Oketa: Shqipëria ka marrë ftesë për fazën e dytë të "Sfidës së Mijëvjeçarit"

[Albo]

Berisha dhe Nano: Zgjedhjet e lira, kushti i ndihmës amerikane

Zgjedhjet, kusht për 5 miliardë USD

Nevila Përndoj

TIRANE- Zgjedhjet e ardhshme të 12 Tetorit do të ndikojnë në ndihmat e Shqipërisë për të ardhmen. Mbarëvajtja e zgjedhjeve lokale të vjeshtës janë kushti i SHBA-së ndaj Shqipërisë për ndihmën financiare amerikane me një vlerë 5 miliardë dollarë amerikanë. Shqipëria është përfshirë në programin amerikan për “Sfidat e Mijëvjeçarit”, si një nga ato vendet që kanë pranuar në nënshkruajnë marrëveshjen e nenit 92 për mosdërgimin e shtetasve amerikanë në Gjykatën Ndërkombëtare Penale. Një kusht i tillë është bërë prezent nga dy liderët kryesorë të politikës shqiptare, kryeministri Nano dhe lideri i PD-së, Sali Berisha. Nano dhe Berisha kanë patur takime të veçanta me presidentin e fondacionit IFES, Sudriete, në të cilin është bërë prezent ky fakt. “Institucioni i zgjedhjeve të lira është një nga kushtet për të marrë pjesë në projektin “Sfidat e Mijëvjeçarit”, të shpallur nga presidenti Bush. Shqipëria është tashmë shumë afër për t’u bërë pjesë e këtij programi botëror që kap shifrën 5 miliardë dollarë. Ne e vlerësojmë qëndrimin tuaj personal, jo vetëm si kryeministër në angazhimin për të përmbushur kushtet e pjesëmarrjes në të. Ne besojmë se edhe faktorë të tjerë do të reagojnë me të njëjtën përgjegjësi”, -ka deklaruar Nano në takimin me Sudriete. Ndërsa kryetari i demokratëve Sali Berisha deklaroi djenë takimin me Sudriete se zhvillimi i zgjedhjeve të lira dhe të ndershme në Shqipëri është kusht për përfitimin e Shqipërisë nga programi amerikan “Sfida e Mijëvjeçarit”, vlerë kjo që llogaritet në miliarda dollarë. Pas takimit me presidentin e IFES, lideri i opozitës siguroi se opozita do të bëjë çdo përpjekje për një proces zgjedhor të lirë dhe të ndershëm. “Unë i sigurova presidentit të IFES se PD do të bëjë çdo përpjekje për një proces zgjedhor të lirë dhe të ndershëm dhe dua t’u them këtu se ajo çka unë mësova nga miqtë e mi është që këto zgjedhje do të jenë përcaktuese për Shqipërinë nëse do të përfitojë apo jo nga programi “Sfida e Mijëvjeçarit” i SHBA-së, që bën fjalë për miliarda dollarë”, -tha Berisha. Ai theksoi se presidenti Bush ka fiksuar si kusht, zgjedhjet e lira dhe të ndershme të atyre vendeve mike të SHBA-së, që do të mund të përfitojnë nga ky plan marshall “me të cilën SHBA synojnë të kontribuojë për prosperitetin, paqen, stabilitetin, demokracinë e vendeve mike”. Për këtë arsye, Berisha sqaroi se është i një rëndësie të veçantë miratimi i Kodit Zgjedhor dhe zhvillimi i një procesi të lirë dhe të ndershëm. Para dy ditësh, kryetari i demokratëve deklaroi se opozita do të firmosë procesverbalet e rezultateve vetëm në rast se ato do të jenë korrekte.
Po dje në mesditë, kryetari i demokratëve akuzoi një nga ndihmësit më të ngushtë të kandidatit socialist për kryetar bashkie të Tiranës, Edi Rama, për mosregjistrimin e demokratëve nga lista e zgjedhësve. “Jam këtu për t’i bërë të qartë Edvin Ramës se do ta paguajë shumë shtrenjtë operacionin “Gonxhe”, operacion me të cilin ka përjashtuar nga listat e Tiranës përmes nëpunësve të padenjë të pandershëm të gjendjeve civile, deri tani 10.000 demokratë dhe demokrate të deklaruar. Ky operacion i kryer nën kujdesin e Gonxhes gjatë këtyre muajve do të ketë pasoja katastrofale mbi Padrinon e Tiranës. E paralajmëroj!! Mos mendo se do të shpëtosh duke shkelur të drejtat e qytetarëve të Tiranës sepse kjo është e fundit që t’i mund të bësh sepse ti je i pashpresë”, -tha Berisha. Kryetari i demokratëve shtoi se përqindja e demokratëve të paregjistruar është plot 6%. Prej disa ditësh zyrtarët e lartë të selisë blu po trumbetojnë faktin se zyrat e gjendjes civile nuk pranojnë regjistrimin e mjaft anëtarëve demokratë që nuk janë në listat e zgjedhësve. Pretendimi në fjalë është mohuar disa herë nga zyrat e gjendjes civile dhe ministri i Pushtetit Vendor dhe Decentralizimit Ben Blushi

