Trafikohet vajza përmes Facebook

[Xhuxhumaku]

Trafikohet vajza përmes Facebook

E enjte, 23 Shtator 2010 08:37


Historia nis me njohjen e të pandehurit me të dëmtuarën përmes telefonit, e më pas me anë të komunikimit mes tyre në rrjetin social Facebook, ku i akuzuari kishte një adresë më emrin: tosisyjeshili@ facebook.com. Fatos Selmani, i lindur më 19 mars 1977 akuzohet se përmes njohjeve të tij, e ka trafikuar vajzën në Itali, ku njerëz të njohur të të dënuarit e kanë shfrytëzuar atë si prostitutë, ndërsa fitimet dërgoheshin me agjenci transfertash në adresën e të burgosurit në Shqipëri. Duke shfrytëzuar gjendjen e vështirë të vajzës 18-vjeçare dhe fejesën nga prindërit pa dëshirën e saj, i burgosuri e ka mashtruar të dëmtuarën, duke i premtuar se me paratë që ajo dërgonte nga Italia, do të paguante për të dalë nga burgu e më pas do të martoheshin e të jetonin së bashku jashtë Shqipërisë. Dosja penale e kësaj ngjarjeje u dorëzua në gjykatë nga prokuroria dhe brenda pak ditësh pritet të fillojë procesi ndaj të burgosurit.

Hetimi

Organet e drejtësisë u vunë në lëvizje për trafikimin e vajzës 18-vjeçare nga Rrashbulli, më 16 korrik 2009, kur prokuroria regjistroi dosje penale për ngjarjen me akuzën e “trafikimit të femrave”. Babai i vajzës, Sulejman G, kishte bërë kallëzim pasi në datën 2 maj 2009 rreth orës 21:00, vajza e tij me iniciale M.G, e datëlindjes 1991, ishte larguar nga banesa. Babai i vajzës denoncoi se pas largimit të saj, kishte marrë disa telefonata në telefonin e tij dhe të bashkëshortes nga persona të ndryshëm me numra të fshehur, të cilët i shqetësonin në çdo orë të ditës e natës. Babai i vajzës dyshonte se këta persona i kishin marrë vajzën dhe për këtë arsye, prokuroria ka vendosur fillimisht të hetojë të afërmit e 18-vjeçares M.G. Nga ky hetim ka dalë se në datë 10 gusht 2009, e trafikuara ka folur në telefon me familjen e saj me një numër telefoni italian. Prokuroria thirri si dëshmitarë shtetasit e afërm të zotëruesit të telefonit, A.E, O, E, dhe T. E, respektivisht vëllai, kunati dhe i afërmi i personit zotërues të numrit. Ai jetonte në Itali prej 4 vitesh dhe kishte disa muaj që i kishte thënë familjes së bashkëjetonte me një shtetase të huaj. Pasi të afërmit e këtij personi janë marrë në pyetje në Shqipëri, vajza e trafikuar i ka telefonuar të atit, më 28 dhe 29 gusht 2009 dhe i ka kërkuar atij të tërheqë kallëzimin e bërë në prokurori për largimin e vajzës. Ajo i ka thënë të atit se ndodhej në Itali me të dashurin, pa i bërë të ditur identitetin e tij.

Në gjurmët e trafikut

Prokuroria arriti të lokalizojë vendndodhjen e dyshuar të vajzës së trafikuar. Ajo dyshohej se mbahej në Milano nga emigranti shqiptar. Në këtë kohë, familjen e vajzës e kontaktoi një person i cili u prezantua si “dhëndër”, por nuk dha informacion për identitetin e tij. Ky person, që kishte telefonuar familjen e vajzës, nga hetimi u identifikua të ishte Fatos Selmani, i prezantuar tek prindërit e vajzës me emrin “Miri”. Ky person vuante dënimin në burgun e Fushë-Krujës, prej nga fliste vazhdimisht në telefon me anë të një numri celular. Prokuroria verifikoi se i burgosuri kontrollonte veprimtarinë e paligjshme të ushtrimit të prostitucionit në Itali nga vajza e trafikuar nga Rrashbulli i Durrësit. Menjëherë organi i akuzës iu drejtua me një kërkesë për ndihmë autoriteteve italiane, të cilave iu kërkua të marrin në pyetje vetë 18-vjeçaren që dyshohej si prostitutë.

