glandula thyreoidea si i thojne ne GJjuhen Shqipe

[dardani8]

Si i thojne glandula thyreoidea ne gjuhen shqipe edhe cila funkcione kryen ajo

[Genius™]

Gjëndër tiroide - Glandula thyreoidea.

Gjëndrat tiroide ndodhen në pjesën e mesme të fytit dhe shërbejnë për të rregulluar metabolizmin me hormonet e tij. Me fjalën metabolizëm shprehet shpejtësia ose frenimi i djegies së substancave ushqimore në inde për të prodhuar energji, si dhe për zhvillimin e organeve të ndryshme të trupit. Funksioni i gjëndrave tiroide varet shumë dhe nga sasia e jodit që hyn në organizëm. Gjëndrat tiroide kanë këto shenja dalluese: dalja jashtë e kokërdhokëve të syrit, sytë janë të shkëlqyeshëm e të gjallë, kanë dridhje duarsh, dobësim trupi, rrahje të zemrës të shpeshta dhe më të forta. Të sëmurët me tiroide preken shpejt, qajnë lehtë, kanë dhimbje koke, lëkura rri e djersitur dhe e ngrohtë, shpesh e skuqur, kanë heqje barku, çrregullime menstruacionesh te gratë, shtrëngesa të gjoksit, bllokim të frymëmarrjes. Funksioni i gjëndrës tiroide dobësohet nga: ndikimi normal i gjëndrës së hipofizës mbi tiroiden, çrregullimet që prekin gjëndrën, shkaqe të tjera të panjohura të cilat veprojnë drejtpërdrejt në gjëndër. Kjo është një sëmundje që prek më tepër gratë. Gjëndra prodhon shumë hormone, si pasojë e kësaj trupi pëson disa çrregullime me rëndësi siç ishin ato që përmendën më sipër.

Këtë informacion gjeta ta përshtas me termin që më solle. Për më shumë mund të pyesësh ndonjë tjetër që ka informacion më shumë dhe është profesionist i fushës.

[☆Angie☆]

Glandula thyroidea është gjëndra hormonale e Tiroideve, që ndodhet në qafë e vendosur para dhe anash Trakesë.
Është gjëndër endokrine (më duket se në shqip quhet : me tahitje të brendshme) dhe prodhon 3 hormone sh. të rëndësishme: Trijodtironinën T3, Tiroksinën T4 dhe Kalzitoninën

Funksioni kryesor i saj është depozitimi i jodit, ndërkohë që 3 hormonet e tjera ndikojnë në mënyre të ndryshme në organizëm.

Një nga sëmundjet më të shpeshta të lidhura me tiroidet është zmadhimi i gjëndrës dhe kjo është lehtësisht e dallueshme sepse fryhet qafa. Shkaku kryesor i zmadhimit të saj është mungesa e jodit.

[☆Angie☆]