[Djal_Lacjan]

Qeveria shqiptare për një periudhë dyvjeçare duhet të tregojë me fakte se lufton korrupsionin në administratë

SHBA vë në provë Shqipërinë

Ries: Pjesëmarrja në Sfidën e Mijëvjeçarit, nuk siguron automatikisht ndihmën

[Djal_Lacjan]

Shtetet e Bashkuara të Amerikës i kanë kujtuar dje Shqipërisë, se ajo ende nuk e ka përfituar ndihmën e madhe financiare të quajtur "Sfida e Mijëvjeçarit". Për të shijuar konkretisht milionat e dollarëve nga Uashingtoni, qeveria shqiptare duhet të japë prova se do të luftojë korrupsionin, do të kryejë reforma institucionale dhe do të krijojë lehtësira për biznesin. Ambasadorja e Shteteve të Bashkuara të Amerikës në Tiranë, Marcie Ries, ka deklaruar dje qartësisht se, nëse Shqipëria e kalon provën e parë, pra është e suksesshme në zbatimin e "Pragut të Mijëvjeçarit", atëherë ajo do të arrijë të përfitojë nga ndihma e madhe që presupozon ky program i qeverisë së SHBA-së. Ambasadorja Ries, deklaroi se "vetë pjesëmarrja në këtë program nuk presupozon edhe përfitimin nga Sfida e Mijëvjeçarit". Ndërkaq, drejtori i USAID-it për Shqipërinë, Eduard Lohan, ka përforcuar më tej fjalën e kryediplomates të Uashingtonit në Shqipëri, duke deklaruar se "shuma e parë prej 14 milionë dollarësh do të përdoret për të ndihmuar Shqipërinë për të hequr pengesat burokratike dhe për të demokratizuar qeverisjen. Kjo ndihmë duhet të shoqërohet nga aksioni i qeverisë për të luftuar korrupsionit dhe për të miratuar ligje që thellojnë reformat demokratike". Drejtori i USAID-it i ka bërë thirrje qeverisë se të gjitha reformat e rëndësishme të vendit, t‘i bëjë së bashku me opozitën në një bashkëpunim të ngushtë, ose siç e quajti ai "frymë bipartizane". Duke e shpjeguar në konferencën për shtyp pas prezantimit të nisjes së Programit të Pragut të Mijëvjeçarit, drejtori i USAID-it, Lohan, duke iu përgjigjur pyetjes së "Shqip", bëri të ditur se, "nëse do të ketë përparime në zbatimin e detyrimeve, atëherë do të vendoset në çdo kohë fillimi i ndihmës së madhe dhe në këtë rast nuk ka një afat të përcaktuar kohor". Ndërkaq, drejtori i USAID-it, duke shpjeguar aspektin e "frymës bipartizane", deklaroi se "vetë programi filloi si frymë bipartizane, u aplikua nga qeveria e kaluar dhe po konkretizohet nga qeveria aktuale, ndaj edhe në këtë rast qeveria dhe opozita, duhet të punojnë së bashku për të realizuar reformat e domosdoshme për modernizimin e vendit". Shqipëria firmosi në muajin prill të këtij vitit, marrëveshjen për hyrjen në programin Sfida e Mijëvjeçarit, e cila nisi dje zbatimin, me një ceremoni të organizuar nga ambasada e SHBA-së në Tiranë dhe nga USAID, në të cilën mori pjesë Kryeministri shqiptar, Sali Berisha, ministrat Bode, Ruli dhe Bumçi, si dhe përfaqësuesja e FMN-së në Shqipëri, An Margaret Uestin dhe drejtori i Bankës Botërore për Shqipërinë, Nadir Muhamed. Pragu i Sfidës së Mijëvjeçarit, apo "prova" do të zhvillohet për një periudhë dyvjeçare.

