Popullsia shqiptare në Mal të Zi

[Bond007]

Sa ju perket ketyre fjalve te shumtat jan me se te sakta ...!
Sepse populli shqiptar qe mbeti nen mal te zi u asimiluan mese shumti me llun...
Sa ju perket boshnjakve eshte nje gje interesante ! sepse si nga sllave poashtu edhe nga shqiptaret u ben Boshnjak cka jan boshnjaket !? ata te cilet ndrruen gjuhen kombin edhe fen ... ne kohen e sundueve otoma e pastaj kur hyri sllavizmi e ndryshuan e flasin gjuhen sllave keta jan boshnjaket , ka edhe nga sllavet qe u asimilium ne kohen e sundimit Otoman ... jan boshnjak qe flasin gjuhen sllave.

po e sielli edhe nje hart interesante qe ta shifni "Sa e madhe Ishte SHQIPERIA" shteti am i gjith shqiptareve se bashku ....

Ketu shifet se mali i zi me ndihmen e serbis edhe shteteve sllave ekan perzan dhe okupua vra pre dhe masakrua popullin shqiptar edhe mene fund ikan asimilua me llun sic jan ndrrua mbreterit pas sunduesave Otoman qe kan qendrua 5 shekuj dhe shkatrrua Shqiperin etj...!


Ju pershendes me respekt Bond007

[bela70]

Këtë temën e asimilimit e kam punuar dhe me par dhe është këtu diku në forum


Ja tani do i japi do mbiemra familjeje qe jan asimiluar ne SerboMalazez ,Boshnjak e Turq.
SM =serbo malazez
B =boshnjak
T =Turk
Kada-Kadiq i kisha komshi te par.
Gjuka-Gjukiq-Gjukanoviq(SM)
Boja-Bojiq-Bojoviq(SM)
Bojku-Bojkoviq(SM)
Gashi-Gashiq(SM)-Gashanin(B)GASH(T)
Ishte nje mjek injoftur
në Pejë, Gashiq
Berisha-Berishiq(SM)
Burri -Buriq(SM)
Shoshi-Shoshkiq(SM) dhe(B)një pjesë e kësaj familje janë kthyer prap në shqiptar ama e kan shtrembruar(ne mosdije të tyre)mbiemrin tani si shoshka.
Shala-Shaliq(SM)-shalanin(B)-Shalunoviq(B)
Ne nje fshat te Plaves
bashkjetojn te tri palet
Shqiptar-Serb-Bosh
njak te kesaj familj
e nga kjo familje ës
htë Millan Shaliqi i ci
li ka qen me post te
larte ne ish jugoslla
vi.
Gjurka-Gjurkoviq(SM) dhe(B)
Gjoka-Gjokiq(SM)-Gjogoviq(B)
Gjeli-Gjeloviq(SM)
Hoti-Hot(B)-Hotoviq(B)-Otoviq(B)
Gruda-Grudiq(SM)
Gruja-Grujiq(SM)Kam has dhe në Maqedon ,Gruevski
Agolli-Agoviq(B)
Agani-Aganiq(B)
Regjepaga-Regjepagiq(B)
Zogu-Zogoviq(SM)
Lulaj-Luliq(SM)
Bala-Baliq(B) Numan baliq deputet në kuvendin e Kosoves është nga kjo familje.
Peshku -Peshkoviq(B)
Husaj-Huskoviq(B)
Martinaj-Martinoviq(SM)
Shabi-Shaboviq(B) Shabotiq(B)
Basha-BAsha(T)-Bashoviq(B)-Bashiq(B)
Gusija-Gusinac(B)
Rugova-Rugovac(B)
Nikqi-Nikqeviq(SM)-Nikiq(SM) Nikaqeviq?
Shkreli-Shkriel(B)
Brala-Braliq(B) nje pjes jeton ne Peje tjetra ne Rozhaj e para Shqiptare keta te dytit Boshnjak kan hyrje dalje edhe sod dmth ndiqen ne dasma e dek.
Daci -Daciq keto i njohe personalisht pasi gjyshen e kam nga kjo familje 'jetojnë në Pejë ,një pjesë në Rozhaj dhe një në Turqi e Maqedoni perveqë këtyre në Pejë të tjerët mbahen si Boshnjak edhe pse gati të gjith e dinë shqipen ende.
Kelmendi-Kelmenta(B)
Kola-Koliq(B)-Kojiq(B)
Peja-Pejanoviq(SM)
Bardhi-Bardiq(SM)
Nura-Nurkoviq(B) e njoh nje Uka Nurkoviq ai ithot vetit boshnjak po un se kuptoj si kur edhe emri i tregon se është Shqiptar se në SLLAVISHTE ujki(uka) eshte VUK e jo UK.

