SHBA: PS te votoje Gjykaten Administrative PS: JO!

[DYDRINAS]

Opozita, i vetmi institucion që nuk funksionon

Nga Iljaz Labi

Pas afro 6 muaj qeverisje, krijimi i koalicionit PD-LSI pas zgjedhjeve të 28 qershorit qartësoi të gjithë skeptikët se ky koalicion do të funksiononte. Duke harruar për një moment opozitën, marrëdhënia ndërmjet demokratëve dhe Lëvizjes Socialiste për Integrim po ecën siç duhet dhe kanë filluar të prodhojnë frytet e para. Nuk ka dyshim, që kjo arrihet me një qëllim të përbashkët që ka ky koalicion, integrimin e vendit në BE, që shqiptarët shumë shpejt të lëvizin të lirë si pjesë e Evropës së bashkuar. Liberalizimi i vizave ka qenë me kohë një nga pikësynimet e LSI dhe më vjen mirë që kjo forcë politike të jetë promotore në realizimin e këtij qëllimi. Edhe pse një forcë politike me bindje të qendrës së majtë nuk bëri sehir, siç po vepron aktualisht PS, partia mëmë nga ajo e cila ka dalë, por për hir të interesave kombëtare dhe profilit të saj partiak, meriton të mbajë në dorë pishtarin e lirisë së çdo shqiptari.

LSI tregoi forcën e saj me kalimin në Parlament të projektligjit për uljen e moshës së pensionit të minatorëve, i cili ka qenë një nga pikat e programit të saj elektoral dhe qeverisës. Ky ligj pa diskutim do të pasohet edhe nga të tjerë, si ligji për moshën e tretë, miratimi i të cilit është pjesë e programit të qeverisë së re, dhe që do të forcojë dimensionin social të saj. Qeveria e Integrimit Evropian dhe mazhoranca e re parlamentare do të vazhdojnë veprimtarinë e tyre normale në realizimin e detyrimeve dhe premtimeve ndaj zgjedhësve dhe në avancimin e axhendës së reformave sociale dhe integruese të venditLëvizja Socialiste për Integrim është një faktor i rëndësishëm në jetën politike të vendit, ndaj përgjegjësitë dhe angazhimet e saj në skenën politike nuk do të kishin asnjë vlerë nëse ajo do të qëndronte asnjanëse. LSI kreu detyrën e saj për të cilën ajo është krijuar, ku interesat kombëtare rreshtohen në krye të listës së qëllimeve. Motivi për krijimin e një shteti me të drejta të plota evropiane duhet të bashkojë çdo forcë politike, si një hap i domosdoshëm për zgjidhjen dhe kapërcimin e impasit politik dhe si një shenjë të sjelljes evropiane të të gjithë aktorëve dhe faktorëve politikë parlamentarë.Një force politike e qendrës së majtë që është në lokomotivën e qeverisjes së djathtë, po qëndron stoike në idetë e saj, e cila po provon qartë se qëllimi i LSI-së nuk plotësonte dëshirën e tre-katër individëve në qeveri, siç u përfol në fillim të bashkimit të saj me PD, por po mbron objektivat e saj, sfidën e anëtarësimit të Shqipërisë në Bashkimin Evropian.