Dhe këtë që e gjeta nga gërmimet në www e madhe


Streset e papritura, ose të zgjatura shpesh shoqërohen me rritje të funksionit të tiroides. Mjekët shpjegojnë si mund ta kuptoni nëse vuani nga kjo sëmundje dhe si trajtohet ajo. Sipas tyre, ka shumë diskutime në lidhje me faktorët shpërthyes të kësaj sëmundjeje. Nga studimet e bëra ka rezultuar se streset e papritura ose të zgjatura, marrja e jodit me shumicë, apo dhe faktorët autoimune, janë disa ndër shkaktarët që çojnë në funksionin e shtuar të gjëndrës tiroide. Traumat psikologjike janë konsideruar si shkak në shumicën e rasteve. Dietat me rënie nga pesha të shoqëruara me marrjen e hormoneve të tiroides mund të pasohen me këtë sëmundje. Një shkak tjetër është marrja e jodit në sasi të madhe. Por dhe stimujt e tepërt nga hipofiza, si pasojë e një tumori të mundshëm të saj, mund të jenë përgjegjëse për rritjen e funksionit të tiroides.
Sëmundja
Sëmundja është më e shpeshtë te gratë sesa te burrat në raporte 5:1. Tiroidja është një sëmundje e trashëgueshme. Në 1/4-1/5 të rasteve, pacientët kanë njerëz të afërt që vuajnë nga kjo sëmundje. Në disa raste sëmundja zhvillohet pa u kuptuar për muaj dhe vite dhe një ditë prej ditësh, ajo shpërthen papritur. Fillimisht shenjat e sëmundjes nuk janë specifike dhe nuk mund të dallohen nga ato të pacientëve, që vuajnë nga çrregullime funksionale. Nervozizmi, pagjumësia, djersët, rrahjet e shpejta të zemrës, intolerancë ndaj të nxehtit, lodhje, rënie e flokëve, oreks i shtuar dhe rënia nga pesha shpejt dhe tepër, janë disa nga shenjat që tregojnë për praninë e kësaj sëmundjeje. Gjëndra tiroide është e zmadhuar 2-4 herë në volum dhe po t’i vihet dora sipër shpesh dëgjohet një si trill ose gërhitje e lehtë që flet për vaskularizimin e tepërt dhe qarkullimin e shtuar të gjakut. Në 1/4 e të sëmurëve shihet një zmadhim dhe dalje të kokërdhokëve të syve me një ënjtje të kapakëve, shenjë kjo, e cila kur përparon merr një zhvillim të pavarur dhe me perspektivë jo shumë të favorshme. Rrahjet e zemrës të shpejtuara janë shenja e detyrueshme e sëmundjes dhe e veçanta e tyre është prania e tyre edhe në gjumë.
Pasojat
Të sëmurët me hipertiroidizëm shpesh ankohen për vështirësi në frymëmarrje pas një sforcimi të lehtë, kjo si pasojë e dobësisë së muskujve të frymëmarrjes. Ata mund të kenë shenja të dobësisë kockore nga humbjet e kalciumit dhe fosforit, kanë një dridhje fine të duarve që konstatohet vetëm kur preken nga jashtë. Lëkura, si organi i rregullimit të temperaturës së trupit, merr një rëndësi të veçantë në sëmundjen e tiroides. Në funksion e shtuar të saj, ajo është e ngrohtë, e butë dhe e njomë. Floku është i hollë, i thyeshëm, bie shpejt dhe thinjet para kohe. Thonjtë janë të thatë dhe në pjesët e tyre fundore fillojnë e çahen. I sëmuri mund të ketë ënjtje në pjesën e poshtme të kërcinjve. Barra ka një ndikim të favorshëm mbi këtë sëmundje. Në këto kushte mjekimi i saj mund të bëhet me doza të vogla antityroidienë dhe qetësues, por duhet të kihet kujdes, pasi këto ilaçe kalojnë barrierën placentate dhe mund të dëmtojnë fëmijën duke frenuar tiroiden e tij. Organet e tjera të organizmit ndikojnë në funksionin e shtuar i tiroides. Lëvizshmëria e zorrës është e shpejtuar dhe rreth 1/3 e pacientëve kanë diarre. Në disa raste mund të ketë dëmtim të funksionit të mëlçisë me rritje të transaminazave dhe të bilirubinës në gjak. Hormonet e rritura të tiroides kanë ndikim edhe në metabolizmin e yndyrave dhe të sheqernave. Vërehet shpesh një ulje e kolesterolit, rritje e sheqerit në gjak, që shoqërohet me daljen e tij në urinë, ndërsa diabeti i sheqerit është gjetur në 2-3 për qind e këtyre të sëmurëve.
Mjekimi
Mjekimi i funksionit të shtuar të tiroides ka për qëllim të bllokojë prodhimin e tepërt të hormoneve të saj. Ky bllokim mund të bëhet në mënyra të ndryshme, në varësi të shumë faktorëve dhe kushteve që kanë lidhje me vetë të sëmurin, me formën e sëmundjes ose sipas praktikave të vendeve ose qendrave të ndryshme të mjekimit. Aktualisht më i përdorshëm është mjekimi me barnat antityroidienë. Këta janë preparate, të cilët ndërhyjnë në hallka të ndryshme të procesit metabolik të jonizimit organik të jodit dhe të formimit të hormoneve të tiroides ose duke penguar konvertimin periferik te thyroxinës (T4) në trijodtyroninë (T3), e cila mendohet se është forma aktive e hormonit tiroid. Krahas këtyre, një vend të rëndësishëm zënë dhe përdorimi i barnave me veprim qetësues në drejtim të sistemit nervor, ngadalësimit të rrahjeve të zemrës, siç janë si dhe rregulluesit e metabolizmit të proteinave dhe vitaminoterapia. Në disa vende i japin përparësi trajtimit kirurgjikal të kësaj sëmundjeje. Kjo konsiston në heqjen e pjesës më të madhe të tiroides, duke lënë përafërsisht 1/10 e saj. Kjo metodë mjekimi rekomandohet në ato raste kur gjëndra tiroide është tepër e madhe dhe ka shenja të kompresionit me pengesa në frymëmarrje dhe gëlltitje, kur ajo është tepër e fortë dhe pëson një rritje të menjëhershme dhe kur mosha e pacientit nuk është nën 25 vjeç. Dhënia e jodit radioaktiv për qëllime mjekimi bëhet më tepër për ato raste kur mjekimi i Hipertyreozës si me barna, ashtu dhe me rrugë kirurgjikale ka dështuar dhe sëmundja është përsëritur, ose kur nuk mund të përdoret as njëra as tjetra metodë për arsye të ndryshme, siç janë rastet me alergji ndaj barnave dhe nuk mund të bëhet ndërhyrja kirurgjikale.

