Opozita dhe njerezit prane saj: Objektivi yne, zgjedhjet e parakohshme

[RAPTILOID]

Për zgjedhje të reja, jo për vjedhje të reja
Mero Baze
Gazeta Tema

Kryeministri Sali Berisha ka bllokuar deri më sot transparencën e procesit zgjedhor me arsyetimin se nuk ka asnjë provë apo kontestim nga terreni për kutitë e votimit dhe për këtë arsye nuk mund t’i futemi me hamendje një procesi, i cili do të fuste sipas tij në spirale të rrezikshme të ardhmen e proceseve elektorale në Shqipëri. Arsyetimi, edhe pse është shumë sipërfaqësor dhe i pambështetur askund në ligj, është imponuar deri dje me forcë, duke u përpjekur bile të fusë dhe opozitën në luftë me komisionerët e saj, për akuzat e bëra për trafik votash. Por dje kemi pasur një zhvillim të ri dhe një dëshmitar të madh, i cili është dhe “kumbari” i qeverisë Berisha- Meta. Dritan Prifti, deputeti i LSI, pranoi publikisht se votat e tij në Fier nuk u numëruan, dhe nëse hapen aty kutitë, LSI mund të ketë dy deputetë. Duke rikthyer situatën në Tiranë, Prifti dëshmoi se Ilir Meta është bërë deputet me vota të trafikuara nga Partia Socialiste dhe nëse hapen kutitë, mandati i tij ikën. Një deklaratë e tillë nga një aktor i rëndësishëm, për të mos thënë aktori vendimtar i kësaj shumice që na qeveris, është një dëshmi e mjaftueshme që shumica në pushtet të dorëzohet para arsyetimit sipërfaqësor të saj, që nuk ka pasë kontestime nga aktorët e zgjedhjeve për mënyrën se si janë numëruar votat. Kur “kumbari” i qeverisë thotë që votat e mia në Fier m’i mbrojti Berisha, i cili urdhëroi pas bisedës me Priftin që “tani e tutje s’do preket asnjë votë e LSI”, dhe se votat e Ilir Metës në Tiranë i paskan shtuar komisionerët socialist pas asaj që mendohet të ketë qenë udhëzim i kreut të partisë, do të thotë që procesi ka qenë tërësisht në duar të papërgjegjshme, që komandoheshin lehtësisht për të trafikuar votat. Kjo e rrëzon procesin zgjedhor dhe e bën atë objekt hetimesh, jo vetëm të komisionit parlamentar çfarë kërkon opozita, por dhe objekt të hetimit të veprës penale, çfarë duhet të kërkojë ndoshta vetë prokuroria.
Kjo dëshmi publike u jep fund arsyeve përse mbahet e bllokuar transparenca, por tejkalon realisht pretendimin e opozitës, e cila kërkon vetëm transparencë. Sipas këtyre dëshmive, pas kësaj transparence ne do të kemi një konfigurim tjetër të parlamentit shqiptar dhe kjo mund të destabilizoj vendin. Ajo që thotë Dritan Prifti është përtej asaj që kërkon Edi Rama, i cili mjaftohet vetëm të shikojë sa vota i kanë vjedhur apo sa ka vjedhur. Kjo që thotë Dritan Prifti ka të bëjë me një trafik të frikshëm numrash dhe deputetësh, të cilët rrëzojnë praktikisht shumicën në pushtet.
Për këtë arsye opozita duhet të ndryshojë objektin e luftës së saj opozitare. Hapja e kutive me kërkesat modeste të opozitës, tanimë nuk kanë asnjë vlerë, pasi ato nuk zhbëjnë dot më atë që paska ndodhur, sipas njeriut më të rëndësishëm politik të koalicionit Berisha- Meta. Lufta një vjeçare e opozitës, e cila në të vërtetë është një nga betejat më të forta që ndonjë opozitë ka bërë në këtë vend, me mjete paqësore qysh në vitin 1992, në fund të fundit ja arriti qëllimit duke dekompozuar koalicionin dhe duke nxjerrë dëshmi nga brenda tij për atë që ka ndodhur. Tanimë i vetmi mekanizëm që rivendos legjitimitetin janë zgjedhjet e reja. Edhe pse Sali Berisha ka kaluar në kufij kritikë me numrat dhe mund t’i humbasë ato shumë shpejt, nuk duhet të bëheni entuziastë dhe të mendojmë për rikompozime qeverish. Ndryshimi i pushtetit kërkon moral dhe frymëzim politik dhe ai mund të vijë vetëm nga zgjedhjet e reja dhe jo nga kombinimet e reja brenda Kuvendit. Me këtë lëvizje deputetësh shumë shpejt ne mund të kemi një grup të ri parlamentar më të madh se LSI, që mund të vendosë për të ardhmen e qeverisë Berisha, por kjo nuk duhet të inkurajojë askënd për ta kthyer atë në një shans për shantazh të ri ndaj qeverisë. Çdo lëvizje numrash do të marrë kuptim dhe do t’i bëjë jetëgjatë në politikë ata deputetë që do t’i përdorin mandatet e tyre për zgjedhje të reja dhe jo për “vjedhje” të reja.

[RAPTILOID]

Përveç Sterkajt e Priftit, të pasigurt për Berishën janë edhe parlamentarët e PDU-së
Gazeta Shqip

