Fshati Hamallaj: Prishen banesat pa leje per te ndertuar nje resort turistik

[RAPTILOID]

DURRËS- Prishja e banesave në fshatin Hamallaj për t'i hapur rrugë ndërtimit të një fshati turistik duket se është kthyer në bastin e qeverisë dhe të kreut të Inspektoratit të Policisë Ndërtimore, Gjergj Bojaxhi. Këshilli i Ministrave dhe KRRTRSH-ja kanë miratuar të gjithë bazën ligjore për të nisur punën ndërsa Bojaxhi ka marrë urdhrin për prishjen e ndërtimeve dhe premtimin për një "shpërblim" në kryeqytet nëse ia arrin me sukses. Por nga ana e tyre, banorët e Hamallajt kanë kryer negociata me të gjithë pushtetarët lokalë, të cilëve u kanë marrë premtimin se asnjë banesë nuk do të prishet. Në këto kushte ata janë mbledhur dje duke zhvilluar një protestë paqësore për t'i dhënë qeverisë mesazhin se asnjë banesë nuk mund të prishet pa u derdhur gjak.
Një thirrje e rëndë që banorët kanë dhënë besën se do e mbajnë deri në fund. Dje banorët e Hamallajt janë rikthyer në protestë pas disa takimesh me përfaqësues të shtetit dhe deputetin Igli Cara. Dhjetëra banorë kanë dalë në rrugë duke protestuar kundër vendimit për prishjen e shtëpive të tyre. Ata janë shprehur se kërkojnë legalizimin për banesat e tyre dhe jo shembje, sikundër kanë ardhur fletë lajmërimet nga Ndërtimorja. Të mbledhur bashkë ata kërkojnë që qeveria të ndërhyjë për zgjidhjen e problemit të tyre dhe lirimin nga burgu të gjashtë personave që u arrestuan gjatë aksionit të dhunshëm për prishjen e ndërtesave pak kohë më parë.
Dje banorët kishin mësuar se mund të kishte një tjetër aksion të ndërtimorëve dhe menjëherë kanë marrë masa. Rrugët në afërsi të vendit ku ka ndodhur konflikti i një korrikut janë furnizuar me gurë të mëdhenj dhe blloqe çimentoje. Teksa kalon në fshat të sheh syri grumbuj gurësh në çdo rrugë të tij. Përveç tyre, rrugët janë mbushur edhe me parulla: "Larg duart nga fshatiynë sekserë e matrapazë" dhe "Duam liberalizim e jo gjenocid". Banorët thonë se nuk do të lejojnë asnjë prishje në Hamallaj dhe kërkojnë të bisedojnë me përfaqësues të qeverisë.
Ata kërkojnë transparencë për zgjidhjen e problemit të tyre dhe mosndërhyrjen e policisë ndërtimore. Sipas banorëve, vetë pushtetarët e sotëm zhvendosën në atë zonë vite më parë. "Na ka bërë thirrje vetë Berisha për te ardhur këtu. Ne kërkojmë deklaratën publike nga Kryeministri dhe të dimë nëse do t'i mbajë apo jo premtimet. Përpara zgjedhjeve këtu erdhën disa deputetë dhe na uruan për shtëpitë që do na legalizoheshin",- thonë banorët e fshatit. Ata shpjegojnë se zona është e varfër dhe se 70 % e tyre vuan për bukën e gojës. Sipas banorëve, legalizimi duhet të ishte bërë me kohë por këtë nuk e lejon korrupsioni që kryeministri i përmend edhe vetë. Një grua deklaron se nuk i lëshon shtëpitë e ndërtuara me gjakun e fëmijëve të saj në emigracion. "Unë jam grua, por do të luftoj si burrë për të mbrojtur këtë truall",- thotë ajo. "Këtu nuk do të kalojë polici pa vdekur ne të gjithë!", thotë një tjetër protestues, i cili ka dalë në mbrojtje të shtëpisë së tij.

[RAPTILOID]

Gazeta shekulli

Do vijoj te postoj disa artikuj per hamallajn

[RAPTILOID]

