Rama: Rinisim protestat per te rrezuar qeverine Berisha pas 15 tetorit

[RAPTILOID]

Gazeta sot




Lajmet Kryesore
Rama në Berat: Protesta në çdo cep për të përmbysur qeverinë
Kryetari i Partisë Socialiste, Edi Rama u ka kërkuar socialistëve në Berat të përgatiten për protesta masive me qëllim përmbysjen e qeverisë. “Qeveria u krijua falë vjedhjes së votës ndaj duhet të përmbyset sa më shpejt”, u ka thënë Rama banorëve të Beratit në kuadër të turit "Largohu- Shqipëria kërkon transparencë, drejtësi, zhvillim”.

Kryesocialisti theksoi më tej se Shqipëria ka degraduar ndaj sipas tij kjo qeveri duhet larguar me protesta në çdo bashki e komunë. Kreu i PS është ndaluar dhe në gjendjen ekonomike në vend dhe rritjen e numrit të të papunëve duke i sjellë si argumente të mjaftueshëm për të rinisur protestat. “Do të rifillojmë protestat tona dhe me më shumë kurajo deri në përmbysjen e kësaj qeverie. Nuk ka demokraci të vërtetë me këtë qeveri”, ka thënë Rama në Berat duke sqaruar se Shqipëria po vuan mungesën e transparencës. Pak ditë më parë kreu i Partisë Socialiste Edi Rama gjatë një takimi me socialistët ne qytetin e Elbasanit, akuzoi dhe njëherë pushtetin se po grabit çdo gjë që po i del përpara, dhe kjo si pasojë e vjedhjes së votave. Rama ka theksuar se denoncimet e fundit të opozitës, nuk kanë të bëjnë me marrjen e pushtetit por me transparencën. “Opozita kërkon një qeveri më bashkëpunuese dhe transparente, por kjo s'mund të ndodhë, pasi pushteti i Berishës është i krimbur kokë e këmbë”, ka theksuar ai.

*

[smokkie]

GO RAMA GO !
Thuhet qe policia shqiptare ka mare leksjone nga policia greke: si te perdorim gazin lotsjelles ne rast protestash.
Mos e dhente fati te bllokoje njeri rrugen kavaje-durres sepse e bej cdo dite me furgon plot me patate, per zotin nuk do ndaloj!

[Brari]

te besoj o shoku Rrapi te besoj..

ju a njoh forcen e aftesine e egersine e babarine e mjeshterine..
prandaj jam i pari qe leshoj alarmën..
zakonisht perdor videot qe gjej ne joutube.. per te sensibilizuar miletin..
sigurisht ju si seli roz kini me shum material per te treguar sepse ju me mire i dini gjerat.. sepse jini vete autret e atyre bëmave te tmerrshme te llojit 97 te.. mirpo ato ju i mbani sekret..
paska shkuar ne berat ustai juaj..
mir ka bere..
berati me rrethinat eshte keshtjelle e vjeter e enverizmes polpotiste...
jo me kot erionet tuaj neperka aty marrin fuxhut.. per ta perdhunuar kte te mjeren pak demokraci..
nuk i harroj mitingashet e 97 tes ne berat.. kur ju sulen bashkise e per pak minuta e ben shkrumb e hi.. e ne ajer fluturonin te shkrumbuara dokumentat e zyrave te shtetit.. dhe ju shkumezonit aty te sheshi ndersa bandat tuaja plackisnin e digjnin e percellonin cdo fije e tulle te shtetit shqiptar..
i harroj sic duket berati ato dite kiameti.. e harroj altin dardhen me tank .. u harruan kufomat rrugve e sokaqeve.. e harruan baterdine e mitralozeve.. e te kallashve me karikatoreve dopjo te lidhura me ushkur..

