Presidenti Fatmir Sejdiu jep doreheqjen nga posti i presidentit

[mesuesi_1]

Economist”: Thaç, ki kujdes!


Prishtinë. Presidenti i Kosovës, Fatmir Sejdiu, ka dhënë të hënën dorëheqje pas vendimit të gjykatës kushtetuese të Kosovës ku u tha se ai nuk mund t’i mbajë dy poste zyrtare, atë të presidentit të Kosovës dhe kryetarit të LDK-së. Derisa të zgjidhet presidenti i ri, ky post do të mbahet nga Jakup Krasniqi, kryetar i parlamentit të Kosovës, shkruan të hënën gazeta prestigjioze angleze, “The Economist”.

“Dorëheqja e Sejdiut, e cila erdhi befasishëm pavarësisht vendimit të gjykatës, nuk do ta ndryshojë peizazhin politik të Kosovës brenda natës. Por, mund të ketë efekte të dukshme në një periudhë afatgjate. Në Kosovë, fuqinë më të madhe pushtetare e mban kryeministri, ndërsa Sejdiu mund të jetë pajtuar me dorëheqjen e tij pikërisht se e ka në mendje atë detyrë (postin e kryeministrit)”, shkruan “The Economist”.

Vitin e ardhshëm, në Kosovë mbahen zgjedhjet e përgjithshme. Por muajin e ardhshëm, Sejdiu
mund të përballet me një sfidë nga Bujar Bukoshi në udhëheqjen e partisë. Sejdiu mund të jetë duke llogaritur se nëse mund ta mundë Bukoshin, ai do të niset t’ia zë vendin Hashim Thaçit vitin e ardhshëm, vlerëson “The Economist”.

“Shpresat e Sejdiut janë rritur me fatin e Ramush Haradinajt, lideri i partisë më të madhe opozitare në vend. Korrikun e këtij viti, Haradinaj u arrestua me urdhër të Tribunalit të Hagës, për krime për të cilat ai ishte liruar në vitin 2008. Gjykata vlerësoi se në gjykimin e mëparshëm kishte pasur frikësime të dëshmitarëve. Burgimi i Haradinajt ka dobësuar partinë e tij, duke ia hapur rrugën Sejdiut që t’i mbledh votat e atyre që janë lodhur me Thaçin”, shkruan e përditshmja “The Economist”.

“Vërtet sot mund të jetë fundi i sigurisë politike që e ka gëzuar kryeministri Thaçi që nga arrestimi i Haradinajt. Ka filluar t’i dridhet toka nën këmbët e veta”, thotë Engjellushe Morina, shefe e Iniciativës Kosovare për Stabilitet.

artikull goxha interesant .....

[Disa]

Më duket se për t'iu shmangur krizës institucionale në Kosovë, në situatën kur për çdo ditë po ndodhin gjëra të pakëndshme, autoriteti më i pranueshëm për të gjitha partitë, por para së gjithash për gjithë popullin shqiptar në Kosovë do të ishte Adem Demaçi. Pra duhet që në postin e Presidentit të Kosovës të zgjedhet Bacë Adem Demaçi, simbol i gjallë i rezistencës tonë kombëtare, i cili tërë tërë jetën e vet është duke ia kushtuar Kosovës dhe shqiptarisë në përgjithësi. Kjo mbase do të ishte edhe një sinjal i mirë edhe për botën demokratike, ngase një popull që nderon heronjtë e gjallë, siç është Bacë Adem Demaçi, e cila më në fund do të bindet se ne jemi popull i pjekur, dhe rrjedhimisht një popull me vetëdije politike dhe kombëtare do të mund ta bëjë edhe një shtet serioz, për të cilin dhanë jetën mijëra e mijëra dëshmorë të kombit, në krye me kryekomandantin legjendar Adem Jashari. Kur Parlamenti Evropian më 1990 e nderoi Adem Demaçin me Çmimin Saharov, atëherë përse më në fund edhe ne shqiptarët mos ta nderojmë me postin e Presidentit të Kosovës. Edhe pse dua të them se Baca Adem nuk ka nevojë për neve, për Kosovën, por ne, Kosova, shqiptarët në përgjithësi kemi nevojë për Bacën Adem. Dihet që Baca Adem është njeri i pakompromis kur është në pyetje çështja kombëtare, shteti. Madje është i rreptë kundër korrupsionit dhe kundër devijimeve tjera, të cilat na kanë lodhur aq shumë.
Prandaj edhe njëherë i propozoj Kuvendit të Kosovës që ta zgjedh për President të Republikës së Kosovës Bacën Adem Demaçi, simbol i gjallë i rezistencës sonë kombëtare, fitues i Çmimit Saharov dhe i shumë çmimeve tjera kombëtare dhe ndërkombëtare, ish-Përfaqësues i Përgjithshëm i UÇK-së, dhe një humanist i madh. Uroj që kjo të ndodh, për shkak se Kosovës tani në këto momente mjaft tensionuese, i duhet një njeri në krye të shtetit, siç është Baca Adem Demaçi.