Pasojat, tiroidja shkakton probleme edhe me sytë
Përveç problemeve të mësipërme, tiroidja shkakton probleme edhe me sytë. Kjo haset në rreth 1/4 e këtyre pacientëve. Ndryshimet në sytë e të sëmurëve me Hipertyreosis kanë veçoritë e tyre dhe variojnë nga format e saj të lehta e të mesme deri në dëmtime të rënda me dalje të kokërdhokëve jashtë, me ënjtje të kapakëve, skuqje, lotim, dhimbje me ndjenjën e rërës në sy, me vështrim të dyzuar të objekteve dhe deri në ulçeracion të kornesë nga pamundësia e kapakëve për të mbuluar dhe për të siguruar lagështinë e nevojshme të kokërdhokëve. Sytë e këtyre të sëmurëve, dhe po të ushtrohet presion mbi ta, nuk shkojnë në pozicionin e tyre normal si pasojë e trashjes së muskulit të syrit dhe i grumbullimit të yndyrave në pjesën e prapme të tij. Ecuria e mëtejshme e këtij çrregullimi kur ai është prezent është e pavarur nga ecuria e sëmundjes së tiroides, prandaj dhe trajtimi i tij kërkon një qëndrim të veçantë. Në rastet ekstreme, kur rrezikohet pamja e të sëmurit rekomandohet ndërhyrje kirurgjikale për të liruar hapësirën mbrapa syrit nga grumbullimet e yndyrave ose bëhet prerja e trunkut të Hipofizës. Në situata të tjera, përdorimi i kortizonit në doza të larta përmirëson situatën, ndërsa në format e lehta të këtyre të sëmurëve u rekomandohet kufizimi i lëngjeve, kripës dhe pozicioni i ngritur i kokës gjatë gjumit.

