KF.ELBASANI: Per Tigrat Verdh E Blu!

[King_Arthur]

Mesfusha e Elbasanit ne "dore" te Bledar Lenes

Mesfushori ka rënë parimisht dakord me presidentin Laze dhe trajneri File e llogarit si një ndër lojtarët kyç të formacionit

Nga Elton Karaj

Bledar Lena mund të quhet përforcimi i parë i Elbasanit në këtë merkato vere,pasi Klevis Roshi tashmë është kthyer te Tomori, ku kishte edhe një vit kontratë. Lena, i aktivizuar me Gramozin sezonet e fundit, shprehet për “Sportin shqiptar” se ka dëshirë të qëndrojë tek Elbasani dhe se është pranë nënshkrimit të kontratës me presidentin Arben Laze. Ai pohon se dëshiron të jetë pranë familjes, por nuk mohon faktin se ka edhe oferta të tjera, ku më konkrete është ajo e Luftëtarit. Trajneri i Elbasanit, Ilirian File, e ka aktivizuar në disa ndeshje miqësore Lenën dhe ka mbetur i kënaqur nga forma e tij, ndaj dhe qëndrimi i mesfushorit do të ishte një përforcim me vlera për verdheblutë. Parimisht dakord – “Kam ditë që stërvitem me Elbasanin dhe e kam shprehur hapur dëshirën për të qëndruar me këtë ekip sezonin tjetër. Kam rënë parimisht dakord me presidentin Arben Laze, por ende nuk e kam firmosur kontratën, që do të bënte zyrtarisht pjesë të Elbasanit. Ndërkohë, kam edhe oferta të tjera, ku më i interesuar për mua është ekipi i Luftëtarit. Pavarësisht kësaj, do të pres të shoh ofertën konkrete të Elbasanit për të vendosur më pas për të ardhmen time. Por, e ritheksoj, ka shumë mundësi që të mbaj fanellën e ekipit të qytetit tim sezonin e ri,” – ka thënë mes të tjerash mesfushori elbasanas, i cili ka spikatur edhe si golashënues me Gramozin. Familja – Lena ka disa sezone që luan në qytete të ndryshme dhe tani duket pak i lodhur me këtë fakt, ndaj dhe kërkon të kthehet në Elbasan. “Gjatë sezoneve të fundit kam luajtur me Naftëtarin dhe Gramozin, gjë që më ka penguar të jem pranë familjes. Natyrisht që duke luajtur me Elbasanin, do të jem pranë familjes, ndaj dhe kjo është një shtysë e fortë për të qëndruar këtu,” – ka shtuar Lena. Ekipi – Trajneri File e ka aktivizuar titullar Lenën në miqësoret e fundit, duke i besuar “çelësat” e mesfushës. Ai është i kënaqur me formën e mesfushorit, i cili, gjithmonë nëse qëndron, parashikon një sezon pozitiv në aspektin ekipor dhe atë personal.“Forma e mirë vjen falë punës që bëjmë në stërvitje. Jemi ende në fazë përgatitore, ndaj dhe duhet punuar shumë për të pasur sukses në një kampionat të gjatë. Ndihem i kënaqur për faktin që po kaloj një formë të mirë sportive. Elbasanin e pret një rrugë e gjatë dhe e vështirë, por ky ekip ka futbollistë të mirë dhe tërinj të talentuar, të cilët do të dinë ta kthejnë në superligë. Besoj se do të jemi një ndër ekipet më të mira të kategorisë së parë,” – përfundon Lena.