Zgjedhjet e 28 qershorit 2009, edhe pse të certifikuara si më të mirat në 20 vjet pluralizëm, nuk duket se kanë prodhuar stabilitetin e pritshëm. Përtej kërkesës politike të Partisë Socialiste për hetimin e tyre, situata e brendshme parlamentare pasqyron një krizë të vërtetë me pasoja të gjithanshme, vetëm një vit nga mbyllja e procesit elektoral. Thyerja e kufijve dhe kërcimet e papritura të deputetëve të ndryshëm jashtë gardhit politik kanë bërë të qartë se në versionin minimalist perspektiva e koalicionit qeverisës është e pasigurt. Kështu, nëse ikja e deputetit të Shkodrës, Paulin Sterkaj, fsheh pas motiveve zyrtare një llogaritje politike që ka të bëjë me interesa elektorale, largimi i Dritan Priftit përbën një stad të ri domethënës në të gjitha kuptimet politike. Një ish-ministër që riorienton veten politikisht në sallën e Kuvendit të Shqipërisë pas një serie akuzash që krijojnë përshtypje kriminale, është një rast që kërkon më shumë se vëmendje. Pikëtakimi i të gjitha këtyre lëvizjeve dhe kësaj paqëndrueshmërie në dy partitë e mëdha, i plotësuar me deputetin socialist të Gjirokastrës, Vangjel Tavo, është përftimi i një poli të ri në Kuvend që mund të quhen edhe si të pavarurit. Edhe pse është e qartë se është një gjendje e përkohshme, transiti parlamentar përkufizon përveç krizës edhe ecurinë e mëtejshme të qeverisë që ka hyrë aktualisht në një proces rinegociimi të vetvetes. Informacioni jozyrtar, si pararojë e vendimeve të pritshme dhe refleks i lojërave që po zhvillohen në prapaskenë, e ka zgjeruar rrezen e vet drejt mjaft figurave të njohura. Në bisedime për deputetë ndodhen tanimë të gjithë: Partia Socialiste, Partia Demokratike, por edhe Lëvizja Socialiste për Integrim. Grupi parlamentar socialist është nën goditjen e ofertave të zv.kryeministrit Ilir Meta, i cili për këtë angazhim është akuzuar edhe nga bashkëpunëtori i tij më i afërt, Dritan Prifti. Burimet bëjnë të ditur se ofertat e tij u adresohen jo vetëm njerëzve të etiketuar në PS si ‘nanoistë’, por edhe atyre politikanëve që me Edi Ramën nuk kanë më karrierë, apo janë kritikë. Formalisht kjo lojë legjitimohet me faktin se kalimi nga PS-ja në LSI është itinerar brenda së majtës, madje drejt së majtës, duke e risjellë në vëmendje akuzën e njohur ndaj Ramës për shpërdorim të investimit politik të selisë rozë. Por nën goditje është edhe shumica, e cila aktualisht disponon një mbështetje prej 73 votash. Prej këtyre të paimunizuar ndaj dy siglave partiake kryesore duket të jenë deputetët e Partisë për Drejtësi dhe Unitet, të cilët janë ende në pritje të përfshirjes në qeveri, apo në pushtet. Mbajtja e tyre larg vendimmarrjes e bën të prekshëm lëvizjen majtas, aq më shumë kur Shpëtim Idrizi ka një mandat me vota socialiste, por edhe një negociatë mes dy subjekteve është e hapur. Hipoteza e largimit të dy deputetëve të PDU-së e çon në 71 numrin e shumicës qeverisëse, duke e kthyer koalicionin në një tabelë goditjeje shumë të brishtë. Mjafton të sillet në vëmendje këtu edhe një deklaratë e deputetit tjetër të LSI-së, Lefter Koka, sipas të cilit “mosreagimi ndaj korrupsionit do ta nxiste atë në një kërkesë ndaj LSI-së për të mos vijuar koalicionin me PD-në”. Skenari i ripërcaktimit të rezultatit elektoral të 28 qershorit në sallën e Parlamentit është bërë tanimë aq i prekshëm saqë duket si përmbyllja e vërtetë zgjedhjeve që ende nuk po hetohen dot. E vetmja pikë për të cilën nuk mund të flitet ende me siguri është stabiliteti i PS-së, e cila, edhe pse në pamje homogjene dhe e qëndrueshme, e angazhuar në protesta dhe me kredo të qartë opozitare, vuan nga disa probleme të trashëguara dhe të mahisura. Për dy politikanët kryesorë në vend, Sali Berisha dhe Edi Rama, interesi formal shfaqet pak i ndryshëm. Kështu, Kryeministrit i nevojiten numrat dhe në këtë pikë oferta qartësohet shumë mirë, teksa kreut të opozitës i duhet të paktën shpërbërja e qeverisë, qoftë kjo edhe përmes krisjeve të pjesshme, të cilat prishin moralin e saj dhe ndikojnë në pikëpamje elektorale.

[RAPTILOID]

Godo: Nëse Berishës i lëkunden, të mbahen zgjedhjet e parakohshme

Gazeta Shqip



Zhvillimi
Lëvizje edhe majtas, opozita ka shpallur strategjinë e re: Në zgjedhje, me një qeveri të re
Politikani veteran, i ka propozuar dje kreut të mazhorancës, Sali Berisha, që nëse ekuilibri i numrave të tij në Parlament varet nga deputetë që lëvizin nga njëri krah në tjetrin, atëherë ai duhet të përkrahë mbajtjen e zgjedhjeve të parakohshme. Duke folur në një intervistë televizive, Godo deklaroi se “kam qenë kundër zgjedhjeve të parakohshme, kam thënë që duhet që kjo qeveri të mbarojë mandatin e saj. Kjo mazhorancë ka punuar shumë. Më momentin e tanishëm, kur duket sikur qeveria do të mbahet në këmbë me trafikun e deputetëve është një gjë e neveritshme që do të jetë një epokë e errët në historinë e këtij vendi. Nëse kemi arritur në këtë pikë do të thosha me gjithë zemër që të bëhen zgjedhjet e përgjithshme bashkë me zgjedhjet lokale, duke i avancuar me dy javë nga mesi i prillit, duke kërkuar një dalje nga kjo situatë. Ish-kreu republikan, konsideroi të neveritshme situatën aktuale politike ku deputetët kalonin nga një parti te tjetra. Godo e cilësoi situatën aktuale të lëvizjes së deputetëve me lehtësi nga një krah në krahun tjetër politik si sureale dhe të bazuar vetëm nga interesat personale të deputetëve dhe jo nga interesat ose dëshirat e elektoratit që i ka zgjedhur. Godo e cilësoi këtë situatë si të paprecedentë gjatë këtyre viteve ku ai ishte pjesë e politikës dhe theksoi se këto lëvizje deputetësh do të ngeleshin gjithmonë një njollë e zezë në historinë e politikës shqiptare.