Programi

Shuma

Qeveria e SHBA ka akorduar 14 milionë dollarë për të zbatuar fazën e parë të provës së vlerësimit për të përfituar nga Programi i Ndihmës

Koha

Periudha e provës nis këtë muaj dhe përfundon në shtatorin e vitit 2008, kur duhet të jepet vlerësimi përfundimtar i qeverisë së SHBA

Reforma

Qeveria duhet të miratojë një sëre ligjesh të rëndësishme, antikorrupsion që duhet të miratohen edhe me konsensusin e opozitës

Ndihma

Nëse arrihet sukses, atëherë qeveria amerikane do të nisë programe shumë të mëdha ndihmash financiare dhe investime për Shqipërinë

Ambasadorja

Programi ndihmon hyrjen në NATO e BE

Ambasadorja e Shteteve të Bashkuara të Amerikës në Tiranë, Marcie Ries, deklaroi dje se zbatimi i "provës", ose siç quhet ndryshe Pragu i Vlerësimit të Sfidës së Mijëvjeçarit, do ta ndihmojë Shqipërinë më shumë në rrugën e saj për t‘u integruar në NATO dhe Bashkimin Evropian. Kryediplomatja e Uashingtonit në Shqipëri, duke folur dje në ceremoninë e nisjes së zbatimit të ndihmës për administratën shqiptare për t‘u shkëputur nga korrupsioni, deklaroi se "ky program është i shkëlqyer, por ai duhet të zbatohet me përpikmëri". Ambasadorja Ries, në auditorin ku merrte pjesë Kryeministri shqiptar, Sali Berisha, disa ministra dhe përfaqësues të organizmave qeveritare, tha se "Shtetet e Bashkuara të Amerikës, vërtet që po ndihmojnë me këtë program, por ai do të zbatohet nga shqiptarët dhe për shqiptarët". Me arritjen e progresit në këto drejtime, atëherë ndihmat financiare nga qeveria e Shteteve të bashkuara të Amerikës, do të arrijnë shifra vërtet të konsiderueshme. Uashingtoni ka një praktikë që nuk ofron mbështetje ekonomike, nëse nuk është i sigurt që paratë të shkojnë drejt e te publiku.

[Djal_Lacjan]

Tatimet dhe tenderat, asnjë kontakt fizik të zyrtarit me biznesmenin

Programi do të të shkurtojë kohën e hapjes së bizneseve dhe uljen e korrupsionit

Programi i qeverisë së Shteteve të Bashkuara të Amerikës, i cili quhet Pragu për Vlerësimin e Sfidës së Mijëvjeçarit për Shqipërinë, do të zbatohet për një periudhë dyvjeçare dhe ka tre shtylla kryesore të veprimit të saj. Pika e parë është pikërisht ulja e korrupsionit në politika qeveritare dhe administratën tatimore. Me një program të gjerë që do të zbatohet nga USAID-i në bashkëpunim me kompaninë amerikane "Kemonex", do të bëhet i mundur kufizimi i komunikimit personal të zyrtarëve tatimore me taksapaguesit dhe gjykimin e tyre në vlerësimin e grumbullimin e taksave. Do të zgjerohet baza tatimore duke përfshirë një përqindje më të madhe të ekonomisë. Programi amerikan në administratën tatimore, do të përmirësojë grumbullimin e taksave, duke kompjuterizuar tërë sistemin e informacionit mbi bizneset në vend. Me anë të trajnimeve intensive, zyrtarët tatimor do të zgjerojnë formimin e tyre. Gjithashtu, do të krijohet një mjedis më i mirë dhe më efiçent tatimor.