Kapedani-Kapetanoviq(B) jan dajat e nje shokut tim thon vet që kan qenë Shqiptar. NJë pjesë e tyre jetojnë në turqi dhe quhen Kaptan
Pela-Peleviq(SM)
Preni-Preniq(B)
Feri-Feroviq(B)
Seferi-Seferoviq(B)
Kryeziu-kryeziu(T)-Crnoglaviq(SM) e kan perkthy mbiemrin njejte si Palabardhet ne bjellopavliq.
Bajrami-Bajramoviq(B)
Lajqi-Laiq(B) Rasim Laiq minister i minoriteteve ne qeverin serbe sod,kusheri i afert i dajëve të mi e mban veten si boshnjak edhe pse e din prejardhjen e vet Shqiptare.

Kuka-kukiq(B)-Kukal(SM) ket familje e kam njoft personalisht se kan punuar bashk në ni ndermarje baba ime me kryefamiljarin ,dhe aj thoshte vet se jan me prejardhje shqiptare dhe se kusherinjet i ka nga ana e Deqanit Kukalaj thiren.

Cucaj -Cucoviq-Cucinjanin(B) jan dajet e nje shokut tim nëna e tij tregon qe pleqet ne familje kan fol shqip ndersa tashi keta te rite nuk dine fare.

Myezini-Muezinoviq(B) nga kjo familje eshte gjyshja e ni shokut tim(naser berlajolli) ajo thot se jav shqipetar,kam pes rastin ti shoh ca foto te tyre te gjith ishin me veshje kombëtare tonat dhe njeri kishte emrin Macan dmth shqip.
Dreka -Drekalloviq(SM)
Babaj-Baboviq(SM)-Babiq(SM)
Jashari-Jasharoviq(B)-Jashoviq(B)
Damjani-Damjanoviq(SM)
Shahmani-Shahmanoviq(B)
Dashi-Dashiq keto të dy parët kan jetuar në Pejë kam pas rastin mer një antar të asaj serbe të bisedoj e dinte prejardhjen e vet shqiptare, por pas një kohe është bërë polic i serbis dhe nuk kisha guxim tia permendi ma prejardhjen e tij.
Muriqi-Muriq kjo familje kan jetuart në malësin e Rugoves dhe një pjesë e saj ka dal në malë të zi dhe jan asimiluar në ,deri von pleqet e kan fol shqipen tashi të rit nuk din ,të dhanat i kam nga grat e agjeve të nanes sime pasi ato te dyja jan nga kjo familje (pjesa e asimiluar)dhe tregonin edhe vetë se është fol shqip gjer sa kan qen pleqet gjall.

Tahiri-Tahiroviq (B)
Nje ngjarje për këtë dhe një familje tjetër : isha në shërbim ushtarak në ish jugosllavi dhe kam pas dy koleg aty Mirsad Tahiroviq dhe Ruzhdia Faket
kur ju degjova mbiemrat u afrova te ta dhe i pyeta ne gjuhen sllave se mos jan me prejardhje shqipetare te dy ma kthyen në shqip se po ,po me nje shqipe të qal flitnin pasi më than se keto i din nga gjyshrit sa ato kan fol shqip po tashi nuk e flasin ne familje(qfar mekati or vlla)
dhe un insistova qe sa her qe jemi vetem te bisedojme veq ne shqip dhe per ni vit e perforsuan mjaftë mir gjuhen,po tani nuk kam më kontakt me ta se njeri jeton ne Shkup(mirsadi me prejardhje nga Plava)e tjetri(ruzhdiu)nga Tutint afer Peshterit (ka qen vend puro Shqipetar ).

Eshte nje gja interesant ketu ne Peje gjysma e qytetarve kan nanat apo gjyshet nga Mali i zi nga keto familjet te asimiluara ,si duket ngase e din prejardhjen e tyre mezi presin ti martojne vajzat per Shqipetar ,ne thomi ketu ne Peje po qe se gjete se ku te marish per grua ik ne Mal te zi atje edhe po te jesh i qal (sakat qor gungaq)do te japin nuk te kthejn pas that.

