Prishet koalicioni qeveritar, terhiqet LDK nga qeveria.

[drenicaku]

Paj bile kam tru,po cfar A behet me ty qe nuk ke fare tru as te peshkut!Keto shprehje i quan shqip Ti!?,,kapirash''!

E cka ishte kjo?

Po shqip ti nuk po merr vesh

[laguna blu]

Fundi i keq i një Qeverie të dështuar
Lista e dështimeve të Kryeministrit Thaçi dhe Qeverisë së tij ka vazhdime sa serialet turko-latino-amerikane. Por, për dallim prej tyre, nuk ka fund të lumtur.

Nga Blerim Shala më 18 tetor 2010 në ora 12:32
Mesdita e të shtunës së 16 tetorit 2010, na ktheu, rrëmbimthi, aty ku politika dhe shoqëria kosovare ishin në mesnatën e të enjtes së 19 nëntorit 2009, në ngjarjen politike të njohur si “Nata e Zanzibarit”, kur në një kafeteri të Prishtinës, një grusht politikanësh të PDK-së, provuan ta gatuajnë fatin e Kosovës, të gjithë qytetarëve të saj, në një përpjekje tragji-komike të grushtshtetit.

Tani, LDK bëri atë që është dashur ta bëjë në mëngjesin e 20 nëntorit të vitit të kaluar: Pra, LDK mori qëndrimin të dalë nga Qeveria e Kosovës, ku objektivisht asnjëherë nuk kishte hyrë si duhet, vendosi ta prishë një Qeveri, që realisht kurrë nuk ishte ndreqë si duhet, apo, t’i japë fund një koalicioni të çuditshëm, i cili asnjëherë nuk kishte pasur nismën e mbarë.

Është ky një epilog i natyrshëm, i logjikshëm, i një procesi politik, i një koalicioni qeverisës të bërë midis dy partive, të cilat, të thuash, nuk kanë gjë të përbashkët, dhe të cilat nuk kanë mundur të bashkëqeverisin: Është ditur menjëherë që dikush do të pësojë në një koalicion të kësisojt dhe nga një koalicion i këtillë. LDK është dëmi kolateral i kësaj qeverisje. I dëmtuari kryesor, ai që më së shumti ka pësuar, është qytetari i Kosovës, ose, Kosova në përgjithësi.

Logjika dhe politika e Zanzibarit ka qenë në pushtet, këmbëkryq, në kabinetin e Kryeministrit Thaçi jo nga 19 nëntori 2009, por nga 9 janari i vitit 2008, kur edhe u bë Qeveria e tij. Por, që prej nëntorit të vitit të kaluar, Kosova, po që se provojmë t’i analizojmë dukuritë politike me gjakftohtësi, as që ka pasur Qeveri të njëmendtë, por vetëm Kryeministër. Që prej atëherë e këndej, në dhjetë muajt e kaluar pra, është zhveshur dhe ka dalë para nesh krejt lakuriq, si ai mbreti i përrallës, politika plotësisht e dështuar e Hashim Thaçit, Kryepërgjegjësit për gjendjen kaotike në të cilën ka mbërritur Kosova në vitin e tretë të ekzistimit të shtet.

A mbani në mend çfarë ka ndodhur krejt që nga Zanzibari e këndej? A mundeni, nëse për pak çaste mendoni në vete, të spikatni qoftë edhe dy-tri ngjarje të mira që janë shënuar tek ne, e që kanë si autor Kryeministrin Thaçi, në këtë harkun kohor që lidh vjeshtat e dy viteve të kaluara?

Për gati pesë muaj, prej nëntorit 2009 e këndej, Kryeministri Thaçi u përpoq të na bindë se e ka kuptuar që duhet të ndryshojë goxha shumë qeverinë dhe qeverisjen, dhe që këtë do ta bëjë përmes riformatizimit të saj. Ky ishte qëndrim i tij, jo i dikujt tjetër. Në fund, e dimë të gjithë se çfarë u bë me ndryshimet në Qeverinë e prirë prej tij. Gjë prej gjëje.

Tre muajt vijues, prej prillit 2010 e këndej, pra, Kryeministri Thaçi u vetë-vu (u vetë-emërua), Lideri i luftës kundër korrupsionit dhe të korruptuarve, duke premtuar fundin e kësaj dukurie që kërcënon në palcë shtetin e Kosovës. Ky ishte qëndrim i tij, jo i dikujt tjetër. Në fund, e dimë të gjithë se çfarë u bë me luftën kundër korrupsionit të prirë prej tij. Gjë prej gjëje.

Në dy muajt vijues, gusht, shtator, Kryeministri Thaçi mori edhe timonin e diplomacisë kosovare, duke na paralajmëruar dhjetëra njohje të reja të shtetit të Kosovës, duke na bindur, madje, që edhe Serbia na ka njohur si shtet (edhe pse këtë, përndryshe, nuk po e dimë as ne në Prishtinë dhe as ata në Beograd). Flitej, madje që Kosova shumë shpejt do të mund të trokasë edhe në dyert e OKB-së. Ky ishte qëndrim i tij, jo i dikujt tjetër. Në fund, e dimë të gjithë se çfarë u bë me njohjet e reja të Kosovës. Një shtet i vetëm ka pranuar pavarësinë e Kosovës.