Prokurimet

Ndërkaq, në lidhje me shtyllën e dytë të Pragut për Vlerësimin e Sfidës së Mijëvjeçarit, Shtetet e Bashkuara janë përqendruar në rritjen e transparencës dhe uljen e korrupsionit në Prokurimet qeveritare. Për këtë arsye, do të krijohet një institucion që është Avokati për zyrën e Prokurimeve, i cili do të monitorojë shpërndarjen e fondeve publike në kontratat me kompanitë e ndryshme. Do të përforcohen mekanizmat institucionalë, për të pikasur, parandaluar dhe ndëshkuar praktikat korruptive etj.

One Stop Shop

Pjesa e tretë e programit monitorizues të SHBA për Shqipërinë, është pikërisht ajo që cilësohet si një nga sfidat më të rëndësishme në zhdukjen e korrupsionit në vend. Do të krijohet një Qendër Kombëtare për regjistrimin e bizneseve në vend, duke eliminuar kështu lejen gjyqësore. Sipas kësaj praktike, e cila quhet "One Stop Shop", të gjitha bizneset në vend, nuk do të kenë nevojë të regjistrohen në gjykatë, por vetëm në këtë qendër, duke bërë të mundur që regjistrimi të përfundojë edhe brenda 24 orëve. Të gjitha të dhënat mbi bizneset do të kompjuterizohen në mënyrë që marrëdhëniet e kompanive me shtetin të zhvillohen duke zhdukur kontaktet personale të biznesmenit me zyrtarin. Sipas parashikimeve, që ka llogaritur USAID-i, nga 625 biznese që regjistrohen aktualisht në muaj, numri i tyre pritet të shkojë 1 mijë. Ndërkohë që ulja e kostos së regjistrimit parashikohet nga 31% në 13%. Por, ajo që është më e rëndësishmja, është që ndërsa tani një biznes mund të regjistrohet për 47 ditë, me zbatimin e programit "One Stop Shop", ai pritet të shoje edhe për 24 orë. I gjithë zbatimi i këtij programi, do të mbikëqyret në mënyrë strikte nga Agjencia e SHBA për Zhvillim Ndërkombëtar (USAID) në partneritet me qeverinë shqiptare.

[Djal_Lacjan]

Berisha: Ndihma e SHBA na jep mundësi të zhdukim korrupsionin

Kryeministri shqiptar, Sali Berisha, e ka vlerësuar shumë ndihmën që SHBA po i jep Shqipërisë në luftën kundër korrupsionit, qoftë edhe duke i ofruar një periudhë provë qeverisë së tij. Duke folur në ceremoninë e zhvilluar me këtë rast, kreu i qeverisë shqiptare deklaroi se "shënojmë një etapë të re shumë të rëndësishme. Së pari, luftën kundër korrupsionit, këtij kanceri, çrrënjosja e të cilit përbën një kusht vendimtar për zhvillimin e Shqipërisë. Nga ana tjetër, projektet që nisin sot janë projekte të një modernizimi të vërtetë të administratës së këtij vendi. Këto janë projekte madhore për Shqipërinë, të cilat i japin mundësi vendit, që me transparencë të plotë të realizojnë proceset e prokurimit publik, duke nxjerrë në rrezen e diellit të gjitha shpenzimet e parave të taksapaguesve shqiptarë". Berisha theksoi se nëpërmjet qeverisjes elektronike përmirësohet në mënyrë substanciale administrimi i taksave dhe të ardhurave në tërësi. Rëndësi të jashtëzakonshme ka instituimi në Shqipëri i "One Stop Shop", si praktika më e mirë e kohës për të lehtësuar biznesin, regjistrimin si dhe funksionimin e tij. USAID ka dhënë një kontribut të jashtëzakonshëm në luftën kundër korrupsionit. Sikundër në dhjetëra e dhjetëra projekte të tjera që përfshijnë të gjitha fushat e vendit.

