Rrezuar mbi vetminë...

[Agim Doçi]

Shfletova mijëra numratorë
Po Zoti i Madh nuk kish prefiks...
Librat e Shenjtë s'i zë me dorë
Jeta "përtejme" më rri si iks!

Eca gjithë jetën, udhë e pa udhë
që asnjeriut mos ti zë shtegun.
asnjë pikë ujë s'vura në buzë
durova dimër, durova zhegun.

Ndërtova Ura, rrëxova Mure
prita të vinte një ditë e ré.
Ti nga Vendlindja pse na përzure!?
Zot i Madhnueshëm ç'pate me né?!...

Ktheje pak kokën të qofsha falë
I Plotfuqishëm je vetëm ti!
Mëkatin Zot, përse s'na falë
Kur të mohuam në Shqipëri?!...

Po çfarë të bënim ne frikamanët!?
Rrëzuam Kisha, prishëm Xhami...
Mblodhi Enveri të gjithë Shejtanët
që derdhën nëmat mbi Shqipëri.

Sot të përulem Zot i Madhnueshëm
Që sundon botën dhe Gjithësinë!
Beso në shpirtin që klith pendueshëm
ndihmoma Zot Nënë Shqipërinë!

Nëse të lutem më forcë të fundit
Bekoji njerzit që janë hutuar.
Zgjoji o Zot ata prej gjumit!
Duruam shumë si të mallkuar...

Nëse të lutem nga adhurimi
dhe nga besimi që kam tek Ti
tek Ti kam shpresën, Ti je burimi
nuk shkoj në Kishë...as në Xhami!

Por do të ngrihem me klithmën time
dhe të përgjumurit unë do ti zgjoj!
Merre po deshe dhe jetën time
Se "të përtejmen" Ty ta dhuroj.

[uj me gaz]

...
I largët është caku të mbërrihet tek Zoti,
me labirinthin e shpresës vetvetiu hapur.

(Frederik Rreshpja)

[{A_N_G_E_L_69}]

E bukur poezia e par.Poeti kush esht se mora vesh..