Opozita
Deklarimet e forta të opozitës për pamundësinë e zhvillimit të zgjedhjeve lokale pa transparencën e 28 qershorit mund të jenë edhe një politikë kushtëzuese për qeverinë e tanishme. Në zgjedhje pa Sali Berishën Kryeministër, është qëllimi i vërtetë i një opozite që ka nisur përgatitjet e fundit të protestave antiqeveritare. Karta e hetimit elektoral, si garanci e së vërtetës dhe e drejtë e pamohueshme vetintegrohet në strategjinë e përgjithshme politike opozitare si morali i saj kryesor që e ka drejtuar tehun ndaj emrit të Kryeministrit Sali Berisha. Edhe pse flet për zgjedhje të parakohshme, sërish ky apel ngjan të jetë shumë maksimalist për një opozitë që ka brenda vetes dilema politike. Kështu, strategjia e protestave pak kohë para nisjes së zgjedhjeve lokale, me qëndrime që vënë në pikëpyetje edhe vetë zhvillimin e këtyre të fundit, lidhet ngushtë me nevojën e PS-së për të hyrë në një garë ku vota nuk vidhet. Emri i Kryeministrit Sali Berisha është bërë pjesë negative e fushatës politike të selisë rozë lidhur me manipulimin e zgjedhjeve të përgjithshme të 28 qershorit, madje simbol i manipulimit të tyre, ç’ka për rrjedhojë ka hapur parantezën e krizës së besimit mes palëve. Deklarime të ndryshme të drejtuesve socialistë e kanë lidhur emrin e Berishës me pasigurinë elektorale, e cila është që prej 20 vitesh alibia kryesore e të gjitha partive politike në Shqipëri. Por një ndryshim në qeverinë aktuale, qoftë edhe si rotacion i brendshëm në koalicionin aktual, siguron avantazhe të tjera për opozitën. Largimi i Sali Berishës nën presionin e protestës është investimi më i mirë psikologjik i PS-së, e cila hyn në garën elektorale me një sukses thelbësor.

Edhe pse pak e besueshme, po të nisesh nga historiku i këtyre viteve, skenari i tanishëm ka në themelin e vet një premisë favorizuese, që është situata ekonomike. Edhe dje sekretari organizativ i PS-së, Blendi Klosi, është shprehur i vendosur se “protestat do të kenë në fokus situatën ekonomike dhe transparencën e zgjedhjeve të 28 qershorit... e sigurt është se ato nuk do të ndalen deri në largimin e qeverisë”. Një mesazh që kësaj radhe në të dyja referencat e veta përputhet si me realitetin ashtu edhe me angazhimet zyrtare të shumicës në pushtet, e cila ka pranuar rezolutën e 8 korrikut që kërkon hetimin parlamentar të 28 qershorit. Mënyra e vetme sesi mund të realizohet rënia e qeverisë shihet tanimë te kriza e provokuar nga një Parlament i paaftë të miratojë ligje organike, një situatë ekonomike e rënduar, një dukuri e përhapur dhe e dokumentuar e korrupsionit qeveritar, si dhe më shumë, një klimë destabilizuese e shumicës. Pikëpyetja e vetme që buron nga ky kuadër i krijuar, por edhe i kapur në kohë nga opozita, është ajo se çfarë kjo e fundit kërkon realisht dhe se çfarë ajo do të negociojë për arritjen e objektivave të veta.

[DYDRINAS]

Koha per te shkruar ne gazeten Tema per Gary Kokalarin! Po ai eshte ne pergjim te telefonave dhe te e-maileve!

Koha per te shkruar tek Tema per Baze Meron, sepse ai quhej dikur Mero Baze, por tash qe ka dal ne skene me antilibrin e ngjarjeve te vitit 1997, duhet te nderroje dhe vendet e emrit dhe te mbiemrit.

E mor Baze Meroja sa poshte ke rene!

Me te gjitha keto qe ben, ne fakt vetem po e nxjerr vetveten lakuriq, duke deshmuar me se miri se gjithe shkrimet e tua te meparshme paskan qene vetem nje perpjekje tinzare dhe asgje me teper.

Eshte ceshtje karakteri! Me pas eshte dhe ceshtje parash!

[DYDRINAS]

Realitete merobaziano-berishiane, ose kjo «Çorapja» blu tregon demokracinë!

08 Janar 2010

Nga Kastriot Myftaraj

Mero Baze, pas sulmit tronditës që i bëri «Rilindja Demokratike», në 5 janar 2008, në një editorial të nënshkruar nga kryeredaktori Bledi Kasmi, që e quajti Mero Braçe, reagoi në një replikë me titull «Sqarim për politikanin Lulëzim Basha», të botuar tek gazeta «TemA», në 6 janar 2008. Në këtë replikë Mero Baze e akuzon Lulëzim Bashën se është autori i artikullit në RD, dhe se e ka përdorur emrin e kryeredaktorit të RD, Bledi Kasmi si pseudonim. Me këtë Mero Baze kërkon të gënjejë veten, ose më saktë lexuesit, sikur sulmi nuk i vjen nga vetë Berisha, por nga Basha. Mero Baze ka të drejtë kur thotë se emri i kryeredaktorit të RD, Bledi Kasmi në këtë rast është përdorur thjesht si nome du guerre nga tjerë që janë shumë më lart në PD, se Mero i njeh shumë mirë praktikat mediatike të PD, por Mero tregohet naiv, ose më saktë kërkon të mashtrojë lexuesit, kur thotë se emri «Bledi Kasmi» në këtë rast është nome du guerre i Lulëzim Bashës. PD nuk do të ishte ajo parti që është dhe RD nuk do të ishte ajo gazetë që është, sikur editoriale të tilla të botoheshin pa lejen e Berishës. Mero Baze të gjitha këto i di shumë mirë. Është shumë qesharake të lexosh se si Mero Baze në shkrimin e vet flet me shumë indinjatë për ata që shkruajnë me pseudonime, duke e quajtur këtë një traditë të keqe të RD dhe shtypit të djathtë, që sipas Meros ishte mbyllur, derisa nuk e çeli Basha: «Lexova dje shkrimin tuaj të botuar në gazetën RD, me pseudonim, ku rreshtoje një sërë shpifjesh të rëndomta ndaj meje pa asnjë gjë të vërtetë dhe më duhet të sqaroj për disa elemente që nuk kanë të bëjnë me të, por me profilin tuaj si politikan Në atë kohë përdorej rëndom pseudonimi Dylejman Karaj, tani është gjetur një pseudonim më i pranueshëm». (gazeta «TemA», 6 janar 2008, f. 1)
Por, Mero Baze, ka qenë ai, i cili është shembull i gazetarisë dhe publicistikës pseudonimse, duke qenë se ai bëri para në karrierën e gazetarit dhe publicistit, herën e parë që PD ishte në pushtet në vitet 1992-1997, vetëm për faktin se emri Mero Baze ishte nome du guerre mediatik i kryetarit të ShIK, Bashkim Gazidede dhe i vetë Berishës. Prova më e mirë për këtë gjë është libri i Mero Bazes Realitete shqiptaro-amerikane. Mero Baze. Dhe kjo është vetëm maja e ajsbergut e përdorimit të Mero Bazes si pseudonim. Në përgjigjen e vet, Mero Baze, atë çështje që duhej ta trajtonte të parën, e çon të fundit, kur shkruan: «Së fundi, dua të sqaroj dhe problemin e biznesit tim. Është e vërtetë se qysh muajin parë që PD erdhi në pushtet u detyrova të shes gazetën, pasi kisha 240 mijë euro borxh, për shkak të përkushtimit tim gjysmë donkishotesk për të risjellë në pushtet Partinë Demokratike dhe për të qenë avokat i saj për tetë vite, kur e braktisën të gjithë». (gazeta «TemA», 6 janar 2008, f. 10)

