Nuk ka çmim Xhenneti.

[ramazan_it]

Falënderimi i takon Allahut, atë e falënderojmë dhe prej Tij falje e ndihmë kërkojmë. Kërkojmë mbrojtje nga Allahu prej të këqijave të vetvetes dhe të veprave tona. Kë e udhëzon Allahu s’ka kush e lajthit, dhe kë e largon nga rruga e vërtetë Ai, s’ka kush e udhëzon.
Dëshmoj se s’ka hyjni tjetër përveç Allahut, i Cili është Një, dhe dëshmoj se Muhammedi është robi dhe i Dërguari i Tij, lavdërimi dhe shpëtimi i Allahut qofshin mbi të, mbi familjen dhe shokët e tij, dhe mbi të gjithë ata, të cilët i pasojnë ata me të mira, deri në Ditën e Gjykimit.



Xheneti, (Ibn Kajjim el Xheuzije)



O ti njeri i për premtimin që Zoti të ka dhënë,

për të mirat e Xhenetit, dy fjalë kam për t'i thënë.



Nëse do të më pyesësh për tokën e Xhenetit dhe baltën e tij,

atje do të jenë prej myshku e shafrani, plot hijeshi.



Nëse më pyet për tavanin e Xhenetit, është Arshi i Rrahmanit,

kështjella të panumërta: Janë fryt i imanit!



Nëse më pyet për gurët, atje, janë të bardhë qelibar,

prej diamanti dhe perle, si margaritarë.



Nëse pyet për ndërtesat e Xhenetit si janë ndërtuar,

një bllok prej ari e një tjetër prej argjendi të kulluar.



Nëse pyet për pemët e Xhenetit se si janë,

trungje prej ari dhe argjendi ato kanë.



Frutat në kopshtet e Xhenetit janë të buta, të shijshme,

më të ëmbla se mjalti prej pemëve të hijshme.



Lumenjtë gurgullojnë qumësht, verë e mjaltë të kulluar,

shija s'u ndryshon e s'kanë të mbaruar.



Nëse do të pyesësh për ushqimin si do ta kenë,

fruta si t'i duan, mish shpendësh në të artat enë.



Dyert janë të mëdha e të gjëra plot,

dyzet vjet të ecësh nuk i përshkon dot.



Hijet në parajse, të gjata s'kanë mbarim,

kalorësi i përshkon për njëqind vjet pa pushim.



E ai që është më i varfëri - "Po ç'i varfër është ai?"

Se i duhen një mijë vjet të endet në kopshtet e kështjellat e tij.



Tendat e Xhenetit plot diamantë të mëdhenj,

poshtë dhomave të bollshme gurgullojne lumenj.



Veshjet e xhenetlinjve plot mëndafsh e ar,

fytyrat si hëna, të shëndritshme, qelibar.



Nëse do të dish se në ç'moshe e në ç'forme do të jenë,

tridhjetë e tre vjeçar e formën e Ademit do të kenë.



Me këngët e hyrive kënaqen e dëfrehen,

hareja dhe gëzimi dot s'mund të rrëfehen.



Do dëgjojnë profetët, engjëjt më të ëmblat zëra,

po kur dëgjojnë Zotin, më mirë se e tëra.



Mbi kuaj të artë do hipin, njëri-tjetrin vizitojnë,

kënaqen, krenohen, gëzojnë e urojnë.



Shtretërit ku mbështeten, si margaritarë,

mbi kryet e tyre kurora mbretërish në ar.



Shërbëtoret gati, të pastër, qelibar,

u rrinë te koka, kush shërben më parë.



Çasti më i lumtur, momenti më i gëzuar,

kur shohin Krijuesin, Zotin e Madhëruar.



Zoti do t'u flasë, do t'u japë selam,

"Kërkoni ç'të doni," - Thotë, - "më Bujari jam".



Zoti qeshur u flet, Madhështor e asgjë s'i ngjason,

Fytyrën e Tij të ndritshme, xhenetlinjve ua tregon.



Lum për besimtarët, për të madhin gëzim!

Punuan për këtë ditë, u bindën, bënë durim.




Çmimi i Xhennetit?



Një beduin erdhi tek i Dërguari i All- llahut dhe e pyeti:


"Çfarë çmimi ka Xheneti?" Profeti pqmt. i tha: "La ilahe il-Allah (nuk ka Zot tjetër që ta meritoje adhurimin përveç Allahut".



Ndërsa një ditë një arab erdhi tek i Dërguari i Allahut dhe tha:


"O i Dërguari i Allahut, më trego për një punë, të cilën nëse bëj, hyj ne Xhenet". Profeti pqmt. i tha: "Të adhurosh Allahun, të falësh namazin, të japësh zekatin e detyruar dhe të agjërosh Ramazanin". Burri tha: "Pasha Atë që ka në dorë shpirtin tim, nuk do të shtoj dhe nuk do të pakësoj asgjë prej këtyre punëve". Kur burri u largua Profeti pqmt. tha: "Kush gëzohet nëse sheh një njeri prej xhenetlinjve, le ta shohë atë burrë".



"Në të vërtetë All-llahu ka blerë nga besimtarët jetën dhe pasurinë e tyre në këmbim të Xhenetit..." (Et-Teube, 111)

Selam alejkum.