PD dhe LSI tashmë kanë një barrë mbi kurriz, ku përveç objektivave që duhet të realizojnë si qeveri, duhet të mbajnë mbi kurriz edhe këtë opozitë të çorientuar nga humbja e pushtetit. PS duhet të kuptojë se kjo sfidë nuk është sfidë vetëm e mazhorancës qeverisëse, por për gjithë shoqërinë shqiptare dhe padyshim është në radhë të parë sfidë për opozitën.
Thirrjet për dialog politik po shkojnë në vesh të shurdhët, por lidershipi socialist duhet të kuptojë se të mirat e këtij vendi kërkojnë edhe kontributin e opozitës. Përmes dialogut politik në Kuvend do të gjejnë zgjidhje shumë çështje. Duke ndjekur rrugën e mirëkuptimit e ballafaqimit, arena politike do të garantojë realisht liberalizimin e vizave, lëvizjes e lirë të qytetarëve shqiptare në Bashkimin Evropian, por edhe realizimin e të gjithë reformave të rëndësishme në funksion të anëtarësimit të vendit në BE. Dialogu kërkon dy palë, qeveria ka qenë dhe mbetet e palëkundur për dialog. Njëkohësisht mendoj që dialogu synon parime të përbashkëta mbi të cilat do mbështetet dhe qëllime të përbashkëta. Qëllimi ekziston, sepse dhe opozita është shprehur gjithnjë për integrimin evropian të vendit dhe gjithë shqiptarët janë për integrimin evropian të vendit, pavarësisht se kanë votuar për të majtën apo për të djathtën. Opozita të mos zhgënjejë të paktën elektoratin që e ka votuar pasi edhe ata duan të lëvizin të lirë në Evropë.
PS nuk duhet të përdorë gjuhën kërcënuese dhe ultimative pasi nuk tregon gjë tjetër veç se, shprehje të krizës dhe të frikës së lidershipit socialist për t'u ballafaquar me alternativat që i kontribuojnë të ardhmes evropiane të vendit.
Opozita duhet të marrë në dorë rolin e saj dhe së bashku me maxhorancën të marrin përsipër realizimin e sfidave për mirëqenien e vendit. Sfidat e dy forcave që qeverisin vendin janë të shumta, por në radhë të parë janë ato që sjellin zhvillimin e formimin e një shteti demokratik, gjë që nuk mund të kryhet pa opozitën. Janë sfidat që kanë të bëjnë me realizmin e reformave që kërkon integrimi, që kanë të bëjnë me garantimin e premtimeve që tashmë janë pjesë e programit qeverisës, sidomos të atyre që kanë të bëjnë me përmirësimin e shërbimeve në arsim, shëndetësi, rritjen e punësimit në mënyrë që të sjellin zhvillimin ekonomik të vendit.
Qysh në fillimet e saj PS nuk e ka pasur për traditë të ndjekë rrugën e bojkotit dhe të kërcënimeve. Forma të tilla sjellin frymën e anti-shtetit dhe anti-institucionit. Këto janë frymëzime anti-evropiane. Qeveria vazhdon punën e saj, të gjitha institucionet funksionojnë, i vetmi institucion që nuk funksionon në mënyrë demokratike dhe bashkëpunuese është opozita. Socialistët duhet ta zgjidhin krizën e tyre sepse nuk arrijnë dot që krizën e tyre ta kthejnë në një krizë për të gjithë shqiptarët, për shtetin, dhe për institucionet.
Lidershipi i PS-së duhet të kuptojë pozicionin në të cilën gjendet sot Shqipëria, anëtare në NATO si dhe aspiron me devotshmëri të jetë anëtare me të drejta të plota në BE. Në këtë kuadër socialistët do të marrin të gjitha meritat nëse nuk ndrydhin dëshirën e një kombi të tërë që të lëvizin jashtë kufijve të vendit.
Lëvizja Socialiste për Integrim do të vazhdojë të përballet me sukses në pozicionin e saj të ri qeverisës, me objektiva politike të së majtës progresiste Evropiane, që konsistojnë në rritjen e solidaritetit social në shoqërinë tonë dhe politikat tona, që kërkojnë rritjen e barazisë sociale dhe mundësive për të gjithë. Gjithashtu realizmin e politikave zhvillimore që sjellin punësim, mbrojtje sociale dhe eliminimin e varfërisë, një arsimim më të mirë për brezin e ri për përgatitjen e një force pune të kualifikuar, të menaxherëve, drejtuesve të rinj dhe mundësi më të mëdha për rininë. Plani për veprim është një premtim që do të mbahet gjatë 4 viteve të qeverisë pasi ky koalicion po funksionon më së miri. Në një nga fjalimet e tij kreu i LSI Ilir Meta është shprehur se "Unë nuk e konsideroj veten njeri të fjalëve të mëdha, por kam qenë, jam e do të jem njeri i fjalës së dhënë dhe i premtimeve të mbajtura, sepse besoj në forcën tonë të përbashkët, besoj në aftësitë dhe kapacitetet e shkëlqyera të mijëra shqiptarëve të aftë dhe të përkushtuar për të punuar për atdheun e tyre, sepse besoj në energjinë dhe pjekurinë e rinisë së shkëlqyer që kemi"
Prandaj, besoj se koha e fjalëve boshe dhe e premtimeve të pa mbajtura po mbaron e se më tashmë ka filluar një kohë e re. Koha e punës dhe e veprave. Sepse është koha për veprim.


