Kosovaret risjellin piramidat

[ilia spiro]

Piramida mashtruese e dy kosovarëve, shtatë denoncime të reja në prokurori
E martë, 05 Tetor 2010 09:51
Email Shtyp pdf

TIRANE - Shtatë denoncime të reja i shtohen dosjes penale të prokurorisë kundër dy personave të akuzuar për një aktivitet disavjeçar mashtrimi me pasoja të rënda në kryeqytet. Pas dokumentimit të më tepër se 250 rasteve kur të dyshuarit Valon Kyçyku e Durim Haxhiolli kanë mashtruar qytetarët, në Prokurorinë e Tiranës kanë mbërritur edhe shtatë denoncime të reja. Lajmi është konfirmuar dje nga burime të prokurorisë, të cilat thanë se ditët e fundit kanë marrë paditë penale të shtatë personave, emrat e të cilëve nuk ishin zbuluar nga hetimet e deritanishme. Në këtë mënyrë, listës së gjatë të personave të mashtruar nga dy shtetasit nga Kosova, i shtohen edhe shtatë emra të rinj. Sipas denoncimeve, këta persona kanë rënë pre e mashtrimit në periudhën shtator 2007 deri në vitin 2009. Të dyshuarit për këtë skemë mashtrimi, Valon Kycyku 35 vjeç, lindur dhe banues në Prizren dhe Burim Haxhiolli 31 vjeç, lindur dhe banues në Suharekë, u arrestuan nga policia shqiptare me urdhër të njësisë Task Force në prokurori më 6 maj 2010. Arrestimi u krye pasi nga hetimet rezultoi se dy të dyshuarit kishin mashtruar të paktën 250 persona, të cilëve u premtonin "anëtarësimin" në dy kompani biznesi, nëse depozitonin 2290 euro të cilat gjatë zhvillimit të aktivitetit do t'i merrnin mbrapsht. Pasi "anëtarësoheshin" në kompanitë fiktive të krijuara nga dy të akuzuarit, shtetasve u kërkohej të afronin edhe tre kandidatë të tjerë, nëse kërkonin të merrnin paratë mbrapsht. Edhe pse shumë nga "viktimat" e kanë përmbushur këtë detyrë, ata kanë marrë vetëm 700 euro, ndërsa pjesa tjetër nuk u është kthyer. Disa prej të dëmtuarve, pasi kuptuan mashtrimin, iu drejtuan prokurorisë dhe policisë. Pak javë pas arrestimit të dy të dyshuarve, Gjykata e Lartë dhe Apeli lanë të lirë Valon Kyçykun dhe Durim Haxhiollin. Ndërkohë që prokuroria ka marrë shtatë denoncime të reja që po dokumentohen, adresa e të liruarve nga gjykata apo edhe vendqëndrimi i tyre është i panjohur. Sipas organit të akuzës, mashtrimi i qytetarëve është bërë me anë të premtimeve të rreme për anëtarësim në aksionet e kompanive "Euro Life Dooel" dhe "Gem Colection" me seli në Shkup të Maqedonisë. Këto subjekte kanë rezultuar fiktive, ndërkohë që të dyshuarit akuzohen se kanë mbledhur nga qytetarët rreth 1.5 milionë euro.

[Zoti Basha]

Shih, sa mudn te piqen njerezit ne 10 vjet: nuk pretendon njeri tani te mbahen zgjdhje te parakohshme sepse disa mashtues kane vjedhur nga disa budallenj. keq me vjen ama qe nuk po rrzohet me qeveria kete here...per fare