Lulëzim Basha mund të mos i dijë disa gjëra se nuk ka qenë në Shqipëri, por ne që kemi qenë këtu, dhe kemi qenë monitorues të vëmendshëm i dimë gjërat shumë mirë. Ajo që nuk e thotë Mero Baze në këtë rrëfim të «të sinqertit djall» është se, me të ardhur PD në pushtet në 2005 Mero Baze ia shiti gazetën e vet për 500 mijë euro pronarit të ndërtesës në qendër të Tiranës ku do të vendosej kazinoja greke, kur PD, gjatë fushatës, e kishte kritikuar shumë ish-kryeministrin Nano për dhënien e lejes për hapjen e kësaj kazinoje në qendër të Tiranës, dhe PD kishte premtuar se do ta zhvendoste atë jashtë Tiranës. Flamurtari i luftës mediatike kundër kazinos kishte qenë kurrkush tjetër veç i bukuri shejtan, Mero Baze. Për këtë gjë Mero Baze pati një debat të bujshëm mediatik, në shtyp dhe televiziv, me shefin e «Mjaft», Erion Veliaj, i cili ia kujtoi Bazes të gjitha ato që kishte thënë kundër kazinos, pas të cilit debat nuk mbeti kush pa e marrë vesh këtë aferë të pistë të Bazes. Pse duhej që pronari i ndërtesës ku do të vendosej kazinoja greke, një biznesmen i majtë, të cilin për më tepër Mero Baze e kishte sulmuar ashpër në vitin 1998, sikur i kishte privatizuar mjediset në Parkun Rinia me çmim simbolik, për shkak se ishte kushëriri i zëvendëskryeministrit të atëhershëm socialist, Kastriot Islami, të blinte gazetën e Mero Bazes për 500 mijë euro? Aq më tepër duke i lënë Mero Bazes, siç i njoftoi ai lexuesit të drejtën që të vazhdonte shkruante në gazetë dhe madje të drejtonte politikën editoriale të gazetës. Është e qartë se pronarët e kazinosë gjetën si rrugën më të mirë për të siguruar mbështetjen e kryeministrit të ardhshëm Berisha, që të blinin Bazen, Rasputinin e Berishës. Prapaskena e kësaj afere ishte se blerësit në fakt po i jepnin 500 mijë euro Bazes, duke ia lënë në dorë edhe kontrollin e gazetës, që do të vazhdonte të financohej prej tyre. Pra, përfitimi i Bazes ishte i dyfishtë. Pas kësaj Mero Baze ndërpreu luftën kundër hapjes së kazinos dhe u bë një simpatizant i saj. Kështu, i pari njeri që e kompromentoi qeverisjen e duarve të pastra të PD, të dalë pas zgjedhjeve të 3 korrikut 2005, nuk ishte ndonjë ministër, as ndonjë drejtor por ishte vetë Mero Baze, i bukuri shejtan.
Po të besojmë atë që thotë Mero Baze se kishte 240 mijë euro borxh, për shkak të përkushtimit të tij ndaj PD në opozitë, atëherë, pas pagimit të borxhit ai doli me një fitim prej 260 mijë eurosh, si dhe me të drejtën që ta kishte përsëri gazetën nën kontroll, duke mos pasur nevojë që të merrte borxhe për të, se do ta financonte pronari, duke filluar që nga rroga super e lartë e Meros që do të paguhej si editorialist. Por ne të tjerët që nuk kemi qenë emigrantë si Lulzim Basha, dhe kemi qenë në një pozicion për të mësuar disa gjëra më tepër, mund të themi më tepër për punët e Meros. Unë që kam shkruar nja njëqind artikuj tek gazeta TemA, kur PD ishte në opozitë (për shkak të parimit tim që të shkruaj vetëm në gazeta opozitare), nuk e kam dëgjuar Meron ndonjëherë të ankohet se po merr borxh për të mbajtur gazetën. Meroja ankohej vetëm se i duheshin shumë përpjekje për të marrë donacione në lekë nga biznesmenë të ndryshëm, dhe krenohej se ishte në gjendje t u merrte para dhe të majtëve. Nëse Mero thotë se ka marrë 240 mijë euro borxh për të mbajtur gazetën e tij pro PD në kohën që PD ishte në opozitë, ai duhet të thotë se kujt ia ka marrë këto borxhe. Mos ndoshta Mero konsideron si marrje borxhi faktin që një biznesmen atëherë i majtë dhe pronar i një televizioni që sot është pro PD, i lëshoi Meros pa pagesë ambiente të bollshme dhe luksoze në një pallat të ri, për gazetën?
Pastaj, si shpjegohet që ky Mero Baze, që nga tetë vjet qëndrimi të PD në opozitë, doli me 240 mijë euro borxh, për shkak të përkushtimit të tij ndaj PD, gjatë kësaj kohe që PD ishte në opozitë bleu dy shtypshkronja dhe ndërtoi një vilë në Golem, në bregdet? Mero Baze nuk sqaron se ku e gjeti shtypshkronjën ku thotë se shtypet RD, kur i drejtohet Bashës: «Ti duhet të kesh guximin t`i përballosh vetë betejat publike, jo të bësh letra me pseudonime në gazeta dhe të vësh në pozitë të vështirë miqtë e mi të vjetër në atë gazetën RD, të cilët nuk i kam lënë dje të japin dorëheqjen, vetëm pse dua të shikoj se deri ku shkon pafytyrësia që fshihet pas buzëqeshjes tënde. Për më tepër, më duhet të them se kanë 7 muaj që nuk kanë paguar as shtypshkronjën dhe kjo gazetë shtypet me paratë e mia, duke botuar shpifjet e tua kundër meje». (gazeta «TemA», 6 janar 2008, f. 10)
Pra, Mero Baze vetë thotë se ai nuk është thjesht gazetar dhe botues, por edhe biznesmen, që ka në pronësi shtypshkronjë. Dhe këtë shtypshkronjë Mero Baze e ka blerë në kohën kur PD ishte në opozitë. Madje atëherë Mero Baze bleu dy shtypshkronja njërën pas tjetrës, njërën më moderne se tjetra. Në shtypshkronjat e Mero Bazes shtypeshin të gjitha materialet elektorale të PD, si dhe materiale të tjera të nevojshme për PD. Dhe PD e paguante shtrenjtë Mero Bazen për këto shërbime. Vetëm për materialet e mitingjeve Nano ik Mero baze i çoi PD një faturë prej 8.5 milion lekë të reja, gjë që shkaktoi protesta nga njerëzit e administratës së PD, njëri prejt të cilëve, deklaroi hapur se ai mund t i bënte në një shtypshkronjë tjetër për vetëm 1.5 milion lekë, madje me cilësi më të mirë.