[Brari]

"Ndërkaq, drejtori i USAID-it për Shqipërinë, Eduard Lohan, ka përforcuar më tej fjalën e kryediplomates të Uashingtonit në Shqipëri, duke deklaruar se "shuma e parë prej 14 milionë dollarësh do të përdoret për të ndihmuar Shqipërinë për të hequr pengesat burokratike dhe për të demokratizuar qeverisjen. Kjo ndihmë duhet të shoqërohet nga aksioni i qeverisë për të luftuar korrupsionit dhe për të miratuar ligje që thellojnë reformat demokratike". Drejtori i USAID-it i ka bërë thirrje qeverisë se të gjitha reformat e rëndësishme të vendit, t‘i bëjë së bashku me opozitën në një bashkëpunim të ngushtë, ose siç e quajti ai "frymë bipartizane". "


thuhet aty me lart..


qe te merrni ndihmen thote ki kaposhi.. duhet te luftoni hajdutllekun.. e qe ta luftoni hajdutllekun thot ki rryp nga m... semes.. bashkpunoni me hajdutet..

ik more byrokrat..

[Wordless]

"birkokrat" me 1000$/dita rroge :-)

[Lioness]

Dikush ka hapur nje teme per noten ndaj qeverise. Meqe vleresimet ne ate teme mund te jene te "njeanshme" duke u kushtezuar nga bindjet politike, te shohim cfare "note" jepet nga te huajt. Me sakte nga SHBA, ku ne baze te kesaj note varej marrja e nje ndihme prej 260 milione dollare.

Shqipëria jashtë ndihmës së SHBA

Nga 18 fusha të marra në studim, Shqipëria mundet që të kalojë vetëm 4 prej tyre

Korrupsioni mbërthen vendin. Liria ekonomike paraqet treguesit më të ulët në vite.

Shqipëria ngel në klasë në vlerësimet që i janë bërë vendit në kuadrin e Projektit Sfida e Mijëvjeçarit. Nga 18 indikatorët kryesorë që janë marrë në këtë studim sipas fushave, vetëm në 4 prej tyre vendi ka mundur që të marrë notë kaluese. Ndërsa 14 indikatorët e tjerë, të ndarë në 3 shtylla kryesore, kanë qenë të pakalueshme për Shqipërinë. Vendi nuk ka mundur që të kalojë klasën në të Lirinë Politike, Liritë Civile, Kontrollin e Korrupsionit, Eficiencën e Qeverisë, Zbatimin e Ligjit, Shpenzimet për Shëndetin, Shpenzimet për Arsimin Primar, dhe në të gjithë parametrat e Lirisë Ekonomike, përjashto këtu vetëm inflacionin që është një tregues që është arritur gjatë vitit 2007 dhe më parë. Të dhënat që përdoren nga ana e Projektit Sfida e Mijëvjeçarit janë të marrë nga institucione prestigjozë në botë, siç është Banka Botërore, Fondi Monetar Ndërkombëtar, etj.

Korrupsioni, vendi zhytet për 2007

Viti 2007 është klasifikuar si një vit i errët përsa i përket fenomenit korruptiv. Sipas të dhënave që na jep studimi, Shqipëria është më keq në këtë indikator se në vitin 2006. Shqipëria merr “karton të kuq” për vitin 2007 në luftën kundër korrupsionit, vlerësimi është nga më të dobëtit ndër indikatorët që kanë dalë në studimin e projektit. Vlerësimi për nivelin e korrupsionit është bërë duke përdorur të dhëna që janë marrë nga Banka Botërore. Indeksi ka një nivel prej 16%, kur për të marrë një vlerësim pozitiv duhet 51%.

Eficensa e qeverisë

Edhe ky tregues si shumë të tjerë në këtë studim nuk ka mundur që të marrë një vlerësim pozitiv. Qeveria nuk ka mundur që të jetë eficente në punën e saj sipas studimit të këtij projekti. Vlerësimi është jokalues për vendin, i njëjtë me atë që është bërë edhe në vitin 2006. Tashmë edhe në këtë tregues qeveria ka ngelur në klasë edhe për vitin 2007, duke mos mundur që të bëjë asnjë hap para. Treguesi është 29%, sa gjysma e vlerësimit për të marrë një notë pozitive.