gjat e late demokracine te funksionoje mo rrapo..
nashi qe ju vjen pervjetori i babait.. e kini rastin te perfundoni detiren.. pra te lani hesapet me demokratet e ti kanibalizoni si ne vlor 97-te..
jini shtuar ju luizat.. e caushet..
tash kini dhe luiz xhuvane e mega e sesere.. e xhacka.. kini fatmir toca.. me kollare e me shum paskala e gjinusha... e hamit beqa e xhelil causha.. kini me shume fidela miliardara e me shume aldo bare e arapa qe mezi po presin te vringellojne hanxharet mbi kokat e njerzve..
edhe pergatitjet i kini bere shum sofistikejshen..

bekime tek vidhersi e linoja kini marre.. po dhe me dulen e paskalin i kini ujdisur pipzat me athinen..
vetem se.. nji gje nuk e kini fare siguramento..
qe ne ate kasaphane qe do shpertheni tani nga java e pare e tetorit.. e qe do arrije kulmet ne datat 10 deri me 16 tetor.. a do dilni dhe ju pa lagur..

nejse.. juve i planifikoni mire gjerat..
po une do kisha deshire.. kete radhe qe tju shoh dhe juve ne hell .. sikurse ju doni te shihni shqiperine.. te bere shkrumb e hi.. e ta provoni nji her cdo te thote.. ferr..

kot po te pies.. dini gje ju soji juaj se ku dhe kur e beri uje gërqishten ki kriedobici juaj..?
me porosi te ramizit a nexhos e beri ki monstra kte kursin e gjuhes?












.

[mesuesi_1]

PE-Rames: Qeveria permbyset vetem permes zgjedhjeve

Koha Jone

Rozeta Rapushi

Eurodeputetet ne Parlamenti Evropian, diskutuan mbi situaten politike ne Shqiperi, duke inkurajuar forcat politike qe te gjejne nje zgjidhje mbi ngercin e tejzgjatur ne vend. Deputetet e Partive Popullore po diskutojne mbi nje shtytje tjeter per politiken ne Shqiperi, ne kuader te vijueshmerise te dialogut mes tyre dhe ecurine drejt integrimit ne Bashkimin Evropian.

Eurodeputetja Dorsi Pack, fajesoi dje direkt kryetarin e Partise Socialiste, Edi Rama, si pergjegjesin e situates politike ne vend, duke kerkuar dialog dhe realizim sa me te shpejte te reformave. "Edi Rama, po kerkon me cdo kusht qe te permbyse qeverine, por ky proces behet nepermjet zgjedhjeve dhe ai duhet te prese procesin e ardhshem zgjedhor. Nese kerkon qe te ndryshoje ligjin zgjedhor, le ta beje, qeveria me sa e kemi pare ka qene dakord. Dua te kujtoj ketu se ky ligj zgjedhor eshte bere me konsensus te plote mes dy partive te medha politike PD-PS", tha Pack.

Sipas saj, Shqiperia ka bere reforma dhe ato jane te dukshme, pavaresisht se ka ende pune per t'u bere. Megjithate, Pack vleresoi faktin se nje nga ndryshimet e medha, eshte pajisja e shtetasve me karta identiteti si dhe zhvillimi i procesit zgjedhor. "Vitet e fundit ndryshimi ne Shqiperi ka qene i madh. Per shembull shtetasit po pajisen me karta identiteti e pasaporta, ne nje kohe kur ato nuk ekzistonin me pare. Procesi zgjedhor ishte i mire, madje me i miri i zhvilluar deri me sot, pavaresisht se ka disa probleme", theksoi Pack. Ne te njejten linje edhe eurodeputeti Eduard Kukan, u shpreh se partite politike, duhet te gjejne sa me shpejt gjuhen e perbashket dhe rrugen e tyre drejt Evropes. Si nje keshille per situaten konfliktuale ne vijim, Kukan tha se uron qe forcat politike te gjejne dialogun ne Kuvend. "Eshte bere nje hap para, pasi te pakten opozita eshte kthyer ne Kuvend dhe po merr pjese. Por une e ve theksin tek dialogu politik qe eshte shume i rendesishem per te ardhmen evropiane te Shqiperise", u shpreh Kukan.