[DYDRINAS]

Mero Baze, ish-anëtar i këshillit Bashkiak, votoi për shitjen e tokës Besnik Sulajt


Në mbledhje e Këshillit bashkiak të Tiranës, të datës 17 shkurt 2005, ndër anëtarët e këtij këshilli që votoi “pro” shitjes antiligjore të 1310 m2 tokë, Besnik Sulajt, ishte edhe Mero Baze, atëherë këshilltar i PD-së. Pas kësaj vote, faktet, të bëra të ditura publikisht dhe të pranuara nga Mero Baze, treguan se midis botuesit të gazetës “Tema” dhe pronarit të “Taiwan”-it, u ndërtuan marrëdhënie biznesi. Sipas këtyre marrëdhënieve, Mero Baze ia shiti gazetën Besnik Sulajt me një çmim prej 500 mijë euro dhe pas dy vjetësh, ia bleu sërish me tarifën “falas”. Ky veprim, më tepër se një shitblerje, mendohet se ishte një transaksion që kishte për qëllim, në rastin më të keq, pastrimin e parave, dhe në rastin më të mirë, “shpërblimin” për botuesin e “Tema”-s, nga pronari i “Taiwan”-it, jo aq për votën në Këshillin Bashkiak të datës 17 shkurt 2005, sesa për marrjen përsipër dhe “mbylljen” e gojës, për të gjitha mediat, në tentativën e tyre për të pasqyruar këtë skandal. Sipas arkivave të medieve, mësohet se të nesërmen e votimit të këshillit bashkiak, por edhe në ditët e tjera, asnjë gazetë (veç gazetës “55”), nuk ka denoncuar skandalin e shitjes antiligjore të 1310 m2 tokë, nga Edi Rama, për Besnik Sulajn, me “çertifikimin” e Këshillit Bashkiak.

[DYDRINAS]

Si e genjen Baze i II, Bazen e I


"Une nuk di pse qenka "mafioz" Artan Dulaku, nje nga biznesmenet me korrekte te Shqiperise, dhe ndertues cilesor, i cili nuk ka perfituar asgje nga projektet publike te qeverise.." keshtu shkruan Mero Baze per pronarin e tij te ri ne televizion, por me poshte do te permendim komplimentet qe autori thote per Dulakun kur ende nuk kishte marre graden ushtarake ne kampin e opozites. Kjo eshte fjalia e gatshme e shkruar dje Baze, fraze qe ai e ka gati per ate qe i sherben ne nje periudhe te caktuar te cilen ai e nderron sipas motit ekonomik qe i troket. Tani ai eshte bere kolona zanore e Edi Rames per mitngjet e shpelara gjithnje e me shpesh nga brendia e pambushur me motiv. Mbetur ne ishull a thua Ben Blushi e ka bere romanin e pare si pararendje per kryetarin e partise se tij, Rama nuk po di te sillet ndryshe vetem ashtu si ia sugjeron e keshillon mbrapsht binomi tepelenas qe tani perfaqesohet nga i klonuari Baze per te e ne emer te tij, duke zbehur perdite palcen socialiste te familjes politike qe drejton. Kur ka rremuje e mjegull shkronjesi perserites gjen pune ne kampin e trazuar te pallateve dhe nis e mbron butesisht ata qe ka masakruar egersisht vetem ca muaj me pare, dhe nje perendi e merr vesh se si ata qe mbajne brenda kazermes vazhdojne ti besojne atij, e telasheve qe sjell ai, ngaqe nuk di asgje tjeter te pjelle ne mendjen e permbysur.

"Tema" qe na fakt perdoret nga Baze por ne pronesi eshte e kujtdo pervec tij, me gjithe vuajtjet ekonomike te lajmeruara prej saj, qe ne baze te subjektit nuk reflektohen, ka teresisht nje permbajtje urrejtjeje ndaj Partise Demokratike, pasi ndjehet xheloz qe nuk perdoret, ndihet i hedhur dhe nuk mundet te abuzoje me ndikimin, aq sa beri namin te binde dynjane ta rrahin qe te rifilloje perdorjen, qe do te pranonte ta rrihnin dite per dite, mjafton te dukej njehere aty ku ishte dikur dhe diku.

Baze eshte modeli me i mire i shitjes se pabese te punedhenesve, duke shfrytezuar me mire se pakkush ne qarkullim interesin e tij pavaresisht se kundert kujt hedh shpifje te pamatshme e krahasueshme per nga lloji i leksikut. Dhe "opozitari" i sajuar ndryshe nga sa mendonte ne shkrimin e disa diteve me pare se reagimi i Rames ishte normal, ngjan se ka nderruar mendje te asaj qe thoshte ne gazeten "Tema" me 23 shkurt te vitit 2007 se "Sali Berisha beri zgjedhje te lira dhe te ndershme shume larg zgjedhjeve te Edi Rames. Nuk preku asnje vote, nuk perdori median dhe gazetaret si leter higjienike..."Ai qe tani mbrohet nga perdoruesi i gazetareve si leter higjienike ka vajtuar bash aty, ne ate cerdhe e seli te njeriu qe sipas tij perdoresh ne te njejten menyre si leter higjienike, e sigurisht ketu Baze nuk percakton detajet e perdorimit te subjektit dhe objektit. Dhe me tej ai percjell bindjen e tij njeperdorimshe se "Le te jete Edi Rama politikani i fundit ne Shqiperi qe mban nen kontroll dhe gati si ushtare nje tufe te madhe gazetaresh, botuesish, ndertuesish dhe veprimtaresh qe duan te marrin dhe poza te paanshme". Pra BazeI eshte i bindur se Baze II ka shkuar aty ku perdoren edhe ndertuesit e po punon aty ku perdoren si leter shumekush per shumecka. Dhe po si vezhgues i holle ndaj medias ai po ne kete vit me date 9 maj 2007 shkruan ne fletoren e tij familjare se

"Ne rastin konkret, dy televizionet kryesore qe po protestojne "... dhe "Vizion Plus", kane realisht nje performance te mire ne treg dhe e meritojne te konkurrojne per zgjerim licence apo licence kombetare. Por qe te ndodhe ky proces, duhet qe doemos te marre fund psikologjia e zaptimit te cdo gjeje prej tyre dhe konsiderimi i vendosjes se ligjit si sulm ndaj tyre.