Pritet aksioni i ndërtimorëve për të nisur punimet e resortit turistik “Neëborn”
Janë rikthyer protestat në fshatin Hamallaj Hidrovor të Durrësit, ku vendimi i KRRTRSH-së për ndërtimin e një fshati turistik u ka dhënë fund hapësirave të lira në këtë pjesë të bregdetit, ku dhjetëra banorë kanë ngritur ndër vite shtëpitë dhe bizneset e tyre. Resorti turistik “Newborn” (i sapolinduri), i cili do të ngrihet mbi gërmadhat që do të mbeten nga prishja e objekteve të protestuesve, ka marrë lejen e ndërtimit dhe pret të nisë nga zbatimi pas heqjes së objekteve në hapësirën prej pak më shumë se 100 hektarë që kishte mbetur. Banorët janë tubuar paqësisht me pankarta dhe flamuj në të njëjtin vend ku më 1 korrik u përleshën me forcat speciale të policisë në mbrojtje të pronave të tyre. Paraprakisht janë njoftuar për prishjen e ndërtesave pronarët e disa lokaleve, në të cilat është menduar të nisë aksioni i ndërtimorëve dhe të cilave u mbaron afati 5-ditor që nga çasti i njoftimit ditën e premte. Në bazë të ligjit, ata duhet të lirojnë objektet për t’i lënë vend ndërhyrjes së fadromave, gjë që banorët deklarojnë se nuk do të ndodhë. Protestuesit janë bërë bashkë, pasi mendojnë se pavarësisht prishjeve të pjesshme, të gjitha pronat e tyre do të kenë të njëjtin fund dhe se “të bashkuar mund të mbrojnë atë që u takon”. Ata kanë kërkuar lirimin e 5 të arrestuarve të policisë, mes të cilëve dhe gjimnazisti invalid Altin Lleshaj, për përleshjen e 1 korrikut gjatë kundërshtimit me dhunë të ndërhyrjes së inspektorëve të ndërtimit me në krye Gjergj Bojaxhi dhe përfshirjen në negocime me strukturat shtetërore për legalizimin e objekteve. Ndërkaq, të tjerë persona të ndaluar pas protestës së dhunshme në korrik hetohen në gjendje të lirë pas vendimeve të Gjykatës së Durrësit për vlerësimin e masës së sigurisë. Protestues të ndryshëm janë shprehur ditën e djeshme se nuk do të lejojnë asnjë fadromë të hyjë në fshatin e tyre për të bërë prishje, ndërsa kanë kërkuar përfshirjen në bisedime me qeverinë për zgjidhjen e problemit të krijuar. Ata gjithashtu kanë dënuar qëndrimin indiferent të deputetëve durrsakë ndaj çështjes së tyre. Protesta e organizuar mëngjesin e djeshëm nga banorët ka qenë paqësore dhe është zhvilluar pa pjesëmarrjen e forcave policore. Drejtues të shoqatës “Rinia aktive” kanë mbështetur këtë protestë, që paralajmëron të tjera përplasje mes komunitetit dhe shtetit në këtë pjesë të bregdetit aq shumë të lakmuar.

“Newborn”
E ndërsa pronarët kërkojnë të përfshihen në procesin e legalizimit, këto ditë pritet që të nisë ndërhyrja e fadromave të Inspektoratit Ndërtimor për prishjen e objekteve pa leje të ndërtuara në Hamallaj Hidrovor, për t’i çelur rrugë nisjes së punimeve për ndërtimin e resortit turistik “Neëborn” me investitor një kompani të njohur private. Resorti është projektuar në shkurt të këtij viti nga një treshe arkitektësh dhe ka një sipërfaqe prej 1008380 metrash katrorë. Më 23 prill të këtij viti, ishte KRRT-ja e Bashkisë së Sukthit që miratoi studimin pjesor urbanistik në zonën midis Përroit të Tarinit dhe hidrovorit. Në Bashkinë e Sukthit deklarojnë se investitorët zotërojnë certifikatë pronësie. Në sipërfaqen për të cilën ka nisur përplasja e fortë mes banorëve dhe strukturave shtetërore është parashikuar të ngrihen blloqe vilash 2-3-katëshe, pishina dhe të gjitha lehtësirat e tjera të shërbimeve për pushime në këtë pjesë të Adriatikut.

Në listën e prishjeve të Bojaxhiut që nga korriku janë 156 objekte. Në bashki deklarojnë se zona ka një masterplan të miratuar më 2004-n, ndërkohë që në vitin 2009 është bërë edhe studimi urbanistik i zonës që ka kaluar edhe në KRRTRSH e në të është parashikuar ndërtimi i një tjetër fshati turistik me një sipërfaqe 43 hektarë.

Shqip

[Qyfyre]

jane banesa ilegale?

[RAPTILOID]

Kreu i Inspektoratit Kombëtar Ndërtimor, Gjergj Bojaxhi, ka deklaruar dje se aksioni për prishjen e ndërtimeve pa leje në fshatin Hamallaj të Durrësit do të vijojnë. “Ndërtimet pa leje në fshatin bregdetar të Hamallajt do të prishen. Do të zbatohet ligji. Ne kemi objektivin tonë, të mbështetur në dispozitat ligjore”, ka deklaruar dje Bojaxhi. Ndonëse nuk ka përcaktuar afate kohore se kur ndërtimorët do të rinisin aksionin, Bojaxhi ka siguruar se do të zbatohet ligji. “Nuk ka një datë të saktë për ndërhyrjen në objektet e jashtëligjshme, por duhet të jetë e qartë se ligji do të zbatohet”, ka thënë Bojaxhi.

Më 1 korrik të këtij viti, banorët e fshatit Hamallaj u përplasën me forcat e policisë, që ishin në mbështetje të aksionit të ndërtimorëve për të shembur banesat pa leje. Si pasojë mbetën të plagosur tre policë dhe 10 banorë. Pesë prej organizatorëve të protestës janë ndaluar nga policia, ndërkohë që dje banorët e Hamallajt kanë dalë sërish në rrugë për të protestuar paqësisht prishjen e shtëpive të tyre dhe ngritjen e resortit të ri turistik.