26 vjeç
është futbollisti elbasanas
2 fanella
ka veshur më parë Lena, atë të Naftëtarit dhe të Gramozit, me këtë të fundit ka luajtur edhe në superligë
0 përforcime
zyrtare deri tani për ekipin verdheblu

[{A_N_G_E_L_69}]

Elbasani me laps në dorë, e favorizon kalendari



Verdheblutë kanë hyrë seriozisht në “vallen” për një vend në Superiore, pasi u mjaftonte një trepikësh jashtë fushe për t’u bërë pjesë e skuadrave të kreut. Që kur u hodh shorti në fillim të kampionatit, ata theksuan se në fazën e parë kalendari nuk ishte shumë favorizues për ta dhe në njëfarë mënyre nuk pretendonin të merrnin shumë pikë. Në fakt, kështu ndodhi, pasi elbasanasit në fazën e parë nuk morën aq sa pretendonin dhe u renditën shumë prapa me pikë në krahasim me skuadrat e kreut. Ndërsa, për të dytën janë treguar optimistë, pasi duke bërë llogaritë me laps në dorë, e arrijnë Superioren, objektivin e tyre madhor për këtë sezon. Mendojnë kështu, sepse takimet me rivalët direkt i kanë brenda.

[[HD]]

Elbasani, presidenca në bisedime me tre futbollistë, pritet rikthimi i Ilirjan


Elbasani po vazhdon zhvillimin me intensitet të plotë të fazës përgatitore në kompleksin sportiv “Shefqet Lamçja”. Stafi teknik po bën një punë mjaft të mirë në drejtimin e skuadrës në këto përgatitje. Ndërkohë që presidenti Arben Laze po përpiqet të arrijë akordin me disa futbollistë cilësorë për ta kompletuar ekipin me elementët e nevojshëm. Mësohet se bisedimet kanë nisur me një sulmues dhe dy mbrojtës, të cilët mund t’i bashkohen shumë shpejt kontingjentit të drejtuar nga trajneri File. Emrat e tyre nuk bëhen me dije, por në ditët në vijim do të mësohet më shumë rreth identitetit të tyre. Pas afrimit të mesfushorit Klevis Roshi dhe rikthimit të Endri Dalipit, pritet që organikës t’i shtohen edhe blerje të tjera. Ditët e fundit në seancën stërvitore janë parë edhe disa lojtarë të rinj, që sipas burimeve brenda klubit janë nga qyteti i Shkodrës. Verdheblutë po kërkojnë të ndjekin edhe një politikë tjetër në këtë merkato, duke kërkuar, që për këtë sezon të huazojë edhe lojtarë nga ekipe të ndryshme që janë në Superligë. Gjithsesi, kjo gjë pritet të jetë në plan të dytë, pasi po synohet që të afrohen futbollistë me peshë, në mënyrë që të mos e diskutojë rikthimin në Superligë këtë sezon. Nga burime pranë skuadrës, te verdheblutë mësohet se është pranë rikthimit, mbrojtësi Ilirjan Mërtiri, i cili do të ishte një përforcim i duhur për Elbasanin.

[[HD]]

Disa foto nga stadiumi extra modern e Elbasanit!

[[HD]]

[[HD]]

[[HD]]

[[HD]]

[[HD]]

[[HD]]

Foto te reja te stadiumit Ruzhdi Bizhuta,projektoret,dhe zgjerimi i tribunave perball!

[[HD]]

[[HD]]

[[HD]]

[[HD]]

[[HD]]

[[HD]]

[[HD]]

Elbasani, rikuperohet Bylykbashi, gati ndaj Lushnjes







Pas rikuperimit nga gjendja fizike, lojtari i njohur elbasanas do të luajë në fundjavë së bashku me mbrojtësin nigerian, Sundey

Ekipi i Elbasanit vazhdon përgatitjet për ndeshjen ndaj Lushnjes. Seanca e rradhës stërvitore u zhvillua në kompleksin sportiv, “Shefqet Lamcja”. Grupi i lojtarëve duket në një formë mjaft të mirë dhe në një harmoni të plotë. Trajneri File po u jep ngarkesën e duhur fizike dhe morale skuadrës përpara kësaj ndeshjeje mjaft të rëndësishme, ku përballë do të ketë ekipin kryesues.