Sekretar Politik i LSI,
në Qarkun e Durrësit

Gazeta Integrimi

[DYDRINAS]

Meta për Gjykatën Administrative “Mos votimi i ligjit, PS tregoi se është kundër integrimit dhe interesave të qytetarëve”


Zv. Kryeministri dhe ministri e Ekonomisë dhe Energjetikës, njëkohësisht dhe kryetar i LSI, ka reaguar dje rreth vendimit të opozitës për të mos votuar ligjin për Gjykatën Administrative. Ai u shpreh se me vendimin e marrë nga lidershipi i opozitës, për të bojkotuar votimin e këtij ligji kaq të rëndësishëm, PS ka konfirmuar se është një forcë kundër integrimit evropian të vendit, kundër zhvillimit të biznesit shqiptar dhe kundër interesave të qytetarëve shqiptarë. “Kokëfortësia e lidershipit aktual të Partisë Socialiste për të mos votuar për krijimin e Gjykatës Administrative tregon se thelbi i kësaj force aktualisht është antiintegrimi i vendit, tregon se e gjithë retorika për t’i ardhur në ndihmë biznesit nga arbitrariteti i qeverisë, apo institucioneve të tjera, është veçse një demagogji, sepse nuk ka institucion tjetër më të rëndësishëm për të ndihmuar biznesin nga çdolloj padrejtësie sesa Gjykata Administrative”, është shprehur ai. Meta ka vazhduar fjalën e tij, duke siguruar shqiptarët se qeveria nuk do të heqë dorë nga misioni e saj për të vazhduar punën për integrimin e vendit, duke përfshirë kështu edhe ndihmesën ndaj biznesit. Sipas z. Meta, ligji për Gjykatën Administrative është prioritet i mazhorancës dhe do të bëjë gjithçka për t’ia mundësuar biznesit shqiptar, heqjen e burokracive të kota që pengojnë punën dhe zhvillimin e biznesit në vendin tonë. I pyetur rreth lëvizjes më të fundit në parlamentin shqiptar të deputetit të pavarur Paulin Stërkaj dhe vendosjen e tij në krah të opozitës, z. Meta është shprehur: “Mazhoranca është më solide se një vit më parë. Është më e pastër se një ditë më parë. Jemi një vend demokratik. Të gjithë kanë të drejtë të ëndërrojnë. Në 28 qershor të vitit 2013 mbyllet mandati i kësaj mazhorance dhe shqiptarët do të kenë mundësi të zgjedhin ndërmjet alternativave të ndryshme. Kjo është një mazhorancë, e cila në themelin e saj ka një marrëveshje politike, kryesisht mes dy forcave politike, Partisë Demokratike dhe Lëvizjes Socialiste për Integrim. Jemi të sigurt se asnjë presion dhe asnjë shantazh, dhe asnjë kalkulim i gabuar nuk mundet që t’i bëjë presion kësaj mazhorance në emër të korrupsionit apo edhe të krimit të organizuar”, tha Meta.

Gazeta Integrimi

[Station]

z. Meta është shprehur: “Mazhoranca është më solide se një vit më parë. Është më e pastër se një ditë më parë. ”, tha Meta.

Edhe Enveri mbasi "shpartallonte" grupin armiqësor të radhës kështu shprehej se po dilnin më të fort se kurrë.

[DYDRINAS]

Pazarin e prisha, tha...

