Përkthime nga D.D.

[Diabolis]

Nga ditari i nje poeti martuar sevoni

Ti hoqa petalet si një trëndafili

Ti hoqa petalet si një trëndafili,
për të parë shpirtin tënd,
por nuk e pashë.

Por gjithçka perreth:
vijëqiellat e tokave dhe deteve,
të gjitha, bile dhe pafundësia,
u mbush me një aromë
të papërshkrueshme dhe jetësore.

[Diabolis]

Është një kopësht në të sajën faqe
Ku trëndafila dhe zambakë të bardhë çojnë,
Një parajsë tokësore atje në paqe,
Ku gjithë frutat e dashur brerojnë.
Atje qershi rriten që askush nuk i ble dot
Derisa "Qershitë e pjekura" të qajnë lot.

Ato qershi mirë rrethuar
Me perla orienti në dy rrethorë,
Që kur ajo qesh aq dashuruar,
Duken si gonxhe trëndafilësh plot me borë;
Por ato as fisnik as princ nuk i ble dot,
Derisa "Qershitë e pjekura" të qajnë lot.

Sytë e saj si ëngjëjt mbrojnë ato
Vetullat si harqe të tendosura qëndrojnë,
Kërcënojnë me vrentësi therrëse të vrasin këdo
Nga ata që me sy a dorë tentojnë
Atyre qershive të shenjta t'ju dalin zot,
Derisa "Qershitë e pjekura" të qajnë lot

Thomas Campion

[shigjeta]

Shume bukur perzgjedhur dhe perkthyer krijimet e Jimenez. Nuk kisha patur rastin t'i lexoja me pare, por me pelqyen shume (nuk e di nese edhe "Është një kopësht në të sajën faqe" i perket te njejtit autor?)

Pershendetje

[Diabolis]

Është një kopësht në të sajën faqe

Është një kopësht në të sajën faqe
Ku trëndafila dhe zambakë të bardhë rriten,
Një parajsë tokësore atje në paqe,
Ku gjithë frutat e dashur brerojnë.
Atje qershi rriten që askush nuk i ble dot
Derisa "Qershi e pjekur" të bjerë si lot.

Ato qershi mirë qarkuar
Me perla orienti në dy rrethorë,
Që kur ajo qesh aq dashuruar,
Duken si gonxhe trëndafilësh plot me borë;
Por ato as fisnik as princ nuk i ble dot,
Derisa "Qershi e pjekur" të bjerë si lot.

Sytë e saj si ëngjëjt mbrojnë ato
Vetullat si harqe të tendosura qëndrojnë,
Kërcënojnë me vrentësi therrëse të vrasin këdo
Nga ata që me sy a dorë tentojnë
Atyre qershive të shenjta t'ju dalin zot,
Derisa "Qershi e pjekur" të bjerë si lot.

Poezia është nga Kampion, shkruar nja 500 vjet të shkuara.
Sa për përzgjedhjen e përkthimeve kam tre rrugë:
1. ato që lexoj ndërkohë nga ku shkëput ndonjë,
2. nga 100 poezitë më të bukura sipas llojeve që i rihap kur ngehem; nga antologjitë po ashtu,
3. ato që forumistat e tjerë pëlqejnë a sugjerojnë.

[Diabolis]

Bariu i dëshiruar të dashurës së tij

Jeto me mua, bëmu dashuria
Që kënaqsitë ti provojmë të gjitha
Në këto kodra e gryka, lugina e fusha
Pyje a drurë të maleve me rrëpira.

Ne do të rrimë përmbi shkëmbinj
Kur kullosin tufat të shohim barinjtë,
Anës lumenjve të cekët, në ujvarat e të cilëve
Zogjtë melodiozë ja thonë madrigaleve.

Unë do të të bëj një shtrat trëndafilash
Dhe me mijra tuflule erëmirash
Një kurorë lulesh, edhe një cibunë
Qëndisur fund e krye me mërsinë.

