Protesta e biznesit, dorëzohen Financat: Pa kasa edhe 6 muaj

[shigjeta]

“Edi Rama kundër kasave fiskale për të ushqyer korrupsionin dhe klientelizmin në bashkinë e Tiranës”

Ministri i Financave Ridvan Bode sqaron procedurat dhe detyrimin për pajsijen e bizneseve me kasa fiskale

Pas reagimit të Edi Ramës mbi protestën e tregtarëve të Medresesë ka qenë i menjëhershëm reagimi i ministrit të Financave Ridvan Bode. Veç përgjigjes së dhënë në Parlament kreu i Financave ka dhënë dje dhe një konferencë për shtyp duke pohuar se, “Ditët e fundit kreu i Partisë Socialiste, kryetari i bashkisë së Tiranës po përpiqet të instrumentalizojë politikisht një proces shumë jetik për ekonominë shqiptare, për lirinë e tregut, për konkurrencën e barabartë të bizneseve në treg, për sjelljen e njëllojtë të gjithsecilit para ligjit, për eliminimin dhe dominimin mbi evazionin fiskal, vendosjen e pajisjeve elektronike fiskale ose të ashtuquajturave kasa për bizneset që shesin produktet e tyre në treg. Kjo është një masë shumë e rëndësishme e ndërmarrë nga qeveria, ndërkohë që në vende të tjera të zhvilluara të rajonit dhe botës, ky proces tashmë është i përfunduar dhe përbën elementin bazë për të mënjanuar sjelljen klienteliste në nxjerrjen e taksave, instrumentalizimin elektoral dhe politik të administratave respektive në nxjerrjen e të ardhurave fiskale dhe krijimin e barazisë së bizneseve para ligjit”.
Sipas kreut të Financave ky instrumentalizim nga Edi Rama dëshmon edhe një herë, mungesën e koherencës së opozitës shqiptare në raport me ligjin, bile më tej dëshmon faktin se opozita duke shfrytëzuar të drejtën legjitime për të qenë oponencë e vazhdueshme e qeverisë, synon të krijojë kaos në zbatimin e ligjit, synon të krijojë një situatë antiligjore edhe në sektorin e ekonomisë, aq të interesuar për ta paraqitur si një sektor në krizë dhe pa perspektivë.
“Si Ministër i Financave dëshiroj t’i vë në dijeni se procesi i zbatimit të pajisjeve elektronike fiskale, ndodhet në një fazë vendimtare dhe po përdoret në radhë të parë për t’u mundësuar bizneseve që të konkurrojnë në mënyrë të drejtë dhe për të ndërprerë çdo burim të korrupsionit që mund të ushqehet përmes sjelljes jo të njëjtë, jo të drejtë dhe jo të barabartë të bizneseve”, tha Bode.
Ai shtoi se, “taksat fiskale që mblidhen janë taksat që tashmë i paguajnë qytetarët tek biznesi. Ato janë pjesë e çmimeve të shitjes në treg. Ajo që ne bëjmë sot është që evidentojmë atë që qytetarët paguajnë përmes çmimit si pjesë e taksave të buxhetit. Pra dorëzimin e një takse të paguar nga qytetari në buxhetin e shtetit, si kontribut i tij për këtë lloj takse të vendosur me ligj. Thirrja e kryetarit të bashkisë së Tiranës vjen një ditë pasi ai deklaroi publikisht se bashkia e kryeqytetit dhe minibashkitë e tij për vitin 2010 kanë vjelë gjysmën e taksave të mbledhura gjatë vitit 2009 si taksa mbi biznesin e vogël. Dhe kjo përbën dëshminë më të qartë të përdorimit dhe instrumentalizimit politik dhe klientelist që kryetari i bashkisë së Tiranës kërkon t’i bëjë një procesi tërësisht ligjor. Për sa i takon problemit të çmimit të kasave- tha ministri, qeveria për të krijuar një konkurrencë të drejtë në treg, ka më shumë se një muaj që ka hequr licencat e kompanive për vendosjen e kasave, duke i krijuar mundësinë çdo biznesi që e shikon fitimprurës këtë aktivitet, të futet në treg, kundrejt disa kushteve; vendosja e një garancie; certifikimi i kasave që futen në treg dhe që ju shiten bizneseve (që nënkupton që të jenë të pamanipulueshme, të kenë memorie elektronike dhe që të transmetojnë në kohë reale, në trurin qendror të administratës tatimore.) Çdo përpjekje për të krijuar idenë e ndonjë monopoli në treg është e pabazë”.
Sipas ministrit Bode tashmë ligjërisht, gjithsecili mund të marrë pjesë në treg kundrejt certifikimit të tipit të pajisjeve fiskale që do të tregtojë në tregun shqiptar. Sigurisht që ne jemi të interesuar që çmimet e kasave, edhe pse janë pjesë përbërëse e tregut, por duke qenë se janë pjesë njëkohësisht edhe e një reforme fiskale, të jenë në përputhje me logjikën e tregut. Dhe unë kam urdhëruar administratën tatimore për të bërë një hetim/vëzhgim të tregut të kasave, pasi firmat që importojnë janë të njëjtat që zbatojnë procesin dhe për të parë diferencat e çmimeve dhe justifikimin e tyre. Më tej Bode shtoi se, “për biznesin e vogël ne sigurisht që ju kemi kërkuar dhe do të këmbëngulim që të gjendet një pajisje elektronike e përshtatshme, me një kosto të arsyeshme dhe me kapacitete sigurisht më të limituara nga kasat që përdoren në biznesin e madh dhe me një veprimtari më të gjerë. Do të vazhdojmë të ndjekim me vëmendje zhvillimet në treg për zbatimin e procesit të pajisjeve me kasa fiskale por nga ana tjetër edhe një herë dëshiroj të bëj me dije që ky është një proces në të mirë të çdo biznesi, në të mirë të qytetarëve që paguajnë taksa dhe që taksat që ato paguajnë të depozitohen në buxhetin e shtetit për të pasur në këtë mënyrë më shumë të ardhura për rrugë, shkolla e spitale, është në të mirë të ekonomisë në tërësi pasi forcon konkurueshmërinë, gjë që përbën edhe një prioritet të qeverisë. Pikërisht për këtë arsye në përgjysmuam të gjitha taksat, që gjithsecili të paguajë nga pak. Por ky proces është në të mirë edhe të bashkisë së Tiranës, e cila mbledh sot gjysmën e taksave që mblodhi vitin e kaluar, por sigurisht që ky proces i heq të drejtën e trajtimit klientelist politik të bizneseve që janë të lidhura me bashkinë e Tiranës”.
Ai tha më pas se për sa i përket investigimit të procedurave, e ftoj kryetarin e bashkisë së Tiranës, megjithëse javën e kaluar i kemi depozituar një informacion të detajuar, që përmes atij komiteti të informacionit dhe sigurimit që ka ngritur në partinë e tij, të vijë e të marrë çdo dokument në Ministrinë e Financave që ka të bëjë me procesin e zbatimit të pajisjeve me kasa, një masë kaq e rëndësishme për lirinë e tregut dhe lirinë e njeriut.
Më tej ministri Bode iu përgjigj dhe interesit të gazetarëve.

