KF.ELBASANI: Per Tigrat Verdh E Blu!

[{A_N_G_E_L_69}]

http://www.sportishqiptar.com.al/wp-...1/elbasan1.jpg Sadiku: Iki në janar nëse s’ndryshojnë gjërat



Sulmuesi i Elbasanit, Armando Sadiku, pranon mungesën e pagave prej dy muajsh në ekipin verdheblu
Ekipi i Elbasanit, pas ngjarjeve të fundit, është përfshirë në një situatë shumë të ndërlikuar. Mungesa e pagave prej dy muajsh dhe e rezultateve pozitive ka prishur edhe harmoninë brenda ekipit. Dorën e fundit gjithçkaje ia dha derbi me Shkumbinin, që nuk po kalohet lehtësisht nga disa.
Njëri nga protagonistët kryesorë është edhe golashënuesi më i mirë i ekipit, Armando Sadiku, që deklaron se do të jetë i pari që do të largohet, nëse deri në merkaton e janarit nuk realizohet një zgjidhje imediate. “Gjendja nuk është aspak e mirë, sepse rezultatet e fundit kanë ndikuar shumë në anën psikologjike të çdo futbollisti, pa harruar këtu edhe që prej dy muajsh nuk kemi marrë asnjë qindarkë,” - thotë ndër të tjera në intervistën e tij Sadiku.
- Si është gjendja e Elbasanit në këto momente?
- Nuk është e mirë pas rezultateve negative në javët e fundit, që na kanë zbritur në fundin e tabelës. Në katër ndeshjet e fundit kemi marrë vetëm një pikë. Në këtë mënyrë, po rrezikojmë edhe qëndrimin në kategorinë superiore. Kjo gjë ka sjellë edhe një gjendje të rënduar psikologjike.

- Ditët e fundit është folur shumë në media edhe për çështjen e pagave. Prej sa muajsh nuk jeni paguar?
- Çështja e pagave është e vërtetë, pasi kemi dy muaj që nuk kemi marrë asnjë qindarkë. Ky është një faktor që ndikon shumë edhe në gjendjen psikologjike të futbollistëve, sepse kjo është puna me të cilën sigurojmë jetesën. Shpresojmë që çdo gjë të zgjidhet sa më shpejt, për të qenë sa më të qetë në ndeshjet e ardhshme.
- Sa ka ndikuar çështja e pagave në impenjimin tuaj në ndeshjen e fundit në derbi?
- Si profesionistë që jemi, as nuk e kemi menduar kurrë që impenjimi ynë në fushë të ishte i kushtëzuar nga marrja e pagave. Për atë ndeshje kemi luajtur të gjithë me shpirt deri në fund për të marrë një rezultat pozitiv. Por fati na ndëshkoi me një gol në minutën e fundit. Më pas kthimi i rezultatit ishte i pamundur.
- Pas ndeshjes drejtuesit e ekipit u shprehën për një lëshim. Çfarë komenti keni?
- Personalisht do të thoja që kam dhënë maksimumin në atë ndeshje për ta fituar. Për sa u përket deklaratave të tilla, janë organet përkatëse të ekipit që kanë kompetencat e plota për të hetuar. Detyra ime është të shënoj kur jam në fushë.

- Ndeshja e radhës është përballë Vllaznisë në transfertë…?
- Do të jetë një ndeshje shumë e vështirë. Të dy ekipet do të kërkojnë një fitore për të kapërcyer këtë gjendje të vështirë. Ne do të shkojmë në Shkodër me një objektiv, që është fitorja. Duhet të harrojmë Shkumbinin dhe të hedhim sytë nga e ardhmja, sepse jemi në zonën e ftohtë.
- Nëse deri në merkaton e janarit vazhdon kjo situatë, a vihet në dyshim qëndrimi juaj në Elbasan?
- Ajo që dua të deklaroj është që, nëse deri në merkaton e janarit gjërat nuk ndryshojnë, unë do të largohen nga Elbasani. Më vjen keq, por nuk mund të qëndroj më, nëse vazhdojmë të notojmë në ujëra të turbullta. Ekipi në këtë gjendje që është kërkon një zgjidhje imediate, sepse në të kundërt, na pret një fund i padëshiruar.