Me te mira BELA.

Kjo pjes e mëposhtme është e një antari që ma ka dërguar.

Në fshatrat e rrethit të Ulqinit si në Shtoj, Kullomzë, Braticë, Krruç nga presionet e korruptimet e pushtetit mjaft familje kanë përqafuar si gjuhë serbishten. Në Kullomzë edhepse 98% janë shqiptar e çmojn veten malazez, flasin më shumë serbisht se shqip dhe i çojn fëmijt në paralele serbe. Vjetë është çelur shqip, dhe vetem tre nx. kanë ndjekur mësimin shqip. Në Braticë poashtu shkolla është në gjuhë serbe edhepse janë shqiptarë -shestanas të ulur ka herë nga Kraja.
Ashtu edhe në Kruç (Krytha e Ulqinit). Shumica janë rregjistruar si malazez në regjistrimin e fundit. Sholla e ultë fillore është në gjuhën serbe. Nuk ka në gj. shqipe. Në Shtoj disa familje jo shumë kanë përqafuar serb. Së fundi është shtuar numri i nx. në paralelet shqipe.

[Milla]

Është ky një punim mjaft interesant i punuar nga "bela 70", i cili është shumë origjinal. Do të ishte edhe më mirë sikur të shënoheshin të gjitha familjet që jetojnë në qytetin e Tivarit të cilët janë të shpërngulur nga Kraja ose Ana e Malit.Në Tivar është e çuditshme se askush gjerë më tani nuk ka kërkuar prej kujdoqoftë hapjen e ndonjë shkolle në gjuhën shqipe. Partitë politike shqiptare siç duket e kanë lënë pasdore këtë problem i cili për popullatën shqiptare në Tivar sot është katastrofik. Të rinjtë që jetojnë në qytetin e Tivarit me origjinë shqiptare nuk dinë fare shqip, bile në bisedë me ata e injorojnë tërësisht origjinën e tyre shqiptare.

[RaPSouL]

Bombat artizanale, shoqërohen tre shtetas nga Mali i Zi

• Tre studentë me shtetësi malazeze kanë qenë personat e shoqëruar dhe të marrë në pyetje nga agjentët e antiterrorit në lidhje me dy bombat artizanale

Tre studentë me shtetësi malazeze kanë qenë mes 12 personave të shoqëruar dhe të marrë në pyetje nga agjentët e antiterrorit në lidhje me dy bombat artizanale të vendosura në ambjentet e fakultetit ekonomik dhe të Korpusit Universitar, në sheshin “Nënë Tereza”. Zbulimi i “rastësishëm” i dy bombave artizanale në dy nga zonat më të populluara të kryeqytetit gjatë ditës, ka vënë në alarm strukturat e Luftës Kundër Terrorit në Ministrinë e Brendëshme dhe Shërbimin Informativ Shtetëror. Kjo ngjarje ndodhi më 30 maj, vetëm 12 ditë përpara se presidenti i SHBA-së Xhorxh Bush do të vizitonte Shqipërinë, dhe kaq ka mjaftuar që të ngrihej një grup special hetimor për të zbuluar autorët dhe motivin që i ka shtyrë ta bëjnë një akt të tillë. Duke parë mënyrën e ndërtimit të dy bombave artizanale, vendin ku ato ishin vendosur dhe pasojat që mund të shkaktonin nëse do të aktivizoheshin, specialistët e antiterrorit e kanë përqëndruar vëmendjen, si një ndër pistat kryesore, te përpjekja e ndonjë shërbimi të huaj, të cilit i intereson destabiliteti i vendit pikërisht në prag të vizitës së personalitetit më të fuqishëm të botës.

Një burim nga grupi hetimor tha për “GSH” se janë siguruar të dhëna në rrugë operative që ngrenë dyshime të forta se në këtë ngjarje mund të jenë implikuar persona të shtyrë nga fqinjët tanë veriore. Pista se njerëz të shërbimit sekret serb mund të kenë dorë në këtë ngjarje mbetet më këmbë edhe për faktin se mes personave të shoqëruar kanë qenë dhe tre shtetas malazezë që mbanin pasaporta të ish-republikës së Sërbi-Mali i Zi. Burimi i cituar shtoi se “tre shtetasit malazezë të shoqëruar nga policia ndodhen në Shqipëri për studime dhe janë parë nga dëshmitarë të lëvizin pranë ambjenteve ku u gjetën bombat artizanale. Ata pasi u morën në pyetje u lanë serish të lirë për shkak të mungesës së provave të pakundërshtueshme, por hetimi në lidhje me këtë version po vazhdon me intesitet”.