Pse nuk u pa mundësia e aplikimit të kasave portabile të paktën për biznesin e vogël, apo për shitësit ambulantë që do të kishin një kosto dukshëm më të ulët nga ajo që kanë kasat aktuale? A ka ndonjë mundësi për subvencionim?

E para një herë, për tipin e kasave janë vetë bizneset që zgjedhin, përderisa janë disa kompani në treg që operojnë me çmime të ndryshme dhe tip të ndryshme kasash. Pra bizneset do të mbajnë atë që është më e përshtatshme për ta dhe që plotëson njëkohësisht detyrimin ligjor për raportim të menjëhershëm on-line, si dhe të kenë kapacitet dhe memorie të mjaftueshme për aktivitetin që ajo kryen. Në këtë kuptim, ne nuk mund të paragjykojmë tipin e kasës që vjen në tregun tonë, pasi ajo është e lirë. Ne fillim ne licencuam 5 kompani, dy nga të cilat nuk plotësuan kushtet për të qenë me pajisje të përshtatshme që transmetojnë on-line. Ndërkohë janë tre kompani që tashmë kanë kaluar test-provën në një dhomë prove që ka Drejtoria e Përgjithshme e Tatimeve dhe që operojnë me implementimin e kasave. Sigurisht që u kemi kërkuar dhe do të këmbëngulim për t’ju kërkuar që qoftë ambulantëve, qoftë dhe bizneseve të vogla, të cilat mund të përballojnë shërbimin e tyre me një pajisje më pak të kushtueshme, atëherë të implementojnë kasa më pak të kushtueshme. Dhe për një gjë të tillë unë kam urdhëruar që të bëhet një investigim nga ana e Administratës Tatimore në të gjithë rrjetin e vendosjes së kasave. Ende jemi në fazën jomasive, pasi nga rreth 120 mijë biznese që do të plotësohen me kasa vetëm 12 mijë janë plotësuar deri më sot, pra jemi diku tek 10 për qind. Ndërkohë që ligji detyron që brenda këtij viti, pajisja me kasa duhet të jetë e realizuar në të gjitha bizneset. Pra jemi në një proces, të cilin po ndjekim me shumë vëmendje dhe me shumë kujdes.

Sa i takon subvencionimit?

