Kryepiskopi Anastas nis viziten ne Kishen Orthodhokse te Gjeorgjise

[ilia spiro]

Kryepiskopi Anastas
nisi vizitën zyrtare në Kishën Orthodhokse të Gjeorgjisë

-Në këtë vizitë Fortlumturia e Tij do të nderohet me titullin “Doktor Nderi” nga Universiteti “Apostull Andrea i Parëthirruri” dhe do të jetë folës kryesor në 1000-vjetorin e katedrales historike të Svetitskhovelit, në Mskheta. Kryepiskopi Anastas do të pritet gjithashtu nga autoritetet më të larta shtetërore gjeorgjiane. –

Nga 11 -15 tetor, Fortlumturia e Tij Anastasi, Kryepiskop i Tiranës, Durrësit dhe i gjithë Shqipërisë, do kryejë një vizitë zyrtare në Kishën Orthodhokse të Gjeorgjisë. Ai shoqërohet nga një delegacion i përbërë nga Mitropoliti i Gjirokastrës, Hirësia e Tij Dhimitri, Episkopi i Apollonisë, Hirësia e Tij Nikolla dhe Arkimandrit Asti.

Ditën e parë, 11 tetor, pas mirëseardhjes në aeroportin e Tbilisit, do zhvillohet dhe pritja në selinë e Patriarkanës Orthodhokse të Gjeorgjisë.

Ditën e dytë, 12 tetor, Kryepiskopi Anastas dhe hierarkët që e shoqërojnë do të marrin pjesë në një simpozium shkencor, në bibliotekën e Parlamentit të Gjeorgjisë, me rastin e 1000-vjetorit të ndërtimit të katedrales historike të Svetitskhovelit.
Pas kësaj veprimtarie, në Univesitetin “Apostull Andrea i Parëthirruri”, do të zhvillohet ceremonia e dorëzimit Kryepiskopit Anastas të titullit “Doktor Nderi”. Fortlumturia e Tij do të mbajë para trupit akademik dhe studentëve temën "Vlerat shpirtërore të Evropës dhe përgjegjësia e të Krishterëve."
Më pas, Kryepiskopi Anastas do të pritet nga Kryetari Parlamentit të Gjeorgjisë, z. David Bakradze.

Ditën e tretë, 13 tetor, do të ketë një vizitë në pjesën e thesareve të Muzeut të Arteve dhe në Qendrën Kombëtare të Dorëshkrimeve.
Më pas Kryepiskopi Anastas dhe delegacioni që e shoqëron do të priten nga Kryeministri i Gjeorgjisë, z. Nika Gilauri dhe nga Presidenti, z. Mikhail Saakashvili.

Dita e katërt të vizitës, 14 tetor, do të nisë me Liturgjinë Hyjnore në Kishën e vjetër katedrale të Svetitskhovelit, në Mskheta, e cila kremton 1000-vjetorin e ndërtimit, ku do të marrin pjesë edhe primatë e hierarkë të lartë nga të gjitha Kishat Orthodhokse. Në këtë ceremoni madhështore folësit e rastit do të jenë Patriarku i Gjeorgjisë Ilia dhe Kryepiskopi i Tiranës, Durrësit dhe i gjithë Shqipërisë, Anastasi.

Zyra e Shtypit
e Kishës Orthodhokse Autoqefale të Shqipërisë

Tiranë, 11 tetor 2010

Shënim: Kisha Apostolike Orthodhokse e Gjeorgjisë sipas traditës është themeluar nga Apostull Andrea në shek. I. Ajo u bë kishë zyrtare e Gjeorgjisë që nga shek. IV. Në vitin 327, mbreti Mirian III e shpalli Krishterimin si fe zyrtare të mbretërisë. Kisha e Gjeorgjisë është autoqefale që nga viti 466 dhe rreth saj sot mblidhet më shumë se 80 për qind e popullsisë së vendit.
Mskheta, ku ngrihet katedralja e Svetitskhovelit, ishte kryeqyteti i mbretërisë së Gjeorgjisë midis shek. III-V. Aty ndodhi edhe kthimi i popullsisë në të krishterë. Në vendin ku në shek. XI u ngrit katedralja që feston 1000-vjetorin, në shek. V ishte ngritur një kishë në nder të Shen Ninës, mbetje të të cilës janë gjetur gjatë punimeve të restaurimit. Katedralja është shpallur nga UNESKO Pasuri e njerëzimit.

[ilia spiro]

Kryepiskopi Anastas nderohet me titullin “Honorary Doctor” në
Universitetin “Apostull Andrea i Parëthirruri” e Patriarkanës së Gjeorgjisë

Në dt. 12 tetor 2010 Kryepiskopi Anastas u nderua me titullin e nderit Doktor Nderi “Honorary Doctor” të Universitetit, “Apostull Andrea i Parëthirruri” të Patriarkanës së Gjeorgjisë.

Ky titull iu dha Kryepiskopit Anastas gjatë Simpoziumit Shkencor Ndërkombëtar me rastin e 1000-vjetorit të ndërtimit të katedrales historike të Svetitskhovelit dhe 1700-vjetorit të themelimit të saj, që u zhvillua po në këtë universitet. Në Universiteti “Apostull Andrea i Parëthirruri”studiojnë 3000 studentë. Në këtë simpozium merrnin pjesë edhe delegacionet e Kishave Orthodhokse Autoqefale dhe të Patriarkave, të gjithë të ftuar në festimet e këtij jubileu historik, në mes tyre edhe delegacioni i Kishës Orthodhokse Autoqefale të Shqipërisë që po kryente vizitën e saj të parë zyrtare në Kishën Orthodhokse të Gjeorgjisë me ftesë të Primatit të saj, Fortlumturisë së Tij, Ilia II, Kryepiskop i Mskhetas dhe Tbilisit dhe Patriark-Katholiku i gjithë Gjeorgjisë.

Delegacioni i Kishës Orthokse të Shqipërisë përbëhej nga Kryepiskopi i Tiranës, Durrësit dhe gjithë Shqipërisë Fortlumturia e Tij Anastasi, Mitropoliti i Gjirokastrës H. Dhimitri, Episkopi i Apollonisë H. Nikolla dhe Arkimandrit Asti.

Pas fjalës lavdëruese dhe vlerësuese drejtuar kryepiskopit Anastas si udhëheqës shpirtëror që ringjalli Kishën e Shqipërisë, që ka ofruar edhe ofron shumë në organizimin dhe veprimtarinë e gjerë sociale dhe arsimore të saj, dhe njëkohësisht si figurë shkencore e njohur botërisht nga shumë universitete iu dha ky titulli nderues nga Kryetari Këshillit Akademik i Universitetit z. S. Vardosanidze me motivacionin “Për veprimtari arsimore e shkencore dhe kontributin e jashtëzakonshëm në sistemin arsimor teologjik”, shoqëruar edhe me simbolin e “Luanit të artë”.

Më pas Kryepiskopi mbajti përpara trupit akademik, të ftuarve dhe studentëve referatin e tij shkencor “Vlerat shpirtërore të Evropës dhe përgjegjësia e të krishterëve”. Në fund Kryepiskopi Anastas i dhuroi universitetit disa libra të tij. Për nder të kësaj ngjarjeje universiteti dha edhe një kokteil për të gjithë të ftuarit.

http://www.sstv.ge/Video.php?VideoFi...2010-10-12.flv

Arkimandrit Asti Bakallbashi

[Hyllien]

E para punës kjo videoja nuk u hapka. E dyta punës kot për kuriozitet, a ishte përfaqësuar Rusia këtu ?