[ArtaG]

pershendetje
i permendet shume qytete shqiptare ne Mal Te Zi si pshlqinin,tuzin etj diskutuat shume per to.cka mendoni per shqiptaret qe jetojne ne plave e guci .

[babadimri]

A mendoni se shqiptaret kane dhene kontribut qe mali i Zi ti thote Srbise papa

[erioni_el]

kam pasur shansin qe kete fillim vere te iki ne MAL te Zi , ishte goxha mire e bukur dhe njerezit me nje kultur totalisht tjeter nga ne shqiptaret vende te bukura si ulqini tivari kotorri e budva nje nderthurje shum shume e bukur e pyjeve dhe ambienteve te gjelberuara me ato pak hotele te ndertuara ne menyre mjeshterore dhe me nje pasterti teper te bukur uroj qe te iki perseri se nuk munda ta vizitoj shume vetem 3 dit ndenja mbase kur tju shkruaj perseri do ju ndihmoj me disa pamje nga mali i zi jane me te vertet te mrekullueshme uroj qe te mos harroj

[biligoa]

Shkruar nga www.malesia.org
Tuesday, 18 September 2007
Ankesë kundër refuzimit të vendosjës së flamurit kombëtar shqiptar para dhe brenda objekteve publike dhe administrative në territorin e Komunës Urbane të Tuzit 15.09.2007



Fondacioni "AMZA" Tuz

Drejtuar:

- Ministrisë për Mbrojtjen e të Drejtave të Njeriut dhe të Minoriteteve
- Ministrit z. Fuad Nimani
Podgoricë
Mali i Zi

CC:
z. Maliq Çunmulaj Kryetar i Komunës Urbane të Tuzit
Kuvendit Komunal të Komunës Urbane të Tuzit
z. Miomir Mugosha, Kryetarit të Komunës së Podgoricës
z. Zhelko Shturanoviq, Kryeministrit të Republikës së Malit të Zi
z. Filip Vujanoviq, Presidentit të Republikës së Malit të Zi
z. Vlladimir Filipov, Këshillit të Evropës (Council of Europe)
z. Parashiva Badesku, Organizatës për Bashkëpunim dhe Siguri në Evropë (OSCE)

Lënda: Ankesë kundër refuzimit të vendosjës së flamurit kombëtar shqiptar para dhe brenda objekteve publike dhe administrative në territorin e Komunës Urbane të Tuzit.

I. FAKTET

Me datën 9 korrik 2007, Fondacioni Amza nga Tuzi ka paraqitur kërkesë pranë Komunës Urbane të Tuzit, Kryeqyteti Podgoricë, për lejimin e vendosjës së flamurit kombëtar shqiptar para dhe brenda objekteve publike dhe administrative në territorin e Komunës Urbane të Tuzit. Kërkesa është dorëzuar në formë të peticionit të përkrahur nga 1326. nënshkrues.

Me shkresë të datës 8 gusht 2007, nr. 01-2-031-07/728, Kryetari i Komunës Urbane të Tuzit, Kryeqyteti Podgoricë, z. Smajl Çunmulaj, ka refuzuar kërkesën per vendosjen e flamurit kombëtar shqiptar para dhe brenda objekteve publike dhe administrative në territorin e Komunës Urbane të Tuzit. Në këtë kontekst duhet permendur edhe shkresën e Kryetarit të Kryeqytetit Podogoricë, z. Miomir Mugosha, të datës 20 korrik 2007, nr. 01-031/07-4726, i cili po ashtu ka refuzuar kerkesën e sipërpermendur.