[laguna blu]

Vërtetë ka qenë mirë të vehej Baci. Kështu nuk harxhojmë asnjë Euro për përkthyes në bisedimet me Serbinë. Ndoshta na bën edhe ndonjë konfederatë tip "Ballkanie" me ta. Mbasi ti ketë kry ato punë i shkruan memoaret se qysh e vodhi diasporën shqiptare, qysh u grind me zonjën Ollbrajt dhe bashkë me mikun e tij Kapllan Resuloviq do të zgërdhihen se si i'a hodhëm këtij kombi gomerësh sërish lakun në fyt...

Mbas nja 50 vitesh, Sllovenia papritmas do t'i botojë diku rreth 170 intervista dhënë UDB-së jugosllave nga ana e tij.

[Drenica 97]

Vërtetë ka qenë mirë të vehej Baci. Kështu nuk harxhojmë asnjë Euro për përkthyes në bisedimet me Serbinë. Ndoshta na bën edhe ndonjë konfederatë tip "Ballkanie" me ta. Mbasi ti ketë kry ato punë i shkruan memoaret se qysh e vodhi diasporën shqiptare, qysh u grind me zonjën Ollbrajt dhe bashkë me mikun e tij Kapllan Resuloviq do të zgërdhihen se si i'a hodhëm këtij kombi gomerësh sërish lakun në fyt...

Mbas nja 50 vitesh, Sllovenia papritmas do t'i botojë diku rreth 170 intervista dhënë UDB-së jugosllave nga ana e tij.

Po Sejdiun e shkarkuan se nuk e dike serbishten as Rugova se ka dite asnje fjal serbisht,me jau numru kryetarve te meparshem fjalet dhe veprat qe i kan ber ne sherbim te titos,lkj antar te ciles kan qen te dyt quditesh sa besnik kan qen ndaj nenes parti(lkj)e ne fund ja ndrruan emrin nga lkj ne ldk.Sllovenia po i hapka dosjet dhe qka pastaj "spiuni"paska qendru ne burg e" patriotet "merrnin tituj prof.dr. nga partia,kredi te buta,troje e pallate pushimet i kalonin ne greqi,asgje nuk jan dosjen sllovene i akuzuari merret ne pyetje,maltretohet keshtu ishte ne komunizem,edhe serbia do ti hap dosjet aty do ta shihni kush ishin udbashet,kosistet....
Adem Demaci mund te mos jet zgjedhja me e mire per shkak te moshes,keto dyshime qe i ngritni ju ndaj personalitetit te Demacit jane budallakina qe i gjen vetem ne mesin e shqiptarve .

[dardani8]

Rregulla kushtetuese qe nuk e lejon te jeshe kryetare partije dhe president Republike eshte krejt e pakupetimet.
Presidenti i republikes zgjidhet nga kuvedi dmth e zgjedh politika dhe nuk ka asnje arsue qe te mos jete ne krye te nje partije politike.

Kjo rregull eshte shume me vend dhe kete Rregull e ka shkell edhe Rugova e tash edhe Sejdiu.
Rregulla ne Realitet tregon se Presidenti duhet te jet i te gjithe Qytetarve e nese ai ne te njejten Kohe eshte edhe Kryetar i nje Partie politike me kete ve ne dyshim Neutralitetin e tije.
Por e mjer Populli se kush e udheheq ne vend se ket pune ta rregullonte para dy viteve ai reagon edhe thote se Gjykata Kushtetues eshte ngutur ajo gjykate ne te cilen rrine ulur vete njerzit e zgjedhur nga Sejdiu dhe Thaqi.

[Llapi]

Buja: S’duam president me gjysmë mandati
28-09-2010 15:35 CET

Prishtinë. Partia Demokratike e Kosovës shpreson që Lidhja Demokratike, partnere në koalicion, të ketë një qëndrim të qartë rreth funksionimit të koalicionit pas dorëheqjes së presidentit Sejdiu.

Në një intervistë për BBC-në, shefi i grupit parlamentar të PDK-së, Ramë Buja, thotë se sipas të gjitha gjasave vendi do të shkojë në zgjedhje të parakohshme.