Ne te njejten kuader, eurodeputetet vleresojne progresin e bere nga Shqiperia ne kuader te reformave, por ne kete aspekt theksojne se me shume pune duhet bere ne luften kunder korrupsionit dhe realizimin e reformave ne sistemin e drejtesise. Reforma te cilat jane peng i konsensusit te munguar prej me shume se nje viti PD-PS. Megjithate ne perfundim te fjales se tyre, eurodeputetet pervec ngercit politik ende prezent, theksojne se Shqiperia eshte ne rruge te drejte. 8-9 Tetor Ne javen e pare te muajit tetor, Parlamenti Evropian do te shprehe qendrimin e tij ne seance plenare, nderkohe vendimi perfundimtar per heqjen e vizave per qytetaret shqiptare pritet te merret ne mbledhjen e Keshillit te Ministrave te Brendshem te Bashkimit Evropian me 8-9 Nentor 2010.

Vleresimet, Komisioni Evropian: Vizat, jane plotesuar kriteret Raporti i Komisionit Evropian pro liberalizimit te vizave per Shqiperine me te gjitha vendet e Bashkimit Evropian, vlereson se vendi yne i ka permbushur te tre kushtet shtese te paraqitura ne maj te ketij viti dhe se eshte gati per liberalizimin e vizave ne fillim te muajit tetor. Ne raport vleresohet permbushja nga Shqiperia te tre kritereve shtese te paraqitura ne maj, krahas propozimit per heqjen e vizave Shengen per qytetaret shqiptare. Komiteti per Ceshtjet e Brendshme dhe Lirite Civile te Parlamentit Evropian, do te marre keto dite ne shqyrtim, raportin final te paraqitur nga Komisioni Evropian, se bashku me rekomandimin per liberalizimin e vizave me Shqiperine.

http://www.kohajone.com/zarticle.php?id=56798

[RAPTILOID]

Një milion të papunë, Rama bën thirrje për bashkim në protesta


KORÇË- Kreu Socialist Edi Rama ka vijuar turin e tij nëpër Shqipëri, ndërsa sot është ndalur në Korçë. Edhë njëherë Rama e vuri theksin tek rikthimi tek protestat si e vetmja rrugë për të larguar ketë qeveri, e cila sipas tij ka marrë peng demokracinë e vendit. Rama tha se Shqipëria nuk po zhvillohet, ndërsa pushteti po. Ai kujtoi edhe njëherë sot nga Korça numrin e madh të të papunëve në Shqipëri, që sipas tij shkon deri në 1 milion.

Duke u ndalur tek një nga temat e ditës, atë të paisjes së bizneseve me kasat fiskale, Rama tha se procesi është i korruptuar dhe se Berisha është i interesuar për përfitime nga ky proces.

[RAPTILOID]