Kërkesa për lejimin e përdorimit të flamurit kombëtar shqiptar është refuzuar nga Komuna Urbane e Tuzit si dhe nga Kryetari i Kryeqytetit Podgoricë duke u thirrur në Ligjin për Përdorimin e Simboleve Kombëtare (Gazeta Zyrtare e Republikës së Malit të Zi, nr. 55/00), gjegjësisht nenin 4 të këtij ligji. Neni 4, pika 1, i Ligjit për Përdorimin e Simboleve Kombëtare e ndalon përdorimin e simboleve kombëtare para dhe brenda objekteve të Kuvendit të Republikës së Malit të Zi, Kryetarit të Republikës së Malit të Zi, Qeverisë së Republikës së Malit të Zi, Gjykatës Kushtetuese të Republikës së Malit të Zi, Kryeprokurorit të Malit të Zi si dhe organeve të tjera shtetërore dhe organizatave që kryejnë shërbime publike si dhe organeve të vetëqeverisjës lokale.

II. KËRKESA

Dispozita e nenit 4, pika 1, e Ligjit për Përdorimin e Simboleve Kombëtare, për aq sa i përket ndalimit të përdorimit të simboleve kombëtare para dhe brenda organeve të vetëqeverisjës lokale, kontestohet si kundërkushtetuese, sepse cenon në mënyrë të pajustifikueshme nenin 69 të Kushtetutës së Republikës së Malit të Zi. Si dispozitë ligjore kundërkushtetuese, neni 4, pika 1, i Ligjit për Përdorimin e Simboleve Kombëtare nuk prodhon efekte juridike dhe nuk mund të merret si bazë juridike për refuzimin e kërkesës, përkatësisht peticionit për lejimin e përdorimit të flamurit kombëtar shqiptar para dhe brenda objekteve publike dhe administrative në territorin e Komunës Urbane të Tuzit.

Nga Ministri për Mbrojtjen e të Drejtave të Njeriut dhe të Minoriteteve kërkohet që të ndërmerr veprimet vijuese:

1. Të anulojë vendimet e sipërcekura të Komunës Urbane të Tuzit dhe të Kryeqytetit Podgoricë dhe duke u mbështetur drejtpërdrejt në nenin 69 të Kushtetutës së Republikës së Malit të Zi të lejojë përdorimin e flamurit kombëtar shqiptar para dhe brenda objekteve publike dhe administrative të Komunës Urbane të Tuzit.

2. Nëse veprimi nën pikën 1) është jashtë kompetencave të Ministrit, atëherë si veprim alternativ Ministri të fillojë menjëherë procedurën për ndryshimin e Ligjit për Përdorimin e Simboleve Kombëtare. Propozohet të bëhën ndryshimet në Ligjin për Përdorimin e Simboleve Kombëtare si vijon:

Neni 4, pika 1:
Të shlyhet: ”... dhe organeve lokale të vetëqeverisjës”

Neni 4, pika 3:
Të shlyhet: ”... ose organeve lokale të vetëqeverisjës”

Neni 5:
Të shlyhet: “..., në ditët e festave shtetërore të Malit të Zi...”
III. ARSYETIMI

Arsyet, përse neni 4, pika 1, i Ligjit për Përdorimin e Simboleve Kombëtare kontestohet te jetë në kundërshtim me nenin 69 të Kushtetutës së Republikës së Malit të Zi, janë si vijon:

1. Neni 69 i Kushtetutës së Republikës së Malit të Zi (në tekstin vijues “Kushtetuta”) përcakton qartazi dhe shprehimisht se pjesëtarët e grupeve kombëtare dhe etnike kanë të drejtë të përdorin dhe të shfaqin simbolet e tyre kombëtare. Neni 69 i Kushtetutës nuk përmban asnjë kufizim, kualifikim apo modifikim tjetër lidhur me përdorimin e simboleve kombëtare.

2. Neni 69 i Kushtetutës duhet të lexohet dhe të interpertohet në kontekstin e tërësisë së normave të Kushtetutës me theks të veçantë në realizimin e frymës dhe qëllimit të Kushtetutës. Sipas nenit 13 të Kushtetutës, në Mal të Zi çdo gjë konsiderohet e lirë përveç nëse është e ndaluar me ligj. Nga kjo del, se rendi kushtetues i Malit të Zi është i ndërtuar mbi bazë të parimit të lirisë së veprimit dhe se ekziston një prezumcion kushtetues në favor të lirisë së veprimit. Kjo liri e veprimit mund të kufizohet vetëm përmes kushtetutës dhe ligjit. Kjo del nga nenet 14 dhe 12, pika 1, të Kushtetues, sipas të cilëve të gjitha liritë dhe të drejtat duhet të ushtrohen në pajtim me Kushtetutën dhe se me ligj, i cili duhet të jetë në pajtim me kushtetutën, përcaktohet mënyra se si të ushtrohen të drejtat dhe liritë, nëse kjo është e nevojshme për ushtrimin e tyre.