Në stërvitje grupi i lojtarëve ka qenë i plotë, duke treguar qartë se edhe vetë futbollistët po e vlerësojnë maksimalisht këtë ndeshje. Një lajm shumë i mirë për ekipin verdheblu është se për këtë ndeshje mund të jenë të gatshëm edhe mesfushori Dorian Bylykbashi si edhe mbrojtësi Sunday.

Rikthimi i Bylykbashit në fushën e blertë mund të bëhet qysh në këtë javë, pasi mesfushori ka arritur një formë të mirë fizike gjatë seancave stërvitore, që ka zhvilluar bashkë me skuadrën. Prej kohësh është pritur që mesfushori të rikthehej të luante për Elbasanin, por problemet e shumta e kanë penguar Bylykbashin që të ndihmojë ekipin e Elbasanit në rrugën drejt Superligës.

Tashmë pritet që Bylykbashi të jetë në fushë për t’i dhënë një “dorë” më shumë verdhebluve në rrugën e tyre. Gjithashtu pritet edhe debutimi i mbrojtësit të djathtë Sunday, i ardhur gjatë merkatos së verës. Mbrojtësi nigerian ende nuk ka debutuar për skuadrën verdheblu, pasi ka patur probleme me dokumentacionin e tij.

Sunday cilësohet si një lojtar vërtet i nevojshëm për skuadrën, kjo falë aftësive të mira që ai ka. Me këta lojtarë në përbërje, Elbasani do të udhëtojë akoma edhe më i fortë në ndeshjen ndaj Lushnjes, ku rikthimi i Bylykbashit në fushë pritet që të ndikojë vërtet shumë në lojën e verdhebluve, pasi dihen vlerat e tij.

Në këtë ndeshje, Elbasani synon të marrë maksimumin e pikëve dhe të zhvillojë një lojë të mirë. Rivalët e Lushnjes i kanë fituar të gjitha ndeshjet deri tani, ku ndodhen në vendin e parë në renditje, por një fitore e Elbasanit do të bënte që këto dy skuadra të ndërronin vendet në tabelën e renditjes. Ndeshja midis dy skuadrave cilësohet edhe si dueli më i fortë i kësaj jave në kategorinë e parë, pasi ndeshen dy skuadrat që janë pretendentet kryesore për t’u ngjitur në superligë.

[{A_N_G_E_L_69}]

Punimet në Elbasan nisin zyrtarisht

Zyrtarisht, prej ditës së djeshme, kanë nisur punimet në Elbasan. Firma e cila ka fituar tenderin e stadiumit ka bërë dje gjënë elementare për një kantier ndërtimi. Bëhet fjalë për rrethimin e gjithë stadiumit që tashmë është vend pune. Por nuk mbaron puna vetëm me rrethimin. Prej ditës së sotme do të nisin punime të rënda. Do të nisë prishja e tribunës, që do të bëhet nga e para. Kjo do të thotë ndryshime rrënjësore në këtë impiant. Por të rejat në këtë stadium do të jenë të shumta që nga ora e deri tek fasada e re prej xhami. Puna për ndërtimin e këtij stadiumi nisi dje dhe do të hidhen rreth 1.35 milionë euro për këtë vepër. Shumica e parave për rindërtimin e stadiumit do të paguhen nga shteti, ndërsa një pjesë do të paguajë edhe FSHF-ja. “Ruzhdi Bizhuta” është stadiumi ku nga shtatori mund të luajë Kombëtarja Shqiptare. Shteti, institucioni i futbollit, kanë bërë tashmë një marrëveshje me Bashkinë e qytetit të Elbasanit për të investuar në këtë stadium. Edhe pse “Ruzhdi Bizhuta” nuk ka ndriçim në funksionim, duket se gjërat mund të ndryshojnë në pak muaj. Do të investohet rreth 1.35 milionë euro në këtë stadium, duke filluar nga fusha e deri te karriget, për ta sjellë impiantin në gjendje për t’u luajtur ndeshje ndërkombëtare. Sipas përllogaritjeve të FSHFsë, Elbasani është qyteti që ka stadiumin më të përshtatshëm për të luajtur ndeshjet ndërkombëtare. Faktikisht në “lojë” për të qenë pritës i ekipit kombëtar ishte edhe “Loro Boriçi”. Stadiumi i Shkodrës ka pafund vend, por për ta sjellë në standardet e UEFA-s duhen më shumë se 2 milionë euro dhe koha e rindërtimit është më e madhe. Edhe inspektori i FIFA-s që erdhi në tetor pa nga afër këto stadiume dhe do të japë detyra se si ato mund t’I plotësojnë kushtet.