Faktorët që ndikojnë në shtimin e funksionit
Streset e papritura, ose të zgjatura
Marrja me shumicë e jodit
Traumat psikologjike
Dietat me rënie nga pesha të shoqëruara me marrjen e hormoneve të tiroides
Faktorë autoimune (që lidhen me problemet e sistemit imunitar)
Marrja pa kriter e medikamenteve për trajtimin e strumave (sëmundje e tiroides)

Simptomat
Nervozizëm
Pagjumësi
Djersë
Rrahje të shpejta të zemrës
Lodhje
Rënie e flokëve
Oreks i shtuar
Rënie e shpejtë nga pesha
Vështirësi në frymëmarrje
Dridhje të duarve
Çarje në pjesën fundore të thonjve
Ënjtje në pjesën e poshtme të kërcinjve

Burimi: Gazeta Albania

[Genius™]

Tani kam dhe unë një pyetje, m.q.se paska anëtar që janë të fushës.

Nervozizëm
Pagjumësi
Djersë
Rrahje të shpejta të zemrës
Lodhje
Rënie e flokëve
Oreks i shtuar
Rënie e shpejtë nga pesha
Vështirësi në frymëmarrje
Dridhje të duarve
Çarje në pjesën fundore të thonjve
Ënjtje në pjesën e poshtme të kërcinjve

Duhet të jenë kompleks të gjitha këto simptoma, apo njëra nga këto.

Kjo rënia e shpejtë nga pesha më ka bërë vaki ose shtimi i oreksit. Më zuri pak meraku kur lexova tekstin.

[☆Angie☆]

Ecuria e sëmundjes është e ndryshme në raste të ndryshme dhe simptomat për sëmundjen në fjalë mund të jenë jospecifike. Por sigurisht, që për të thënë nqs është e pranishme apo jo, simptomat duhen parë në kompleksitetin e tyre. Rënia në peshë nuk është treguesi i vetëm apo kryesori. Kjo e fundit ndodh për një sërë shkaqesh të tjera, një ndër to mund të jetë stresi. Kështu që, s'ka pse të krijohet kot panik.

Endokrinologu psh mund të bëjë një test dhe të përcaktojë saktë nqs ka mbi apo nënfunksionim të saj.

[Genius™]

Ecuria e sëmundjes është e ndryshme në raste të ndryshme dhe simptomat për sëmundjen në fjalë mund të jenë jospecifike. Por sigurisht, që për të thënë nqs është e pranishme apo jo, simptomat duhen parë në kompleksitetin e tyre. Rënia në peshë nuk është treguesi i ëm apo kryesori. Kjo e fundit ndodh për një sërë shkaqesh të tjera, një ndër to mund të ë stresi. Kështu që, s'ka pse të krijohet kot panik.

Endokrinologu psh mund të bëjë një test dhe të përcaktojë saktë nqs ka mbi apo nënfunksionim të saj.

Faleminderit, duhet bërë një vizitë për kulturë, po thuaj ne traumatizohemi pa pasur gjë. Unë kur kam stres më shtohet oreksi, kur jam aktivë dhe në rregull fillojë dhe dobësohem menjëherë. Metabolizëm i çuditshëm, gjithësesi shumë faleminderit për informacionin.

[dardani8]

Glandula thyroidea është gjëndra hormonale e Tiroideve, që ndodhet në qafë e vendosur para dhe anash Trakesë.
Është gjëndër endokrine (më duket se në shqip quhet : me tahitje të brendshme) dhe prodhon 3 hormone sh. të rëndësishme: Trijodtironinën T3, Tiroksinën T4 dhe Kalzitoninën

Funksioni kryesor i saj është depozitimi i jodit, ndërkohë që 3 hormonet e tjera ndikojnë në mënyre të ndryshme në organizëm.

Një nga sëmundjet më të shpeshta të lidhura me tiroidet është zmadhimi i gjëndrës dhe kjo është lehtësisht e dallueshme sepse fryhet qafa. Shkaku kryesor i zmadhimit të saj është mungesa e jodit.

Flmn te gjithe atyrev qe dhane kontributin etyre.
Une desha vetem nej gje te them une prape se prape nuk e di se si i thojne Glandula thyroidea ne gjuhen Shqipe?

Une vij nga Kosova e andej nuk kame ndegjuar per ndonje Tahitje te brendshme, ka ketu mjek qe vijne nga Kosova te japin edhe ata ndonje mendim:

flmn