*
Rama: Protesta kudo, në rrugë dhe në Parlament

*
Lideri i opozitës, nga Berati, tregon strategjinë e veprimit politik
Kryetari i Partisë Socialiste është ndalur dje në Berat, në kuadër të turit “Largohu: Shqipëria kërkon transparencë, drejtësi, zhvillim”. Ai është takuar me anëtarë dhe simpatizantë të kësaj partie në këtë qytet, ku ka qenë i shoqëruar nga kryetari i Asamblesë Kombëtare të PS-së, Gramoz Ruçi, dhe deputetë të majtë të qarkut. “Bashkëbisedimi që PS ka nisur në mbarë vendin po krijon mundësinë për meditim mbi gjendjen në të cilën ndodhet vendi sot”, e ka nisur fjalën Edi Rama, i cili ritheksoi situatën e vështirë të cilën opozita premton ta ndryshojë. Përmes rrugës së protestave dhe reagimit qytetar, PS po vë në lëvizje mekanizma opozitarë që pritet të materializohen në muajin tetor. “Ne do të vazhdojmë rezistencën tonë demokratike përmes protestave, në rrugë, në Parlament, në qytet e në fshat. Vetëm duke larguar Berishën dhe qeverisjen e tij, ne do të vendosim në vend drejtësinë e zgjedhjeve të vjedhura, transparencën e vjedhjes së votës”, deklaroi kreu i Partisë Socialiste. Mesazhi i opozitës jo vetëm i bën jehonë krizës ekonomike dhe pasojave shkatërrimtare të korrupsionit qeveritar, si pjesë e së keqes që ka përfshirë vendin, por ai në të vërtetë po zbulon edhe demagogjinë e madhe mashtruese mbi të cilën po ngrihet edhe kredoja e integrimit. Sipas Edi Ramës, situata dëshpëruese ku qeveria e Sali Berishës e ka çuar vendin, thjesht e mban Shqipërinë larg Bashkimit Europian. “Një qeveri e cila nuk e lë popullin të zgjedhë, është një pushtet interesash, është një qeveri që nuk do t’ia dijë për hallet, problemet e jo më pastaj për dëshirat, shpresat dhe ëndrrat e njerëzve. Ky është dallimi i madh midis një demokracie të marrë peng dhe një demokracie që funksionon, mes Shqipërisë së sotme, qeverisë së saj dhe vendeve të Bashkimit Europian, ku ne duam të bëhemi pjesë”, u shpreh Edi Rama. Ai ka prekur edhe ngjarjet e fundit në Tiranë, kur përmes një procesi që ai e quajti “të transparencës” po dalin në sipërfaqe një seri faktesh dhe të dhënash që dokumentojnë shqetësimet e opozitës. “Baladat që po dalin për ditë në dritën e diellit falë procesit të transparencës që ne kemi nisur, pasi e kemi thënë se ky nuk është një proces politik akuzash dhe shpifjesh për të fituar mbi kundërshtarin, por ky është proces transparence për të ndëshkuar të vërtetën e rëndë, që sot fatkeqësisht kemi mbetur të vetmit që kemi fuqinë dhe vullnetin ta ndëshkojmë në kushtet kur gjithçka rreth nesh është tkurrur dhe mbledhur në vetvete, që nga shoqëria civile, sipërmarrja dhe tek vetë mediat”, tha Edi Rama. Balada e korrupsionit e nxjerrë në sipërfaqe nga PS po shërbehet si mjet që plotëson moralisht angazhimin dhe kredon opozitare për të protestuar. Me një krizë që dëshmohet dita-ditës, me faktet e korrupsionit që nuk mund të përgënjeshtrohen dhe me demagogjinë e kapur në flagrancë të një Kryeministri që nuk njeh asnjë përgjegjësi për ato që ngjasin në qeverinë e tij, PS ka arritur të ndërtojë terrenin e një lëvizjeje që bëhet e natyrshme, për më shumë që kriza ekonomike sipas saj, ka zbritur deri në xhepin e çdo qytetari të thjeshtë, tek i cili shpresohet edhe ndryshimi. “Ne nuk duhet ta lëmë një popull që të mbetet peng i politikës së neveritshme që zanatin e politikës e kthen në zanat të vjedhjes. Sot në vend numërohen një milion të papunë dhe mjafton qoftë dhe ky fakt, që ne të kërkojmë largimin e kësaj qeverie. Me anë të protestave që do të zhvillojmë, në rrugë, në Parlament, ne do të mund të largojmë Berishën dhe qeverisjen e tij”, është shprehur ai.