“Realisht, dorëheqja e presidentit konsideroj se është një akt simpatik moral i tij në momentet e fundit kur duhej që Kuvendi të mos futej në telashe të reja, por në fakt nuk mund të themi se gjithçka është në rregull dhe asgjë nuk na ka trazuar. Vendi nuk është në krizë institucionale, aktualisht, për faktin se Kushtetuta e sqaron se detyrën e presidentit që mund të largohet nga pozita e tij për arsye të ndryshme e zëvendëson menjëherë kryetari i Kuvendit. Kjo detyrë është bartur dhe unë nuk besoj që ka telashe që mund ta sjellin vendin në krizë”, ka thënë Buja .

Shefi i grupit parlamentar të PDK-së ka thënë gjithashtu se edhe tema e rrezikimit së koalicionit PDK-LDK duhet të diskutohet.

“Do të duhej që vërtetë të diskutohej kjo gjë, meqë ka pasur shumë përfolje, por unë po them se kjo gjë nuk na trazon. Unë jam ithtar i asaj dhe u kam thënë edhe kolegëve të mi që ta marrim me qetësi këtë gjë dhe t’i zgjidhim problemet pa ndjenja, por me arsye të plotë politike”, është shprehur Buja.

Më herët, edhe nënkryetari i LDK-së, Eqrem Kryeziu deklaroi për BBC-në se çështja është goxha serioze dhe se akoma nuk dihet asgjë se çfarë do të ndodhë pas dorëheqjes së presidentit, duke mos përjashtuar ndoshta edhe rrezikimin e koalicionit qeveritar. Ai ka thënë gjithashtu se kjo çështje po diskutohet fort
brenda strukturave të LDK-së.

Buja tha se kjo tema e rrezikimit të koalicionit nuk është diskutuar në kryesinë e partisë, mirëpo është diskutuar nga anëtarët që janë pjesë e institucioneve shtetërore.

“Në kryesi nuk e kemi diskutuar, por kemi diskutuar ne që jemi në institucionet shtetërore, jo një herë por disa herë dhe besoj që gjithçka po shkon në bazë të atyre që ne kemi menduar se mund të shkojë ose parashikimeve tona dhe unë besoj që kjo që e ka deklaruar Kryeziu, do të ishte mirë vërtetë të bisedohej thellë dhe arsyeshëm brenda subjektit që e ka prodhuar në një formë apo në formën tjetër këtë gjendje që kemi në Kosovë”, u shpreh Ramë Buja.

Shefi i grupit parlamentar të PDK-së tha gjithashtu se nuk e ka problem që në vend të Sejdiut të vjen një kandidat tjetër nga radhët e LDK-së, por se edhe zgjedhjet e parakohshme nuk i sheh si të pamundshme.

“Realisht, po të ishte mundësia kushtetuese ligjore që LDK-ja ta dërgonte një kandidat tjetër për të përmbushur këtë mandat sa ka mbetur, ne jemi për këtë gjë, por në fakt ka një “defekt” në kushtetutë që presidenti që do të zgjidhet, do të ketë mundësi të zgjidhet vetëm për një mandat të plotë dhe kjo pastaj i defekton gjërat. Nuk përjashtohet mundësia që të shkohet edhe në zgjedhje të parakohshme”, theksoi Buja.

Ai theksoi gjithashtu se në bazë të Kushtetutës, nuk ka mundësi që të ketë një gjysmë mandati presidencial.

“Kushtetuta e Kosovës nuk e mundëson një gjysmë mandati, andaj nuk ka disponim nga asnjë subjekt politik që t’i jepet një mandat i plotë një njeriu që vjen nga LDK-ja e që në zgjedhjet e ardhshme nuk e dimë se si do të jetë struktura e renditjes së partive të caktuara”, ka thënë Buja për fund, duke theksuar edhe njëherë se zgjedhjet e parakohshme nuk përjashtohen.

[laguna blu]

S'di kush e vetë këtë magar send. Janë shku shefat e vërtetë të Kosovës mi tregu ati gomarit tjetër shka me bo.Horë na boni pisi i pisave... Le që hajn po edhe injorant....
Nga gazeta Bota Sot:
Edhe në mbrëmje takime në kryeministri
Dorëheqja e Fatmir Sejdiut nga posti i Presidentit të Republikës ka krijuar një situatë jo të zakonshme në Kosovë, me ç’rast gjatë ditës së martë janë zhvilluar takime të shumta, kurse në mbrëmje në kabinetin e kryeministrit Hashim Thaçi është zhvilluar edhe një takim me dyer të mbyllura, ku morën pjesë ambasadorë të shteteve të Kuintit, komandanti i KFOR-it, shefi i ICO-së dhe ai i EULEX-it.

