Media ne Shqiperi: Na mireinformon apo na mashtron?

[par]

Avokati Altin Goxhaj at Fondacioni Soros.


Dje në orën 11:03.PD ·
.

E DINI SE KUSH ESHTE KREU I SOROS SHQIPERI? REMZI LANI, SPIUN I SIGURIMIT TE SHTETIT ME PSEUDONIMIN HOLTA!

Nje nder themeluesit e skemes Soros Remzi Lani, kumbar i Edi Rames, Erion Veliajt, Henri Cilit, etj dhe gjitha kapjes se medias shqiptare pergjate ketyre 10 vjeteve eshte akuzuar nga 2 gazetat e vetme qe nuk u kapen asnjehere nga Mafia Soros (Gazeta SOT dhe Gazeta Telegraf) si:
SPIUN I SIGURIMIT TE SHTETIT ME PSEUDONIMIN HOLTA!

Po ju paraqes nje interviste horror se si Remzi Lani futi ne burg mesuesin e tij te letersise Dode Bajraktari ne 1978 duke sajuar akuza per te pavaresisht se ai nuk kishte kryer asnje veprimtari "armiqesore" sipas standardeve te kohes! Remzi Lanin ju nuk e njihni as si emer dhe as si fytyre por eshte nje nder njerezit me te fuqishem ne Shqiperi qe prej 1994 dhe Koka qe kontrollon gjithe median shqiptare dhe maredheniet publike te Oligarkise Sorosiane.

Intervista eshte dhene disa dite pasi Besnik Alia (keshilltar i PDse ne Keshillin Bashkiak Tirane dhe qe prej te Shtunes edhe anetar Kryesie i PDse) i dha Cmimin e Shoqerise Civile "Qytetar i Vitit" Remzi Lanit!

Gazeta Sot, Dhjetor 2007.

Flet Dodë Bajraktari, i burgosuri politik (i dënuar për Konicën, Fishtën dhe Biblën): SI U DËNOVA ME 10 VITE BURG NGA DESHMITARI I RREME REMZI LANI

Asokohe ai ishte mësues gjuhë letërsie. Libri ishte një domethënie e veçantë në jetën e tij dhe nuk e kishte menduar kurrë se me apo pa arsye, një ditë ai do t’ia shkatërronte një pjesë të mirë të jetës. Njihej nga të gjithë si një njeri i lidhur ngushtë me librin dhe letërsinë, madje shquhej si një nga intelektualët që zotëronte bibliotekën më të pasur në rreth, por nuk e kishte çuar në mendje se ky fakt, një ditë mund të përdorej kundër tij, madje edhe nga njerëz që as e njihnin fare. Ishte 39 vjeç, kur jeta e tij mori një tatëpjetë, e cila do të kërkonte vite të tëra më pas, për t’u rimëkëmbur. Që nga dita kur pa qelinë e burgut për herë të parë, kanë kaluar rreth 20 vjet. Megjithatë, edhe pse si një histori të dhimbshme, ai e kujton shumë mirë vitin 1978, kur në vend të shtëpisë, kolektivit, shkollës, librave dhe shoqërisë, do të duhej të qëndronte për 10 vite me radhë, në qelinë e errët të diktaturës komuniste. Akuzat e ngritura ndaj ishin fare banale dhe aspak të bazuara. Sot ai është rreth 68 vjeç dhe me një kulturë që karakterizon edhe profesionin e tij, tregon ngadalë dhe mendueshëm, dhimbjen e jetës së tij, e cila iu shkaktua vetëm sepse rridhte nga një familje Bajraktarësh. Ishte pikërisht ky, faji i tij i vetëm, për të cilin sistemi komunist përpunoi 3 persona, krijoi një proces gjyqësor i cili për hir të së vërtetës duhet thënë se ishte vetëm në farsë, por që realisht i kushtoi 10 vite jetë. Kanë kaluar aq vite nga ajo kohë e ndoshta do të kalonin edhe shumë të tjera dhe Dodë Bajraktari nuk do ta bënte publik gjyqin dhe personat që e dënuan. Por duke marrë shkas nga publikimi i bërë nga Organizata “Co Plan”, e cila shpalli pak kohë më parë personalitetet e vitit 2007 në Shqipëri, ai e pa se nuk mund të heshtte më. Ishin katër figura të njohura të jetës publike shqiptare që morën vlerësim maksimal për kontributin në jetën e vendit nga organizata ndërkombëtare, për këtë vit. Personalitetet ishin nga fusha e gazetarisë, biznesit, qeverisjes dhe shoqërisë civile. Në fushën e medias u shpall gazetari i njohur i “Top-Channel”, Sokol Balla. Ndërkohë, në fushën e biznesit, personalitet i vitit u shpall nënkryetari i Shoqatës së Ndërtuesve, Avenir Kika. Nga institucionet u shpall Avokati i Popullit, Ermir Dobjani, ndërsa nga shoqëria civile u shpall Remzi Lani. Sipas mësuesit Bajraktari, ishte pikërisht emri i Remzi Lanit, ai që nuk duhej lançuar kurrë në këtë sukses.

Kush është Dodë Bajraktari?

Pasi kam punuar 15 vjet mësues gjuhë-letërsie, jam arrestuar dhe jam dënuar me nenin e “agjitacion e propagandës”. Jam i martuar me 6 fëmijë, të cilët gjithashtu janë të martuar dhe me fëmijë. Kam 15 vjet në pension. Kam qenë merakli i letërsisë që në fëmijëri. Kam shkruar dy romane të cilët i kam botuar. Kam botuar gjithashtu mbi 40 novela, si dhe shumë artikuj nëpër gazeta. Një jetë sa në fshat sa në burg, kaq ka qenë jeta ime.

Doni të thoni se ju kanë torturuar?

Kam kaluar një jetë të vështirë në burg, saqë është e zorshme ta tregoj. Gjë që edhe vetë tani e kam vështirë për ta besuar se çfarë jete kam bërë. Por, po të përmend vetëm një gjë, që edhe unë e kam vështirë ta besoj. Edhe njerëzit s’besoj të kenë parë tortura të tilla. Po ja që tani erdhi koha që plagët fillojnë e shërohen dhe nuk na bëhet edhe neve që t’i besojmë. Më kanë futur në birucë kur isha 88 kilogramë dhe për 4 ditë e gjysmë më kanë nxjerrë 56 kilogramë. Pra për 4 ditë e gjysmë, më kanë hequr me dru 32 kilogramë nga pesha me të cilën hyra në birucë.

Në çfarë viti jeni dënuar dhe për çfarë jeni dënuar?

