Forbes: Interviste me kryeministrin Berisha, Shqiperia te merret si shembull

[vanesa2]

Arkitekti i mrekullisë shqiptare, sikur të klonohej edhe në SHBA!

11 Tet
Këtë kërkon të nxjerrë pak a shumë në pah artikulli për ndryshimet mbresëlënëse ekonomike të Shqipërisë i shkruar nga Steve Forbes, kryeredaktor i revistës më të madhe ekonomike në botë
Autori: Steve Forbes

Në kohë krize, shteti më i fuqishëm i botës, Amerika mund të marrë shembull nga Shqipëria, që për dekada ka qenë e izoluar në regjimin mizor të një diktatori stalinist. Sot, Shqipëria ka ekonominë më vibruese në Evropë. Shqipëria është gjithashtu virtualisht i vetmi komb evropian që pati një rritje ekonomike në vitin 2009. Por zhvillimi i vendit nuk ndaloi me kaq, vazhdoi edhe këtë vit. Edhe në 2010, eksportet janë rritur me 85 përqind. Investimet e huaja po vërshojnë, defiçiti buxhetor është pak a shumë 3.1 përqind i GDP-së, në krahasim me 10 përqind të Uashingtonit. Pra, buxheti i Shqipërisë është proprocionalishte 3 herë më i vogël se ai amerikan. Niveli i varfërisë në Shtetet e Bashkuara po rritet argumenton Forbes, por në Shqipëri po ulet dramatikisht. E nëse Administrata Obama po minon ligjin e kontratës dhe të drejtat e pronës, Shqipëria po shkon në drejtimin e kundërt. Po ndërmerr të gjitha hapat për të forcuar këto të drejta, por edhe pavarësinë e gjyqësorit. Shqipëria, një komb mysliman që lehtësisht toleron besimet e tjera, mbetet një aleate e fortë dhe krenare e SHBA-ve. Falë mbështetjes amerikane, evidentohet ndër të tjera nga FOrbes, Shqipërioa është bërë pjesë e NATO-s. Vendi gjithashtu ka si aspiratë të jetë anëtar i BE-së.Arkitekti i mrekullisë ekonomike të Shqipërisë është kryeministri Sali Berisha, i cili ka ndaluar në zyrat e Forbes së fundi, për të dhënë një intervistë për revistën prestigjioze, ku tregoi me krenari arritjet e vendit të vogël ballkanik, ku të ardhurat për frymë në vitin 1992 ishin 200 dollarë në vit, kurse tani janë mbi 3.500. Por si ia doli Shqipëria? Tre vjet më parë, Berisha uli taksën e sheshtë për të ardhurat personale dhe ato të biznesit, procedurat e nisjes së një biznesi të huaj u thjeshtëzuan. Për këto hapa, Berisha ka deklaruar se u frymëzua nga Ronald Regan, dhe sipas Forbes, ky frymëzim duhet të jetë edhe për administratën amerikane. Duke shfaqur hapur kritikën kundër situatës ekonomike në Shtetet e Bashkuara, Steve Forbes shpreh keqardhjen që shkenca nuk ka avancuar kaq shumë që të mund të klonohet një Sali Berishë e dytë, me të cilin të zevëndësohen të gjithë zyrtarët ekonomikë të qeverisë së sotme amerikane.

Ikub.al

Artikulli origjinal ne anglisht: http://www.forbes.com/forbes/2010/10...e-roaring.html
Intervista me kryeministrin Berisha: http://www.forbes.com/2010/10/08/fla...g-berisha.html

[shkodra13]

të ardhurat për frymë në vitin 1992 ishin 200 dollarë në vit, kurse tani janë mbi 3.500

mbi 3.500 $ te ardhura mesatare ne vit per fryme?!
i bie qe nje familje me 4 pjestare ku dy prinderit punojne (mendoj se ky eshte rast fatlum ne Shqipni) te kete te ardhura ne vit 14.000 $ (rroga mujore mesatare e njerit prind = 583,3 $).
e mendoj se ne Shqipni punojne shume me pak se 50% e popullsise.

[fattlumi]

Stive Forbes, kryeredaktor i revistës më prestigjioze ekonomike në New York, e cilëson Kryeministrin Berisha si një arkitekt të mrkeullisë së ekonomisë shqiptare. Përmes një artikulli të botuar ditën e djeshme, Forbes shpreh vlerësimet e tij për rezultatet e suksesshme të reformave të qeverisë shqiptare në kuadër të rritjes ekonomike. Duke vlerësuar se Shqipëria ishte i vetmi vend në Europë që gjatë vitit 2009 shënoi rritje ekonomike, e cila pritet të përsëritet edhe për këtë vit, Forbes thekson se reformat e qeverisë shqiptare janë një shembull i shkëlqyer që duhet të ndiqen. Ai shkruan se Shqipëria nga një vend i izoluar hermetikisht ka mundur që nën drejtimin e qeverisë "Berisha" të shndërrohet në një vend potencialisht të zhvilluar.