Zbatimi i Ligjit

Fushë tjetër ku raporti na nxjerr jashtë klasifikimet është edhe zbatimi i ligjit. Shqipëria mbetet larg standardeve që duhen të zbatohen sipas Sfidës së Mijëvjeçarit. Raporti e ka vlerësuar jo kalues vendin edhe në këtë fushë, ndërsa e njëjta situatë ka qenë edhe në vitin 2006, duke tregues se në këtë drejtim vendi ka mbetur në nivele tepër të ulëta. Vetëm 6% është niveli i këtij treguesi sipas raportit, nga 51% që duhet të jetë niveli kalues minimal.

Kostoja për hapjen e biznesit

Të hapësh një biznes në Shqipëri edhe për vitin 2007 ka qenë një proces tepër i vështirë dhe me shumë burokraci e korrupsion. Ky është vlerësimi që vjen nga ana e institucioneve ndërkombëtare, që kanë nxjerrë statistika të errëta edhe për këtë fushë. Projekti Sfida e Mijëvjeçarit e vlerëson Shqipërinë si jokaluese edhe në këtë indikator.

Ditët e hapjes të një biznesi

Kalvari i pritjeve për të hapur një biznes është i pranishëm në të gjitha zyrat e shtetit ku duhen plotësuar një sërë letrash e dokumentash. Megjithëse premtimet kanë qenë pa fund edhe në këtë drejtim raporti na vlerëson jokalues pasi nuk kemi plotësuar standardet e kërkuara.

Politika fiskale dhe ajo e Tregtisë

Të dyja këto instrumente në dorë të qeverisë mbeten joeficente. Raporti i vlerëson këto politika si të dobëta dhe të një niveli të dështuar që lënë shumë për të dëshiruar. Nga të dyja këto instrumente në dorë të qeverisë, ajo që sipas raportit është në një nivel të vlerësuar si të keq është politika fiskale, ndërsa ajo e tregtisë ka patur përmirësime gjatë këtij viti, por jo të mjaftueshme.



Çfarë është Sfida e Mijëvjeçarit

Sfida e Mijëvjeçarit është një projekt i Qeverisë Amerikane për të ndihmuar vendet më të varfra në botë. Fondet që akordohen nga ky projekt për vendet që hyjnë në garë vendosen në bazë të disa kritereve siç janë, qeverisja e mirë, zbatimi i ligjit, liria ekonomike etj. Qëllimi i këtij projekti është që të reduktojë varfërinë në botë dhe nxisë rritjen ekonomike. Vendet që aplikojnë në këtë projekt duhet që të bëjnë transparent 16 tregues. Vendi ka 2 faza në të cilat mund të aplikojë. Faza e parë që quhet edhe “Projektiprag”, në të cilin është edhe Shqipëria ku është përfituar edhe një fond prej rreth 13 milionë USD. Dhe faza e dytë që është projekti “Conpakt”, në të cilin fondet e akorduara nga qeveria amerikane janë në rreth 260 milionë USD. Suksesi i vendit në këto projekte varet nga realizimi i hreformave dhe arritja e indikatorëve.


Asnjë përmirësim në krahasim me vitin 2006, vendi bën hapa prapa në shumë tregues

Qeveria me “të kuqe”, humbasin 260 milionë USD

Pas këtij raporti tepër negativ, qeveria duhet të presë vendimin nëse do përfitojë fondin 260 milionë dollarë