Jam dënuar më 20 mars të vitit 1979, me akuzën “agjitacion e propagandë”. Atëherë isha 39 vjeç. Ndaj meje kanë dëshmuar tre persona, midis të cilëve edhe Remzi Lani. Atë të dy më kanë kërkuar falje kur kam dalë nga burgu, ndërsa Remzi Lani ende ndihet krenar për veprën që ka bërë. Unë nuk kisha vendosur kurrë që t’ia zija emrin as për mirë dhe as për keq këtij të fundit. Kam dashur ta lë në hallet e tij, por për çudi, në gazetë mësova se Remzi Lani ishte shpallur person i vitit, bashkë me tre persona të tjerë, ndër të cilët edhe Avokati i Popullit. Unë e dija se z. Lani është Drejtor i Institutit të Medias. Për këtë nuk më vjen aspak keq, sepse edhe ai është njeri dhe duhet të punojë e të jetojë si të gjithë ne. Unë nuk jam si ai gjarpri që vete dhe kafshon lopën që edhe pse ka 150 kg mish, nuk han asnjë copë prej saj. Ai le ta jetojë jetën e tij, por duhet të ketë turp ajo organizatë që e ka shpallur person të vitit. Se atëherë duhet të shpallen të paktën rreth 340 mijë persona të vitit, sepse kaq kanë qenë spiunët. Këtë numër e ka deklaruar edhe vetë Kadri Hazbiu në sallë të gjyqit.

Cilat ishin akuzat e ngritura ndaj jush në tërësi dhe në veçanti nga Remzi Lani?

Unë u akuzova për recitime të vargjeve të Gjergj Fishtës, propagandë për Faik Konicën dhe mbajtje të biblës në shtëpi. Tre gënjeshtra këto të mjaftueshme për të më akuzuar dhe dënuar 10 vite burg. Remzi Lani doli përpara trupit gjykues, ndërkaq prokurori më kërkoi që të ndaja të gjitha të vërtetat dhe gënjeshtrat që do të thoshte ai. Unë u thashë një parim ish-leninist të asaj kohe: “Nëse 5 për qind prej tyre janë të vërteta, atëherë duhen pranuar të gjitha si të tilla. Kështu unë pranova që të bazohesha në këtë parim që nëse z. Lani do të fliste 5 për qind gjëra të vërteta, atëherë do t’i pranoja të gjitha si të tilla. Remzi Lani më akuzoi mua, se sipas tij kisha propaganduar për Faik Konicën, ndërkohë që unë nuk e kam ditur se ka pasur në planet vepra të Faik Konicës, pasi ato ishin të ndaluara dhe unë nuk kam mbajtur kurrë literaturë të ndaluar. Tjetër gjë është se unë kisha bibliotekën më të mirë në rrethin e Lezhës, madje më të mirë se bibliotekën e shtetit. Gjithë lekët i kam bërë libra gjatë gjithë jetës time, por jo për literaturë të ndaluar. Sipas Remzi Lanit, në bisedë e sipër unë kisha mbrojtur Faik Konicën. Ne as që kishim biseduar ndonjëherë për Faik Konicën. Gjithashtu ai më akuzonte edhe se mbaja bibël në shtëpi. Ndërkaq, dëshmitari tjetër më akuzoi se kisha recituar vargjet e Gjergj Fishtës. Më pyetën nëse i kisha recituar. Unë u thashë që nëse dëshmitari thoshte se e kisha bërë një gjë të tillë, atëherë e pranoja se e kisha bërë. Por ndërkohë e pyeta dëshmitarin nëse i mbante mend vargjet që i kisha recituar. Ai më tha se i mbante mend dhe unë nisa t’i recitoja vargjet, të cilat në të vërtetë ishin të Kolë Jakovës. Kur trupi gjykues pa që vargjet nuk ishin të Fishtës, iu drejtua dëshmitarit, i cili pranoi se vetëm ato vargje kishte dëgjuar, edhe pse nuk e kishte ditur më parë se të kujt kishin qenë. Në fund të dëshmisë më kërkuan të thoja se sa ishin të vërteta nga ato që kishte thënë dëshmitari ndaj meje? Unë u përgjigja që nga gjithçka kishte thënë dëshmitari, asnjë për qind, as zero për qind nuk kishte pasur të vërteta. Këtu nuk ka asgjë të vërtetë u thashë atyre.

Ju e kishit njohur më parë z. Remzi Lani?

Jo, nuk e njihja përveç se në rrugë. Një herë gjeti rastin dhe më erdhi në shtëpi për të siguruar për shtypjen para sigurimit që më njihte. Nuk kisha muhabet më të dhe nuk kam pirë qoftë edhe një kafe gjatë gjithë jetës time.

Çfarë diskutuat atë ditë që z. Lani erdhi në shtëpinë tuaj?

Pothuajse asgjë nuk diskutuam. Kemi diskutuar vetëm për një novelë të Teodor Laços, që shkruante për ca mësues që kalonin rrugën nëpër borë. Asgjë tjetër. Ai kishte ardhur vetëm me qëllim që të justifikonte denoncimin e mëvonshëm.

Çfarë mendoni ju se e shtyu Remzi Lanin që të dëshmonte kundër jush?

Remzi Lani kishte arsye të fortë të dëshmonte kundër meje, pasi donte të fitonte bursën për në universitet, pasi si djalë ishte i degjeneruar në gjimnaz dhe kishte nevojë për një bursë. Ai ishte në prag të studimeve, dhe arsyeja që dëshmoi kundër meje ishte që të merrte një bursë në universitet. Kështu sigurimi e favorizonte atë, pasi i ka favorizuar gjithnjë të gjithë spiunët. Kështu i doli edhe z. Lani, sepse zgjodhi degën që deshi vetë.

Ku u bazua shteti për akuzën që ngriti Remzi Lani ndaj jush?

U bazua në dëshminë që ai kishte bërë tek operativi i sigurimit, pasi ai nuk pranoi të vinte as në ballafaqim, ashtu siç ishte praktika. Atje ka bërë një dëshmi të gjatë, pastaj e kanë sjellë në sallën e gjyqit dhe ka dëshmuar në prezencën e 1100 personave.

Kur e morët vesh ju akuzën?

Akuza më erdhi pas 5 muaj hetimesh. Për 5 muaj kanë vazhduar hetimet ndërsa unë nuk e dija se kush do të më dilte dëshmitar. Këta ishin dëshmitarë të ardhur me porosi dhe që të tre kanë përfituar me dëshmitë që kanë dhënë ndaj meje. Njëri prej tyre fitoi të drejtën për të dhënë mësim në një nga shkollat e fshatit. Dëshmitarja femër fitoi të drejtën për të dhënë mësim në qytet, ndërsa Remzi Lani fitoi bursën për të shkuar në fakultet.

Si ndiheshin 3 dëshmitarët, teksa dëshmonin në gjyqin ndaj jush?