Nga Frrok Cupi

Ajo qe ndodhi dje ne Kuvend, sipas te folmes se vjeter mund te quhet "prishje e pazarit". Socialistet (ish-komuniste), ne momentin kur duhej votuar ligji per Gjykaten Administrative, u ngriten dhe iken. Votimi ishte sugjeruar sidomos nga Shtetet e Bashkuara te Amerikes, si kusht per investimet ndaj Shqiperise. Kishte zera deputetesh qe iu thane Socialisteve se "ju kerkoni 20 perqindeshin", prandaj edhe bojkotoni. Alegoria sillte para sysh nje akuze te fundit ndaj kryetarit te Bashkise se Tiranes qe eshte edhe kryetar i PS, i cili eshte kapur ne korrupsion me 20 perqindeshin ne lejet e ndertimit... Por megjithate fjala e vjeter "pazarin e prisha" ka nje kuptim me te gjere. Cfare ndodhi dikur me kete psikoze? ... Fshatari qe kishte zbritur ne Shkoder per pazar, mberriti ne fshat pas jehones qe kishte shkaktuar ky vete ne "mexhlis". Kishte prishur pazarin e Shkodres. Se nga ishte ky njeri, saktesisht askush nuk e di. Dibranet e tregojne si dibran, kuksianet si kuksian, mirditoret si mirditor; secili me detaje krahinore. Me sa duket eshte nje fenomen negativ i kudondodhur qe prish pazarin ne sheher. Si e prishi pazarin fshatari i ardhur nga ku ta dish se ku? Kalonte para pulave, mes specave te kuq, para sardeleve te thara, rreze nje muri te ftohte, mes burrave te rende me qosteke sahati sermi; dhe, askush s'e vuri re. Atehere nxori koburen dhe ia dha me tre te shtena. Derkucet terbuan, pulat nuk dinin nga te dilnin, burrat lane kutite e duhanit... vetem caragat nuk u ndjene. Ky futi koburen ne brez dhe doli nga ana e malit e pazarit. Nja nje jave qendroi neper kulla miqsh, ku degjonte se nje "i marre" kishte prishur pazarin e Shkodres, por nuk i dukej me se kishte qene ky vete. Kur mberriti ne fshatin e tij, atje kuptoi se ishte marre vesh me emer se kush e kishte prishur pazarin. Ne fshat e priten me kersheri se "kushedi cfare fitove! Ku e ke sahatin e argjendte?". "Jo, tha burri, gje nuk fitova, por pazarin e prisha!" Sa shpejt kthehet rrota e ngjarjeve; here ashtu sic ndodhin, here ne alegorine e tyre! Ngjarja me Shkodren mund te kete jo me shume se shtatedhjete vjet, por ja ku jemi. Socialistet (ish-komuniste) dje e prishen pazarin, edhe pse nuk fituan gje. Duke mos formuar Gjykaten Administrative humben interesat e biznesit (qe kerkon mbrojtje ligjore ndaj arbitraritetit), humben interesat e vendit ndaj investitoreve te huaj; por humben edhe vete Socialistet (ish-komuniste). Humben sidomos perballe publikut qe do t'i kerkojne voten neser, por edhe perballe partnereve perendimore, sidomos amerikane. Shtetet e Bashkuara e kane njohur te frikshem komunizmin shqiptar, nga vijne edhe socialistet; prova e djeshme ishte perseri nje pikepyetje ndaj tyre. Socialistet (ish- komuniste) dje vetem prishen pazarin, pa gje nuk fituan... Sa shume njerez zbresin ne "sheher" vetem per te prishur pazarin; dhe, kthehen. Dje, delegatet e opozites sapo u kthyen nga Orikumi ku kishin ndezur nje zjarr te vogel revolucioni feudal, por meqe nuk iu eci, thane se me