[{A_N_G_E_L_69}]

http://www.sportishqiptar.com.al/wp-.../elbasani1.jpg Hyshmeri: Na duhet më shumë se kurrë rezultati pozitiv në Shkodër



Mesfushori i Elbasanit, Renato Hyshmeri, mendon se ekipi është i aftë të fitojë në Shkodër
Ditën e diel, ekipi i Elbasanit do të ndeshet me ekipin e Vllaznisë në transfertë për javën e dhjetë të kampionatit. Në këtë ndeshje elbasanasit do të kërkojnë të dalin me pikë, pasi gjendja e rënduar në të cilën ndodhen në renditje do të rëndohej më shumë në rast të kundërt. Ndërsa ekipi vendas i Vllaznisë do të kërkojë me çdo kusht fitoren, sepse ndeshja zhvillohet në Shkodër, përpara tifozërisë së saj.
Për Renato Hyshmerin, kjo është një ndeshje që kërkon një angazhim special, pasi Vllaznia është një ekip shumë i fortë në shtëpi dhe është e vështirë t’i rrëmbesh pikë lehtësisht. “Po mundohemi ta harrojmë atë që ndodhi përballë Shkumbinit një javë më parë, sepse nuk e meritonim. Në javët e fundit nuk po arrijmë të marrim shpërblimin për lojën e mirë që kemi zhvilluar. Kjo gjë besoj që do të marrë fund nga ndeshja e radhës me Vllazninë në Shkodër.
Kundërshtari ka një ekip cilësor dhe është e vështirë ta mundësh brenda në shtëpi. Por ne do të japim maksimumin në fushë, për të treguar se nuk e meritojmë vendin e fundit,” - shprehet Hyshmeri. Për të përfunduar fazën e parë të kampionatit, duhen edhe dy javë. Pas ndeshjes në transfertë me Vllazninë, Elbasani do të presë Flamurtarin.
Hyshmeri është shumë optimist që këto dy ndeshje do ta ngrenë Elbasanin nga vendi i fundit. “Jemi aksidentalisht në vendin e fundit. Në përfundim të fazës së parë kam shumë besim te grupi që do të kthehemi në mesin e renditjes. Diferenca midis vendit të fundit dhe ekipeve që mbajnë mesin e renditjes është shumë e vogël.
Që do të thotë se me dy rezultate pozitive ndryshon gjithçka,” - shton mesfushori verdheblu. Ekipi i Elbasanit do të ndeshet me ekipin e Vllaznisë brenda një harku kohor shumë të shkurtër tri herë, pasi shorti për ndeshjet e kupës i ka vënë përballë njëri-tjetrit. Por a do të arrijë Elbasani të triumfojë në të dy frontet? Ajo që mund të themi është që do të jenë tri ndeshje shumë të bukura për t’u shijuar, sepse përballë do të jenë dy nga ekipet më me traditë në futbollin shqiptar.
Pastaj, për sa u përket rezultateve, është e vështirë të përcaktosh saktësisht se çfarë do të ndodhë. “Çdo ndeshje duhet ta marrim me qetësi të plotë. Përpara kupës duhet të mendojmë një herë për kampionatin për të dalë nga zona e ftohtë ku ndodhemi, më pas oreksi vjen duke ngrënë. Nëse fitojmë këtë javë, atëherë do të jemi më të qetë psikologjikisht,” - përfundon mesfushori i Elbasanit, Renato Hyshmeri.
Elbasani, që sonte në Shkodër
Ditën e sotme, pas seancës stërvitore paradite, ekipi i Elbasani do të udhëtojë drejt Shkodrës. Akomodimi mësohet se do të bëhet në një nga hotelet e qytetit verior, për të qenë të gatshëm për ditën e diel për ndeshjen. Për Elbasanin, nuk do të ketë asnjë mungesë dhe të gjithë futbollistët do të jenë në dispozicion të trajnerit Alimehmeti.