Dëshmia e 18-vjeçares

Policia italiane gjeti vajzën e trafikuar dhe e mori në pyetje atë. Ajo tha se ishte njohur nëpërmjet telefonit me Fatos Selmanin në fillim të vitit 2009. Sipas vajzës, miqësia me të burgosurin është forcuar dhe gjatë bisedave telefonike 18-vjeçarja i ka shprehur “mikut të saj” dëshirën se kërkonte të largohet nga gjendja ku ishte, pasi prindërit e kishin fejuar kundër dëshirës së saj dhe bashkëshorti e familjarët e tij e keqtrajtonin dhe e kishin mbyllur në shtëpi, duke e detyruar të braktiste dhe shkollën. Vajza ka thënë se pas kësaj bisede, Fatosi Selmani i kishte ofruar mundësinë e largimit, duke i thënë se do ta çonte në Itali, pasi njihte njerëz që mund ta bënin një gjë të tillë. Më 2 maj 2009, vajza me iniciale M.G. është larguar nga shtëpia, duke marrë me vete pasaportën dhe një sasi prej 200.000 lekësh, të cilat prindërit ia kishin lënë si dhuratë për ditëlindje. Në dëshminë e saj 18-vjeçarja pohon se për largimin e saj nga banesa është kujdesur i burgosuri Fatosi Selmani, i cili i ka gjetur një taksist, i cili e ka çuar vajzën në qytetin e Korçës dhe e ka lënë në një lokal ku ndodheshin edhe persona të tjerë që po prisnin të shkonin në Greqi. Vajza ka thënë se e kaloi kufirin grek nga Kocrca mes maleve për 5 ditë. Më pas ajo ka thënë se ka marrë taksinë dhe ka shkuar në Athinë. Atje e prisnin persona të tjerë, që e kanë pajisur me dokumente greke, duke i paguar rrugën me avion për në Milano të Italisë.

“Jeta e re”

Në Milano vajzën e trafikuar e pret një person shqiptar, i cili kishte vëllain në burg me Fatos Selmanin, ideatorin e gjithë historisë. Vajza qëndron 4-5 në shtëpinë e këtij shqiptari dhe më pas sëmuret dhe pushon për 3-4 muaj. Gjatë kësaj kohe vajza mëson se personi që e kishte pritur në Milano kishte paguar 4000 euro për lejen greke, për kartën e identitetit dhe për rrugën me avion deri në Milano, kryer nga 18-vjeçarja. Ky fakt i është thënë vajzës nga “partneri i saj”, që fliste me telefon nga burgu i Fushë-Krujës. Ai i ka thënë vajzës se për të larë 4 mijë eurot duhej të punonte si prostitutë. Shqiptari që priti vajzën në Milano, i cili kishte tentuar disa herë të kryejë marrëdhënie seksuale me 18-vjeçaren, fillon të kërkojë paratë e paguara për rrugën e saj drejt Italisë. Vetë vajza kërkoi të fillonte ndonjë punë, por pritësi i saj i tha se nuk mund të punonte në Itali pa dokumente, kështu që zgjidhja e vetme sipas tyre ishte të punonte si prostitutë. Emigranti e ka çuar vajzën në një lokal ku ajo do punonte si damë shoqërimi, duke fituar një shumë prej 70 euro në natë dhe 5 euro shtesë për çdo raport me klientët. Nga këto fitime, e dëmtuara mbante 10 deri në 20 euro dhe të tjerat ia jepte pritësit të saj në Milano. Disa ditë pasi filloi punën si damë në lokal, ky person e çon vajzën në shtëpinë e një italiani ku i ka kërkuar të kryejë marrëdhënie seksuale kundrejt pagesës dhe e dëmtuara ka marrë 400 euro. Këtë shumë parash vajza ia ka dhënë emigrantit që kishte paguar udhëtimin e saj drejt Italisë. Nga ajo natë e dëmtuara ka filluar të prostituojë kundrejt pagesës dhe nga çdo klient fitonte deri në 300 euro për marrëdhënie seksuale. Ajo takohej me klientët deri në tri herë në javë dhe të gjitha fitimet, së bashku me ato që merrte si damë shoqëruese në lokal, ia jepte emigrantit shqiptar, deri sa u plotësua shuma prej 4000 eurosh që ky kishte paguar për rrugën. Pasi shleu borxhin ndaj këtij personi, paratë e fituara, e dëmtuara M.G. i dërgonte nëpërmjet Unionit Financiar tek i burgosuri Fatos Selmani ose tek njerëz të njohur të tij, në varësi të instruksioneve që i jepte me telefon nga burgu Fatos Selmani. Ky i fundit ka komunikuar me anë të letrave, në telefon dhe madje edhe nga rrjeti social Facebook dhe në e-mail, me vajzën e dëmtuar.

Arrestohet “tutori”