kaq ishte mjaft. Gjate periudhes se komunizmit, kur opozita e sotme kishte te gjitha pushtetet ne dore, ketu kishte ndodhur nje shkendije e perplasjes mes llojit me komunistet sovjetike, qe fatmiresisht mbaroi paqte... Disa muaj me pare, u ngrit nje furi e tere me fabulen: "tradhti kombetare ne ujerat territoriale" te Detit Jon, por edhe ky nuk solli fitim. Partia Socialiste, ne opozite, eshte instaluar ne bojkotin parlamentar prej me shume se nje vit; edhe kur paraqitet ne salle, nuk eshte prezente, ose ngrihet pupthi e iken shpejt. Parlamenti ne kohen me te shumte ka mbetur pa pune, ose le te themi pa punet kryesore qe i perkasin shtetit, si ligjet e rendesishme, reformat per afrimin me Europen dhe per liberalizimin e vizave pas nje shekulli izolim. Shkak per gjithe "prishjen e pazarit" eshte gjetur rihapja e kutive te votimit ne zgjedhjet parlamentare te 28 qershorit; gje qe nuk mund te behet dhe as ka arsye te behet. Te gjithe po presin qe "fshatari" qe qelloi me pistole ne mes te pazarit te Shkodres, te largohet ne shtegun qe te con drejt maleve te veriut dhe ta liroje fushen. Ai do te mund te mblidhet me veten dhe te shprehet i kenaqur se "pazarin e prisha, edhe pse gje nuk fitova". Republika e Shqiperise ndodhet ne nje treg te madh boteror ku vihen ne pyetje vlerat e medha te qyteterimit, te kahjes se vendit, te zhvillimit te ekonomise dhe te te drejtave, te lirise se individit. Momenti eshte aq i rendesishem sa mund te thuash se peshorja e pazarit mund te anohet negativisht, aq lehtesisht sa behet edhe nga budallai i fshatit. Perendimi kerkon besim, kerkon vullnet pozitiv, kerkon risi dhe dobi. Ne qofte se do te ndodhe qe me kete rast, opozita (e djeshme komuniste) te realizoje qellimin e keq te prishjes se pazarit, indikacioni shkon te secili individ; por shpagimi jo. Kush do te mund ta gjeje neser fajtorin qe prishi pazarin? Ai nuk eshte me, sepse do te futet mes nesh dhe do te ankohet perseri si patriot: "Kush e prishi punen?!". Ky fat i keq politik eshte vertitur shpesh here ne atmosferen e vendit tone. Kongresi i Lushnjes i vitit 1921, qe konsiderohet institucioni i pare i shtetit te pavarur pas epidemise se rende te qeverise se vitit 1912, gati deshtoi per shkak te "pazarit". Disa patriote tribale iu vune pushken dhe iu zune rrugen delegateve nga Veriu dhe Shqiperia e Mesme, pse "kishin gjak per te lare". Kongresi u mblodh tre jave pas dates se caktuar, por ne ate kohe lajmet "e Evropit" nuk kishin aq shume interes. Qe nga morsi i Ismail Qemalit, evropianet nuk kishin marre me lajme nga ky vend, por edhe lajmi i vonuar u quajt sikur nuk ishte. "Black hole" ose grope e zeze e konsideruan shume studiues e politikane. Edhe Lufta e pare Boterore ne rajonin ballkanik ka marre shkas nga nje individ shqiptar qe u gjet i vrare ne kufi, por qe u perdor si nje sebep per te "prishur pazarin" ne Ballkan. Me thelle, shume me thelle ne histori, "rasti' e la kete komb 300 e ca vjet pas Krishtit qe te rreshtohet me Perandorine e Bizantit dhe jo te Romes.