[{A_N_G_E_L_69}]

Shtëpia e re e Kombëtares kuqezi, ja detajet si do të transformohet stadiumi në Elbasan

Qyteti i Elbasanit po përgatitet për të pasur stadiumin më modern që është ndërtuar ndonjëherë në vendin tonë dhe që, për të paktën disa vite, deri në ndërtimin e stadiumit të ri kombëtar do të vijojë të jetë i tillë. Te “Ruzhdi Bizhuta” më datë 17 shkurt ka nisur zyrtarisht puna për ta rikonstruktuar pothuajse plotësisht, duke e kthyer në njëfarë mënyre të gjithë vëmendjen e atyre që e duan sportin, veçanërisht futbollin, por edhe të atyre që janë të ftohtë ndaj kësaj çështjeje, rreth këtij impianti që pritet të marrë “jetë” në fund të gushtit dhe të jetë i gatshëm për të pritur eliminatoret e Europianit 2016. “Panorama Sport” ka arritur të zbardhë të gjithë projektin e këtij stadiumi, të paktën aq sa është skicuar deri më sot, sepse me shumë gjasa pritet të ketë edhe ndryshime të tjera gjatë rrugës, në varësi edhe të inspektimeve që do të bëhen nga UEFA. Vlera fillestare e investimit është 1 milion e 350 mijë euro, por më pas pritet të shtohen edhe 500 mijë euro të tjera në varësi të punimeve.


Kapaciteti Fillimisht “Ruzhdi Bizhuta” u projektua për të pasur një kapacitet prej 11 mijë e 200 vendesh të ulura, duke mos lëvizur pothuajse asgjë nga shkallët aktuale që ka ky stadium. Por, në projekt e sipër, u vendos që të krijohen edhe shkallë portative, në mënyrë që gjatë takimeve të Kombëtares ky kapacitet të rritet edhe më shumë. Bëhet fjalë që numri të shkojë nga 13 mijë deri në 14 mijë vende të ulura. Tribuna kryesore, e cila ndodhet në perëndim të stadiumit, do të qëndrojë po aty, ndonëse do të shembet plotësisht për t’u restauruar, duke lënë vetëm disa kolona ekzistuese. Gjithsej kjo tribunë do të ketë një kapacitet prej 2200 vendesh (e gjitha e mbuluar, vetëm kjo e tillë në të gjithë stadiumin), ku 400 do të jenë vetëm për zonën VIP dhe 100 për gazetarët. Pjesa tjetër do të jetë për spektatorët. Në tribunën VIP do të ketë 20 vende ekstra-VIP, ku mund të ulen vetëm personalitetet më të larta. Tribuna do të ketë edhe një shtesë prej pesë shkallësh nga poshtë në krahasim me këtë aktualen, si dhe do të lihet hapësirë për shkallë të tjera portative.