[RAPTILOID]

Lajmet Kryesore
Topalli: Protestat e opozitës në prag të vizave, antishqiptare
Nga Muriqani ku zhvilloi një vizitë së bashku me një grup të Asamblesë Nacionale të Francës, kryetarja e parlamentit Jozefina Topalli tha se protestat paralajmëruara të opozitës janë antishqiptare dhe kundër lëvizjes së lirë. E pyetur për qëndrimin e Partisë Socialiste pas ultimatumit të Shteteve të Bashkuara për Gjykatën Administrative,

kryetarja e kuvendit shprehu besimin se opozita do të japë konsensusin e saj për projektligjin. “Në të kundërt opozita do të kryejë një tjetër vetëvrasje politike”, u shpreh Topalli. Duke përshëndetur vendimin e Komisionit të Brendshëm të Parlamentit Europian për heqjen e vizave me Shqipërinë, Topalli tha se vendi i ka plotësuar të gjitha kushtet për të përfituar lëvizjen e lirë.

*
Sot
I paska hy frika xhuzufines

[RAPTILOID]

Rama në Durrës: Qeveria sillet si organizatë kriminale
Kryetari i Partisë Socialiste ka vijuar turin e tij të takimeve me përfaqësues të kësaj force politike në rrethe. Ai është ndaluar kësaj radhe në Durrës. Gjatë fjalës së tij, Rama akuzoi qeverinë si një organizatë kriminale, ndërsa theksin e vuri tek gjendja ekonomike, e cila sipas tij është e rënduar. Rama e cilësoi këtë produkt të vjedhjes së votës dhe fajësoi

qeverinë për korrupsion dhe paaftësi. Në Durrës kryetari Rama, deklaroi se reagimi i kryeministrit Berisha për kasat fiskale ishte skandaloz. Në kët drejtim ai nënvizoi po ashtu se kryeminsitri Berisha në mënyrë skandaloze nuk uli çmimet. Ai shtoi se vendosja e kasave ishte antikushtetuese, dhe kriminale si dhe shitja e tyre është bërër përmes sistemit korruptiv. Përsa i përket kësaj çështje, nga përfitimi i këtyre kasave shkon nga 40 milion deri në 100 milion euro.


*

*

[RAPTILOID]

Rama: Berisha na futi në krizë
30/09/2010 15:00

Nga Durresi, kreu i Partisë Socialiste Edi Rama akuzoi kryeministrin se me votat e vjedhura në 28 qershor po kërkon të grabisë edhe Shqipërinë.
Kriza ekonomike ka qene pika kryesore ne te cilen eshte ndalur lideri i opozites duke theksuar se kabineti aktual vec korrupsionit dhe konfliktit te interesit eshte i paafte per me teper sipas tij per te drejtuar vendin.

“A e kuptoni se cfarë niveli sharlatanizmi duhet për të arritur në këtë majë të tillë të abuzimit me pushtetin me detyrën, të abuzimit me njerëzit”, tha Rama.

Lideri i opozites, nuk ka lene pa permendur edhe ate qe eshte kthyer ne ceshtje dite dhe per te cilen po perplasen ashper socialistet dhe demokratet, problemin e kasave fiskale.

“Pse nuk i rimburson drejtpërdrejt nga buxheti i shtetit? Se ato lekë nuk ka ndërmend t’ua ktheje më qytetarëve, por kërkon t’i fusë në llogarinë e oborrit të pushtetit, nga ky oborr që kërkon të plackisë Shqipërisë. Për ne ka vetëm një rrugë, atë të rezistencës dhe të protestës deri në largimin e kësaj qeverie”, tha Rama.

Ne situaten kur kriza politike nuk po merr zgjidhje socialistet kane nisur turin e takimeve neper rrethe te cilat do te pasohen me pas sipas selise roze me protesta masive qe do te synojne rrezimin e qeverise.