Koha Jone

[shigjeta]

SHBA, të zhgënjyera nga mosmiratimi i ligjit për gjykatat administrative në Shqipëri

Në Shqipëri ambasada e Shteteve të Bashkuara shprehu zhgënjimin e saj për mosmiratimin e ligjit për gjykatat administrative, gjë e cila, sipas një deklarate të ambasadës çon në tërheqjen e një ndihme të parashikuar prej 16 milion dollarësh
Projektligji për gjykatat administratove u rikthye në rendin e ditës së parlamentit pas parlajmërimit të bërë në fund të shtatorit nga ambasada amerikane, sipas të cilit ligji duhej miratuar brenda 30 shtatorit për të shmangur djegien e fondeve. Shumica e djathtë kishte shprehur gatishmërinë për miratimin e tij, por opozita tha se qëndrimi i saj ishte vetëm propagandistik pasi për një vit e kish mbajtur ligjin në sirtare megjithëse për të kishte patur sipas saj shumë vërejtje edhe nga misione ndërkombëtare përfshirë USAID-in. Ajo e kushtëzoi miratimin e projektit për Gjykatat administrative me arritjen e një marrëveshjeje për hetimin e zgjedhjeve të qershorit të 2009.
Në deklaratën e ambasadës amerikane thuhet se ajo u angazhua me të dy partitë dhe kërkoi mbështetjen e tyre për miratimin e këtij ligji dhe se shpreh mirënjohjen e saj për masat e marra nga shumica parlamentare për të kërkuar miratimin. Është për të ardhur keq që opozita zgjodhi të mos votonte projektligjin, shton më tej ambasada amerikane. Sipas saj, Ligji për Gjykatat Administrative u ndërtua për të ulur mundësitë për korrupsion, për të përmirësuar transparencën në sistemin gjyqësor, për të përforcuar sundimin e ligjit, për të rritur besimin e qytetarëve në institutionet publike, si dhe përafrimin e mëtejshëm të sistemit gjyqësor të Shqipërisë me standardet e kërkuara për integrimin në Bashkimin Europian.
Mosmiratimi i këtij ligji sipas ambasadës amerikane do të ndikojë gjithashtu edhe ndonjë shqyrtim në të ardhmen të “Statusit të Kompaktit” të Korporatës Sfida e Mijëvjeçarit, nivel ku ofrohen paketa financimi disa qindra milion dollarëshe.

VOA

[tias]

SHBA, të zhgënjyera nga mosmiratimi i ligjit për gjykatat në ëri

Në ëri ambasada e Shteteve të Bashkuara shprehu zhgënjimin e saj për mosmiratimin e ligjit për gjykatat , gjë e cila, sipas një deklarate të ambasadës çon në tërheqjen e një ndihme të parashikuar prej 16 milion dollarësh
Projektligji për gjykatat administratove u rikthye në rendin e ditës së parlamentit parlajmërimit të bërë në fund të shtatorit nga ambasada amerikane, sipas të cilit ligji duhej miratuar brenda 30 shtatorit për të shmangur djegien e fondeve. Shumica e djathtë kishte shprehur gatishmërinë për miratimin e tij, por opozita se qëndrimi i saj ishte ëm propagandistik pasi për një vit e kish mbajtur ligjin në sirtare megjithëse për të kishte patur sipas saj shumë vërejtje edhe nga misione ndërkombë përfshirë USAID-in. Ajo e kushtëzoi miratimin e projektit për Gjykatat administrative me arritjen e një marrëveshjeje për hetimin e zgjedhjeve të qershorit të 2009.
Në deklaratën e ambasadës amerikane thuhet se ajo u angazhua me të dy partitë dhe kërkoi mbështetjen e tyre për miratimin e këtij ligji dhe se shpreh mirënjohjen e saj për masat e marra nga shumica parlamentare për të kërkuar miratimin. Është për të ardhur keq që opozita zgjodhi të mos votonte projektligjin, shton më tej ambasada amerikane. Sipas saj, Ligji për Gjykatat Administrative u ndërtua për të ulur mundësitë për korrupsion, për të përmirësuar transparencën në sistemin gjyqësor, për të përforcuar sundimin e ligjit, për të rritur besimin e qytetarëve në institutionet publike, si dhe përafrimin e mëtejshëm të sistemit gjyqësor të ërisë me standardet e kërkuara për integrimin në Bashkimin Europian.
Mosmiratimi i këtij ligji sipas ambasadës amerikane do të ndikojë gjithashtu edhe ndonjë shqyrtim në të ardhmen të “Statusit të Kompaktit” të Korporatës Sfida e Mijëvjeçarit, nivel ku ofrohen paketa financimi disa qindra milion dollarëshe.

VOA

Shuplake e forte ne turinin e PS.

[djaliepirotas]

Topat le te bien,
Te ndizet toka flake perseri
S'luan Ruçi nga istikami.
I fundmi i skalioneve te Enverit po e mban peng PS dhe Shqiperine

[shigjeta]

Me poshte eshte deklarata e plote e ambasades amerikane, marr nga faqja zyrtare.