3. Mirëpo, edhe kufizimet kushtetuese dhe ligjore të të drejtave dhe lirive duhet të jenë konform parimit të sundimit të ligjit, parim themelor ky mbi të cilin është e ndërtuar Republika e Malit të Zi (shih nenin 4 të Kushtetutës). Parimi i sundimit të ligjit kërkon që si ligji ashtu edhe çdo veprim tjetër i natyrës shtetërore me të cilin kufizohen të drejtat dhe liritë e garantuara me kushtetutë të mos jetë arbitrar, diskriminues dhe jo-proporcional. Përveç kësaj, nga parimi i kushtetutshmërisë (neni 107 i Kushtetutës) rezulton se ligji jo vetëm që duhet të jetë konform kushtetutës, por ligji po ashtu nuk guxon të përmbajë më shumë kufizime të të drejtave dhe lirive se sa parasheh vetë kushtetuta. Me fjalë të tjera, ligji duhet të realizojë qëllimin dhe frymën e kushtetutës sa i përket të drejtave dhe lirive dhe nuk guxon të rezultojë në të ashtuquajturën “frustration of purpose”, d.m.th., pengimin e realizimit të qëllimit të kushtetutës. Është plotësisht në kundërshtim me parimin e sundimit të ligjit dhe të kushtetutshmërisë, nëse kushtetuta në njërën anë e jep një të drejtë, ndërsa ligji në anën tjetër nën pretekstin e rregullimit më të hollësishëm të kësaj të drejte e cungon këtë dhe pengon realizimin e qëllimit dhe frymës së kushtetutës.

4. Sa i përket të drejtave të grupeve kombëtare dhe etnike, këto janë të drejta të veçanta dhe gëzojnë trajtim të veçantë kushtetues. Kjo pasqyron qëllimin kushtetues për t’i dhënë garancione të fuqishme grupeve kombëtare dhe etnike me qëllim të ruajtjës së identitetit dhe kulturës së tyre kombëtare dhe etnike. Për këtë arsye nenet 67 deri 75 të Kushtetutës duhet të trajtohen si “lex specialis”. Kufizimi i vetëm të cilin e parasheh Kushtetuta në lidhje me ushtrimin e të drejtave të veçanta të pjesëtarëve të grupeve kombëtare dhe etnike të parapara në Kushtetutë, përfshirë këtu edhe nenin 69 të Kushtetutës, është i përcaktuar në nenin 75 të Kushtetutës.

5. Neni 4, pika 1, i Ligjit për Përdorimin e Simboleve Kombëtare, ndalon, ndër të tjera, përdorimin dhe shpalosjën e simboleve kombëtare para dhe brenda objekteve të organeve të vetëqeverisjës lokale. Veprimi në kundërshtim me këtë nen sanskionohet me gjobë dhe heqje lirie sipas nenit 7 të këtij ligji. Kjo ndalesë është në kundërshtim me nenet 69 dhe 75 të Kushtetutës. Neni 69 i Kushtetutës nuk e bën asnjë kualifikim se ku mund dhe ku nuk mund të perdoren simbolet kombëtare dhe etnike dhe veçanërisht nuk ndalon përdorimin e simboleve kombëtare para dhe brenda organeve shtetërore dhe të vetëqeverisjës lokale. Duke marrë parasysh mënyrën e formulimit gjuhësor të nenti 69 të Kushtetutës, ky n është gjithëpërfshirës dhe absolut dhe lejon përdorimin e simboleve kombëtare pa marrë parasysh kontekstin, qoftë në sferën private ose publike, qoftë në shtëpi private ose para dhe brenda objekteve administrativo-publike.

6. Neni 75 i Kushtetutës lejon kufizimin e të drejtave të veçanta të grupeve kombëtare dhe etnike nëse ushtrimi tyre është në kundërshtim me a) kushtetutën, b) parimet e së drejtës ndërkombëtare dhe c) integritetin territorial të Malit të Zi. Duke marrë parasysh se neni 75 i Kushtetutës është “lex specialis”, të tjera kufizime nuk vijnë në shprehje. Mirëpo, kufizimet e përcaktuara në nenin 4, pika 1, të Ligjit për Përdorimin e Simboleve Kombëtare i tejkalojnë kufizimet e parapara në nenin 75 të Kushtetutës për arsyet vijuese:

Përdorimi i flamurit kombëtar shqiptar para dhe brenda objekteve publike dhe administrative të Komunës Urbane të Tuzit nuk është në kundërshtim me kushtetutën, sepse siç është cekur më lart, neni 69 i Kushtetutës në mënyrë të pakualifikuar lejon përdorimin e simboleve kombëtare dhe etnike.