[RAPTILOID]

Tubimi
Kreu i opozitës vijon turin në Durrës: Pa hetim të zgjedhjeve, nuk ka votim në Kuvend
“Qeveri si të Berishës bien, nuk rrëzohen”. Me këto fjalë lideri i opozitës, Edi Rama, ka shuar nga Durrësi zërat për forma më agresive të protestave për të larguar Kryeministrin Sali Berisha nga pushteti, ndërkohë që ai dhe numri dy i socialistëve, Gramoz Ruçi, kanë shprehur qëndrimin e tyre kundër votimit të projektligjit për Gjykatën Administrative në Kuvend. Deputetët e opozitës do të jenë në seancën parlamentare, por qëndrimi i tyre nuk do të jetë pro miratimit të një projektligji, të cilit i është kontestuar, sipas Ruçit, 1/3 e neneve të tij nga USAID prej muajsh dhe ende që nga marsi e deri më sot Komisioni i Ligjeve nuk i ka marrë në shqyrtim ato. Pa një hetim të zgjedhjeve, pa transparencë të tyre nuk do të ketë një marrëveshje mes dy kaheve të politikës shqiptare, ndërsa është deklaruar se protestat do të vijojnë, pasi kriza është ulur këmbëkryq në vendin që po qeveriset nga asnjë organizatë me qëllim fitimin dhe një organizatë kriminale në disa drejtime. E ndërsa kryeparlamentarja Jozefina Topalli është shprehur dje e bindur për votimin e projektligjit nga opozita, në të kundërt do të ishte një vetëvrasje politike për të, në mbrëmje nga Durrësi vjen përgjigjja e opozitës përmes drejtuesve të saj. “Nuk është faji ynë pse këto reforma të munguara do t’i mungojnë ende shqiptarëve. Ne i kemi propozuar mazhorancës që PS është e gatshme për reformat dhe institucionet e munguara dhe kemi kërkuar një projektmarrëveshje përmes hartimit të një rezolute”, tha Ruçi në përgjigje të pyetjes për qëndrimin në seancën parlamentare të ditës së sotme, nga ana e deputetëve socialistë. Edhe kryesocialisti Rama, duke shprehur qëndrimin e kësaj force politike, u shpreh se problemi nuk është të shtojmë hallkat e një mekanizmi të korruptuar drejtësie, por të zbatojmë ligjet: Ne nuk vuajmë se kemi ligje dhe gjykata, po se ato në realitet nuk ekzistojnë, nuk funksionojnë. Hetimi i zgjedhjeve është guri i themelit”, Në takimin e Durrësit, ashtu si dhe në takimet e tjera me bazën, Rama theksoi se thellimi i varfërisë, papunësisë dhe i gjetjes së të drejtës në Shqipëri i kanë rrënjët te kutitë e mbyllura të 29 qershorit. Më tej ai e ka vlerësuar si skandaloz reagimin e Berishës ndaj kasave fiskale dhe protestës së tregtarëve, reagim që cenon ndjeshëm qytetarët përmes cungimit të buxheteve të bashkive dhe cilësisë së shërbimeve që ofron qeverisja vendore. Rama deklaroi se rruga e protestave është e vetmja që do të çojë në largimin e Berishës nga pushteti, ndërsa për sa i përket liberalizimit të vizave u shpreh se tashmë është një fakt thuajse i kryer, rezultat i vullnetit të Europës ndaj shqiptarëve dhe procesit të kandidimit të Shqipërisë si vend anëtar në BE. Në përgjigje të një tjetër pyetjeje, Rama deklaroi se çështje si ajo e Hamallajt kërkojnë dhe ndërhyrje drastike, po jo arrogancë, dhunë e shkopinj ndaj qytetarëve, po transparencë dhe bindje për investimet që do të kryhen. “Një vend si Shqipëria ka nevojë për investime e zhvillime e për masa shpeshherë drastike, po nuk ka vend për arroganca. Ajo që ndodh në atë fshat është thjesht një shenjë. Zgjidhja nuk ka pse të vijë me dhunë e shkop dhe nuk shpëtojmë dot nga këto nëse nuk ndryshojmë modelin e qeverisjes. Jemi në kushtet kur duhet të largojmë këtë despot. Po fjalët për largim me dhunë të ndokujt janë qasje të gabuara. Beteja është e vështirë. Kërkon rezistencë, vullnet dhe pasion”, përfundoi Rama bashkëbisedimin e tij me qytetarët në Durrës.