Ambasada e Sh.B.A. e zhgënjyer për dështimin për të miratuar ligjin mbi gjykatat administrative (6 Tetor 2010)


Ambasada e Shteteve të Bashkuara shpreh zhgënjimin e saj për dështimin në miratimin e ligjit mbi Gjykatat Administrative më 30 shtator 2010.
Ligji për Gjykatat Administrative u ndërtua për të ulur mundësitë për korrupsion, për të përmirësuar transparencën në sistemin gjyqësor, për të përforcuar sundimin e ligjit, për të rritur besimin e qytetarëve në institutionet publike, si dhe përafrimin e mëtejshëm të sistemit gjyqësor të Shqipërisë me standardet e kërkuara për integrimin në Bashkimin Europian. Ligji ishte identifikuar si një kërkesë e rëndësishme për Shqipërinë dhe ka pasur mbështetje të gjerë nga partitë politike dhe komuniteti i biznesit.

Dështimi në miratimin e këtij ligji ka çuar në tërheqjen e ndihmës së vazhduar të Sh.B.A. për përbërësin e Gjykatave Administrative në marrëveshjen e Korporatës Sfida e Mijëvjeçarit, një projekt afro 16 milionë dollarë. Veprimtaritë e planifikuara më parë që tani nuk do të vihen në zbatim nga Sh.B.A. përfshijnë instalimin e një sistemi elektronik të menaxhimit të çështjeve gjyqësore, blerjen e pajisjeve, mbikqyrjen e sesioneve fillestare të trajnimit, si dhe kryerjen e një fushate ndërgjegjësimi për të informuar qytetarët mbi atë se cilat do të kishin qenë përfitimet nga Gjykatat e reja.

Mosmiratimi i këtij ligji do të ndikojë gjithashtu edhe ndonjë shqyrtim në të ardhmen të “Statusit të Kompaktit” të Korporatës Sfida e Mijëvjeçarit si dhe mundësitë përkatëse për financim.

Ambasada e Sh.B.A. u angazhua aktivisht me të dy partitë dhe kërkoi mbështetjen e tyre për miratimin e këtij ligji. Ambasada e Sh.B.A. shpreh mirënjohjen e saj për masat e marra nga shumica parlamentare për të kërkuar miratimin. Është për të ardhur keq që opozita zgjodhi të mos votonte projektligjin.

Populli amerikan ka qenë bujar me ndihmën e tij të thellë për zhvillimin dhe përparimin e Shqipërisë. Qysh nga viti 1991, Shtetet e Bashkuara kanë ofruar mbi 700 milionë dollarë ndihma për Shqipërinë, përfshi programe të përqendruara mbi pakësimin e korrupsionit, çuarjen përpara të shtetit ligjor, forcimin e institucioneve demokratike, përmirësimin e kujdesit shëndetësor, promovimin e sigurisë më të madhe, si dhe sigurimin e zhvillimit të vazhduar ekonomik.

Ambasada e Sh.B.A. shpreh keqardhjen që kjo mungesë e legjislacionit të nevojshëm për Gjykatat Administrative kërkon tërheqjen e mbështetjes për një nismë të identifikuar si e rëndësishme nga të gjithë shqiptarët.

http://albanian.tirana.usembassy.gov/10pr_1006.html

[Station]

Jeni të pa parë në kthesat 360 gradëshe që bëni.
Kur fliste Ambasadori amerikan dhe mbante qëndrime kundër Qeverisë së Shqipërisë, ambasada amerikane ishte çerdhe komunistësh kurse për rastin në fjalë nuk lini fjalë pa cituar nga Ambasada e SH.B.A_ve.

[shigjeta]

Jeni të pa ë në kthesat 360 ëshe që bëni.
Kur fliste Ambasadori dhe mbante qëndrime kundër Qeverisë së ërisë, ambasada amerikane ishte çerdhe komunistësh kurse për rastin në fjalë nuk lini fjalë pa cituar nga Ambasada e SH.B.A_ve.

Me ka humbur ky citimi me "çerdhe komuniste", mund ta sjellesh, do jete me interes per t'u lexuar.
Nderkohe mbetet fakt qe PS doli kundra miratimit te ligjit qe eshte ne te mire te vendit.