[{A_N_G_E_L_69}]

Elbasani me probleme, të pamundurën ndaj Flamurtarit



Një ditë para ndeshjes përballë ekipit të Flamurtarit, duket se problemet nuk kanë të mbaruar për ekipin e Elbasanit. Pas rezultateve negative në javët e fundit, që e kanë zbritur në zonën e ftohtë në vendin e fundit të renditjes, tashmë është dënuar edhe ndimëstrajneri Oltion Osamni. Vendimi i komisionit të disipilinës, i publikuar dje, dënonte Osmanin për dy javë dhe 100 mijë lekë për sjellje jokorrekte ndaj zyrtarit të ndeshjes. Në ndeshjen me Flamurtarin, në krah të trajnerit tiranas Krenar Alimehmeti, do të jetë trajneri i portierëve, Muharrem Dosti. Theksojmë që Dosti ka qenë në krye të ekipit të Elbasanit edicionin e kaluar në fazën e parë, për t’ia lënë vendin më pas Alimehmetit. Dyshja drejtuese Alimehmeti-Dosti do të kërkojë nga ndeshja me Flamurtarin me çdo kusht një rezultat pozitiv, për të dalë nga fundi i renditjes.
Bylykbashi, asnjë ndeshje në fazën I
Kanë kaluar dhjetë javë nga starti i kampionatit, por Dorian Bylykbashi akoma nuk ka zbritur në fushë për të zhvilluar një ndeshje me ekipin e Elbasanit. Problemet me dokumentacionin vazhdojnë të mos jenë zgjidhur, duke e kthyer çështjen në një “telenovelë”. Elbasanasit në këto momente të vështira që ndodhen pas rezultateve negative, kanë më shumë se kurrë nevojë për një lider si Bylykashi në fushë. Por gjasat janë që edhe për ndeshjen përballë ekipit të Flamurtarit elbasanasi i talentuar nuk do të jetë në fushë. Lidhur me këtë çështje, futbollisti shprehet se problem për mosaktivizimin e tij vazhdon të jetë problemi i dokumentacionit. “Dëshira është që të jem në fushë për të ndihmuar ekipin përballë Flamurtarit në këto momente jo shumë të mira që po kalon, por një gjë të tillë nuk mund të realizoj për shkak të mostërheqjes së dokumenteve nga ekipi ukrainas. Jam në pritje prej disa javësh tashmë. Shpresoj që në fazën e dytë të jem në fushë,” -shprehet Dorian Bylykbashi.
Verdheblutë, më sulmues ndaj vlonjatëve
Për ndeshjen me Flamurtarin, ekipi i Elbasanit pritet që të zbresë në fushë me një formacion sulmues, për të kërkuar golin nga minuta e parë, duke guxuar. Në portë, si gjithmonë këtë edicion, pritet që të jetë Ervin Llani, i cili kohët e fundit nuk po kalon një gjendje shumë të mirë, duke mos arritur në formën e tij më të mirë, por besimi akoma nuk është humbur te tiranasi. Mbrojtja, që ndeshjet e fundit ka çaluar, duke mos krijuar shumë stabilitet, nuk pritet të pësojë ndryshime të ndjeshme, duke iu besuar përsëri në qendër dyshes Sulejmanoviç-Ramazani. Ndërsa në krah Merxha me Memetajn. Dilemat ende të pazgjidhura duket se paraqiten në mesin e fushës, pasi mesfushori maqedonas Mensur Idrizi po kalon një dëmtim të lehtë. Nëse mesfushori do të mungojë, pritet që ta zëvendësojë Dalipi në krahun e djathtë, kurse në të majtin Renato Hyshmeri. Dyshja e mesit të fushë mendohet që do të përbëhet nga Radoviç dhe Gava. Dhe në fund reparti që vazhdon të ketë probleme për sa i përket finalizimit, ku sulmi do t’i besohet sërish Sadikut dhe Rraboshtës. Nga këta dy futbollistë pritet shumë në këtë ndeshje.