Remzi Lani ndihej krenar. Ndërsa dy dëshmitarët e tjerë u ndien shumë të turpëruar dhe të diskredituar, aq sa mezi e panë derën për të dalë. Gjatë seancës së gjyqit, vetë dëshmitarja u shpreh: “Kështu më keni thënë për të thënë”. Ndërsa dëshmitari tjetër tha se i kisha recituar vargjet e Fishtës ndërkohë që ato rezultuan të Kolë Jakovës. Për të dalë nga situata ai tha: “Unë nuk marr vesh nga letërsia”. Atëherë kur nuk merrte vesh nga letërsia, përse dilte dëshmitar? Por ai donte të siguronte një vend pune. Unë isha i piketuar për t’u dënuar se isha djali i Bajraktarit, pavarësisht se jemi familje atdhetarësh. Babai im ka qenë Bajraktari i Manatisë, por të ishe edhe djali i Bajraktarit edhe mësues, sikur nuk shkonin të dyja, ndaj donin të më hiqnin qafe. Gjithashtu edhe lufta e klasave ishte në kohën e rritjes së saj.

Si dukej Remzi Lani në sallën e gjyqit, teksa dëshmonte ndaj jush?

Krenar. Dukej tepër krenar sepse ishte duke kryer punën e partisë.

Ju kujtohet ndonjë detaj gjatë gjyqit

Janë thënë shumë gjëra në gjyq, sepse gjyqi ka vazhduar dy ditë janë thënë e stërthënë dynja llafesh dhe e kam vështirë për t’i sistemuar sepse nuk e kam vënë mendjen me i hap këto punë, duke menduar se ai në punën e tij dhe unë në punën time, .....shpallet Remzi Lani njeri i vitit, person i vitit nuk më ka shkuar mendja.

Qëndron qoftë edhe një prej fakteve që dëshmitarët paraqitën kundër jush?

Që të tre personat kanë gënjyer 100 për qind, pa thënë asgjë të vërtetë. Njëri prej tyre për shembull tha në gjyq: “Unë e kam vënë re se ky është armik i popullit dhe i partisë, sepse ky u jep libra shokëve”. Kur e pyetën se çfarë librash u kisha dhënë, ai tha se u kisha dhënë libra të realizmit socialist. Ua kisha dhënë me kushtin për të mi kthyer përsëri, por nuk kisha shpërndarë kurrë në jetën time, libra të ndaluar.

A keni marrë vesh se çfarë bëhet me dy personat e tjerë që dëshmuan kundër jush?

Po. Këtu janë dhe janë dhe punojnë mësues që të dy. Ata më kanë kërkuar edhe falje, megjithatë unë i kam falur përpara se ta bënin një gjë të tillë. Unë i kam falur sepse ata nuk kishin fuqi të më vini hekurat mua, por ishte një shtet i atillë i fuqishëm që të vinte hekurat për punë të atilla.

Remzi Lani tani është një personazh i shquar i shoqërisë civile dhe beniamin i shoqatave të huaja. Si e shpjegoni këtë fakt ju?

Është një farë organizata “SOROS”. Ai ka qenë dikur edhe me punë në këtë organizatë. E ka velur “SOROS”-in nga paratë. Në fakt këta tipa të tillë janë, se gjejnë vrima ku të futen dhe të përfitojnë. Por ai ka bërë çfarë ka bërë, mua nuk më intereson. Unë jam i prekur shumë nga organizata që e ka shpallur person të vitit. Nëse është puna që duhen shpallur persona të vitit pikërisht spiunët e sigurimit të shtetit që janë vetëm gjarpërinj që kanë ngrënë jetë njerëzish, atë pjesën që ka ngrënë nga jeta ime, i qoftë haram dhe u mbettë në fyt edhe atyre që e kanë shpallur njeri të vitit. Unë nuk jam me idenë që ai të hiqet nga puna, por që të shpallet njeri i vitit, ky është një turp. Turp i ministrisë dhe i gjithë atyre institucioneve që e kanë në varësi këtë institut. Ky është një turp për Remzi Lanin që nuk merret me punën e tij për të ngrënë bukë të ndershme, por është një turp edhe për shtetin që merret me spiunë.

Ndoshta nuk njihet gjerësisht dëshmia që ka dhënë z. Lani ndaj jush!?

E di i gjithë universiteti, se gjyqi u bë më 11 qershor dhe ai nuk erdhi në gjyq ditën e parë. E di Lezha dhe e gjithë shoqëria.

Ju jeni paraqitur ndonjëherë pranë organizatës së “SOROS”-it?

Jam paraqitur pranë “SOROS”-it që të më ndihmonin të botoja pasi kam 16 vëllime gati për botim. Doja të më sponsorizonin të paktën 1 vëllim. Por ma prenë shkurt: “Jo”. Më thanë që nuk mund të botonin vepra artistike. Unë u thashë që ishte vepra historike “Rezistenca kundër komunizmit deri më 2 prill të vitit 1952 në Mirditë”, megjithatë kërkesa ime nuk u mor parasysh.

A ishte atëherë z. Lani pranë këtij fondacioni dhe nëse po, a mendoni se ai kishte gisht në mosbotimin e veprës tuaj?

Z. Lani atëherë ishte pranë kësaj organizate, pasi ne u shkëmbyem edhe në korridore. Megjithatë nuk mendoj se ai kishte gisht në vendimin për të mos e botuar veprën time.
Po diskutohet shumë për hapjen e dosjeve. Çfarë mendimi kemi ju?
Dosjet duhen hapur. Ai që ka zënë morra nuk mund t’i heqë ato me gisht. Ose duhet t’i dezinfektojë, ose duhet ta djegë xhaketën. Se spiunët janë një peshë e madhe mbi shpatullat e këtij populli. Se të gjithë spiunët kanë krijuar bizneset më të fuqishme këtu. Spiunët duhen hequr nga qeveria dhe institucionet, sepse një spiuni nuk i ka hije të jetë drejtues institucioni.

Keni ndonjë mesazh për Z. Remzi Lani?

Po. Me rastin e Vitit të Ri i uroj jetë të gjatë dhe të jetojë me mundin e tij dhe të hajë shtatin e këtyre lëvdatave dhe shpalljeve pa bereqet, që vetëm sa e turpërojnë se nuk e ngrenë moralin e tij, duke u shpallur personalitet i vitit.

A mendoni se do të reagojë zoti Lame pas intervistës?

Le të reagojë kur të dojë, por nuk besoj se do ta bëjë një gjë të tillë, pasi nuk ka ndonjë shkak pse të reagojë. Unë nuk po gënjej asnjë fjalë për të, ndërsa ai gënjeu për mua dhe më futi 10 vjet në burg. Unë nuk po gënjej asnjë fjalë për të dhe ndërkohë po e lë porosi që të mos e largojë njeri nga puna. Nuk dua që ta prekë dikush në punën e tij. Jam natyrë tolerante edhe pse kam dalë nga burgu.