Nuk eshte se qeverise i shkakton ndonje problem ankesa e tyre, por ne teresi, ne opinion, ata japin nje leksion te keq te moralit qe kane per ligjin. Per me teper, duke qene media te angazhuara fort kunder qeverise, shpesh dhe pa qetesine e duhur, sic i ndodh shpesh medias ne Shqiperi,(thua ti kete ndodhur dhe Bazes se II) kur rreshtohet politikisht, sepse gazeta qe ai ben eshte e sterreshtuar politikisht qe ka gjithe faqen e pare 25 deri ne 30 here me agresive se Zeri I Popullit kunder partise Demokratike dhe kryeministrit pasi ai shton se " behen dhe me pak te besueshem ne kritikat e tyre".

Me tej ne te njejtin artikull autori vijon se:

"Kjo metode shantazhi ndaj shtetit vetem per interesa te nje pronari duhet te marre fund...E njejta gje dhe per "Vizion Plus"-in. Dy jave me pare, ata ishin dakord per ligjin e transmetimeve dixhitale, se kishin interes te ishin konkurrente me "Top Channel"-in, kurse tani ulerasin ne nje kor, vetem pse dikush iu thote zbatoni ligjin. Te dyja keto televizione mund te marrin licence dhe te zgjerojne hapesirat e tyre, nese duan te ndjekin rrugen ligjore. Nese nuk duan te marrin licence, por ta perdorin kete rast per te bere beteja politike me qeverine, kjo eshte tjeter gje. E verteta eshte se me gjithe sikletin, me te cilin iu vihet ne krah opozita, ata qe humbasin me shume ne opinion jane vete televizionet. Ata behen aktore te moszbatimit te ligjit dhe cdo akuze e hedhur ne ere ndaj qeverise ne kete rast sa i shton pike asaj. Pasi kjo eshte njesoj sikur une te nis nje pallat pa leje ne mes te Tiranes(kjo duhet pare se sa e vertete eshte se mbase dhe ka ndodhur) dhe, nese me vjen Edi Rama te ma prishe neser, t`i them diktator dhe armik i shtypit" (ashtu si po i thote sot qeverise po per nje pallat te ndertuar ashtu)

Si nje kompliment per pronarin e Vizion + vjen dhe mbyllja e komentit te tij " Eshte mire qe, nese e kane sinqerisht qe duan te licencohen, te zbatojne ligjin dhe KKRT-ja t`i toleroje duke mos ua quajtur penalitet faktin qe ata kane zaptuar hapesiren. Pas kesaj, t`i lihet kohe hapjes se procedures per licencim. Rruga qe kane zgjedhur, pervecse ndihmon ca deputete qe s`i duhen njeriu te dalin ne ekran, nuk eshte zgjidhje per ato ekrane qe duan te jene te besueshme dhe popullore ne vend. Pronaret e tyre po behen zhurmuesit reale te tyre."

Me 30 prill 2004, Baze vazhdon telenovelen e tij kunder pronarit te pallatit te Ylli Rakipit thote ai..ne shkrimin "Shtypi qe po nderton "Tiranen e re" duke perfshire edhe kryebashkiakun ne kete histori sherri sipas tij ku thote se "Ka disa dite qe dritaren e redaksise se gazetes 'TemA' e zhurmojne ca sharra diamanti qe presin betonin e pallatit qe nderton pronari i gazetes "Albania" Ylli Rakipi. Pas ankeses te firma ndertuese, mesuam se ka nje gabim ne projekt, pasi eshte harruar te shkoje ashensori deri ne katin e pare dhe pronari po pret perseri kolonat e betonit. Cudia eshte se kryebashkiaku Rama, qe shikon me imtesi edhe ngjyrat e ballkoneve ne Tirane, pronarit te gazetes "Albania" nuk i ka pare as projektin amator qe ka bere pa parà, i cili rrezikon te shembe pallatin dhe te zere brenda gjithe lagjen..."

Dhe me tej po per Albania thote se "ka disa dite qe betejen e vetme te provokuar kunder Edi Rames, nga disa zera te shkeputur te opozites, ai po perpiqet ta fitoje me median qe i eshte vene ne dispozicion, me gazetat qe marrin leje ndertimi pa projekt sic eshte rasti i gazetes "Albania". Ne kete menyre kolona e re zanore e mitingjeve te opozites qe lexohet fjale per fjale nga Rama ka provuar akuzat e kryeministrit duke i cilesuar njelloj te verteta.

Dhe nuk harron televizionet duke shtuar se "Me televizione, pronaret e te cileve jane pronare pallatesh (Mos valle Baze e ka pasur per Dulakun e Vizion + ku po punon aktualisht Baze II?) dhe presin legalizimet e shtesave... Kur shqiptaret shikojne kete beteje te pabarabarte mes disa zerave kunder Rames dhe borive te Rames, natyrisht mendojne qe e drejta eshte me Ramen. Sepse lexuesit dhe shikuesit nuk dine cfare ndodh pas ekraneve dhe redaksive te blera prej Edi Rames. Ndryshe nga dje ku Baze thote se "Une nuk di pse qenka "mafioz" Artan Dulaku, nje nga biznesmenet me korrekte te Shqiperise, dhe ndertues cilesor, i cili nuk ka perfituar asgje nga projektet publike te qeverise..." ai shkruante se "Ata dine qe "Albania" eshte gazete e jo pallat pa projekt, ata e dine se "Vizion Plus" eshte televizion, jo shtesa te palegalizuara..." Pra sipas Bazes se Pare Dulaku dhe Vizion jane pallate te palegaliuara, ndersa sipas bazes se Dyte, biznesmeni eshte me korrekti ne Shqiperi. Keshtu e ka burimi me i madh i shpifjes ne Shqiperi qe pretendon se eshte media e lire, qoftlarg nese tenton kush ta marre te mireqene besimin ne kete individ. Sepse mbyll shkrimin e 30 prillit Baze "Thjesht jane popull qe duhen sqaruar tani qe po shpallemi neper ekrane "armiq te perparimit" nga Edi Rama". Pra Dulaku nuk qenka biznesmeni me korrekt ne Shqiperi sipas Bazes se pare po sipas Bazes se Dyte. Me merka te pallatet serish ne arkiv gjen xhevahire te tjera ku lexon akuzat qe "investigatori" nga zyra ka sajuar bukur

