dhe marrëdhëniet e Kosovës me Serbinë. E kuptoj plotësisht se çfarë SHBA është e gatshme të bëjë dhe çfarë jo në këtë dialog.

Kosovapress: Kjo meqë liderët kosovarë kanë kërkuar që SHBA të jetë pjesë e këtij dialogu, në cilësinë e garantuesit?

Walker: SHBA ka bërë shumë për Kosovën në këto dhjetë vjet, por mendoj se BE duhet ta udhëheq dialogun, për shkak të procesit të integrimit të të dy vendeve në BE, e që në këtë rast duhet të aplikohet politika e “shkopit dhe katrotës” për Serbinë. SHBA, po ashtu duhet të ndihmojë në mënyrë palët të ulen së bashku.

Kosovapress: Të kthehemi edhe një herë tek njohjet. Cilat janë arsyet që Kosova nuk mori njohje, madje as pas vendimit të GJND-së?

Walker: E kam thënë edhe më herët, ministri i juaj i Jashtëm me siguri nuk e di se si të marrë njohje. Mendoj se që nga fillimi është humbur shumë kohë, ku nuk janë bërë shumë përpjekje për njohje. Personalisht, kam vizituar pothuajse të gjitha kryeqytetet botërore, ku kam takuar ministria, e kryeministra. Isha javën e kaluar edhe në El Salvador, e përmenda prapë këtë çështje që e kisha përmendur më shumë se një vit më parë dhe ata e kanë harruar problemin. Gjërat tjera kanë hyrë në agjendën e Presidencës së këtij vendi, duke bërë që çështja e Kosovës të mbetet jashtë. Si duhet ta filloni prapë, nuk e di, por mendoj se ushtruesja e detyrës së ministrit të Jashtëm, Vlora Çitaku, duhet të shkojë kur të dojë në El Salvador dhe ta kërkojë njohjen. Ajo ishte në vendet e Karaibeve, por nuk pati asnjë rezultat. Mendoj se nëse do të shkonte për disa ditë në El Salvador, kjo çështje do të kryhej./Intervistoi: Sebahate Shala/