Fusha Për sa i përket tapetit të gjelbër, do të sillet një i ri krejtësisht sipas parametrave më të larta europianë. Kështu, tapeti do të vijë nga një vend perëndimor, emri i të cilit nuk dihet ende, pasi nuk është vendosur, por do të merret cilësia më e mirë, që kushton 5 euro metri katror dhe garancia do të jetë 5-vjeçare. Nënfusha do të restaurohet plotësisht, duke filluar nga impiantet e kullimit dhe bërë të mundur që, në rast të motit të keq, të mos përbëjë problem për lojtarët në fushë dhe terreni të mos kthehet në një “moçal” siç ndodhte më parë. Për sa i përket pjesës së pistës olimpike me tartan nuk është vendosur ende se çfarë do të bëhet, por po bëhen bisedime me krerë të federatës së atletikës për këtë çështje. Mësohet se edhe kjo federatë dëshiron që të ketë një pistë moderne, ndonëse duhen parë mundësitë.

Ora & dritat Një pjesë e kushtueshme e impiantit të ri do të jetë edhe ora elektronike, e cila do të kushtojë rreth 100 mijë dollarë. Ajo është projektuar që të jetë me ekran dhe do të vendoset në pjesën jugore të stadiumit (prapa portës), aty ku ndodhet aktualisht edhe një pllakë betoni që shërbente për të treguar rezultatin e ndeshjes (ka disa vite që nuk funksionin më as për këtë gjë). Për sa i përket impiantit të ndriçimit, nuk pritet të ketë ndryshime në vendndodhjen e shtyllave ku do të bëhet ndriçimi i stadiumit. Pra, do të jenë katër ekzistueset në katër cepat e fushës. Do të vendosen kabllot për të bërë të mundur kalimin e energjisë dhe do të zëvendësohen panelet elektrikë. Për sa i përket fuqisë së ndriçimit të neoneve, është programuar që të plotësojë edhe kriteret e Ligës së Kampioneve, fuqia e tyre do të jetë nga 1500 deri në 2000 vat.

Fasada Pjesa hyrëse e tribunës, e cila do të jetë me pamje nga perëndimi (siç është aktualisht), do të ndryshojë plotësisht dhe do të shembet për t’u ndërtuar nga e para. Pjesa kryesore e saj do të jetë prej xhami, pra do të ketë një fasadë ballore xhamllëku. Kjo do të ndërthuret me arkitekturën e qytetit të Elbasanit, në mënyrë që të simbolizojë edhe qytetin në të cilin po ndërtohet impianti. Për ngjyrat nuk është vendosur ende asgjë, por mendohet që të jetë një ndërthurje e ngjyrave kuq e zi (të Kombëtares shqiptare) dhe verdhë e blu (të skuadrës së Elbasanit). Për sa u përket ngjyrave, për të cilat ende nuk janë vendosur se si do të jenë, e njëjta gjë mund të thuhet edhe për shkallët e stadiumit të ri, ku ato pak stola që janë aktualisht do të hiqen dhe do të zëvendësohen me të tjerë modern dhe sipas parametrave europianë, por pa e ditur ende nëse do të shkruhet ndonjë gjë te shkallët – me shumë gjasa nuk do të shkruhet gjë – ndryshe nga sa është tani, që në pjesën ballore të tribunës qendrore shkruhet “ELBASANI”. Ndenjëset te VIP-at normalisht do të kenë një tjetër cilësi nga pjesa tjetër e stolave të stadiumit.