Ja si shkruan pese vjet me pare Baze i Pare qe sot ka marre nen mbikeqyrje ZP "Ka disa dite qe gazeta 'TemA' po boton disa zera oponente kunder perpjekjes se kryebashkiakut per te zaptuar trojet bosh te Tiranes ne sheshet qendrore te kryeqytetit, te cilat i quan si detyrime ndaj "Projektit Francez. Por zerit te vetmuar te gazetes i jane sulur me egersi gazeta, televizione, pronare mediash dhe ndertues qe jane te shqetesuar per Edi Ramen". Druaj se shkruesi per nje grusht dollare ka vajtur tani ne preher te atyre qe cilesonte dikur egersirat qe ushtojne sheshet e qendres, qe fatmiresisht kryeministri e qeveria i ktheu ne lulishte ua ktheu qytetareve te Tiranes.

Dhe me tej sinqerisht si gjithnje shkruan se "Shkaku eshte se shumica e pronareve te televizioneve tona, mes te tjerash, jane ndertues ose presin t'i kalojne krizat financiare te televizioneve, duke marre ndonje shesh ndertimi nga ato qe ka ne dore Edi Rama".Tani qe i thote vetes pronar medie te cilen e sulmoka qeveria, mos valle Baze i Dyte kerkon te perfitoje nga dobesia e Rames per te blere media? Sepse nese ai Mero Baze i beson Mero Bazes, atehere sipas paragrafit te parafundit Rama e ka blere me kohe!!!!!! Mbetet te na tregoje se me sa me cfare dhe kur do ta shese...???? E ne arkiv po te kesh durim gjen paudhesi pafund te njeriut qe po mundohet te shkaterroje zanatin fisnik te gazetarit, me pretendimin se po sulmon korrupsionin, thjesht nga fakti qe ate nuk e lane te bente korrupsion.



Basir Collaku

E Enjte, 17 Dhjetor 2009

Koha Jone

[DYDRINAS]

Paqja e rreme e opozitës me Edi Ramën

25 Prill 2004

Nga Mero Baze

Në një miting kulmor të lëvizjes “Nano Ik” të muajit shkurt, në Pallatin e Brigadave në Tiranë, Kryeministri, i çoroditur nga dhjetëra mijëra njerëz që kishin mbushur bulevardin, firmosi me një dorë tek celulari dhe tjetrën tek stilolapsi, të ashtuquajturin “Projekt Francez” për qendrën e Tiranës. Prej asaj dite bota e biznesit të ndërtimeve në Tiranë, po përjeton një tronditje të madhe jo vetëm financiare, por mbi të gjitha profesionale. Prej atij momenti “Projekti Francez” nuk është më një projekt për të ardhmen e Tiranës, por një projekt shantazhesh për botën e sotme të biznesit të ndërtimit, për konkurrencën e lirë në Tiranë dhe, mbi të gjitha, një mekanizëm gjigant korrupsioni që po thith me shpejtësi gjithë botën e nëndheshme të krimit dhe parave të pista në kryeqytet. Prej asaj dite, nuk ka më një projekt francez, por një maket që lëviz me qetësi sa herë që dikush troket në dyert e sekserëve për të kthyer lulishtet në sheshe ndërtimi dhe sheshet e ndërtimit në lulishte ose hapësira publike. Prej asaj dite, ai projekt nuk i përket më të ardhmes së Tiranës sipas një vizioni perëndimor, siç përpiqet ta paraqesë mafia e ndërtimeve në Tiranë, por thjesht një maket me “shkumë deti” që është ndërtuar mbi një tavolinë dhe jo duke pasur parasysh Tiranën e sotme. Së paku redaksia jonë ka kontaktuar disa ekspertë të arkitekturës në Tiranë që të tregojnë mashtrimet e mëdha të projektit. Të tregojnë se si, për shembull, pallatet 12 katëshe të Xhillarit (dhe Xhillari me Magjistarin janë bashkë tek Milleniumi) tek tregu çam, nuk figurojnë në maketin e ri të paraqitur sikur s’janë, ndërsa janë devijuar dhjetëra akse rrugore apo janë shmangur parime urbanistike për të mbrojtur dhe legjitimuar bizneset që kanë lidhje me kryebashkiakun. Është zvogëluar pasuria më e madhe e Tiranës “Sheshi Skënderbej”, për t’u shitur tani dhe jo për hir të së “nesërmes” së Tiranës që pretendohet dhe, nga ana tjetër, lulishte historike si lulishtja mes Parlamentit, PD dhe Institutit të Monumenteve, një herë është paraqitur lulishte nga francezët, herën tjetër po nga francezët është paraqitur si 22-katësh. Firma franceze e cila nuk ka ardhur në Shqipëri për herë të parë për konkurs, por për të projektuar një gjigant të Rudina Magjistarit dhe Xhillarit te ‘Millenium 1′, po noterizon gjithë bizneset gjigante të Edi Ramës në fushën e ndërtimit, nën një paqe politike për t’u pasur zili, nga mungesa e një vizioni të qartë të opozitës për të bërë, krahas luftës politike, debat mbi këtë megakorrupsion. Dhe si për t’i vënë vulën kësaj, njerëz të Edi Ramës dhe afër tij, vazhdojnë të punojnë të qetë, pasi te Fatos Nano thonë se kanë gënjyer opozitën dhe te ndonjë idiot i opozitës thonë se janë duke bashkëpunuar me opozitën për të rrëzuar Fatos Nanon! Në të vërtetë ajo që po bën Edi Rama, ka pasoja të pallogaritshme për të ardhmen e kryeqytetit, nga ato çfarë po bën Fatos Nano. Fatos Nano është një kryeministër që mund të largohet sot ose nesër dhe të na lërë tregues të këqinj ekonomikë, banda me pushtet, monopole a ku di çfarë tjetër. Ajo që po bën Edi Rama është një korrupsion historik. Ai nuk riparohet më. Kullat e tij shumicën e të cilave i ka firma e Kinema “Millenium” nuk janë kioskat e Sali Kelmendit që mund t’i prishë edhe Mitat Havari. Ato janë dhuna reale që po ushtrohet jo vetëm mbi urbanistikën e Tiranës, por mbi të gjitha mbi tregun dhe historinë e zhvillimit të Tiranës. Ai po ndal orën e Tiranës, për t’u pasuruar dhe për të krijuar një klasë të re pronarësh në Tiranë, përmes zyrës së tij të lejeve të ndërtimit, të cilat nuk firmosin asgjë që nuk kalon prej tyre, ose që nuk paguhet tek ata. Ai është sot kështjella e korrupsionit zyrtar dhe historik të Shqipërisë, edhe për faktin se po përpiqet të shfrytëzojë tymin e luftës politike për të fshehur malin e parave të pista që po vë në lëvizje për të prodhuar “Një Tiranë të Re”, e cila nuk ka as vlerën e së vjetrës, as hijeshinë e së resë. Projekti francez nuk është as “francez”, as shqiptar, as vizionar, as profesional. E ç’mund të dalë nga ngrysjet dhe gdhirjet së bashku të Magjistarit me arkitekten franceze, ngrysjet dhe gdhirjet së bashku të Ramës me disa biznesmenë që nuk kanë kohë të lajnë duart nga plastelina e butë e maketit të “Projektit francez” dhe, mbi të gjitha, nga tymnaja e përhapur prej Ramës se opozita është në paqe me të?! Kjo që po ndodh është thjesht shantazh mbi Tiranën, mbi biznesin, mbi traditën dhe mbi politikën e hutuar shqiptare, e cila kurrë ndonjë herë nuk i ka bërë nder padrejtësisë dhe korrupsionit, si në rastin e këtij projekti, i cili nuk po shpërfytyron vetëm Tiranën.