Në fund të vitit 2009 personi që kishte pritur vajzën në Torino arrestohet me një sasi kokainë nga policia italiane. Pas kësaj ngjarje, vajza qëndron në shtëpi me disa vajza të tjera që punonin tek lokali, me të cilat ndante dhe çmimin e qerasë së banesës. Vajza e dëmtuar ka dëshmuar se Fatos Selmani i kishte premtuar se me paratë që ajo po dërgonte nga Italia, ky i fundit do të dilte nga burgu për një periudhë 4-5 mujore dhe më pas do të shkonte në Itali dhe të dy do e lidhnin jetën në një vend larg Shqipërisë. Pasi kalon kjo periudhë, i akuzuari Fatos Selmani i thotë vajzës së ishte shtyrë gjyqi dhe kështu që ajo duhej të dërgonte të tjera para, në mënyrë që ai të dilte nga burgu. Në këtë kohë, kanë filluar edhe kërcënimet që Fatos Selmani akuzohet se i ka bërë ndaj vajzës, në mënyrë që ajo të mos largohej nga veprimet që po kryente, duke punuar si prostitutë. Nga burgu i Fishë-Krujës, me telefon, në Facebook dhe në e-mail, i akuzuari i ka thënë 18-vjeçares se kishte shumë shokë në Itali, të cilët ishin kriminelë dhe mund të vepronin. Pas këtyre ngjarjeve, vajza është frikësuar, por ka vazhduar të komunikojë me të akuzuarin nëpërmjet internetit. Ajo ka dëshmuar se Fatos Selmani kishte një adresë Facebook-u të tijën të quajtur “ tosisyjeshili@facebook.comKy email po mbrohet prej spambots-ave, të duhet JavaScript me e pa ”, me të cilën komunikonte me vajzën. Nga verifikimi i komunikimeve mes të dyve, sipas hetimit, është zbuluar se Fatos Selmani ishte shok i personit që kishte pritur vajzën në Itali, pasi ndodhej në qeli me vëllain e këtij personi, S.E. Prokuroria e Krimeve të Rënda gjatë hetimeve të zhvilluara ka provuar se vëllai i shokut të qelisë së Fatos Selmanit e kishte pritur të trafikuarën në Milano e më pas e kishte transportuar në Torino të Italisë, duke krijuar të gjitha kushtet që ajo të punonte si prostitutë.

Prokuroria

Në përfundim të hetimeve të zhvilluara në lidhje me ngjarjen, prokuroria pohon se i burgosuri në burgun e Fushë-Krujës, Fatos Selmani në bashkëpunim me personin që priti vajzën në Itali, e kanë trafikuar atë nëpërmjet mashtrimit. Prokuroria pohon se Fatos Selmani, duke përfituar nga gjendja e brishtë emocionale në të cilën gjendej shtetasja M.G., nga mosha e saj tetëmbëdhjetëvjeçare, ka krijuar tek ajo një varësi të plotë, fillimisht emocionale e më pas ekonomike dhe e ka rekrutuar e transportuar nga mjedisi rrethues (nga fshati Rrushbull) drejt ambientit në Itali, ku vajza është përdorur për qëllime kriminale përfitimi. Fatos Selmani i kishte premtuar martesë shtetases M.G., pasi sipas tij, ky i fundit do të dilte pas pesë muajsh. Gjatë kësaj kohe i burgosuri i ka bërë shantazh psikologjik të dëmtuarës në komunikimet e tyre në Facebook, duke i kërkuar asaj që të merrte para nga familjarët e saj dhe t’ia dërgonte Fatos Selmanit. Kjo ka ndodhur në kohën kur vajza e dëmtuar nuk kishte arritur të siguronte fitime financiare si në fillimet e saj në Itali. Gjatë gjithë kohës Fatos Selmani i ka dhënë nga burgu vajzës së dëmtuar instruksione të sakta për mënyrën si ajo duhej të mashtronte shtëpinë e saj. Në jo pak raste i akuzuari u thoshte familjarëve të viktimës se gjendej me vajzën të në Itali dhe hiqej i mërzitur, pasi “M. kishte abortuar fëmijën”. Disa herë në telefonata i burgosuri i ka kërkuar babait të vajzës të tërhiqte denoncimin e bërë në prokurori. Për tre muajt e parë të punës vajza të gjitha fitimet ia ka dorëzuar pritësit të saj në Itali dhe më pas, paratë janë marrë nga Fatos Selmani, i cili tashmë do të gjykohet në Gjykatën e Krimeve të Rënda për “trafikim të femrave”, vepër penale e cila parashikon dënimin deri në 15 vjet burg.

panorama.

[IL__SANTO]

Sa kemi evoluar si populll.Per tu habitur.Cdo mjet komunikimi kthehet ne menyre per te bere leke.

[Boy]

Mire qe e njeh ne internet, por e dine edhe qe ndodhet ne Burg... kjo meritonte nje perdhunim kafsheror 5 me 1.

[PINK]

keto artikujt sa vine e po behen bajate. Me duket si histori e sajuar e gazetaruceve atje.

[INFINITY©]

Ca do benin shqiptaret e shkrete pa FB...s'punoi per pak kohe FB sot dhe u krijua aq panik sa u hap teme ne forum per te. Ehhhhhhhhhhhhhh....ah sa per kete debilen, mori ate qe meritonte.

[ChuChu]

tosisyjeshil@facebook.com.
keta syjeshilat jane te parezistueshem n'fakt. lol

[Bamba]

Ty ste pelqejne syjeshilat e? Epo mire pra, syziu@facebook.com

[shkodra13]

Ne burg me celular?! Telefonata, email e facebook?!
Sa leke paskan marre rojet!!!

[smokkie]

E bukur e bukur si histori. E lexova deri ne fund.
Qe mos te them "fajin e kane prinderit qe jane kafshe qe e kane fejuar me zor dhe eshte kafshe dhe i fejuari qe e keqtrajton" ...........po them "kemi ndonje foto te kesaj prostitutes se vogel" ?

[Izadora]

Turp te kete faceboook qe merret me keshtu gjerash :-D