Fatmir Xhafa dhe krimi i organizuar

[DYDRINAS]

PD i bën thirrje Fatmir Xhafës të tregojë historinë e marrëdhënieve të vëllait të tij me krimin e organizuar

03-10-2010

Gazeta 55


Deklarata e plotë për shtyp e deputetit Fatos Hoxha

"Në vijim të denoncimeve tona për sistemin e korrupsionit, që udhëhiqet nga Edvin Kristaq Rama, unë dua të tërheq vëmendjen e opinionit publik edhe për një tjetër mbështetës të mister 20 %-shit, zotin Fatmir Xhafa. Që shqiptarët ta kuptojnë qartë dhe ne t’i japim shansin atij që të rrëfehet , sot po i bëjmë publikisht këto pyetje këtij eksponenti të rëndësishëm të Partisë Socialiste. Zoti Xhafa: A keni ndonjë familjarin tuaj që ka qenë ose është i lidhur me krimin e organizuar dhe trafiqet? A ka bërë ndonjë familjar i juaji burg në ndonjë vend të B.E. si Itali apo gjetkë për trafik droge? A keni ndërhyrë dhe keni bërë përpjekje ju ne atë kohë si ministër për lirimin e tij? Dhe pyetja e fundit për sot është: A keni qenë i sinqertë me elektoratin dhe ia keni treguar historinë e vëllait, kur i keni kërkuar votën për t’i përfaqësuar në Kuvend ? Sigurisht, zoti Xhafa që ju i dini përgjigjet e këtyre pyetjeve. Ne presim që t’i tregoni, por edhe po të heshtni, e vërteta nuk mbahet dot sekret".

[DYDRINAS]

Olsi Baze - 30-1-2004 në 17:27

Revista italiane "L'Espresso", e muajit Gusht 2002, duke iu referuar burimeve nga shërbimi sekret italian dhe ai amerikan, shkruante se Agron Xhafa, vëllai i Fatmir Xhafës, është arrestuar në Mars të vitit 2001 gjatë një operacioni të FBI dhe DEA në zonën e Leçes

TIRANË - E pazakontë ishte shfaqja e djeshme e Fatmir Xhafës, ministrit të Drejtësisë, përkrah Francesko Mandoit, zëvendësprokurorit të Antimafias italiane. E pazakonta qëndronte se, ndërsa Xhafa propagandonte "paketën antitrafik", falë ndihmës dhe asistencës italiane, Mandoi përfaqësonte antitrafikun italian në rrjetën antitrafik të të cilit për ironi të asaj shfaqje të shëmtuar të djeshme, ka rënë edhe Agron Xhafa, vëllai i Fatmir Xhafës, "partizani" i antitrafikut në Shqipëri.

Denoncimi shumë më i hershëm nga "zelli" i djeshëm i Fatmir Xhafës, është bërë publik nga mediat italiane.Revista italiane "L'Espresso", e muajit gusht 2002, duke iu referuar burimeve nga shërbimi sekret italian dhe ai amerikan, shkruante se Agron Xhafa, vëllai i Fatmir Xhafës, është arrestuar në mars të vitit 2001 gjatë një operacioni të FBI dhe DEA në zonën e Leçes. Arrestimi është bërë gjatë operacionit të koduar "Florida" që synonte asgjësimin e rrjeteve kriminale ku janë të lidhur mafia me biznesmenë pas të cilëve qëndron politika.

Vetë Fatmir Xhafa është larguar pak vite më parë nga pozicioni i nëpunësit në kabinetin e ish-kryeministrit Pandeli Majko, kur ai u akuzua për abuzime me disa tendera në administratë.
A. B.



Agron Xhafa, partner i trafikantëve kolumbianë të drogës

Në Shqipërinë postkomuniste, këto 10 vitet e fundit, fjala "biznes" është e lidhur shpesh me krimin e organizuar. Një dyshim të tillë e kanë vërtetuar tashmë, me bisedat telefonike të përgjuara apo agjentë të infiltruar, shumë hetime të kryera nga drejtësia dhe policia italiane. Në Shqipëri është më se normale gjatë këtyre viteve të fundit, që bota e biznesit dhe politikës të bashkëpunojnë për të kontrolluar "lumin" e të ardhurave nga ndihmat ndërkombëtare, por edhe nga doganat. Një fitim i majm, nga i cili klanet politike shqiptare nuk janë të gatshme të heqin dorë, falë këtij mirëkuptimi shtetëror, mafia shqiptare është fuqizuar së tepërmi.

Dhjetë prej familjeve më të mëdha shqiptare njihen tashmë si zotërueset evropiane të trafikut të drogës. Një status të tillë të privilegjuar e ka ndihmuar edhe marrëveshja mes mafias shqiptare dhe karteleve kolumbiane të Medellinit, të cilat kanë braktisur rrugën hollandeze dhe spanjolle për hir të bazës më të sigurt evropiane të Shqipërisë. Së fundi, kthetrat e mafias shqiptare nuk po ndalen vetëm në kontinentin e vjetër. Sepse në projektet më të afërta të saj, tashmë është shfaqur tregu amerikan.

Hetimet e operacionit antimafia të mbiquajtur "Florida", në marsin e kaluar, ku morën pjesë policia e Leçes dhe amerikanët e FBI-së dhe DEA-s, nxorën në dritë një skenar të frikshëm. Drejtuesit e klaneve shqiptare kishin vendosur të shkëmbenin kokainën kolumbiane me heroinën e ardhur nga Turqia dhe marihuanën e prodhuar në vend me destinacion SHBA-në. Një prej të arrestuarve të aksionit të përbashkët ishte dhe Agron Xhafa, vëllai i një ish-ministri. Edhe ky është një njeri i Nanos.

Gjithçka e ka zanafillën 3 vite më parë kur klanet e Durrësit, tentuan pa ndonjë sukses të ngrinin një rafineri të përpunimit të kokainës në vend. Edhe pse nuk ia arritën këtij qëllimi, ata siguruan një lidhje bashkëpunimi me kolumbianët. Marrëveshja u firmos në Miami, Florida dhe, - sipas socialistit Dritan Prifti, një ish ministër i Energjitikës, - Fatos Nano ishte ndërmjetës i një grupi amerikanësh, të cilët donin të pastronin një shumë prej 1 miliard dollarësh të dyshimtë. Shumë njerëz në Shqipëri mendojnë se Nano është i përzier në mënyrë indirekte në këtë marrëveshje.

Revista italiane "L'Espresso" data 07. 08. 2002