[beni33]

Tash Duhet Te Jep Dorheqje Edhe Traktoristi Zotri Hashim Thaqi Dhe Largohet

[ARIANI_TB]

(Dorë)heqja

28 SHTATOR 2010 - E Diel 06:34

Gjatë një konference të jashtëzakonshme shtypi për gazetarët, sot dha dorëheqje Presidenti i Republikës së Kosovës, Fatmir Sejdiu. Më saktë, nuk qe tamam dorëheqje meqë Sejdiu nuk pati dorë këtu – atë e hoqën. Ky akt pati për pretekst vendimin e para pak ditësh të Gjykatës Kushtetuese, e cila mori qëndrim se Presidenti e ka shkelë Kushtetutën, respektivisht nenin 88.2, i cili thotë se: “Pas zgjedhjes, Presidenti nuk mund të ushtrojë asnjë funksion në parti politike”. Meqë Sejdiu, përveç që kishte qenë President, e kishte ruajtur edhe kryetarllëkun e LDK-së, Gjykata vlerësoi se ai kishte bërë “shkelje të rëndë” të Kushtetutës.



Në fjalimin e tij Fatmir Sejdiu tha se ai gjithnjë kishte punuar për interesin e Kosovës, demokracinë, sundimin e ligjit etj, prandaj këto ishin arsyet pse po e respektonte vendimin e Gjykatës Kushtetuese.



Fatmir Sejdiu dy vite ka qenë President i Kornizës Kushtetuese, kurse këto dy vitet e fundit ka qenë President i Kushtetutës së Kosovës që derivon dhe e merr legjitimitetin nga Plani i Ahtisaarit. Ai ka qenë, pra, President i një legjitimiteti të huaj, që nuk është verifikuar nga vullneti i popullit të Kosovës. Si mund ta quajë veten ish Presidenti si punëtor i interesave të qytetarëve, kur ka qenë garant i një akti juridik për të cilin nuk janë pyetur vetë këta qytetarë? Si mund ta quajë veten ish Presidenti si idhtar i madh i demokracisë kur për shkeljen e vullnetit të popullit i referohet Kushtetutës dhe Planit të Ahtisaarit?



Jo vetëm që Kushtetuta është jodemokratike, por edhe vetë Fatmir Sejdiu e ka shkelë atë. E ka shkelë atë që në ditën kur ka hyrë në fuqi. Fatmir Sejdiu e ka shkelë një akt jolegjitim (Kushtetutën e Ahtisaarit) për të zhvilluar veprimtari politike antishtetërore dhe antikombëtare. Fatmir Sejdiu e ka zbatuar Planin e Ahtisaarit në çdo aspekt që e dëmton Kosovën (decentralizimi, eksterritorialiteti, simbole etj), përveç në fushën ku atij personalisht i ka konvenuar për më shumë pushtet (mbajtja e posteve të dyfishta). Dëmi që iu ka bërë Kosovës deri tash nuk është fusha ku Fatmir Sejdiu nuk e ka zbatuar Kushtetutën por, saktësisht dhe mbi të gjitha, aspektet ku ai e ka zbatuar plotësisht dhe me përpikmëri atë. Shkelja serioze e Fatmir Sejdiut ka qenë zbatimi i Kushtetutës së Ahtisaarit. Kurse shkelje e dytë qesharake është moszbatimi i kësaj Kushtetute.


Kur ka qenë çështja e strukturave paralele të Serbisë, nuk ka pasë Kushtetutë. Kur është puna te kriminelët e luftës që enden të lirë, nuk ka Kushtetutë. Kur është problemi i pasurive të paligjshme të politikanëve, nuk ka Kushtetutë e as Gjykatë Kushtetuese. Kushtetutë ka për komuna të reja serbe apo për t’i serbizuar kishat dhe manastiret ortodokse. Kurse Gjykatë Kushtetuese ka atëherë kur interpretohet Kushtetuta për ndryshimin e stemës së Lidhjes së Prizrenit e të tilla vendime antishqiptare.



Fatmir Sejdiu u gjend para një dileme: ta lëshonte Presidentin a kryetarin e LDK-së. Për të më e rëndësishme u bë LDK-ja sesa presidenca. Po ta zgjedhte presidencën, do t’ia merrnin LDK-në. Prandaj e zgjedhi LDK-në që të mund të shpresojë sërish në presidencë. Sërish, në çdo veprim që ai ndërmerr, udhëheqin motivet elementare për pushtet, karrierë personale, pasurim familjar e klanor, përmbi interesat e popullit të vet, mbi hallet dhe problemet e qytetarëve, para çfarëdo vullneti kolektiv, shtetëror e kombëtar, po sikur vëllai i tij i pandashëm politik, Kryeministri Hashim Thaçi.



Lëvizja VETËVENDOSJE!

[Hyllien]

Gjëja pozitive është që për herë të parë në historinë moderne shqiptare dikush jep dorëheqjen. E pabesueshme, por një gjest civil që është për tu vlerësuar pamvarësisht se cfare nuk ka bërë Sejdiu.