Mendimi se thjeshtë duhet të ishte bërë “më i gjallë”?
Si njeri shqipfolës duhet të më kishte kërkuar falje. Kurrsesi nuk duhet të ishte aq indiferent

[par]

Nga Zamir Gjurgji

Mesdita dhe mbrëmja e së premtes se fundit të janarit ofroi një panorame të pazakontë për politikën shqiptare: Plaku Soros nuk është më “Zotnia i Paperlyem”. Gjuha e drurit e ish-kryeministrit Berisha dhe gjuha e drunjtë e ish-kryeministrit Meta shkonte aty ku dhemb dhëmbi, teksa “Bishti i dardhës” apo “Bidai” mbeten gjetje gjuhësore. Përse vallë? Stihi a stuhi politike? A është vertet Xhorxh Soros Guvernatori dhe Kryekonçesionari i politikës shqiptare(dhe jo vetem)?
Dy dekada më parë, në emisonin e RAI-t (“Maastricht Italia”) që drejtohej nga Alan Friedman, debati Soros-Berluskoni ishte mjaft i ashpër, ngaqë Soros “këshillonte” Berluskonin që gjithë të ardhurat e Buxhetit të italianëve t’i hidhte në Bursë, ndërsa ish kryeministri italian ngulte këmbë që investimet publike ishin synimi i tij për të ardhurat nga buxheti dhe se nuk mund të “luante bixhoz” me mundin dhe djersën e italianëve , nderkohe qe kishte nxënë shumë mësime nga zhvlerësimi i paundit britanik.
Në mars të vitit 2010, ish kryeredaktori i “Le Monde”, Jean-Marie Colombani, vinte gishtin e fajtorit të krizës financiare të Europës tek spekulatorët e bursave që fshiheshin nën petkun e bamirësisë dhe pikërisht te Xhorxh Soros dhe “hedge fund”-et e tij. Në artikullin e tij të botuar në “El Pais”(Con el agua al cuello), Colombani citonte edhe “Wall Street Journal” për darkën e spekulantëve të bursës, që në fund të shkurtit të 2010-es, ne Nju Jork, kishin vendosur të ndermerrnin sulm frontal kundra monedhës euro deri sa të barabitej me dollarin, e më pas të zhvlerësonin edhe dollarin vetë.
Në prill të 2010-es, edhe më i drejtperdrejte u shfaq ne publik kryeredaktori i “Le Monde Diplomatique, qe në editorialin e tij “Burqa bla-bla”, nxirrte në pah dorën e fshehtë te spekulanteve të bursës që kishin mundësuar humbjen e 20.000 milion eurove në Thesarin e Shtetit, si pasojë e një veprimi “teknik” të Ekzekutivit francez.
Ndërkohë që në Shqipëri, ndikimi prepotent i kryespekulantit financiar të bursave eshte edhe më arrogant. Kllounet e tij kontrollojnë thuajse të gjitha sferat e pushtetit. Ekzekutivin, legjislativin, mediatikun dhe ishin një hap larg marrjes ne kontroll tërësor edhe të atij gjyqsor. Për të mos folur për atë financiar, se është humbje kohe për ta dëshmuar. Po atëherë? Çfarë pushteti kishte më pak ‘ultra i majti’ Enver Hoxha? Apo që pushtetin e ushtronte me baballarët e Byrosë Politike, ndërsa “far-left”-i Soros e ushtron me bijtë ideologjikë, e për më tepër biologjikë të saj! Nga Traja, tek Rama e deri te Veliaj, Plaku Soros i ka ndërlidhur tre breza. Duhen bërë pesë që të shquhet?! Kjo është njëherazi edhe sfidë e opozitës bashkëkohore. Nëse Dr.Halim Kosova ‘u bë kurban’ se përmendi dhe guxoi luftën kundra “majtistëve dhe mjaftistëve” ne fushate zgjerdhore, këllqet e z.Basha jane tejet të brishta për këtë sfidë. Gjithsesi kjo është sfida e tij. Fjalët e tij se do të luftojë korrupsionin dhe do të vërë drejtësi në vend kanë një prove përpara: të rrezojë, se paku verbalisht, mitin e kryespekulantit dhe kreut te korrupsionit, Xhorxh Soros.
Ndersa qytetarëve shqiptare u mbetet një sfidë tjetër. Të rrëzojnë bustin e rilindur të Enverit, ate te Xhorxh Soros-it. Pasi të rrezohet Busti i te Rilindurit, Byroja Politike(aliasavi Qeveria) zbythet vetë. Gjithsesi, nuk duhet lene e vetme ne zbythje që të përsëritet gabimi i fatal i 90-es. Këtë herë u duhet dhënë edhe plumbçe bythëve(që bishtin e “dardhës” të mos e dredhin kurrë më).

[par]

‘Omerta për Olsi Ramën’, Tv-Klan dhe Top-Channel marrin në mbrojtje vëllanë e kryeministrit




Collage olsi tv
Olsi Rama(majtas) dhe kryeministri Edi Rama gjate nje takimi me Presidentet e TCH, znj. Vjollca Hoxha

Dy televizionet kombëtare Tv-Klan dhe Top-Channel kanë shmangur informimin e opinionit publik mbi një prej koncensioneve më të dyshimta ku përfituesit rezultojnë të lidhur me vëllanë e kryeministrit të vendit.

Përfaqësuesi i kompanisë nga Hong Kongu “M.POS” konfirmoi dje zyrtarisht për agjencinë BIRN se partner i tij në Shqipëri ishte biznesmeni Endri Meksi, njëkohësisht dhe ortak me Ols Ramën, të vëllanë e kryeministrit të vendit.

Lajmi qarkullonte prej kohësh por konfirmimi nga pala kineze i ka vënë kapak faktit se është pikërisht një ortak i vëllait të kryeministrit personi që po bën tratativa me shtetin shqiptar dhe Ministrinë e Financave.

Nga ana tjetër, konfirmimi i djeshëm, nxori zbuluar dhe Ministrinë e Financave, pasi kjo e fundit për asnjë moment nuk i është referuar partnerit shqiptar por vetëm kompanisë “M.POS” nga Hong Kongu, ndonëse kinezët janë shprehur se tratativat i ka ndjekur pikërisht kompania shqiptare MCN me pronar Endri Meksin.
Meksi është ortak me Olsi Ramën në kompaninë tjetër “Pegassus Communication”, kompani e krijuar prej më pak se një viti, gjithashtu një kompani e dedikuar në fushën e teknologjisë.

Por ndërsa të gjitha gjurmët e këtij koncensioni të çojnë drejt familjes biologjike të kryeministrit, dy televizione kombëtare, Tv Klan dhe Top Channel kanë refuzuar të informojnë shqiptarët.