[MaDaBeR]

Kane pas than te vjetrit nga malsia, "Budalli tregon vet"

Kte po na tregon dhe Mero çdo dite, qe nuk eshte me shume se nje hajvan dhe qe nuk eshte nje njeri i qendrueshem, me te cilin mund te kesh miqesi. E njoh personalisht, nga nje person qe i ka ndenjur shume prane, e ka ndihmuar shume Meron, dhe ne fund Mero ja shperbleu siç di te shperbleje ky.

Me pak fjale, eshte nje zagar qe te han fshehtas.

[RAPTILOID]

Brokaj: Zgjedhjet e parakohshme, e vetmja rruge
Gazeta Shqip

Politikani veteran i së majtës mbështet idenë e kolegut Sabri Godo
Zgjedhjet e parakohshme aktualizohen si perspektivë e daljes nga kriza politike e tanishme. Deklarimet e ardhura në përditshmëri se “koalicioni është më solid se kurrë” duket të jenë më shumë një mesazh me natyrë elektorale sesa një analizë e mirëfilltë e realitetit në vend. Krisjet e ndodhura së fundmi në Parlament, akuzat e rënda për korrupsion dhe protestat e opozitës po ngrenë në tërësi bllokun e opinionit kritik ndaj një qeverie që edhe brenda shumicës nga ka dalë priret të izolohet. Kështu, pas deklarimeve të para dy ditëve të republikanit të njohur, Sabri Godo, për nevojën e zgjedhjeve të parakohshme, një tjetër zë i njohur i politikës apelon të njëjtën gjë. Sabit Brokaj, ish-ministër në disa kabinete, deputet dhe politikan aktiv i të majtës për 20 vjet deklaroi dje se zgjidhja e situatës së tanishme është vetëm ritestimi elektoral. “Zgjedhjet e parakohshme janë e vetmja zgjidhje. Madje, unë mendoj se është vonuar në këtë drejtim. Nuk mund të zgjidhen problemet me zvarritje të tyre dhe me shtyrjen e tyre”, tha Brokaj. Ai ka nënvizuar nevojën e daljes nga situata e vështirë që ka mbërthyer vendin dhe që po i faturon atij mjaft kosto. Një arsyetim i tillë ka zënë vend tanimë si në linjën zyrtare të Partisë Socialiste dhe opozitës që ajo bashkon vetvete, por edhe në disa drejtime brenda të djathtës e cila me qeverinë e tanishme, ose e sheh veten të papërfaqësuar me një të ardhme të mbyllur, ose si një investim i dështuar i saj që me imazhin e ndërtuar rrezikon ta lërë atë jashtë pushtetit për shumë kohë. Në një mënyrë, ecuria e qeverisjes së vendit nga Sali Berisha përbën një problem të vërtetë edhe për rotacionin e drejtimit të vetë Partisë Demokratike, e cila prej 20 vitesh ndodhet në duart e një njeriu të vetëm. Por emri i Kryeministrit aktual ngjan të jetë shumë shqetësues dhe gati sinonim i përfytyrimit të zgjedhjeve si guerilje e pashpallur, edhe për të majtën që vuan aktualisht statusin e opozitës edhe për shkak të të panjohurave që lindën në 28 qershor 2009. Brokaj ka qenë shumë i qartë në këtë drejtim teksa ka përjashtuar si dy gjëra të pamundura me njëra–tjetrën, zgjedhjet e lira dhe të rregullta me Sali Berishën drejtues qeverie dhe indirekt administrator i tyre. “E kam thënë edhe më parë. Me Sali Berishën në krye të vendit nuk mund të ketë asnjëherë zgjedhje të sigurta dhe të rregullta. Ai vuan dhe shoqërohet nga kompleksi dhe parimi leninist: pushteti me çdo kusht dhe me çdo mënyrë”, deklaroi politikani i majtë, Sabit Brokaj. Në një vështrim përgjithësues, përvoja e deritanishme elektorale në Shqipëri, ku një forcë politike arrin pushtetin në sajë të manovrës dhe jo sasisë së votave e ka sjellë opozitën socialiste në përfundimin se vetëm me largimin e përgjegjësit të manipulimeve mund të ketë ndryshim politik. Sado legjitim të jetë Kryeministri aktual, si në aspektin e certifikimit zyrtar të zgjedhjeve ashtu edhe në certifikimin politik të shkathtësisë së tij, e ardhmja paradoksalisht kushtëzon vënien në jetë të taktikave të deritanishme. Deklarimi i Brokajt, që vjen në koherencë me angazhimin e PS-së bën me dije se zgjedhjet e ardhshme janë një mundësi e vërtetë vetëm nëse qeveria nuk do drejtohet nga Kryeministri aktual, një zhvillim që do të duhet gjithsesi të konfirmohet nga opozita.