[goldian]

sa keq me vjen per gjendjen e elbasanit

[{A_N_G_E_L_69}]

Vitin qe vjen ka zera se do te ndertojn ekip per te dalur kampjon.Kuptohet nqs nuk bien nga kategoria superiore sivjet.

[goldian]

ai elbasani i para disa viteve zor te kthehet me

[{A_N_G_E_L_69}]

Me shum gjasa ka per ty rikthyer.Jan ber goxha investime ne ekipet e moshave te Elbasanit.Eshte investuar gjithashtu ne ambjentet ku sterviten ekipet zinxhire bashk me ekipin e pare.Po ashtu stadjumi esht ber vertet modern dhe me projektore.Personalisht kam bindjen se vitin tjeter do te kemi nje ekip ku do te luftojme per tri vendet e para.

[{A_N_G_E_L_69}]

Elbasani fiton, Laze nxjerr në shitje aksionet e veta
Elbasani fiton, Laze nxjerr në shitje aksionet e veta



Ka fituar me rezultatin 3-2 Elbasani, në ndeshjen e radhës, e cila ngriti gjithashtu siparin e javës së 13-të të superligës, duke marrë 3 pikë të arta, pas disa ndeshjesh negative, dhe duke e lënë vendin e fundit për Besën. Mallakastriotët kanë qenë “kurbani“ i verdhebluve, të cilët kanë rezistuar fort, me thënë të vërtetën, por janë dorëzuar në kohën shtesë, teksa Radovic ka vulosur fitoren 3-2 të të tijve. Fillimisht kanë kaluar të parët në epërsi miqtë, me anë të Fjodor Xhafës, në minutën e 66-të, më pas, brenda pak minutash, ka barazuar Endri Dalipi, në minutën e 68-të, për ta provuar fitoren momentale mallakastriotët, që me anë të Shoshit kanë shënuar golin e dytë të tyre. Shoshi, që e kishte një karton tjetër të verdhë, duke gëzuar shënimin e golit të tij, ka hequr fanellën dhe kjo i ka kushtuar atij kartonin e dytë të verdhë dhe drejpërdrejt të kuqin, duke e lënë skuadrën me 10 lojtarë në fushë. Menjëherë ka barazuar Elbasani, me anë të Sadikut, në minutën e 73-të, ndërsa janë dashur minutat shtesë, që verdheblutë të dalin te fitorja. Ka qenë malazezi Radovic, i futur në pjesën e dytë si zëvendësues, që në minutën e dytë shtesë ka realizuar dhe ka ngritur peshë tifozërinë vendëse, që prej kohësh nuk i gëzohej një fitoereje të skuadrës së tij.
Ndërkohë, merret vesh se Arben Laze nuk do të jetë më president i Elbasanit, duke nisur nga e shtuna e datës 27 nëntor, pasi njeriu që e riktheu skuadrën verdheblu në majën e futbollit shqiptar, e shpalli atë kampion të vendit në sezonin 2005-2006, ka vendosur të tërhiqet nga posti që ka mbajtur prej vitesh, duke i nxjerrë në shitje aksionet e veta. Aksione të cilat kanë qenë mazhorancë në klubin e Elbasanit. Mesa duket, situata kritike në klubin verdheblu, renditja në vendin e fundit të superligës, problemet e shumta financiare, dënimi nga FIFA me heqjen e 3 pikëve dhe dëmshpërblimin e kroatit Pero Peric me 12 mijë euro, për mosrespektimin e kontratës me këtë futbollist, por edhe problematika të tjera personale, e kanë detyruar Arben Lazen të hapë krahun, duke ia dhënë mundësinë ndokujt tjetër për ta marrë stafetën. Sigurisht, duke blerë aksionet e Lazes në klubin e Elbasanit. Njëfarë goditjeje psikologjike kjo për verdheblutë, të cilët kanë përjetuar dy anët e medaljes nën drejtimin e presidentit Laze, zenitin e tyre, deri në shpalljen kampionë, por edhe fundin, sic është pozicionimi aktual në superligë, por edhe zbritja një kategori më poshtë, në sezonin 2009-2010.