Në shtator, Kryeministri Thaçi dhe Ministri i tij i Punëve të Brendshme, Bajram Rexhepi, dhjetëra herë përsëritën që Kosova hiç më larg se kah gjysma e këtij muaji (shtator), do ta marrë Strategjinë për Liberalizimin e vizave. Ky ishte qëndrim i tyre, e jo i dikujt tjetër. Një muaj e më shumë më pas, ende nuk dihet se kur do ta nisë Kosova rrugëtimin për të siguruar udhëtimin e qytetarëve të saj pa viza në Evropë.

Kryeministri Thaçi është përpjekur vazhdueshëm të na bëjë për vete kur bëhet fjalë për agjendën ekonomike të tij, e cila është dashur të garantojë zhvillim të qëndrueshëm ekonomik, ulje të papunësisë, investime nga jashtë, rritje të buxhetit. Asgjë prej këtyre premtimeve nuk është realizuar. Çfarë dihet që tash është që kuleta-buxheti i Kosovës për vitin 2011, do ta ketë një deficit prej afër 330 milionë Eurosh, (apo, një çerek të buxhetit të tërësishëm të Kosovës për vitin vijues), dhe që kjo gropë buxhetore mund të shndërrohet në humnerë financiare dhe politike për Republikën e Kosovës, po që se në ndërkohë nuk shitet PTK-ja për diku 300 milionë Euro.

Dhe kështu me radhë. Kjo listë e dështimeve të mëdha të Thaçit dhe të Qeverisë së tij, ka vazhdime sa serialet turko-latino-amerikane. Por, për dallim prej tyre, nuk ka fund të lumtur.

Në përgjithësi, që prej se ka marrë në duart e tij qeverisjen me vendin, Hashim Thaçi, Kryetari i PDK-së, ka preferuar politikën e aktit të kryer, duke mos e bërë hesap askënd në këtë politikën vendore, thuajse vetë i ka së paku 61 deputetë në Kuvendin e Kosovës, dhe thuajse në Kosovë nuk ka demokraci ku duhet të respektohen ligjet dhe procedurat.

Kulmi i kësaj politike të mbrapshtë të Kryeministrit Thaçi u pa në mbledhjen e fundit të Kuvendit të Kosovës, kur u trajtua tema e privatizimit të PTK-së.
Kryeministri Thaçi, në këtë rast, si asnjë tjetër politikan në këtë historinë dhjetëvjeçare të demokracisë kosovare, talli dhe poshtëroi Kuvendin e Kosovës. Në këtë mënyrë, ai shkeli demokracinë kosovare dhe nëpërkëmbi të gjithë qytetarët e Kosovës.

Ky politikan, thjesht, ka qeverisur keq, shumë keq me Kosovën. Ky është thelbi i Qeverisë Thaçi. Kjo është përditshmëria e saj. E një Qeverie që duhet së shpejti t’i takojë të kaluarës. Në mënyrë që Kosova të ketë të ardhme.

(Blerim Shala është Nënkryetar i Parë i Aleancës për Ardhmëninë e Kosovës. Kjo kolumne është shkruar enkas për Gazetën Express)

[e panjohura]

Po nga Blerim Shala edhe nuk eshte prit tjeter shkrim!Fajtor jane te gjithe,perveq popullit qe nuk jane te ulur ne ato kolltuqe!Nje martes e dhunshme sigurisht qe do ta pesoj keq,ose do lind pasardhes dhunues,ose do shkurorzohen!

[Falco115]

Po nga Blerim Shala edhe nuk eshte prit tjeter shkrim!

Mos gjete diçka te pavertete ne ate shkrim te Blerim Shales???
Blerim Shala eshte ndoshta koka me e menqur ne Kosove.
Flm Laguna qe e solle ate shkrim te Blerim Shales.

[Brari]

Nuk u shquan LDK -istat si ministra e zv ministra ne qeverrine Thaqi..
Pra ndonji humbje nuk eshte se ata lan zyrat.
Ceshtja eshte tek figura qe krijohet per Kosoven ne syt e Botes.

Kjo duhet ndrequr sa me shpejt.

Nje miku im ka 4 jav qe perpiqet te kontaktoj nje kryetar komune (ska rendesi i kujt partie eshte) dhe deri tani asnji rezultat.
Pra nje rrugaceri e lahperllyk ne zyrat e shtetit te Kosoves nga qendra deri ne komunat.


.

[Kosovelli]

Mënyra se si po veprojnë dhe si po punojnë udhëheqsat ton është tradhti ndaj popullit.Gabojnë rënd nëse mendojnë se do të ua dhëmë votën në zgjedhjet e ardhshme pa marr parasyshë qfare janë ato të jashtëzakonshme apo te parakohshme.Marre u koftë e kurr ma mos fitovshi.