Masakra e Elbasanit duket se ka pasur dhe anën e saj pozitive, dy televizionet kombëtare e kanë përdorur për të sfumuar lajmin mbi implikimin e ortakëve të familjes kryeministrore në koncensionin e dyshimtë të mbledhjes së TVSH-së.

Është interesante se si Top-Channel, dy vite më parë realizoi disa intervista me biznesmenin Zafar Ansar që pretendonte se vajza e Berishës i kishte kërkuar një tarifë suksesi për studion e saj ligjore për ndërtimin e një TEC-i, por sot askush nuk pipëtin, kur një kompani private e lidhur me të vëllanë e kryeministrit po kërkon të “çojë në shtëpi” shërbimin e mbledhjes së TVSH-së.

Përtej portaleve nën ndikimin e qeverisë, heshtja e dy televizioneve kombëtare është një provë e kulluar mbi kontrollin që ka kryeministri mbi median më të rëndësishme në vend.

Kryetari i PS Edi Rama, Drejtori i TV Klan Aleksander Frangaj dhe gazetari Blendi Fevziu, gjate ceremonise se 15 vjetorit te emisionit Opinion, ne Tv KLAN.
Kryeministri Edi Rama dhe Drejtori i TV Klan Aleksander Frangaj

Kjo “omerta” për Olsi Ramën, shkon paralelisht me synimin e TV-Klan dhe Top-Channel për të përfituar licencat dixhitale, për të cilat u ankuan me të madhe tre ditë më parë.

Nga ana tjetër, dhënia e shërbimit të mbledhjes së TVSH-së me koncension, rezultoi se ishte një projekt të cilin Ministria e Financave nuk e kishte studiuar aspak, por kishte marrë apriori studimin e kompanisë private, që sot përkthehet se vartësit e Edi Ramës dhe Shkëlqim Canit, kanë studiuar këtë koncension, bazuar në letrat që u ka çuar një ortak i Olsi Ramës.

Me sa duket, teoria rilindëse ka pësuar ndryshime gjatë rrugës, sepse kur dilte Argita Berisha e lidhur me ndonjë biznesmen, ishte krim. Tani që i lidhur po del Olsi Rama, qeveria rilindëse e quan 3P, partneritet publik-privat. / HashtagAL

[par]

Incidenti/Si u kap Rama mat duke i kërkuar Babaramos llogari për pyetjet ; lapsi.al

Kamera që ka ndejtur e hapur disa çaste më shumë se sa duhet, ka nxjerrë të palarat e kryeministrit Rama dhe të marëdhënies aspak normale që ai tenton të vendosë me mediat. Të hënën kur kryeministri ishte i ftuar në " 5 pyetje nga Babaramo", atij i ndodhi një incident. Kamera ndejti hapur më shumë sesa duhej dhe publikut iu desh të shohte se si sillet Rama me gazetarët. Ne momentet kur gazetari dhe i ftuari kujtonin se transmetimi qe ndërprerë dhe se publiku duhet të shikonte reklamat, Rama iu drejtua i pakënaqur Babaramos për pyetjet që po i bënte. Ideja e tij qe e qartë: nuk po më pyet për ato tema që kemi rënë paraprakisht dakord.
Me një ton justifikues Babaramo fillimisht shikon nga një personazh i tretë (ai nuk duket në ekran) që me siguri duhet të jetë anëtar i kabietit të Ramës që është bërë garant për intervistën dhe më pas drejtohet nga Kryeministri të cilit i thotë: "Po këto pyetje të kam bërë mooo".
E vetmja gjë që nuk kuptohet me saktësi nga ky "gabim teknik", që i nxori të palarat intervistës së Ramës, është fakti nëse vërtet Babaramo po i bënte pyetje të ndaluara për të cilat nuk kishin rënë dakord më parë, duke përdorur një taktikë të njohur të gazetarëve intervistues që tjetër gjë premtojnë para dhe tjetër bëjnë kur futen në studio, apo Rama ankohej edhe për pyetjet që i dinte paraprakisht. Sepse po të shohësh reagimin e gazetarit në video duket sikur ai mbrohet duke thënë se po i qëndron skaletit të paravendosur.

[benseven11]

Postet reflektojne dilentantizem,
thashetheme cheap dhe injorance.
shume poste jane komplet jashte temes.Duket qe postusve u ka humbur te kuptuarit se cfare
kerkohet nga tema dhe u ka humbur fokusi.
Tema kerkon qe te postohen mendime,opinione,fakte per te argumentuar qe media na genjen
apo na tregon te verteten.
Me fjale te tjera emisionet televizive videot ne youtube
te futura nga media shqiptare,radiot shqiptare dhe artikujt ne gazetat shqiptare
na genjejne,dizinformojne,fshehin
apo thone te verteten.Fokusi ne poste duhet te jete analiza e materialeve qe media ben publike
si audio,video apo print.
Kjo nuk eshte teme te diskutohet
as Sorosi,as Remzi Lani,nuk eshte teme anallizash biografie,
por mund te futen emra autoresh
gazetaresh,redaktoresh qe kane lidhje direkte me materialet e publikuara
Fokusi duhet jete analiza e materialeve prej nga mund te dale
perfundimi llogjik nese media
eshte me te verteten nuk anon
eshte asnjanese ndaj kraheve
politik apo eshte mjet manipulimi dhe genjeshtrash ne sherbim te nje partie apo klani politik.

[par]

Nje pjese jane analiza te gazetave te ndryshme dhe media "elektronike" qe akoma nuk jane kapur nga Sorra & co, media si Lapsi.al qe sapo publikon nje qendrim anti pushtet perfundon ne prokurori siq eshte rasti me gazetarin e top mafies kohet e fundit,
ndersa nga hashtag.al jane thjeshte disa ironi mbi pushtetin dhe lidhjet e tyre te shumefishta me mediat dhe pushtetet e tjera,
lexoje me kujdes analizene e fundit te hashtag.al ku perfshihet media e kapur mat mbi koncesionet dhe korrupsionin, sigurisht qe nuk ka autor sepse pati thene dikur I ndjeri Arbenori " keta nuk jane socialista por specialista"
te vrasin naten e te qajne diten. Analizen e altin goxhajt mbi sorrat dhe kapjet e pushtetit prej tyre me koncesionet dhe privatizimet.

[Vinjol]

Mediat duhe te jene te Depolitizuara

Ndersa k etu neshqiperi ndodh e kunderta...................