Një gunë bërë nga leshi i pastruar
Prej qingjave bukuroshë grumbulluar,
Pantofla të sheshta për të mos mbërdhirë
Me tokëza të arta për të vetëtirë.

Një rrip prej kashte e lule dredhka,
Me kapse korali dhe sumbulla të qelibarta,
E nëse të nxitin këto kënaqsira,
Eja jeto me mua, bëmu dashuria.

Enë t'argjëndta për esencat e tua
Sa të çmuara dhe të mira kur ja thua
Mbi tryezë fildishi do jenë shtruar
Përgatitur çdo ditë për ty dhe mua.

Barinjtë e rinj me këngë do ti prijnë valles
Për kënaqsinë tënde Majit çdo mëngjes
Nëse mendjen ta nxisin këto kënaqsira
Atëhere jeto me mua, bëmu dashuria.

[Diabolis]

Përgjigjia e Nimfës për bariun

Nëse gjithë bota dhe dashuria do ishin rinore
Dhe e vërteta në çdo gjuhë baritore,
Mund të më nxitnin të bukurat kënaqsi
Të rroja me ty dhe të të bëhem dashuri.

Koha nget kopetë nga fusha në vathë
Kur lumenjtë tërbohen dhe shkëmbinjtë ftohtë,
Dhe bilbili bëhet memec bëlbëzak;
Kusuri ankohen për meraqet nga pas.

Lulet veniten, dhe s'nevojiten fushat
Me dimrin e rrëshqitshëm njehëso frutat
Një gjuhë mjalti, një zemër prej vrerit,
Pranvera e kënaqsive, por vjesha e trishtimit.

Guna, këpucët, shtrati yt i trëndafilave
Kurora jote, cibuna dhe tufat me lule,
Shpejt grisen, shpejt vyshken, shpejt harrohen,-
Në marrëzi piqen, në gjykim prishen.

Gjerdani yt prej kashte dhe luledredhka
Tokëzat prej korali dhe sumbullat e qelibarta
Të gjitha këto nuk më nxitin kurrsesi
Të vij me ty të të bëhem dashuri.

Por nëse rinia zgjat dhe dashuria rritet,
Për gëzimin as datë as moshë nevojitet,
Atëhere mendjen mund të ma nxitin këto kënaqsi
Të vij me ty të të bëhem dashuri.

[Diabolis]

nga....

Kënga e dashurisë e J. Alfred Prufrok

Le të shkojmë atëhere, ju dhe unë,
Kur mbrëmja të jetë përhapur qiellit mbi ne
Si një pacient i anestezuar mbi tryezë;
Le të shkojmë, mes atyre rrugëve gjysëm shkret’
Ku mërmërima tërhiqet
Nga netët e pagjuma në hotele të lira një natëshe
Dhe restorante tallashi guaska midhjesh:
Rrugë që pasojnë si një argument i lodhshëm
Qëllimi tinzar
Të të prijnë në një pyetje dërrmuese...
Oh, mos pyet, “Ç’është kjo?”
Le të shkojmë dhe bëjmë vizitën tonë.
Në dhomë gratë eja dhe shko
Gjith’ duke thënë Mikelanxhelo.
Mjegulla verdhane që kruan të pasmen përmbi faqe dritaresh,
Tymi verdhan që fërkon turirin në faqe dritaresh,
Lëpin gjuhën e tij brenda qosheve të mbrëmjes,
Zvarritur mbi pellgje që notojnë thatësi,
Le të bjerë mbi të pasmen e tij bloza rënë nga tymari,
Të shkasë nga tarraca, të bëjë një kërcim të beftë
E duke parë se kjo ishte një natë e butë tetori,
Të shtillet njëherë rreth shtëpisë, dhe të bjerë në gjumë.
Dhe me të vërtetë do të ketë kohë
Për tymin verdhan që rëshqet përgjatë rrugës
Duke kruar të pasmen përmbi faqe dritaresh;
Do të ketë kohë, do të ketë kohë
Të gatitë një fytyrë të takojë fytyrat që ju takoni;
Do të ketë kohë për të vrarë dhe krijuar,
Dhe kohë për gjithë punët dhe ditë punësh
Që ngrejnë

......