Brendësia Pjesa e brendshme e stadiumit është një nga restaurimet më të rëndësishme që pritet të ketë në “Ruzhdi Bizhuta”. Kështu, personat VIP do të kenë një hyrje të veçantë nga e gjithë pjesa tjetër që do të akomodohet në shkallët e tribunës dhe gjithë stadiumit. Për ta është projektuar një ashensor, i cili mban maksimumi 16 persona dhe do të shërbejë për t’u ngjitur nëpër vendet e tyre në tribunë. Por përkarshi do të ketë edhe shkallë të brendshme krejtësisht të veçuara me pjesën tjetër të tribunës. Te kjo zonë do të ndërtohet një restorant dhe një bar, i cili do të shërbejë vetëm për personalitetet, të cilët gjatë pushimit të ndeshjes mund të konsumojnë diçka. Në krahun e majtë të tribunës do të akomodohen gazetarët (100 vende) dhe do të jenë 4-5 kabina transmetimi me “wireless” (në të gjithë impiantin). Në pozicionin që do të qëndrojnë gazetarët, po në krahun e majtë të tribunës, do të jetë edhe salla e konferencave (pak a shumë ku ka qenë edhe më parë), e cila do të plotësojë kushtet e UEFA-s dhe aty do të kenë akses vetëm gazetarët. Do të ketë edhe katër plate për të filmuar, dy prej të cilave do të jenë nga tribuna dhe dy të tjera do të jenë përballë saj dhe do të jenë të mbuluara. Një bar i posaçëm vetëm për median do të jetë në këtë zonë, një nga më të rëndësishmet pas asaj VIP. Një tjetër bar do të ndërtohet për pjesën tjetër të spektatorëve që do të jenë në shkallët e tribunës, por do të kenë mundësi që në këtë zonë të vinë për të pirë diçka edhe ata që jashtë tribunës në pjesën tjetër të impiantit. Në hyrje të stadiumit, në të djathtë të tribunës, do të ketë një dyqan suveniresh për Kombëtaren. Ai do të jetë i hapur gjatë takimeve që ekipi kombëtar do të zhvillojë në këtë stadium.

Dhomat Një ndryshim të rëndësishëm do të kenë edhe dhomat në brendësi të tribunës, ku do të akomodohen skuadrat respektive, gjyqtarët, vëzhguesit. Kështu, dhomat e skuadrave do të jenë me kubaturat e përshtatshme sipas parametrave të UEFA-s për metra katrorë. Do të ketë një dhomë masazhi me dushe, si dhe një dhomë bashkangjitur ekipit që do të jetë e trajnerit. Do të ndërtohen gjithashtu dy dhoma të mëdha, të cilat do të shërbejnë për gjyqtarët plus me nga një paradhomë, si për meshkujt dhe për femrat, veç e veç. Të dyja do të kenë nga dy banja secila, normalisht me dushe. Për vëzhguesit dhe delegatët janë programuar tri dhoma të mëdha vëzhgimi. Të gjitha këto do të jenë me sistem ngrohjeje kaldaje, siç do të jetë edhe pjesa tjetër e zyrave të tribunës dhe kabinave. Janë programuar të ketë 3 ose 4 zyra ndihmëse.

Tifozët Stadiumi do të ndahet në disa zona, përkatësisht në gjashtë të tilla, A-B-C-D-E, si dhe ajo e VIP-ve. Për miqtë është vendosur që të akomodohen në lindje të orës elektronike dhe do të zënë 5% të kapacitetit të stadiumit. Gjithsej do të jenë 10 hyrje, dy prej të cilave do të shërbejnë vetëm për makinat (ambulancë, zjarrfikëse) dhe 8 të tjerat do të jenë për tifozët. Për çdo 1 mijë tifozë është llogaritur që të ketë banjë si për meshkuj edhe femra, si dhe do të ketë dalje emergjente. Është llogaritur që, në rast rreziku, brenda pak minutash stadiumi të boshatiset nga ana e sportdashësve. Gjatë ndeshjes tifozëve do u krijohen kushtet edhe për të konsumuar diçka, teksa do të ketë pika ambulante për këtë arsye, si edhe tregtarë ambulantë në të gjitha zonat e stadiumit.

[{A_N_G_E_L_69}]

Elbasani luan sot kunder Teutes ne fushen neutrale te Peqinit, pasi Elbasan Arena nuk eshte ende gati. Shpresojme qe kjo te jete fitorja e pare ne superlige pas nje mungese 3 - vjecare.

Formacioni me i besueshem i mundshem deri ne keto momente !