[Disa]

Me qen te vedishem,elektorati i LDK-se,as 1% te votave nuk ja dhan Sejdiut,sepse Sejdiu pa fije turpi vetem pse dha dorheqja nga Presidenti e prishi kualicionin duke e future vendin ne krize institucionale.
Pra ata qe i dhan vote LDK-se,pas gjithe ketyre te kqijave qe ja solli Kosoves kjo prati Komuniste,ata per mua shkurt e shqip,jan INJORANTAT ME TE MDHEJ.

[toni77_toni]

(Blerim Shala është Nënkryetar i Parë i Aleancës për Ardhmëninë e Kosovës. Kjo kolumne është shkruar enkas për Gazetën Express)

Blerim Shales, dikur i thonim "djali i Mahmut Bakallit" ndersa tash filluan edhe ta thrrasin "nënkryetar i AAK-së"! Pikërisht ai edhe e pati sjellur Mahmutin ne AAK. Tash ai edhe zgjatet me rreshta dhe prononcime passi qe Ramushin e muaren në Hagë, besa edhe i ka hije "djalit" te Mahmut komunistit te flet per demokracitë dhe....!

Ndersa te tjerat rreth temes, LDK-ja asnjëher nuk i ka sjellur ndonji te mirë Kosoves, prej qe është themeluar dhe deri sot, asnjëher ne asnjë mënyrë nuk ka punuar në favor te Kosoves. Problemi është se PDK-ja dhe AAK-ja ende nuk kan arritur të bëhen bashk dhe kjo edhe po i sjellë Kosoves dëme. Mendoj se ne të ardhme do të detyrohen.

LDK-ja deri sot kan dhunuar voten dhe vullnetine anëtarve dhe votuesve së tyre sepse kan bërë kualicion me një Parti qe ata nuk e deshirojnë.

Disaher eshte kerkuar qe të prishet ky kualicion dhe keta nuk e kan prishur!

Tash, dy-tre muaj para zgjedhjeve, iken nga istitucionet qe vet i ndertuan dhe punuan tri vite në ato istitucione me qellim qe të dalin para opinionit si te paster!!

Me LDK-në nuk duhet të bëjë askush kualicione sepse po shihet se sa te ligj se janë!! Vetem shiqojeni se si e i lanë Istitucionet dhe popullin në krizë me qellim qe të organizohen zgjedhjet e jashtzakonshme.

Qellimi i LDK-istave eshte:

- Mendojnë të dalin para votuesve duke u asryetua pasi qe dihet se votuesve nuk u ka pelqyer lidhja e kualicionit me PDK-në dhe ata sot perpiqen të mashtrojnë popullin edhe njëher!

- Nuk mund te shkojnë me një proces normal në zgjedhjet partiake pasi qe po shihet se bëhet fjalë per një konkurencë nepermes votes dhe metodes demokratike.

- Deshirojnë të bëhen zgjedhjet ne kohen kur Ramush Haradinaj eshte në Hagë!!

[Llapi]

Sulmohet vetura e Astrit Haraqisë

Publikuar: Sot, më 18 tetor 2010

*

Prishtin, 18 tetor - Vetëm pak orë pas prishjes së koalicionit LDK-PDK, vetura e anëtarit të Kryesisë së LDK-së, Astrit Haraqija, ka qenë cak i sulmit nga persona të panjohur. Lajmin e ka konfirmuar për KTV-në vet Haraqija. Të shtunën në mbrëmje vonë, veturës së Haraqisë para banesës së tij në Prishtinë, i janë thyer komplet xhamat, dhe ka pasur edhe të tjera dëmtime. Akti ndodhi vetëm pak orë pasi që në mbulimin special të ngjarjes në KTV, Haraqija tha se “Fatmir Sejdiu po e shkatërron LDK-në dhe se prishja e koalicionit në këtë kohë, është ngjarja më tragjike që prej vdekjes së Ibrahim Rugovës”. Qëndrimi i tij i fortë në kundërshtim të aktit të së shtunës, është hedhur poshtë nga dega që e udhëheq në Gjakovë, një pjesë e së cilës i kanë dhënë përkrahje Kryesisë në Prishtinë. Haraqija përkrahë kandidaturën e Bujar Bukoshit për kryetar të LDK-së.

[Llapi]

Rexhepi: PDK pro mbajtjes së zgjedhjeve këtë vit

Publikuar: Sot, më 18 tetor 2010

Prishtinë, 18 tetor - Ministri i Brendshëm, Bajram Rexhepi ka thënë se zgjedhjet duhet t’i caktoj ushtruesi i detyrës së presidentit. PDK-ja sipas tij është për mbajtjen e zgjedhjeve sa më shpejtë që është e mundur. Ai ka kundërshtuar krijimin e qeverisë teknike, duke thënë se qeveria aktuale është legale deri në përfundimin e zgjedhjeve me cka do të formohej qeveria e re. Rexhepi ka thënë se deri atëherë të gjitha punët duhet të kryhen nga kjo qeveri. Ai nuk e ka përjashtuar mundësinë që zgjedhjet të mbahen edhe në dhjetor të këtij viti. Këto komente Rexhepi i ka bërë pas takimit të Komisionit për Integrime.