Stive Forbes

Ja një shembull se si rrotullohen gjërat: SHBA, vendi kapitalist i fuqishëm, mund të marrë disa leksione ekonomie nga vendi i vogël i Ballkanit, Shqipëria, e cila për dekada të tëra u përpëlit nën regjimin mizor të diktaturës staliniste. Sot, Shqipëria ka ekonominë më energjike në Europë. Ajo ishte virtualisht vendi i vetëm në Europë me rritje në vitin 2009. Vendi, i mbyllur hermetikisht më parë, ka shënuar rritje edhe në këtë vit. Eksportet janë rritur në 85%. Investimet e huaja direkte po vërshojnë. Buxheti i shtetit është reduktuar, me një deficit 3.1% të PBB, kundrejt 10% të Uashingtonit. Deficiti i Shqipërisë është në mënyrë proporcionale më pak se një e treta e deficitit tonë. Shkalla amerikane e varfërisë po rritet, ndërkohë që ajo e Shqipërisë po ulet në mënyrë të ndjeshme. Ndërkohë që administrata e Obamës po vë në rrezik të drejtat e pronësisë dhe ligjin e kontratave, Shqipëria po bën të kundërtën: Ajo po hedh hapa për të fuqizuar pavarësinë e sistemit të saj gjyqësor dhe qeveria sapo ka kaluar një ligj për të drejtat e pronësisë në Parlament. Arkitekti i mrekullisë ekonomike shqiptare, Kryeministri Sali Berisha vizitoi zyrat tona kohët e fundit dhe me krenari tregoi atë që kishte arritur vendi i tij. Në 1992, të ardhurat për frymë në Shqipëri nuk arrinin as në 200$ në vit, ndërsa sot, të ardhurat arrijnë mbi 3,500 $. Por, si ja doli mbanë Shqipëria? Duke ndjekur parimet e tregut të lirë që administrata aktuale e Shtëpisë së Bardhë dhe Kongresi i kanë harruar. Tre vite më parë, Berisha vendosi një taksë të sheshtë prej 10% për të ardhurat personale dhe të biznesit, ndërkohë që taksa mbi pagën dhe shpërblimin u ul nga 32 në 15 përqind. Qeveria po lehtëson procedurat ndaj investitorëve të huaj, si edhe për qytetarët e saj, të cilët kërkojnë të fillojnë bizneset e tyre. Irlanda, e cila më parë ka qenë etalon për tërheqjen e kompanive të huaja, nuk e ka më këtë kurorë dafinash mbi kokë: Qeveria shqiptare ka ndërmarrë iniciativën e ashtuquajtur "Shqipëria një euro", ku toka mund të jepet me qira, virtualisht pa asnjë kosto, për kompanitë që hapin biznese të reja. Berisha thotë se u frymëzua duke studiuar Ronald Reganin. Shqipëria, një komb mysliman që toleron lehtësisht të gjitha besimet e tjera, mbetet një aleate krenare e patundur e SHBA-së. Falë mbështetjes së fuqishme amerikane, Shqipëria është bërë pjeseë NATO-s. Vendi po ecën i vendosur drejt anëtarësimit në BE. Sa keq që shkenca nuk ka ecur kaq shumë përpara sa të na mundësonte të klononim Berishën që të zëvendësonim sot të gjithë ekspertët ekonomikë në qeveritë tona.

bota.sot

[smokkie]

Ky artikull do te beje te zgerdhihet dhe Brari )
Shkodra ku e ke gjetur kete shifer " shume me pak se 50% " sepse me duket absurde.
Artikulli besoj se eshte i sakte teknikisht por "të klonohet një Sali Berishë e dytë" me beri te buzeqesh

[bindi]

Si duket Pd me kete artikull e paska nisur fushaten elektorale...lol.

[Edvin83]

Keshtu thoshte dhe regjimi i Enver Hoxhes: "Amerika eshte tiger prej letre dhe se shpejti do te ktheje patkojte nga qielli, kurse Shqiperia pasurohet e forcohet cdo dite dhe do te jete gjithmone shkemb graniti ne buze te Adriatikut".
Eh si do te lulezoje SHBA kur te behet Sala president i tyre...

[Zoti Basha]

Artikulli ka teknikisht te drejte per suksesin ekonomik, POR Saliu eshte ka po aq merite ketu sa c'mudn te kete nje hajdut qe vjedh nje ne tre, e jo nje ne dy, udhetare.

PS: Nese papunesia ne Shqiperi do ishte, jo 50%, por qofte dhe 15%, do kishim pasur lufte civile. Nese perton te punosh se rroga te duket e ulet, kjo NUK quhet papunesi.

[ARKIA]

Insh-allah* O Zot heq vizat Sala kur te vije ketu te pime nje gote si njerez.
Gezuar!

[shkodra13]

Shkodra ku e ke gjetur kete shifer " shume me pak se 50% " sepse me duket absurde.

smokkie,
s'e kam gjete askund, thashe me hamendje. Flitet per te ardhura per fryme, qe d.m.th. nga i porsalinduni e deri te 100 vjeçari, e ne kete hapsine moshe s'besoj se sot ne Shqipni punojne 1 nder 2 persona.

[Qyfyre]

Behet fjale per intervisten qe ka dhene Berisha? Apo eshte ndonje artikull tjeter qe eshte shrkuar nga vete Steve Forbes ?