Problemet që pati presidenti Laze me drejtësinë, ku iu desh të bëjë edhe disa vite burg, duket se krijuan hendekun e madh me skuadrën, vecanërisht në aspektin financiar. Derisa numri një i skuadrës verdheblu vendosi të tërhiqet, duke dhënë një shembull për t’u përshëndetur, në fakt, sepse kolegë të tij, edhe pse përjetojnë situata të tilla prej vitesh, madje në skuadra me emër të madh, si Partizani, nuk tunden. Dorëheqja e Lazes dhe nxjerrja në shitje e aksioneve të veta përbën në vetvete njëfarë shembulli që duhet ndjekur edhe nga presidentë të tjerë, sic është rasti i Albert Xhanit, që nuk japin asnjë kacidhe për klubin, e degdisin atë nëpër kategoritë inferiore, por nuk mbajnë asnjë përgjegjësi, nuk hapin rrugë, duke i marrë peng ngjyrat dhe historinë e klubit respektiv.
ELBASANI-BYLIS 3-2
Shënues: E.Dalipi 68’, Sadiku 73’, Radovic 90+2’ / F.Xhafa 66’, Shoshi 76’

[{A_N_G_E_L_69}]

Laze ndryshon mendje: S’largohem nga Elbasani



Presidenti Arben Laze do të shesë vetëm disa aksione, por do të mbetet aksionari kryesor i klubit verdheblu
Arben Laze, pas deklaratës së ditës së shtunë për largimin nga ekipi i Elbasanit dhe shitjes së aksioneve, ka ndryshuar mendje. Gjatë ditës së djeshme, Laze, në jë prononcim, është shprehur se nuk do të largohet nga Elbasani, por do të shesë vetëm një pjesë të aksioneve. “Nga Elbasani nuk do të largohem kurrë, pasi i kam kushtuar një pjesë shumë të rëndësishme të jetës dhe gjithmonë jam ndierë vetëm dhe pa mbështetje. Madje nuk e përjashtoj mundësinë që një ditë president i ekipit Elbasanit të jetë edhe trashëgimtari im.
Kam deklaruar se do të shes vetëm një pjesë të aksioneve që gëzoj dhe jo të gjitha,” - është shprehur Laze. Aktualisht Laze gëzon 49% të aksioneve, ndërsa pjesa tjetër është e ndarë midis bashkisë me 33 % dhe aksionarit Çërraga me 18%. Për sa i përket përqindjes së aksioneve që Laze shprehet se do të shesë, ai nuk bën asgjë publike, duke mbajtuar gjithçka sekret deri në përfundimin e marrëveshjeve.
“Nuk kam dëshirë ta deklaroj përqindjen e aksioneve që do të shes deri në përfundimin e marrëveshjes me të interesuarit. Por mund të them se çmimi i tyre nuk do të jetë i vogël. Kështu që ata që të afrohen, ta mendojnë mirë. Kam dëgjuar në media që janë lakuar disa emra, por nuk është aspak e vërtetë që ka pasur interesim nga ana e tyre. Momentalisht janë disa biznese të tjera që kanë shprehur interes, por asgjë konkrete,” - shton Laze.
Për t’u kthyer pas, te ndeshja me Bylisin, në triumfin që Elbasani arriti pas shumë javës, Laze shprehet se nuk ka asnjë koment për fitoren, teksa deklaron shkurt: “Unë jam president i ekipit dhe si i tillë do të vazhdoj të kontrolloj ecurinë. Për ndeshjen me Bylisin nuk kam asnjë koment.”

[{A_N_G_E_L_69}]

Kriza e Elbasanit nuk po ka fund...Humbi dhe kesaj jave me Kastriotin me rezultatin 3-1 ne favor te krutaneve.Elbasani ndan vendin e fundit me 9 pike bashk me Besen qe ka nje ndeshje manget.