I do!

[Cupke_pe_Korce]

Pergezime per perkthimet! Ne nje "maratone" te tille c'do koment me duket pa vend, megjithate, kam nje pyetje per ty:

Meqenese nuk e ke harruar Dublinin dhe gjenite qe ky qytet i fali botes, te ka ndodhur te perkthesh ndonje poezi nga William Butler Yeats?...dhe ne vecanti "When you are old"?

Vazhdoj ti ndjek me kenaqesi perkthimet e tua!

[Diabolis]

Lexo po tek Encikolpedia Letrare temën "Rrënja e vjetër e një blerimi (Kur të jesh mërzitur shumë)

Kur të plakesh
(William Batler Yeats)

Kur të plakesh të thinjesh dhe gjumë të ndjellësh,
Dhe të kotesh pranë zjarrit, këtë libër mere,
Dhe lexo ngadalë, dhe ëndërro pamjen e butë
Që sytë të patën, dhe ngjyrimet e thella syresh;

Sa i deshën çastet që falje me kënaqsi hijeshuar,
Ta deshën bukurinë me dashuri të rreme a dlirësi,
Por një burrë të dashuroi atë shpirt shtegtari,
Dashuroi brengën e çehres tënde shfytyruar;

Dhe kërrusur poshtë në vatër ndanë hekurash,
Mërmërit, paksa e trishtë, si Dashuri të la
Dhe u preh përmbi malet atje la'
Dhe fshihte fytyrën shoqëruar mes yjesh.

[katana]

Postuar më parë nga D D
nga....

Kënga e dashurisë e J. Alfred Prufrok

Le të shkojmë atëhere, ju dhe unë,
Kur mbrëmja të jetë përhapur qiellit mbi ne
Si një pacient i anestezuar mbi tryezë;
Le të shkojmë, mes atyre rrugëve gjysëm shkret’
Ku mërmërima tërhiqet
Nga netët e pagjuma në hotele të lira një natëshe
Dhe restorante tallashi guaska midhjesh:
Rrugë që pasojnë si një argument i lodhshëm
Qëllimi tinzar
Të të prijnë në një pyetje dërrmuese...
Oh, mos pyet, “Ç’është kjo?”
Le të shkojmë dhe bëjmë vizitën tonë.
Në dhomë gratë eja dhe shko
Gjith’ duke thënë Mikelanxhelo.
Mjegulla verdhane që kruan të pasmen përmbi faqe dritaresh,
Tymi verdhan që fërkon turirin në faqe dritaresh,
Lëpin gjuhën e tij brenda qosheve të mbrëmjes,
Zvarritur mbi pellgje që notojnë thatësi,
Le të bjerë mbi të pasmen e tij bloza rënë nga tymari,
Të shkasë nga tarraca, të bëjë një kërcim të beftë
E duke parë se kjo ishte një natë e butë tetori,
Të shtillet njëherë rreth shtëpisë, dhe të bjerë në gjumë.
Dhe me të vërtetë do të ketë kohë
Për tymin verdhan që rëshqet përgjatë rrugës
Duke kruar të pasmen përmbi faqe dritaresh;
Do të ketë kohë, do të ketë kohë
Të gatitë një fytyrë të takojë fytyrat që ju takoni;
Do të ketë kohë për të vrarë dhe krijuar,
Dhe kohë për gjithë punët dhe ditë punësh
Që ngrejnë

......

I do!

do ta perfundosh kete per mua, te lutem...
po me pelqen dhe me shume tani qe po e shijoj dhe ne shqip.