Lidhur me subvencionimin, është një shërbim që siç biznesi e ble tavolinën, blen kompjuterin që i shërben për administrimin e tij, atëherë edhe ai ka detyrimin që në vend të tavolinës të blejë dhe një pajisje të vogël për shtetin që të deklarojë të ardhurat. Ne nuk i kemi ndërhyrë se çfarë pajisjesh blen ai, por kërkojmë një pajisje fiskale që të ketë kapacitetin që të transmetojë në kohë reale të dhënat. Ky është një detyrim ligjor.

Pse është e domosdoshme që edhe shitësit ambulantë edhe biznesi i vogël të transmetojë të dhënat online, në kohë reale, tek Drejtoria e Përgjithshme e Tatimeve?

Ky është një standard që ne e kemi vendosur dhe që përbën standardin më të mirë për transparencën dhe konkurrencën e ndershme, përndryshe nëse ne vendosim kasat të cilat nuk janë të përshtatshme dhe që nuk janë thjesht sa për të pasur një kafaz. Ju si gazetar ma keni kërkuar edhe vetë si spunto para 2-3 vjetësh se kur do të fillohet me implementimin e kasave fiskale. Dhe unë ju kam thënë se do të fillojmë atëherë kur ne të jemi gati, çka do të thotë kur ne të kemi një rrjet informatik dhe një sistem të modernizuar të funksionimit të Administratës Tatimore. Tashmë ne jemi në këtë fazë që i kemi mundësitë për të thithur informacion në kohë reale nga të gjitha bizneset dhe në të gjitha format e tij: në formën e faturave dhe në formën e pajisjeve fiskale. Por ajo që ndodh në pajisjet fiskale është fakti që pajisjet fiskale masin taksën që paguan qytetari për llogari të shtetit dhe që jo gjithmonë mbetet në llogari të shtetit.

Gazeta55

[shigjeta]

Kasat, Berisha: Do t’i rimbursojmë

Kreu i Qeverisë, Sali Berisha, deklaroi dje se bizneseve do t'u rimbursohet shuma që kanë shpenzuar për blerjen e pajisjes fiskale, duke e njohur këtë shpenzim ose si taksë të paguar. Ky reagim i Kryeministrit vjen në kohën kur prej ditësh disa tregtarë të tregut industrial pranë Medresesë kanë dalë në rrugë, duke protestuar kundër vendosjes së pajisjeve fiskale. "Ajo kasë që vendoset për atë shumë që keni do t'iu quhet taksë e paguar. Lidhur me problemet që mund të krijohen me qeveritë vendore, do ta zgjidh Qeveria qendrore me një dialog me qeveritë vendore, por për bizneseve nën 50 mijë dollarë, apo 50 milionë lekë do t'u zbritet në taksa, të tjerëve u zbritet në shpenzime dhe nuk ka asnjë lloj problemi me to", detajoi Kryeministri. Ai u shpreh se biznesi i vogël do paguajë taksë reston që mbetet pas zbritjes së çmimit të kasës. Të gjitha këto premtime të kreut të ekzekutivit pritet që në javët në vijim të sanksionohen në vendime përkatëse, të cilat do t'i dërgohen për miratim Parlamentit. Kryeministri Berisha nuk ngurroi të bënte edhe një paralelizëm për kasat fiskale, të cilat i ka konsideruar si pasaporta biometrike për biznesin. "Pasaporta biometrike e biznesit është kasa, por kasa ka një implikacion tjetër shumë të madh për qytetarin e thjeshtë. Deri më sot, fatkeqësisht disa taksa, jo të gjitha, por disa taksa rëndojnë njëlloj si tek Kryeministri, ashtu edhe tek punonjësi më i thjeshtë, tek rojtari i shkollës, si tek njeriu më i pasur i vendit, ashtu edhe tek ai që është në ndihmë ekonomike", tha Berisha. Duke kërkuar mirëkuptimin e biznesit, kreu i Qeverisë i ka mëshuar faktit se pajisja me kasa fiskale është një detyrim ligjor që duhet të zbatohet, kjo në të mirë edhe të taksapaguesve. "Ne kemi vendosur taksat më të ulëta. TVSH-ja është taksa e konsumatorit, është taksa e qytetarit, të themi atë që është, të vërtetën, është taksa që rëndon mbi shpatullat e të gjithë qytetarëve shqiptarë që futen, që blejnë në magazinat dhe dyqanet e këtij vendi. Dhe duke vendosur këtë standard ne bëjmë një shpërndarje shumë më të mirë të të ardhurave. Ne nivelojmë peshën e taksave mbi qytetarët, ndaj dhe nuk ka e nuk mund të ketë asnjë kundërshtim për vendosjen e kasave", tha Berisha. Pajisjen me kasa fiskale të biznesit, Berisha e lidhi edhe me synimin që ka Qeveria për të rimbursuar qytetarët për TVSH-në e paguar. "Qeveria ka përgatitur deklaratën e qytetarit të të ardhurave, në mënyrë që në fund të vitit, atyre të cilët u takon t'u kthehet TVSH-ja, t'ua kthejmë dhe këta nuk janë pak. Por për të bërë këtë veprim, Qeveria do faturën në çdo mall që blen", u shpreh Kryeministri.