[par]

Milva Ekonomi autorja e spekulacionit Besa, themeluese e partisë së re


 Gazeta Sot
 Ekonomia
 0 Komente




>Soros krijon Partinë G99 me Milva Ekonomin dhe Erjon Velinë
Mashtrimi, manipulimi, falsifikimi i dokumentacionit ligjor dhe financiar, si dhe çdo lloj mjeti tjetër për shmangien dhe shkeljen e ligjit është metoda bazë e ekzistencës së spinoff-eve të Soros në Shqipëri. Mbi këtë bazë është ngritur dhe funksionon edhe vetë spinoffi i Soros Grupimi Politik G99, një spinoff i ngritur nga njerëzit kryesor të njohur të Soros në Shqipëri: Milva Ekonomi, Remzi Lani, Delina Fico, Valdete Sala, Piro dhe Maklen Misha, Floran Pustina, Igli Totozani, apo njerëzit nivelit të dytë të Soros të inkuadruar të MJAFT si Klotilda Ferhati, Erion Veliaj, Arbjan Mazniku, Endri Fuga, Marinela Lika, Olta Xhaçka, Alken Myftiu, dhe njerëzit e nivelit të tretë të inkuadruar te spinoff-I Agenda i spinoffit MJAFT si Genci Kojdheli, Etjen Xhafaj, Gjergj Filipi, etj.


G99 është një emër i ri në një plan të vjetër i Rrjetit Mafioz Soros në Shqipëri. Është nje emër i ri që e polli kriza e kushteve kontraktuale financiare të MJAFT me donatorët e huaj, dhe është një histori krejtësisht e ngjashme me megaskandalin e tre Besave të Soros, sepse është një praktikë normale e spekulacioneve të Soros.
Dhe në thelb të këtyre mekanizmave të MJAFTG99 qëndron si gjithmonë Milva Ekonomi, njeriu që ideoi dhe themeloi skemën e tre Besave në Shqipëri që në 1998, një skemë financiare kriminale për të grabitur paratë e shqiptarëve dhe për të rikrijuar institucionin e fajdesë në Shqipëri.
Ashtu si skema e fajdesë së tre Besave që synonte grabitjen e parave të shqiptarëve dhe pastrimin e origjinës së tyre publike, po ashtu edhe skema 9 vjeçare e krijimit të 9 Mjaftëve për të krijuar Partinë e Soros në Tiranë G99, në funksion të puçit sorosian Rama në krye të PSsë, loja më e fundit e Milva Ekonomit dhe Erion Velisë bazohet në të njëjtën metodologji:
Soros krijon disa programe, i kthen në OJF-spinoff, i prezanton si të pavarura, ato krijojnë organizata të tjera bija me emra të njëjtë apo të ndryshëm me të njëjtët rrogëtarë të Soros, përvetësojnë asete publike, thithin fondet e ndërkombëtarëve për luftën kundër varfërisë dhe zhvillimin e demokracisë, godasin dhe shkretojnë shoqërinë civile dhe kundërshtarët apo konkurentët, duke përdorur median sorosiane, korruptojnë zyrtarë të huaj, dhe në fund në emër të idealeve të mëdha mbyllin ciklin e kapjes së shtetit duke e vënë në funksion të mbrojtjes së interesave financiare të Soros dhe spekulacioneve të tij financiare kriminale.
Sot, në 31 Janar 2009, 9 Mjaftët e krijuara nga Soros konkludojnë në themelimin e G99! Partia G99 ishte planifikuar të krijohej 50 ditë para zgjedhjeve në mënyrë që deri në atë kohë të thithte miliona euro nga ndërkombëtarët nëpërmjet Lëvizjes MJAFT dhe spinoffet e tjera të tyre, në shmangie dhe shkelje të plotë të ligjit për partitë politike. Ky plan u prish nga skandali që plasi Gazeta Sot 3 muaj më parë kur u vërtetua paligjshmëria e Grupimit Politik G99. Siç ka publikuar Gazeta Sot, formacioni politik i Soros i përfaqësuar ashtu si edhe MJAFTËT nga Milva Ekonomi dhe Erjon Velia, ishte regjistruar në Gjykatën e Tiranës në formën e një OJFje në mënyrë që ti shmangej kërkesave të ligjit për partitë politike ku ndër nevojat kryesore të shmangies dhe shkeljes së ligjit ishte pikërisht detyrimi i mosfinancimit të partive politike nga jashtë Shqipërisë dhe shmangies së auditimit nga Kontrolli i Lartë i Shtetit. Motivi kryesor i Milva Ekonomit dhe Erion Velisë për të mosdeklaruar burimin e çerek milioni euro të shpenzimeve G99 ishte pikërisht skema e manipulimit të fondeve të donatorëve ndërkombëtarë për të ndihmuar shoqërinë civile në Shqipëri të cilat Veliaj dhe Ekonomi i kanalizuan nëpërmjet kontrollit të numrave bankar të 7 mjaftëve të krijuara nga Soros si dhe nga burimet mbështetëse të direkte dhe indirekte të Soros.

Kush janë 9 spinoff-et e Soros që krijojnë Partinë G99:

1991. Spin-off i Parë: Fondacioni Soros Tiranë, i përfaqësuar nga Milva Ekonomi, Remzi Lani, Valdete Sala, Piro Misha, Delina Fico, Çapajev Gjokutaj
2000. Spin-off i Dytë: Shoqata Kombëtare e Debatit, spinoff i Soros që në 1997, themelues i lëvizjes Mjaft, i përfaqësuar nga Arbjan Mazniku, Marinela Lika, Endri Fuga, Floran Pustina, Valdete Sala. Ky spinoff është burim i rëndësishëm financimit të G99 për shkollat e verës
2000. Spin-off i Tretë: Balkan Youth Link, themelues i Lëvizjes MJAFT, bashkëthemeluar nga Erjon Velia, me qendër në Beograd, numri i llogarisë së saj në SHBA kontrollohet nga Erjon Veliaj për kalimin e fondeve nga njëri spin-off tek tjetri.
2002. Spin-off i Katërt: Instituti i Lidershipit Rinor, themelues i Lëvizjes MJAFT, përfaqsuar nga Erjon Velia, Endri Fuga, Denis Behluli spinoff i Soros për të shëndoshur financat personale të familjes Veliaj dhe Mazniku.
2004. Spin-off i Pestë: Fondacioni i paligjshëm MJAFT i krijuar nga spinoff-et e mësipërme, ka zhdukur paratë e ndërkombëtarëve duke dhënë kredi pa liçensë sipas modelit të Fondacionit BESA, i themeluar nga Erion Velia dhe Endri Fuga, burim për 4 bizneset familjare të Velisë, Maznikut dhe Fugës.
2005. Spin-off i Gjashtë: Fshati Urban, themeluar nga Arbër Veliaj, vëllai i Erjon Velisë me qëllim për të kryer biznes të paligjshëm me kompani duhani, kompani bastesh, etj dhe për të falsifikuar faturat e MJAFT.
2006. Spin-off i Shtatë: Qëndra MJAFT, themeluar nga Milva Ekonomi, Alken Myftiu, Klotilda Ferhati, Erjon Veliaj, Arbjan Mazniku, Marinela Lika, Endri Fuga, Holta Xhaçka,
2006. Spin-off i Tetë: Instituti Agenda themeluar nga Milva Ekonomi, Arbjan Mazniku, Marinela Lika, Gjergj Filipi, Genci Kojdheli, Ajola Xoxe, Erjon Veliaj
2008. Spin-off i Nëntë: Shoqata G99 themeluar nga 8 spinoff-et e mësipërme