Gazeta shqip

[smokkie]

Sa te qute qe jane disa prej nesh. Hajde mblidhemi nja 20-30 apo 300 persona. Bejme ca themele, ca mure, ca kollona PA LEJE. Kur te vije xhaxhi eskavatori me ate te madhe (rroten) per te na prishur shtepine bjem dakort te dalim ne proteste.
Jo qe tja prishin por ti fusin dhe ne burg, se nuk u lerua, te ndertoje kush te doje, ku te doje.
Themi pastaj qe nuk ka shtet, nuk ka ligj. Ky pra eshte ligji: mos nderto pa leje se ta çan tullumbacen shteti, sidomos kur je 1 cope fshatar pa toke.


P.S.: dhe o gazetaruca, o injorante me 2 klase fillore, cfare jane keto fjale jashtetoksore si "Neëborn"
WTF??

[Brari]

mir e ke o smok.. por.. ca i bejne pa leje e u legalizohet plackitja..
cave u cohet ekskllavatori.. kur thon myzeqaret..

duhej bere me kohe e qarte qe me 1991-ne.. ndertove pa leje.. shteti ka vetem nji pergjigje.. FADROM.. dhe pike..


..

[RAPTILOID]

Brari doktorri perdor fjalen rruspa

[RAPTILOID]

Përplasja, gjatë një aksioni për bllokimin e lavatriçeve të inerteve. Të dyja palët bëjnë padi
Një operacion i Inspektoratit Kombëtar të Ndërtimit, i drejtuar nga Gjergji Bojaxhi, ka degjeneruar në dhunë fizike dhe me një të plagosur në qytetin e Peqinit. Incidenti ka ndodhur gjatë një kontrolli të planifikuar, por gjatë të cilit pretendohet se inspektorët kanë hyrë në ambientet e një firme private pa treguar asnjë dokument identiteti dhe kontrolli.

Operacioni i drejtuar nga vetë kreu i inspektoratit të ndërtimit, Gjergj Bojaxhi, për fat të keq ka degjeneruar në përplasje fizike me firmat që shfrytëzojnë me licencë inertet në zonën e Peqinit. Situata në njërën prej tyre, gjatë inspektimit të udhëhequr nga Bojaxhi, ka dalë jashtë kontrollit dhe është shoqëruar me konfrontime, që sipas punonjësve të kësaj firme ishin të provokuara nga punonjësit e inspektoratit.

Pasditen e së shtunës inspektorët janë futur në zonën ku ushtron aktivitetin prej afro 15 vjetësh firma "Febius" sh.p.k, me administrator Diell Çelën. Fillimisht, sipas Çelës, pa u prezantuar, inspektorët ndërtimorë u kanë kërkuar drejtuesve të makinerive të firmës që të dorëzonin tek ata çelësat e mjeteve të rënda. Por një gjë e tillë është refuzuar nga ana e punëtorëve, pasi asnjërit prej drejtuesve të mjeteve nuk i është paraqitur ndonjë dokument që të vërtetonte statusin ligjor të inspektorëve. Situata është tensionuar dhe në terren është shfaqur drejtuesi i inspektoratit të ndërtimit, Gjergj Bojaxhi, i cili u ka kërkuar vartësve të tij të vazhdojnë kontrollin e planifikuar.

Pas urdhrit, inspektorët së bashku me kryeinspektorin Bojaxhi i janë drejtuar manovratorit të ekskavatorit, Bajram Hoxha, për t’i marrë çelësat e mjetit, por ai nuk ka pranuar.

Sipas administratorit të firmës “Febius”, inspektorët e ndërtimit e kanë dhunuar fizikisht ekskavatoristin, duke e gjakosur atë. Edhe pse ekskavatoristi 50-vjeçar ka mbetur i dëmtuar, ata kanë vijuar kërcënimet për marrjen e çelësave të të gjitha mjeteve të firmës së shfrytëzimit të inerteve në hyrje të qytetit të Peqinit. Pasi kanë arritur forcërisht të bllokojnë aktivitetin e firmës "Febius" sh.p.k, inspektorët janë larguar.

Ndërkaq, administratori i firmës ka njoftuar Komisariatin e policisë së Peqinit për incidentin, ndërsa i dëmtuari ka përfunduar në spital për të marrë ndihmën e nevojshme mjekësore. Sipas drejtuesit të firmës, Diell Çela, “gjithçka ka ndodhur pasi ne nuk kemi pranuar ‘gjobat’ nën dorë që kanë kohë që i kërkojnë drejtuesit e inspektoratit ndërtimor”. Pak orë pas këtij incidenti, edhe inspektorati ndërtimor ka bërë një kallëzim në polici për pengim të ushtrimit të kompetencave gjatë kontrollit në firmën "Febius".

[micro-phobia]

o ti qe ke vene kete titull

prishen banesat apo prishen policet ke gur e bomba molotov, ju te Shqiperise keni fillu te shihni iluzione, madje po shihni edhe Shqiperine e uritur si po perparon