Gazeta Panorama

[SKRAPARI]

veshtire se mund ti perdorin kasat shqiptaret. shqiptari hilen dhe vjedhjen i ka ne gjak.

[shigjeta]

Ne asnje vend nuk kane qene popullore lol. Diku duhet te filloj, edhe Shqiperia nuk mund te jete ndryshe.

[Uriel]

Pasi të gjitha subjektet të pajisen me kasat fiskale, projekti do dështojë në të njëjtën mënyrë si ligji anti-duhan. Nuk mund të pretendohet një sistem i tillë në një vend ku nuk ekziston kultura e qytetarit dhe vetdijësimi për të mirën e përbashkët. Projekte të tilla sa do të reklamuara e propaganduara, hasin vështirësi të pakapërcyeshme tek qeliza bazë e shoqërisë civile, që është formësimi i qytetarit si individ.

[brooklyn2007]

400 e kusur dollare bleu kasen fiskale im at ketu e 15 vite para dhe jo qe su perdoren fare, por u hodhen te gjitha ne plehra. Te kishin kushtuar nja 50 dollare po ua beje "hallall", por 400$ jane vertet shume per banoret e nje vendi qe nuk zbatohet ligji. Keshtu eshte edhe tani pas 15 vjetesh me kasa qe kushtojne 480 Euro. Prape xhevahire te pushtetit te partise demokratike.

[juanito02]

400 e kusur dollare bleu kasen fiskale im at ketu e 15 vite para dhe jo qe su perdoren fare, por u hodhen te gjitha ne plehra. Te kishin kushtuar nja 50 dollare po ua beje "hallall", por 400$ jane vertet shume per banoret e nje vendi qe nuk zbatohet ligji. Keshtu eshte edhe tani pas 15 vjetesh me kasa qe kushtojne 480 Euro. Prape xhevahire te pushtetit te partise demokratike.

Tamam ashtu eshte. Kur kam qene atje edhe mua me rrasen me zor nje kase 400 usd qe kurre se perdora se tipin e punes e e kisha hyrje dalje ne banke.
Shume njerez i kane ruajtur ato dhe po qe per inventar qe te kesh nje kase ne dyqan bejne ato.
Jo po duhet me modul online thote shteti bandit i Sales. Vidh o Bode vidh.
Se dhe keto te rejat per lesh do vene se online ska asnje trip interneti stabel ne Shqiperi. Plus njerezit te lodhur nga mungesa e shtetit dhe korrupsioni as qe do i perdorin ato.
Pse si bejne si bota e qyteteruar ku kasa eshte e dyllosur e prone e shtetit njelloj si sahati elektrik.
I jepet ne dyqan biznesit dhe shteti kur e ka te veten shkon kur te doje ti mare te dhenat qe i duhen.
Jo ta blejne me zor njerezit , bejne dhe ligj mafioz qe ta mbeshtese e i vjen mendja verdalle njerezve.

Kur them qe shteti eshte bande hajdutesh ja ku eshte nje nga vjedhjet me te ndyra qe po ndodh ne Shqiperi krahas vjedhjeve te tjera ne cdo sektor publik.

[leci]

Ne asnje vend nuk kane qene popullore lol. Diku duhet te filloj, edhe Shqiperia nuk mund te jete ndryshe.

Sigurisht qe duhen kasat,por ne Itali psh. kemi akoma kasat qe perdoreshin ne vitet 50.
Kurse ne Shqiperi jane nderruar 3 here ne 15 vjet.
Sa antike qe jane kta italianet...ncncncnc

[-BATO-]

Sipas temës del se Rama është i keqi ndërsa Berisha është i miri. I miri kërkon zhvillim, ndërsa i keqi e pengon.

S'di ç'të them. Pulitika është e thellë dhe e pakuptueshme.

[juanito02]

Ca lesh Rama eshte i keq. Politike kokpalaresh qe ben kjo pd cdo gje mashtruse e injorante.
Rama tha thjesht qe kasat duhen patjeter po asnjehere shteti ska bere pune me to qe te forcoje sistemin fiskal e te kete trasparence ne tatimin e bizneseve por shteti asnjehere nuk ka menduar per keto po ka menduar te fuse vetem xhepat.
Te pakten kete radhe Rama ka thene nje gje te mencur nga ana tjeter kokpalaret e quajne sikur Rama qenka kunder kesaj reforme me rendesi !!!!!
Te vjen realisht per te vjelle me keta kokapalaret e rd. Ska me te ndyre.