Paligjshmëria e transformimit të Shoqatës G99 në Partinë Politike G99:

Paligjshmëria e krijimit të Partisë Politike G99 është sa ligjore aq edhe parimore. Sipas ligjit shqiptar të OJFve, është e pamundur që një OJF të transformohet në një parti politike. Sipas nenit 42 dhe 43, një OJF nuk ka hapësirë ligjore për tu transformuar në një parti politike. Ndërkohë që veprimi likuidues i pasurisë dhe aseteve të një OJFje në çastin që shpërndahet (në këtë rast shoqata G99 duhet të shpërndahet meqë krijohet Partia G99) e bën të pamundur kalimin pasuror në favor të partisë politike G99.
Kështu shoqata G99, është e detyruar që çkanë mbetur nga të gjitha paratë dhe asetet e dhuruara nga ndërkombëtarët për spinoff-et e mësipërme që janë transferuar në mënyë të paligjshme nga Lëvizja MJAFT, të kthehen në origjinë.
Sipas ligjit partia G99 duhet të fillojë çdo veprim financiar nga e para dhe nuk mund të trashëgojë asnjë pronë të Lëvizjes MJAFT të përvetësuar në mënyrë të paligjshme nga shoaata G99 nëpërmjet kontrollit të vulës nga Erjon Veliaj. Por pavarësisht pamundësisë ligjore që Partia G99 të trashëgojë kapitalet e G99 (përfshirë edhe kuotizacionet e mbledhura deri më tani nga 99 aksionerët e Velisë), dihet se Partia G99 sot kontrollon shumë burime financiare. Sot Veliaj si krahu i djathtë i Ramës, është bërë mik me të gjithë biznesmenët e mëdhenj që bëjnë pallate apo kanë interesa pranë Kryetarit Rama dhe ushtari i mirë politik Veliaj i ka të gjitha premisat e një sekseri të mirë Veliaj, kështu që edhe burimet financiare tashmë nuk mungojnë sipas parimit: japim sot që të bëjmë tendera të paligjshëm sot dhe nesër.
Ndërkohë mësohet se Milva Ekonomi si ekzekutuesja e skemës së fajdesë së Soros me tre Besat është në krizë reale këto ditë si pasojë e diskreditimit të vperimtarisë së financiare kriminale të Soros dhe po përpiqet që të përdorë ushtarin dhe sekserin e mirë Veliaj si mbrojtës të skemës Besa pasi edhe ai është implikuar familjarisht në skemat e dhënies së kredive pa liçensë.

[par]

"nuk kemi pare gje akoma "

17 udhëtimet e Ahmetajt me charter kushtojnë 800 mijë euro, në skenë del mbreti i Katarit, ja dy alibitë e ministrit fluturues


Që shtatëmbëdhjetë udhëtimet me charter të ministrit Arben Ahmetaj do të ishin pjesë e debateve në Parlament, kjo merrej me mend. Por, Ahmetaj u braktis nga shefi i qeverisë, ministrat dhe deputetët socialistë, duke u distancuar nga ministri fluturues. I vetmi që u rreshtua në krah të ministrit ishte Taulant Balla, i cili duke dashur që ta mbronte, vetëm sa i rëndoi më tej pozitat e tij. Balla zbuloi njërin nga sponsorizuesit e udhëtimeve me charter të Ahmetajt, që është mbreti i Katarit. Ndërkaq, vetë ministri, pasi dështoi me të gjitha përpjekjet për ta fshehur këtë histori, paraditen e djeshme, është vënë me shpejtësi në lëvizje, për të gjetur një alibi dhe për të qepur një fabul, për të justifikuar 17 udhëtimet me charter dhe mbi 110 udhëtime të tjera, me linjat e zakonshme, në harkun kohor prej dy vitesh. Dy ishin alibitë e artikuluara. Së pari, ministri i Ekonomisë pranoi 132 udhëtimet me avion dhe charter në dy vjet, por tha se të gjitha udhëtime ishin zyrtare, pra me paratë e taksapaguesve shqiptarë. Së dyti, me anë të Taulant Ballës, futi në lojë edhe mbretin e Katarit, i cili i paska paguar ministrit udhëtimet me charter. Pra, përpos dyshimeve të forta për Suzerin, i cili shëtit ministrat me charter në këmbim të hidrocentraleve mbi Lumin Drin, në lojë ka hyrë edhe mbreti i Katarit. Fillimisht, ministri u përbetua dy herë se do të jepte dorëheqjen nëse vërtetohej se ka udhëtuar me charter. Tani pranon 17 udhëtimet me charter, por shton se udhëtimet janë zyrtare. Më pas, me siguri do të pranojë se udhëtimet janë sponsorizuar nga biznesmenë në këmbim të plaçkitjes së pasurive kombëtare të shqiptarëve, por do të sajojë alibinë e radhës, duke ndërtuar kësisoj një mashtrim me shumë kate.



17 udhëtimet, maja e ajzbergut

Gazeta SOT bën me dije se zbardhja e 132 hyrje-daljeve të Arben Ahmetajt me charter dhe linjat e tjera të zakonshme, janë vetëm maja e ajzbergut. Gazeta SOT disponon të dhënë të tjera për charterat dhe ato që kanë shoqëruar ministrin Ahmetaj. Para se të dalin faktet e tjera, para se të dalin charterat, biznesmenët sponsorizues, ministri Ahmetaj duhet të ndryshojë raportin me të vërtetën dhe t’u thotë shqiptarëve se kush i ka sponsorizuar 17 udhëtimet me charter. A ka ndonjë ministër në kontinent që udhëton 17 herë me charter në dy vjet me paratë e taksapaguesve të tij? Nëse paskan qenë udhëtime zyrtare, çfarë urgjence dhe misioni kombëtar paska pasur ministri, i cili nuk ka udhëtuar me linjat e zakonshme, por me charter? Nëse paskan qenë udhëtime zyrtare, pse publiku nuk është informuar, sikundër ndodh zakonisht me vizitat zyrtare të ministrave? Kush fshihet pas 17 udhëtimeve me charter? Kush ka sponsorizuar udhëtimet e ministrit fluturues, me një kosto rreth 800 mijë euro? Çfarë ka dhënë ministri në këmbim? Cilat pasuri kombëtare ka ofruar ministri në këmbim të fluturimeve me charter? Cili është roli i Suzerit? Cili është roli i mbretit të Katarit?