Përdorimi i flamurit kombëtar shqiptar para dhe brenda objekteve publike dhe administrative të Komunës Urbane të Tuzit nuk është në kundërshtim me parimet e së drejtës ndërkombëtare. Në këtë kontekst, me termin “parimet e së drejtës ndërkombëtare” duhet të nënkuptohet tërësia e normave juridike që janë pjesë e së drejtës zakonore ndërkombëtare dhe e traktatave relevante ndërkombëtare. Nuk ekziston asnjë normë juridike e së drejtës ndërkombëtare e cila e ndalon përdorimin e simboleve kombëtare të grupeve kombëtare dhe etnike para dhe brenda objekteve administrativo-publike. Është mu e kundërta, sepse ekziston një mori e normave të së drejtës ndërkombëtare që flet në favor të përdorimit të simboleve kombëtare dhe etnike. Konventa Ndërkombëtare për të Drejtat Civile dhe Politike e vitit 1966, neni 27 kërkon që në ato shtete ku ka pakica kombëtare, këtyre pakicave të mos u mohohet e drejta për të gëzuar kulturën e tyre. Ngjajshëm me këtë, Konventa Kornizë për Mbrojtjen e Pakicave Kombëtare, në nenin 5, pika 1, kërkon nga shtetet palë, që të krijojnë kushtet e nevojshme që pjesëtarët e pakicave kombëtare të ruajnë dhe të zhvillojnë kulturën e tyre dhe të ruajnë elementet esenciale të identitetit të tyre. Flamuri kombëtar shqiptar është pjesë esenciale e kulturës shqiptare, sepse simbolizon dhe përfaqëson identitetin e çdo shqiptari si pjesëtar i kombit shqiptar, pa marrë parasysh shtetësinë apo shtetin ku jeton. Për këtë arsye, përdorimi i lirshëm i flamurit kombëtar shqiptar është i nevojshëm për ruajtjën dhe zhvillimin kulturor të të gjithë pjesëtarëve të kombit shqiptar, sepse me këtë në mënyrë të veçantë ruhet dhe trashëgohet identiteti kulturor dhe kombëtar. Përveç kësaj, përdorimi publik i flamurit kombëtar shqiptar është një shprehje e bindjës dhe e mendimit, se individi ose grupi që e perdor flamurin është i përkatësisë shqiptare. Si shprehje e bindjës dhe e mendimit, përdorimi publik i flamurit kombëtar mbrohet edhe nga Konventa Evropiane për të Drejtat e Njeriut dhe Liritë Themelore, nenet 9 dhe 10.

Përdorimi i flamurit kombëtar shqiptar para dhe brenda objekteve publike dhe administrative të Komunës Urbane të Tuzit nuk e cenon integritetin territorial të Malit të Zi. Flamuri kombëtar shqiptar i përdorur nga komuniteti shqiptar i Malit të Zi nuk përfaqëson në asnjë mënyrë shtetin dhe nuk ndërhyn në simbolet e shtetit të Malit të Zi. Kushtetuta e bën dallimin shumë qartë: flamuri i shtetit është ai i përcaktuar në nenin 6 të Kushtetutës, ndërsa neni 69 i Kushtetës flet për simbolet e grupeve kombëtare dhe etnike që nuk kanë karakter shtetëror. Vetë Ligji për Përdorimin e Simboleve e Kombëtare në nenin 2 e përkufizon simbolin kombëtar si simbol të grupeve kombëtare dhe etnike të cilin e perdorin për të shprehur identitetin e tyre kombëtar dhe jo shtetëror. Përveç kësaj, kërkesa është, që para dhe brenda objekteve publike dhe administrative të Komunës Urbane të Tuzit, flamuri kombëtar shqiptar të ngritet pranë flamurit shtetëror të Malit të Zi, gjë që nënkupton në njërën anë respektin për flamurin shtetëror dhe integritetin e Malit të Zi si shtet sovran, dhe në anën tjetër respektin për simbolin identifikues të komunitetit shqiptar i cili është shumicë në Komunën Urbane të Tuzit.