Nëse i referohemi vlerësimit në 3 shtylla kryesore dhe 18 fusha të bëra nga ana e Projektit Sfida e Mijëvjeçarit, mbizotëron ngjyra e kuqe e cila tregon se qeveria nuk ka mundur që të kalojë targetet e vendosura. Vetëm në 4 fusha nga 18 të marra në studim, nota është kaluese. Edhe këto 4 indikatorë që janë pozitivë për vendin, janë pikërisht në fusha të një dore të dytë, siç është “Fjala e Lirë”, apo Arsimimi Primar për Femrat. Ndërsa në ato fusha ku vendoset edhe trendi i vendit, siç janë korrupsioni, Zbatimi i Ligjit dhe Shteti i së Drejtës, Liria Ekonomike me të gjithë përbërësit e saj, indikatorët tregojnë se jemi në vend numëro, madje në disa raste ka edhe hapa prapa. Vetëm 16% është vlerësimi për nivelin e korrupsionit, kur duhet që ky vlerësim të jetë të paktën edhe 3 herë më i lartë që të mund t’i afrohet nivelit kalues prej 51% që është vendosur si dysheme nga ana e hartuesve të këtij projekti. E njëjta situatë paraqitet edhe në “Politikën Fiskale”, ku është marrë edhe nota më e ulët në këtë vlerësim. Qeveria e ka quajtur revolucion fiskal, por vlerësimet tregojnë se jemi ende në fillimet e hartimit të një politike fiskale. Në këtë drejtim duhet që përmirësimi të jetë me 4 herë, në mënyrë që të kapet minimalja prej 50% e këtij treguesi për të marrë një notë kaluese. Duhet të theksojmë se nivele të mira për të gjithë indikatorët janë ata nga 80% deri në 100%.

Kriteret për 285 milionë USD, plotësohen nga Mongolia

Por çfarë kushtesh duhet që të plotësojë vendi që të firmosë marrëveshjen të quajtur “COMPACT” në bazë të së cilës përfitohet edhe një fond që për vitin 2007 ka qenë 285 milionë dollarë për një nga vendet aplikuese. Vetëm 2 ditë më parë ka qenë Mongolia një nga vendet e grupit tonë që ka nënshkruar marrëveshjen prej 285 milionë dollarë në bazë të Projektit “Sfida e Mijëvjeçarit”. Megjithëse është një vend me të ardhura për frymë më të ulëta se Shqipëria, të gjithë treguesit e tjerë i ka pozitiv. Po çfarë kriteresh ka plotësuar ky vend për të arritur këtë marrëveshje ? Si të gjitha vendet që kanë aplikuar në këtë projekt indikatorët e marrë në studim janë të njëjtë. Si edhe në Rastin e Shqipërisë janë marrë në studim për vitin 2007 18 fusha, të grupuara në 3 shtylla kryesore. Nga 18 fushat e marra në studim, vetëm në 1 prej tyre, Mongolia, ka marrë notë jokaluese, dhe kjo një fushë jo e nivelit primar. Në të 17 fushat e tjera nivelet e vlerësimit janë tepër të larta, duke e futur vendin në hartën e gjelbër. E kundërta ka ndodhur me rastin e Shqipërisë. Harta ku shtrihemi është e kuqe, dhe vetëm 4 nga 18 fusha të marra në studim kanë marrë një notë kaluese.


PS: Ndoshta i duhej bashkuar temes tjeter per noten, dhe pastaj te vazhdohej diskutimi, me nje panorame me te qarte te situates.

PS2: Linku nga Shekulli Kliko qe te jemi te sakte me Brarin lol.

[Brari]

nuk na e the se ku e psonise kte artikull.. oj cuc..

e kemi kte zakon ketu.. qe na e kan len te paret..pra brari ju a ka lene.. qe kur postoni dicka qe nuku del nga koka juaj.. vini burimin.. pra gazeten nga eshte psonisur.. etjetj..

si kalove ne vlore..

[mondishall]

S'kemi ne nevoje per nota
Akoma s'e ka marr vesh bota?
Kemi mbetur mbetamane
Qe kur beme te dyte babane!

S'vume mend ne per dekada
Qe dhe xhungla na la mbrapa
Se i dhame medalje vetes
Dhe keshtu ja hidhnim mbetjes!

Nga t'ja mbajne qeverite
As permendesh nuk mesuan
Qe te bindnin nje Amerike
Ca dollare per t'na dhuruar!

Qenkemi shume te sinqerte
Qe ne shifra nuk gabojme
Kesaj i thone transparence
Qe te le me gisht ne goje!

Vec nuk jam kaq pesimist
Me kaq here mbetur ne klase
Truri nje dite do te ndris
Ndihme do t'i jap dynjase!!!
* * *