800 mijë euro kostoja e udhëtimeve

Edhe nëse pretendimi i ministrit Ahmetajt se, udhëtimet janë zyrtare, pra me paratë e shqiptarëve, do të ishte i vërtetë, kjo nuk do ta zbehte aspak peshën e skandalit. Sipas përllogaritjeve, një udhëtim i zakonshëm me charter kushton të paktën 50 mijë euro. 17 udhëtimet e ministrit Ahmetaj kanë kushtuar mbi 800 mijë euro. Nëse 800 mijë euro nuk janë paguar nga ndonjë biznesmen në këmbim të ndonjë koncensioni korruptiv, paratë janë paguar nga taksapaguesit shqiptarë.



Adriatik Doçi
....- See more at: http://www.sot.com.al/politike/17-ud....KtDEy9lp.dpuf

[par]

VIDEO/ Njeriu hije i kryeministrit, Ricardo Hausmann, lidhjet me Soros dhe përgjimet për FMN

Publikuar në 15:38, 23 Shkurt, 2016 nga Syri.net

Ricardo Hausmann-Rama



Vetëm pak ditë pasi erdhi në pushtet në Tetor 2013, qeveria Rama lidhi një marrëveshje me një institut në Universitetin e Harvardit, instituti quhet CID dhe drejtohet nga profesori Ricardo Hausmann.

Ai është një profesor ekonomie në Harvard, dikur ishte Ministër i Planifikimit të Venezuelës por u arratis nga ky vend kur qeverinë e mori e majta ekstreme dhe e akuzoi dhe Hausmannin ndër të tjerë se e kishte futur Venezuelën në kolaps ekonomik.

Instituti i Hausmannit ka dërguar dhe disa anëtarë të vetë pranë disa ministrive në Shqipëri, janë kryesisht djem dhe vajza të rinj që hartojnë projektet strategjike të qeverisë shqiptare, sidomos koncensionet dhe privatizimet.

Pjesë integrale e marrëveshjes mes Hausmannit dhe qeverisë shqiptare ishte dhe Fondacioni Soros.

Në Nëntor 2014, Rama vizitoi Harvardin bashkë me ministrin Ahmetaj, projekti i tij me Hausmannin kishte një vit që kishte nisur, ndërsa “Havard Gazette” i kushtoi asokohe një artikull të posaçëm kësaj vizite të kryeministrit shqiptar.

Shkruante gazeta:

Qeveria Rama është në mes të një projekti dy vjeçar, të themeluar nga Fondacioni Soros në bashkëpunim me Ricardo Hausmann, një profesor i Zhvillimit Praktik të Ekonomisë në “Harvard Kennedy School”, dhe me ekspertë të “School’s Center for International Development” (CID), që e drejton Hausmann”.

Pjesë e stafit CID të Hausmannit është dhe një studiues shqiptar i Harvardit, Ermal Frashëri. Ai ka dhënë disa intervista në median shqiptare, ndërsa në emisionin e mëngjesit në Vizion Plus, në marsin e vitit 2015, z.Frashëri u shpreh se grupi i Hausmannit jo vetëm e këshillonte qeverinë shqiptare në sektorët strategjikë, por merrej dhe me zbatimin e politikave të hartuara nga ky grup i përbashkët.

Ermal-frasheriShprehej z.Frashëri në Vizion Plus:

“Harvardi ka një projekt me qeverinë shqiptare, nëpërmjet të cilit, është duke i dhënë këshilla për zhvillimin ekonomik dhe social. Mirëpo ne nuk jemi vetëm në rolin e këshillëdhënësit, ne ndihmojmë qeverinë shqiptare gjithashtu për t’i zbatuar këto ide dhe strategji të saj për sa i përket zhvillimit ekonomik.

Projekti përfshin disa institucione. Ne kemi një marrëdhënie të afërt dhe të ngushtë me zyrën e kryeministrit, po kështu me ministrinë e Ekonomisë, Bujqësisë, Financave edhe Ministrinë e Jashtme. Janë disa institucione, me të cilat ne bashkëpunojmë.”

Pak kohë pas kësaj deklarate të Frashërit, në korrik 2015, Hausmann erdhi dhe vetë në Tiranë ku mbajti një konferencë me qeverinë shqiptare dhe “delegatët e tij” pranë kësaj qeverie. U fol për zhvillimin e qëndrueshëm ekonomik të Shqipërisë.

Ndërhyrjet më kryesore që ka ndërrmarë qeveria shqiptare në ekonomi, ato që lidhen me energjitikën(sidomos çështja CEZ), politikat fiskale dhe me koncensionet, janë kryesisht të orientuara nga grupi i Hausmannit që punon në Tiranë.

I njëjti grup, ka asistuar dhe diplomacinë shqiptare, sidomos vizitat jashtë vendit të kryeministrit Rama.

Praktikisht Hausmann, është prej dy vitesh, drejtuesi i grupit që orienton politikat kryesore të qeverisë Rama, ai paraqitet si një ndikim i dorës së parë dhe prapavijë akademike-politike-financiare dhe zgjatim i Fondacionit për Shoqërinë e Hapur (Soros) pranë kryeministrit tonë.

Është interesant fakti se qeveria shqiptare nuk e përmend ndonjëherë për publikun grupin e të rinjve të Hausmannit.

Vetë Ricardo Hausmann, ka pasur së fundmi disa “telashe”, në Dhjetorin e vitit 2015 në vendlindjen e tij, në Venezuelë.

Venezuela udhëhiqet prej vitesh nga një qeveri filo-majtiste, ndërsa shërbimet sekrete të këtij vendi kishin interceptuar në Dhjetor një bisedë të Hausmannit me një oligark të këtij vend të quajtur Lorenzo Mendoza.

Pasi përgjimet u publikuan në media President i Venezuelës Maduro, e akuzoi Hausmannin për komplot.

Në telefonatën e interceptuar Hausmanni përmendte dhe Shqipërinë.

Hausmann i thoshte biznesmenit se kishte mik personal zv/Presidentin e FMN-së dhe se mund të bisedonte me të për lëvrimin e një fondi të rëndësishëm rreth 40-50 miliardë dollar për të investuar në Venezuelë dhe se duhej gjetur një mënyrë për t’i injektuar këto potenciale në kushtet kur qeveria e Venezuelës kishte përjashtuar çdo mundësi marrëveshje me institucione si FMN apo Banka Botërore.

“Unë kam projekte të tilla në Meksikë, në Kolumbi, në Peru dhe në Shqipëri”, – it tha Hausmann biznesmenit me të cilin i’u interceptua telefonata.

Pas publikimit të bisedës së përgjuar, z.Hausmann deklaroi se ajo ishte një bisedë krejt normale, ndërsa e konsideroi përgjimin të paligjshëm. /HashtagAL