Nga shqyrtimet duhet të konkludohet, se neni 4, pika 1, i Ligjit për Përdorimin e Simboleve Kombëtare përmban kufizime të lirisë së përdorimit të simboleve kombëtare dhe etnike të garantuara me nenin 69 të Kushtetutës që tejkalojnë kufizimet e lejuara me nenin 75 të Kushtetutës. Përveç kësaj, neni 4, pika 1, i Ligjit për Përdorimin e Simboleve Kombëtare është në kundërshtim me parimin e sundimit të ligjit dhe të kushtetutshmërisë, sepse cungon në masë jo-proporcionale të drejtat e garantuara në nenin 69 të Kushtetutës dhe me këtë pengon realizimin e qëllimit dhe frymës së Kushtetutës.

Në këtë kontekst duhet theksuar edhe një herë, se nuk kërkohet përdorimi i flamurit kombëtar shqiptar para dhe brenda objekteve publike dhe administrative të Republikës, por vetëm në ato komuna urbane ku popullsia shqiptare përbën popullatën shumicë. Ndryshimet në Ligjin për Përdorimin e Simboleve Kombëtare të propozuara mësipër e realizojnë këtë qëllim me një minimum të ndërhyrjeve në legjislacionin ekzistues dhe njëkohësisht realizojnë të drejtën e komunitetit shqiptar të Malit zë Zi sipas nenit 69 të Kushtetutës. Po ashtu, vlen të përmendet se në shkresën e tij të datës 8 gusht 2007, vet Kryetari i Komunës Urbane të Tuzit, z. Smajl Çunmulaj, e përkrah kërkesën për përdorimin e flamurit kombëtar shqiptar para dhe brenda objekteve publike dhe administrative të Komunës Urbane të Tuzit dhe se përkrah ndryshimin e legjislacionit në fuqi për të realizuar këtë.

Jemi të bindur se do të hasim në mirëkuptimin dhe bashkëpunimin tuaj me qëllim që kjo çështje të tejkalohet në mënyren e propozuar.

Me respekt,
Fondacioni "Amza

[Ali Baba Tepele]

Gëzuar festën e 95 vjetorit të ngritjes së flamurit, të gjith shqiptarët kudo që janë.Me një Shqipëri etnike së shpejti.

LSHSHG (LIDHJA E SHOQATAVE SHQIPTARE NË GREQI)

[biligoa]

pershendetje popull Shqiptar i Malit Zi

http://www.youtube.com/v/RWYV1KAbk5k

[offspring]

un per vete sjam anej por bej gjysmen e pushimeve ne budva dhe kam taku shum shqiptar nga ulqini,gucia etj edhe ne o plado bashkohemi me te mir o me te keq se jan tokat e stergjysherve tane.me sa di un jan rreth 230000 shqiptar qe jatojn andej.rroft shqiperia etnike

[nike martini]

Pershendetje te gjithve. Me falni per mungesen!
GEZUAR KRISHTLINDJEN. QOFTE KY VITI I REALIZIMIT TE ASPIRATAVE TE GJITHSEJCILIT PREJ JUSH, DUKE MOS HARRUAR DHE REALIZIMIN E ASPIRATAVE TONA KOMBETARE.
GEZUAR! GEZUAR!

[nike martini]

Pershendetje te gjithe juve forumista dhe shqiptare te Malit te Zi!
Kohet e fundit nuk kam qene aktiv ne forum dhe ju kerkoj ndjese. Uroj te jeni mire!
A u gezuat qe Kosova e mori ma ne fund pavaresine e saj, si e pritet?
URIME TE PERZEMERTA
NIKE MARTINI

[*Babygirl*]

Nike pse ka ndonje Shqipetar qe nuk eshte gezuar per Pavarsin e Kosoves!? Un nuk e besoj!
Ju pershendes dhe un te gjitheve dhe ju deshiroj nje jave sa me te kendeshme!

[nike martini]

Po futem direkt e ne teme!
Perse te mos kete prej atyre shqiptareve te cilet nuk jane gezuar aspak per kete, apo nuk njohim te tille ( te pakten nga historia)?
(Nuk dua te polemizoj)
Ju pershendes